ساياساتتانۋشى ەرلان سايروۆ مەملەكەتتىك كوميسسياعا كوروناۆيرۋستىڭ ورشۋىنە بايلانىستى توتەنشە جاعدايدى توقتاتىپ، كارانتيندى ۇزارتۋدى ۇسىندى. بۇل تۋرالى ول ءوزىنىڭ فەيسبۋك پاراقشاسىندا جازدى.
"توتەنشە جاعداي جونىندەگى مەمكوميسسيانىڭ نازارىنا!
پاندەميا ءجاي بولسا دا، ءوسىپ بارادى.
كەشەلى-بۇگىن كوشەدە جۇرگەن حالىق ماسكا تاعۋ، الەۋمەتتىك قاشىقتىقتى ساقتاۋ ماسەلەسىن ۇمىتىپ كەتكەن ءتارىزدى.
توقمەيىلسۋگە بولمايدى.
ەپيدەميا بىتكەن جوق.
"قازاقىلىققا" سالىنىپ جۇرگەندە، ماسەلە ءورشىپ كەتۋى مۇمكىن.
وسى ورايدا، توتەنشە جاعداي جونىندەگى مەمكوميسسياعا كەلەسى ۇسىنىستار.
1. توتەنشە جاعدايدى توقتاتىپ، كارانتيننىڭ ۋاقىتىن سوزۋ كەرەك.
2. ادامدار ەرتەڭنەن جۇمىسقا شىققان جاعدايدا ماسكا كيۋ، الەۋمەتتىك قاشىقتىقتى ساقتاۋ، انتيسەپتيكتەردى پايدالانۋ ماسەلەسىنىڭ نورماسىن بەكىتۋ ماڭىزدى.
3. وفيستەر مەن بيزنەس- ورتالىقتارعا ماسكاسىز كىرۋگە، انتيسەپتيكتەردى ءجيى پايدالانۋ ماسەلەسىن رەتتەۋ ابزال.
4. حالىققا تەلەديدار، الەۋمەتتىك جەلىلەر ارقىلى سانيتارلىق نورمالاردى ساقتاۋدىڭ ماڭىزى جونىندە قۇلاقتاندىرۋدى جالعاستىرۋ كەرەك.
5. ماسكا، انتيسەپتيك، الەۋمەتتىك قاشىقتىق ماسەلەسى بويىنشا حابارلاندىرۋ، بەينەروليكتەر، راديو حابارلاما جاساۋعا شۇعىل كىرىسۋ كەرەك.
بۇل ءىس- شارالاردى ءىس- جۇزىنە اسىرماسا، جاعداي ۋشىعىپ كەتۋى مۇمكىن.
ولاي بولسا، ەپيدەميولوگيالىق جاعداي اۋىرلاپ، حالىقتىڭ جاعدايى قيىندايدى" دەپ جازبا قالدىرعان ساياساتتانۋشى.
