قازاقستاندىق عالىمدار تۇماۋعا قارسى ۆاكتسينانى مۇمكىندىگىنشە كوپ ادام الۋى ءتيىس دەپ سانايدى. ويتكەنى ماماندار قازاقستاندى كوروناۆيرۋستىڭ ەكىنشى تولقىنى كۇتىپ تۇر دەپ ەسەپتەيدى.
كوروناۆيرۋستىڭ ەكىنشى تولقىنى كۇزدە باستالادى دەپ بولجانىپ وتىر، ال قازاقستاندا ول تۇماۋ ەپيدەمياسىمەن تۇسپا-تۇس كەلەدى. وتاندىق ەپيدەميولوگ عالىمدار دەنساۋلىق ساقتاۋ ءمينيسترى ەلجان ءبىرتانوۆتىڭ قاتىسۋىمەن وتكەن بەينەكونفەرەنتسيا بارىسىندا وسىنداي بولجام جاسادى، دەپ حابارلايدى "ادىرنا" "ەۋرازيا" ءبىرىنشى ارناسىنا سىلتەمە جاساپ.
مامانداردىڭ ايتۋىنشا، تۇماۋعا قارسى ۆاكتسينانى كوپ ادام الۋى كەرەك، بۇل تالقىلانبايتىن ماسەلە.
"ماۋسىمدىق بولجامدى ازىرگە ەشكىم جوققا شىعارعان جوق، دەگەنمەن ماۋسىمدىق – بۇل تۇماۋ ماۋسىمى سياقتى قاتتى بولمايدى. ىندەت جازدا دا، كۇزدە دە جالعاسادى دەگەن بولجام جاسالىپ وتىر", - دەدى اسفەندياروۆ اتىنداعى قۇمۋ-ءدىڭ زەرتتەۋ قىزمەتى جونىندەگى پرورەكتورى باۋىرجان ءجۇسىپوۆ.
