"Adyrna" ulttyq portalynda kásipker Marǵulan Seısembaıdyń qoǵam belsendisi Muhtar Taıjanǵa jazǵan haty jarııalanǵan bolatyn. https://adyrna.kz/post/36071 Muhtardyń da jaýaby kóp keshiktirmedi.
"Marǵulan Seısembaıdyń maǵan qatysty jazǵan postyn oqydym. Aıtarym: men oǵan buryn da, qazir de birde bir tıyn qaryz emespin. Muny ashyq málimdeımin. Eger sózim jalǵan bolsa, eldi qur bosqa shýlatpaı, qarajat alǵanymdy dáleldesin. Eki balamdy oqytý ońaı bolmaǵandyqtan, elden aqsha alǵan kezderim bolǵan. Biraq, maǵan ol jandardyń eshbiri qaryzyn qaıtarmady dep aıta almaıdy. Qaryzǵa alǵan aqshany qaıtarmaý, ózińe sengen adamdy aldaý – maǵan jáne bizdiń ata babamyzǵa jat qylyq.
Maǵan el aldynda osyndaı aıyptaýlar taqqannan keıin, ózimniń ar-namysym men qadir-qasıetimdi sot aldynda qorǵaýdan basqa amalym qalmaı otyr. Alaıda, bul iske Ramazan aıy aıaqtalǵannan keıin ǵana kirisemin. Sondaı-aq, Marǵulannyń óziniń de jaǵdaıy qazir máz bolyp turǵan joq. Taǵy aıta ketetin jáıt, men bul aıda jelidegi teketiresterge aralasýdy jón kórmeımin.
PS. Meniń ony qorǵaýdan bas tartýym ózimniń jeke quqyǵym . Men bul kúnderi basqa posttar nemese ol týraly málimetterdi esh jerde jarııalamadym" dep málimdemesin aıaqtaǵan Muhtar Taıjan.
