Ádette qazaqtar Atatúrikti jaqsy kóredi. Men biletin qazaq zııalylarynyń bári de sondaı. Demek, sanasy ýlanbaǵan, sanasy ózgermegen, qazaq qalpyn saqtaǵan qazaqqa Atatúrik jat emes, jaý emes. Atatúrikti jek kórý aýrýy bizge Túrkııadan keldi. Túrkııadan 🇹🇷 elimizge kelgen dinı aǵymdar ákeldi, Túrkııaǵa 🇹🇷 oqýǵa baryp, so jaqtaǵy dinı jamaǵattardyń yqpalynda bolǵan ózimizdiń jastar ákeldi. Atatúrikti nahaqtan jek kórýdiń taǵy bir bulaǵy ásiredinshil, keritartpa, radıkaldy dinı aǵymdar. Ýahabıler men sýfıler basqa jaǵynan bólinse de, dál Atatúrikke kelgende jarysa jek kóredi. Sharıǵat memleketi ornatpaǵany úshin, zaıyrly da demokratııalyq el ornatqany úshin olar ony áli keshire almaı keledi, ulyttyq ýnıtarlyq memleket ornatqany úshin, quldyq júıeni joıǵany úshin, teńdik ákelgeni úshin, dinı qanaýshylyqty joıǵany úshin, áıelderdi tórletkeni úshin... Árıne, Atatúrikke oń kózben qaraıtyn dinı jamaǵattar men tarıqattar da bar, ony da eskereıik. Qysqasha aıtqanda tabıǵı qalpyndaǵy qazaqtar, ásirese ulytshyl qazaqtar Atatúrikti jaqsy kóredi, qurmetteıdi, al sanasy dinı aǵymdardyń ýaǵyzdarymen ýlanǵandardyń ishinde jek kóretinder bar, olarǵa túsindirý bizdiń mindetimiz, shyndyqty moıyndaý olardyń mindeti.....
Murtaza Júnisuly
