اقش پرەزيدەنتتىگىنە كانديدات، قازىرگى ءىس باسىنداعى باسشى دجو بايدەن پرەزيدەنت سايلاۋى دوداسىنان شىعادى، دەپ حابارلايدى "ادىرنا" ۇلتتىق پورتالى.
بايدەن 21 شىلدەدە X جەلىسىندە شەشىمى تۋرالى جاريالادى. ول ەل مۇددەسى ءۇشىن قاراشادا وتەتىن پرەزيدەنت سايلاۋىنا تۇسۋدەن باس تارتقانىن جازدى.
81 جاستاعى بايدەن 5 قاراشادا وتەتىن پرەزيدەنت سايلاۋىنا دەموكراتيالىق پارتيا اتىنان كانديدات بولعان ەدى. ەلدىڭ قازىرگى پرەزيدەنتى دەموكراتتار اتىنان پرەزيدەنتتىككە كانديدات رەتىندە ءوزىنىڭ ۆيتسە-پرەزيدەنتى كامالا ءحارريستى پرەزيدەنتتىككە ۇسىندى.
ايتا كەتەيىك، دجو بايدەن 27 ماۋسىمدا رەسپۋبليكاشىلداردان پرەزيدەنتتىككە كانديدات دونالد ترامپپەن بولعان دەباتتا جاۋابىنان داڭىلىپ، "جەڭىلگەن" ەدى.
دجو بايدەن بۇعان دەيىن كوروناۆيرۋسقا شالدىققانى تۋرالى اقپارات تاراعان.
