BJZQ-daǵy qazaqstandyqtardyń zeınetaqy jınaqtaryn «5-10-20» jańa memlekettik turǵyn úı baǵdarlamasyna qatysýǵa alǵashqy jarna retinde paıdalanýǵa bolady. Bul týraly Tengrinews.kz-ke bergen suhbatynda «Qazaqstannyń turǵyn úı qurylys jınaq banki» AQ basqarma tóraǵasy Lıazzat Ibragımova aıtty dep habarlaıdy "Adyrna".
"Prezıdenttiń nusqaýy bar, qazir biz bul máseleni Eńbek jáne halyqty áleýmettik qorǵaý mınıstrligimen, sondaı-aq BJZQ-men talqylap jatyrmyz. Úkimet jaqyn ýaqytta anyqtaıtyn jetkiliktilik koeffııentimen «5-10-20» baǵdarlamasyna qatysý úshin alǵashqy úles retinde ony paıdalanýǵa ruqsat etiledi dep josparlanýda" dedi Lázzat Ibragımova.
Joba boıynsha nesıeniń maksımaldy mólsherlemesi 5 paıyzdy quraıdy, alǵashqy tólem - 10 paıyzdan bastap, nesıe merzimi - 20 jylǵa deıin.
Eske salsaq, 11 mamyrda Qazaqstan Prezıdenti Qasym-Jomart Toqaev «5-10-20» baǵdarlamasymen nesıelik baspana usynýdyń jańa jobasyn iske qosýdy tapsyrǵan bolatyn.
Memleket basshysynyń aıtýynsha, bıyl elimizde rekordtyq qurylys kólemi josparlanǵan, 15 mıllıon sharshy metr nemese 150 myń páter men úı.
