تاجىكستان استاناسىنداعى N 1 ليتسەيدە دەنەشىنىقتىرۋ مۇعالىمى حۋرشەد كاريموۆ وكپە اۋرۋىنان قايتىس بولىپ، ءبىلىم مەكەمەسىندەگى وقۋشىلاردى ۇيگە قايتارعان. بۇل تۋرالى "ادىرنا"Central اsian-عا سىلتەمە جاساپ حابارلايدى.
ليتسەيدە 400-دەن استام وقۋشى بار. اتا-انالاردىڭ ايتۋىنشا، ليتسەي ۋاقىتشا جابىلدى، ونىڭ قاشان اشىلاتىنى ازىرگە بەلگىسىز.
"دەنەشىنىقتىرۋ مۇعالىمى حۋرشەد كاريموۆ وكپە اۋرۋىنان قايتىس بولعانىن، سول سەبەپتى ساباق بولمايتىنىن ليتسەي باسشىلىعى ايتتى. بارلىعى ۇيگە قايتتى. بالالار قورقىپ وتىر، ويتكەنى ولار كوروناۆيرۋس اۋرۋى تاراپ جاتقانىن بىلەدى" دەدى ليتسەي وقۋشىسىنىڭ ءبىرى.
حۋرشەد كاريموۆ ەكى اپتا بۇرىن پنەۆمانيا بەلگىلەرىمەن اۋرۋحاناعا تۇسكەن، دەيدى ليتسەيدەگى ءبىر مۇعالىم. ونىڭ ايتۋىنشا، ساباق توقتاپ تۇرعانىمەن، مۇعالىمدەر جۇمىسقا شىعىپ ءجۇر.
دۋشانبە قالالىق دەنساۋلىق ساقتاۋ باسقارماسىنىڭ مالىمدەۋىنشە، الاڭداۋعا نەگىز جوق - ليتسەيدە ەشكىم كوروناۆيرۋس جۇقتىرماعان.
مارقۇمنىڭ تۋىستارىنىڭ ءبىرىنىڭ ايتۋىنشا، حۋرشەد كاريموۆتىڭ دەنەسىن تۋىستارىنا بەرمەدى، ال مۇردە ورالعان ماتادان حلور ءيىسى شىعىپ تۇرعان. "حۋرشەدتىڭ دەنساۋلىعى ەكى كۇن ىشىندە ۋشىعىپ كەتتى. ول تۋىستاردى جيناپ، بارلىعىمەن قوشتاسقان" دەيدى مارقۇمنىڭ تۋىسى.
تاجىكستان بيلىگى ەلدە كوروناۆيرۋس اۋرۋى تىركەلگەن جوق دەۋدەن تانباي وتىر. دەگەنمەن سوڭعى كۇندەرى پنەۆمونيا مەن تۋبەركۋلەزدەن بىرنەشە ادامنىڭ قايتىس بولۋى ەلدە كوروناۆيرۋس تارالىپ جاتىر دەگەن سىبىستى كۇشەيتتى.
"ادىرنا" ۇلتتىق پورتالى
