"رۋحاني جاڭعىرعانىمىز" بوداندىقتىڭ داۋىرىندە جوعالعان، ۇمىتتىرىلعان ءومىر سالتىمىزعا،تامىرىمىزعا قايتا ورالۋ،ۇلتتىڭ بولمىسى، ۇلتتىڭ ەرەكشەلىگى - ۇلتتىق كودتىڭ ۇلى قاسيەتتەرىنە قايتا ورالۋ ىسپەتتى.30جىل ەل تىزگىنىن بەرىك ۇستاعان ەلباسىمىز "جاڭعىرۋ"-دەپ،ۇلتتىق كودتىڭ قازاقيلىق 7 قاسيەتىنە ورالۋدى اڭسايدى.
ۇلتتىڭ جاسالۋى-قازاق اۋەزى.ۇلت تاريحى - جەكە ادامنىڭ تەگىنە تىرەلەدى. "تەكتىلىك تاريحى - ۇلت تاريحى" دەمەكشى تەگىمىز،اتى-ءجونىمىز. باي مۇرامىز-ءتىلىمىز. قايتالانباس-كۇيىمىز. ج. بالاساعۇني:
"ادامعا ەكى نارسە كەرەك تەگى،
ءبىرى ءتىل، ءبىرى ءدىلىڭ جۇرەكتەگى", - دەپ XI عاسىردا ءسوز قالدىرعانداي-ءدىلىمىز
الەمدە تۋعان جەرىن اڭسايتىن ۇلتتىڭ بىرەگەيى بولعاندىقتان،توپىراعىمىز ،كيەمىز جانە قۇداي بەرگەن جادىمىز.التى اي جىرلاپ "قىرىمنىڭ قىرىق باتىرىن" تاۋىسا الماعان مۇرىن جىراۋدى كورمەسەك تە ەستىدىك.وسىدان قاراپ،ەستە ساقتاۋىمىز،جادىمىز جاڭعىرعان ەل ەكەنىمىز كورىنەدى.وسى ۇلتتىق قاسيەتتەر ورنىعىپ، ساناعا قۇيىلسا تولىق ادام دارەجەسىنە جەتەمىز. تولىق ادام بولعان سوڭ قۇدايعا قۇلشىلىق ەتۋگە بولادى.قازاققا ءسوز ورنەگىنىڭ جاڭا قىرىن تانىتىپ ءمالىم قىلعان ۇلى شايىر،پوەزيانىڭ پايدالىسىن، قارا ءسوزدىڭ قادىرلىسىن، قۇنارلىسىن مول قالدىرعان ءىرى دانا اباي اڭساعان تولىق ادام يدەالىن قۇرايىق.
تولىق ادام ءوزىنىڭ كەمشىلىكتەرىن سەزىنىپ، بويىنان اۋلاق ەتكەندە كەمەل ادام ساناتىنا جاتادى. كەمەل ادامدا ۇلتتىق رۋح قايناپ جاتادى.
ءسويتىپ، تاڭىلعان تانىمنىڭ قامىتىن بۇزىپ، جاڭىلعان جادتى قالپىنا كەلتىرىپ، سارسىلعان سارتاپ بولعان سانانى جاڭعىرتساق ەلباسىنىڭ تولعاۋىنا قوسقان ۇلەسىمىز بولادى.
مۇنار كۇننىڭ مۇڭىن ارتتا قالدىرىپ،
اتتى سوسىن ارايلانىپ تاڭ كۇلىپ.
بولاشاققا باعىت الدىق باقىتتى،
ەل بولماققا رۋحاني جاڭعىرىپ.
تازا ۇستاساڭ اسقاقتاپ اردى نىق،
جىرلاۋ بىلسەك ۇلتتىق كودتى ءان قىلىپ.
سانامىزدى سەرگەكتىككە بەتتەسەك،
ەل بولامىز رۋحاني جاڭعىرىپ.
عانيبەت ەسەتوۆا،
ءال فارابي اتىنداعى قازۇۋ فيلولوگيا جانە الەم تىلدەرى فاكۋلتەتىنىڭ ستۋدەنتى
عىلىمي جوبا جەتەكشىسى: ف. قوزىباقوۆا،
ءال فارابي اتىنداعى قازاق ۇلتتىق ۋنيۆەرسيتەتى تاريح جانە ارحەولوگيا، ەتنولوگيا فاكۋلتەتىنىڭ
قازاقستان تاريحى كافەدراسىنىڭ پروفەسسورى
