قازاقستاندا ۆيرۋس جۇقتىرعاندار 580-نەن استى دەپ حابارلايدى "ادىرنا" "ازاتتىق" راديوسىنا سىلتەمە جاساپ.
قازاقستان دەنساۋلىق ساقتاۋ مينيسترلىگى 5 ءساۋىر ساعات 22.05-تەگى دەرەگىنە ساي، ەلدە تاعى 15 ادامنان كوروناۆيرۋس تابىلدى: الماتى قالاسىندا –1 ادام، اقتوبە وبلىسىندا – 1 ادام، اتىراۋ وبلىسىندا – 6, قىزىلوردا وبلىسىندا – 6 ادام، قاراعاندى وبلىسىندا 1 ادام.
مينيسترلىك نۇر-سۇلتاندا التى ادامنىڭ Covid-19 دەرتىنەن ايىققانىن مالىمدەدى. ەلدە قازىر 584 ادامعا كوروناۆيرۋس جۇقتىردى. 42 ادام اۋرۋدان جازىلدى. 6 ادام قايتىس بولدى.
دەنساۋلىق ساقتاۋ ءمينيسترى ەلجان ءبىرتانوۆ ءساۋىردىڭ العاشقى ون كۇنىندە ەلدە ۆيرۋس تاراۋ شەگىنە جەتىپ، كەيىن ازايا باستايدى دەپ بولجايدى. ءمينيستردىڭ ەسەبىنشە، ەلدە 3500 ادامعا ۆيرۋس جۇعۋى مۇمكىن.
قازاقستاندا 15 ساۋىرگە دەيىن توتەنشە جاعداي. ەلدىڭ باسىم بولىگىندە شەكتەۋ قويىلعان. 6 ساۋىردەن باستاپ اقتوبە قالاسى كارانتينگە جابىلادى.
