بارشامىز تۋعان جەرىمىزدىڭ باتىرلارىن ارداقتاپ، ۇمىتپاۋعا مىندەتتىمىز. تۋعان جەرىمنىڭ باتىرلارىمەن ارقاشان ماقتانامىن.
لەسبەك بايىمبەتۇلى جولداسوۆ 1920 جىلى 11-اقپاندا سارىاعاش اۋدانى قىزىلاسكەر اۋىلىندا دۇنيەگە كەلگەن. لەسبەك اتامىز ۇلى وتان سوعىسىنىڭ ارداگەرى. كەڭەس وداعىنىڭ باتىرى (24.03.1945). 2-دۇنيەجۇزىلىك سوعىستا قىزىل تۋلى 316-اتقىشتار ديۆيزياسى قۇرامىندا سۋمى، بەلگورود، ورەل قالالارى ماڭىندا، دۋناي جاعالاۋىندا بولعان ۇرىستارعا قاتىستى.
دۋناي وزەنىنەن ءوتۋ كەزىندەگى ۇرىستا روتا كومانديرى اسقان ەرلىك كورسەتىپ، جاۋدىڭ 60 سولداتى مەن وفيتسەرىن جويدى. سوعىستان كەيىن پەداگوگيكالىق ينستيتۋتتى ءبىتىرىپ تۋعان اۋىلىندا مەكتەپ ديرەكتورى بولدى. لەنين، 2-دارەجەلى وتان سوعىسى وردەندەرىمەن، مەدالدارمەن ماراپاتتالعان. «ەرلىك — ەلگە مۇرا، ۇرپاققا — ۇلگى" بابالارىمىزدىڭ ءاربىر ءجۇرىپ وتكەن جولى — ءبىز ءۇشىن ۇلگى، شەجىرە، تاعدىر — تاريح. "ەل ەرىمەن ەڭسەلى،" "ەلىم" دەپ ەڭىرەپ تۋعان ەرلەردىڭ ەسىمى ەش ۋاقىتتا ەلەۋسىز قالمايتىنى اقيقات.
حالىق مۇنداي قاھارمان ۇلدارىن جىر- اڭىزعا اينالدىرىپ، وشپەس ەرلىگىن اۋىزدارىنان تاستاماي، جان جۇرەگىندە ساقتايدى.ءيا، قانقۇيلى، سۇراپىل سوعىستىڭ بىتكەنىنە دە جەتپىس جىل بولادى. بىراق ۇلى جەڭىستىڭ ۇمىتىلمايتىنى سياقتى، سوعىس تا ۇمىتىلمايتىن ءىزىن قالدىردى. جەڭىس ءۇشىن تولەنگەن قۇننىڭ ءبىرى— بالالىق شاعىن سوعىس ءورتى شارپىعان بالالاردىڭ كوز جاسى. 1995 جىلى باتىر اتامىز جايلى اقپاراتتار مەن ەستەلىكتەرن جيناقتالعان «لەسبەك باتىر» اتتى كىتاپ جارىق كوردى.
بۇل كۇندە لەسبەك جولداسوۆ اۋىلىمىزدىڭ ماقتانىشى. اۋىلعا «لەسبەك باتىر» اتاۋى بەرىلدى. مەكتەبىمىز لەسبەك جولداسوۆ اتىندا. مەكتەپ اۋلاسىندا لەسبەك جولداسوۆتىڭ ەسكەرتكىشى بار. ءار اقپان ايىنىڭ 11-جۇلدىزىندا لەسبەك اتامىزدىڭ تۋعان كۇنى مەكتەبىبىمىزدە وتكىزىلەدى. اۋىلىمىزدىڭ ۇلكەن-كىشىسى جينالىپ، لەسبەك اتامىزدى ەسكە الادى. باتىر اتامىزدىڭ اتىن ۇمىتپايمىز، ءبىز جاس ۇرپاق-ۇلىقتايمىز!
داۋلەتيار گۇلزاميرا،
فيلولوگيا جانە الەم تىلدەرى فاكۋلتەتىنىڭ 1-كۋرس ستۋدەنتى .
ف.قوزىباقوۆا،
ءال-فارابي اتىنداعى قازاق ۇلتتىق ۋنيۆەرسيتەتىنىڭ
تاريح جانە ارحەولوگيا، ەتنولوگيا فاكۋلتەتىنىڭ
قازاقستان تاريحى كافەدراسىنىڭ دوتسەنتى، عىلىمي جوبا جەتەكشىسى
