مەملەكەت باسشىسىنىڭ جارلىعىمەن قازاقستان رەسپۋبليكاسى پارلامەنتى سەناتىنىڭ دەپۋتاتى داريعا نۇرسۇلتانقىزى نازارباەۆانىڭ وكىلەتتىگى توقتاتىلدى. بۇل تۋرالى اقوردا سايتى حابارلايدى.
داريعا نازارباەۆا سەنات توريەسى بولىپ 2019 جىلدىڭ 20 ناۋرىزدا سايلانعان ەدى.
داريعا نازارباەۆا 1963 جىلى 7 مامىردا قاراعاندى وبلىسىنىڭ تەمىرتاۋ قالاسىندا دۇنيەگە كەلگەن. 1980-1983 جىلدارى م.ۆ.لومونوسوۆ اتىنداعى ممۋ تاريح فاكۋلتەتىندە وقىدى. 1983-1985 جىلدارى س.م.كيروۆا قازمۋ تاريح فاكۋلتەتىنىڭ ستۋدەنتى. 1985-1987 جىلدارى م.ۆ.لومونوسوۆ اتىنداعى ممۋ تاريح فاكۋلتەتىنىڭ تاعلىمدامادان ءوتۋشى-زەرتتەۋشىسى. 1987-1990 جىلدارى م.ۆ.لومونوسوۆ اتىنداعى ممۋ اسپيرانتى بولعان.
2015 جىلعى 11 قىركۇيەك - 2016 جىلعى 13 قىركۇيەك ارالىعىندا - قازاقستان رەسپۋبليكاسى پرەمەر - ءمينيسترىنىڭ ورىنباسارى قىزمەتىندە بولعان. ال 2016 جىلعى 13 قىركۇيەك - 2019 جىلعى 20 ناۋرىز ارالىعىندا - قازاقستان رەسپۋبليكاسى پارلامەنتى سەناتىنىڭ دەپۋتاتى، حالىقارالىق قاتىناستار، قورعانىس جانە قاۋىپسىزدىك جونىندەگى تۇراقتى كوميتەتىنىڭ توريەسى بولدى.
2019 جىلعى 20 ناۋرىزدان باستاپ-قازاقستان رەسپۋبليكاسى پارلامەنتى سەناتىنىڭ توريەسى. 2019 جىلعى 2 قىركۇيەكتەن باستاپ - قازاقستان رەسپۋبليكاسى پارلامەنتى سەناتىنىڭ توريەسىبولىپ قايتا سايلانعان.
