قازۇۋ – بولاشاقتىڭ مەكەنى

4264
Adyrna.kz Telegram

 

 

ادام بالاسى وسى  قيىندىعى مەن  قىزىعى قاتار  جۇرەتىن مىناۋ  دۇنيەدە  قانشا جىل ءومىر سۇرسەدە، قانداي ىسپەن اينالىسسا دا ومىرىندەگى ەڭ  ءبىر ۇمىتىلماس كەزدەر ۋنيۆەريستەت قابىرعاسىنداعى كەرەمەت شاقتار. 2015 جىلى  مەكتەبىنەن  تۇلەپ ۇشقان  جاس تۇلەكتەرمەن قاتار مەن دە وسى ءبىر كەرەمەت كەزەڭنىڭ تابالدىرىعىن اتتاپ، بالالىق شاقپەن  قوشتاسىپ ، جاڭا ءبىر بەلەسكە اياق باستىم.            مەنىڭ الاتاۋداي  اسقاق  ارمانىم مەنى الماتى  شاھارىنا، ءال – فارابي  اتىنداعى قازاق  ۇلتتىق  ۋنيۆەرسيتەتىنە  جەتەلەدى. وسىدان بىرنەشە جىل بۇرىن ارمانىما  اينالعان  ءبىلىم  ورداسى ، قازىرگى  كەزدە  شىندىققا اينالىپ، سوناۋ  ارۋ قالام- اقتوبەدەن  ات  تەرلەتىپ، ارمان قالا – الماتىعا باس تىرەگەن  جايىم  بار.   مەن ۋنيۆەرسيتەتتىڭ ەسىگىن  ايقارا  اشقان  كۇننەن باستاپ، مەنى  جاڭا  الەم، جاڭا  ادامدار، جاڭا  دوستار، جاڭا مۇمكىندىكتەر  كۇتىپ  تۇرعانىن وعان قوسا موينىمدا  ۇلكەن  جاۋاپكەرشىلىكتىڭ  بارىن  سەزىندىم. ويتكەنى  وسىنداي زاڭعار  ۋنيۆەرسيتەتتىڭ   ستۋدەنتى  اتانۋ اركىمگە بۇيىرا بەرمەس باق دەپ بىلەمىن. ال  ەندى  وسى   باسىما  قونعان باقتى ايالاۋ  ءارى  قارايعى  مەنىڭ  باستى  مىندەتىم. ءال – فارابي  بابامىز  ءوز  سوزىندە: «باقىتقا جەتكىزەتىن ەركىن ارەكەت —  تاماشا  ارەكەت» دەگەندەي، سول تاماشا  ارەكەتتىڭ ءبىرى – ول  بىلىمگە  دەگەن  قۇشتارلىق  دەپ  سانايمىن.

ۋنيۆەرسيتەت قابىرعاسىندا  وقىپ جۇرگەنىمە  بەس جىل. وسى بەس جىلدىڭ  مەنىڭ  ومىرىمدەگى  ەستەن كەتپەس، سانادا  ماڭگى  قالار، جۇرەكتەن  ورىن  الار  ەڭ  تاماشا  كەزدەر. ۋنيۆەرسيتەتكە اياق تىرەگەلى بەرى ءوزىمدى  ناعىز  تەلەگەي تەڭىز ءبىلىم  ورداسىنا، جالىندى جاستاردىڭ  قاتارىنا  ەنگەنىمە  وتە  قاتتى  قۋانامىن ءارى ماقتانىشپەن ايتامىن. ويتكەنى،  ەلباسىمىز نۇرسۇلتان ءابىشۇلى  نازارباەۆ ەلىمىز بەن ءبىزدىڭ جاستارىمىزدىڭ باستى بايلىعى — ساپالى ءبىلىم ەكەنىن ءوزىنىڭ سويلەگەن سوزدەرىندە بىرنەشە رەت اتاپ كورسەتكەن  بولاتىن. وسى ساپالى ءبىلىمنىڭ قارا شاڭىراعى، قازاقستانداعى ءبىلىم بەرۋ جۇيەسىنىڭ تىرەگى، ەسكىنىڭ كوزىن كورگەن، 85  جىلدىق  باي تاريحى جيناقتالعان   ۇلتتىق  ۋنيۆەرسيتەتتە ەلىمىزدىڭ تۇكپىر تۇكپىرىنەن، الىس - جاقىن شەت ەلدەردەن كەلىپ، وقىپ جاتقان ستۋدەنتتەر جەتەرلىك. بۇگىندە ءال-فارابي اتىنداعى قازۇۋ ەرەكشە مارتەبەسى بار قازاقستاننىڭ جەتەكشى ، نومەرى ءبىرىنشى   ۋنيۆەرسيتەتى،  سونىمەن  قاتار ءبىلىم مەن  عىلىمنىڭ  ۇلتتىق كوشباسشىسى. جاقىندا  قازاق  ۇلتتىق  ۋنيۆەرسيتەتى  «QS World University Ranking by Subject 2020» پاندىك رەيتينگىسىنىڭ قورىتىندىسى بويىنشا «زاماناۋي ءتىل ءبىلىمى» ماماندىعى بويىنشا الەمنىڭ ەڭ ۇزدىك 100 جوو قاتارىنا ەندى.

ۋنيۆەرسيتەت قابىرعاسىندا جان – جاقتى، بىلىكتىلىگى جوعارى، قازاقتىڭ كەرەمەت اقىن – جازۋشىلارىنىڭ الدىن كورگەن، سول ۇلى كىسىلەردەن ءدارىس العان وقىتۋشى-پروفەسسورلار، عىلىم دوكتورلارى، عىلىم كانديداتتارى، دوتسەنتتەر قىزمەت اتقارادى.

ءال-فارابي اتىنداعى قازاق ۇلتتىق ۋنيۆەرسيتەتى 180-نەن استام گۋمانيتارلىق، جاراتىلىستانۋ جانە تەحنيكالىق ماماندىقتار بويىنشا باكالاۆرلاردى، ماگيسترانتتاردى، دوكتورانتتاردى دايىندايدى. ۋنيۆەرسيتەتىمىزدە 16 فاكۋلتەت شوعىرلانعان.وسى جەردە ءبىلىم الاتىن بارشا ستۋدەنتتەر ءۇشىن جان-جاقتى دامۋ ءۇشىن، كوشباسشىلىق قابىلەتتى قالىپتاستىرۋ ماقساتىندا، ءوز-ءوزىن كەمەلدەندىرىپ، ەركىن، زاماناۋي دامىتۋ ءۇشىن بار جاعداي جاسالعان. سول  بار  مۇمكىنشىلىكتى  پايدالانا  ءبىلۋ، ءار  ستۋدەنتتىڭ   ءوز  قولىندا. ماسەلەن، ينتەرنەت ورتالىعى، ءو.ا. جولداسبەكوۆ اتىنداعى ستۋدەنتتەر سارايى، مۇراجاي، تاماقتاندىرۋ كومبيناتى، ستۋدەنتتەرگە قىزمەت كورسەتۋ  ورتالىعى  «كەرەمەت»،  كومپيۋتەرلى-تەحنيكالىق جابدىقتار، WI-FI سىمسىز ينتەرنەت جەلىسى ، اۋقىمى كەڭ  سپورتتىق كەشەن سىندى ورتالىقتار ورنالاسقان. ونىمەن قوسا ەڭ باي كىتاپحانا - ءال-فارابي كىتاپحاناسى ورنالاسقان. قويناۋى كىتاپقا باي، ءزاۋلىم سارايلى كىتاپحانامىزدا ءار ستۋدەنت  ءوزىنىڭ  كەرەگىنە ەش  قيىندىقسىز  قول  جەتكىزە  الادى .

ۋنيۆەرسيتەتتىڭ ەرەكشەلىگى جانە  ەڭ قولايلى تۇسى – ستۋدەنتتەر ءۇيى دە، بارلىق فاكۋلتەت عيماراتى دا، جوعارىدا اتالعان كەشەندەردىڭ بارلىعى ءبىر قالاشىقتىڭ ىشىندە  ورنالاسقاندىعى. قالاشىقتىڭ تابيعاتىن سوزبەن ايتىپ جەتكىزۋ مۇمكىن ەمەس! اينالا قورشالعان جاسىل  جەلەكتى  اعاشتار، حوش ءيىستى  گۇلدەر،ساف، تازا  اۋاسى،  ەڭ باستىسى شىڭى اسپانمەن تالاسقان زاڭعار الاتاۋ ورنالاسقان. سول الاتاۋدىڭ شىڭى ءار ستۋدەنتتى، جالپى  ءار ادامدى بيىككە جەتەلەيتىندەي  كورىنەدى.

مەن وسى ۋنيۆەرسيتەتتىڭ ەڭ ەجەلگى  فاكۋلتەتتەرىنىڭ  ءبىرى – فيلولوگيا  جانە  الەم تىلدەر فاكۋلتەتىنىڭ، قازاق  فيلولوگياسى  ماماندىعى  بويىنشا  ءتورت جىلدىق جوعارى ءبىلىمىمدى الىپ   قازىر  وسى  ءبىلىم ورداسىنىڭ  ماگيسترانتى اتاندىم. مەن  ءۇشىن  جانىما   ەڭ  جاقىن، جىلى مەكەنگە  اينالعان.  بۇل فاكۋلتەتتىڭ تاريحي قويناۋى وتە باي فاكۋلتەتتەردىڭ ءبىرى. سەبەبى،وسى  قارا  شاڭىراقتا  قازاقتىڭ  عۇلامالارى  قىزمەت  اتقارعان . ولاردىڭ قاتارىندا:   الەم ادەبيەتىنىڭ كلاسسيگى مۇحتار ومارحانۇلى اۋەزوۆ, قازاقستان رەسپۋبليكاسىنىڭ ۇلتتىق عىلىم اكادەمياسىنىڭ اكادەميگى، حالىق جازۋشىسى، فيلولوگيا عىلىمدارىنىڭ دوكتورى، پروفەسسور زەينوللا قابدولوۆ , ايگىلى عالىم، فيلولوگيا عىلىمدارىنىڭ دوكتورى بەيسەمباي كەنجەباەۆ،  بەلگىلى عالىم، فيلولوگيا عىلىمدارىنىڭ دوكتورى تۇرسىنبەك كاكىشۇلى، فيلولوگيا عىلىمدارىنىڭ دوكتورى، پروفەسسور، ەتنوگراف، ايگىلى س.ارونۇلىنىڭ شوبەرەسى سۇلتانعالي سادىرباەۆ سىندى ت.ب.  وسىنداي  ءىرى  تۇلعالاردىڭ ءىزى، رۋحى بار ۋنيۆەرسيتەتتە  وقىپ، ءبىلىم العان  ادام  رۋحاني، مادەني تۇرعىدان  بايىپ شىعاتىنى ءسوزسىز. قازىرگى  تاڭدا ءبىلىم  ورداسىندا ستۋدەنتتەر اراسىندا وت  جالىندى، وراق  اۋىزدى  اقىندار، قالامى  ۇشقىر جازۋشىلار دا  جەتەرلىك.

بۇل مەنىڭ ۋنيۆەرسيتەتىمدى  اسىرا  ماقتاعانىم  ەمەس، بۇنىڭ  بارلىعى  شىنايىلىقپەن، ماحابباتپەن جازىلعان شىنايى  دۇنيە. مەنىڭ   وسى ۋنيۆەرسيتەتتە العان ءبىلىمىم بيىك شىڭعا جەتەلىپ كەلە جاتقانىنا جانە   ومىردەن، عىلىم جولىنان ءوز ورنىمدى ويىپ  تۇرىپ  تابۋعا جەتەلەيتىنىنە ۇلكەن  سەنىممەن  قارايمىن. ماعجان  جۇماباەۆ : «ارىستانداي ايباتتى، جولبارىستاي  قايراتتى، مەن  جاستارعا  سەنەمىن!»، - دەمەكشى ارىستانداي  ايباتتى، جولبارىستاي  قايراتتى  جاستاردىڭ وتانى – ءال – فارابي  اتىنداعى  قازاق  ۇلتتىق ۋنيۆەرسيتەتى!

 

جانسۇلۋ امانجانوۆا    

ءال – فارابي    اتىنداعى  قازاق ۇلتتىق  ۋنيۆەرسيتەتى

           فيلولوگيا   جانە    الەم تىلدەرى فاكۋلتەتىنىڭ

                                                   1-كۋرس  ماگيسترانتى

كۋراتور-ەدۆايزەرى فيلولوگيا عىلىمدارىنىڭ كانديداتى، دوتسەنت ل.ت.الىمتاەۆا

 

 

پىكىرلەر