بەلگىلى كاسىپكەر مارعۇلان سەيسەمباي وزىنە تىقىر تايانعانىن فەيسبۋك پاراقشاسىندا مالىمدەدى. ونىڭ ايتۋىنشا، ءۇيىن بەلگىسىز قىرىق شاقتى ادام تورۋىلداپ ءجۇر.
"دوستار،
مەنىڭ ىزىمە تۇسكەنگە ۇقسايدى.
سوڭعى بىرنەشە كۇن بويى الەل اگرو قىزمەتكەرلەرىنىڭ تىنىشتىعى قاشتى. كەشە تۇندە الەل اگرو باسشىلىعىن تۇتقىنعا الدى. كۇنى بويى بانكتەردەن قۇجاتتارىن الدىرتىپ، ۇيلەرىندە ءتىنتۋ جۇرگىزدى.
مۇمكىندىگىمدى پايدالانىپ، مەن ەشقانداي دا قىلمىس جاساماعانىمدى ايتقىم كەلەدى. ءبىر دە ءبىر بيزنەستە مەن ەشنارسەگە قول قويىپ، بولماسا باسشىلىق ەتپەدىم. قازىر ولار الەل اگروعا قاتىستى سۋبسيديالار الۋ كەزىندە الاياقتىق پەن قارجى جىمقىرۋ بويىنشا قىلمىستىق ءىس قوزعاپ وتىر. الەل اگرو ايىپ تاعىلاتىنداي ينۆەستيتسيالىق سۋبسيديالار العان ەمەس. مەنىڭ بۇل سۋبسيديالاردىڭ ۇلەستىرىلۋى، نە الىنۋىنا ەشقانداي قاتىسىم بولماعان، قازىر دە ەش قاتىسىم جوق. سوندىقتان، بۇل ناعىز ساياسي ءىس، ولار مەنى قاماپ تاستاماقشى نەمەسە اۋىزىمدى جاپتىرعىسى كەلىپ وتىر.
⠀
P.S. مەنىڭ ءۇيىمنىڭ اينالاسىندا 30-40 شاقتى ادام ءجۇر. شاماسى كوميتەتچيكتەر" دەپ جازدى مارعۇلان ءوزىنىڭ فب پاراقشاسىندا.
