الماتى وبلىسىندا ءتورت ساياجاي ءماسسيۆى جابىلدى. ول جەردە كۆي اۋىرعان 9 جاعداي تىركەلدى، دەپ حابارلايدى coronavirus2020.kz.
حابارلامادا: "COVID-19 دياگنوزى راستالعان 11-ءشى پاتسيەنتپەن بايلانىستا بولعان ازاماتتار پروۆيزورلىق گوسپيتالعا جاتقىزىلىپ، ولاردان سول مەزەتتە كۆي ءاناليزى الىنعان بولاتىن. قورىتىندىلار الىنىپ، 9 ادامنىڭ ىندەت جۇقتىرعانى انىقتالدى. وبلىستىق شتابتىڭ كەلىسىمىمەن ەڭبەكشىقازاق اۋدانىنداعى بىردەن ءتورت ساياجاي ءماسسيۆى - "التىن ادام", "كوكساي", "التىن الما" جəنە "بەرەكە" كارانتينگە جابىلدى، - دەلىنگەن.
وبلىس əكىمىنىڭ تاسىرماسىمەن تۇرعىنداردىڭ ءتىزىمى جاسالدى، قاجەتتىلىگىنە قاراي ولار ازىق-تۇلىكپەن جəنە قىزمەت تۇرلەرىمەن قامتاماسىز ەتىلەدى.
ەڭبەكشىقازاق اۋدانىنىڭ باس سانيتار دəرىگەرى قاۋلى قابىلدادى. قازىر كارانتين رەجيمىن قاتاڭ ساقتاۋدى قامتاماسىز ەتەتىن قىزمەتتەر جۇمىلدىرىلدى.
