"ادىرنا" ۇلتتىق پورتالىندا كاسىپكەر مارعۇلان سەيسەمبايدىڭ قوعام بەلسەندىسى مۇحتار تايجانعا جازعان حاتى جاريالانعان بولاتىن. https://adyrna.kz/post/36071 مۇحتاردىڭ دا جاۋابى كوپ كەشىكتىرمەدى.
"مارعۇلان سەيسەمبايدىڭ ماعان قاتىستى جازعان پوستىن وقىدىم. ايتارىم: مەن وعان بۇرىن دا، قازىر دە بىردە ءبىر تيىن قارىز ەمەسپىن. مۇنى اشىق مالىمدەيمىن. ەگەر ءسوزىم جالعان بولسا، ەلدى قۇر بوسقا شۋلاتپاي، قاراجات العانىمدى دالەلدەسىن. ەكى بالامدى وقىتۋ وڭاي بولماعاندىقتان، ەلدەن اقشا العان كەزدەرىم بولعان. بىراق، ماعان ول جانداردىڭ ەشبىرى قارىزىن قايتارمادى دەپ ايتا المايدى. قارىزعا العان اقشانى قايتارماۋ، وزىڭە سەنگەن ادامدى الداۋ – ماعان جانە ءبىزدىڭ اتا بابامىزعا جات قىلىق.
ماعان ەل الدىندا وسىنداي ايىپتاۋلار تاققاننان كەيىن، ءوزىمنىڭ ار-نامىسىم مەن قادىر-قاسيەتىمدى سوت الدىندا قورعاۋدان باسقا امالىم قالماي وتىر. الايدا، بۇل ىسكە رامازان ايى اياقتالعاننان كەيىن عانا كىرىسەمىن. سونداي-اق، مارعۇلاننىڭ ءوزىنىڭ دە جاعدايى قازىر ءماز بولىپ تۇرعان جوق. تاعى ايتا كەتەتىن ءجايت، مەن بۇل ايدا جەلىدەگى تەكەتىرەستەرگە ارالاسۋدى ءجون كورمەيمىن.
PS. مەنىڭ ونى قورعاۋدان باس تارتۋىم ءوزىمنىڭ جەكە قۇقىعىم . مەن بۇل كۇندەرى باسقا پوستتار نەمەسە ول تۋرالى مالىمەتتەردى ەش جەردە جاريالامادىم" دەپ مالىمدەمەسىن اياقتاعان مۇحتار تايجان.
