تۇركيا ۇلتتىق قۇراماسىنىڭ بۇرىنعى قاقپاشىسى ريۋشتۋ رەچبەر COVID-19-دان ەمدەلدى. بۇل تۋرالى فۋتبولشىنىڭ ايەلى يشيل رەچبەر ءوزىنىڭ ينستاگرامداعى پاراقشاسىندا مالىمدەدى دەپ حابارلايدى "ادىرنا".
قاقپاشى ناۋرىزدىڭ اياعىندا اۋرۋحاناعا ءتۇستى. ول اۋرۋحاناعا تۇسكەندە جاعدايى اۋىر ەدى، بىراق ءبىراز ۋاقىتتان كەيىن بەتى بەرى قاراي باستاعان. 46 جاستاعى رەچبەر اۋرۋحانادا 11 كۇن بولدى.
رەچبەردىڭ ايەلى دارىگەرلەرگە جانە قيىن ۋاقىتتا وتباسىن قولداعان بارلىق ادامدارعا العىس ءبىلدىردى. ول سونىمەن قاتار دەنساۋلىق ساقتاۋ مينيسترلىگى قولداناتىن ەمدەۋ حاتتامالارى بارلىق اۋرۋحانالاردا بىردەي جانە اۋرۋدىڭ كۇردەلەنۋ دەڭگەيىنە بايلانىستى ەكەنىن ايتتى.
«ءار ءتۇرلى ءدارى-دارمەكتەر نەمەسە ەمدەۋ تۇرلەرى بارلىق جەردە بىردەي. ءبىز بارلىق جامان ادەتتەردەن ارىلۋىمىز كەرەك »، - دەدى يشيل.
فۋتبول الەمىندە ونداعان ادام كوروناۆيرۋسپەن اۋىردى، ونىڭ ىشىندە لوندوندىق «ارسەنالدىڭ» يسپانيالىق باس جاتتىقتىرۋشىسى ميكەل ارتەتا، تۇركيا ۇلتتىق قۇراماسىنىڭ بۇرىنعى جاتتىقتىرۋشىسى فاتيح تەريم جانە ميلاننىڭ تەحنيكالىق ديرەكتورى پاولو مالديني بولسا، «رەال ءمادريدتىڭ» بۇرىنعى پرەزيدەنتى لورەنتسو سانس ينفەكتسيادان قايتىس بولدى.
بۇكىل الەمدە سپورتتىق ءىس-شارالار ۋاقىتشا توقتاتىلادى. FIFA ءىرى حالىقارالىق تۋرنيرلەردى كەيىنگە قالدىرۋ تۋرالى شەشىم قابىلدادى. وليمپيادا ويىندارى - 2021-ءشى جىلعا شەگەرىلدى.
