BAÝYRJAN SERIKBAEV: Eshteńe máńgilik emes

2361
Adyrna.kz Telegram

Eldegi saıasatqa bizdiń halyq aralaspaı keldi osy kúnge deıin. Qoǵam ózi bir bólek, bılik óz aldyna ómir súrip jatty. Nátıjesi búgingi kúnimiz. Ármen qaraı bul jolmen júrýge bolmaıtyny aqıqat.

Saılaýda úlken ózgeris kúttik. Sendik. Sońynda qapy qaldyq. Qoǵam da daıyn bolmady. Áli de daıyn emes. Ne istemek kerek?..

Qazirgi jaǵdaıda eki senarıı bar:

1. Revolıýııa. Bul jolǵa da qoǵam daıyn emes. Shyqpaıdy. Shyqsa da birkelki ıdeıa men platforma joq. Bılikke kimniń keletini túsiniksiz. Onyń qalaı basqaratyny da belgisiz. Ýádeni ońdy-soldy aıta berý ońaı árıne. Eger bul senarıı oryn alsa Reseı áskerin kirgizedi. Ol anyq. Olar úshin Qazaqstan Orta Azııaǵa shyǵar qaqpa ispettes. Qazaqstannan aırylý, ne bul elde bılikke batystyq vektordy ustanatyn saıasatkerdiń kelýi Reseı úshin derjavalyq statýsyn joǵaltýmen teń. Qazaqstanǵa týǵan kún ózderine de jeterin jaqsy biledi. Sońǵy 20 jyldan beri Evropaǵa jaqyn Ýkraınany yrqyna jibermegen Reseı bizden de aırylmasy anyq. Revolıýııa bolsa ekonomıka kemi 5-6 jyl artqa ketedi. Bizdiń elde álemniń barlyq iri memleketteriniń ınvestıııasy bar. Mıllıardtaǵan aqsha salǵan ózge elder de qarap otyrmaıdy. Olar da aralassa álemde jer kólemi 9 oryndy alatyn Otanymyzdy 18 mln halyq ustap tura almaımyz.

2. Evolıýııa. Bul jol qazirgi ahýalda eń durysy. Halyq prezıdentti qoldap, saıası reformany tabandy túrde talap etýi qajet. "Bılikke anaý keledi, mynaý keledi" dep áńgime aıta bersek, bytyrańqy bolsaq, qoldamasaq onda tochno keledi. Keltirmeý, prezıdentti qanshalyqty qoldap, belsendi saıası reformany talap etýimizge tikeleı baılanysty. Eshteńe máńgilik emes. Ýaqyt, saǵatymen bári retteledi. Eli qoldamasa er de jetim. Bılikke kelgen sońǵy bir jylda áleýmettik salada birqatar isterdi atqardy. Bılik qoǵamdyq pikirge qulaq asa bastady. Qoldaıyq!

Árıne emoııamen, adrenalın beretindeı áńgime aıtý eń ońaıy. Biraq eline jany ashyǵan azamat halqyn orǵa jyǵatyn sóz aıtpaıdy dep bilemin. Órge bastaıtyn jol silteıdi. Biz prezıdenttiń tóńiregine toptasýymyz qajet. Ol ketse Qazaqstan ketetindeı bir judyryq bolsaq ózgeristiń aýyly da jaqyndaı bermek. Basqa alternatıva joq. Oppozıııanyń da, basqanyń da deńgeıin kórip otyrmyz.

Pikirler