زەينەتاقى جيناعىن ءۇي الاردا العاشقى جارنا رەتىندە پايدالانۋعا بولادى

1039

بجزق-داعى قازاقستاندىقتاردىڭ زەينەتاقى جيناقتارىن «5-10-20» جاڭا مەملەكەتتىك تۇرعىن ءۇي باعدارلاماسىنا قاتىسۋعا العاشقى جارنا رەتىندە پايدالانۋعا بولادى. بۇل تۋرالى Tengrinews.kz-كە بەرگەن سۇحباتىندا «قازاقستاننىڭ تۇرعىن ءۇي قۇرىلىس جيناق بانكى» اق باسقارما توراعاسى لياززات يبراگيموۆا ايتتى دەپ حابارلايدى "ادىرنا".

"پرەزيدەنتتىڭ نۇسقاۋى بار، قازىر ءبىز بۇل ماسەلەنى ەڭبەك جانە حالىقتى الەۋمەتتىك قورعاۋ مينيسترلىگىمەن، سونداي-اق بجزق-مەن تالقىلاپ جاتىرمىز. ۇكىمەت جاقىن ۋاقىتتا انىقتايتىن جەتكىلىكتىلىك كوەففيتسيەنتىمەن «5-10-20» باعدارلاماسىنا قاتىسۋ ءۇشىن العاشقى ۇلەس رەتىندە ونى پايدالانۋعا رۇقسات ەتىلەدى دەپ جوسپارلانۋدا" دەدى ءلاززات يبراگيموۆا.

جوبا بويىنشا نەسيەنىڭ ماكسيمالدى مولشەرلەمەسى 5 پايىزدى قۇرايدى، العاشقى تولەم - 10 پايىزدان باستاپ، نەسيە مەرزىمى - 20 جىلعا دەيىن.

ەسكە سالساق، 11 مامىردا قازاقستان پرەزيدەنتى قاسىم-جومارت توقاەۆ «5-10-20» باعدارلاماسىمەن نەسيەلىك باسپانا ۇسىنۋدىڭ جاڭا جوباسىن ىسكە قوسۋدى تاپسىرعان بولاتىن.

مەملەكەت باسشىسىنىڭ ايتۋىنشا، بيىل ەلىمىزدە رەكوردتىق قۇرىلىس كولەمى جوسپارلانعان، 15 ميلليون شارشى مەتر نەمەسە 150 مىڭ پاتەر مەن ءۇي.

پىكىرلەر
رەداكتسيا تاڭداۋى