مايرا ءىلياسوۆا: حالىقتى الداۋعا بولمايدى!

1123

وسى اپتا "لوتەرەيا داۋىنان" الەۋمەتتىك جەلى  ەكى يىنىنەن ارەڭ دەم الىپ تۇر. اڭىزى بار، اقيقاتى بار الىپ قاشپا اڭگىمە دە تولاستار ەمەس. سانالى عۇمىرىن ساحنادا وتكىزىپ كەلە جاتقان، ونەردىڭ ىستىعىنا كۇيىپ، سۋىعىنا توڭعان قر ەڭبەك سىڭىرگەن ءارتىسى مايرا ىلياسوۆاعا حابارلاستىق. سوڭىنان ەرگەن باۋىرلارى مەن سىڭلىلەرىنىڭ بۇل داۋعا قالاي ۇرىنعانىن، اينۇر، قۇرالاي، قاراقات باستاعان سىڭلىلەرىنىڭ لوتەرەيا وتكىزەتىندىگىنە، جالپى لوتەرەيا ويىندارىنا كوزقاراسى قالاي ەكەنىن سۇراعان ەدىك. جۇرتشىلىق سىرتىنان "ەسترادانىڭ اناسى" اتاندىرعان مايرا اپايىمىز بالسىنبەي، ءوز پىكىرىن ءبىلدىردى.

- سالەمەتسىزدەر مە؟! سىزدەردىڭ قويعان سۇراقتارىڭىزعا قاراي ەندى بىلگەنىمشە جاۋاپ بەرەيىن. مەن ءوزىم ەشقايسىسىنىڭ ويىندارىندا بولعان جوقپىن، قاتىسقان جوقپىن. بىراق، ەستىپ جۇرەم. نەگىزى قايسىنىڭ قالاي بولعانىن دا وكىنىشكە وراي مەن بىلمەيدى ەكەنمىن. ەرنار ايداردى ءوزىم ءبىرىنشى رەت كەشە تەلەديداردان كورسەتىپ جاتقان كەزدە كورىپ، ءوزىم تاڭ قالىپ قالدىم. سونىمەن بىرگە ەرناردان باسقا دانا كەنتاي دەگەن ءانشى دە وسىنداي ويىنعا جارناما جاساعان ەكەن، سونى كورسەتكەنىن كورىپ قالدىم.

ال ەندى  ىشىندە بولماعاننان كەيىن لوتورەيا ويىنى جايلى، قاتىسپاعاننان كەيىن بىردەڭە ايتا قويۋ قيىن. بىراق، مەنىڭ ءوزىمنىڭ ويىمشا الدانىپ جاتقان ادامدار بار بولسا نەمەسە بىردەڭە دۇرىس بولماي جاتسا، ءار ادام لوتورەيا العان كەزدە ويلانۋ كەرەك. بۇل نە نارسە دەپ، ءبىرىنشى ونى كورۋ كەرەك، تەكسەرۋ كەرەك. بىزدە كوبىنەسە ەشتەڭەنى ويلاماي، جۇرتتىڭ ايتقانىنا بىرىنەن كەيىن ءبىرى بىردەن «اۋىز اڭگىمە» ەستىپ، اقشالارىن سالىپ، سودان كەيىن ماشينا بىردەڭە ويناتىلىپ جاتسا «ءاي وسى، الىپ قالسام، مەن وسى ۇتىپ قالام با؟» دەپ، قازاق ايتاتىن «ەسەك دامەمەن» الاتىن شىعار. سوندىقتان بۇل جەردە قازىر  اناۋ ويناتتى، مىناۋ ويناتتى دەپ، ءبىزدىڭ انشىلەردى كىنالاۋ، مەنىڭشە، دۇرىس ەمەس. «قالاۋىن تاپسا، قار جانادى» دەيدى. مەن بىراق بۇل قىزداردىڭ ويىندارىنىڭ دۇرىس بولعانىن ەستىدىم. ۋ- شۋ شىققان جوق، قاراقاتتىڭ بۇرىنعى ءۇيىن كوپ بالالى انا الدى، اينۇردىڭ دا ءۇيىن التى بالاسى بار ايەل ادام العانىن ەستىدىم. قۇرالايدىكىن ەستىمەدىم ويناعانىن.

ال ەندى مىنا جەردە ەرنارعا بايلانىستى باق جازىپ جاتىر، وتىرىك ويناعان، ۇتقان دا، ۇتامىز دەگەندەر دە پودستاۆنوي ليتسو. بۇل ەندى ارينە، دۇرىس ەمەس. بۇل ۇيات نارسە. «ۇرلىقشىنىڭ قۇيرىعى ءبىر-اق تۇتام» دەيدى. ەرتە مە، كەش پە، تەرىس نارسە جاساساڭ، اللا اسىقپايدى عوي، اللا الدىڭنان شىعارادى. مەن ءوزىم سوعان سەنەمىن. سوندىقتان، بۇنداي ىسكە بارۋعا بولمايدى. حالىقتى الداۋعا بولمايدى. ءبىزدىڭ قازاق حالقى جالپى اڭقاۋ حالىق، بىردەڭەگە تەز سەنە سالادى. تەز بايىپ كەتەمىن دەپ ويلايدى. سول ماشينانى لوتورەيادان ءوزىم ۇتامىن دەپ ويلايدى. سوندىقتان، ءوزىڭنىڭ ءانىڭدى تىڭداپ، ساعان قوشەمەت كورسەتىپ جۇرگەن كورەرمەندەرگە مىنانداي جاساۋ، ول ارينە، دۇرىس ەمەس. ەگەر جاڭاعى ەرنار تۋرالى ايتىلعان نارسەلەر شىن بولسا، ول ەندى ۇيات نارسە. ال ەندى وتىرىك بولسا، وعان وزدەرى جاۋاپ بەرە جاتار.

جالپى، مۇنداي ويىنداردى جان-جاقتا، شەت مەملەكەتتە ەستيمىن. ەگەر ول جۇيە-جۇيەسىمەن، ۇكىمەتتىڭ قاداعالاۋىندا، سالىعىن تولەيتىن، ءبىر جۇيەگە قويىلعان نارسە بولسا، نەگە ويناماسقا؟! ويناسىن. ودان مەنىڭشە، سونداي ءبىر ارتىق ورەسكەلدىك كورىپ تۇرعان جوقپىن. بىراق، ونىڭ ءبارى كىم ويناتسا دا، كىم ويناسا دا ءبارىن ويلانىپ جاساپ، اقىلمەن، زاڭمەن ءبارى دۇرىس بولۋ كەرەك دەپ ويلايمىن.

- پىكىرىڭىزگە كوپ راقمەت!

"ادىرنا" ۇلتتىق پورتالى

پىكىرلەر
رەداكتسيا تاڭداۋى