جوعارعى سوتتىڭ توراعاسى جاقىپ اسانوۆ ساۋناداعى «سۋديالار مەن پروكۋرورلار» تۋرالى جانجالدى بەينەگە بايلانىستى الماتى وبلىسىنداعى اۋداندىق سوت توراعاسىنىڭ وكىلەتتىگىن توقتاتتى، - دەپ حابارلايدى "ادىرنا" Tengrinews.kz-كە سىلتەمە جاساپ.
«الماتى وبلىستىق سوتىنىڭ بۇعان دەيىن جاريالانعان ءباسپاسوز حابارلاماسىنا قوسىمشا. قازاقستان رەسپۋبليكاسى جوعارعى سوتىنىڭ توراعاسى جاقىپ اسانوۆتىڭ وكىمىمەن ىشكى اۋديت جۇرگىزۋ ءۇشىن الماتى وبلىسى كەربۇلاق اۋداندىق سوتىنىڭ توراعاسى د.سەيىتوۆتىڭ وكىلەتتىگى توقتاتىلدى»، - دەپ حابارلادى جوعارعى سوتتىڭ ءباسپاسوز قىزمەتى.
بۇعان دەيىن عالامتوردا ساۋنادا تۇسىرىلگەن ۆيدەو پايدا بولدى. ونىڭ اۆتورى ساۋنانىڭ ىشىندە ەكسكۋرسيا جۇرگىزەدى جانە دوستارىمەن دەمالىسى تۋرالى اڭگىمەلەيدى. ونىڭ ايتۋىنشا، كادرلار جيىنىنا الماتى وبلىسىنىڭ اۋداندىق سوتىنىڭ سۋدياسى قاتىسادى.
د. سەيتوۆ. فوتو:alm.sud.kz
الماتى وبلىسىندا ساۋنادا دەمالىپ جاتقان «سۋديالار مەن پروكۋرورلاردىڭ» بەينەجازباسى زەرتتەلۋدە
«جىگىتتەر، وپگشنيكي، بۇگىن ماعان جاركەنتتەن اعام سايان كەلدى، ءبىز دەمالىپ جاتىرمىز. تاماقتانىپ، ءىشىپ الدىق، ال قازىر ونى مونشاعا اپاردىق. مىنە، مەنىڭ مونشام، مىنە سوت توراعاسى. بۇل مونشا. وپگشنيكي، سىزدەر تەك استانادا (قازىر نۇر- سۇلتان - بۇل اۆتوردىڭ ەسكەرتپەسى), الماتىدا دەمالامىز دەپ ويلاماڭىزدار، بىزدە تىنىعامىز، بىزدە دە دەمالامىز. بىزدە ءبىر بولمە بار. بۇل بارلىق وپگ-شنيكتار جاقسى كورەتىن بولمە، جاقسى بولمە، بۇل بولمە ساۋناداعى ەڭ ماڭىزدى نارسە بولىپ تابىلادى. جۋ، پيللينگ، ماسساج جاسايمىز. مۇنىڭ ءبارى بار. ءبىز كولحوزدا تۇرساق تا، قالاي دەمالۋدى بىلەمىز" دەيدى ۆيدەو اۆتورى.
