پاۆلودارداعى بۇگىنگى كۇندىز بولعان اتىس جايلى حابار قالانى دۇرلىكتىردى. اتىستان كەيىن قالاداعى قىمبات ماركالى "مەرسەدەس" اۆتوكولىكتەرى تولىقتاي تەكسەرىلىپ، الەمجەلىگە اتىستىڭ ۆيدەولارى شىققان بولاتىن. ۆيدەودان كورگەندەرىڭىزدەي قارۋ ۇستاعان ەكى ازامات پودەزگە جۇگىرىپ كىرەدى دە، 4-5 سەكۋندتان كەيىن قايتا جۇگىرىپ شىعادى. اۋلادا بەينەباقىلاۋ بار دەپ ويلاماسا كەرەك.
وسى وقيعاعا وراي پاۆلودار وبلىستىق پوليتسيا دەپارتامەنتى "ادىرنا" پورتالىنا رەسمي جاۋاپ بەردى. پوليتسيا دەپارتامەنتىنىڭ ايتۋىنشا، اتىستان ەشكىم زارداپ شەكپەگەن. تەرگەۋ شارالارىنىڭ جۇرگىزىلۋىنە بايلانىستى بارلىق اقپارات ازىرگە قۇپيا.
ءباسپاسوز حابارلاماسى
وسى وقيعاعا بايلانىستى سوتقا دەيىنگى تەرگەۋ جۇرگىزىلىپ، قر قك 293-بابى 3-بولىگى - بۇزاقىلىق بابى بويىنشا ءىس قوزعالدى.
وسى فاكتىگە قاتىسى بار ادامداردى انىقتاۋ ءۇشىن تەرگەۋ شارالارى جۇرگىزىلۋدە.
قازاقستان رەسپۋبليكاسى قىلمىستىق كودەكسىنىڭ 2018-بابىنا سايكەس تەرگەۋ مۇددەسىنە ساي باسقا اقپارات تاراتىلمايدى.
پاۆلودار وبلىستىق پد ءباسپاسوز قىزمەتى
