شاشتارى جەلبىرەگەن ايبەك پەن ايقىن كوپشىلىكتىڭ ىقىلاسىنا بولەندى (ۆيدەو)

3892
Adyrna.kz Telegram

فەيسبۋك الەۋمەتتىك جەلىسىندە اقجىگىت الىبەكۇلىنىڭ پاراقشاسىنداعى اۋىلدا ءان ايتقان اعالى-ءىنىلى بالالاردىڭ اۋىل تۋرالى ءانى جەلىنى شۋلاتتى. "اۋىلدى ساعىنىپ جۇرگەندە اۋىلداعى ءىنىمنىڭ ەكى ۇلى ايبەك پەن ايقىننىڭ شاشتارى جەلبىرەپ ايتقان مىنا ءانى كوڭىلىمدى تولقىتتى" دەپ جازىپتى اقجىگىت.
الىبەك ايبەك داۋرەنۇلى جامبىل وبلىسى جامبىل اۋدانى اششىبۇلاق اۋىلىنداعى قالقاباي سارتباەۆ اتىنداعى ورتا مەكتەپتىڭ 8-سىنىپ وقۋشىسى. اۋداندىق، وبلىستىق بىرنەشە بايقاۋلاردىڭ جەڭىمپازى. 2019 جىلى تاۋەلسىزدىك مەرەكەسى قۇرمەتىنە ۇيىمداستىرىلعان رەسپۋبليكالىق "جاس سارباز" اسكەري-پاتريوتتىق اندەر بايقاۋىندا قر قورعانىس ءمينيسترى گەنەرال-مايور ن.ەرمەكباەۆتىڭ قولىمەن ماراپاتتالعان (نۇر-سۇلتان ق.). ءىنىسى الىبەك ايقىن داۋرەنۇلى دا اتالعان مەكتەپتىڭ 3-سىنىپ وقۋشىسى. ەكەۋى دە مەكتەپتەگى مۋزىكا ءپانى مۇعالىمى كۇليپا تۇيىنشەكوۆادان ءدارىس الادى. اكەلەرى داۋرەن جەكە مال شارۋاشىلىعىمەن اينالىسادى. انالارى نازگۇل كوشتاەۆا باستاۋىش سىنىپتىڭ مۇعالىمى. جوعارىداعى ءاندى اكەلەرىنە كومەكتەسىپ، مال باعىپ ءجۇرىپ وزدەرى تۇسىرگەن.

بۇل ۆيدەوعا 2 مىڭعا جۋىق ادام لايك باسىپ، 1.5 مىڭ ادام ءبولىسىپ، 500-گە جۋىق كىسى پىكىر بىلدىرگەن. بۇل بالالاردىڭ ءانى قالادا كارانتيندە قامالىپ وتىرعان جۇرتتىڭ نازىك تۇسىن تاپ باسقانداي.

"ادىرنا" ۇلتتىق پورتالى

تومەننەن اعايىندى ەكەۋدىڭ اندەرىن تىڭداڭىز.

 

پىكىرلەر