قر پرەمەر-ءمينيسترىنىڭ ورىنباسارى رومان سكليار تۇركىستان وبلىسى، ماقتاارال اۋدانىنىڭ سۋ باسقان اۋىلدارىنا بارىپ، تۇرعىندارمەن جۇزدەستى. ولارعا مەملەكەت باسشىسى قاسىم-جومارت توقاەۆتىڭ ءسوزىن جەتكىزدى.
«قازاقستان پرەزيدەنتى ماقتاارال اۋدانىنىڭ سۋدان زارداپ شەككەن بىردە-ءبىر تۇرعىنى كومەكسىز قالمايتىنىن جەتكىزدى. سول سەبەپتى، سىزدەرگە تەك تۇسىنىكتىك تانىتۋدى سۇرايمىن. ۇكىمەت تاراپىنان بارلىق قاجەتتى كومەك كورسەتىلەدى. پرەزيدەنت ۇكىمەتكە وزبەكستانداعى سۋ قويماسى بوگەتىنىڭ بۇزىلۋى سالدارىنان سۋ باسقان اۋىلداردىڭ تۇرعىندارىنا جان-جاقتى ماتەريالدىق كومەك كورسەتۋدى تاپسىردى» ، - دەدى رومان سكليار.
ايتا كەتەيىك، قازىر سۋ زالالىنا بايلانىستى ۇكىمەتتىك كوميسسيا قۇرىلعان. كوميسسيانى رومان سكليار باسقارادى. جۇمىس توبى جاڭا تۇرمىس، جەڭىس، فيردوۋسي، ورگەباس، دوستىق اۋىلدارىنىڭ تۇرعىندارىمەن كەزدەستى.
"ادىرنا" ۇلتتىق پورتالى
