وديل احمەدوۆ وزبەك دارىگەرلەرى ءۇشىن كوروناۆيرۋسقا قارسى كومەكتەسۋدە

496

وزبەكستان ۇلتتىق قۇراماسىنىڭ جانە "شانحاي سيپگ" كلۋبىنىڭ جارتىلاي قورعاۋشىسى وديل احمەدوۆ وزبەكستانداعى مەديتسينالىق مەكەمەلەرگە گۋمانيتارلىق كومەك جينادى، دەپ حابارلايدى Dunyo اگەنتتىگى.

وزبەكستاننىڭ بەيجىڭدەگى ەلشىلىگى مەن وزبەكستاننىڭ شانحايداعى باس كونسۋلدىعىنىڭ كومەگىمەن رەسپۋبليكاعا مەديتسينالىق كيىمدەر، كوزىلدىرىكتەر مەن شلەمدەر جيىنتىعى كەلەدى.

ناۋرىزدىڭ سوڭىندا شانحايعا كەلگەن احمەدوۆ جاقىندا Sport.Ru سايتىنا بەرگەن سۇحباتىندا:

«قازىر مۇندا ءبارى جاقسى، قىتاي ۆيرۋستى جەڭىپ شىقتى. مەنىڭشە، كوروناۆيرۋستىڭ بىتۋىنە وتە از قالدى. ۆيرۋس جويىلعاننان كەيىن ءبارى ءوز ورنىنا كەلەدى جانە ءبىز جاقىندا فۋتبول ويناي الامىز» دەدى. فۋتبولشىنىڭ بولجامى بويىنشا، قىتاي چەمپيوناتى مامىر ايىنىڭ اياعىندا قايتا جالعاسادى.

5 ساۋىردە قىتايدان وزبەكستانعا چارتەرلىك رەيسپەن مەديتسينالىق ماسكالار مەن جۇمىس كيىمدەرىن وندىرۋگە قاجەتتى 40 توننادان استام شيكىزات جەتكىزىلدى. UzDaily حابارلاۋىنشا، وسى ايدان باستاپ تەمىرجول جانە اۆتوموبيل جولدارى ارقىلى شيكىزات جەتكىزىلىمدەرى ۇيىمداستىرىلادى دەپ كۇتىلۋدە.

جەلتوقساندا باستالعان قىتايداعى ىندەت شىرقاۋ شىڭىنا اقپان ايىنىڭ سوڭىندا كەلدى. حۋبەي پروۆينتسياسىندا جۇرگىزىلگەن كارانتيندىك شارالاردىڭ ارقاسىندا 19 ناۋرىزدا ەلدە بىردە-ءبىر ينفەكتسيا تىركەلمەگەن، دارىگەرلەر تەك يمپورتتالعان ينفەكتسيامەن كۇرەسۋگە ءماجبۇر.

7 ساۋىردە، پاندەميانىڭ وشاعىنا اينالعان ۋحاندە COVID-19-دان بىردە-ءبىر ءولىم تىركەلمەگەن، ال جەرگىلىكتى ۋاقىت بويىنشا 8 ساۋىرگە قاراعان ءتۇنى بيلىك قالادان كارانتيندى اشتى. سونىمەن قاتار، قىتاي ينفەكتسيا قاۋپىن ازايتۋ ءۇشىن قۇرلىق شەكاراسىن نىعايتتى.

پىكىرلەر
رەداكتسيا تاڭداۋى