ءتىپتى، تەمپەراتۋرامدى ولشەۋ ءۇشىن تەرمومەتر سۇراپ الۋىما تۋرا كەلدى. ۇيدە الدەقايدا تەزىرەك ەمدەلەر مە ەدىك.
كوروناۆيرۋس جۇقتىرىپ العان بەلگىلى قازاقستاندىق ادۆوكات دجوحار ۋتەبەكوۆ الماتىدا جاڭادان سالىنعان ينفەكتسيالىق ارۋحانانىڭ ۇيىمداستىرۋ جۇمىستارىنا كوڭىلى تولمايتىنىن جەتكىزدى، دەپ حابارلايدى Skifnews.kz اقپارات پورتالى.
جەلىدە بەلسەندى ادۆوكاتتىڭ Facebook پاراقشاسىنداعى جازباسىنا كوزجۇگىرتسەك، ول "مۇندا ءتىپتى، پاتسيەنتتەردىڭ ءوزىن تەكسەرمەيتىن بولسا، ونى نەگە ءبىزدىڭ قوماقتى قاراجاتىمىزعا سالدى؟ بۇل دەگەنىمىز - قىزۋ جۇمىستىڭ جۇرگىزىپ جاتقانىنا كوزبوياۋشىلىق" دەپ اشىندى.
مۇنىمەن قويماي، دەنساۋلىق ساقتاۋ مينيسترلىگىنە ۇندەۋ جولدادى.
"شىدامنىڭ دا شەگى بار. مىناۋ جاڭا ينفەكتسيالىق اۋرۋحانا ما، قانداي ماسقارا!
1. ماعان وكپەنىڭ كومپيۋتەرلىك توموگرافياسى تەك دۇيسەنبىدە جاسالادى. بۇگىن سەنبى، دارىگەرلەر دەمالىپ جاتىر.
مەن پاندەمياسىز-اق بىردە-ءبىر كۇن دەمالىسىم جوق ەكەندىگىن ايتتىم. ولار كلينيكا تولىپ، قينالىپ تۇرعانداي سىڭاي تانىتادى.
2. اقىرىندا كت ناتيجەسىندە 5 كۇن كۇتۋ كەرەك. وسى ۋاقىت ارالىعىندا ءوزىم-اق جەكە كلينيكاعا بارىپ تاپسىرا الاتىن ەدىم.
3. دارىگەرلەردى سول كۇيى كورگەن جوقپىن. ولار دەمالۋدا.
4.ساتۋراتسيانى ولشەۋدى (قاننىڭ وتتەگىمەن قانىقتىلىعى) ءوزىم سۇراپ الۋىما تۋرا كەلدى. بۇگىن مەنى ەشكىم تەكسەرمەيدى. جاعدايىمنىڭ ناشارلاۋىن بايقاماي قالۋىم دا مۇمكىن.
5. ءتىپتى، تەمپەراتۋرامدى ولشەۋ ءۇشىن تەرمومەتر سۇراپ الۋىما تۋرا كەلدى.
6. جاڭادان سالىنعان اۋرۋحاناعا ەشقانداي شاعىمىم جوق. بىراق، مۇندا ءتىپتى، پاتسيەنتتەردىڭ ءوزىن تەكسەرمەيتىن بولسا، ونى نەگە ءبىزدىڭ قوماقتى قاراجاتىمىزعا سالدى؟ بۇل دەگەنىمىز - قىزۋ جۇمىستىڭ جۇرگىزىپ جاتقانىنا كوزبوياۋشىلىق. ۇيدە الدەقايدا تەزىرەك ەمدەلەر مە ەدىك.
7. ەسەسىنە، ۆيچ ىندەتىن جۇقتىرعان ادامدارعا ارنالعان اۋىر Aluvia پرەپاراتىن مەنىڭ جازباشا رۇقساتىمسىز ەگىپ جىبەرىپ، دەنساۋلىق ساقتاۋ باسقارماسىنىڭ حاتتاماسىن بۇزىپ وتىر. مەن ونى يگەرۋىم كەرەك پە ەدى؟
8. ايەلىم مەن بالالارىمدى ەكى كۇننەن بەرى پالاتاعا كىرگىزبەۋدە. الدە بىزدەن بىردەڭە كۇتە مە؟
نەگە ءبىزدىڭ الماتىنىڭ اكىمى جانە قالالىق دەنساۋلىق ساقتاۋ باسقارماسى وسىنداي؟ ءتىپتى، جاڭا اۋرۋحانا جۇمىسىن ۇيىمداستىرا المايدى. ساعىنتاەۆقا ماسقارا!
مەن دەنساۋلىق ساقتاۋ مينيسترىنە جۇگىنەمىن! مىنا جەرگە تەكسەرۋ جىبەرىڭىزدەر! مەن قازىردىڭ وزىندە قىمبات كت سكانەرلەۋى بۋلانعان دەپ كۇدىكتەنەمىن! مەن قازىردىڭ وزىندە قىمبات كت سكانەرلەۋى بىلعانعان دەپ كۇدىكتەنەمىن. كت ورىندالدى. مەندە ەكى جاقتى پنەۆمونيا. دارىگەرلەر مۇقيات قاراپ، ءبارىن ولشەدى، ولارعا راقمەت. ەمدەۋ قيىن بولادى", - دەدى ادۆوكات جەلىدەگى جازباسىندا.
ەستەرىڭىزگە سالا كەتسەك، تانىمال ادۆوكات دجوحار ۋتەبەكوۆ كوروناۆيرۋس دياگنوزىمەن اۋرۋحاناعا ءتۇسىپ، ەمدەلىپ جاتىر.
