ماقتاارال اۋدانىندا توپان سۋدان زارداپ شەككەن 6128 تۇرعىنعا ۇكىمەت رەزەرۆى ەسەبىنەن 100 مىڭ تەڭگە وتەماقىتولەۋ ءۇشىن "حالىق" بانك كارتالارى تاراتىلاباستادى. وسى ماقساتتا قازىرگى تاڭدا مىرزاكەنتتەگى «گۇلسارا» تويحاناسى مەن «نۇربوبەك» بالاباقشاسىندا جانە ا. پۋشكين اتىنداعى جالپى ورتا مەكتەبىندە سونداي-اق، اتاكەنت كەنتىندەگى جانە تاعى دا باسقا ەۆاكۋاتسيالىق پۋنكتەردە ماماندار كارتا ۇلەستىرۋ جۇمىستارىن باستاپ كەتتى.
ءا. ۋسمانوۆتىڭ قورىنان 5202 وتباسىعا بولىنەتىن 1000 اقش دوللارلىق وتەماقى دا وسى كارتالارعا اۋدارىلاتىن بولادى.بۇگىن بۇل تۋرالى تۇركىستان وبلىسى قارجى جانە مەملەكەتتىك اكتيۆتەر باسقارماسىنىڭ باسشىسى ابدراحمانتاسىباەۆ ءمالىم ەتتى.
باسقارما باسشىسىنىڭ ايتۋىنشا، ۇكىمەت رەزەرۆىنەن بەرىلەتىن 100 مىڭ تەڭگە وتەماقى سۋ تاسقىنىنىن زارداپ شەككەن 5 ەلدى مەكەندە ياعني،جەڭىس، جاڭاتۇرمىس، فەرداۋسي، دوستىق، ورگەباس اۋىلىنداتۇراتىن 846 وتباسىنداعى 6128 تۇرعىنعا بەرىلەتىن بولادى. ال، ءا. ۋسمانوۆتىڭ قورىنان 1000 اقش دوللارىن سۋ باسقان جەڭىس، جاڭاتۇرمىس، فەرداۋسي، دوستىق، ورگەباس اۋىلدارىنان بولەك، ەۆاكۋاتسيالانعان مىرزاكەنت، اقجول، ت. جايلىباەۆ،جانتاقساي، ارايلى، نۇرلىتاڭ، نۇرلىجول، شۇعىلا ەلدى مەكەندەرىنىڭ5202 وتباسىنا ۇلەستىرىلمەك.
ايتا كەتەيىك، ماقتاارال اۋدانىنداعى بانك كارتاسىن تاراتۋ ورىندارىندا كوروناۆيرۋس ىندەتىنە بايلانىستى قابىلدانعان ساقتىق شارالارىنىڭ بارلىق تالاپتارى قاتاڭ تۇردە ساقتالۋ كوزدەلگەن.
تۇركىستان وبلىسى
