قر دەنساۋلىق ساقتاۋ ءمينيسترى ەلجان ءبىرتانوۆ كوروناۆيرۋس ىندەتى بويىنشا قازاقستانداعى احۋال تۋرالى ايتتى، دەپ حابارلايدى قازاقپارات.
«وتكەن تاۋلىكتە 140 جاڭا ناۋقاس تىركەلدى. ءوسىم دەڭگەيى 14,7 پايىزدى قۇرادى. ونىڭ ىشىندە ەڭ ۇلكەن سان الماتى قالاسىندا - 106, ءوسىم دەڭگەيى - 64 پايىز، قاراعاندى وبلىسىندا - 12, ءوسىم دەڭگەيى - 18 پايىز، نۇر-سۇلتان قالاسىندا - 9, ءوسىم دەڭگەيى - 3,6 پايىز بولدى»، - دەدى مينيستر.
جالپى ەلجان ءبىرتانوۆتىڭ دەرەگىنشە، ەلىمىزدە كوروناۆيرۋستان 14 ادام قازا بولدى. ونىڭ ىشىندە وتكەن تاۋلىكتە 2 ناۋقاس ومىردەن وزدى.
«جازىلىپ شىققان ناۋقاستاردىڭ جالپى سانى - 138 ادام. قازىرگى تاڭدا 939 ناۋقاس ستاتسيونارلىق ەم الىپ جاتىر. ولاردىڭ ىشىندە 57 بالا بار. جاعدايى تۇراقتى ناۋقاستاردىڭ سانى 82 پايىز نەمەسە 770 ناۋقاستىڭ جاعدايى جەڭىل. ورتاشا دەڭگەيدە 151 ناۋقاس نەمەسە 16 پايىز، اۋىر دەڭگەيدە 18 ناۋقاس نەمەسە 2 پايىز. جاساندى جەلدەتۋ اپپاراتىندا 8 ناۋقاس جاتىر. جالپى رەانيماتسيادان 16 ادام ەمدەلىپ شىقتى. سوڭعى تاۋلىكتە ءۇش ادام رەانيميتسيادان جالپى پالاتاعا اۋىستىرىلدى»، - دەدى ول.
