الماتىدا كارانتين رەجيمى ساقتالادى

2467
Adyrna.kz Telegram

بۇل تۋرالى قالا اكىمدىگىنىڭ  تج رەجيمىن قامتاماسىز ەتۋ جونىندەگى جەدەل شتابى  حابارلادى.

الماتى قالاسى اكىمدىگى جانىنداعى توتەنشە جاعداي رەجيمىن قامتاماسىز ەتۋ جونىندەگى جەدەل شتاب مەگاپوليس اۋماعىندا كارانتين رەجيمىنىڭ ساقتالاتىنىن حابارلايدى. بۇل رەتتە كارانتين رەجيمى اياسىنداعى شەكتەۋ شارالارى، اتاپ ايتقاندا، اعىمداعى جىلدىڭ 11 مامىرىنان باستاپ شتابتىڭ ەرەكشە وكىمىنە دەيىن جالعاسادى.

قالانىڭ پەريمەترى بويىنشا ورنالاسقان بلوك-بەكەتتەردىڭ جۇمىسى بۇرىنعى كۇشەيتىلگەن رەجيمدە جۇمىس ىستەيدى. قالادا جۇرگەندە سانيتارلىق-ەپيدەميولوگيالىق قاۋىپسىزدىك نورمالارى قاتاڭ ساقتالۋعا ءتيىس. وعان قوسا شتابتىڭ شەشىمىمەن قالادا جۇمىسىنا رۇقسات ەتىلگەن كاسىپورىندار مەن مەكەمەلەردىڭ قىزمەتكەرلەرىنە عانا ءجۇرىپ-تۇرۋعا بولادى. اتاپ ايتقاندا:

- مەملەكەتتىك جانە قۇقىق قورعاۋ ورگاندارى;

- كوممۋنالدىق قىزمەتتەر;

- ونەركاسىپ;

- قۇرىلىس;

- جوبالىق ۇيىمدار;

- جىلجىمايتىن مۇلىك اگەنتتىكتەرى;

- حقكو (زاڭدى تۇلعالارعا قىزمەت كورسەتۋ ءۇشىن);

- نوتاريۋستار;

- ادۆوكاتۋرا;

- ازىق-تۇلىك دۇكەندەرى مەن بازارلار;

- كافەلەر مەن مەيرامحانالار (وزىمەن الىپ كەتۋگە عانا بولادى);

- مەديتسينالىق كلينيكالار;

- ستوماتولوگيا;

- زەرتحانالار;

- ءدارىحانا;

- كولىك جانە لوگيستيكا;

- ديستريبۋتسيا;

- جقس;

- ونلاين جەتكىزۋ;

- ەكىنشى دەڭگەيدەگى بانكتەر جانە باسقا دا قارجى ۇيىمدارى (50%-عا دەيىن);

- ساقتاندىرۋ;

- لومباردتار;

- بيزنەسكە ارنالعان كاسىبي قىزمەتتەر (كونسالتينگ، اۋديت جانە بۋحگالتەرلىك قىزمەتتەر);

- اقپاراتتىق-كوممۋنيكاتسيالىق تەحنولوگيالار;

- ازىق-تۇلىك ەمەس دۇكەندەر، جالپى اۋدانى 500 م2 دەيىن;

- تقس، كولىك جۋ جانە شينومونتاجداۋ;

- شاشتاراز;

- فوتوسالوندار;

- گۇل پاۆيلوندارى;

- حيميالىق تازارتۋ (كىر جۋ ورىندارى);

- تەحنيكا جانە اياق كيىم جوندەۋ ورىندارى;

- باسپا ۇيلەرى;

- ايىرباستاۋ پۋنكتتەرى;

- ۆەتەرينارلىق قىزمەتتەر.

قوعامدىق كولىكتىڭ جۇمىس ءتارتىبى وزگەرىسسىز قالادى (ساعات 06.00-دەن 19.00-گە دەيىن).

وسىعان بايلانىستى ازاماتتارعا كارانتين مەن سانيتارلىق-ەپيدەميولوگيالىق نورمالاردى قاتاڭ ساقتاۋ كەرەكتىگىن ەسكەرتەمىز. كارانتيندى بۇزۋ (قىزمەتتى رۇقساتسىز جۇزەگە اسىرۋ، ونىڭ ىشىندە جۇمىسقا شىعۋ) قازاقستان رەسپۋبليكاسىنىڭ زاڭناماسىندا كوزدەلگەن دەربەس جانە قىلمىستىق جاۋاپكەرشىلىككە اكەپ سوعادى.

جەدەل شتاب

پىكىرلەر