قازاقتىڭ كەمەڭگەر ۇلى

2625
Adyrna.kz Telegram

باسقارۋشى بولماسا، ەل قادىرى كەتەدى.
نۇرسۇلتان ءابىشۇلى نازارباەۆ – قازىرگى تاريحىمىزداعى كەمەڭگەر تۇلعا. تۇڭعىش پرەزيدەنتىمىز -جاھانعا مەملەكەتتىڭ بەيبىت جانە يادرولىق قارۋسىز ساياساتىن پاش ەتىپ، قازاقستاندى جوعارى الەمدىك دەڭگەيگە شىعاردى.
ەۋرازيا كىندىگىندەگى وركەنيەتتى ەلى، ءورىستى جەرى، ءوسىپ-ونگەن حالقى بار قازاقستان رەسپۋبليكاسى ەلباسى نۇرسۇلتان نازارباەۆتىڭ دانا ستراتەگياسى، كورەگەن ساياساتىنىڭ ارقاسىندا قۋاتتى مەملەكەتكە اينالدى.
ءححى عاسىردا نارىقتىق ەكونوميكاسىمەن، زاماناۋي ساياسي-دەموكراتيالىق جۇيەسىمەن، ازاماتتىق قوعامىمەن العا قاراي قارىشتاپ دامىپ كەلەدى. ەلباسىنىڭ سارا جولىن بۇگىندە قاسىم-جومارت كەمەلۇلى توقاەۆ جالعاستىرۋدا. سونىڭ ناتيجەسىندە، ءبىز اقش-تىڭ بۇرىنعى پرەزيدەنتى اۆراام لينكولن ايتقانداي،  «ادامدار ادامدار ءۇشىن بيلىك ەتەتىن»  دەموكراتيالىق مەملەكەت قۇرۋدامىز.
ەلباسىمىزدىڭ ەلىمىز ءۇشىن سىڭىرگەن ەرەن ەڭبەگىنىڭ تەرەڭ باعاسىن بەرەر ءسوز ىزدەگەندە ويىمىزعا «ەرلىك» ءسوزى ورالا بەرەدى. راسىندا دا نۇرسۇلتان ءابىشۇلى نازارباەۆتىڭ بۇكىل ءومىر جولى تۋعان وتانى – تاۋەلسىز قازاقستاندى بارشا الەمگە تانىمال، ەڭسەسى بيىك مارتەبەلى مەملەكەتكە اينالدىرسام دەگەن بيىك مۇراتپەن سۋارىلعان  ەلدىك جولىنداعى ەرلىككە تولى ەكەنى ايداي اقيقات.

مەرەي امان،
فيلولوگيا جانە الەم تىلدەرى فاكۋلتەتىنىڭ 1-كۋرس ستۋدەنتى

ف.قوزىباقوۆا، عىلىمي جەتەكشىسى

ءال-فارابي اتىنداعى قازۇۋ تاريح كافەدراسىنىڭ دوتسەنتى،

پىكىرلەر