Eger jaǵdaı nasharlamasa, 11 mamyrda Qazaqstandaǵy tótenshe jaǵdaı alynyp tastalady. Alaıda, karantın rejımine qatysty sharalar jalǵasady. Bul týraly Memleket basshysy Qasym-Jomart Toqaev aıtty, dep habarlaıdy "Adyrna" Habar 24 telearnasyna silteme jasap.
«Bul halyqtyń qaýipsizdigi úshin óte mańyzdy. Bizdiń azamattar birtindep qalypty ómirge oralady dep úmittenemin. Bizde uzaq merzimdi strategııalyq damý joly bar», - dedi Toqaev.
Prezıdent ekonomıkalyq damýdy qalpyna keltirý baǵdarlamasyn iske asyrý qajettigin atap ótti.
«Men bolashaqtaǵy birqatar mindetterge nazar aýdarǵym keledi. Birinshi kezekte densaýlyq saqtaý júıesin jańǵyrtý úshin jańa bastamalar jasaý kerek. Qazirgi zamanǵy aýrýhanalar salý jáne olardy qajetti qural-jabdyqtarmen qamtamasyz etý óte mańyzdy. Osydan bastap biz medıına ǵylymynyń damýyna erekshe nazar aýdarýymyz kerek. Kásibı mamandarǵa laıyqty jaǵdaı jasap, naqty qoldaý kórsetip, bilim men ǵylymdy tolyǵymen modernızaııalaǵanymyz jón. Ol ozyq tehnologııalar men ıfrlandyrý. Bul basty mindetterdiń biri », - dedi ol.
Sonymen qatar ult básekege qabiletti bolýy kerek. Ol úshin adamı kapıtaldy damytý qajet. Sondaı-aq respýblıkanyń bıznes áleýetin arttyrý, shaǵyn jáne orta bıznesti qoldaý mańyzdy. Ulttyq ekonomıkany ártaraptandyrýmen shuǵyldaný. Importqa táýeldi bolmas úshin otandyq óndiristi múmkindiginshe jandandyrý qajet" dedi prezıdent.
