ۇقك شەكارا اكادەمياسىنىڭ 54 كۋرسانتى COVID-19 جۇقتىردى، - دەپ حابارلايدى "ادىرنا". بۇل تۋرالى قوعامدىق دەنساۋلىق ساقتاۋ باسقارماسىنىڭ باسشىسى تىلەۋحان ابىلداەۆ مالىمدەدى.
الماتىداعى توتەنشە جاعدايدى قامتاماسىز ەتۋگە، كوشە ءتارتىبىن ساقتاۋعا اتالعان اكادەميانىڭ كۋرسانتتارى تارتىلعان بولاتىن.
«باسىندا ءبىز اكادەميانىڭ 14 كۋرسانتىندا كوروناۆيرۋستىق ينفەكتسيانى انىقتادىق. تەكسەرۋدەن كەيىن جۇقتىرعاندار سانى 54-كە جەتتى. ولاردىڭ بارلىعى جۇقپالى اۋرۋلار اۋرۋحاناسىندا جاتىر. ولاردىڭ جاعدايى قاناعاتتانارلىق، بارلىق قاجەتتى ەمدەر الۋدا»، - دەدى ول.
شەكارا اكادەمياسىنىڭ 150 كۋرسانتى پاترۋلدىك قىزمەتكە تارتىلىپ، الماتىدا ءتۇسىندىرۋ جۇمىستارىن جۇرگىزدى.
ۇلتتىق قاۋىپسىزدىك كوميتەتىنىڭ شەكارا اكادەمياسىندا كارانتيندىك يزولياتور ورنالاستىرىلعان.
ۇقك شەكارا اكادەمياسى باسشىسىنىڭ ورىنباسارى ايدوس اليەۆ بۇعان دەيىن بارلىق كۋرسانتتار قولعاپ پەن ۆيرۋسقا قارسى ماسكالارمەن قامتاماسىز ەتىلگەنىن ايتتى.
«بۇل ءبارى جاس جانە دەنى ساۋ بالالار. اۋرۋدىڭ بەلگىلەرى كورىنبەيدى. بارلىعى ساۋ، بەلسەندى، ادەتتەگىدەي قىزمەت ەتەدى. بۇل ءبىزدىڭ اسكەري قىزمەتكەرلەر رەتىندەگى مىندەتىمىز ەكەنىن اتاپ وتەمىز. ءبىز مىندەت قويدىق، ونى ورىندايمىز. سوندىقتان قازاقستاندىقتارعا ۇندەۋ جولداعىم كەلەدى. مۇمكىندىگىنشە بارلىعىنىڭ ۇيدە بولۋىن قالايمىن، اسىرەسە قارتتار مەن بالالاردىڭ. بۇل ۋاقىتشا قۇبىلىس، ءبىز ەپيدەميانى تەك بىرگە عانا توقتاتامىز »، - دەدى ول.
