ەلباسى ن. ءا. نازارباەۆ «بولاشاققا باعدار: رۋحاني جاڭعىرۋ» مەن «ۇلى دالانىڭ جەتى قىرى» ماقالاسىندا ۇلتىمىزدىڭ تاريحي مادەنيەتىن، سالت-ءداستۇرىن ساقتاپ قانا قويماي، بۇگىنگى تاڭدا ونى قايتا جاڭعىرتۋ، ماڭىزىن ارتتىرۋ قاجەتتىگىن اتاپ وتكەن بولاتىن.
تاسىن تۇرتسە تاريحى كورىنەتىن تاراز شاھارىندا كوپتەگەن سان عاسىرلىق ومىرگە كۋا تاريحي ەسكەرتكىشتەر بار. سونىڭ ءبىرى، سىر تۇنعان - «اقىرتاس» ساراي كەشەنى. اراب دەرەكتەرىندە ۇلى جىبەك جولىنىڭ بويىندا ورنالاسقان كاسريباس وسى اقىرتاس بولۋى مۇمكىن دەگەن دەرەكتەر قاراسى كوپ. ايتالىق، كوبىمىز كونە ەسكەرتكىش تاريحىمەن اسا تانىس ەمەسپىز. ول سوڭعى 130 جىل بويى زەرتتەلىپ كەلەدى. جىل سايىن كورشى ەلدەردەن تۋريستەر قاتارى كوبەيىپ، ەسكەرتكىشكە ەرەكشە نازار اۋدارىلۋدا. اقىرتاس ساراي كەشەنىنىڭ ىشىنە بۇككەن قۇپيالارى كىمدى دە بولسىن قىزىقتىرماۋى مۇمكىن ەمەس.
رۋحاني جاڭعىرۋ نەگىزى-تاريحي ەسكەرتكىشتەر. ءوز تاريحىمىزدى تاستان قالانعان ەسكەرتكىشتەر مەن جازبا ادەبيەتىمىزدەن تانىپ بىلەمىز. بۇل ورايدا، بىزگە ارتىلاتىن باستى مىندەت-تاريحي مادەني مۇرامىزدى ۇلىقتاۋ، كەلەشەك ۇرپاققا ۇلگى ەتۋ.
بەكتۇرعانوۆا الينا ەرعاليقىزى,
ءال فارابي اتىنداعى قازۇۋ فيلولوگيا جانە الەم تىلدەرى فاكۋلتەتىنىڭ 1كۋرس ستۋدەنتى.
عىلىمي جوبا جەتەكشىسى: ف. قوزىباقوۆا،
ءال فارابي اتىنداعى قازاق ۇلتتىق ۋنيۆەرسيتەتى تاريح جانە ارحەولوگيا، ەتنولوگيا فاكۋلتەتى قازاقستان تاريحى كافەدراسىنىڭ پروفەسسورى.
