42500.enbek.kz سايتىنا 450 مىڭنان استام ءوتىنىش ءتۇستى

2453
Adyrna.kz Telegram

 توتەنشە جاعداي كەزىندە تابىسىنان ايرىلعان ازاماتتاردىڭ الەۋمەتتىك تولەم الۋعا بايلانىستى وتىنىشتەرى تاۋلىك بويى قارالۋدا. بۇل تۋرالى ەڭبەك رەسۋرستارىن دامىتۋ ورتالىعى حابارلادى.

2020 جىلعى 4 مامىرداعى جاعداي بويىنشا https://42500.enbek.kz سايتىنا 451,6 مىڭ ءوتىنىش كەلىپ ءتۇستى. ونىڭ ىشىندە، تەك 4 مامىردا -11 مىڭنان استام ءوتىنىش تىركەلدى.

ەڭبەك جانە حالىقتى الەۋمەتتىك قورعاۋ مينيسترلىگىنىڭ «ەڭبەك رەسۋرستارىن دامىتۋ ورتالىعى» اق-نىڭ ماماندارى كەلىپ تۇسكەن بارلىق وتىنىشتەردى قاراپ، تج كەزەڭىندە الەۋمەتتىك تولەم الۋعا ءوتىنىش بەرۋ ءتارتىبى تۋرالى، الەۋمەتتىك تولەم تاعايىنداۋدان باس تارتۋ سەبەپتەرى تۋرالى، بىرىڭعاي جيىنتىق تولەمدى قايتارۋ ءتارتىبى تۋرالى جانە ت.ب. تۇسىنىكتەمەلەر بەرەدى.

وتىنىشتەردىڭ باسىم كوپشىلىگى تج كەزەڭىندە تابىستى جوعالتۋىنا بايلانىستى الەۋمەتتىك تولەمدى ەسەپتەۋ تارتىبىنە، سونداي-اق ونى تاعايىنداۋدان باس تارتۋ سەبەپتەرىنە قاتىستى. ءاربىر ءوتىنىش جەكە قارالىپ، ازاماتتارعا وتىنىمدە جىبەرگەن قاتەلەردى جويۋعا، سول ارقىلى الەۋمەتتىك تولەمدى الۋىنا كومەك كورسەتىلەدى.

ايتا كەتسەك، ەڭ ءجيى كەزدەسەتىن قاتەلەر بۇل - ازاماتتاردىڭ جسن، سونداي-اق بانكتىك شوت ءنومىرىن دۇرىس كورسەتپەۋى.

ەستەرىڭىزگە سالا كەتسەك، قر ۇكىمەتى 42 500 تەڭگە الەۋمەتتىك تولەمدى الۋعا قاتىستى ازاماتتاردىڭ وتىنىشتەرىن (ارىزدارىن) قاراستىراتىن 4 مەكەمەنى انىقتاعان بولاتىن. ولار:

1) 42500.enbek.kz سايتى. قر ەڭبەك جانە حالىقتى الەۋمەتتىك قورعاۋ مينيسترلىگىنىڭ سايتىندا ازاماتتارعا الەۋمەتتىك تولەم تاعايىنداۋ بويىنشا بارلىق ماسەلەلەر قاراستىرىلادى.

2) 1414 call-ورتالىعى. «ازاماتتارعا ارنالعان ۇكىمەت» اق-نىڭ 1414 call-ورتالىعى جۇگىنگەن ادامنىڭ مارتەبەسى جانە الەۋمەتتىك تولەمدەردى الۋ قۇقىعى، سونداي-اق تولەمدى جۇزەگە اسىرۋ تۋرالى اقپارات ايقىندالادى.

3) 1411 call-ورتالىعى، 42500@gfss.kz ەلەكتروندى پوشتاسى. «ازاماتتارعا ارنالعان ۇكىمەت» اق مەملەكەتتىك كورپوراتسياسىنىڭ مەملەكەتتىك الەۋمەتتىك ساقتاندىرۋ قورى» اق تىكەلەي جۇمىس ىستەيتىن call-ورتالىعى. بۇل جەردە ازاماتتارعا تولەم تاعايىنداۋ، تولەمنىڭ كەشىكتىرىلۋ سەبەپتەرى جانە تولەمدى بەرۋدەن باس تارتۋ تۋرالى اقپارات ۇسىنىلادى.

4) 42500@enbek.kz  ەلەكتروندى پوشتاسى: قر ەڭبەك جانە حالىقتى الەۋمەتتىك قورعاۋ مينيسترلىگىنىڭ «ەڭبەك رەسۋرستارىن دامىتۋ ورتالىعى». بۇل مەكەمە ازاماتتار قاتە ۇسىنعان بانكتىك شوتتىڭ نومىرلەرى مەن جسن-ءىن انىقتاپ، ءوتىنىش بەرۋشىلەرگە دۇرىس دەرەكتەردى قايتا ۇسىنۋ ءۇشىن حابارلاما جىبەرەدى. ازاماتتاردىڭ تۇزەتىلگەن دەرەكتەرى نەگىزىندە ولارعا 42500 تەڭگەنى تاعايىنداۋ ءۇشىن «مەملەكەتتىك الەۋمەتتىك ساقتاندىرۋ قورى» اق-نا جىبەرەدى.

"ادىرنا" ۇلتتىق پورتالى

پىكىرلەر