ادەتتە قازاقتار اتاتۇرىكتى جاقسى كورەدى. مەن بىلەتىن قازاق زيالىلارىنىڭ ءبارى دە سونداي. دەمەك، ساناسى ۋلانباعان، ساناسى وزگەرمەگەن، قازاق قالپىن ساقتاعان قازاققا اتاتۇرىك جات ەمەس، جاۋ ەمەس. اتاتۇرىكتى جەك كورۋ اۋرۋى بىزگە تۇركيادان كەلدى. تۇركيادان 🇹🇷 ەلىمىزگە كەلگەن ءدىني اعىمدار اكەلدى، تۇركياعا 🇹🇷 وقۋعا بارىپ، سو جاقتاعى ءدىني جاماعاتتاردىڭ ىقپالىندا بولعان ءوزىمىزدىڭ جاستار اكەلدى. اتاتۇرىكتى ناحاقتان جەك كورۋدىڭ تاعى ءبىر بۇلاعى اسىرەدىنشىل، كەرىتارتپا، راديكالدى ءدىني اعىمدار. ۋاحابيلەر مەن سۋفيلەر باسقا جاعىنان بولىنسە دە، ءدال اتاتۇرىككە كەلگەندە جارىسا جەك كورەدى. شاريعات مەملەكەتى ورناتپاعانى ءۇشىن، زايىرلى دا دەموكراتيالىق ەل ورناتقانى ءۇشىن ولار ونى ءالى كەشىرە الماي كەلەدى، ۇلىتتىق ۋنيتارلىق مەملەكەت ورناتقانى ءۇشىن، قۇلدىق جۇيەنى جويعانى ءۇشىن، تەڭدىك اكەلگەنى ءۇشىن، ءدىني قاناۋشىلىقتى جويعانى ءۇشىن، ايەلدەردى تورلەتكەنى ءۇشىن... ارينە، اتاتۇرىككە وڭ كوزبەن قارايتىن ءدىني جاماعاتتار مەن تاريقاتتار دا بار، ونى دا ەسكەرەيىك. قىسقاشا ايتقاندا تابيعي قالپىنداعى قازاقتار، اسىرەسە ۇلىتشىل قازاقتار اتاتۇرىكتى جاقسى كورەدى، قۇرمەتتەيدى، ال ساناسى ءدىني اعىمداردىڭ ۋاعىزدارىمەن ۋلانعانداردىڭ ىشىندە جەك كورەتىندەر بار، ولارعا ءتۇسىندىرۋ ءبىزدىڭ مىندەتىمىز، شىندىقتى مويىنداۋ ولاردىڭ مىندەتى.....
مۇرتازا ءجۇنىسۇلى
