50 ملن تەلەفون ءنومىرى كيبەرشابۋىلعا ۇشىراعان

1149

 

 2019 جىلى كيبەرشابۋىلداردان 11 ەل زارداپ شەككەن. ءتىپتى بۇل زارداپ شەككەن ەلدەردىڭ تىزىمىنە العاش رەت رەسەي مەملەكەتى دە كىرىپ وتىر. بۇل شابۋىلدى ۇيىمداستىردىرعان  حاكەرلىك وپەراتسيالاردى جۇزەگە اسىراتىن Bluenoroff بولىمشەسى بولۋى مۇمكىن ەكەنى ايتىلۋدا.

Bluenoroff 2014 جىلى Sony Pictures Entertainment سەرۆەرىن بۇزسا، 2016 جىلى بانگلادەش ورتالىق بانكىنەن 81 ملن دوللار ۇرلاعان. وعان قوسا ميلليون دوللارلىق بىرنەشە كريپتو-ۆاليۋتا بيرجالارىن توناپ، Lazarus Wanna Cry ۆيرۋستىق باعدارلاماسىن ىسكە قوسقان.

Lazarus - سولتۇستىك كورەي ۇكىمەتتىك توبى جاپونيا مەن وڭتۇستىك كورەياعا، كەيدە وزگەدە ايماقتارعا شابۋىلداپ وتىرادى.

قىتايلىق حاكەرلەر دە قالىس قالماي، كوپتەگەن جۇيەنى بۇزىپ، دەربەس جانە كورپوراتيۆتىك دەرەكتەردىڭ ۇلكەن كولەمىن ۇرلاپ كەتكەن.

30-دان استام ەلدە 10-نان استام كومپانيا نىساناعا العان زيانكەستەر ۇكىمەت مۇشەلەرى مەن قۇقىق قورعاۋ ورگاندارىنىڭ قىزمەتكەرلەرىن جانە ساياساتكەرلەر تۋرالى اقپاراتتار جيناعان.

كيبەرشابۋىلدار وسىدان جەتى جىل بۇرىن باستالعان. ولار تەلەفونمەن سويلەسۋ جازبالارىنا نەمەسە SMS-حابارلامالاردىڭ مازمۇنىنا تىكەلەي قول جەتكىزە الماسا دا، پايدالانۋشىلاردىڭ قوڭىراۋلارى تۋرالى دەرەكتەردى ساقتاي بىلگەن.

2019 جىلى بەلگىسىز تۇلعالار ەوب-عا تيەسىلى بىرىكتىرىلگەن بانكتىك ەسەپتىلىك (BIRD) سايتىنان قۇپيا اقپاراتتى ۇرلاپ كەتكەن.

بۇل سايت بانك قىزمەتكەرلەرىنە ارنالعان جانە ءارتۇرلى ەسەپتەردى جاساۋ بويىنشا كەڭەس بەرۋ قىزمەتىن اتقارادى. سايتقا شابۋىلداۋدىڭ نەگىزگى ماقساتى –جازىلۋشىلاردىڭ جەكە بايلانىس دەرەكتەرىن، ەلەكتروندىق پوشتا مەكەن-جايلارىن جانە  ونداعى قىزمەتتەر تۋرالى  ماعۇلمات الۋ بولعان.

اقش پەن قىتاي اراسىنداعى ساۋدا كەلىسسوزدەرىنىڭ كەزەكتى وتىرىسى قارساڭىندا حاكەرلەردىڭ قىتايلىق كومانداسى اقش-تىڭ ۇلتتىق ونەركاسىپشىلەر قاۋىمداستىعىنىڭ (NAM) جەلىسىنە شابۋىل جاساپ، اقش پرەزيدەنتى دونالد ترامپ پەن ناپ باسشىسى دجەي تيممونستىڭ كەزدەسۋىمەن بايلانىستى كەز كەلگەن مالىمەتتەردى الۋدى كوزدەگەن. قىتايدىڭ بۇنداي شابۋىلى اقش پەن ساۋدا سوعىسىندا ارتىقشىلىق الۋعا دايىندىعىن بىلدىرەدى.

2019 جىلدىڭ تاعى ءبىر كيبەرشابۋىلى اقش-تىڭ كەدەندىك جانە شەكارالىق باقىلاۋ قىزمەتىنىڭ ساياحاتشىلارىنىڭ اۆتوموبيل نومىرلەرى مەن فوتوسۋرەتتەرىنىڭ بازاسىنان ايىرىلۋىمەن جالعاستى. كيبەرقىلمىسكەرلەر امەريكانىڭ شەكاراسىن كەسىپ وتكەن ميلليونداعان ادام تۋرالى اقپاراتتاردى، پاسپورت دەرەكتەردى، فوتو جانە اۆتوموبيل نومىرلەردى قولدى قىلعان.

قىتايدىڭ تاعى مەملەكەتتىك APT10 حاكەرلەرلىك توبى ءار ءتۇرلى كومپانيالار قىزمەتكەرلەرىنىڭ ەسەپتىك دەرەكتەرىن جيناۋ ءۇشىن باعىتتالعان فيشينگتى پايدالانىپ، سودان كەيىن ولاردىڭ جەلىسىنە ۆيرۋس ەنگىزىپ، جەكە مەنشىك اقپاراتتاردى ۇرلايدى.

بۇل APT3 بولىمشەسى اقش-تىڭ انب-دان كيبەرشابۋىلداردى جۇزەگە اسىرۋعا ارنالعان قۇرالداردى ۇرلاپ، APT3 كيبەرقىلمىسكەرلەر شابۋىلداۋشى كومپيۋتەرلەردىڭ يادروسى دەڭگەيىندە كودتى قاشىقتىقتان ورىنداي الاتىن EternalRomance اتىمەن بەلگىلى قۇرالدى ءوز قاجەتتىلىكتەرىنە بەيىمدەي العان.

جالپى، Facebook, Twitter, LinkedIn الەۋمەتتىك جەلىلەرىنىڭ جانە Github قىزمەتىنىڭ 1,2 ملرد پايدالانۋشىلارى وسىنداي شابۋىلدان زارداپ شەككەن. اشىق دەرەكتەردە  622 ملن ەلەكتروندىق پوشتا مەكەن-جايى، 50 ملن تەلەفون ءنومىرى شابۋىلعا ۇشىراعانى تۋرالى ايتىلادى. Wired رەسۋرسىنىڭ مالىمەتتەرى بويىنشا، دەرەكتەر قورى بانكتىك كارتالار، الەۋمەتتىك ساقتاندىرۋ نومىرلەرى تۋرالى اقپاراتتى قامتىماعان، سونداي-اق وندا اككاۋنتتاردان قۇپيا سوزدەرى بولماعان.

 

اقپارات https://mobile.mt5.com/ru/photonews/11793 سايتىنان الىنعان.

اۋدارعان: بەكزات بولاتۇلى

"ادىرنا" ۇلتتىق پورتالى

پىكىرلەر
رەداكتسيا تاڭداۋى