الماتى وبلىستىق سوتىنىڭ ءباسپاسوز قىزمەتى جەلىدە سۋديالار مەن پروكۋرورلاردىڭ كارانتين كەزىندە بىرگە ساۋناعا بارعانى تۇسىرىلگەن ۆيدەوعا قاتىستى تۇسىنىك بەردى، - دەپ حابارلايدى Tengrinews.kz.
"باق جانە الەۋمەتتىك جەلىدە سۋديالار مەن پروكۋرورلاردىڭ كارانتين كەزىندە بىرگە ساۋناعا بارعانى تۋرالى ۆيدەو تاراپ جاتىر. وسىعان بايلانىستى تۇسىنىكتەمە بەرۋ كەرەك دەپ ەسەپتەيمىز. بىزگە ۆيدەونى ب. ەسىمدى ەر ادام تۇسىرگەنى بەلگىلى. ونىڭ سوت جۇيەسىنە ەش قاتىسى جوق. بۇل اقپاراتقا قاتىستى قازىر قىزمەتتىك تەرگەۋ ءجۇرىپ جاتىر. ناتيجەسىن مىندەتتى تۇردە جاريالايمىز", - دەلىنگەن وبلىستىق سوتتىڭ حابارلاماسىندا.
سونداي-اق سوتتاعىلار وسىعان بايلانىستى الدىن الا قورىتىندى شىعارماۋدى جانە رەسمي دەرەككوزدەردىڭ اقپاراتىنا سەنۋدى سۇرايدى.
"جىگىتتەر، بۇگىن ماعان جاركەنتتەن اعام سايان كەلدى، دەمالىپ جاتىرمىز. بارىپ ىشتىك، ەندى ونى بانياعا اكەلدىم. مىنە، مەنىڭ بانيام، مىناۋ، سوت توراعاسى. ۇيىمداسقان قىلمىستىق توپتىڭ جىگىتتەرى، الماتى مەن استاناداعى عانا دەمالىپ جاتىر دەپ ويلاماڭىزدار، ءبىز دە دەمالامىز. (...) كولحوزدا تۇرساق تا، دەمالا الامىز", - دەيدى ۆيدەو اۆتورى.
