الەمنىڭ بارلىق ەلدەرىنە كوروناۆيرۋسقا قارسى كۇرەستە ۇزاق جولدى باسىپ ءوتۋ كەرەك. ولاردىڭ كوپشىلىگى ەپيدەميانىڭ باستاپقى ساتىسىندا، دەيدى دۇنيەجۇزىلىك دەنساۋلىق ساقتاۋ ۇيىمىنىڭ باسشىسى تەدروس ادحان گەبرەيۋس.
سونىمەن بىرگە، باسقا ەلدەردە ەكىنشى رەت قايتالانىپ، ءورشىپ جاتىر، دەدى گەبرەيۋس. ونىڭ سوزىنە قاراعاندا، الەمنىڭ ايماقتارىندا كوروناۆيرۋستىڭ تارالۋىنىڭ ءارتۇرلى دەڭگەيى بايقالادى، دەپ حابارلايدى RT.
«ءبىز ءار ءتۇرلى ايماقتارداعى ءارتۇرلى تەندەنتسيالاردى بايقايمىز. باتىس ەۋروپاداعى وقيعالاردىڭ كوبىسى تۇراقتاندى نەمەسە ازايىپ كەلەدى. ساندارى از بولسا دا، ءبىز افريكا، ورتالىق جانە وڭتۇستىك امەريكادا، سونداي-اق شىعىس ەۋروپادان مازاسىز، قاۋىپتى تەندەنتسيانى بايقايمىز»، - دەدى ددۇ باسشىسى.
سونىمەن قاتار، قايتالاناتىن ينفەكتسيانى بولدىرماۋ قاجەت، كوپتەگەن مەملەكەتتەر ءالى دە ۆيرۋسقا قارسى ءالسىز، دەدى ول.
«بۇل ۆيرۋس بىزبەن ۇزاق ۋاقىت بىرگە بولادى. (...) كوپتەگەن ەلدەر ىندەتتىڭ باستاپقى ساتىسىندا، ال ۆيرۋستى بۇرىننان باسىنان وتكەرگەن كەيبىر ەلدەردە قايتا باستالعانىن كورسەتەدى. قاتەلەسپەڭىزدەر، بىزدە ۇزاق جول بار»، - دەپ ەسكەرتتى حەبرەيەس.
ەستەرىڭىزگە سالا كەتەيىك، دۇنيەجۇزىلىك دەنساۋلىق ساقتاۋ ۇيىمى كوروناۆيرۋستى پاندەميا دەپ جاريالادى، ۆيرۋس قىتاي تۇرعىندارىنا عانا ەمەس، سونىمەن بىرگە الەمنىڭ باسقا ەلدەرىنە دە اسەر ەتە باستادى. بۇگىنگى تاڭدا 2,5 ميلليوننان استام ادام COVID-19 جۇقتىرعان. 180 مىڭنان استام ادام قايتىس بولدى.
