دۇنيەجۇزىلىك دەنساۋلىق ساقتاۋ ۇيىمى كوروناۆيرۋس ىندەتىنىڭ جۋىق ارادا اياقتالمايتىنىن ايتتى، دەپ حابارلايدى حابار 24.
ىندەت كەرىسىنشە الەمنىڭ كەي ايماقتارىندا كۇش الۋدا. دۇنيەجۇزىلىك دەنساۋلىق ساقتاۋ ۇيىمىنىڭ باسشىسى وسىلاي دەپ مالىمدەدى. مىسالى، افريكا، شىعىس ەۋروپا، لاتىن امەريكاسى جانە ازيا ەلدەرىندە ىندەتتىڭ تارالۋى ارتقان. جانە دە كەي مەملەكەتتەر ۆيرۋستى جۇقتىرۋ دەرەگىن تومەندەتىپ كورسەتۋدە دەيدى ۇيىم باسشىسى. گەبرەيەسۋس سونداي-اق الەم ەلدەرىنەن شەكتەۋ شارالارىن ەرتە جەڭىلدەتپەۋگە شاقىردى. سەبەبى دەرت قايتا تارالۋى مۇمكىن ەكەندىگىن ەسكەرتەدى.
كارانتين رەجيمىن جەڭىلدەتۋ ءۇشىن بارلىق جاعداي ەسكەرىلىپ، جان-جاقتى تالداۋ دۇرىس جاسالاعانىنا سەنىمدى بولۋ كەرەك. ەگەر ىندەتكە بايلانىستى احۋال انىق ەكشەلمەي، شەكتەۋ شارالارى ەرتە الىناتىن بولسا، كوپ ۇزاماي كارانتيندى قايتا ەنگىزۋگە تۋرا كەلەدى. ال سالدارى ءتىپتى اۋىر بولۋى ىقتيمال، – دەيدى ددسۇ توتەنشە جاعداي جونىندەگى اتقارۋشى ديرەكتورى مايكل رايان.
