11 مامىردا قازاقستانداعى توتەنشە جاعداي الىنىپ تاستالادى

11824
Adyrna.kz Telegram

ەگەر جاعداي ناشارلاماسا، 11 مامىردا قازاقستانداعى توتەنشە جاعداي الىنىپ تاستالادى. الايدا، كارانتين رەجيمىنە قاتىستى شارالار جالعاسادى. بۇل تۋرالى مەملەكەت باسشىسى قاسىم-جومارت توقاەۆ ايتتى، دەپ حابارلايدى "ادىرنا" حابار 24 تەلەارناسىنا سىلتەمە جاساپ.

«بۇل حالىقتىڭ قاۋىپسىزدىگى ءۇشىن وتە ماڭىزدى. ءبىزدىڭ ازاماتتار بىرتىندەپ قالىپتى ومىرگە ورالادى دەپ ۇمىتتەنەمىن. بىزدە ۇزاق مەرزىمدى ستراتەگيالىق دامۋ جولى بار»، - دەدى توقاەۆ.

پرەزيدەنت ەكونوميكالىق دامۋدى قالپىنا كەلتىرۋ باعدارلاماسىن ىسكە اسىرۋ قاجەتتىگىن اتاپ ءوتتى.

«مەن بولاشاقتاعى بىرقاتار مىندەتتەرگە نازار اۋدارعىم كەلەدى. ءبىرىنشى كەزەكتە دەنساۋلىق ساقتاۋ جۇيەسىن جاڭعىرتۋ ءۇشىن جاڭا باستامالار جاساۋ كەرەك. قازىرگى زامانعى اۋرۋحانالار سالۋ جانە ولاردى قاجەتتى قۇرال-جابدىقتارمەن قامتاماسىز ەتۋ وتە ماڭىزدى. وسىدان باستاپ ءبىز مەديتسينا عىلىمىنىڭ دامۋىنا ەرەكشە نازار اۋدارۋىمىز كەرەك. كاسىبي ماماندارعا لايىقتى جاعداي جاساپ، ناقتى قولداۋ كورسەتىپ، ءبىلىم مەن عىلىمدى تولىعىمەن مودەرنيزاتسيالاعانىمىز ءجون. ول وزىق تەحنولوگيالار مەن تسيفرلاندىرۋ. بۇل باستى مىندەتتەردىڭ ءبىرى »، - دەدى ول.

سونىمەن قاتار ۇلت باسەكەگە قابىلەتتى بولۋى كەرەك. ول ءۇشىن ادامي كاپيتالدى دامىتۋ قاجەت. سونداي-اق رەسپۋبليكانىڭ بيزنەس الەۋەتىن ارتتىرۋ، شاعىن جانە ورتا بيزنەستى قولداۋ ماڭىزدى. ۇلتتىق ەكونوميكانى ارتاراپتاندىرۋمەن شۇعىلدانۋ. يمپورتقا تاۋەلدى بولماس ءۇشىن وتاندىق ءوندىرىستى مۇمكىندىگىنشە جانداندىرۋ قاجەت" دەدى پرەزيدەنت.

پىكىرلەر