Er esimi - el esinde

3035
Adyrna.kz Telegram

Barshamyz týǵan jerimizdiń batyrlaryn ardaqtap, umytpaýǵa mindettimiz. Týǵan jerimniń batyrlarymen árqashan maqtanamyn.

Lesbek Báıimbetuly Joldasov 1920 jyly 11-aqpanda Saryaǵash aýdany Qyzylásker aýylynda dúnıege kelgen. Lesbek atamyz Uly Otan soǵysynyń ardageri. Keńes Odaǵynyń Batyry (24.03.1945). 2-dúnıejúzilik soǵysta Qyzyl týly 316-atqyshtar dıvızııasy quramynda Sýmy, Belgorod, Orel qalalary mańynda, Dýnaı jaǵalaýynda bolǵan urystarǵa qatysty.

Dýnaı ózeninen ótý kezindegi urysta rota komandıri asqan erlik kórsetip, jaýdyń 60 soldaty men ofıerin joıdy. Soǵystan keıin pedagogıkalyq ınstıtýtty bitirip týǵan aýylynda mektep dırektory boldy. Lenın, 2-dárejeli Otan soǵysy ordenderimen, medaldarmen marapattalǵan. «Erlik — elge mura, urpaqqa — úlgi" babalarymyzdyń árbir júrip ótken joly — biz úshin úlgi, shejire, taǵdyr — tarıh. "El erimen eńseli," "Elim" dep eńirep týǵan erlerdiń esimi esh ýaqytta eleýsiz qalmaıtyny aqıqat.

Halyq mundaı qaharman uldaryn jyr- ańyzǵa aınaldyryp, óshpes erligin aýyzdarynan tastamaı, jan júreginde saqtaıdy.Iá, qanquıly, surapyl soǵystyń bitkenine de jetpis jyl bolady. Biraq Uly Jeńistiń umytylmaıtyny sııaqty, soǵys ta umytylmaıtyn izin qaldyrdy. Jeńis úshin tólengen qunnyń biri— balalyq shaǵyn soǵys órti sharpyǵan balalardyń kóz jasy. 1995 jyly batyr atamyz jaıly aqparattar men esteliktern jınaqtalǵan «Lesbek Batyr» atty kitap jaryq kórdi.

Bul kúnde Lesbek Joldasov aýylymyzdyń maqtanyshy. Aýylǵa «Lesbek Batyr» ataýy berildi. Mektebimiz Lesbek Joldasov atynda. Mektep aýlasynda Lesbek Joldasovtyń eskertkishi bar. Ár aqpan aıynyń 11-juldyzynda Lesbek atamyzdyń týǵan kúni mektebibimizde ótkiziledi. Aýylymyzdyń úlken-kishisi jınalyp, Lesbek atamyzdy eske alady. Batyr atamyzdyń atyn umytpaımyz, biz jas urpaq-ulyqtaımyz!

Daýletııar Gúlzamıra,

Fılologııa jáne álem tilderi fakýltetiniń 1-kýrs stýdenti .

F.Qozybaqova,

Ál-Farabı atyndaǵy Qazaq Ulttyq Ýnıversıtetiniń

Tarıh jáne arheologııa, etnologııa fakýltetiniń

Qazaqstan tarıhy kafedrasynyń doenti, ǵylymı joba jetekshisi

Pikirler