ەلدەگى ساياساتقا ءبىزدىڭ حالىق ارالاسپاي كەلدى وسى كۇنگە دەيىن. قوعام ءوزى ءبىر بولەك، بيلىك ءوز الدىنا ءومىر ءسۇرىپ جاتتى. ناتيجەسى بۇگىنگى كۇنىمىز. ارمەن قاراي بۇل جولمەن جۇرۋگە بولمايتىنى اقيقات.
سايلاۋدا ۇلكەن وزگەرىس كۇتتىك. سەندىك. سوڭىندا قاپى قالدىق. قوعام دا دايىن بولمادى. ءالى دە دايىن ەمەس. نە ىستەمەك كەرەك؟..
قازىرگى جاعدايدا ەكى ستسەناري بار:
1. رەۆوليۋتسيا. بۇل جولعا دا قوعام دايىن ەمەس. شىقپايدى. شىقسا دا بىركەلكى يدەيا مەن پلاتفورما جوق. بيلىككە كىمنىڭ كەلەتىنى تۇسىنىكسىز. ونىڭ قالاي باسقاراتىنى دا بەلگىسىز. ۋادەنى وڭدى-سولدى ايتا بەرۋ وڭاي ارينە. ەگەر بۇل ستسەناري ورىن السا رەسەي اسكەرىن كىرگىزەدى. ول انىق. ولار ءۇشىن قازاقستان ورتا ازياعا شىعار قاقپا ىسپەتتەس. قازاقستاننان ايرىلۋ، نە بۇل ەلدە بيلىككە باتىستىق ۆەكتوردى ۇستاناتىن ساياساتكەردىڭ كەلۋى رەسەي ءۇشىن دەرجاۆالىق ستاتۋسىن جوعالتۋمەن تەڭ. قازاقستانعا تۋعان كۇن وزدەرىنە دە جەتەرىن جاقسى بىلەدى. سوڭعى 20 جىلدان بەرى ەۆروپاعا جاقىن ۋكراينانى ىرقىنا جىبەرمەگەن رەسەي بىزدەن دە ايرىلماسى انىق. رەۆوليۋتسيا بولسا ەكونوميكا كەمى 5-6 جىل ارتقا كەتەدى. ءبىزدىڭ ەلدە الەمنىڭ بارلىق ءىرى مەملەكەتتەرىنىڭ ينۆەستيتسياسى بار. ميللياردتاعان اقشا سالعان وزگە ەلدەر دە قاراپ وتىرمايدى. ولار دا ارالاسسا الەمدە جەر كولەمى 9 ورىندى الاتىن وتانىمىزدى 18 ملن حالىق ۇستاپ تۇرا المايمىز.
2. ەۆوليۋتسيا. بۇل جول قازىرگى احۋالدا ەڭ دۇرىسى. حالىق پرەزيدەنتتى قولداپ، ساياسي رەفورمانى تاباندى تۇردە تالاپ ەتۋى قاجەت. "بيلىككە اناۋ كەلەدى، مىناۋ كەلەدى" دەپ اڭگىمە ايتا بەرسەك، بىتىراڭقى بولساق، قولداماساق وندا توچنو كەلەدى. كەلتىرمەۋ، پرەزيدەنتتى قانشالىقتى قولداپ، بەلسەندى ساياسي رەفورمانى تالاپ ەتۋىمىزگە تىكەلەي بايلانىستى. ەشتەڭە ماڭگىلىك ەمەس. ۋاقىت، ساعاتىمەن ءبارى رەتتەلەدى. ەلى قولداماسا ەر دە جەتىم. بيلىككە كەلگەن سوڭعى ءبىر جىلدا الەۋمەتتىك سالادا بىرقاتار ىستەردى اتقاردى. بيلىك قوعامدىق پىكىرگە قۇلاق اسا باستادى. قولدايىق!
ارينە ەموتسيامەن، ادرەنالين بەرەتىندەي اڭگىمە ايتۋ ەڭ وڭايى. بىراق ەلىنە جانى اشىعان ازامات حالقىن ورعا جىعاتىن ءسوز ايتپايدى دەپ بىلەمىن. ورگە باستايتىن جول سىلتەيدى. ءبىز پرەزيدەنتتىڭ توڭىرەگىنە توپتاسۋىمىز قاجەت. ول كەتسە قازاقستان كەتەتىندەي ءبىر جۇدىرىق بولساق وزگەرىستىڭ اۋىلى دا جاقىنداي بەرمەك. باسقا التەرناتيۆا جوق. وپپوزيتسيانىڭ دا، باسقانىڭ دا دەڭگەيىن كورىپ وتىرمىز.
