پرەزيدەنت دەگەنىمىز- ءوز ەلىنىڭ تاربيەلى تۇتقاسى.
ج.ايماۋىتوۆ
حالقىمىزدا "حان بىرەۋ بولۋ كەرەك،قالعاندارى تىرەۋ بولۋ كەرەك" دەگەن ناقىل ءسوز بار.بۇل دەگەنىمىز-جەكە تۇلعا،ەل كوسەمى دەگەنگە ساي كەلەدى.سوندىقتان دا امەريكاندىقتار دجوردج ۆاشينگتوندى،ورىس ۇلتى ءبىرىنشى پەتردى،تۇرىكتەر اتاتۇرىكتى ءپىر تۇتادى.ولاردى وزدەرىنىڭ شىن مانىندەگى مەملەكەتتىگىنىڭ نەگىزىن قالاۋشى،ەل تاعدىرىنىڭ ەڭ ءبىر قيىن كەزەڭىندە تىزگىن ۇستاپ،تۋ كوتەرگەن تاريحي تۇلعاسى رەتىندە قۇرمەتتەيدى.سونداي تەكتى دە، دارا تۇلعا-نۇرسۇلتان نازارباەۆ دەپ اتار ەدىم. ەل تاۋەلسىزدىگىنىڭ العاشقى جەتىستىگى-حالقىمىز ءوز تاڭداۋىمەن ەل پرەزيدەنتىن سايلادى.ءسويتىپ وعان ۇلكەن مىندەت جۇكتەدى،سەنىم ارتتى.
وسىدان بىرنەشە عاسىر بۇرىن عۇلاما ماحمۇت قاشقاري: "بۇتاعى كوپ اعاشقا قۇس قونار" - دەپ ايتقان. قانشاما ۇلتتىڭ باسىن بىرىكتىرگەن، بەرەكە-بىرلىگىن بىرىكتىرگەن، تىنىشتىعىن ساقتاپ وتىرعان ەلباسىنا، بەيبىتشىلىكتى سۇيەتىن حالقىما ءتانتى بولامىن.
سونىمەن قاتار رۋحاني جاڭعىرۋ بۇگىنگى قوعامدا بەلەڭ الىپ تۇرعان ورىندى ۇدەرىس.
ادامزات قوعام دامىعان سايىن قوعاممەن بىرگە وي ءورىسىن ساناسىن، رۋحاني بايلىعىن دامىتادى، بايىتادى. ەلباسى باستاماسىمەن ەلىمىز قوشتاپ، جۇرگىزىلىپ جاتقان بۇل ساياسات ارقاسىندا قازىرگى تاڭدا قانشاما يگى ءىس- شارالار وتكىزىلىپ، جاستار ساناسى اسىل قورلارمەن بايىتىلىپ رۋحىمىز بيىكتەۋدە.
رۋحاني جاڭعىرۋ ەلدەگى ۇلكەن بەتبۇرىس دەپ ويلايمىن ءوز باسىم...
وسى باستاما ارقاسىندا وتكەن تاريحىمىزدى تانىپ بىلدىك، بولاشاققا ايقىن باعدار جاساي الدىق،بولمىسىمىزدى جاڭارتتىق.
تاريح تۇلعالارىنىڭ ەسىمى مەن ەڭبەكتەرى ۇرپاق ساناسىنان ەلەۋلى ورىن الىپ، ءالىپبيىمىز ءبىر جۇيەگە ەنۋدە. حالقىمىزدىڭ بولاشاعى بۇلىڭعىر بولماي، انىق تا ايقىن، ورەلى دە باي، ۇرپاقتارى سانالى دا ساۋاتتى بولىپ جەتىلۋى ءۇشىن رۋحاني جاڭعىرۋىمىز كەرەك.
پەردەباي جانيا
ءال-فارابي اتىنداعى قازۇۋ فيلولوگيا جانە الەم تىلدەرى فاكۋلتەتىنىڭ ستۋدەنتى.
عىلىمي جوبا جەتەكشىسى:ف،قوزىباقوۆا،
ءال-فارابي اتىنداعى قازاق ۇلتتىق ۋنيۆەرسيتەتى تاريح جانە ارحەولوگيا-ەتنولوگيا فاكۋلتەتىنىڭ قازاقستان تاريحى كافەدراسىنىڭ پروفەسسورى
