Almaty oblystyq sotynyń baspasóz qyzmeti Jelide sýdıalar men prokýrorlardyń karantın kezinde birge saýnaǵa barǵany túsirilgen vıdeoǵa qatysty túsinik berdi, - dep habarlaıdy Tengrinews.kz.
"BAQ jáne áleýmettik jelide sýdıalar men prokýrorlardyń karantın kezinde birge saýnaǵa barǵany týraly vıdeo tarap jatyr. Osyǵan baılanysty túsinikteme berý kerek dep esepteımiz. Bizge vıdeony B. esimdi er adam túsirgeni belgili. Onyń sot júıesine esh qatysy joq. Bul aqparatqa qatysty qazir qyzmettik tergeý júrip jatyr. Nátıjesin mindetti túrde jarııalaımyz", - delingen oblystyq sottyń habarlamasynda.
Sondaı-aq sottaǵylar osyǵan baılanysty aldyn ala qorytyndy shyǵarmaýdy jáne resmı derekkózderdiń aqparatyna senýdi suraıdy.
"Jigitter, búgin maǵan Jarkentten aǵam Saıan keldi, demalyp jatyrmyz. Baryp ishtik, endi ony banıaǵa ákeldim. Mine, meniń banıam, mynaý, sot tóraǵasy. Uıymdasqan qylmystyq toptyń jigitteri, Almaty men Astanadaǵy ǵana demalyp jatyr dep oılamańyzdar, biz de demalamyz. (...) Kolhozda tursaq ta, demala alamyz", - deıdi vıdeo avtory.
