«تەكسىزدىڭ تەگى-قۇل» دەگەن كونەدەن قالعان ءسوزدىڭ استارىندا ۇلكەن ءپالساپا جاتىر.
مەنىڭ سانا-سەزىمىمدە تەك ۇلكەن اسا قۇدىرەتتى ءرول اتقارادى. نەگە دەسەڭىز تەك ول ءبىزدىڭ تاريحىمىز. ءاربىر جاننىڭ، ءاربىر جانۇيانىڭ وزىندىك جەكە تاريحى. اتا-باباسىنىڭ وسيەتى، كۇشى ، قۇدىرەتى ءبارى تەگىڭىزدە ساقتالادى.
كەزىندە قازاق حالقى ساۋاتتىلىقتى، يماندى، ءداستۇردى، تاريحتى اسا قۇرمەتتەيتىن حالىق بولعان. بىراق،ۋاقىت وتە كەلە ادام وزگەرۋىمەن زامان دا ءوز كالياسىنان اسىپ بارا جاتىر. ءيا،زامان ەش ۋاقىتتا وزگەرمەيدى ونى ادام وزگەرتەدى.
مەنىڭ ويىمشا تەكتى ادام دەگەن ءوزىنىڭ بابالارىن قۇرمەتتەيتىن، بابالارىن بىلەتىن، ەلىن سۇيەتىن، ءوز حالىقىنا جاناشىر بولا الاتىن جانە ءوزىن ناعىز ازامات، ازاماتشا رەتىندە كورسەتە الاتىن ادام دەپ ويلايمىن. مىسالى، ەستۋىمشە ءبىر اۋىلدا سوناۋ اتا-باباسىنان بەرى وڭباي كەلە جاتقان ۇرلىقشىلار اتانعان وتباسى بار ەكەن. ءوز اۋىلىن ءوزى توناپ، ودان قالا ۇرپاقتارىنا «ۇرلىقشىنىڭ بالاسى»، «ءاي،بۇل انا ۇرلىقشى شالدىڭ نەمەرەسى» دەگەن اتاق قالدىرعان ادام قانداي ەكەن؟ ارينە،بۇل دۇنيەدە نەشە ءتۇرلى جاعدايلار بولىپ جاتادى. بىرەۋدى سوگۋگە ەشقانداي قۇقىعىمىز جوق. الايدا ادام ءبىرىنشى ءوز نامىسىن،تەگىن ساقتاپ قالۋ كەرەك.
كەز-كەلگەن جەرگە. بارساڭىز جۇمىس بولسىن، كەزدەسۋ بولسىن، وقۋ ورنى بولسا دا ءسىزدى بىرەۋ ماقتاعان كەزدە «قانداي تەكتى وتباسىدان شىققان» نەمەسە «تەكتى ادام ەكەن» دەپ سىزگە تامسانا قاراسا وزىڭىزگە جاعىمدى ەمەس پە؟! وسىنداي ماداققا يە بولۋ ءۇشىن ەڭ باستىسى تاربيەلى بولۋ كەرەك. اتا-بابانىڭ قۇدىرەتتىلىگىن ءبىلۋ كەرەك. ءوزىڭىزدىڭ تەگىڭىزگە دەگەن ەرەكشە ماحاببات،ماقتانىش سەزىمى بولۋى قاجەت. سوندا عانا ءسىز تەكتى ادام بولا الاسىز. وسىدان تۇيەتىن ويىمىز «ءسىزدىڭ ءاربىر ءىسىڭىز،ءاربىر ءسوزىڭىز» بولاشاقتا ءسىزدىڭ ۇرپاعىڭىزعا قويىلاتىن تاڭبا دەسەك تە بولادى.
بەلگوزيەۆا نازەركە اسىلبەكقىزى.
تۋران ۋنيۆەرسيتەتى.
الماتى قالاسى.
