ءبىلىم جانە عىلىم مينيسترلىگىن ءبولۋ كەرەك دەپ ويلايمىن. قوعام اراسىندا باياعىدان ايتىلىپ جۇرگەن ۇسىنىس نەگىزى. ەكەۋى ۇقساس ۇعىم بولعانىمەن، مۇلدە بولەك سالا دەپ سانايمىن. بىزدە جىل سايىن ء"دال وسى مينيسترلىك نە ىستەدى" دەگەندە مەكتەپ پەن جوو قاتىستى رەفورما، ۇبت، گرانت ماسەلەسى، كىتاپتاعى قاتەلىكتەر، مەكتەپ وقۋلىقتارى جايلى ايتىلىپ جاتادى. بۇل ءبىرىنشى ءسوز، ياعني بىلىمگە قاتىستى. ال عىلىم قالاي بولىپ جاتىر؟ ول جاعى كوپتى قىزىقتىرعان ەمەس.
ءبىلىم ءمينيسترى بولىپ اسحات مىرزا قالا بەرگەنى دۇرىس-اۋ. مۇعالىمدەر مەن وقىتۋشىلاردىڭ ماقتاۋىنا يە بولعان العاشقى ءبىلىم ءمينيسترى وسى كىسى-اۋ. دەمەك جۇمىس ىستەۋى جاقسى. اسحات اتتىلار جالپى جامان بولمايدى دەيدى عوي)))
ال عىلىم مينيسترلىگى قۇرىلسا، وندا ول ورىنعا اسقار جۇمادىلداەۆ اعامىز ابدەن لايىق. بيلىككە قىزىقپايدى، عىلىمدى جانى سۇيەدى، ارتىق سوزدەن ناقتى ءىستى ۇناتادى، وزىندىك كوزقاراسى بار، جانى قازاق، تىكمىنەز. ءوزى "پاراسات مايدانىندا" ايتقانداي، جاپوننىڭ ءسوزى مەن ءىسىنىڭ اراسى ءبىر سانتيمەتر، ال قازاقتىڭ ءسوزى مەن ءىسىنىڭ اراسى مىڭداعان شاقىرىم دەگەندەي، سول قازاق عىلىمىنداعى الشاقتىقتى جاقىنداتا الاتىن ادام بار بولسا، ول وسى كىسى. اسقار اعامىز قازاق جاستارىنىڭ اراسىنان يلونداردى كورە الاتىن قاسيەتكە يە سياقتى. قۇرمەتكە لايىق تۇلعا. بىراق ءبىر "بىراق" بار. بۇل كىسى لاۋازىم، بيلىك دەگەنگە قىزىقپايدى-اۋ.
سوندا ءبىلىم مەن عىلىم مينيسترلىكتەرى جىل سوڭىندا ەكى ەسەپ بەرەر ەدى. وقۋ پروتسەسىندە جانە عىلىم الاڭىنداعى جاڭالىقتار مەن جەتىستىكتەردى، كەمشىلىكتەردى ناقتى كورەتىن ەدىك.
اسحات قاسەنعاليدىڭ فب جازباسىنان
