قاراعاندىدا كوروناۆيرۋستان قايتىس بولعان ناۋقاستىڭ كىم ەكەنى بەلگىلى بولدى. بۇل تۋرالى حابار24 تەلەارناسىنىڭ تىكەلەي ەفيرىندە وتكەن بريفينگتە ايتىلدى.
«30 ناۋرىزدا قاراعاندى قالاسىنىڭ اۋرۋحانالارىنىڭ بىرىنە 62 جاستاعى ەر ادام جاتقىزىلدى. ناۋقاستىڭ تىنىس الۋى قيىنداعان. ەكى جاقتى پنەۆمونيا بولعان. تىنىس الۋى قيىنداعان. جاعدايى اۋىر بولدى. رەانيماتسيالىق بوكسقا جاتقىزىلدى، - دەدى قالالىق دەنساۋلىق ساقتاۋ باسقارماسىنىڭ باسشىسى ەرجان نۇرلىباەۆ.
«ناۋقاس كەلىپ تۇسكەن سوڭ بىردەن كوروناۆيرۋستى انىقتاۋ ءۇشىن ساراپتاما الىندى. ەر ادامنىڭ ولىمىنە كوروناۆيرۋس سەبەپ بولعانى انىقتالدى. وسىعان دەيىن ول اۋرۋحاناعا كەلگەن جوق. جاعدايى قيىنداعان سوڭ عانا جۇگىنگەن. جاقىن تۋىستارى دا وقشاۋلاندى. قايتىس بولعان اداممەن بايلانىستا بولعاندار انىقتالىپ جاتىر»، - دەدى وبلىستىق قوعامدىق دەنساۋلىق ساقتاۋ باسقارماسىنىڭ ءبولىم باسشىسى بيبىگۇل تولەگەنوۆا.
