قازاقستان رەسپۋبليكاسىنىڭ ەڭبەك كودەكس

1-ءبولىم. جالپى ەرەجەلەر
1-تاراۋ. نەگىزگى ەرەجەلەر

1-باپ. وسى كودەكستە پايدالانىلاتىن نەگىزگى ۇعىمدار

1. وسى كودەكستە مىناداي نەگىزگى ۇعىمدار پايدالانىلادى:

1) ازاماتتىق قىزمەت - ازاماتتىق قىزمەتشىلەردىڭ قازىنالىق كاسىپورىنداردىڭ، مەملەكەتتىك مەكەمەلەردىڭ مىندەتتەرى مەن فۋنكتسيالارىن ىسكە اسىرۋعا، مەملەكەتتىك ورگاندارعا تەحنيكالىق قىزمەت كورسەتۋدى جۇزەگە اسىرۋعا جانە ولاردىڭ جۇمىس ىستەۋىن قامتاماسىز ەتۋگە باعىتتالعان لاۋازىمدىق وكىلەتتىكتەردى ورىنداۋ جونىندەگى كاسىپتىك قىزمەتى;

      2) ازاماتتىق قىزمەتشى - قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن قازىنالىق كاسىپورىنداردا، مەملەكەتتىك مەكەمەلەردە اقىلى شتاتتىق لاۋازىمدا ىستەيتىن جانە ولاردىڭ مىندەتتەرى مەن فۋنكتسيالارىن ىسكە اسىرۋ جانە مەملەكەتتىك ورگاندارعا تەحنيكالىق قىزمەت كورسەتۋدى جۇزەگە اسىرۋ مەن ولاردىڭ جۇمىس ىستەۋىن قامتاماسىز ەتۋ ماقساتىندا لاۋازىمدىق وكىلەتتىكتەردى جۇزەگە اسىراتىن ادام;

      3) ايلىق جالاقىنىڭ ەڭ تومەنگى مولشەرى - بىلىكتىلىكتى قاجەت ەتپەيتىن قاراپايىم (ونشا كۇردەلى ەمەس) ەڭبەك قىزمەتكەرى وسى كودەكستە بەلگىلەنگەن قالىپتى جاعدايدا جانە جۇمىس ۋاقىتىنىڭ قالىپتى ۇزاقتىعى كەزىندە ەڭبەك نورمالارىن (ەڭبەك مىندەتتەرىن) ورىنداعان كەزدە ءبىر ايدا وعان تولەنەتىن اقشالاي تولەمدەردىڭ كەپىلدىك بەرىلگەن ەڭ تومەنگى مولشەرى;

      4) ارناۋلى كيىم - قىزمەتكەردى زياندى جانە (نەمەسە) قاۋىپتى وندىرىستىك فاكتورلاردان قورعاۋعا ارنالعان كيىم، اياق كيىم، باس كيىم، قولعاپ، وزگە دە نارسەلەر;

      5) اۋىر جۇمىستار – قىزمەتكەردىڭ اۋىر زاتتاردى (ون كيلوگرامم جانە ودان جوعارى) قولمەن تۇراقتى تۇردە ورنىنان قوزعالتۋىنا، ورنىن اۋىستىرۋىنا جانە تاسىمالداۋىنا بايلانىستى ءارى كوپ كۇش-قۋاتتى تالاپ ەتەتىن (250 ككال/ساعاتتان استام كۇش-قۋات جۇمسالاتىن) قىزمەت تۇرلەرى;

      6) اۋىسىمدىق جۇمىس - تاۋلىك ىشىندە ەكى نە ءۇش نەمەسە ءتورت جۇمىس اۋىسىمىنداعى جۇمىس;

      7) الەۋمەتتىك ارىپتەستىك - قىزمەتكەرلەر قىزمەتكەرلەردىڭ وكىلدەرى، جۇمىس بەرۋشىلەر (جۇمىس بەرۋشىلەردىڭ وكىلدەرى), مەملەكەتتىك ورگاندار اراسىنداعى ەڭبەك قاتىناستارىن جانە ولارمەن تىكەلەي بايلانىستى وزگە دە قاتىناستاردى رەتتەۋ ماسەلەلەرى بويىنشا ولاردىڭ مۇددەلەرىن ۇيلەستىرۋدى قامتاماسىز ەتۋگە باعىتتالعان ءوزارا قاتىناستار جۇيەسى;

      8) باس، سالالىق (تاريفتىك), وڭىرلىك كەلىسىم (بۇدان ءارى - كەلىسىم) - الەۋمەتتىك ارىپتەستىك تاراپتارىنىڭ اراسىندا جاسالاتىن، كەلىسىمنىڭ مازمۇنىن جانە رەسپۋبليكالىق، سالالىق جانە وڭىرلىك دەڭگەيلەردە قىزمەتكەرلەر ءۇشىن ەڭبەك جاعدايلارىن، جۇمىسپەن قامتۋ جانە الەۋمەتتىك كەپىلدىكتەردى بەلگىلەۋ جونىندەگى تاراپتاردىڭ مىندەتتەمەلەرىن ايقىندايتىن قۇقىقتىق اكت;

      9) بوس تۇرىپ قالۋ - ەكونوميكالىق، تەحنولوگيالىق، ۇيىمداستىرۋشىلىق، وزگە دە وندىرىستىك نەمەسە تابيعي سيپاتتاعى سەبەپتەر بويىنشا جۇمىستىڭ ۋاقىتشا توقتاپ تۇرۋى;

      10) بىلىكتىلىك ساناتى (رازريادى) - ورىندالاتىن جۇمىستاردىڭ كۇردەلىلىگىن كورسەتەتىن، قىزمەتكەردىڭ بىلىكتىلىگىنە قويىلاتىن تالاپتار دەڭگەيى;

      11) بىتىمگەرلىك كوميسسياسى - ۇجىمدىق ەڭبەك داۋىن تاراپتاردى بىتىمگە كەلتىرۋ جولىمەن رەتتەۋ ءۇشىن جۇمىس بەرۋشىلەر مەن قىزمەتكەرلەر (ولاردىڭ وكىلدەرى) اراسىنداعى كەلىسىم بويىنشا قۇرىلاتىن ورگان;

      12) الىپ تاستالدى - قر 27.06.2014 N 212-V (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi) زاڭىمەن;

      13) دەلدال - ەڭبەك قاتىناستارىنىڭ تاراپتارى ەڭبەك داۋىن شەشۋ جونىندە قىزمەت كورسەتۋ ءۇشىن تارتاتىن جەكە نەمەسە زاڭدى تۇلعا;

      14) دەمالىس - جۇمىس ورنى (لاۋازىمى) مەن وسى كودەكستە بەلگىلەنگەن جاعدايلاردا ورتاشا جالاقىسىن ساقتاي وتىرىپ، قىزمەتكەردىڭ جىل سايىنعى تىنىعۋىن قامتاماسىز ەتۋ نەمەسە الەۋمەتتىك ماقساتتار ءۇشىن قىزمەتكەردى بەلگىلى ءبىر كەزەڭگە جۇمىستان بوساتۋ;

      15) ەڭبەك - ادام مەن قوعامنىڭ ومىرىنە جانە قاجەتتىلىكتەرىن قاناعاتتاندىرۋعا قاجەتتى ماتەريالدىق، رۋحاني جانە باسقا دا قۇندىلىقتاردى جاساۋعا باعىتتالعان ادام قىزمەتى;

      16) ەڭبەككە اقى تولەۋ - وسى كودەكسكە جانە قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىنە، سونداي-اق كەلىسىمدەرگە، ەڭبەك شارتىنا، ۇجىمدىق شارتقا جانە جۇمىس بەرۋشىنىڭ اكتىلەرىنە سايكەس قىزمەتكەرگە ەڭبەگى ءۇشىن بەرىلەتىن سىياقىنىڭ مىندەتتى تولەمىن جۇمىس بەرۋشىنىڭ قامتاماسىز ەتۋىنە بايلانىستى قاتىناستار جۇيەسى;

      17) ەڭبەككە اقى تولەۋدىڭ ەڭ تومەنگى ستاندارتى (ەاتس) - اۋىر جۇمىستاردا, ەڭبەك جاعدايلارى زياندى (ەرەكشە زياندى), قاۋىپتى جۇمىستاردا ىستەيتىن قىزمەتكەردىڭ ايلىق جالاقىسىنىڭ ساقتالۋىنا كەپىلدىك بەرىلگەن"ەڭ تومەنگى مولشەرى، بۇعان جۇمىس پروتسەسىندە زياندى جانە (نەمەسە) قاۋىپتى وندىرىستىك فاكتورلاردىڭ اسەرىنە ۇشىرايتىن قىزمەتكەردىڭ ومىرلىك كۇشى مەن قۋاتىن قالپىنا كەلتىرۋگە قاجەتتى ازىق-تۇلىك ونىمدەرىنىڭ، تاۋارلار مەن كورسەتىلەتىن قىزمەتتەردىڭ ەڭ تومەنگى جيىنتىعى كىرەدى;

      18) ەڭبەك گيگيەناسى - قىزمەتكەرلەردىڭ دەنساۋلىعىن ساقتاۋ، وندىرىستىك ورتا مەن ەڭبەك پروتسەسىنىڭ قولايسىز اسەرىنىڭ الدىن الۋ جونىندەگى سانيتارلىق-ەپيدەميولوگيالىق شارالار مەن قۇرالدار كەشەنى;

      19) ەڭبەك داۋى - قازاقستان رەسپۋبليكاسىنىڭ ەڭبەك زاڭناماسىن قولدانۋ، كەلىسىمدەردىڭ، ەڭبەك شارتىنىڭ جانە (نەمەسە) ۇجىمدىق شارتتىڭ، جۇمىس بەرۋشى اكتىلەرىنىڭ تالاپتارىن ورىنداۋ نەمەسە وزگەرتۋ ماسەلەلەرى بويىنشا قىزمەتكەر (قىزمەتكەرلەر) مەن جۇمىس بەرۋشىنىڭ (جۇمىس بەرۋشىلەردىڭ) اراسىنداعى كەلىسپەۋشىلىكتەر;

      20) ەڭبەك دەلدالدىعى - حالىقتى جۇمىسقا ورنالاستىرۋدا جۇمىسپەن قامتۋ ماسەلەلەرى جونىندەگى ۋاكىلەتتى ورگان، سونداي-اق جەكە جۇمىسپەن قامتۋ اگەنتتىگى كورسەتەتىن جاردەم;

      21) ەڭبەك جاعدايلارى - ەڭبەككە اقى تولەۋ، نورمالاۋ، جۇمىس ۋاقىتى مەن تىنىعۋ ۋاقىتىنىڭ رەجيمى جاعدايلارى، كاسىپتەردى (لاۋازىمداردى) قوسا اتقارۋ، قىزمەت كورسەتۋ ايماعىن ۇلعايتۋ، ۋاقىتشا جۇمىستا بولماعان قىزمەتكەردىڭ مىندەتتەرىن اتقارۋ، ەڭبەك قاۋىپسىزدىگى جانە ەڭبەكتى قورعاۋ ءتارتىبى، تەحنيكالىق، وندىرىستىك-تۇرمىستىق جاعدايلار، سونداي-اق تاراپتاردىڭ كەلىسۋى بويىنشا وزگە دە ەڭبەك جاعدايلارى;

      22) ەڭبەك جونiندەگi ۋاكiلەتتi مەملەكەتتiك ورگان – قازاقستان رەسپۋبليكاسىنىڭ زاڭناماسىنا سايكەس ەڭبەك قاتىناستارى سالاسىنداعى باسشىلىقتى جانە سالاارالىق ۇيلەستىرۋدى جۇزەگە اسىراتىن ورتالىق اتقارۋشى ورگان;

      23) ەڭبەك ينسپەكتسياسى جونىندەگى جەرگىلىكتى ورگان – وبلىستىڭ، رەسپۋبليكالىق ماڭىزى بار قالانىڭ، استانانىڭ جەرگىلىكتى اتقارۋشى ورگاندارىنىڭ ءتيىستى اكىمشىلىك-اۋماقتىق بىرلىك شەگىندە قازاقستان رەسپۋبليكاسىنىڭ زاڭناماسىنا سايكەس ەڭبەك قاتىناستارى سالاسىنداعى وكىلەتتىكتەردى جۇزەگە اسىراتىن قۇرىلىمدىق بولىمشەسى;

      24) ەڭبەك قاتىناستارى - قازاقستان رەسپۋبليكاسىنىڭ ەڭبەك زاڭناماسىندا، ەڭبەك شارتىندا، ۇجىمدىق شارتتا كوزدەلگەن قۇقىقتار مەن مىندەتتەردى جۇزەگە اسىرۋ ءۇشىن قىزمەتكەر مەن جۇمىس بەرۋشىنىڭ اراسىندا تۋىندايتىن قاتىناستار;

      25) ەڭبەك قاتىناستارىنا تىكەلەي بايلانىستى قاتىناستار - وسى كودەكستە كوزدەلگەن جاعدايلاردا ەڭبەكتى ۇيىمداستىرۋ مەن باسقارۋعا، جۇمىسقا ورنالاستىرۋعا، كاسىپتىك دايارلاۋعا، قىزمەتكەرلەردى قايتا دايارلاۋعا جانە ولاردىڭ بىلىكتىلىگىن ارتتىرۋعا، الەۋمەتتىك ارىپتەستىككە، ۇجىمدىق شارتتار مەن كەلىسىمدەر جاساسۋعا، ەڭبەك جاعدايلارىن بەلگىلەۋگە قىزمەتكەرلەردىڭ (قىزمەتكەرلەر وكىلدەرىنىڭ) قاتىسۋىنا، ەڭبەك داۋلارىن شەشۋگە جانە قازاقستان رەسپۋبليكاسى ەڭبەك زاڭناماسىنىڭ ساقتالۋىن باقىلاۋعا بايلانىستى قالىپتاساتىن قاتىناستار;

      26) ەڭبەك قاۋىپسىزدىگى - ەڭبەك قىزمەتى پروتسەسىندە قىزمەتكەرلەرگە زياندى جانە (نەمەسە) قاۋىپتى وندىرىستىك فاكتورلاردىڭ اسەرىن بولعىزبايتىن ءىس-شارالار كەشەنىمەن قامتاماسىز ەتىلگەن قىزمەتكەرلەردىڭ قورعالۋ جاي-كۇيى;

      27) ەڭبەك قاۋىپسىزدىگى جاعدايلارى - قىزمەتكەر ەڭبەك مىندەتتەرىن ورىنداعان كەزدە ەڭبەك پروتسەسى مەن وندىرىستىك ورتانىڭ ەڭبەك قاۋىپسىزدىگى تالاپتارىنا سايكەستىگى;

      28) ەڭبەك قاۋىپسىزدىگى جانە ەڭبەكتى قورعاۋ مونيتورينگى - وندىرىستەگى ەڭبەك قاۋىپسىزدىگىنىڭ جانە ەڭبەكتى قورعاۋدىڭ جاي-كۇيىن قاداعالاۋ جۇيەسى، سونداي-اق ەڭبەك قاۋىپسىزدىگىنىڭ جانە ەڭبەكتى قورعاۋدىڭ جاي-كۇيىن باعالاۋ مەن بولجاۋ;

      29) ەڭبەك قاۋىپسىزدىگى جانە ەڭبەكتى قورعاۋ سالاسىنداعى نورماتيۆتەر - ەرگونوميكالىق، سانيتارلىق-ەپيدەميولوگيالىق، پسيحوفيزيولوگيالىق جانە ەڭبەكتىڭ قالىپتى جاعدايلارىن قامتاماسىز ەتەتىن وزگە دە تالاپتار;

      30) ەڭبەك مىندەتتەرى - قىزمەتكەر مەن جۇمىس بەرۋشىنىڭ قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىندە، جۇمىس بەرۋشىنىڭ اكتىلەرىندە، ەڭبەك شارتىندا، ۇجىمدىق شارتتا كەلىسىلگەن مىندەتتەمەلەرى;

      31) ەڭبەك ستاجى – قىزمەتكەر ەڭبەك مىندەتتەرىن ورىنداۋعا جۇمساعان، كۇنتىزبەمەن ەسەپتەلگەن ۋاقىت، سونداي-اق وسى كودەكسكە سايكەس ەڭبەك ستاجىنا قوسىلاتىن وزگە دە كەزەڭدەر;

      32) ەڭبەك ءتارتىبى - جۇمىس بەرۋشى مەن قىزمەتكەرلەردىڭ قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىندە، سونداي-اق كەلىسىمدەردە، ەڭبەك شارتىندا، ۇجىمدىق شارتتا، جۇمىس بەرۋشىنىڭ اكتىلەرىندە، قۇرىلتاي قۇجاتتارىندا بەلگىلەنگەن مىندەتتەمەلەردى تيىسىنشە ورىنداۋى;

      33) ەڭبەك تارتىپتەمەسى - قىزمەتكەرلەر مەن جۇمىس بەرۋشىنىڭ ەڭبەكتى ۇيىمداستىرۋ جونىندەگى قاتىناستارىن رەتتەۋ ءتارتىبى;

      34) ەڭبەك تورەلىك سوتى - بىتىمگەرلىك كوميسسياسىندا كەلىسىمگە قول جەتپەگەن كەزدە ەڭبەك داۋىن شەشۋ ءۇشىن ۇجىمدىق ەڭبەك داۋىنىڭ تاراپتارى ۋاكىلەتتى ادامداردى تارتا وتىرىپ قۇراتىن، ۋاقىتشا جۇمىس ىستەيتىن ورگان;

      35) ەڭبەكتى قورعاۋ - قۇقىقتىق، الەۋمەتتىك-ەكونوميكالىق، ۇيىمداستىرۋ-تەحنيكالىق، سانيتارلىق-ەپيدەميولوگيالىق، ەمدەۋ-پروفيلاكتيكا، وڭالتۋ جانە وزگە دە ءىس-شارالار مەن قۇرالداردى قامتيتىن، ەڭبەك قىزمەت پروتسەسىندە قىزمەتكەرلەردىڭ ءومىرى مەن دەنساۋلىعىنىڭ قاۋىپسىزدىگىن قامتاماسىز ەتۋ جۇيەسى;

      36) ەڭبەكتى قورعاۋ جونىندەگى قوعامدىق ينسپەكتور - ەڭبەك قاۋىپسىزدىگى جانە ەڭبەكتى قورعاۋ سالاسىندا قوعامدىق باقىلاۋدى جۇزەگە اسىراتىن قىزمەتكەرلەر وكىلى;

      37) ەڭبەكتى نورمالاۋ - ناقتى ۇيىمداستىرۋ-تەحنيكالىق جاعدايلارىندا قىزمەتكەرلەردىڭ جۇمىستى ورىنداۋعا ء(ونىم بىرلىگىن دايىنداۋعا) ارنالعان قاجەتتى ەڭبەك (ۋاقىت) شىعىندارىن ايقىنداۋ جانە وسىنىڭ نەگىزىندە ەڭبەك نورمالارىن بەلگىلەۋ;

      38) ەڭبەكتىڭ قاۋىپسىز جاعدايلارى - جۇمىس بەرۋشىنىڭ قىزمەتكەرگە زياندى جانە (نەمەسە) قاۋىپتى وندىرىستىك فاكتورلاردىڭ اسەرى بولمايتىنداي نە ولاردىڭ اسەر ەتۋ دەڭگەيى قاۋىپسىزدىك نورمالارىنان اسپايتىنداي ەتىپ جاساعان ەڭبەك جاعدايلارى;

      39) ەڭبەك شارتى - قىزمەتكەر مەن جۇمىس بەرۋشىنىڭ اراسىنداعى جازباشا كەلىسىم، بۇعان سايكەس قىزمەتكەر بەلگىلى ءبىر جۇمىستى (ەڭبەك فۋنكتسياسىن) جەكە ءوزى ورىنداۋعا، ەڭبەك تارتىپتەمەسىنىڭ ەرەجەلەرىن ساقتاۋعا مىندەتتەنەدى، ال جۇمىس بەرۋشى قىزمەتكەرگە كەلىسىلگەن ەڭبەك فۋنكتسياسى بويىنشا جۇمىس بەرۋگە، وسى كودەكستە، قازاقستان رەسپۋبليكاسىنىڭ زاڭدارى مەن وزگە دە نورماتيۆتىك قۇقىقتىق اكتىلەرىندە، ۇجىمدىق شارتتا، جۇمىس بەرۋشىنىڭ اكتىلەرىندە كوزدەلگەن ەڭبەك جاعدايىن قامتاماسىز ەتۋگە، قىزمەتكەرگە ۋاقتىلى جانە تولىق مولشەردە جالاقى تولەۋگە مىندەتتەنەدى;

      40) ەرەۋىل - جۇمىس بەرۋشىمەن ۇجىمدىق ەڭبەك داۋىندا وزدەرىنىڭ الەۋمەتتىك-ەكونوميكالىق جانە كاسىپتىك تالاپتارىن قاناعاتتاندىرۋ ماقساتىندا جۇمىستى تولىق نەمەسە ءىشىنارا توقتاتۋ;

      41) جالاقى - قىزمەتكەردىڭ بىلىكتىلىگىنە، ورىندالاتىن جۇمىستىڭ كۇردەلىلىگىنە، سانىنا، ساپاسىنا جانە جاعدايىنا بايلانىستى ەڭبەك ءۇشىن تولەنەتىن سىياقى، سونداي-اق وتەماقى جانە ىنتالاندىرۋ سيپاتىنداعى تولەمدەر;

      42) جەكە قورعانۋ زاتتارى - قىزمەتكەردى زياندى جانە (نەمەسە) قاۋىپتى وندىرىستىك فاكتورلاردىڭ اسەرىنەن قورعاۋعا ارنالعان قۇرالدار، سونىڭ ىشىندە ارنايى كيىم;

      43) جۇمىس بەرۋشى - قىزمەتكەر ەڭبەك قاتىناستارىندا بولاتىن جەكە نەمەسە زاڭدى تۇلعا;

      44) جۇمىس بەرۋشىلەردىڭ وكىلدەرى - قۇرىلتاي قۇجاتتارى نەمەسە سەنىمحات نەگىزىندە جۇمىس بەرۋشىنىڭ نەمەسە جۇمىس بەرۋشىلەر توبىنىڭ مۇددەلەرىن بىلدىرۋگە ۋاكىلەتتى جەكە جانە (نەمەسە) زاڭدى تۇلعالار;

      45) جۇمىس بەرۋشىنىڭ اكتىلەرى - جۇمىس بەرۋشى شىعاراتىن بۇيرىقتار، وكىمدەر، نۇسقاۋلىقتار، ەرەجەلەر، ەڭبەك تارتىپتەمەسىنىڭ ەرەجەلەرى;

      46) جۇمىسقا ورنالاستىرۋ - حالىقتى جۇمىسپەن قامتۋدى قامتاماسىز ەتۋگە جاردەمدەسۋگە ارنالعان ۇيىمداستىرۋشىلىق، ەكونوميكالىق جانە قۇقىقتىق ءىس-شارالار كەشەنى;

      47) جۇمىس ورنى - قىزمەتكەردىڭ ەڭبەك قىزمەتى پروتسەسىندە ەڭبەك مىندەتتەرىن ورىنداۋى كەزىندە تۇراقتى نەمەسە ۋاقىتشا بولاتىن ورنى;

      48) جۇمىستى تاريفتەۋ - ورىندالاتىن جۇمىستاردى جۇمىسشىلاردىڭ جۇمىستارى مەن كاسىپتەرىنىڭ بىرىڭعاي تاريفتىك-بىلىكتىلىك انىقتامالىعىنا جانە باسشىلاردىڭ، مامانداردىڭ جانە باسقا دا قىزمەتشىلەر لاۋازىمدارىنىڭ بىلىكتىلىك انىقتامالىعىنا، جۇمىسشى كاسىپتەرىنىڭ تاريفتىك-بىلىكتىلىك سيپاتتامالارىنا جانە ۇيىمدار باسشىلارىنىڭ، مامانداردىڭ جانە باسقا دا قىزمەتشىلەر لاۋازىمدارىنىڭ ۇلگىلىك بىلىكتىلىك سيپاتتامالارىنا سايكەس بەلگىلى ءبىر كۇردەلىلىككە جاتقىزۋ;

      49) جۇمىس ۋاقىتى - قىزمەتكەر جۇمىس بەرۋشىنىڭ اكتىلەرىنە جانە ەڭبەك شارتىنىڭ تالاپتارىنا سايكەس ەڭبەك مىندەتتەرىن ورىندايتىن ۋاقىت، سونداي-اق وسى كودەكسكە سايكەس جۇمىس ۋاقىتىنا جاتقىزىلعان وزگە دە ۋاقىت كەزەڭدەرى;

      50) جۇمىس ۋاقىتىنىڭ جيىنتىق ەسەبى - جۇمىس بەرۋشى بەلگىلەگەن، ءبىر جىلدان اسىرۋعا بولمايتىن ەسەپتىك كەزەڭدەگى جۇمىس ۋاقىتىن جيناقتاۋ جولىمەن ەسەپتەلگەن جۇمىس ۋاقىتىنىڭ ەسەبى;

      51) زياندى (ەرەكشە زياندى) ەڭبەك جاعدايلارى - بەلگىلى ءبىر وندىرىستىك فاكتورلاردىڭ اسەرى قىزمەتكەردىڭ ەڭبەككە قابىلەتتىلىگىنىڭ تومەندەۋىنە نەمەسە سىرقاتتانۋىنا نە ونىڭ ۇرپاقتارىنىڭ دەنساۋلىعىنا تەرىس ىقپالى بولۋىنا اكەپ سوقتىراتىن ەڭبەك جاعدايلارى;

      52) زياندى وندىرىستىك فاكتور - اسەرى قىزمەتكەردىڭ سىرقاتتانۋىنا نەمەسە ەڭبەككە قابىلەتتىلىگىنىڭ تومەندەۋىنە جانە (نەمەسە) ونىڭ ۇرپاقتارىنىڭ دەنساۋلىعىنا تەرىس ىقپالى بولۋىنا اكەپ سوقتىرۋى مۇمكىن وندىرىستىك فاكتور;

      53) كاسىپتىك اۋرۋ - قىزمەتكەردىڭ ءوز ەڭبەك (قىزمەت) مىندەتتەرىن ورىنداۋىنا بايلانىستى وعان زياندى وندىرىستىك فاكتورلاردىڭ اسەر ەتۋىنەن تۋىنداعان سوزىلمالى نەمەسە قاتتى اۋرۋ;

      54) كەپىلدىكتەر - قىزمەتكەرلەرگە الەۋمەتتىك-ەڭبەك قاتىناستارى سالاسىندا بەرىلگەن قۇقىقتاردىڭ جۇزەگە اسىرىلۋىن قامتاماسىز ەتۋگە كومەكتەسەتىن قۇرالدار، تاسىلدەر مەن جاعدايلار;

      55) قاۋىپسىزدىك نورمالارى - قىزمەتكەرلەردىڭ ەڭبەك قىزمەتى پروتسەسىندە ولاردىڭ ءومىرى مەن دەنساۋلىعىن ساقتاۋعا باعىتتالعان ۇيىمداستىرۋشىلىق، تەحنيكالىق، سانيتارلىق-گيگيەنالىق، بيولوگيالىق جانە وزگە دە نورمالاردى، ەرەجەلەردى، راسىمدەر مەن ولشەمدەردى قامتاماسىز ەتۋ تۇرعىسىنان ءوندىرىس جاعدايلارىن، وندىرىستىك جانە ەڭبەك پروتسەسىن سيپاتتايتىن ساپالىق جانە ساندىق كورسەتكىشتەر;

      56) قاۋىپتى ەڭبەك جاعدايلارى - ەڭبەكتى قورعاۋ ەرەجەلەرى ساقتالماعان جاعدايدا بەلگىلى ءبىر وندىرىستىك نەمەسە جويۋعا بولمايتىن تابيعي فاكتورلاردىڭ اسەرى قىزمەتكەردىڭ جاراقاتتانۋىنا، كاسىپتىك اۋرۋعا شالدىعۋىنا، دەنساۋلىعىنىڭ كەنەتتەن ناشارلاۋىنا نەمەسە ۋلانۋىنا اكەپ سوقتىراتىن، سونىڭ سالدارىنان ەڭبەككە قابىلەتتىلىگىنەن ۋاقىتشا نەمەسە تۇراقتى ايرىلۋى، كاسىپتىك اۋرۋعا شالدىعۋى نە ءولىمى تۋىندايتىن ەڭبەك جاعدايلارى;

      57) قاۋىپتى وندىرىستىك فاكتور - قىزمەتكەرگە اسەر ەتۋى ەڭبەككە قابىلەتتىلىگىنەن ۋاقىتشا نەمەسە تۇراقتى ايرىلۋعا (وندىرىستىك جاراقاتقا نەمەسە كاسىپتىك اۋرۋعا) نەمەسە ولىمگە اكەپ سوقتىرۋى مۇمكىن وندىرىستىك فاكتور;

      58) قوسا اتقارىلاتىن جۇمىس - قىزمەتكەردىڭ نەگىزگى جۇمىسىنان بوس ۋاقىتىندا ەڭبەك شارتى جاعدايىندا تۇراقتى، اقى تولەنەتىن باسقا جۇمىستى ورىنداۋى;

      59) قىزمەتكەر - جۇمىس بەرۋشىمەن ەڭبەك قاتىناستارىندا تۇراتىن جانە جەكە ەڭبەك شارتى بويىنشا جۇمىستى تىكەلەي ورىندايتىن جەكە تۇلعا;

      60) قىزمەتكەرلەردiڭ وكiلدەرi – كاسiپتiك وداقتاردىڭ، ولاردىڭ بiرلەستiكتەرiنiڭ ورگاندارى، ال ولار بولماعان كەزدە قىزمەتكەرلەردiڭ جالپى جينالىسىندا (كونفەرەنتسياسىندا) قىزمەتكەرلەردiڭ (كونفەرەنتسيا دەلەگاتتارىنىڭ) كەمىندە ۇشتەن ەكىسى قاتىسقان كەزدە قاتىسۋشىلاردىڭ كوپشىلىك داۋسىمەن وندا قىزمەتكەرلەر سايلاعان جانە ۋاكiلەتتiك بەرگەن سايلانبالى وكiلدەر;

      60-1) وندىرىستىك وبەكتىلەردى اتتەستاتتاۋدى جۇرگىزۋ جونىندەگى مامانداندىرىلعان ۇيىمدار – بىلىكتى كادرلارى بار جانە ءوزىنىڭ قۇرامىندا وندىرىستىك ورتا مەن ەڭبەك جاعدايلارىنىڭ فاكتورلارىن زەرتحانالىق جانە اسپاپتىق زەرتتەۋلەر جونىندەگى زەرتحاناسى بار نەمەسە وسىنداي زەرتحانالارى بار ۇيىمدارمەن شارتتارى بار وندىرىستىك وبەكتىلەردى ەڭبەك جاعدايلارى بويىنشا اتتەستاتتاۋدى جۇرگىزۋ جونىندەگى قىزمەتتى جۇزەگە اسىراتىن ۇيىمدار;

      61) مەرەكە كۇندەرى - قازاقستان رەسپۋبليكاسىنىڭ ۇلتتىق جانە مەملەكەتتىك مەرەكە كۇندەرى;

      62) نەگىزگى جالاقى - جالاقىنىڭ تاريفتىك ستاۆكا، لاۋازىمدىق ايلىقاقى، كەسىمدى باعالاۋ بويىنشا تولەمدى قامتيتىن، سالىستىرمالى تۇردە تۇراقتى بولىگى جانە ەڭبەك زاڭناماسىندا، سالالىق كەلىسىمدە، ۇجىمدىق شارتتا جانە (نەمەسە) ەڭبەك شارتىندا كوزدەلگەن تۇراقتى سيپاتتاعى تولەمدەر;

      63) وندىرىستەگى جازاتايىم وقيعا - ءوزىنىڭ ەڭبەك (قىزمەت) مىندەتتەرىن نەمەسە جۇمىس بەرۋشىنىڭ تاپسىرمالارىن ورىنداۋى كەزىندە، قىزمەتكەردىڭ وندىرىستىك جاراقاتتانۋى، دەنساۋلىعىنىڭ كەنەتتەن ناشارلاۋى نەمەسە ۋلانۋى سالدارىنان ونىڭ ەڭبەككە قابىلەتتىلىگىنەن ۋاقىتشا نەمەسە تۇراقتى ايرىلۋىنا، كاسىپتىك اۋرۋعا شالدىعۋىنا نە ولىمىنە اكەپ سوقتىرعان زياندى جانە (نەمەسە) قاۋىپتى وندىرىستىك فاكتوردىڭ قىزمەتكەرگە اسەر ەتۋى;

      64) وندىرىستىك جابدىق - ماشينالار، تەتىكتەر، قۇرىلعىلار، اپپاراتتار، اسپاپتار جانە جۇمىسقا، وندىرىسكە قاجەتتى وزگە دە تەحنيكالىق قۇرالدار;

      65) وندىرىستىك جاراقات - قىزمەتكەر ەڭبەك مىندەتتەرىن ورىنداۋ كەزىندە العان، ونىڭ ەڭبەككە قابىلەتتىلىگىن جويۋعا اكەپ سوققان، دەنساۋلىعىنىڭ زاقىمدانۋى;

      66) وندىرىستىك قاجەتتىلىك - دۇلەي اپاتتى، اۆاريانى بولعىزباۋ نەمەسە جويۋ نەمەسە ولاردىڭ زارداپتارىن دەرەۋ جويۋ ماقساتىندا، جازاتايىم وقيعالاردى، بوس تۇرىپ قالۋدى، مۇلىكتىڭ جويىلۋىن نەمەسە ءبۇلىنۋىن بولعىزباۋ ءۇشىن جانە باسقا دا ەرەكشە جاعدايلاردا، سونداي-اق جوق قىزمەتكەردى الماستىرۋ ءۇشىن جۇمىستار ورىنداۋ;

      67) وندىرىستىك وبەكتىلەردى ەڭبەك جاعدايلارى بويىنشا اتتەستاتتاۋ - وندىرىستىك وبەكتىلەردى (وندىرىستىك قىزمەتتى جۇزەگە اسىراتىن تسەحتاردى، ۋچاسكەلەردى، جۇمىس ورىندارىن، سونداي-اق جۇمىس بەرۋشىلەردىڭ بولەك تۇرعان وزگە دە بولىمشەلەرىن) ولاردا ورىندالاتىن جۇمىستار قاۋىپسىزدىگىنىڭ جاي-كۇيىن، زياندىلىعىن، اۋىرلىعىن، قاۋىرتتىعىن، ەڭبەك گيگيەناسىن ايقىنداۋ جانە وندىرىستىك ورتا جاعدايلارىنىڭ ەڭبەك قاۋىپسىزدىگى جانە ەڭبەكتى قورعاۋ نورماتيۆتەرىنە سايكەستىگىن ايقىنداۋ ماقساتىندا باعالاۋ جونىندەگى قىزمەت;

      68) وندىرىستىك سانيتاريا - زياندى وندىرىستىك فاكتورلاردىڭ قىزمەتكەرلەرگە اسەرىن بولعىزبايتىن نەمەسە ازايتاتىن سانيتارلىق-گيگيەنالىق، ۇيىمداستىرۋ ءىس-شارالارى مەن تەحنيكالىق قۇرالدار جۇيەسى;

      68-1) ورەسكەل ابايسىزدىق – قىزمەتكەردىڭ ەڭبەكتى قورعاۋ جانە قاۋىپسىزدىك تەحنيكاسى قاعيدالارىن جانە ءوز دەنساۋلىعىنىڭ قاۋىپسىزدىگىن بۇزۋىنا ىقپال ەتەتىن ارەكەتتەرى;

      69) وتەماقى تولەمدەرى - جۇمىستىڭ ەرەكشە رەجيمى مەن ەڭبەك جاعدايلارىنا، جۇمىسىنان ايرىلۋىنا، قىزمەتكەرلەردىڭ ەڭبەك مىندەتتەرىن نەمەسە قازاقستان رەسپۋبليكاسىنىڭ زاڭدارىندا كوزدەلگەن وزگە دە مىندەتتەردى ورىنداۋىنا بايلانىستى شەككەن شىعىندارىن وتەۋگە بايلانىستى اقشالاي تولەمدەر;

      69-1) رازريادارالىق كوەففيتسيەنت – ساباقتاس تاريفتىك-بىلىكتىلىك رازريادتاردىڭ تاريفتىك مولشەرلەمەلەرى اراسىنداعى اراقاتىناس;

      70) تاريفتىك جۇيە - ەڭبەككە اقى تولەۋ جۇيەسىنىڭ ءبىر ءتۇرى، وندا قىزمەتكەرلەردىڭ جالاقىسى تاريفتىك ستاۆكالار (ايلىقاقىلار) جانە تاريفتىك كەستەلەر نەگىزىندە سارالانىپ ايقىندالادى;

      71) تاريفتىك كەستە - ورىندالاتىن جۇمىستاردىڭ كۇردەلىلىك جانە قىزمەتكەرلەردىڭ بىلىكتىلىك بەلگىسى بويىنشا سارالاۋدى كوزدەيتىن تاريفتىك رازريادتار مەن تاريفتىك كوەففيتسيەنتتەردىڭ جيىنتىعى;

      72) تاريفتىك رازرياد - جۇمىستىڭ كۇردەلىلىك دەڭگەيى جانە وسى جۇمىستى ورىنداۋ ءۇشىن قاجەتتى بىلىكتىلىك دەڭگەيىنىڭ كورسەتكىشى;

      73) تاريفتىك ستاۆكا (ايلىقاقى) - قىزمەتكەردىڭ ۋاقىت بىرلىگى ىشىندە بەلگىلى ءبىر كۇردەلىلىكتەگى (بىلىكتىلىكتەگى) ەڭبەك نورماسىن (ەڭبەك مىندەتتەرىن) ورىنداعانى ءۇشىن ەڭبەگىنە اقى تولەۋدىڭ بەلگىلەنگەن مولشەرى;

      73-1) تاتۋلاستىرۋ راسiمدەرى – ۇجىمدىق ەڭبەك داۋىن العاشىندا تاتۋلاستىرۋ كوميسسياسىندا، ال وندا كەلiسiمگە قول جەتكىزىلمەگەن كەزدە – ەڭبەك تورەلىگىندە، سونداي-اق مەدياتسيا ءراسىمىن قولدانا وتىرىپ، تاراپتاردىڭ ءوزارا كەلىسۋى بويىنشا رەتتىلىكپەن قاراۋ;

      74) تارتىپتىك جازا - تارتىپتىك تەرىس قىلىق جاساعانى ءۇشىن جۇمىس بەرۋشىنىڭ قىزمەتكەرگە قولداناتىن تارتىپتىك اسەر ەتۋ شاراسى;

      75) تارتىپتىك تەرىس قىلىق - قىزمەتكەردىڭ ەڭبەك ءتارتىبىن بۇزۋى، سونداي-اق ەڭبەك مىندەتتەرىن قۇقىققا قايشى كەلەتىندەي كىنامەن ورىنداماۋى نەمەسە تيىسىنشە ورىنداماۋى;

      76) تىنىعۋ ۋاقىتى - قىزمەتكەردىڭ ەڭبەك مىندەتتەرىن ورىنداۋدان بوس جانە ءوز قالاۋى بويىنشا پايدالانا الاتىن ۋاقىتى;

      77) ۇجىمدىق قورعانۋ قۇرالدارى - جۇمىس ىستەيتىن ەكى نەمەسە ودان دا كوپ ادامدى زياندى جانە (نەمەسە) قاۋىپتى وندىرىستىك فاكتورلاردىڭ اسەرىنەن ءبىر مەزگىلدە قورعاۋعا ارنالعان تەحنيكالىق قۇرالدار;

      78) ۇجىمدىق شارت – ازىرلەۋ مەن جاساسۋ ءتارتىبى وسى كودەكستىڭ 282-بابىندا بەلگىلەنگەن، ۇيىمداعى الەۋمەتتىك-ەڭبەك قاتىناستارىن رەتتەيتىن، قىزمەتكەرلەردىڭ ۋاكىلەتتىك بەرىلگەن وكىلدەرى ارقىلى ولاردىڭ ۇجىمى مەن جۇمىس بەرۋشىنىڭ اراسىنداعى جازباشا كەلىسىم نىسانىنداعى قۇقىقتىق اكت;

      79) ۇستەمە جۇمىس - قىزمەتكەر جۇمىس بەرۋشىنىڭ باستاماسى بويىنشا ورىندايتىن، جۇمىس ۋاقىتىنىڭ بەلگىلەنگەن ۇزاقتىعىنان تىس جۇمىس;

      80) حابارلاما - قىزمەتكەردىڭ نەمەسە جۇمىس بەرۋشىنىڭ جازباشا ءوتىنىشى نە وزگە تاسىلمەن (كۋرەرلىك پوچتا، پوچتا بايلانىسى، فاكسيميلدى بايلانىس جانە ەلەكتروندىق پوچتا ارقىلى) بەرىلگەن وتىنىشتەر;

      81) ءىسساپار - جۇمىس بەرۋشىنىڭ وكىمى بويىنشا قىزمەتكەردى تۇراقتى جۇمىس ورنىنان تىس جەرگە بەلگىلى ءبىر مەرزىمگە ەڭبەك مىندەتتەرىن ورىنداۋ ءۇشىن جىبەرۋ، سونداي-اق قىزمەتكەردى باسقا جەرگە وقۋعا، بىلىكتىلىگىن ارتتىرۋعا نەمەسە قايتا دايارلاۋعا جىبەرۋ.

      2. قازاقستان رەسپۋبليكاسى ەڭبەك زاڭناماسىنىڭ باسقا دا ارناۋلى ۇعىمدارى مەن تەرميندەرى وسى كودەكستىڭ ءتيىستى باپتارىندا ايقىندالاتىن ماعىنالاردا پايدالانىلادى.

      ەسكەرتۋ. 1-باپقا وزگەرىستەر ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى), 13.06.2013 № 102-V (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى); 27.06.2014 N 212-V (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi); 27.04.2015 № 311-V (العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭدارىمەن.
2-باپ. قازاقستان رەسپۋبليكاسىنىڭ ەڭبەك زاڭناماسى

1. قازاقستان رەسپۋبليكاسىنىڭ ەڭبەك زاڭناماسى قازاقستان رەسپۋبليكاسىنىڭ كونستيتۋتسياسىنا نەگىزدەلەدى جانە وسى كودەكستەن، قازاقستان رەسپۋبليكاسىنىڭ زاڭدارى مەن قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىنەن تۇرادى.

2. وسى كودەكستە كوزدەلگەن جاعدايلاردى قوسپاعاندا، قازاقستان رەسپۋبليكاسىنىڭ باسقا زاڭدارىنا ەڭبەك قاتىناستارىن، الەۋمەتتىك ارىپتەستىك پەن ەڭبەكتى قورعاۋ قاتىناستارىن رەتتەيتىن نورمالاردى ەنگىزۋگە تىيىم سالىنادى.

3. ەگەر قازاقستان رەسپۋبليكاسى راتيفيكاتسيالاعان حالىقارالىق شارتتا وسى كودەكستەگىدەن وزگەشە ەرەجەلەر بەلگىلەنگەن بولسا، وندا حالىقارالىق شارتتىڭ ەرەجەلەرى قولدانىلادى. قازاقستان رەسپۋبليكاسى راتيفيكاتسيالاعان حالىقارالىق شارتتا ونى قولدانۋ ءۇشىن زاڭ شىعارۋ تالاپ ەتىلەتىن جاعدايلاردى قوسپاعاندا، حالىقارالىق شارتتار ەڭبەك قاتىناستارىنا تىكەلەي قولدانىلادى.

3-باپ. قازاقستان رەسپۋبليكاسى ەڭبەك زاڭناماسىنىڭ ماقساتى مەن مىندەتتەرى

1. قازاقستان رەسپۋبليكاسى ەڭبەك زاڭناماسىنىڭ ماقساتى ەڭبەك قاتىناستارىن جانە ەڭبەك قاتىناستارىنا تىكەلەي بايلانىستى وزگە دە قاتىناستاردى ەڭبەك قاتىناستارى تاراپتارىنىڭ قۇقىقتارى مەن مۇددەلەرىن قورعاۋعا، ەڭبەك سالاسىنداعى قۇقىقتار مەن بوستاندىقتاردىڭ ەڭ تومەن كەپىلدىكتەرىن بەلگىلەۋگە باعىتتالعان قۇقىقتىق رەتتەۋ بولىپ تابىلادى.

2. قازاقستان رەسپۋبليكاسى ەڭبەك زاڭناماسىنىڭ مىندەتتەرى ەڭبەك قاتىناستارى تاراپتارى مۇددەلەرىنىڭ تەڭگەرىمىنە، ەكونوميكالىق وسۋگە قول جەتكىزۋگە، ءوندىرىس تيىمدىلىگى مەن ادامداردىڭ ءال-اۋقاتىن ارتتىرۋعا باعىتتالعان قاجەتتى قۇقىقتىق جاعدايلار جاساۋ بولىپ تابىلادى.

4-باپ. قازاقستان رەسپۋبليكاسى ەڭبەك زاڭناماسىنىڭ پرينتسيپتەرى

قازاقستان رەسپۋبليكاسى ەڭبەك زاڭناماسىنىڭ پرينتسيپتەرى:

1) ادام مەن ازاماتتىڭ ەڭبەك سالاسىنداعى قۇقىقتارىنىڭ شەكتەلۋىنە جول بەرمەۋ;

2) ەڭبەك بوستاندىعى;

3) كەمسىتۋشىلىككە، ءماجبۇرلى ەڭبەككە جانە بالالار ەڭبەگىنىڭ ەڭ ناشار تۇرلەرىنە تىيىم سالۋ;

4) قاۋىپسىزدىك جانە گيگيەنا تالاپتارىنا ساي كەلەتىن ەڭبەك جاعدايلارىنا قۇقىقتى قامتاماسىز ەتۋ;

5) وندىرىستىك قىزمەت ناتيجەلەرىنە قاتىستى العاندا قىزمەتكەردىڭ ءومىرى مەن دەنساۋلىعىنىڭ باسىمدىعى;

6) ەڭبەگى ءۇشىن جالاقىنىڭ ەڭ تومەنگى مولشەرىنەن كەم ەمەس، ادىلەتتى سىياقىعا قۇقىعىن قامتاماسىز ەتۋ;

7) تىنىعۋ قۇقىعىن قامتاماسىز ەتۋ;

8) قىزمەتكەرلەردىڭ قۇقىقتارى مەن مۇمكىندىكتەرىنىڭ تەڭدىگى;

9) قىزمەتكەرلەر مەن جۇمىس بەرۋشىلەردىڭ وزدەرىنىڭ قۇقىقتارى مەن مۇددەلەرىن قورعاۋ ءۇشىن بىرىگۋ قۇقىعىن قامتاماسىز ەتۋ;

10) الەۋمەتتىك ارىپتەستىك;

11) ەڭبەك قاۋىپسىزدىگى جانە ەڭبەكتى قورعاۋ ماسەلەلەرىن مەملەكەتتىك رەتتەۋ;

12) قىزمەتكەرلەر وكىلدەرىنىڭ قازاقستان رەسپۋبليكاسى ەڭبەك زاڭناماسىنىڭ ساقتالۋىنا قوعامدىق باقىلاۋدى جۇزەگە اسىرۋ قۇقىعىن قامتاماسىز ەتۋ بولىپ تابىلادى.

5-باپ. ەڭبەك سالاسىنداعى قۇقىقتاردىڭ شەكتەلۋىنە جول بەرمەۋ

وسى كودەكستە جانە قازاقستان رەسپۋبليكاسىنىڭ وزگە دە زاڭدارىندا كوزدەلگەن جاعدايلار مەن تارتىپتەن باسقا، ەشكىمنىڭ دە ەڭبەك سالاسىنداعى قۇقىقتارىنا شەك قويىلمايدى.

6-باپ. ەڭبەك بوستاندىعى

اركىمنىڭ دە ەڭبەكتى ەركىن تاڭداۋعا نەمەسە ەڭبەككە قانداي دا بولماسىن كەمسىتۋشىلىكسىز جانە ماجبۇرلەۋسىز ەركىن كەلىسۋگە قۇقىعى، ءوزىنىڭ ەڭبەككە قابىلەتتىلىگىنە يەلىك ەتۋگە، كاسىپ جانە قىزمەت ءتۇرىن تاڭداۋعا قۇقىعى بار.

7-باپ. ەڭبەك سالاسىنداعى كەمسىتۋشىلىككە تىيىم سالۋ

1. اركىمنىڭ دە ەڭبەك سالاسىنداعى ءوز قۇقىقتارى مەن بوستاندىعىن ىسكە اسىرۋعا تەڭ مۇمكىندىكتەرى بار.

      2. ەشكىمدى دە ءوزىنىڭ ەڭبەك قۇقىقتارىن ىسكە اسىرۋ كەزىندە جىنىسىنا، جاسىنا، دەنە كەمىستىكتەرىنە، ناسىلىنە، ۇلتىنا، تىلىنە، مۇلىكتىك، الەۋمەتتىك جانە لاۋازىمدىق جاعدايىنا، تۇراتىن جەرىنە، دىنگە كوزقاراسىنا، ساياسي سەنىمىنە، رۋعا نەمەسە تەككە-توپقا، قوعامدىق بىرلەستىكتەرگە قاتىستىلىعىنا بايلانىستى ەشقانداي كەمسىتۋگە بولمايدى.

      جۇمىسپەن قامتۋ ماسەلەلەرى جونىندەگى ۋاكىلەتتى ورگاننىڭ، ەڭبەك دەلدالدىعىن كورسەتەتىن جەكە جانە زاڭدى تۇلعانىڭ، سونداي-اق جۇمىس بەرۋشىنىڭ جۇمىسقا قابىلداۋ ءۇشىن بوس جۇمىس ورىندارى تۋرالى ەڭبەك سالاسىنداعى كەمسىتۋشىلىك سيپاتتاعى تالاپتاردى قامتيتىن اقپاراتتى ورنالاستىرۋىنا تىيىم سالىنادى.

      3. ەڭبەكتىڭ وسى تۇرىنە ءتان تالاپتارمەن ايقىندالاتىن نە الەۋمەتتىك جانە قۇقىقتىق باسىمدىقپەن قورعالۋعا مۇقتاج ادامدار جونىندە مەملەكەتتىڭ ەرەكشە قامقورلىعىنان تۋىنداعان وزگەشەلىكتەر، ەرەكشەلىكتەر، ارتىقشىلىقتار مەن شەكتەۋلەر كەمسىتۋشىلىك بولىپ تابىلمايدى.

      4. ەڭبەك سالاسىندا كەمسىتۋشىلىككە ۇشىرادىم دەپ ەسەپتەيتىن ادامدار قازاقستان رەسپۋبليكاسىنىڭ زاڭدارىندا بەلگىلەنگەن تارتىپپەن سوتقا نەمەسە وزگە دە ورىندارعا جۇگىنۋگە قۇقىلى.

      ەسكەرتۋ. 7-باپقا وزگەرىس ەنگىزىلدى - قر 21.06.2013 N 106-V (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
8-باپ. ءماجبۇرلى ەڭبەككە تىيىم سالۋ

ءماجبۇرلى ەڭبەككە تىيىم سالىنعان.

ءماجبۇرلى ەڭبەك، مىناداي جۇمىستاردى:

جۇمىس مەملەكەتتىك ورگانداردىڭ قاداعالاۋىمەن جانە باقىلاۋىمەن جۇرگىزىلەتىن جانە جۇمىستى ورىندايتىن ادام جەكە جانە (نەمەسە) زاڭدى تۇلعالاردىڭ بيلىگىنە بەرىلمەيتىن نەمەسە تاپسىرىلمايتىن جاعدايدا قانداي دا ءبىر ادامنان سوتتىڭ زاڭدى كۇشىنە ەنگەن ۇكىمىنە بايلانىستى تالاپ ەتىلەتىن;

توتەنشە جاعدايدا نەمەسە سوعىس جاعدايىندا تالاپ ەتىلەتىن جۇمىستاردى قوسپاعاندا، قانداي دا ءبىر ادامنان قانداي دا ءبىر جازا قولدانۋ قاۋپىمەن تالاپ ەتىلەتىن، ونى ورىنداۋ ءۇشىن بۇل ادام ەرىكتى تۇردە ءوز قىزمەتىن ۇسىنباعان كەز-كەلگەن جۇمىستى نەمەسە قىزمەتتى بىلدىرەدى.

      ەسكەرتۋ. 8-باپقا وزگەرتۋ ەنگىزىلدى - قازاقستان رەسپۋبليكاسىنىڭ 2009.04.29. N 154-IV زاڭىمەن.
9-باپ. وسى كودەكستىڭ قولدانىلۋ اياسى

1. وسى كودەكس:

      1) ەڭبەك;

      2) ەڭبەك قاتىناستارىنا تىكەلەي بايلانىستى;

      3) الەۋمەتتىك ارىپتەستىك;

      4) ەڭبەك قاۋىپسىزدىگى جانە ەڭبەكتى قورعاۋ جونىندەگى قاتىناستاردى رەتتەيدى.

      2. وسى كودەكس، ەگەر زاڭداردا جانە قازاقستان رەسپۋبليكاسى راتيفيكاتسيالاعان حالىقارالىق شارتتاردا وزگەشە كوزدەلمەسە:

      1) قىزمەتكەرلەرگە، ونىڭ ىشىندە مۇلكىنىڭ مەنشىك يەلەرى، قاتىسۋشىلارى نەمەسە اكتسيونەرلەرى شەتەلدىك جەكە نەمەسە زاڭدى تۇلعالار بولىپ تابىلاتىن، قازاقستان رەسپۋبليكاسىنىڭ اۋماعىندا ورنالاسقان ۇيىمداردىڭ قىزمەتكەرلەرىنە;

      2) جۇمىس بەرۋشىلەرگە، ونىڭ ىشىندە مۇلكىنىڭ مەنشىك يەلەرى، قاتىسۋشىلارى نەمەسە اكتسيونەرلەرى شەتەلدىك جەكە نەمەسە زاڭدى تۇلعالار بولىپ تابىلاتىن، قازاقستان رەسپۋبليكاسىنىڭ اۋماعىندا ورنالاسقان ۇيىمدارعا قولدانىلادى.

      3. قىزمەتكەرلەردىڭ جەكەلەگەن ساناتتارىنىڭ ەڭبەگىن قۇقىقتىق رەتتەۋدىڭ ەرەكشەلىكتەرى وسى كودەكستە جانە قازاقستان رەسپۋبليكاسىنىڭ وزگە دە زاڭدارىندا بەلگىلەنەدى.

      4. قازاقستان رەسپۋبليكاسىنىڭ زاڭدارى وسى كودەكستە بەلگىلەنگەن قۇقىقتار، بوستاندىقتار مەن كەپىلدىكتەر دەڭگەيىن تومەندەتپەۋگە ءتيىس.

9-1-باپ. ەڭبەك سالاسىنداعى ەڭ تومەن الەۋمەتتىك ستاندارتتار

ايلىق جالاقىنىڭ ەڭ تومەن مولشەرى، ەڭبەككە اقى تولەۋدىڭ ەڭ تومەن ستاندارتى، كۇندەلىكتى جۇمىستىڭ (جۇمىس اۋىسىمىنىڭ) ۇزاقتىعى، جىل سايىنعى نەگىزگى اقىلى ەڭبەك دەمالىسى "ەڭ تومەن الەۋمەتتىك ستاندارتتار جانە ولاردىڭ كەپىلدىكتەرى تۋرالى" قازاقستان رەسپۋبليكاسىنىڭ زاڭىنا سايكەس ەڭبەك سالاسىنداعى ەڭ تومەن الەۋمەتتىك ستاندارتتار بولىپ تابىلادى.

      ەسكەرتۋ. 1-تاراۋ 9-1-باپپەن تولىقتىرىلدى - قر 19.05.2015 № 315-V زاڭىمەن (العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى).
10-باپ. ەڭبەك شارتتارى، الەۋمەتتىك ارىپتەستىك تاراپتارىنىڭ كەلىسىمدەرى، ۇجىمدىق شارتتار، جۇمىس بەرۋشىنىڭ ەڭبەك سالاسىنداعى اكتىلەرى

1. ەڭبەك قاتىناستارى، سونداي-اق ەڭبەك قاتىناستارىنا تىكەلەي بايلانىستى وزگە دە قاتىناستار ەڭبەك شارتىندا، جۇمىس بەرۋشىنىڭ اكتىسىندە، كەلىسىمدە جانە ۇجىمدىق شارتتا رەتتەلەدى.

2. الەۋمەتتىك ارىپتەستىك تاراپتارى كەلىسىمدەرىنىڭ، ۇجىمدىق شارتتىڭ، ەڭبەك شارتىنىڭ، جۇمىس بەرۋشى اكتىلەرىنىڭ قازاقستان رەسپۋبليكاسىنىڭ ەڭبەك زاڭناماسىمەن سالىستىرعاندا قىزمەتكەرلەردىڭ جاعدايىن ناشارلاتاتىن ەرەجەلەرى جارامسىز دەپ تانىلادى جانە قولدانىلماۋعا ءتيىس.

3. كەلىسىمدەردىڭ، ۇجىمدىق شارتتىڭ، ەڭبەك شارتىنىڭ تالاپتارى بىرجاقتى تارتىپپەن وزگەرتىلمەيدى.

      ەسكەرتۋ. 10-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
11-باپ. جۇمىس بەرۋشىنىڭ اكتىلەرى

1. جۇمىس بەرۋشى وسى كودەكسكە جانە وزگە دە نورماتيۆتىك قۇقىقتىق اكتىلەرگە، ەڭبەك شارتىنا، كەلىسىمدەرگە، ۇجىمدىق شارتقا سايكەس ءوز قۇزىرەتى شەگىندە اكتىلەر شىعارادى.

2. جۇمىس بەرۋشى وسى كودەكستە، ۇجىمدىق شارتتا كوزدەلگەن جاعدايلاردا، قىزمەتكەرلەر وكىلدەرىنىڭ كەلىسىمى بويىنشا نەمەسە پىكىرىن ەسكەرە وتىرىپ، اكتىلەر شىعارادى.

3. جۇمىس بەرۋشىنىڭ قازاقستان رەسپۋبليكاسىنىڭ ەڭبەك زاڭدارىمەن، ۇجىمدىق شارتپەن، كەلىسىمدەرمەن سالىستىرعاندا قىزمەتكەرلەردىڭ جاعدايىن ناشارلاتاتىن نە وسى باپتىڭ 2-تارماعىندا كورسەتىلگەن راسىمدەر ساقتالماي شىعارىلعان اكتىلەرى جارامسىز بولىپ تابىلادى جانە قولدانىلماۋعا ءتيىس.

      ەسكەرتۋ. 11-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
12-باپ. جۇمىس بەرۋشىنىڭ اكتىلەرىن شىعارۋ كەزىندە قىزمەتكەرلەر وكىلدەرىنىڭ پىكىرىن ەسكەرۋ نەمەسە ولارمەن كەلىسۋ ءتارتىبى

1. جۇمىس بەرۋشى وسى كودەكستە، كەلىسىمدەردە، ۇجىمدىق شارتتا كوزدەلگەن جاعدايلاردا قىزمەتكەرلەر وكىلدەرىنىڭ پىكىرىن ەسكەرە وتىرىپ نەمەسە ولارمەن كەلىسە وتىرىپ اكتىلەر شىعارادى.

      2. اكتىنى شىعارار الدىندا جۇمىس بەرۋشى ونىڭ جوباسىن جانە ول بويىنشا نەگىزدەمەنى قىزمەتكەرلەردىڭ وكىلدەرىنە ۇسىنادى.

      3. جۇمىس بەرۋشى اكتىسىنىڭ جوباسىن تابىس ەتىلگەن كۇننەن باستاپ ءۇش جۇمىس كۇنىنەن اسىرماي قىزمەتكەرلەردىڭ وكىلدەرى تالقىلايدى.

      4. قىزمەتكەرلەر وكىلدەرىنىڭ شەشىمدەرى حاتتامامەن رەسىمدەلەدى، وندا قىزمەتكەرلەر وكىلدەرىنىڭ جۇمىس بەرۋشى اكتىسىنىڭ جوباسىمەن كەلىسەتىنى (كەلىسپەيتىنى) كورسەتىلەدى، ولاردىڭ ۇسىنىستارى بولسا جازىلادى.

      5. ەگەر قىزمەتكەرلەر وكىلدەرىنىڭ پىكىرىندە جۇمىس بەرۋشى اكتىسىنىڭ جوباسىنا كەلىسىم بولماعان نە ونى جەتىلدىرۋ جونىندە ۇسىنىستار بولعان جاعدايدا، جۇمىس بەرۋشى:

      1) كەلىسكەن جاعدايدا قىزمەتكەرلەر وكىلدەرىنىڭ ۇسىنىستارى ەسكەرىلە وتىرىپ وزگەرتىلگەن اكت شىعارادى;

      2) كەلىسپەگەن جاعدايدا قىزمەتكەرلەر وكىلدەرىمەن قوسىمشا كونسۋلتاتسيالار وتكىزۋگە قۇقىلى.

      6. شىعارۋ ءۇشىن وسى كودەكسكە سايكەس قىزمەتكەرلەر وكىلدەرىنىڭ كەلىسىمى قاجەت بولاتىن جۇمىس بەرۋشى اكتىلەرىنىڭ جوبالارى بويىنشا كەلىسىمگە كەلمەگەن جاعدايدا، تۋىنداعان كەلىسپەۋشىلىكتەر حاتتامامەن رەسىمدەلەدى، وسىدان كەيىن جۇمىس بەرۋشى اكت قابىلداۋعا قۇقىلى.

      7. جۇمىس بەرۋشى ۇسىنىستاردى تولىعىمەن نە ءبىر بولىگىن ەسكەرمەي اكت شىعارعان كەزدە قىزمەتكەرلەر وكىلدەرى وسى كودەكستە كوزدەلگەن تارتىپپەن ۇجىمدىق ەڭبەك داۋى ءراسىمىن باستاۋعا قۇقىلى.

      8. ەگەر جۇمىس بەرۋشىنىڭ شىعارىلعان اكتىسىندە قىزمەتكەرلەردىڭ وسى كودەكستە، ەڭبەك شارتىندا، ۇجىمدىق شارتتا، كەلىسىمدەردە كوزدەلگەن قۇقىقتارى مەن كەپىلدىكتەرىن بۇزاتىن نە ناشارلاتاتىن ەرەجەلەر قامتىلعان جاعدايدا، وعان ەڭبەك ينسپەكتسياسى جونىندەگى جەرگىلىكتى ورگانعا نە سوتقا شاعىم جاساۋعا بولادى.

      ەسكەرتۋ. 12-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى), 13.06.2013 № 102-V (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭدارىمەن.
13-باپ. وسى كودەكستە بەلگىلەنگەن مەرزىمدەردى ەسەپتەۋ

1. وسى كودەكستە، ەڭبەك شارتىندا نەمەسە ۇجىمدىق شارتتا، كەلىسىمدەردە بەلگىلەنگەن مەرزىم كۇنتىزبەلىك كۇنمەن، جىلدارمەن، ايلارمەن، اپتالارمەن نەمەسە كۇندەرمەن ەسەپتەلەتىن ۋاقىت كەزەڭىنىڭ اياقتالۋىمەن ايقىندالادى. مەرزىم باستالۋعا ءتيىس وقيعانى كورسەتۋمەن دە ايقىندالۋى مۇمكىن.

2. وسى كودەكستە كوزدەلگەن جاعدايلاردا مەرزىم جۇمىس كۇندەرىمەن ەسەپتەلەدى.

3. ۋاقىت كەزەڭىمەن ايقىندالاتىن مەرزىمنىڭ اعىمى وقيعانىڭ باستالۋى بەلگىلەنگەن كۇنتىزبەلىك كۇننەن كەيىنگى كۇنى باستالادى.

4. جىلدارمەن، ايلارمەن، اپتالارمەن ەسەپتەلەتىن مەرزىمدەر سوڭعى جىلدىڭ، ايدىڭ، اپتانىڭ ءتيىستى كۇندەرى بىتەدى. ەگەر ايلارمەن ەسەپتەلەتىن مەرزىمنىڭ ءبىتۋى ءتيىستى كۇنى جوق ايعا كەلەتىن بولسا، وندا مەرزىم وسى ايدىڭ سوڭعى كۇنى بىتەدى. كۇنتىزبەلىك اپتالارمەن نەمەسە كۇندەرمەن ەسەپتەلەتىن مەرزىمگە جۇمىس كۇنى ەمەس كۇندەر دە قوسىلادى.

5. ەگەر وسى كودەكستە وزگەشە كوزدەلمەسە، مەرزىمنىڭ سوڭعى كۇنى جۇمىس كۇنى ەمەس كۇنگە كەلسە، وندا ودان كەيىنگى ءبىرىنشى جۇمىس كۇنى مەرزىمنىڭ اياقتالعان كۇنى بولىپ ەسەپتەلەدى.

14-باپ. قازاقستان رەسپۋبليكاسىنىڭ ەڭبەك زاڭناماسىن بۇزعانى ءۇشىن جاۋاپتىلىق

قازاقستان رەسپۋبليكاسى ەڭبەك زاڭناماسىنىڭ بۇزىلۋىنا كىنالى تۇلعالار قازاقستان رەسپۋبليكاسىنىڭ زاڭدارىنا سايكەس جاۋاپتىلىقتا بولادى.

2-تاراۋ. مەملەكەتتىك ورگانداردىڭ ەڭبەك قاتىناستارىن رەتتەۋ سالاسىنداعى قۇزىرەتى

15-باپ. قازاقستان رەسپۋبليكاسى ۇكىمەتىنىڭ ەڭبەك قاتىناستارىن رەتتەۋ سالاسىنداعى قۇزىرەتى

      قازاقستان رەسپۋبليكاسىنىڭ ۇكىمەتى:

      1) ەڭبەك، ەڭبەك قاۋىپسىزدىگى جانە ەڭبەكتى قورعاۋ سالاسىنداعى مەملەكەتتىك ساياساتتىڭ نەگىزگى باعىتتارىن ازىرلەيدى جانە ىسكە اسىرىلۋىن قامتاماسىز ەتەدى;

      2) ەڭبەككە ۋاقىتشا جارامسىزدىعى بويىنشا الەۋمەتتىك جاردەماقىنىڭ مولشەرىن ايقىندايدى;

      3) اكتسيالارىنىڭ باقىلاۋ پاكەتتەرى مەملەكەتكە تيەسىلى ۇلتتىق كومپانيالاردىڭ، اكتسيونەرلىك قوعامداردىڭ باسشى قىزمەتكەرلەرىنىڭ ەڭبەگىنە اقى تولەۋ مەن ولارعا سىيلىقاقى بەرۋ شارتتارى تۋرالى ۇلگىلىك ەرەجەنى بەكىتەدى;

      رقاو-نىڭ ەسكەرتپەسى!
      4) تارماقشا 01.01.2016 دەيىن قولدانىستا بولادى - قر 29.09.2014 № 239-V زاڭىمەن (قولدانىسقا ەنگىزىلۋ ءتارتىبىن 2-باپتىڭ 2-ت. قاراڭىز).
4) ازاماتتىق قىزمەتشىلەر لاۋازىمدارىنىڭ تىزبەسىن ايقىندايدى;

      5) مەملەكەتتىك بيۋدجەت قاراجاتى ەسەبىنەن ۇستالاتىن ۇيىمدار قىزمەتكەرلەرىنىڭ ەڭبەگىنە اقى تولەۋ جۇيەسىن بەكىتەدى;

      6) جۇمىس بەرۋشىلەردىڭ رەسپۋبليكالىق بىرلەستىكتەرىمەن جانە قىزمەتكەرلەردىڭ رەسپۋبليكالىق بىرلەستىكتەرىمەن باس كەلىسىم جاساسادى;

      7) ءتيىستى ۋاكىلەتتى ورگانداردىڭ ەڭبەك قاۋىپسىزدىگى جانە ەڭبەكتى قورعاۋ سالاسىنداعى نورماتيۆتىك قۇقىقتىق اكتىلەردى قابىلداۋ ءتارتىبىن بەلگىلەيدى;

      8) ەگەر قازاقستان رەسپۋبليكاسىنىڭ زاڭناماسىندا وزگەشە بەلگىلەنبەسە، مەملەكەتتiك ورگاندارعا تەحنيكالىق قىزمەت كورسەتۋدi جۇزەگە اسىراتىن جانە ولاردىڭ جۇمىس iستەۋiن قامتاماسىز ەتەتiن ازاماتتىق قىزمەتشiلەردىڭ شتات سانىنىڭ ءليميتىن بەكىتەدى;

      9) وزىنە قازاقستان رەسپۋبليكاسىنىڭ كونستيتۋتسياسىمەن, زاڭدارىمەن جانە قازاقستان رەسپۋبليكاسى پرەزيدەنتىنىڭ اكتىلەرىمەن جۇكتەلگەن وزگە دە فۋنكتسيالاردى ورىندايدى.

      ەسكەرتۋ. 15-باپ جاڭا رەداكتسيادا - قر 29.09.2014 N 239-V زاڭىمەن (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi).
16-باپ. ەڭبەك جونىندەگى ۋاكىلەتتى مەملەكەتتىك ورگاننىڭ ەڭبەك قاتىناستارىن رەتتەۋ سالاسىنداعى قۇزىرەتى

      ەڭبەك جونىندەگى ۋاكىلەتتى مەملەكەتتىك ورگان:

      1) ەڭبەك، ەڭبەك قاۋىپسىزدىگى جانە ەڭبەكتى قورعاۋ سالاسىنداعى مەملەكەتتىك ساياساتتى ىسكە اسىرادى;

      2) قازاقستان رەسپۋبليكاسىنىڭ ەڭبەك زاڭناماسىنىڭ، ونىڭ ىشىندە ەڭبەك قاۋiپسiزدiگi جانە ەڭبەكتi قورعاۋ تالاپتارىنىڭ، قازاقستان رەسپۋبليكاسىنىڭ حالىقتى جۇمىسپەن قامتۋ تۋرالى زاڭناماسىنىڭ ساقتالۋىنا مەملەكەتتiك باقىلاۋدى ۇيىمداستىرادى، سونداي-اق ەڭبەك ينسپەكتسياسى جونىندەگى جەرگىلىكتى ورگاننىڭ قىزمەتىن ۇيلەستىرەدى جانە قىزمەتىن تەكسەرۋدى جۇزەگە اسىرادى;

      3) ەڭبەك قاتىناستارىن رەتتەۋ سالاسىندا جەرگىلىكتى اتقارۋشى ورگانداردى ۇيلەستىرۋدى جانە ولارعا ادىستەمەلىك باسشىلىق جاساۋدى جۇزەگە اسىرادى;

      4) ەڭبەك ينسپەكتسياسى جونىندەگى جەرگىلىكتى ورگانداردان ەڭبەك قاتىناستارى ماسەلەلەرى بويىنشا قاجەتتى اقپاراتتى سۇراتادى;

      5) وبلىستىڭ، رەسپۋبليكالىق ماڭىزى بار قالانىڭ، استانانىڭ باس مەملەكەتتىك ەڭبەك ينسپەكتورىن تاعايىنداۋدى كەلىسەدى;

      6) مەملەكەتتىك ورگانداردىڭ ەڭبەك قاۋىپسىزدىگى جانە ەڭبەكتى قورعاۋ سالاسىنداعى تەحنيكالىق رەگلامەنتتەردى ازىرلەۋ جونىندەگى قىزمەتىن ۇيلەستىرەدى;

      7) ەڭبەك قاۋىپسىزدىگىن جانە ەڭبەكتى قورعاۋدى قامتاماسىز ەتۋ سالاسىندا باسقا دا مەملەكەتتىك ورگاندارمەن، سونداي-اق قىزمەتكەرلەردىڭ جانە جۇمىس بەرۋشىلەردىڭ وكىلدەرىمەن ۇيلەستىرۋدى جانە ءوزارا ءىس-قيمىلدى جۇزەگە اسىرادى;

      8) ەڭبەك جونiندەگi ۇلگiلiك (سالالىق، سالاارالىق) نورمالار مەن نورماتيۆتەردi اۋىستىرۋ جانە قايتا قاراۋ ءتارتiبiن بەلگiلەيدi;

      9) تيiستi قىزمەت سالالارىنىڭ مەملەكەتتiك ورگاندارىمەن كەلىسۋ بويىنشا بارلىق قىزمەت سالالارى ءۇشىن بىرىڭعاي (سالاارالىق), ەڭبەك جونىندەگى ۇلگiلiك نورمالار مەن نورماتيۆتەردi ازىرلەيدى جانە بەكiتەدى;

      10) اكiمشiلiك پەرسونالعا جاتاتىن قىزمەتكەرلەر لاۋازىمدارى اتاۋلارىنىڭ تiزبەسiن ازىرلەيدى جانە بەكىتەدى;

      11) كورسەتىلەتىن قىزمەتتەرىنە (تاۋارلارىنا، جۇمىستارىنا) تاريفتەردى (باعالاردى، الىم مولشەرلەمەلەرىن) مەملەكەتتىك رەتتەۋ ەنگىزىلەتىن ۇيىمداردا ەڭبەك نورمالارىن ۇسىنۋ، قاراۋ جانە كەلىسۋ ءتارتىبىن بەلگىلەيدى;

      12) كورسەتىلەتىن قىزمەتتەرىنە (تاۋارلارىنا، جۇمىستارىنا) تاريفتەردى (باعالاردى، الىم مولشەرلەمەلەرىن) مەملەكەتتىك رەتتەۋ ەنگىزىلەتىن ۇيىمدار قىزمەتكەرلەرىنىڭ ەڭبەگىنە اقى تولەۋ جۇيەسى بويىنشا پارامەترلەردى ۇسىنۋ، قاراۋ جانە كەلىسۋ ءتارتىبىن بەلگىلەيدى;

      13) وبلىس (رەسپۋبليكالىق ماڭىزى بار قالا، استانا) دەڭگەيىندە جاسالعان سالالىق كەلىسىمدەر مەن وڭىرلىك كەلىسىمدەردى تىركەۋدى جۇزەگە اسىرادى;

      14) مەملەكەتتىك ەڭبەك ينسپەكتورلارىن وقىتۋدى جانە اتتەستاتتاۋدى جۇرگىزەدى;

      15) وندىرىستەگى جازاتايىم وقيعالاردى تەرگەپ-تەكسەرۋدىڭ ۋاقتىلى جانە وبەكتيۆتى جۇرگىزىلۋىن قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن باقىلاۋدى جۇزەگە اسىرادى;

      16) ەڭبەك قاتىناستارىن رەتتەۋ سالاسىنداعى حالىقارالىق ىنتىماقتاستىقتى جۇزەگە اسىرادى;

      17) انىقتامالىقتاردى، بىلىكتىلىك سيپاتتامالارىن ازىرلەۋ، قايتا قاراۋ، بەكىتۋ جانە قولدانۋ ءتارتىبىن ايقىندايدى;

      18) ەكونوميكالىق قىزمەتتىڭ الۋان ءتۇرلى ۇيىمدارىنىڭ باسشىلارى، ماماندارى مەن باسقا دا قىزمەتشىلەرى لاۋازىمدارىنىڭ ۇلگىلىك بىلىكتىلىك سيپاتتامالارىن قارايدى جانە كەلىسەدى;

      19) تيiستi قىزمەت سالالارىنىڭ ۋاكiلەتتi مەملەكەتتiك ورگاندارىنىڭ ەڭبەك جونiندەگi ۇلگiلiك (سالالىق، سالاارالىق) نورمالار مەن نورماتيۆتەردi بەكiتۋ ءتارتiبiن بەلگىلەيدى;

      20) ولاردا جۇمىس ىستەۋ جۇمىس ۋاقىتىنىڭ قىسقارتىلعان ۇزاقتىعىنا، جىل سايىنعى اقىلى قوسىمشا ەڭبەك دەمالىسىنا جانە ەڭبەكاقىنىڭ جوعارىلاتىلعان مولشەرىنە قۇقىق بەرەتىن وندىرىستەردىڭ، تسەحتاردىڭ، كاسىپتەر مەن لاۋازىمداردىڭ ءتىزىمىن، اۋىر جۇمىستاردىڭ، ەڭبەك جاعدايلارى زياندى (ەرەكشە زياندى) جانە (نەمەسە) قاۋىپتى جۇمىستاردىڭ تىزبەسىن، سونداي-اق ولاردى بەرۋ ءتارتىبىن ايقىندايدى;

      21) ءۇش ادامنان بەس ادامعا دەيىن قايتىس بولعان توپتىق جازاتايىم وقيعالاردى تەرگەپ-تەكسەرۋ ءۇشىن كوميسسيا قۇرادى;

      22) ەڭبەك قاۋىپسىزدىگى جانە ەڭبەكتى قورعاۋ سالاسىندا مونيتورينگتى جانە تاۋەكەلدەردى باعالاۋدى ۇيىمداستىرادى;

      23) الىپ تاستالدى - قر 29.12.2014 № 269-V (01.01.2015 باستاپ قولدانىسقا ەنگىزىلەدى) زاڭىمەن;

      24) ەڭبەك تورەلىگى تۋرالى ۇلگىلىك ەرەجەنى بەكىتەدى;

      25) ەڭبەك قاۋىپسىزدىگى جانە ەڭبەكتى قورعاۋ سالاسىندا اقپارات ۇسىنۋ جانە مەملەكەتتىك ستاتيستيكا جۇرگىزۋ ءتارتىبىن ايقىندايدى;

      26) ورتاشا جالاقىنى ەسەپتەۋدىڭ بىرىڭعاي ءتارتىبىن بەلگىلەيدى;

      27) ازاماتتىق قىزمەتكە كىرۋ جانە ازاماتتىق قىزمەتشىنىڭ بوس لاۋازىمىنا ورنالاسۋعا ارنالعان كونكۋرس وتكىزۋ ءتارتىبىن ايقىندايدى;

      28) ۇيىمدا كادرلاردى كاسىپتىك دايارلاۋعا، قايتا دايارلاۋعا جانە ولاردىڭ بىلىكتىلىگىن ارتتىرۋعا قويىلاتىن جالپى تالاپتاردى ايقىندايدى;

      29) ەڭبەك كىتاپشالارىنىڭ نىسانىن، ولاردى جۇرگىزۋ جانە ساقتاۋ ءتارتىبىن بەكىتەدى;

      30) ون سەگىز جاسقا تولماعان قىزمەتكەرلەردىڭ ەڭبەگىن پايدالانۋعا تىيىم سالىناتىن جۇمىستاردىڭ ءتىزىمىن، ون سەگىز جاسقا تولماعان قىزمەتكەرلەردىڭ اۋىر زاتتاردى تاسۋى مەن جىلجىتۋىنىڭ شەكتى نورمالارىن بەكىتەدى;

      31) ايەلدەردىڭ ەڭبەگىن پايدالانۋعا تىيىم سالىناتىن جۇمىستاردىڭ ءتىزىمىن، ايەلدەردىڭ اۋىر زاتتاردى قولمەن كوتەرۋىنىڭ جانە جىلجىتۋىنىڭ شەكتى نورمالارىن بەكىتەدى;

      32) ۇيىمداعى ەڭبەك قاۋىپسىزدىگى جانە ەڭبەكتى قورعاۋ قىزمەتى تۋرالى ۇلگىلىك ەرەجەنى بەكىتەدى;

      33) وندىرىستىك وبەكتىلەردى ەڭبەك جاعدايلارى بويىنشا مىندەتتى كەزەڭدىلىك اتتەستاتتاۋ تارتىبىن ايقىندايدى;

      34) قىزمەتكەرلەردى ەڭبەك قاۋىپسىزدىگى جانە ەڭبەكتى قورعاۋ ماسەلەلەرى بويىنشا وقىتۋ، ولارعا نۇسقاما بەرۋ جانە بىلىمدەرىن تەكسەرۋ ءتارتىبى مەن مەرزىمدەرىن ايقىندايدى;

      35) جۇمىس بەرۋشiنiڭ ەڭبەك قاۋiپسiزدiگi جانە ەڭبەكتi قورعاۋ جونiندەگi نۇسقاۋلىقتى ازiرلەۋ، بەكiتۋ جانە قايتا قاراۋ ءتارتىبىن بەلگىلەيدى;

      36) ەڭبەككە ۋاقىتشا جارامسىزدىعى بويىنشا الەۋمەتتىك جاردەماقىنى تاعايىنداۋ مەن تولەۋ ءتارتىبىن ايقىندايدى;

      37) جۇمىس بەرۋشىنىڭ قاراجاتى ەسەبىنەن قىزمەتكەرلەرگە ءسۇت، ەمدىك-پروفيلاكتيكالىق تاعام، ارناۋلى كيىم، ارناۋلى اياق كيىم جانە باسقا دا جەكە قورعانۋ قۇرالدارىن بەرۋ ءتارتىبىن بەكىتەدى، سونداي-اق ولاردى ۇجىمدىق قورعانۋ قۇرالدارىمەن، سانيتاريالىق-تۇرمىستىق ءۇي-جايلارمەن جانە قۇرىلعىلارمەن قامتاماسىز ەتۋ ءتارتىبىن بەلگىلەيدى;

      38) قىزمەتكەرلەرگە ءسۇت، ەمدىك-پروفيلاكتيكالىق تاعام، ارناۋلى كيىم، ارناۋلى اياق كيىم جانە باسقا دا جەكە قورعانۋ قۇرالدارىن بەرۋ نورمالارىن بيۋدجەتتىك جوسپارلاۋ جونىندەگى ورتالىق ۋاكىلەتتى ورگانمەن كەلىسۋ بويىنشا بەكىتەدى;

      39) وسى كودەكستە، قازاقستان رەسپۋبليكاسىنىڭ زاڭدارىندا، قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرادى.

      ەسكەرتۋ. 16-باپ جاڭا رەداكتسيادا - قر 29.09.2014 N 239-V (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi); وزگەرىس ەنگىزىلدى - قر 29.12.2014 № 269-V (01.01.2015 باستاپ قولدانىسقا ەنگىزىلەدى) زاڭدارىمەن.
17-باپ. ەڭبەك ينسپەكتسياسى جونىندەگى جەرگىلىكتى ورگاننىڭ قۇزىرەتى

      ەڭبەك ينسپەكتسياسى جونىندەگى جەرگىلىكتى ورگان:

      1) قازاقستان رەسپۋبليكاسى ەڭبەك زاڭناماسىنىڭ، ەڭبەك قاۋىپسىزدىگى جانە ەڭبەكتى قورعاۋ جونىندەگى تالاپتاردىڭ ساقتالۋىنا مەملەكەتتىك باقىلاۋدى جۇزەگە اسىرادى;

      2) جۇمىس بەرۋشىلەر ۇسىنعان ۇجىمدىق شارتتاردىڭ مونيتورينگىن جۇزەگە اسىرادى;

      3) وندىرىستىك جاراقاتتانۋدىڭ، كاسىپتىك اۋرۋلاردىڭ، كاسىپتىك ۋلانۋلاردىڭ سەبەپتەرىنە تالداۋ جۇرگىزەدى جانە ولاردىڭ پروفيلاكتيكاسى جونىندە ۇسىنىستار ازىرلەيدى;

      4) وندىرىستەگى جازاتايىم وقيعالاردى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن تەرگەپ-تەكسەرەدى;

      5) جۇمىس بەرۋشىلەردە ەڭبەك قاۋىپسىزدىگىن جانە ەڭبەكتى قورعاۋدى قامتاماسىز ەتۋگە جاۋاپتى ادامداردىڭ ءبىلىمىن تەكسەرۋدى جۇرگىزەدى;

      6) وندىرىستىك ماقساتتاعى وبەكتىلەردى پايدالانۋعا قابىلداۋ جونىندەگى قابىلداۋ كوميسسياسىنىڭ قۇرامىنا قاتىسادى;

      7) ەڭبەك قاۋىپسىزدىگى جانە ەڭبەكتى قورعاۋ نورماتيۆتەرىن جەتىلدىرۋ ماسەلەلەرى بويىنشا قىزمەتكەرلەر مەن جۇمىس بەرۋشىلەردىڭ وكىلەتتى وكىلدەرىمەن ءوزارا ءىس-قيمىل جاسايدى;

      8) قىزمەتكەرلەردىڭ، جۇمىس بەرۋشىلەر مەن ولاردىڭ وكىلدەرىنىڭ ەڭبەك قاۋىپسىزدىگى جانە ەڭبەكتى قورعاۋ ماسەلەلەرى جونىندەگى وتىنىشتەرىن قارايدى;

      9) وندىرىستىك وبەكتىلەردى ەڭبەك جاعدايلارى بويىنشا اتتەستاتتاۋ مونيتورينگىن جۇزەگە اسىرادى;

      10) "قازاقستان رەسپۋبليكاسىنداعى مەملەكەتتiك باقىلاۋ جانە قاداعالاۋ تۋرالى" قازاقستان رەسپۋبليكاسىنىڭ زاڭىنا سايكەس تەكسەرۋلەر جوسپارلارىن ازiرلەيدi جانە بەكiتەدi;

      11) ەڭبەك جونiندەگi ۋاكiلەتتi مەملەكەتتiك ورگانعا ەڭبەكتى قورعاۋ جانە ەڭبەك قاۋiپسiزدiگى جونىندەگى اقپاراتتىق جۇيە بازاسىندا كەزەڭدىك ەسەپتەردى، سونداي-اق ەڭبەك قاۋiپسiزدiگى جانە ەڭبەكتi قورعاۋ جاي-كۇيى مونيتورينگىنىڭ ناتيجەلەرىن ۇسىنادى;

      12) ەڭبەك جونiندەگi ۋاكiلەتتi مەملەكەتتiك ورگانعا ەڭبەك قاتىناستارى بويىنشا قاجەتتى اقپاراتتى بەرەدى.

      ەسكەرتۋ. 17-باپ جاڭا رەداكتسيادا - قر 13.06.2013 № 102-V (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى); وزگەرىس ەنگىزىلدى - قر 29.12.2014 № 269-V (01.01.2015 باستاپ قولدانىسقا ەنگىزىلەدى) زاڭدارىمەن.
18-باپ. جەرگىلىكتى اتقارۋشى ورگانداردىڭ ەڭبەك قاتىناستارىن رەتتەۋ سالاسىنداعى قۇزىرەتى

جەرگىلىكتى اتقارۋشى ورگاندار:

      1) الىنىپ تاستالدى - قر 2011.07.22 № 478-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.

      1-1) ەڭبەك قاتىناستارىن رەتتەۋ سالاسىنداعى مەملەكەتتىك ساياساتتى ىسكە اسىرادى;

      2) ازاماتتىق قىزمەتشى بولىپ تابىلاتىن جانە اۋىلدىق جەردە جۇمىس iستەيتiن دەنساۋلىق ساقتاۋ، الەۋمەتتiك قامسىزداندىرۋ، بiلiم بەرۋ، مادەنيەت، سپورت جانە ۆەتەريناريا سالاسىنداعى ماماندار لاۋازىمدارىنىڭ تiزبەسiن جەرگiلiكتi وكiلدi ورگانمەن كەلiسۋ بويىنشا ايقىندايدى;

      3) قالالىق، اۋداندىق دەڭگەيدە جاسالعان سالالىق جانە وڭىرلىك كەلىسىمدەردى تىركەۋدى جۇزەگە اسىرادى;

      4) حالىقتىڭ تۇرمىس-تىرشىلىگىن قامتاماسىز ەتەتىن ۇيىمداردا (قوعامدىق كولىك، سۋمەن، ەلەكتر ەنەرگياسىمەن، جىلۋمەن قامتاماسىز ەتەتىن ۇيىمدار) ەرەۋىل وتكىزۋدى كەلىسەدى;

      5) جۇمىس بەرۋشىلەردىڭ وڭىرلىك بىرلەستىكتەرىمەن جانە قىزمەتكەرلەردىڭ وڭىرلىك بىرلەستىكتەرىمەن وڭىرلىك (وبلىستىق، قالالىق، اۋداندىق) كەلىسىمدەر جاسايدى;

      6) كورسەتىلەتىن قىزمەتتەرىنە (تاۋارلارىنا، جۇمىستارىنا) تاريفتەردى (باعالاردى، الىم ستاۆكالارىن) مەملەكەتتىك رەتتەۋ ەنگىزىلەتىن ۇيىمدار قىزمەتكەرلەرىنىڭ ەڭبەك نورمالارىن جانە ەڭبەگىنە اقى تولەۋ جۇيەسىنىڭ پارامەترلەرىن ەڭبەك جونىندەگى ۋاكىلەتتى مەملەكەتتىك ورگان بەلگىلەگەن تارتىپپەن قارايدى جانە كەلىسەدى;

      7) قازاقستان رەسپۋبليكاسىنىڭ زاڭدارىندا ايقىندالعان حالىق ساناتتارىن جۇمىسقا ورنالاستىرۋ ءۇشىن كۆوتا بەلگىلەيدى;

      8) جەرگىلىكتى مەملەكەتتىك باسقارۋ مۇددەسىندە قازاقستان رەسپۋبليكاسىنىڭ زاڭناماسىمەن جەرگىلىكتى اتقارۋشى ورگاندارعا جۇكتەلەتىن وزگە دە وكىلەتتىكتەردى جۇزەگە اسىرادى.

      ەسكەرتۋ. 18-باپقا وزگەرىستەر ەنگىزىلدى - قر 2011.07.22 № 478-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى), 2011.07.05 N 452-IV (2011.10.13 باستاپ قولدانىسقا ەنگىزىلەدى), 13.06.2013 № 102-V (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭدارىمەن; 03.07.2013 № 121-V (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) كونستيتۋتسيالىق زاڭىمەن; 17.01.2014 № 165-V (العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.

3-تاراۋ. ەڭبەك قاتىناستارىنىڭ سۋبەكتىلەرى. ەڭبەك قاتىناستارىنىڭ تۋىنداۋ نەگىزدەرى

19-باپ. ەڭبەك قاتىناستارىنىڭ سۋبەكتىلەرى

1. قىزمەتكەر مەن جۇمىس بەرۋشى ەڭبەك قاتىناستارىنىڭ سۋبەكتىلەرى بولىپ تابىلادى.

شەتەلدىك زاڭدى تۇلعا فيليالىنىڭ نەمەسە وكىلدىگىنىڭ باسشىسى وسى زاڭدى تۇلعا اتىنان جۇمىس بەرۋشىنىڭ بارلىق قۇقىقتارىن جۇزەگە اسىرادى جانە بارلىق مىندەتتەرىن ورىندايدى.

2. جەكە جانە زاڭدى تۇلعالار نورماتيۆتىك قۇقىقتىق اكتىلەر، سوت شەشىمدەرى، سونداي-اق قۇرىلتاي قۇجاتتارى نە سەنىمحات نەگىزىندە وزدەرىنە بەرىلگەن وكىلەتتىكتەر شەگىندە قىزمەتكەرلەردىڭ نەمەسە جۇمىس بەرۋشىنىڭ مۇددەلەرىن بىلدىرەدى.

20-باپ. ەڭبەك قاتىناستارىنىڭ تۋىنداۋ نەگىزدەرى

1. قازاقستان رەسپۋبليكاسىنىڭ زاڭدارىندا بەلگىلەنگەن جاعدايلاردى قوسپاعاندا، ەڭبەك قاتىناستارى قىزمەتكەر مەن جۇمىس بەرۋشىنىڭ اراسىندا وسى كودەكسكە سايكەس جاسالعان ەڭبەك شارتىنىڭ نەگىزىندە تۋىندايدى.

2. قازاقستان رەسپۋبليكاسىنىڭ زاڭدارىندا، قۇرىلتاي قۇجاتتارىندا، جۇمىس بەرۋشىنىڭ اكتىلەرىندە بەلگىلەنگەن جاعدايلاردا جانە تارتىپپەن ەڭبەك شارتىن جاساۋ الدىندا:

1) لاۋازىمعا سايلانۋ (سايلاۋ);

2) ءتيىستى لاۋازىمعا ورنالاسۋعا كونكۋرس بويىنشا سايلانۋ;

3) لاۋازىمعا تاعايىنداۋ نەمەسە لاۋازىمعا بەكىتۋ;

4) زاڭدا ۋاكىلەتتىك بەرىلگەن ورگانداردىڭ بەلگىلەنگەن كۆوتا ەسەبىنە جۇمىسقا جىبەرۋى;

5) ەڭبەك شارتىن جاساسۋ تۋرالى سوت شەشىمىن شىعارۋ راسىمدەرى بولۋى مۇمكىن.

21-باپ. بەلگىلەنگەن كۆوتا ەسەبىنە جىبەرىلگەن ازاماتتارمەن ەڭبەك شارتىن جاساسۋ

1. جەرگىلىكتى اتقارۋشى ورگان قازاقستان رەسپۋبليكاسىنىڭ زاڭدارىندا ايقىندالعان حالىق ساناتتارىن جۇمىسقا ورنالاستىرۋ ءۇشىن كۆوتا بەلگىلەيدى.

2. جۇمىسقا ورنالاسۋ ءۇشىن جىبەرىلگەن ادامداردىڭ بىلىكتىلىگى جۇمىس بەرۋشىنىڭ تالاپتارىنا سايكەس كەلگەن جاعدايدا، جۇمىس بەرۋشىلەر بەلگىلەنگەن كۆوتا شەگىندە ولارمەن ەڭبەك شارتىن جاساسادى.

22-باپ. قىزمەتكەردىڭ نەگىزگى قۇقىقتارى مەن مىندەتتەرى

1. قىزمەتكەردىڭ:

      1) وسى كودەكستە كوزدەلگەن تارتىپپەن جانە جاعدايلاردا ەڭبەك شارتىن جاساسۋعا، وزگەرتۋگە، تولىقتىرۋعا جانە بۇزۋعا;

      2) جۇمىس بەرۋشىدەن ەڭبەك شارتىنىڭ، ۇجىمدىق شارتتىڭ تالاپتارىن ورىنداۋدى تالاپ ەتۋگە;

      3) ەڭبەك قاۋىپسىزدىگىنە جانە ەڭبەكتى قورعاۋعا;

      4) ەڭبەك جاعدايلارى مەن ەڭبەكتى قورعاۋدىڭ جاي-كۇيى تۋرالى تولىق جانە دايەكتى اقپارات الۋعا;

      5) ەڭبەك شارتىنىڭ، ۇجىمدىق شارتتىڭ تالاپتارىنا سايكەس ۋاقتىلى جانە تولىق كولەمدە جالاقى تولەنۋىنە;

      6) بوس تۇرىپ قالۋ ءۇشىن وسى كودەكسكە سايكەس اقى الۋعا;

      7) تىنىعۋعا، ونىڭ ىشىندە جىل سايىنعى اقىلى ەڭبەك دەمالىسىنا;

      8) ەگەر قازاقستان رەسپۋبليكاسىنىڭ زاڭدارىندا وزگەشە كوزدەلمەسە, ءوز ەڭبەك قۇقىقتارىنىڭ بەرىلۋى مەن ولاردى قورعاۋ ءۇشىن، كاسىپوداق نەمەسە باسقا دا بىرلەستىكتەر قۇرۋ، سونداي-اق ولارعا مۇشەلىك قۇقىعىن قوسا العاندا، بىرىگۋگە;

      9) ءوزىنىڭ وكىلدەرى ارقىلى ۇجىمدىق كەلىسسوزدەرگە قاتىسۋعا جانە ۇجىمدىق شارت جوباسىن ازىرلەۋگە، سونداي-اق قول قويىلعان ۇجىمدىق شارتپەن تانىسۋعا;

      10) وسى كودەكستە كوزدەلگەن تارتىپپەن كاسىپتىك دايارلىقتان، قايتا دايارلىقتان وتۋگە جانە ءوزىنىڭ بىلىكتىلىگىن ارتتىرۋعا;

      11) ەڭبەك مىندەتتەرىن اتقارۋعا بايلانىستى دەنساۋلىعىنا كەلتىرىلگەن زياندى وتەتۋگە;

      12) قازاقستان رەسپۋبليكاسىنىڭ زاڭدارىندا كوزدەلگەن جاعدايلاردا مىندەتتى الەۋمەتتىك ساقتاندىرىلۋعا;

      13) كەپىلدىكتەرگە جانە وتەماقى تولەمدەرىنە;

      14) ءوزىنىڭ قۇقىقتارى مەن زاڭدى مۇددەلەرىن زاڭعا قايشى كەلمەيتىن بارلىق تاسىلدەرمەن قورعاۋعا;

      15) بىردەي ەڭبەگى ءۇشىن قانداي دا بولماسىن كەمسىتۋسىز بىردەي اقى الۋعا;

      16) ەڭبەك داۋىن شەشۋ ءۇشىن تاڭداۋى بويىنشا كەلىسىم كوميسسياسىنا، سوتقا جۇگىنۋگە;

      17) ەڭبەك قاۋىپسىزدىگى جانە ەڭبەكتى قورعاۋ تالاپتارىنا سايكەس جابدىقتالعان جۇمىس ورنىنا;

      18) قازاقستان رەسپۋبليكاسىنىڭ ەڭبەك قاۋىپسىزدىگى جانە ەڭبەكتى قورعاۋ تۋرالى زاڭناماسىندا, سونداي-اق ەڭبەك شارتىندا، ۇجىمدىق شارتتا كوزدەلگەن تالاپتارعا سايكەس جەكە جانە ۇجىمدىق قورعانۋ قۇرالدارىمەن، ارناۋلى كيىممەن قامتاماسىز ەتىلۋگە;

      19) ءوزىنىڭ دەنساۋلىعىنا نەمەسە ومىرىنە قاۋىپ توندىرەتىن جاعداي تۋىنداعان كەزدە، بۇل تۋرالى تىكەلەي باسشى نەمەسە جۇمىس بەرۋشىنىڭ وكىلىن حاباردار ەتە وتىرىپ، جۇمىستى ورىنداۋدان باس تارتۋعا;

      20) ەڭبەك قاۋىپسىزدىگى جانە ەڭبەكتى قورعاۋ جونىندەگى تالاپتارعا سايكەس كەلمەۋى سەبەپتى ۇيىمنىڭ جۇمىسى توقتاتىلا تۇرعان ۋاقىتتا ورتاشا جالاقىسىنىڭ ساقتالۋىنا;

      21) ەڭبەك جونىندەگى ۋاكىلەتتى مەملەكەتتiك ورگانعا جانە (نەمەسە) ەڭبەك ينسپەكتسياسى جونىندەگى جەرگىلىكتى ورگانعا جۇمىس ورنىنداعى ەڭبەك قاۋىپسىزدىگى جانە ەڭبەكتى قورعاۋ جاعدايلارىنا تەكسەرۋ جۇرگىزۋ تۋرالى ءوتىنىش بىلدىرۋگە، سونداي-اق ەڭبەك جاعدايلارىن، قاۋىپسىزدىگىن جانە ەڭبەكتى قورعاۋدى جاقسارتۋعا بايلانىستى ماسەلەلەردى تەكسەرۋ مەن قاراۋعا وكىلدىك ەتىپ قاتىسۋعا;

      22) جۇمىس بەرۋشىنىڭ ەڭبەك جانە سونىمەن تىكەلەي بايلانىستى قاتىناستار سالاسىنداعى ءىس-ارەكەتىنە (ارەكەتسىزدىگىنە) شاعىم جاساۋعا;

      23) بىلىكتىلىگىنە، ەڭبەكتىڭ كۇردەلىلىگىنە، ورىندالعان جۇمىستىڭ سانى مەن ساپاسىنا، سونداي-اق ەڭبەك جاعدايلارىنا سايكەس ەڭبەگىنە اقى تولەنۋىنە;

      24) وسى كودەكستە، قازاقستان رەسپۋبليكاسىنىڭ وزگە دە زاڭدارىندا جانە ۇجىمدىق شارتتا كوزدەلگەن نىسانداردا ۇيىمدى باسقارۋعا قاتىسۋعا;

      25) وسى كودەكستە، قازاقستان رەسپۋبليكاسىنىڭ وزگە دە زاڭدارىندا بەلگىلەنگەن تارتىپپەن، ەرەۋىلگە قۇقىقتى قوسا العاندا، جەكە جانە ۇجىمدىق ەڭبەك داۋلارىن شەشۋگە قۇقىعى بار.

      2. قىزمەتكەر:

      1) ەڭبەك مىندەتتەرىن ەڭبەك شارتىنا، ۇجىمدىق شارتقا، جۇمىس بەرۋشىنىڭ اكتىلەرىنە سايكەس ورىنداۋعا;

      2) ەڭبەك ءتارتىبىن ساقتاۋعا;

      3) جۇمىس ورنىندا ەڭبەك قاۋىپسىزدىگى جانە ەڭبەكتى قورعاۋ، ءورت قاۋىپسىزدىگى مەن وندىرىستىك سانيتاريا جونىندەگى تالاپتاردى ساقتاۋعا;

      4) جۇمىس بەرۋشىنىڭ جانە قىزمەتكەرلەردىڭ مۇلكىنە ۇقىپتى قاراۋعا;

      5) ادامداردىڭ ءومىرى مەن دەنساۋلىعىنا، جۇمىس بەرۋشى مەن قىزمەتكەرلەر مۇلكىنىڭ ساقتالۋىنا قاۋىپ توندىرەتىن احۋال تۋىنداعانى، سونداي-اق بوس تۇرىپ قالۋ تۋىنداعانى تۋرالى جۇمىس بەرۋشىگە حابارلاۋعا;

      6) ەڭبەك مىندەتتەرىن ورىنداۋعا بايلانىستى وزىنە ءمالىم بولعان مەملەكەتتىك قۇپيانى، قىزمەتتىك, كوممەرتسيالىق جانە زاڭمەن قورعالاتىن وزگە دە قۇپيالاردى قۇرايتىن مالىمەتتەردى جاريا ەتپەۋگە;

      7) جۇمىس بەرۋشىگە كەلتىرىلگەن زياندى وسى كودەكستە بەلگىلەنگەن شەكتەردە وتەۋگە مىندەتتى.

      3. قىزمەتكەردىڭ وسى كودەكستە كوزدەلگەن وزگە دە قۇقىقتارى بولادى جانە ول وزگە دە مىندەتتەردى اتقارادى.

      ەسكەرتۋ. 22-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى), 13.06.2013 № 102-V (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭدارىمەن.
23-باپ. جۇمىس بەرۋشىنىڭ نەگىزگى قۇقىقتارى مەن مىندەتتەرى

1. جۇمىس بەرۋشىنىڭ:

      1) جۇمىسقا قابىلداۋ كەزىندە تاڭداۋ ەركىندىگىنە;

      2) قىزمەتكەرلەرمەن ەڭبەك شارتىن وسى كودەكستە كوزدەلگەن تارتىپپەن جانە نەگىزدەر بويىنشا وزگەرتۋگە، تولىقتىرۋعا جانە بۇزۋعا;

      3) ءوز وكىلەتتىگى شەگىندە جۇمىس بەرۋشىنىڭ اكتىلەرىن شىعارۋعا قۇقىعى بار.

      ەڭبەك جاعدايلارىنىڭ وزگەرۋىنە بايلانىستى اكتىلەر شىعارۋ وسى كودەكستىڭ 48-بابىنا سايكەس جۇزەگە اسىرىلادى;

      4) ءوز قۇقىقتارى مەن مۇددەلەرىنە وكىلدىك ەتۋ جانە ولاردى قورعاۋ ماقساتىندا بىرلەستىكتەر قۇرۋعا جانە ولارعا كىرۋگە;

      5) قىزمەتكەرلەردەن ەڭبەك شارتى، ۇجىمدىق شارت تالاپتارىنىڭ، ەڭبەك تارتىپتەمەسى ەرەجەلەرىنىڭ جانە جۇمىس بەرۋشىنىڭ باسقا دا اكتىلەرىنىڭ ورىندالۋىن تالاپ ەتۋگە;

      6) وسى كودەكستە كوزدەلگەن جاعدايلاردا جانە تارتىپپەن قىزمەتكەرلەردى كوتەرمەلەۋگە، ولارعا تارتىپتىك جازا قولدانۋعا، قىزمەتكەرلەردى ماتەريالدىق جاۋاپكەرشىلىككە تارتۋعا;

      7) ەڭبەك مىندەتتەرىن اتقارۋ كەزىندە قىزمەتكەردىڭ كەلتىرگەن زيانىن وتەتۋگە;

      8) ەڭبەك سالاسىنداعى ءوزىنىڭ قۇقىقتارى مەن زاڭدى مۇددەلەرىن قورعاۋ ماقساتىندا سوتقا جۇگىنۋگە;

      9) قىزمەتكەرگە سىناق مەرزىمىن بەلگىلەۋگە;

      10) ەگەر جەكە ەڭبەك شارتىنىڭ تالاپتارىندا ەسكەرتىلگەن بولسا، قىزمەتكەردى وقىتۋعا بايلانىستى ءوز شىعىندارىن وتەتۋگە قۇقىعى بار.

      2. جۇمىس بەرۋشى:

      1) قازاقستان رەسپۋبليكاسى ەڭبەك زاڭناماسىنىڭ، كەلىسىمدەردىڭ، ۇجىمدىق شارتتىڭ، ەڭبەك شارتىنىڭ، وزدەرى شىعارعان اكتىلەردىڭ تالاپتارىن ساقتاۋعا;

      2) جۇمىسقا قابىلداعان كەزدە وسى كودەكستە بەلگىلەنگەن تارتىپپەن جانە جاعدايلاردا قىزمەتكەرلەرمەن ەڭبەك شارتتارىن جاساسۋعا;

      3) ەڭبەك قاۋىپسىزدىگى جانە ەڭبەكتى قورعاۋ بويىنشا ىشكى باقىلاۋدى جۇزەگە اسىرۋعا;

      4) قىزمەتكەرگە ەڭبەك شارتىندا كەلىسىلگەن جۇمىستى بەرۋگە;

      5) قىزمەتكەرگە قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىندە، ەڭبەك شارتىندا، ۇجىمدىق شارتتا، جۇمىس بەرۋشىنىڭ اكتىلەرىندە كوزدەلگەن جالاقى مەن وزگە دە تولەمدەردى ۋاقتىلى جانە تولىق مولشەردە تولەۋگە;

      6) قىزمەتكەردى ۇيىمداعى ىشكى ەڭبەك ءتارتىبى قاعيدالارىمەن جانە جۇمىس بەرۋشىنىڭ قىزمەتكەردىڭ جۇمىسىنا (ەڭبەك فۋنكتسياسىنا) تىكەلەي قاتىسى بار وزگە دە اكتىلەرىمەن جانە ۇجىمدىق شارتپەن تانىستىرۋعا;

      7) قىزمەتكەرلەردىڭ وكىلدەرىنە ۇجىمدىق كەلىسسوزدەر جۇرگىزۋ، ۇجىمدىق شارتتار جاساسۋ، سونداي-اق ولاردىڭ ورىندالۋىن باقىلاۋ ءۇشىن قاجەتتى تولىق جانە دايەكتى اقپارات بەرۋگە;

      8) قىزمەتكەرلەر وكىلدەرىنىڭ ۇسىنىستارىن قاراۋعا، ۇجىمدىق كەلىسسوزدەر جۇرگىزۋگە جانە وسى كودەكستە بەلگىلەنگەن تارتىپپەن ۇجىمدىق شارت جاساسۋعا;

      9) قىزمەتكەرلەردى قازاقستان رەسپۋبليكاسىنىڭ ەڭبەك زاڭناماسىنا، ەڭبەك شارتىنا، ۇجىمدىق شارتقا سايكەس ەڭبەك جاعدايلارىمەن قامتاماسىز ەتۋگە;

      10) قىزمەتكەرلەردى جابدىقپەن، قۇرالدارمەن، تەحنيكالىق قۇجاتتامامەن جانە ەڭبەك مىندەتتەرىن اتقارۋ ءۇشىن قاجەتتى وزگە دە قۇرالدارمەن ءوز قاراجاتى ەسەبىنەن قامتاماسىز ەتۋگە;

      11) مەملەكەتتىك ەڭبەك ينسپەكتورلارىنىڭ نۇسقامالارىن ورىنداۋعا;

      12) ەگەر جۇمىستى جالعاستىرۋ قىزمەتكەردىڭ جانە وزگە دە ادامداردىڭ ومىرىنە، دەنساۋلىعىنا قاۋىپ توندىرەتىن بولسا، جۇمىستى توقتاتا تۇرۋعا;

      13) قىزمەتكەرلەردى مىندەتتى الەۋمەتتىك ساقتاندىرۋدى جۇزەگە اسىرۋعا;

      14) قىزمەتكەر ەڭبەك (قىزمەتتىك) مىندەتتەرىن اتقارعان كەزدە ونى جازاتايىم وقيعالاردان ساقتاندىرۋعا;

      15) قىزمەتكەرگە جىل سايىنعى اقىلى ەڭبەك دەمالىسىن بەرۋگە;

      16) قىزمەتكەرلەردىڭ ەڭبەك قىزمەتىن راستايتىن قۇجاتتاردىڭ جانە ولاردى زەينەتاقىمەن قامسىزداندىرۋعا ارنالعان اقشانى ۇستاپ قالۋ مەن اۋدارۋ تۋرالى دەرەكتەردىڭ ساقتالۋىن جانە مەملەكەتتىك مۇراعاتقا تاپسىرىلۋىن قامتاماسىز ەتۋگە;

      17) قىزمەتكەرگە زياندى (ەرەكشە زياندى) جانە (نەمەسە) قاۋىپتى جۇمىس جاعدايلارى مەن كاسىپتىك اۋرۋدىڭ بولۋ مۇمكىندىگى تۋرالى ەسكەرتۋگە;

      18) جۇمىس ورىندارى مەن تەحنولوگيالىق پروتسەستەردە قاۋىپ-قاتەردى بولعىزباۋ جونىندە شارالار قابىلداۋعا، وندىرىستىك جانە عىلىمي-تەحنيكالىق پروگرەستى ەسكەرە وتىرىپ پروفيلاكتيكالىق جۇمىستار جۇرگىزۋگە;

      19) جۇمىس ۋاقىتىنىڭ، ونىڭ ىشىندە ءاربىر قىزمەتكەر ورىندايتىن ۇستەمە جۇمىستاردىڭ، زياندى (ەرەكشە زياندى), قاۋىپتى ەڭبەك جاعدايلارىنداعى جۇمىستاردىڭ، اۋىر جۇمىستاردىڭ ناقتى ەسەبىن جۇرگىزۋگە;

      20) قىزمەتكەرلەردىڭ كاسىبي دايارلىقتان، قايتا دايارلىقتان ءوتۋىن جانە ولاردىڭ بىلىكتىلىگىن ارتتىرۋدى وسى كودەكسكە سايكەس قامتاماسىز ەتۋگە;

      21) قىزمەتكەردىڭ ەڭبەك (قىزمەتتىك) مىندەتتەرىن ورىنداۋ كەزىندە ءومىرى مەن دەنساۋلىعىنا كەلتىرىلگەن زياندى وسى كودەكسكە جانە قازاقستان رەسپۋبليكاسىنىڭ زاڭناماسىنا سايكەس وتەۋگە;

      22) ەڭبەك جونiندەگi ۋاكiلەتتi مەملەكەتتiك ورگاننىڭ جانە ەڭبەك ينسپەكتسياسى جونiندەگi جەرگىلىكتى ورگاننىڭ لاۋازىمدى ادامدارىن، قىزمەتكەرلەردىڭ وكiلدەرiن، ەڭبەكتi قورعاۋ جونiندەگi قوعامدىق ينسپەكتورلاردى ۇيىمدارداعى ەڭبەك قاۋiپسiزدiگiنiڭ، جاعدايلارىنىڭ جانە ەڭبەكتi قورعاۋدىڭ جاي-كۇيiنە جانە قازاقستان رەسپۋبليكاسىنىڭ ەڭبەك قاۋiپسiزدiگi جانە ەڭبەكتi قورعاۋ تۋرالى زاڭناماسىنىڭ ساقتالۋىنا تەكسەرۋلەر جۇرگىزۋ ءۇشىن، سونداي-اق وندiرiستەگi جازاتايىم وقيعالاردى جانە كاسiپتiك اۋرۋلاردى تەرگەپ-تەكسەرۋ ءۇشiن كەدەرگiسiز جiبەرۋگە;

      23) جۇمىسقا قابىلداۋ كەزىندە وسى كودەكستىڭ 31-بابىنا سايكەس ەڭبەك شارتىن جاساسۋ ءۇشىن قاجەتتى قۇجاتتاردى تالاپ ەتۋگە;

      24) جۇمىس بەرۋشى ايقىندايتىن، ون سەگىز جاسقا دەيىنگى قىزمەتكەرلەردىڭ تەگى، اتى، اكەسىنىڭ اتى (ەگەر جەكە باسىن كۋالاندىراتىن قۇجاتتا كورسەتىلسە) جانە تۋعان كۇنى كورسەتىلەتىن تىزىلىمدەردىڭ نەمەسە باسقا دا قۇجاتتاردىڭ جۇرگىزىلۋىن قامتاماسىز ەتۋگە مىندەتتى.

      3. جۇمىس بەرۋشىنىڭ وسى كودەكستە كوزدەلگەن وزگە دە قۇقىقتارى بولادى جانە ول وزگە دە مىندەتتەردى اتقارادى.

      ەسكەرتۋ. 23-باپقا وزگەرىس ەنگىزىلدى - قر 2009.12.30 № 234-IV (قولدانىسقا ەنگىزىلۋ ءتارتىبىن 2-ب. قاراڭىز), 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى), 13.06.2013 № 102-V (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭدارىمەن.

ەرەكشە ءبولىم
2-ءبولىم. ەڭبەك قاتىناستارى
4-تاراۋ. ەڭبەك شارتى

24-باپ. ەڭبەك شارتىنىڭ نىساناسى

ەڭبەك شارتى بويىنشا قىزمەتكەر سىياقى ءۇشىن ءتيىستى بىلىكتىلىگى بويىنشا جۇمىستى (ەڭبەك فۋنكتسياسىن) اتقارادى جانە ەڭبەك تارتىپتەمەسىن ساقتايدى، ال جۇمىس بەرۋشى ەڭبەك جاعدايلارىن قامتاماسىز ەتەدى، قىزمەتكەرگە قازاقستان رەسپۋبليكاسىنىڭ ەڭبەك زاڭناماسىندا، ەڭبەك شارتىندا، ۇجىمدىق شارتتا، تاراپتاردىڭ كەلىسىمىندە كوزدەلگەن جالاقىنى ۋاقتىلى جانە تولىق كولەمىندە تولەيدى جانە وزگە دە تولەمدەردى جۇزەگە اسىرادى.

25-باپ. ەڭبەك شارتىن جاساسۋ كەزىندەگى قۇقىقتار مەن مۇمكىندىكتەر تەڭدىگىنىڭ كەپىلدىكتەرى

1. ەڭبەك شارتىن جاساسۋ كەزىندە قۇقىقتار مەن مۇمكىندىكتەر تەڭدىگىن بۇزۋعا تىيىم سالىنادى.

2. وسى كودەكستە كوزدەلگەن جاعدايلاردى قوسپاعاندا، جۇكتىلىك، ءۇش جاسقا دەيىنگى بالالارىنىڭ بولۋى، كامەلەتكە تولماعاندىق، مۇگەدەكتىك ەڭبەك شارتىن جاساسۋ قۇقىعىن شەكتەي المايدى.

وسى تارماقتىڭ ءبىرىنشى ابزاتسىندا كورسەتىلگەن ادامدار ساناتىنىڭ تالابى بويىنشا جۇمىس بەرۋشى باس تارتۋ سەبەبىن جازباشا نىساندا حابارلاۋعا مىندەتتى.

2-1. جۇمىسقا قابىلداۋ كەزىندە وسى كودەكستىڭ 7-بابىنىڭ 2-تارماعىندا كوزدەلگەن بەلگىلەر بويىنشا ەڭبەك سالاسىنداعى كەمسىتۋشىلىك سيپاتتاعى تالاپتاردى قويۋعا تىيىم سالىنادى.

3. ەڭبەك شارتىن جاساسۋ كەزىندە قۇقىقتار مەن مۇمكىندىكتەر تەڭدىگىنىڭ بۇزىلۋ فاكتىسى انىقتالعان جاعدايدا، جۇمىس بەرۋشى قازاقستان رەسپۋبليكاسىنىڭ زاڭدارىندا بەلگىلەنگەن جاۋاپتىلىقتا بولادى.

      ەسكەرتۋ. 25-باپقا وزگەرىس ەنگىزىلدى - قر 21.06.2013 N 106-V (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
26-باپ. ەڭبەك شارتىن جاساسۋعا قويىلاتىن شەكتەۋلەر

1. ەڭبەك شارتىن:

      1) مەديتسينالىق قورىتىندى نەگىزىندە ادامنىڭ دەنساۋلىق جاعدايى بويىنشا قايشى كەلەتىن جۇمىستى ورىنداۋعا;

      2) اۋىر جۇمىستارعا، ەڭبەك جاعدايلارى زياندى (ەرەكشە زياندى) جانە (نەمەسە) قاۋىپتى جۇمىستارعا، سونداي-اق جۇمىس بەرۋشىنىڭ مۇلكى مەن باسقا دا قۇندىلىقتارىنىڭ ساقتالۋىن قامتاماسىز ەتپەگەنى ءۇشىن قىزمەتكەردىڭ تولىق ماتەريالدىق جاۋاپكەرشىلىگى كوزدەلەتىن لاۋازىمدار مەن جۇمىستارعا، ون سەگىز جاسقا تولماعان ازاماتتارمەن;

      3) سوتتىڭ زاڭدى كۇشىنە ەنگەن ۇكىمىنە سايكەس بەلگىلى ءبىر لاۋازىمعا تۇرۋ نەمەسە بەلگىلى ءبىر قىزمەتپەن شۇعىلدانۋ قۇقىعىنان ايىرىلعان ازاماتتارمەن;

      4) قازاقستان رەسپۋبليكاسىنىڭ ۇكىمەتى بەلگىلەگەن تارتىپپەن شەتەلدىك جۇمىس كۇشىن تارتۋعا نە شەتەلدىك قىزمەتكەر جۇمىسقا ورنالاسۋعا جەرگiلiكتi اتقارۋشى ورگاننىڭ رۇقساتىن العانعا دەيiن، سونداي-اق ەڭبەكشى كوشىپ كەلۋشىگە قازاقستان رەسپۋبليكاسى ىشكى ىستەر مينيسترلىگى بەلگىلەگەن تارتىپپەن ىشكى ىستەر ورگاندارى بەرەتىن رۇقساتتى العانعا دەيiن نەمەسە قازاقستان رەسپۋبليكاسىنىڭ زاڭدارىندا بەلگiلەنگەن شەكتەۋلەردi نەمەسە ەرەكشەلىكتەردى ساقتاماي، قازاقستان رەسپۋبليكاسىنىڭ اۋماعىندا ۋاقىتشا بولاتىن شەتەلدiكتەرمەن جانە ازاماتتىعى جوق ادامدارمەن;

      5) ءبىلىم بەرۋ ۇيىمىنان وقۋ نىسانى كورسەتىلگەن نەمەسە قابىلدايتىن ۇيىمنان كاسىپتىك دايارلاۋدان جانە (نەمەسە) تاعىلىمدامادان ءوتۋى تۋرالى انىقتامالاردى جانە ءبىلىم الۋ ماقساتىندا بولۋعا ارنالعان رۇقساتتى ۇسىنباعان، قازاقستان رەسپۋبليكاسىنىڭ اۋماعىندا ۋاقىتشا بولاتىن شەتەلدىك ستۋدەنتتەرمەن جانە تاعىلىمدامادان وتۋشىلەرمەن;

      6) وتباسىنا قوسىلۋ ماقساتىندا قازاقستان رەسپۋبليكاسىنا كەلۋگە جانە وندا بولۋعا ارنالعان رۇقساتتى جانە قازاقستان رەسپۋبليكاسىنىڭ زاڭناماسىمەن تانىلاتىن، قازاقستان رەسپۋبليكاسىنىڭ ازاماتىمەن نەكەدە تۇرعانىن راستايتىن قۇجاتتى ۇسىنباعان، قازاقستان رەسپۋبليكاسىنىڭ اۋماعىندا ۋاقىتشا بولاتىن شەتەلدىكتەرمەن جانە ازاماتتىعى جوق ادامدارمەن جاساسۋعا جول بەرىلمەيدى.

      1-1. ءبىر جۇمىس بەرۋشى جەكە تۇلعانىڭ ءبىر مەزگىلدە بەستەن كوپ ەڭبەكشى كوشىپ كەلۋشىمەن ءۇي شارۋاشىلىعىندا جۇمىستار ورىنداۋ (قىزمەتتەر كورسەتۋ) بويىنشا ەڭبەك شارتتارىن جاساسۋىنا جول بەرىلمەيدى.

      2. مەملەكەتتىك قىزمەتتى توقتاتقاننان كەيىن ادامعا، ەگەر مەملەكەتتىك قىزمەتتى توقتاتار الدىنداعى سوڭعى ءبىر جىلدا مەملەكەتتىك فۋنكتسيالاردى ورىنداۋ كەزەڭىندە اتالعان ادام ءوزىنىڭ لاۋازىمدىق وكىلەتتىكتەرىنە وراي وسى كوممەرتسيالىق ۇيىمنىڭ قىزمەتىن تەكسەرۋ نىسانىندا باقىلاۋدى تىكەلەي جۇزەگە اسىرعان بولسا نە وسى كوممەرتسيالىق ۇيىمنىڭ قىزمەتى اتالعان اداممەن ونىڭ قۇزىرەتىنە سايكەس تىكەلەي بايلانىستى بولعان بولسا، مەملەكەتتىك ۇيىمداردى جانە جارعىلىق كاپيتالىنداعى مەملەكەتتiڭ ۇلەسi ەلۋ پايىزدان كوپ، ونىڭ iشiندە اكتسيونەرi مەملەكەت بولىپ تابىلاتىن ۇلتتىق باسقارۋشى حولدينگتەردە، ۇلتتىق حولدينگتەردە، ۇلتتىق كومپانيالاردا، ۇلتتىق دامۋ ينستيتۋتتارىندا، داۋىس بەرەتiن اكتسيالارىنىڭ (قاتىسۋ ۇلەستەرiنiڭ) ەلۋ پايىزىنان استامى وزدەرىنە تيەسiلi ولاردىڭ ەنشiلەس ۇيىمدارىندا، سونداي-اق داۋىس بەرەتiن اكتسيالارىنىڭ (قاتىسۋ ۇلەستەرiنiڭ) ەلۋ پايىزىنان استامى اتالعان ەنشiلەس ۇيىمدارعا تيەسiلi زاڭدى تۇلعالاردا بولاتىن ۇيىمداردى قوسپاعاندا، ءبىر جىل بويى كوممەرتسيالىق ۇيىمعا جۇمىسقا ورنالاسۋعا جول بەرىلمەيدى.

      3. كامەلەتكە تولماعاندار قاتىساتىن ءبىلىم بەرۋ، تاربيەلەۋ جانە دامىتۋ، دەمالىستى ۇيىمداستىرۋ جانە ساۋىقتىرۋ، دەنە شىنىقتىرۋ جانە سپورت، مەديتسينالىق قامتاماسىز ەتۋ، الەۋمەتتىك قىزمەتتەر كورسەتۋ، مادەنيەت جانە ونەر سالاسىنداعى ەڭبەك قىزمەتىنە: ادام ولتىرگەنى، دەنساۋلىققا قاساقانا زيان كەلتىرگەنى، حالىق دەنساۋلىعى مەن يماندىلىققا، جىنىستىق قولسۇعىلماۋشىلىققا قارسى قىلمىستار ءۇشىن، ەكسترەميستىك نەمەسە تەرروريستىك قىلمىستار، ادام ساۋداسى ءۇشىن سوتتالعاندىعى بار نەمەسە بولعان، قىلمىستىق قۋدالاۋدا جۇرگەن نەمەسە قۋدالاۋدا بولعان (قازاقستان رەسپۋبليكاسى قىلمىستىق-پروتسەستىك كودەكسىنىڭ 35-بابى بىرىنشى بولىگىنىڭ 1), 2) تارماقتارىنىڭ نەگىزىندە قىلمىستىق قۋدالاۋ توقتاتىلعان ادامداردى قوسپاعاندا) ادامدار جىبەرىلمەيدى.

      ەسكەرتۋ. 26-باپقا وزگەرىستەر ەنگىزىلدى - قر 2010.12.29 N 371-IV (العاشقى رەسمي جاريالانعانىنان كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi), 2011.07.22 № 478-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى), 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى); 14.12.2012 N 59-V (العاشقى رەسمي جاريالانعان كۇنىنەن باستاپ ءۇش اي وتكەن سوڭ قولدانىسقا ەنگىزىلەدى); 04.07.2013 № 127-V (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى); 10.12.2013 № 153-V (العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى), 03.07.2014 № 227-V (01.01.2015 باستاپ قولدانىسقا ەنگىزىلەدى) زاڭدارىمەن.
27-باپ. ەڭبەك شارتىنىڭ شارتتاردىڭ وزگە تۇرلەرىنەن ەرەكشەلىگى

ەڭبەك شارتىندا مىنا تالاپتاردىڭ بىرەۋىنىڭ بولۋى:

      1) قىزمەتكەردىڭ جۇمىستى (ەڭبەك فۋنكتسياسىن) بەلگىلى ءبىر بىلىكتىلىك، ماماندىق، كاسىپ نەمەسە لاۋازىم بويىنشا ورىنداۋى;

      2) مىندەتتەمەلەردىڭ ەڭبەك تارتىپتەمەسىنە باعىنا وتىرىپ جەكە ورىندالۋى;

      3) قىزمەتكەردىڭ ەڭبەگى ءۇشىن جالاقى الۋى ەڭبەك شارتىنىڭ شارتتاردىڭ وزگە تۇرلەرىنەن ەرەكشەلىگى بولىپ تابىلادى.

28-باپ. ەڭبەك شارتىنىڭ مازمۇنى

1. ەڭبەك شارتىندا:

      1) تاراپتاردىڭ دەرەكتەمەلەرى:

      جۇمىس بەرۋشى جەكە تۇلعانىڭ تەگى، اتى، اكەسىنىڭ اتى (ول بولعان كەزدە), ونىڭ تۇراقتى تۇرعىلىقتى جەرىنىڭ مەكەنجايى جانە تۇرعىلىقتى جەرى بويىنشا تىركەۋ تۋرالى مالىمەتتەر، جەكە باسىن كۋالاندىراتىن قۇجاتتىڭ اتاۋى، ءنومىرى جانە بەرىلگەن كۇنى، جەكە سايكەستەندiرۋ ءنومiرi (بيزنەس-سايكەستەندiرۋ ءنومiرi);

جۇمىس بەرۋشى زاڭدى تۇلعانىڭ اتاۋى جانە ورنالاسقان جەرى، جۇمىس بەرۋشى زاڭدى تۇلعانى مەملەكەتتىك تىركەۋ ءنومىرى مەن كۇنى،

بيزنەس-سايكەستەندiرۋ ءنومiرi;

قىزمەتكەردىڭ تەگى، اتى، اكەسىنىڭ اتى (ول بولعان كەزدە), ونىڭ تۇراقتى تۇرعىلىقتى جەرىنىڭ مەكەنجايى جانە تۇرعىلىقتى جەرى بويىنشا تىركەۋ تۋرالى مالىمەتتەر، جەكە باسىن كۋالاندىراتىن قۇجاتتىڭ اتاۋى، ءنومىرى، بەرىلگەن كۇنى، جەكە سايكەستەندىرۋ ءنومىرى;

      2) بەلگىلى ءبىر ماماندىق، بىلىكتىلىك نەمەسە لاۋازىم بويىنشا جۇمىسى (ەڭبەك فۋنكتسياسى);

      3) جۇمىستىڭ اتقارىلاتىن ورنى;

      4) ەڭبەك شارتىنىڭ مەرزىمى;

      5) جۇمىستىڭ باستالۋ كۇنى;

      6) جۇمىس ۋاقىتى مەن تىنىعۋ ۋاقىتىنىڭ رەجيمى;

      7) ەڭبەككە اقى تولەۋ مولشەرى مەن وزگە دە شارتتارى;

      8) ەگەر جۇمىس اۋىر جۇمىستارعا جاتاتىن بولسا جانە (نەمەسە) زياندى (ەرەكشە زياندى) جانە (نەمەسە) قاۋىپتى جاعدايلاردا ورىندالاتىن بولسا، ەڭبەك جاعدايلارىنىڭ سيپاتتاماسى، كەپىلدىكتەر مەن جەڭىلدىكتەر;

      9) قىزمەتكەردىڭ قۇقىقتارى مەن مىندەتتەرى;

      10) جۇمىس بەرۋشىنىڭ قۇقىقتارى مەن مىندەتتەرى;

      11) ەڭبەك شارتىن وزگەرتۋ مەن توقتاتۋ ءتارتىبى;

      12) كەپىلدىكتەر مەن وتەماقى تولەمدەرى، ولاردى تولەۋ ءتارتىبى;

      13) ساقتاندىرۋ جونىندەگى تالاپتار;

      14) تاراپتاردىڭ جاۋاپكەرشىلىگى;

      15) جاسالۋ كۇنى مەن رەتتىك ءنومىرى بولۋعا ءتيىس.

      1-1. تاراپتاردىڭ دەرەكتەمەلەرى وزگەرگەن كەزدە ەڭبەك شارتىنا ءتيىستى وزگەرىستەر ەنگىزىلەدى.

      2. تاراپتاردىڭ كەلىسىمى بويىنشا ەڭبەك شارتىنا قازاقستان رەسپۋبليكاسىنىڭ زاڭناماسىنا قايشى كەلمەيتىن وزگە دە تالاپتار ەنگىزىلۋى مۇمكىن.

      3. قازاقستان رەسپۋبليكاسىنىڭ ەڭبەك زاڭناماسىمەن سالىستىرعاندا قىزمەتكەردىڭ جاعدايىن ناشارلاتاتىن ەڭبەك شارتىنىڭ ەرەجەلەرى جارامسىز دەپ تانىلادى جانە قولدانىلماۋعا ءتيىس.

      ەسكەرتۋ. 28-باپقا وزگەرىستەر ەنگىزىلدى - قر 2011.07.22 № 478-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى), 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى); 27.06.2014 N 212-V (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi) زاڭدارىمەن.
29-باپ. ەڭبەك شارتىنىڭ مەرزىمى

1. ەڭبەك شارتى:

      1) بەلگىلەنبەگەن مەرزىمگە;

      2) وسى تارماقتىڭ 3), 4), 5) جانە 6) تارماقشالارىندا بەلگىلەنگەن جاعدايلاردى قوسپاعاندا، ءبىر جىلدان كەم ەمەس بەلگىلى ءبىر مەرزىمگە جاسالۋى مۇمكىن.

      ەڭبەك شارتىنىڭ مەرزىمى ۇزارتىلعان كەزدە، ول بەلگىلەنبەگەن مەرزىمگە جاسالعان بولىپ ەسەپتەلەدى.

ءبىر جىلدان كەم ەمەس بەلگىلى ءبىر مەرزىمگە شارت جاساسقان قىزمەتكەرمەن ەڭبەك شارتى، ول اتقاراتىن ەڭبەك فۋنكتسياسى بويىنشا قايتادان جاسالعان جاعدايدا، ول دا بەلگىلەنبەگەن مەرزىمگە جاسالعان بولىپ ەسەپتەلەدى.

وسى تارماقشانىڭ ەكiنشi جانە ءۇشiنشi بولiكتەرiنiڭ ەرەجەلەرi:

شەتەلدىك جۇمىس كۇشىن تارتۋعا، شەتەلدىك قىزمەتكەرگە جۇمىسقا ورنالاسۋىنا جەرگىلىكتى اتقارۋشى ورگاننىڭ رۇقساتتارى نەگىزىندە، سونداي-اق ەڭبەك كوشىپ كەلۋشىسىنە ىشكى ىستەر ورگاندارى بەرەتىن رۇقسات نەگىزىندە ەڭبەك قىزمەتىن جۇزەگە اسىراتىن ادامدارعا;

دەربەس ءبىلىم بەرۋ ۇيىمدارى مەن ولاردىڭ ۇيىمدارىنىڭ شەتەلدىك قىزمەتكەرلەرىنە قولدانىلمايدى.

ەڭبەك شارتى بەلگىلەنبەگەن مەرزىمگە جاسالعان قىزمەتكەرلەر ءۇشىن كوزدەلگەن كەپىلدىكتەر مەن وتەماقىلاردى بەرۋدەن جالتارۋ ماقساتىندا ەڭبەك شارتتارىن بەلگىلى ءبىر مەرزىمگە جاساۋعا تىيىم سالىنادى.

ەگەر ەڭبەك شارتىنىڭ قولدانىلۋ مەرزىمى اياقتالعان كەزدە تاراپتاردىڭ بىردە-ءبىرى سوڭعى جۇمىس كۇنى (اۋىسىم) ىشىندە ەڭبەك قاتىناستارىن توقتاتۋدى تالاپ ەتپەگەن بولسا، وندا ول بەلگىلەنبەگەن مەرزىمگە جاسالعان بولىپ ەسەپتەلەدى;

      2-1) وسى تارماقتىڭ 3), 4), 5) جانە 6) تارماقشالارىندا بەلگىلەنگەن جاعدايلاردى قوسپاعاندا، جۇمىسقا العاش كىرگەن جاس مامانمەن ەكى جىلدان كەم ەمەس بەلگىلى ءبىر مەرزىمگە;

      3) بەلگىلى ءبىر جۇمىستىڭ ورىندالۋ ۋاقىتىنا;

      4) جۇمىستا ۋاقىتشا بولماعان قىزمەتكەردى اۋىستىرۋ ۋاقىتىنا;

      5) ماۋسىمدىق جۇمىستى ورىنداۋ ۋاقىتىنا;

      6) شەتەلدىك جۇمىس كۇشىن تارتۋعا، شەتەلدىك قىزمەتكەرگە جۇمىسقا ورنالاسۋعا جەرگىلىكتى اتقارۋشى ورگان بەرگەن رۇقساتتاردىڭ نە ىشكى ىستەر ورگاندارى ەڭبەكشى كوشىپ كەلۋشىگە بەرگەن رۇقساتتىڭ قازاقستان رەسپۋبليكاسىنىڭ زاڭناماسىندا بەلگىلەنەتىن مەرزىمدەرى شەگىندە جاسالۋى مۇمكىن.

      2. جۇمىس بەرۋشى-زاڭدى تۇلعانىڭ اتقارۋشى ورگانىنىڭ باسشىسى لاۋازىمىنداعى جۇمىسقا ەڭبەك شارتى جۇمىس بەرۋشىنىڭ قۇرىلتاي قۇجاتتارىندا نەمەسە تاراپتاردىڭ كەلىسىمىندە بەلگىلەنگەن مەرزىمگە جاسالادى. مۇنداي شارتقا وسى باپتىڭ 3-تارماعىندا بەلگىلەنگەن ەرەجەلەر قولدانىلمايدى.

      3. ەگەر ەڭبەك شارتىندا ونىڭ قولدانىلۋ مەرزىمى ايتىلماسا، وندا شارت بەلگىلەنبەگەن مەرزىمگە جاسالعان دەپ ەسەپتەلەدى.

      ەسكەرتۋ. 29-باپقا وزگەرىستەر ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى); 10.12.2013 № 153-V (العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى); 09.02.2015 № 286-V (العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى); 21.07.2015 № 337-V (العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭدارىمەن.
30-باپ. ەڭبەك شارتىن جاساسۋعا جول بەرىلەتىن جاس مولشەرى

1. ون التى جاسقا تولعان ازاماتتارمەن ەڭبەك شارتىن جاساسۋعا جول بەرىلەدى.

      2. اتا-اناسىنىڭ بىرەۋىنىڭ، قورعانشىسىنىڭ، قامقورشىسىنىڭ نەمەسە اسىراپ الۋشىسىنىڭ جازباشا كەلىسىمىمەن:

      1) ورتا ءبىلىم بەرۋ ۇيىمىندا نەگىزگى ورتا، جالپى ورتا ءبىلىم العان جاعدايدا، ون بەس جاسقا تولعان ازاماتتارمەن;

      2) ساباقتان بوس ۋاقىتىندا، دەنساۋلىعىنا زيان كەلتىرمەيتىن جانە وقۋ پروتسەسىن بۇزبايتىن جۇمىستى ورىنداۋ ءۇشىن، ون ءتورت جاسقا تولعان وقۋشىلارمەن;

      3) كينەماتوگرافيا ۇيىمدارىندا، تەاترلاردا، تەاتر جانە كونتسەرت ۇيىمدارىندا، تسيركتەردە دەنساۋلىعىنا جانە ادامگەرشىلىك تۇرعىسىنان دامۋىنا نۇقسان كەلتىرمەي، شىعارمالار جاساۋعا جانە (نەمەسە) ورىنداۋعا قاتىسۋ ءۇشىن، وسى باپتىڭ 2-تارماعى 2) تارماقشاسىندا ايقىندالعان تالاپتاردى ساقتاي وتىرىپ، ون ءتورت جاسقا تولماعان ادامدارمەن ەڭبەك شارتى جاسالۋى مۇمكىن.

      3. وسى باپتىڭ 2-تارماعىندا ايقىندالعان جاعدايلاردا ەڭبەك شارتىنا كامەلەتكە تولماعان اداممەن قاتار ونىڭ اتا-اناسىنىڭ بىرەۋى، قورعانشىسى، قامقورشىسى نەمەسە اسىراپ الۋشىسى قول قويۋعا ءتيىس.

      ەسكەرتۋ. 30-باپقا وزگەرتۋ ەنگىزىلدى - قازاقستان رەسپۋبليكاسىنىڭ 2007.07.27. N 320 (قولدانىسقا ەنگىزىلۋ ءتارتىبىن 2-باپتان قاراڭىز) زاڭىمەن.
31-باپ. ەڭبەك شارتىن جاساسۋعا قاجەتتى قۇجاتتار

1. ەڭبەك شارتىن جاساۋ ءۇشىن مىناداي قۇجاتتار:

      1) جەكە كۋالiگi نەمەسە پاسپورتى (ون التى جاسقا تولماعان ادامدار ءۇشiن تۋ تۋرالى كۋالiگi) قاجەت.

      ورالماندار حالىقتىڭ كوشى-قونى ماسەلەلەرى جونىندەگى ۋاكىلەتتى ورگاننىڭ اۋماقتىق ورگاندارى بەرگەن ورالمان كۋالىگىن ۇسىنادى;

      2) ىقتيارحاتى نەمەسە ازاماتتىعى جوق ادامنىڭ كۋالىگى (قازاقستان رەسپۋبليكاسىنىڭ اۋماعىندا تۇراقتى تۇراتىن شەتەلدىكتەر مەن ازاماتتىعى جوق ادامدار ءۇشىن) نە بوسقىن كۋالىگى;

      3) ءتيىستى ءبىلىمدى، داعدىلار مەن ماشىقتاردى تالاپ ەتەتىن جۇمىسقا ەڭبەك شارتىن جاساسۋ كەزىندە ءبىلىمى، بىلىكتىلىگى تۋرالى، ارناۋلى ءبىلىمى نەمەسە كاسىپتىك دايارلىعىنىڭ بولۋى تۋرالى قۇجات;

      4) ەڭبەك قىزمەتىن راستايتىن قۇجات (ەڭبەك ستاجى بار ادامدار ءۇشىن);

      5) اسكەري ەسەپ قۇجاتى (اسكەري مىندەتتىلەر مەن اسكەري قىزمەتكە شاقىرىلۋعا جاتاتىن ادامدار ءۇشىن);

      6) الدىن الا مەديتسينالىق كۋالاندىرۋدان وتكەنى تۋرالى قۇجات (وسى كودەكسكە جانە قازاقستان رەسپۋبليكاسىنىڭ زاڭناماسىنا سايكەس وسىنداي كۋالاندىرۋدان وتۋگە مىندەتتى ادامدار ءۇشىن);

      7) الىپ تاستالدى - قر 27.06.2014 N 212-V (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi) زاڭىمەن;

      8) تۇرعىلىقتى نە ۋاقىتشا تۇراتىن جەرى بويىنشا تىركەلگەنىن راستايتىن قۇجاتتىڭ كوشىرمەسى;

      9) كامەلەتكە تولماعاندار قاتىساتىن ءبىلىم بەرۋ، تاربيەلەۋ، دەمالىستى ۇيىمداستىرۋ جانە ساۋىقتىرۋ، دەنە تاربيەسى جانە سپورت، مەديتسينالىق قامتاماسىز ەتۋ، الەۋمەتتىك قىزمەتتەر كورسەتۋ، مادەنيەت جانە ونەر سالاسىندا ەڭبەك شارتىن جاساسقان كەزدە سوتتىلىعىنىڭ بار نە جوق ەكەندىگى تۋرالى انىقتاما قاجەت.

      2. جۇمىس بەرۋشى، قازاقستان رەسپۋبليكاسىنىڭ وزگە دە زاڭدارىندا كوزدەلگەن جاعدايلاردى قوسپاعاندا، وسى باپتىڭ 1-تارماعىندا كوزدەلمەگەن قۇجاتتاردى تالاپ ەتۋگە قۇقىلى ەمەس.

      3. قىزمەتكەردىڭ كەلىسىمىمەن قۇجاتتاردىڭ تۇپنۇسقالارى جۇمىس بەرۋشىدە ساقتالعان نە قازاقستان رەسپۋبليكاسىنىڭ زاڭناماسىندا بەلگىلەنگەن راسىمدەردى ورىنداۋ ءۇشىن ۋاقىتشا قالدىرىلعان جاعدايدا، جۇمىس بەرۋشى قىزمەتكەرگە قۇجاتتاردى قايتارۋ تۋرالى جازباشا مىندەتتەمە بەرەدى.

      ەسكەرتۋ. 31-باپقا وزگەرىستەر ەنگىزىلدى - قر 2011.07.22 № 478-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى), 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى), 2013.01.29 N 74-V (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى); 10.12.2013 № 153-V (العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى); 27.06.2014 N 212-V (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi) زاڭدارىمەن.
32-باپ. ەڭبەك شارتىن جاساسۋ، وزگەرتۋ جانە تولىقتىرۋ ءتارتىبى

1. ەڭبەك شارتى جازباشا نىساندا كەمىندە ەكى دانا ەتىپ جاسالادى جانە وعان تاراپتاردىڭ قولدارى قويىلادى. ەڭبەك شارتى ءبىر-ءبىر دانادان قىزمەتكەر مەن جۇمىس بەرۋشىدە ساقتالادى. قىزمەتكەردىڭ ەڭبەك شارتىنىڭ ءبىر داناسىن الۋى جازباشا نىساندا راستالادى.

      2. ەڭبەك شارتىنا، ونىڭ ىشىندە باسقا جۇمىسقا اۋىستىرۋ كەزىندە، وزگەرىستەر مەن تولىقتىرۋلار ەنگىزۋدى تاراپتار وسى باپتىڭ 1-تارماعىندا كوزدەلگەن تارتىپپەن جازباشا نىساندا جۇزەگە اسىرادى.

      ەڭبەك شارتىنىڭ تالاپتارىن وزگەرتۋ تۋرالى ۇسىنىستى ەڭبەك شارتى تاراپتارىنىڭ ءبىرى جازباشا نىساندا بەرەدى جانە ەكىنشى تاراپ ونى بەرىلگەن كۇننەن باستاپ كۇنتىزبەلىك جەتى كۇن ىشىندە قارايدى.

      3. ۇيىمنىڭ اتقارۋشى ورگانىنىڭ لاۋازىمدى ادامدارىمەن ەڭبەك شارتىن ۇيىم مۇلكىنىڭ مەنشىك يەسى نە ول ۋاكىلەتتىك بەرگەن ادام نەمەسە ورگان ۇيىمنىڭ قۇرىلتاي قۇجاتتارىندا بەلگىلەنگەن تارتىپپەن جاسايدى.

33-باپ. جۇمىسقا قابىلداۋدى رەسىمدەۋ

1. جۇمىسقا قابىلداۋ جاسالعان ەڭبەك شارتى نەگىزىندە شىعارىلاتىن جۇمىس بەرۋشىنىڭ اكتىسىمەن رەسىمدەلەدى.

      2. جۇمىس بەرۋشى ءۇش جۇمىس كۇنى ىشىندە قىزمەتكەردى اكتىمەن تانىستىرۋعا مىندەتتى. جۇمىس بەرۋشىنىڭ اكتىسىمەن تانىسقانى قىزمەتكەردىڭ قول قويۋىمەن كۋالاندىرىلادى.

      3. قىزمەتكەردىڭ تالاپ ەتۋى بويىنشا جۇمىس بەرۋشى وعان اكتىنىڭ جۇمىس بەرۋشى راستاعان كوشىرمەسىن بەرۋگە مىندەتتى.

      جۇمىسقا قابىلداعان كەزدە جۇمىس بەرۋشى قىزمەتكەردى ۇيىمداعى ىشكى ەڭبەك تارتىپتەمەسى ەرەجەلەرىمەن، جۇمىس بەرۋشىنىڭ قىزمەتكەردىڭ جۇمىسىنا (ەڭبەك فۋنكتسياسىنا) قاتىسى بار وزگە دە اكتىلەرىمەن، ۇجىمدىق شارتپەن تانىستىرۋعا مىندەتتى.

      ەسكەرتۋ. 33-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
34-باپ. قىزمەتكەردىڭ ەڭبەك قىزمەتىن راستايتىن قۇجاتتار

مىنا قۇجاتتاردىڭ كەز كەلگەنى:

      1) ەڭبەك كىتاپشاسى;

      2) توقتاتۋ كۇنى مەن ونى توقتاتۋدىڭ نەگىزى تۋرالى جۇمىس بەرۋشىنىڭ بەلگىسى بار ەڭبەك شارتى;

      3) ەڭبەك شارتىنىڭ جاسالۋى جانە توقتاتىلۋى نەگىزىندە ەڭبەك قاتىناستارىنىڭ تۋىنداۋىن جانە توقتاتىلۋىن راستايتىن جۇمىس بەرۋشى اكتىلەرىنەن ءۇزىندى كوشىرمەلەر;

      4) قىزمەتكەرلەرگە جالاقى تولەۋ ۆەدوموسىنان ءۇزىندى كوشىرمەلەر;

      5) جۇمىس بەرۋشىنىڭ قولى قويىلعان، ۇيىمنىڭ مورىمەن راستالعان نە نوتاريات راستاعان قىزمەت ەتۋ ءتىزىمى (قىزمەتكەردىڭ جۇمىسى، ەڭبەك قىزمەتى تۋرالى مالىمەتتەر تىزبەسى);

      رقاو-نىڭ ەسكەرتپەسى!
      توقتاتا تۇرۋ كەزەڭىندە 5-1) تارماقشا جاڭا رەداكتسيادا - قر 21.06.2013 N 106-V (4-ت. قاراڭىز).
5-1) اۋدارىلعان مىندەتتى زەينەتاقى جارنالارى تۋرالى جيناقتاۋشى زەينەتاقى قورلارىنان ءۇزىندى-كوشىرمەلەر نەمەسە اۋدارىلعان مىندەتتى زەينەتاقى جارنالارى تۋرالى بىرىڭعاي جيناقتاۋشى زەينەتاقى قورىنان ءۇزىندى-كوشىرمەلەر;

      5-2) جۇرگىزىلگەن الەۋمەتتىك اۋدارىمدار تۋرالى مەملەكەتتىك الەۋمەتتىك ساقتاندىرۋ قورىنان مالىمەتتەر;

      6) قىزمەتكەردىڭ ەڭبەك قىزمەتى تۋرالى مالىمەتتەر قامتىلعان مۇراعاتتىق انىقتاما قىزمەتكەردىڭ ەڭبەك قىزمەتىن راستايتىن قۇجات بولىپ تابىلادى.

      ەسكەرتۋ. 34-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى), 21.06.2013 N 106-V (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭدارىمەن.
35-باپ. ەڭبەك كىتاپشاسى

1. ەڭبەك كىتاپشاسى قىزمەتكەردىڭ ەڭبەك قىزمەتى تۋرالى مالىمەتتەردى قامتيتىن قۇجات بولىپ تابىلادى.

      2. الىنىپ تاستالدى - قر 2011.07.05 N 452-IV (2011.10.13 باستاپ قولدانىسقا ەنگىزىلەدى) زاڭىمەن.

      3. جۇمىس بەرۋشى قىزمەتكەردىڭ ەڭبەك كىتاپشاسىنا (ول بار بولعان كەزدە) ۇيىمداعى ەڭبەك قىزمەتى تۋرالى ءتيىستى جازبالار ەنگىزۋگە مىندەتتى.

      4. ەڭبەك كىتاپشاسىنا ەڭبەك شارتىن توقتاتۋدىڭ سەبەپتەرى تۋرالى جازبالار وسى كودەكستىڭ نورمالارىن كورسەتە وتىرىپ جۇرگىزىلۋگە ءتيىس.

      ەسكەرتۋ. 35-باپقا وزگەرىس ەنگىزىلدى - قر 2011.07.05 N 452-IV (2011.10.13 باستاپ قولدانىسقا ەنگىزىلەدى) زاڭىمەن.
36-باپ. ەڭبەك شارتىنداعى سىناق مەرزىمى تۋرالى تالاپ

1. ەڭبەك شارتىندا قىزمەتكەردىڭ تاپسىرىلاتىن جۇمىسقا بىلىكتىلىگىنىڭ سايكەستىگىن تەكسەرۋ ماقساتىمەن سىناق مەرزىمى تۋرالى تالاپ بەلگىلەنۋى مۇمكىن. بۇل تالاپ ەڭبەك شارتىندا بولماسا، قىزمەتكەر جۇمىسقا سىناق مەرزىمىنسىز قابىلداندى دەپ ەسەپتەلەدى.

      2. سىناق مەرزىمى ەڭبەك شارتى كۇشىنە ەنگەن كەزدەن باستالادى.

      3. سىناق مەرزىمى كەزەڭىندە قىزمەتكەرلەرگە وسى كودەكستىڭ نورمالارى، ەڭبەك شارتىنىڭ، ۇجىمدىق شارتتىڭ تالاپتارى قولدانىلادى.

      4. سىناق مەرزىمى قىزمەتكەردىڭ جۇمىس ستاجىنا قوسىلادى جانە ءۇش ايدان اسپاۋعا ءتيىس. قىزمەتكەر جۇمىستا ءىس جۇزىندە بولماعان كەزەڭ سىناق مەرزىمىنە ەسەپتەلمەيدى.

      5. جۇمىسقا قابىلداۋ كەزىندە:

      تيىستى لاۋازىمعا ورنالاسۋعا كونكۋرس بويىنشا جۇمىسقا قابىلداناتىن ادامدارعا;

ون سەگىز جاسقا تولماعان ادامدارعا، سونداي-اق تەحنيكالىق جانە كاسىپتىك، ورتا بىلىمنەن كەيىنگى، جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىندا ءبىلىم بەرەتىن وقۋ باعدارلامالارىن مەڭگەرگەن، العان ماماندىعى بويىنشا جۇمىسقا العاش كىرەتىن، بىراق ولاردى بىتىرگەن كۇننەن باستاپ ءبىر جىلدان كەشىكپەي كىرەتىن ادامدارعا;

مۇگەدەكتەرگە سىناق مەرزىمى بەلگىلەنبەيدى.

      ەسكەرتۋ. 36-باپقا وزگەرىس ەنگىزىلدى - قر 2007.07.27 N 320 (قولدانىسقا ەنگىزىلۋ ءتارتىبىن 2-باپتان قاراڭىز), 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى); 09.02.2015 № 286-V (العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭدارىمەن.
37-باپ. جۇمىسقا قابىلداۋ كەزىندەگى سىناق ناتيجەسى

1. سىناق مەرزىمى كەزەڭىندە قىزمەتكەردىڭ جۇمىسى تەرىس ناتيجە بەرسە، جۇمىس بەرۋشى سىناق مەرزىمى اياقتالۋىنا كۇنتىزبەلىك جەتى كۇن قالعاننان باستاپ قىزمەتكەرگە جازباشا تۇردە ەسكەرتىپ، بۇل قىزمەتكەردى سىناق مەرزىمىنەن وتە المادى دەپ تانۋعا نەگىز بولعان سەبەپتەردى كورسەتە وتىرىپ، ونىمەن ەڭبەك شارتىن بۇزۋعا قۇقىلى.

2. ەگەر سىناق مەرزىمى اياقتالسا جانە تاراپتاردىڭ ەشقايسىسى ەڭبەك شارتىنىڭ بۇزىلۋىن تالاپ ەتپەسە، وندا قىزمەتكەر سىناقتان وتكەن بولىپ ەسەپتەلەدى.

3. جۇمىس بەرۋشى سىناق مەرزىمى اياقتالعانعا دەيىن قىزمەتكەردى ودان جوعارى لاۋازىمعا تاعايىنداعان جاعدايدا دا قىزمەتكەر سىناقتان وتكەن بولىپ ەسەپتەلەدى.

38-باپ. ەڭبەك شارتى قولدانىلۋىنىڭ باستالۋى

1. ەڭبەك شارتىنىڭ قولدانىلۋى وعان تاراپتاردىڭ قولى قويىلعان كۇننەن نە شارتتا بەلگىلەنگەن كۇننەن باستالادى.

2. قىزمەتكەردى جۇمىسقا ناقتى جىبەرۋ ەڭبەك شارتىنا تاراپتاردىڭ قولى قويىلعاننان كەيىن عانا جۇزەگە اسىرىلادى.

3. جۇمىس بەرۋشىنىڭ كىناسىنەن ەڭبەك شارتى بولماعان جانە (نەمەسە) ءتيىستى ۇلگىدە رەسىمدەلمەگەن جاعدايدا، ول قازاقستان رەسپۋبليكاسى زاڭدارىندا بەلگىلەنگەن تارتىپپەن جاۋاپتىلىقتا بولادى. بۇل جاعدايدا ەڭبەك قاتىناستارى قىزمەتكەر جۇمىسقا كىرىسكەن كۇننەن باستاپ تۋىندادى دەپ ەسەپتەلەدى.

39-باپ. ەڭبەك شارتىنىڭ جارامسىزدىعى

1. ەڭبەك شارتى:

      1) الداۋ، كۇش كورسەتۋ، قاۋىپ ءتوندىرۋ ارقىلى ىقپال ەتىپ;

      2) ناقتى نەمەسە زاڭدى سالدار تۋعىزۋ نيەتىنسىز (جالعان ەڭبەك شارتى);

      3) ارەكەتكە قابىلەتسىز دەپ تانىلعان اداممەن;

      4) وسى كودەكستىڭ 30-بابى 2-تارماعىنىڭ 3) تارماقشاسىندا كوزدەلگەن جاعدايلاردى قوسپاعاندا، ون ءتورت جاسقا تولماعان اداممەن;

      5) اتا-اناسىنىڭ بىرەۋىنىڭ، قامقورشىسىنىڭ، اسىراپ الۋشىسىنىڭ كەلىسىمىنسىز، ون التى جاسقا تولماعان اداممەن جاسالعان جاعدايلاردا، سوت ونى جارامسىز دەپ تانيدى.

      2. ەڭبەك شارتىنىڭ جۇمىس بەرۋشىنىڭ كىناسىنەن جارامسىز دەپ تانىلۋى بۇرىنعى قىزمەتكەردىڭ ەڭبەگىنە اقى الۋ، جىل سايىنعى اقىلى ەڭبەك دەمالىسىنىڭ پايدالانىلماعان كۇندەرى ءۇشىن وتەماقى تولەمىن، وزگە دە تولەمدەر مەن جەڭىلدىكتەر الۋ قۇقىعىنان ايرىلۋىنا اكەپ سوقپايدى.

      3. ەڭبەك شارتىنىڭ جۇمىس بەرۋشىنىڭ نەمەسە قىزمەتكەردىڭ كىناسىنەن جارامسىز دەپ تانىلۋى ولاردىڭ قازاقستان رەسپۋبليكاسىنىڭ زاڭدارىنا سايكەس جاۋاپتىلىعىنا اكەپ سوعادى.

      4. ەڭبەك شارتىنىڭ جەكەلەگەن تالاپتارىنىڭ جارامسىز دەپ تانىلۋى ەڭبەك شارتىنىڭ تۇتاستاي جارامسىزدىعىنا اكەپ سوقپايدى.

40-باپ. ەڭبەك شارتىندا كەلىسىلمەگەن جۇمىستى ورىنداۋعا تىيىم سالۋ

وسى كودەكستە جانە قازاقستان رەسپۋبليكاسىنىڭ زاڭدارىندا كوزدەلگەن جاعدايلاردى قوسپاعاندا، جۇمىس بەرۋشى قىزمەتكەردەن ەڭبەك شارتىندا كەلىسىلمەگەن جۇمىستى ورىنداۋدى تالاپ ەتۋگە قۇقىلى ەمەس.

40-1-باپ. لاۋازىمداردى قوسا اتقارۋ (قىزمەت كورسەتۋ ايماعىنىڭ ۇلعايۋى) جانە ۋاقىتشا بولماعان قىزمەتكەردىڭ مىندەتتەرىن ورىنداۋ

      قىزمەتكەرگە ونىڭ جازباشا كەلىسۋىمەن ەڭبەك شارتىندا ايقىندالعان جۇمىسپەن قاتار، وسى كودەكستىڭ 131-بابىنا سايكەس قوسىمشا ەڭبەكاقى ءۇشىن باسقا نەمەسە وسىنداي لاۋازىم بويىنشا قوسىمشا جۇمىستى اتقارۋ تاپسىرىلۋى مۇمكىن.

      قىزمەتكەرگە باسقا لاۋازىم بويىنشا تاپسىرىلاتىن قوسىمشا جۇمىس لاۋازىمداردى قوسا اتقارۋ جولىمەن جۇزەگە اسىرىلۋى مۇمكىن. قىزمەتكەرگە ءوزىنىڭ لاۋازىمى بويىنشا تاپسىرىلاتىن قوسىمشا جۇمىس قىزمەت كورسەتۋ ايماعىن ۇلعايتۋ جولىمەن جۇزەگە اسىرىلۋى مۇمكىن. ۋاقىتشا بولماعان قىزمەتكەردىڭ مىندەتتەرىن ەڭبەك شارتىندا ايقىندالعان جۇمىستان بوساتپاي ورىنداۋ ءۇشىن، قىزمەتكەرگە باسقا، سونداي-اق سول ءوزىنىڭ لاۋازىمى بويىنشا قوسىمشا جۇمىس تاپسىرىلۋى مۇمكىن.

      قىزمەتكەردىڭ قوسىمشا جۇمىس اتقاراتىن مەرزىمىن، جۇمىستىڭ مازمۇنى مەن كولەمىن جۇمىس بەرۋشى قىزمەتكەردىڭ جازباشا كەلىسۋىمەن بەلگىلەيدى.

      باسقا تاراپتى ءۇش جۇمىس كۇنىنەن كەشىكتىرمەي جازباشا نىساندا ەسكەرتە وتىرىپ قىزمەتكەردىڭ قوسىمشا جۇمىستى اتقارۋدان مەرزىمىنەن بۇرىن باس تارتۋىنا، ال جۇمىس بەرۋشىنىڭ ونى ورىنداۋ تۋرالى تاپسىرماسىنىڭ كۇشىن مەرزىمىنەن بۇرىن جويۋىنا قۇقىعى بار.

      ەسكەرتۋ. كودەكس 40-1-باپپەن تولىقتىرىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
41-باپ. قىزمەتكەردى باسقا جۇمىسقا اۋىستىرۋ

1. قىزمەتكەردى باسقا جۇمىسقا اۋىستىرۋ دەپ:

      1) قىزمەتكەر جۇمىسىنىڭ (ەڭبەك فۋنكتسياسىنىڭ) وزگەرۋى، ياعني جۇمىستى باسقا لاۋازىم، ماماندىق، كاسىپ، بىلىكتىلىك بويىنشا ورىنداۋ;

      2) ورىنداۋ كەزىندە ەڭبەك شارتىندا كەلىسىلگەن ەڭبەك جاعدايلارى (جالاقى مولشەرى، جۇمىس ۋاقىتى مەن تىنىعۋ ۋاقىتىنىڭ رەجيمى، جەڭىلدىكتەر مەن باسقا دا جاعدايلار) وزگەرەتىن جۇمىستى تاپسىرۋ;

      3) جۇمىس بەرۋشىنىڭ وقشاۋلانعان قۇرىلىمدىق بولىمشەسىنە اۋىستىرۋ;

      4) جۇمىس بەرۋشىمەن بىرگە باسقا جەرگە اۋىستىرۋ ەسەپتەلەدى.

      2. وسى كودەكستە كوزدەلگەن جاعدايلاردى قوسپاعاندا، قىزمەتكەردى باسقا جۇمىسقا اۋىستىرۋعا قىزمەتكەردىڭ كەلىسىمىمەن جول بەرىلەدى، ول ەڭبەك شارتىنا ءتيىستى وزگەرىستەر ەنگىزۋمەن جانە جۇمىس بەرۋشىنىڭ اكتىسىمەن رەسىمدەلەدى.

      3. قىزمەتكەردى سول ۇيىمدا باسقا جۇمىس ورنىنا، وسى ۇيىمنىڭ سول جەردەگى باسقا قۇرىلىمدىق بولىمشەسىنە اۋىستىرۋ، وعان باسقا مەحانيزمدە نەمەسە اگرەگاتتا جۇمىس ىستەۋدى تاپسىرۋ، ەگەر بۇل وسى باپتىڭ 1-تارماعىندا كوزدەلگەن وزگەرىستەرگە اكەپ سوقپاسا، باسقا جۇمىسقا اۋىستىرۋ بولىپ تابىلمايدى جانە بۇعان قىزمەتكەردىڭ كەلىسىمىن الۋ تالاپ ەتىلمەيدى.

42-باپ. قىزمەتكەردى جۇمىس بەرۋشىمەن بىرگە باسقا جەرگە اۋىستىرۋ

1. ەگەر ەڭبەك شارتىندا، ۇجىمدىق شارتتا ەسكەرتۋدىڭ اناعۇرلىم ۇزاق مەرزىمى كوزدەلمەسە، جۇمىس بەرۋشى جۇمىس بەرۋشىنىڭ باسقا جەرگە كوشەتىنى تۋرالى قىزمەتكەرگە كەمىندە ءبىر اي بۇرىن جازباشا ەسكەرتۋگە مىندەتتى.

2. قىزمەتكەر جۇمىس بەرۋشىمەن بىرگە باسقا جەرگە جۇمىسقا اۋىستىرىلعان جاعدايدا، جۇمىس بەرۋشى قىزمەتكەردىڭ كوشۋىنە بايلانىستى وسى كودەكستىڭ 153-بابىندا كوزدەلگەن وتەماقى تولەمدەرىن جاسايدى.

3. قىزمەتكەر جۇمىس بەرۋشىمەن بىرگە باسقا جەرگە اۋىسۋدان جازباشا تۇردە باس تارتقان جاعدايدا، قىزمەتكەرمەن ەڭبەك شارتى وسى كودەكستىڭ 59-بابى 1-تارماعىنىڭ 1) تارماقشاسىندا كوزدەلگەن نەگىز بويىنشا توقتاتىلادى.

43-باپ. وندىرىستىك قاجەتتىلىك جاعدايىندا باسقا جۇمىسقا ۋاقىتشا اۋىستىرۋ

وندىرىستىك قاجەتتىلىك بولعان، ونىڭ ىشىندە جوق قىزمەتكەردى ۋاقىتشا الماستىرعان جاعدايدا، جۇمىس بەرۋشىنىڭ قىزمەتكەردى ونىڭ كەلىسىمىنسىز كۇنتىزبەلىك جىل ىشىندە ءبىر ايعا دەيىنگى مەرزىمگە، ورىندالاتىن جۇمىس بويىنشا ەڭبەگىنە اقى تولەپ، بىراق بۇرىنعى جۇمىسىنداعى ورتاشا جالاقىسىنان كەم ەمەس جالاقىمەن، ەڭبەك شارتىندا كەلىسىلمەگەن جانە دەنساۋلىق جاعدايى بويىنشا قايشى كەلمەيتىن سول ۇيىمداعى، سول جەردەگى باسقا جۇمىسقا اۋىستىرۋعا قۇقىعى بار.

44-باپ. بوس تۇرىپ قالۋ جاعدايىندا باسقا جۇمىسقا ۋاقىتشا اۋىستىرۋ

1. جۇمىس بەرۋشىنىڭ بوس تۇرىپ قالۋ جاعدايىندا قىزمەتكەردىڭ ماماندىعىن، بىلىكتىلىگىن ەسكەرە وتىرىپ، ونىڭ كەلىسىمىنسىز، كۇنتىزبەلىك جىل ىشىندە ءبىر ايدان اسپايتىن مەرزىمگە، ونى دەنساۋلىق جاعدايى بويىنشا قايشى كەلمەيتىن باسقا جۇمىسقا اۋىستىرۋعا قۇقىعى بار.

2. بوس تۇرىپ قالۋ جاعدايىنداعى اۋىستىرۋ كەزىندە قىزمەتكەردىڭ ەڭبەگىنە اقى تولەۋ ورىندالاتىن جۇمىس بويىنشا، بىراق ونىڭ بۇرىنعى جۇمىسىنداعى ورتاشا ايلىق جالاقىسىنىڭ كەمىندە ۇشتەن ەكىسى مولشەرىندە جۇرگىزىلەدى.

ەڭبەك جاعدايىنىڭ وزگەرۋىنە بايلانىستى قىزمەتكەر جۇمىستى جالعاستىرۋدان جازباشا تۇردە باس تارتقان جاعدايدا، قىزمەتكەرمەن ەڭبەك شارتى وسى كودەكستىڭ 59-بابى 1-تارماعىنىڭ 2) تارماقشاسىندا كوزدەلگەن نەگىزدەر بويىنشا توقتاتىلادى.

45-باپ. دەنساۋلىق جاعدايى بويىنشا باسقا جۇمىسقا ۋاقىتشا اۋىستىرۋ

1. قىزمەتكەر دەنساۋلىق جاعدايى بويىنشا مەديتسينالىق قورىتىندىدا كورسەتىلگەن مەرزىمگە نەعۇرلىم جەڭىل جۇمىسقا ۋاقىتشا اۋىستىرىلادى. تاراپتاردىڭ كەلىسىمىمەن قىزمەتكەردىڭ بۇرىنعى جۇمىسى بويىنشا جالاقىسى ساقتالۋى مۇمكىن.

2. قىزمەتكەردىڭ ەڭبەك مىندەتتەرىن ورىنداۋعا بايلانىستى جاراقاتتانۋىنا، كاسىپتىك اۋرۋعا شالدىعۋىنا نەمەسە دەنساۋلىعىنا وزگە دە زاقىم كەلۋىنە بايلانىستى ەڭبەككە قابىلەتتىلىگى قالپىنا كەلگەنشە نەمەسە مۇگەدەكتىك بەلگىلەنگەنگە دەيىن نە كاسىبي ەڭبەككە جارامدىلىعىنان ايرىلۋى بەلگىلەنگەنشە جۇمىس بەرۋشى قىزمەتكەردى اناعۇرلىم جەڭىل جۇمىسقا ۋاقىتشا اۋىستىرۋعا نە قازاقستان رەسپۋبليكاسىنىڭ ازاماتتىق زاڭناماسىنا, سونداي-اق ەڭبەك شارتىنىڭ، ۇجىمدىق شارتتىڭ تالاپتارىنا سايكەس زياننىڭ وتەمىن تولەي وتىرىپ، ونى جۇمىستان بوساتۋعا مىندەتتى.

3. قىزمەتكەر ەڭبەك مىندەتتەرىن اتقارۋعا بايلانىستى وندىرىستىك جاراقات العان، كاسىپتىك اۋرۋعا شالدىققان نەمەسە دەنساۋلىعىنا وندىرىسكە بايلانىستى ەمەس وزگە دە زاقىم كەلگەن كەزدە باسقا جۇمىسقا ۋاقىتشا اۋىسۋدان جازباشا تۇردە باس تارتقان جاعدايدا قىزمەتكەرمەن ەڭبەك شارتى وسى كودەكستىڭ 59-بابى 1-تارماعىنىڭ 4) تارماقشاسىندا كوزدەلگەن نەگىز بويىنشا توقتاتىلادى.

      ەسكەرتۋ. 45-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
46-باپ. قىزمەتكەردى باسقا جۇمىسقا اۋىستىرۋدى شەكتەۋ

قىزمەتكەردىڭ دەنساۋلىق جاعدايى بويىنشا مەديتسينالىق قورىتىندىمەن راستالعان قايشىلىقتار بولعان كەزدە، ونى باسقا جۇمىسقا اۋىستىرۋعا جول بەرىلمەيدى.

47-باپ. قىزمەتكەردى باسقا جۇمىس ورنىنا اۋىستىرۋ. لاۋازىم (جۇمىس) اتاۋىنىڭ وزگەرۋى

1. قۇرىلىمدىق بولىمشەدەگى، بەلگىلى ءبىر جۇمىس ورنىنداعى، مەحانيزمدەگى نەمەسە اگرەگاتتاعى جۇمىستىڭ وزگەشە ەڭبەك جاعدايلارى بولۋىن قوسپاعاندا، قىزمەتكەردى باسقا جۇمىس ورنىنا نە سول جەردەگى باسقا قۇرىلىمدىق بولىمشەگە اۋىستىرۋعا، نە وعان ەڭبەك شارتىندا كەلىسىلگەن لاۋازىم، ماماندىق، كاسىپ، بىلىكتىلىك شەگىندە باسقا مەحانيزمدەگى نەمەسە اگرەگاتتاعى جۇمىستى تاپسىرۋعا قىزمەتكەردىڭ كەلىسىمى تالاپ ەتىلمەيدى.

2. قىزمەتكەر ءۇشىن ەڭبەك جاعدايلارىن جانە (نەمەسە) ەڭبەك شارتىن وزگەرتۋگە اكەپ سوقپايتىن قىزمەتكەر لاۋازىمىنىڭ (جۇمىسىنىڭ), قۇرىلىمدىق بولىمشەنىڭ اتاۋىن وزگەرتۋدى، باسقارۋ قۇرىلىمىن وزگەرتۋدى جۇمىس بەرۋشى قىزمەتكەردىڭ كەلىسىمىنسىز جۇزەگە اسىرا الادى.

48-باپ. ەڭبەك جاعدايلارىنىڭ وزگەرۋى

1. ءوندىرىستى ۇيىمداستىرۋداعى، سونىڭ ىشىندە قايتا ۇيىمداستىرۋ كەزىندەگى وزگەرىستەرگە جانە (نەمەسە) جۇمىس بەرۋشىنىڭ جۇمىس كولەمىنىڭ قىسقارۋىنا بايلانىستى، قىزمەتكەر ەڭبەك شارتىندا كەلىسىلگەن ءتيىستى بىلىكتىلىكتەگى لاۋازىم، ماماندىق نەمەسە كاسىپ بويىنشا جۇمىسىن جالعاستىرعان كەزدە، ونىڭ ەڭبەك جاعدايلارىن وزگەرتۋگە جول بەرىلەدى.

ەڭبەك جاعدايلارى وزگەرگەن كەزدە ەڭبەك شارتىنا جانە (نەمەسە) ۇجىمدىق شارتقا ءتيىستى تولىقتىرۋلار مەن وزگەرىستەر ەنگىزىلەدى.

      2. ەگەر ەڭبەك شارتى مەن ۇجىمدىق شارتتا ەسكەرتۋدىڭ اناعۇرلىم ۇزاق مەرزىمى كوزدەلمەسە، جۇمىس بەرۋشى قىزمەتكەرگە جانە (نەمەسە) ونىڭ وكىلدەرىنە ەڭبەك جاعدايلارىنىڭ وسى باپتىڭ 1-تارماعىندا كورسەتىلگەن سەبەپتەر بويىنشا ورىن العان وزگەرۋى تۋرالى ءبىر ايدان كەشىكتىرمەي جازباشا تۇردە ەسكەرتۋگە ءتيىس.

      ەگەر قىزمەتكەر جۇمىستى جاڭا جاعدايدا جالعاستىرۋعا كەلىسپەسە، وندا جۇمىس بەرۋشى - بار بولسا، قىزمەتكەردىڭ بىلىكتىلىگى مەن دەنساۋلىق جاعدايىنا سايكەس كەلەتىن وزگە جۇمىستى، ال مۇنداي جۇمىس بولماسا، قىزمەتكەردىڭ بىلىكتىلىگى مەن دەنساۋلىق جاعدايى ەسكەرىلىپ، ول ورىنداي الاتىن، بوس تۇرعان تومەن لاۋازىم نەمەسە اقىسى تومەن بوس جۇمىستى جازباشا نىساندا ۇسىنۋعا مىندەتتى.

      3. ەڭبەك جاعدايلارىنىڭ وزگەرۋىنە بايلانىستى قىزمەتكەر جۇمىستى جالعاستىرۋدان جازباشا تۇردە باس تارتقان جاعدايدا، قىزمەتكەرمەن ەڭبەك شارتى وسى كودەكستىڭ 59-بابى 1-تارماعىنىڭ 2) تارماقشاسىندا كوزدەلگەن نەگىز بويىنشا توقتاتىلادى.

      4. ەگەر وسى باپتىڭ 1-تارماعىندا كوزدەلگەن ءمان-جايلار قىزمەتكەرلەردىڭ سانىن نەمەسە شتاتىن قىسقارتۋعا اكەپ سوعۋى مۇمكىن بولسا، جۇمىس بەرۋشىنىڭ جۇمىس ورىندارىن ساقتاۋ ماقساتىندا، قىزمەتكەرلەر وكىلدەرىنىڭ پىكىرىن ەسكەرە وتىرىپ، تولىق ەمەس جۇمىس ۋاقىتى رەجيمىن ەنگىزۋگە قۇقىعى بار.

      جۇمىس بەرۋشى قىزمەتكەرلەردىڭ سانىن نەمەسە شتاتىن قىسقارتۋعا اكەپ سوعۋى مۇمكىن تولىق ەمەس جۇمىس ۋاقىتى رەجيمىن توقتاتۋدى قىزمەتكەرلەر وكىلدەرىنىڭ پىكىرىن ەسكەرە وتىرىپ جۇرگىزەدى.

      ەسكەرتۋ. 48-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
49-باپ. جۇمىس بەرۋشىنىڭ اتاۋى، ۆەدومستۆولىق تيەسىلىگى وزگەرگەن، مۇلكىنىڭ مەنشىك يەسى اۋىسقان نەمەسە جۇمىس بەرۋشى قايتا قۇرىلعان كەزدەگى ەڭبەك قاتىناستارى

جۇمىس بەرۋشىنىڭ اتاۋى، ۆەدومستۆولىق تيەسىلىگى وزگەرگەن، مۇلكىنىڭ مەنشىك يەسى اۋىسقان نەمەسە جۇمىس بەرۋشى قايتا قۇرىلعان جاعدايلاردا قىزمەتكەرلەرمەن ەڭبەك قاتىناستارى وزگەرىسسىز جالعاسا بەرەدى.

50-باپ. جۇمىستان شەتتەتۋ

1. قازاقستان رەسپۋبليكاسىنىڭ زاڭدارىندا كوزدەلگەن جاعدايلاردا، جۇمىس بەرۋشى ءتيىستى ۋاكىلەتتى مەملەكەتتىك ورگانداردىڭ اكتىلەرى نەگىزىندە قىزمەتكەردى جۇمىستان شەتتەتۋگە مىندەتتى.

      2. جۇمىس بەرۋشى وسى باپتىڭ 1-تارماعىندا كوزدەلگەن جاعدايلاردان باسقا:

      1) جۇمىستا الكوگولدىك، ناشاقورلىق، ۋىتقۇمارلىق ماساڭدىق (سولارعا ۇقساس) جاعدايىندا بولعان نەمەسە جۇمىس كۇنى ىشىندە وسىنداي ماساڭدىق تۋعىزاتىن زاتتاردى پايدالانعان;

      2) ەڭبەك قاۋىپسىزدىگى جانە ەڭبەكتى قورعاۋ ەرەجەلەرى بويىنشا ەمتيحان تاپسىرماعان;

      3) جۇمىس بەرۋشى بەرگەن جەكە جانە (نەمەسە) ۇجىمدىق قورعانۋ قۇرالدارىن پايدالانباعان;

      4) قازاقستان رەسپۋبليكاسىنىڭ زاڭناماسىنا سايكەس مىندەتتى بولىپ تابىلاتىن بولسا، مەديتسينالىق تەكسەرۋدەن نە اۋىسىم الدىنداعى مەديتسينالىق كۋالاندىرۋدان وتپەگەن;

      5) ەگەر ونىڭ ءىس-ارەكەتتەرى نەمەسە ارەكەتسىزدىگى اۆاريالىق احۋال تۋعىزۋعا، ەڭبەكتى قورعاۋ، ءورت قاۋىپسىزدىگى ەرەجەلەرىنىڭ نە كولىكتەگى قوزعالىس قاۋىپسىزدىگىنىڭ بۇزىلۋىنا اكەپ سوعۋى مۇمكىن بولسا، قىزمەتكەردى جۇمىستان شەتتەتۋگە مىندەتتى.

      2-1. تولىق ماتەريالدىق جاۋاپتىلىقتى وزىنە العانى تۋرالى جازباشا شارتتىڭ نەگىزىندە قىزمەتكەرگە بەرىلگەن مۇلىكتىڭ جانە باسقا دا قۇندىلىقتاردىڭ ساقتالۋىن قامتاماسىز ەتپەگەن قىزمەتكەردى جۇمىس بەرۋشىنىڭ جۇمىستان شەتتەتۋىنە قۇقىعى بار.

      3. جۇمىستان شەتتەتۋ كەزەڭىندە قىزمەتكەردىڭ جالاقىسى ساقتالمايدى جانە ەڭبەككە ۋاقىتشا قابىلەتسىزدىگى بويىنشا جۇمىس بەرۋشىنىڭ قاراجاتى ەسەبىنەن جاردەماقى تولەنبەيدى.

      4. قىزمەتكەردى جۇمىستان شەتتەتۋ ونى شەتتەتۋ ءۇشىن نەگىز بولعان سەبەپتەر انىقتالعانعا جانە (نەمەسە) جويىلعانعا دەيىنگى مەرزىمگە جۇمىس بەرۋشىنىڭ اكتىسىمەن جۇزەگە اسىرىلادى.

      5. جۇمىس بەرۋشى قىزمەتكەردى جۇمىستان زاڭسىز شەتتەتكەن جاعدايدا ونىڭ جالاقىسى ساقتالادى.

      ەسكەرتۋ. 50-باپقا وزگەرىس ەنگىزىلدى - قر 2007.12.19 N 9 (2008.01.01 باستاپ قولدانىسقا ەنگىزىلەدى), 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭدارىمەن.
51-باپ. ەڭبەك شارتىن توقتاتۋ نەگىزدەرى

مىنالار:

      1) تاراپتاردىڭ كەلىسىمى بويىنشا ەڭبەك شارتىن بۇزۋ;

      2) ەڭبەك شارتى مەرزىمىنىڭ اياقتالۋى;

      3) جۇمىس بەرۋشىنىڭ باستاماسى بويىنشا ەڭبەك شارتىن بۇزۋ;

      4) قىزمەتكەردىڭ باستاماسى بويىنشا ەڭبەك شارتىن بۇزۋ;

      5) تاراپتاردىڭ ەركىنەن تىس ءمان-جايلار;

      6) قىزمەتكەردىڭ ەڭبەك قاتىناستارىن جالعاستىرۋدان باس تارتۋى;

      7) قازاقستان رەسپۋبليكاسىنىڭ زاڭدارىندا كوزدەلگەن جاعدايلاردى قوسپاعاندا، قىزمەتكەردىڭ سايلانبالى جۇمىسقا (لاۋازىمعا) اۋىسۋى نەمەسە ەڭبەك قاتىناستارىن جالعاستىرۋ مۇمكىندىگىن بولعىزبايتىن لاۋازىمعا تاعايىندالۋى;

      8) ەڭبەك شارتىن جاساسۋ تالاپتارىنىڭ بۇزىلۋى;

      9) جۇمىس بەرۋشىنىڭ اتقارۋشى ورگانى باسشىسىمەن جاسالعان ەڭبەك شارتىندا كوزدەلگەن نەگىزدەر ەڭبەك شارتىن توقتاتۋ نەگىزدەرى بولىپ تابىلادى.

52-باپ. تاراپتاردىڭ كەلىسىمى بويىنشا ەڭبەك شارتىن بۇزۋ

1. ەڭبەك شارتى تاراپتاردىڭ كەلىسىمى بويىنشا بۇزىلۋى مۇمكىن.

      2. ەڭبەك شارتىن تاراپتاردىڭ كەلىسىمى بويىنشا بۇزۋعا تىلەك ءبىلدىرۋشى ەڭبەك شارتىنىڭ ءبىر تاراپى ەكىنشى تاراپىنا حابارلاما جىبەرەدى. حابارلاما العان تاراپ ءۇش جۇمىس كۇنى ىشىندە ەكىنشى تاراپقا قابىلدانعان شەشىم تۋرالى جازباشا نىساندا حابارلاۋعا مىندەتتى.

      3. تاراپتاردىڭ كەلىسىمى بويىنشا ەڭبەك شارتىنىڭ بۇزىلۋ كۇنى قىزمەتكەر مەن جۇمىس بەرۋشىنىڭ اراسىنداعى كەلىسۋ بويىنشا ايقىندالادى.

      4. ەڭبەك شارتىندا قىزمەتكەرمەن كەلىسىم بويىنشا، جۇمىس بەرۋشىنىڭ قىزمەتكەرگە ءبىر جىلعى ورتاشا جالاقىسىنان كەم ەمەس مولشەردە وتەماقى تولەي وتىرىپ، وسى باپتىڭ 2-تارماعىندا بەلگىلەنگەن تالاپتاردى ساقتاماي-اق ەڭبەك شارتىن بۇزۋ قۇقىعى كوزدەلەدى.

53-باپ. مەرزiمiنiڭ وتۋىنە بايلانىستى ەڭبەك شارتىن توقتاتۋ

1. بەلگiلi بiر مەرزiمگە جاسالعان ەڭبەك شارتى مەرزiمiنiڭ وتۋىنە بايلانىستى توقتاتىلادى.

      2. ەڭبەك شارتىندا كەلiسiلگەن مەرزiمگە سايكەس قىزمەتكەردiڭ سوڭعى جۇمىس كۇنi بەلگiلi بiر مەرزiمگە جاسالعان ەڭبەك شارتىنىڭ مەرزiمi وتكەن كۇن بولىپ تابىلادى.

      ەگەر ەڭبەك شارتىنىڭ مەرزiمi وتكەن سوڭ ەڭبەك قاتىناستارى iس جۇزiندە جالعاسا بەرسە جانە تاراپتاردىڭ ەشقايسىسى بۇلاردىڭ توقتاتىلۋىن تالاپ ەتپەسە، وندا شارتتىڭ قولدانىلۋى بەلگiلەنبەگەن مەرزiمگە ۇزارتىلدى دەپ ەسەپتەلەدi.

      3. جۇمىستىڭ اياقتالعان كۇنى بەلگiلi بiر جۇمىستىڭ ورىندالۋ ۋاقىتىنا جاسالعان ەڭبەك شارتىنىڭ مەرزiمi وتكەن كۇن بولىپ تابىلادى.

      4. جۇمىس ورنى (لاۋازىمى) ساقتالعان قىزمەتكەردiڭ جۇمىسقا شىعاتىن كۇننiڭ الدىنداعى جۇمىس كۇنi ۋاقىتشا بولماعان قىزمەتكەردiڭ ورنىن اۋىستىرۋ ۋاقىتىنا جاسالعان ەڭبەك شارتى مەرزiمiنiڭ وتكەن كۇنi بولىپ تابىلادى.

      ەسكەرتۋ. 53-باپ جاڭا رەداكتسيادا - قر 27.06.2014 N 212-V زاڭىمەن (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi).
54-باپ. جۇمىس بەرۋشىنىڭ باستاماسى بويىنشا ەڭبەك شارتىن بۇزۋدىڭ نەگىزدەرى

1. قىزمەتكەرمەن ەڭبەك شارتى جۇمىس بەرۋشىنىڭ باستاماسى بويىنشا:

      1) جۇمىس بەرۋشى - زاڭدى تۇلعا تاراتىلعان نە جۇمىس بەرۋشى - جەكە تۇلعانىڭ قىزمەتى توقتاتىلعان;

      2) قىزمەتكەرلەر سانى نەمەسە شتاتى قىسقارتىلعان;

      3) بىلىكتىلىگىنىڭ جەتىسپەۋى سالدارىنان قىزمەتكەر اتقارىپ جۇرگەن لاۋازىمىنا نەمەسە ورىندايتىن جۇمىسىنا سايكەس كەلمەگەن;

      4) ءوزىنىڭ جۇمىسىن جالعاستىرۋىنا دەنساۋلىق جاعدايىنىڭ كەدەرگى كەلتىرۋى سالدارىنان قىزمەتكەر اتقاراتىن لاۋازىمىنا نەمەسە ورىندايتىن جۇمىسىنا سايكەس كەلمەگەن;

      5) سىناق مەرزىمى كەزەڭىندە جۇمىس ناتيجەسى دۇرىس بولماعان;

      6) قىزمەتكەر ءبىر جۇمىس كۇنى (جۇمىس اۋىسىمى) ىشىندە دالەلدى سەبەپسىز ءۇش جانە ودان دا كوپ ساعات بويى جۇمىستا بولماعان;

      7) قىزمەتكەر جۇمىستا الكوگولدىك، ناشاقورلىق، پسيحوتروپتىق، ۋىتقۇمارلىق ماساڭدىق (سولارعا ۇقساس) جاعدايىندا بولعان، ونىڭ ىشىندە جۇمىس كۇنى ىشىندە الكوگولدىك، ناشاقورلىق، ۋىتقۇمارلىق ماساڭدىق (سولارعا ۇقساس) جاعداي تۋعىزاتىن زاتتاردى پايدالانعان;

      7-1) ءتيىستى اكتىمەن راستالعان، الكوگولدىك، ناشاقورلىق، ۋىتقۇمارلىق ماساڭدىق كۇيگە تۇسىرەتىن زاتتاردى پايدالانۋ فاكتىسىن انىقتاۋ ءۇشىن مەديتسينالىق كۋالاندىرۋدان وتۋدەن باس تارتقان;

      8) قىزمەتكەر، جاراقاتتار مەن اۆاريالاردى قوسا العاندا، اۋىر زارداپتارعا اكەپ سوققان نەمەسە سوعۋى مۇمكىن، ەڭبەكتى قورعاۋ نەمەسە ءورت قاۋىپسىزدىگى نە كولىكتەگى ءجۇرۋ قاۋىپسىزدىگى ەرەجەلەرىن بۇزعان;

      9) قىزمەتكەردىڭ جۇمىس ورنىندا باسقانىڭ مۇلكىن ۇرلاۋ (ونىڭ ىشىندە ۇساق ۇرلىق), ونى قاساقانا جويۋ نەمەسە ءبۇلدىرۋ ارەكەتى زاڭدى كۇشىنە ەنگەن سوت ۇكىمىمەن نەمەسە قاۋلىسىمەن انىقتالعان;

      10) اقشالاي نەمەسە تاۋارلىق قۇندىلىقتارعا قىزمەت كورسەتەتىن قىزمەتكەردىڭ كىنالى ارەكەتتەر جاساۋى نەمەسە ارەكەتسىزدىگى، ەگەر بۇل ارەكەتتەر نەمەسە ارەكەتسىزدىك جۇمىس بەرۋشىنىڭ تاراپىنان وعان دەگەن سەنىمنىڭ جوعالۋىنا نەگىز بولسا;

      11) تاربيەلىك فۋنكتسيالار اتقاراتىن قىزمەتكەر وسى جۇمىسىن جالعاستىرۋمەن سىيىسپايتىن، ادامگەرشىلىككە جات قىلىقتار جاساعان;

      12) قىزمەتكەر ەڭبەك مىندەتتەرىن اتقارۋعا بايلانىستى وزىنە ءمالىم بولعان مەملەكەتتىك قۇپيالاردى جانە زاڭمەن قورعالاتىن وزگە دە قۇپيانى قۇرايتىن مالىمەتتەردى جاريا ەتكەن;

      13) ەگەر تارتىپتىك جازاسى بار قىزمەتكەر ەڭبەك مىندەتتەرىن دالەلدى سەبەپسىز قايتالاپ ورىنداماعان نەمەسە قايتالاپ تيىسىنشە ورىنداماعان;

      14) قازاقستان رەسپۋبليكاسىنىڭ زاڭدارىندا بەلگىلەنگەن جاعدايلاردا قىزمەتكەردىڭ مەملەكەتتىك قۇپيالارعا جىبەرىلۋ رۇقساتى توقتاتىلعان;

      15) ەڭبەك شارتىن جاساسۋ نە باسقا جۇمىسقا اۋىستىرۋ كەزىندە تۇپنۇسقا قۇجاتتار نەمەسە مالىمەتتەر ەڭبەك شارتىن جاساسۋدان نەمەسە باسقا جۇمىسقا اۋىسۋدان باس تارتۋعا نەگىز بولاتىن جاعدايدا، قىزمەتكەر جۇمىس بەرۋشىگە كورىنەۋ جالعان قۇجاتتار نەمەسە مالىمەتتەر ۇسىنعان;

      16) جۇمىس بەرۋشىنىڭ اتقارۋشى ورگانى باسشىسىنىڭ، ونىڭ ورىنباسارىنىڭ نە جۇمىس بەرۋشى بولىمشەسى باسشىسىنىڭ ەڭبەك مىندەتتەرىن بۇزۋى جۇمىس بەرۋشىگە ماتەريالدىق زالال كەلتىرۋگە اكەپ سوققان;

      17) قىزمەتكەر جۇكتىلىگى جانە بوسانۋى بويىنشا دەمالىستا بولعان، سونداي-اق ەگەر اۋرۋ دەنساۋلىق ساقتاۋ سالاسىنداعى ۋاكىلەتتى مەملەكەتتىك ورگان بەكىتەتىن ەڭبەككە جارامسىزدىقتىڭ اناعۇرلىم ۇزاق مەرزىمى بەلگىلەنگەن اۋرۋلار تىزبەسىنە ەنگىزىلگەن جاعدايلاردى قوسپاعاندا، قىزمەتكەر ەڭبەككە ۋاقىتشا جارامسىزدىعى سالدارىنان قاتارىنان ەكى ايدان استام ۋاقىت جۇمىسقا شىقپاعان جاعدايلاردا بۇزىلۋى مۇمكىن.

      وندىرىستىك جاراقات الۋىنا نەمەسە كاسىپتىك اۋرۋعا شالدىعۋىنا بايلانىستى ەڭبەككە قابىلەتتىلىگىنەن ايرىلعان قىزمەتكەردىڭ جۇمىس ورنى (لاۋازىمى) ەڭبەككە قابىلەتتىلىگى قالپىنا كەلگەنگە دەيىن نەمەسە مۇگەدەكتىك بەلگىلەنگەنگە دەيىن ساقتالادى;

      18) قىزمەتكەر سوت اكتىسىنە سايكەس ودان ءارى جۇمىس ىستەۋ مۇمكىندىگىن جوياتىن سىبايلاس جەمقورلىق قۇقىق بۇزۋشىلىق جاساعان;

      19) سوتتىڭ ەرەۋىلدى زاڭسىز دەپ تانۋ تۋرالى نە ەرەۋىلدى توقتاتا تۇرۋ تۋرالى شەشىمىن قىزمەتكەردىڭ نازارىنا جەتكىزگەننەن كەيىن ول ەرەۋىلگە قاتىسۋدى جالعاستىرعان جاعدايلاردا بۇزىلۋى مۇمكىن.

      2. وسى كودەكستە قىزمەتكەرلەردىڭ جەكەلەگەن ساناتتارى ءۇشىن جۇمىس بەرۋشىنىڭ باستاماسى بويىنشا ەڭبەك شارتتارىن بۇزۋدىڭ قوسىمشا نەگىزدەرى كوزدەلگەن.

      ەسكەرتۋ. 54-باپقا وزگەرىستەر ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى); 29.09.2014 N 239-V (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi) زاڭدارىمەن.
55-باپ. جۇمىس بەرۋشىنىڭ باستاماسى بويىنشا ەڭبەك شارتىن بۇزۋ مۇمكىندىكتەرىن شەكتەۋ

وسى كودەكستىڭ 54-بابى 1-تارماعىنىڭ 1) جانە 17) تارماقشالارىندا كوزدەلگەن جاعدايلاردى قوسپاعاندا، قىزمەتكەردىڭ ۋاقىتشا ەڭبەككە قابىلەتسىزدىك كەزەڭىندە جانە جىل سايىنعى اقىلى ەڭبەك دەمالىسىندا جۇرگەن كەزەڭىندە ەڭبەك شارتىن جۇمىس بەرۋشىنىڭ باستاماسى بويىنشا بۇزۋعا جول بەرىلمەيدى.

      ەسكەرتۋ. 55-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
56-باپ. جۇمىس بەرۋشىنىڭ باستاماسى بويىنشا ەڭبەك شارتىن بۇزۋ ءتارتىبى

1. ەگەر ەڭبەك شارتىندا، ۇجىمدىق شارتتا ەسكەرتۋدىڭ اناعۇرلىم ۇزاق مەرزىمى بەلگىلەنبەسە، جۇمىس بەرۋشى وسى كودەكستىڭ 54-بابى 1-تارماعىنىڭ 1) جانە 2) تارماقشالارىندا كوزدەلگەن نەگىزدەر بويىنشا ەڭبەك شارتىن بۇزاتىنى تۋرالى قىزمەتكەرگە ءبىر اي بۇرىن جازباشا ەسكەرتۋگە مىندەتتى. قىزمەتكەردىڭ جازباشا كەلىسىمىمەن ەڭبەك شارتىن بۇزۋ ەسكەرتۋ مەرزىمى اياقتالعانعا دەيىن جۇرگىزىلۋى مۇمكىن.

      2. كاسىپتىك وداقتىڭ مۇشەسى بولىپ تابىلاتىن قىزمەتكەرلەرمەن وسى كودەكستىڭ 54-بابى 1-تارماعىنىڭ 2), 3) تارماقشالارىندا كوزدەلگەن نەگىزدەر بويىنشا ەڭبەك شارتىن بۇزۋ، سونداي-اق وسى كودەكستىڭ 59-بابى 1-تارماعىنىڭ 2) تارماقشاسىنا سايكەس ەڭبەك شارتىن توقتاتۋ ۇجىمدىق شارتتا كوزدەلگەن تارتىپپەن، وسى ۇيىمنىڭ كاسىپتىك وداعى ورگانىنىڭ دالەلدى پىكىرىن ەسكەرە وتىرىپ جۇرگىزىلەدى.

      2-1. جۇمىس بەرۋشى مەن قىزمەتكەرلەر وكىلدەرىنىڭ تەڭ سانىنان قۇرىلعان كوميسسيانىڭ وڭ شەشىمى بولماسا، وسى كودەكستىڭ 54-بابى 1-تارماعىنىڭ 2) جانە 3) تارماقشالارىندا كوزدەلگەن نەگىزدەر بويىنشا 55 جاستان باستاپ جانە زەينەتكەرلىك جاسقا تولعانعا دەيىنگى جاستاعى قىزمەتكەرلەرمەن ەڭبەك شارتىن بۇزۋعا جول بەرىلمەيدى.

      كوميسسيانى قۇرۋ ءتارتىبى ۇجىمدىق شارتتا، ال ول بولماعان جاعدايدا، جۇمىس بەرۋشىنىڭ قىزمەتكەرلەر وكىلدەرىنىڭ كەلىسۋى بويىنشا شىعارىلعان اكتىسىندە ايقىندالادى.

      3. وسى كودەكستىڭ 54-بابى 1-تارماعىنىڭ 4) تارماقشاسىنا سايكەس ەڭبەك شارتىن بۇزۋ ءۇشىن قىزمەتكەردىڭ وسى جۇمىستى جالعاستىرۋىنا كەدەرگى كەلتىرەتىن دەنساۋلىق جاعدايى سالدارىنان اتقاراتىن لاۋازىمىنا نەمەسە ورىندايتىن جۇمىسىنا سايكەس كەلمەۋى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن مەديتسينالىق قورىتىندىمەن راستالعان بولۋعا ءتيىس.

      4. ەڭبەك شارتىن وسى كودەكستىڭ 54-بابى 1-تارماعىنىڭ 6) - 13) جانە 16) تارماقشالارىندا كوزدەلگەن نەگىزدەر بويىنشا بۇزۋ وسى كودەكستىڭ 73-بابىندا كوزدەلگەن تارتىپتىك جازالار قولدانۋ ءتارتىبى جانە 74-بابىنىڭ تالاپتارى ساقتالا وتىرىپ جۇرگىزىلەدى.

      5. ەڭبەك شارتى وسى كودەكستىڭ 54-بابى 1-تارماعىنىڭ 2) - 4) تارماقشالارىندا كوزدەلگەن نەگىزدەر بويىنشا بۇزىلعان كەزدە، قىزمەتكەر كەلىسكەن جاعدايدا جۇمىس بەرۋشى ونى باسقا جۇمىسقا اۋىستىرۋ شارالارىن قابىلداۋعا ءتيىس.

      6. ەگەر قازاقستان رەسپۋبليكاسىنىڭ زاڭدارىندا وزگەشە بەلگىلەنبەسە، قىزمەتكەر بىلىكتىلىگىنىڭ جەتكىلىكسىزدىگى سالدارىنان اتقاراتىن لاۋازىمىنا نەمەسە ورىندايتىن جۇمىسىنا سايكەس كەلمەگەندىكتەن، جۇمىس بەرۋشىنىڭ باستاماسى بويىنشا وسى كودەكستىڭ 54-بابى 1-تارماعىنىڭ 3) تارماقشاسىنا سايكەس ەڭبەك شارتىن بۇزۋ اتتەستاتسيالىق كوميسسيانىڭ شەشىمىنە نەگىزدەلۋگە ءتيىس، ونىڭ قۇرامىنا قىزمەتكەرلەر وكىلى قاتىسۋعا ءتيىس.

      قىزمەتكەرلەردى اتتەستاتتاۋ ءتارتىبى، تالاپتارى مەن كەزەڭدىلىگى ۇجىمدىق شارتتا، ال ول جوق بولعان جاعدايدا قىزمەتكەرلەردىڭ وكىلدەرىمەن كەلىسىم بويىنشا شىعارىلعان جۇمىس بەرۋشىنىڭ اكتىسىندە ايقىندالادى.

      7. قىزمەتكەردىڭ جۇمىستا وسى كودەكستىڭ 54-بابى 1-تارماعىنىڭ 7) تارماقشاسىندا كورسەتىلگەن جاي-كۇيدە بولۋى مەديتسينالىق قورىتىندىمەن راستالۋعا ءتيىس.

      قىزمەتكەردى مەديتسينالىق كۋالاندىرۋعا جىبەرۋ تۋرالى شەشىمدى جۇمىس بەرۋشى ۋاكىلەتتىك بەرگەن لاۋازىمدى تۇلعا قابىلدايدى.

      قىزمەتكەر مەديتسينالىق كۋالاندىرۋدان وتۋدەن باس تارتقان جاعدايدا ءتيىستى اكت جاسالادى.

      8. وسى كودەكستىڭ 54-بابى 1-تارماعىنىڭ 17) تارماقشاسىنا سايكەس ەڭبەك شارتىن بۇزۋعا، قىزمەتكەر ەڭبەككە جارامسىزدىعى پاراعىن ۇسىنعاننان كەيىن جول بەرىلەدى.

      ەسكەرتۋ. 56-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى), 21.06.2013 N 106-V (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭدارىمەن.
57-باپ. قىزمەتكەردىڭ باستاماسى بويىنشا ەڭبەك شارتىن بۇزۋ

1. وسى باپتىڭ 4-تارماعىندا كوزدەلگەن جاعدايلاردى قوسپاعاندا، قىزمەتكەر جۇمىس بەرۋشىگە كەمىندە ءبىر اي بۇرىن جازباشا ەسكەرتە وتىرىپ، ەڭبەك شارتىن ءوزىنىڭ باستاماسى بويىنشا بۇزۋعا قۇقىلى.

      2. ەڭبەك شارتى قىزمەتكەر مەن جۇمىس بەرۋشىنىڭ اراسىنداعى كەلىسىم بويىنشا وسى باپتىڭ 1-تارماعىندا كوزدەلگەن ەسكەرتۋ مەرزىمى اياقتالعانعا دەيىن بۇزىلۋى مۇمكىن.

      3. ەڭبەك شارتىن بۇزۋ جۇمىستى جالعاستىرۋ مۇمكىندىگىنىڭ بولماۋىنا بايلانىستى جاعدايلاردا، قىزمەتكەر ەڭبەك شارتىن وتىنىشتە كورسەتىلگەن مەرزىمدە بۇزۋ تۋرالى جۇمىس بەرۋشىگە جازباشا ەسكەرتەدى.

      4. قىزمەتكەر جۇمىس بەرۋشىنىڭ ەڭبەك شارتى تالاپتارىن ورىنداماعانى تۋرالى وعان جازباشا حابارلاۋعا قۇقىلى. ەگەر جازباشا حابارلانعان كۇننەن باستاپ جەتى كۇن مەرزىم وتكەن سوڭ جۇمىس بەرۋشىنىڭ ەڭبەك شارتى تالاپتارىن ورىنداماۋى جالعاسقان جاعدايدا، قىزمەتكەر ءۇش جۇمىس كۇنىنەن كەشىكتىرمەي جۇمىس بەرۋشىگە جازباشا ەسكەرتە وتىرىپ، ەڭبەك شارتىن بۇزۋعا قۇقىلى.

      5. قىزمەتكەر وسى باپتا كوزدەلگەن ەسكەرتۋ مەرزىمى ىشىندە ەڭبەك شارتىن بۇزۋ تۋرالى ءوتىنىشىن جازباشا نىساندا قايتارىپ الۋعا قۇقىلى.

      6. وسى باپتا كورسەتىلگەن ەسكەرتۋ مەرزىمى وتكەن سوڭ قىزمەتكەر جۇمىستى توقتاتۋعا قۇقىلى، ال جۇمىس بەرۋشى قىزمەتكەرگە ەڭبەك قىزمەتىنە بايلانىستى قۇجاتتار مەن وعان تيەسىلى اقشالاي تولەمدەردى بەرۋگە مىندەتتى.

      7. وسى كودەكستە قىزمەتكەرلەردىڭ جەكەلەگەن ساناتتارى ءۇشىن ەڭبەك شارتىن قىزمەتكەردىڭ باستاماسى بويىنشا بۇزۋدىڭ ەرەكشە ءتارتىبى كوزدەلەدى.

      ەسكەرتۋ. 57-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
58-باپ. تاراپتاردىڭ ەركىنەن تىس ءمان-جايلار بويىنشا ەڭبەك شارتىن توقتاتۋ نەگىزدەرى

      ەسكەرتۋ. تاقىرىپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.

       1. ەڭبەك شارتى تاراپتاردىڭ ەركىنەن تىس مىنا ءمان-جايلار بويىنشا:

      1) الىپ تاستالدى - قر 27.06.2014 N 212-V (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi) زاڭىمەن;

      2) قىزمەتكەر نە جۇمىس بەرۋشى-جەكە تۇلعا ەڭبەك قاتىناستارىن جالعاستىرۋ مۇمكىندىگىن بولعىزبايتىن جازامەن سوتتالعان سوت ۇكىمى زاڭدى كۇشىنە ەنگەن كەزدە;

      2-1) جەرگىلىكتى اتقارۋشى ورگاندار شەتەلدىك جۇمىس كۇشىن تارتۋعا رۇقساتتى قايتارىپ العان كەزدە;

      3) قىزمەتكەر نە جۇمىس بەرۋشى-جەكە تۇلعا قايتىس بولعان جاعدايدا، سونداي-اق سوت قىزمەتكەردى نە جۇمىس بەرۋشى - جەكە تۇلعانى قايتىس بولدى دەپ جاريالاعان نەمەسە حابارسىز كەتتى دەپ تانىعان جاعدايدا;

      4) سوت قىزمەتكەردى ارەكەتكە قابىلەتسىز نەمەسە ارەكەتكە قابىلەتى شەكتەۋلى دەپ تانىعان، سونىڭ سالدارىنان قىزمەتكەردىڭ بۇرىنعى جۇمىسىن جالعاستىرۋعا مۇمكىندىگى بولمايتىن جاعدايدا;

      5) بۇرىن وسى جۇمىستى اتقارعان قىزمەتكەر جۇمىسىنا قايتا الىنعان جاعدايدا توقتاتىلۋعا ءتيىس.

      2. سوت ۇكىمىنىڭ، شەشىمىنىڭ زاڭدى كۇشىنە ەنگەن كۇنى نەمەسە قىزمەتكەردىڭ قايتىس بولعان كۇنى وسى باپتىڭ 1-تارماعىنىڭ 2) - 4) تارماقشالارىندا كورسەتىلگەن نەگىزدەر بويىنشا ەڭبەك شارتىنىڭ توقتاتىلعان كۇنى بولىپ تابىلادى.

      ەسكەرتۋ. 58-باپقا وزگەرىستەر ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى); 27.06.2014 N 212-V (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi) زاڭدارىمەن.
59-باپ. قىزمەتكەر ەڭبەك قاتىناستارىن جالعاستىرۋدان باس تارتقان كەزدە ەڭبەك شارتىن توقتاتۋ نەگىزدەرى

      ەسكەرتۋ. تاقىرىپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.

       1. قىزمەتكەر ەڭبەك قاتىناستارىن جالعاستىرۋدان باس تارتقان كەزدە قىزمەتكەرمەن ەڭبەك شارتى:

      1) قىزمەتكەر جۇمىس بەرۋشىمەن بىرگە باسقا جەرگە جۇمىسقا اۋىسۋدان باس تارتقان;

      2) ەڭبەك جاعدايلارىنىڭ وزگەرۋىنە بايلانىستى قىزمەتكەر جۇمىستى جالعاستىرۋدان باس تارتقان;

      3) جۇمىس بەرۋشى - زاڭدى تۇلعا قايتا قۇرىلعان كەزدە قىزمەتكەر جۇمىستى جالعاستىرۋدان باس تارتقان;

      4) ەڭبەك مىندەتتەرىن اتقارۋعا بايلانىستى وندىرىستىك جاراقات العان، كاسىپتىك اۋرۋعا شالدىققان نەمەسە دەنساۋلىعىنا وندىرىسكە بايلانىستى ەمەس وزگە دە زاقىم كەلگەن كەزدە قىزمەتكەر ۋاقىتشا باسقا جۇمىسقا اۋىسۋدان باس تارتقان جاعدايلاردا توقتاتىلۋعا جاتادى.

      2. قىزمەتكەر ەڭبەك قاتىناستارىن جالعاستىرۋدان جازباشا تۇردە باس تارتقان كەزدە عانا ەڭبەك شارتىن توقتاتۋعا جول بەرىلەدى.

      3. قىزمەتكەردىڭ ۋاقىتشا ەڭبەككە قابىلەتسىز بولۋى (ونىڭ ىشىندە جۇكتىلىگى جانە بوسانۋى بويىنشا) جانە دەمالىسى كەزەڭىندە وسى باپتىڭ 1-تارماعىندا كورسەتىلگەن ءمان-جايلار بويىنشا ەڭبەك شارتىن توقتاتۋعا جول بەرىلمەيدى.

      ەسكەرتۋ. 59-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
60-باپ. قىزمەتكەردىڭ سايلانبالى جۇمىسقا (لاۋازىمعا) اۋىسۋىنا نەمەسە ونىڭ لاۋازىمعا تاعايىندالۋىنا بايلانىستى ەڭبەك شارتىن بۇزۋ

ەگەر قازاقستان رەسپۋبليكاسىنىڭ زاڭدارىندا وسىنداي لاۋازىمداردى اتقاراتىن ادامدارعا اقى تولەنەتىن وزگە لاۋازىمداردا ىستەۋگە تىيىم سالۋ بەلگىلەنگەن بولسا، قىزمەتكەردىڭ سايلانبالى جۇمىسقا (لاۋازىمعا) اۋىسۋىنا نەمەسە لاۋازىمعا تاعايىندالۋىنا بايلانىستى ونىمەن ەڭبەك شارتى بۇزىلادى.

قىزمەتكەردىڭ جۇمىس بەرۋشىنى حاباردار ەتۋى جانە قىزمەتكەردىڭ جۇمىسقا (لاۋازىمعا) سايلانۋ نەمەسە تاعايىندالۋ اكتىسى نەگىز بولىپ تابىلادى.

61-باپ. ەڭبەك شارتىن جاساسۋ تالاپتارىنىڭ بۇزىلۋى سالدارىنان ەڭبەك شارتىن توقتاتۋ نەگىزدەرى

      ەسكەرتۋ. تاقىرىپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.

       1. ەگەر ەڭبەك شارتىن جاساسۋ تالاپتارىن بۇزۋ ەڭبەك قاتىناستارىن جالعاستىرۋ مۇمكىندىگىن بولعىزباسا:

      1) مەديتسينالىق قورىتىندى نەگىزىندە قىزمەتكەردىڭ دەنساۋلىق جاعدايىنا قايشى كەلەتىن جۇمىستى اتقارۋعا ەڭبەك شارتى جاسالعان;

      2) ادامدى بەلگىلى ءبىر لاۋازىمداردى نەمەسە بەلگىلى ءبىر قىزمەتتى اتقارۋ قۇقىعىنان ايىرعان زاڭدى كۇشىنە ەنگەن سوت ۇكىمىن نەمەسە شەشىمىن بۇزا وتىرىپ جۇمىستى ورىنداۋعا ەڭبەك شارتى جاسالعان;

      3) بەلگىلەنگەن تارتىپپەن شەتەلدىك جۇمىس كۇشىن تارتۋعا رۇقسات الماي نەمەسە قازاقستان رەسپۋبليكاسىنىڭ زاڭدارىندا بەلگىلەنگەن شەكتەۋلەردى نەمەسە الىپ تاستاۋلاردى ساقتاماي، شەتەلدىك ازاماتتارمەن جانە ازاماتتىعى جوق ادامدارمەن ەڭبەك شارتى جاسالعان;

      3-1) وسى كودەكستiڭ 26-بابىنىڭ 2-تارماعىندا اتالعان اداممەن ەڭبەك شارتى جاسالعان;

      3-2) وسى كودەكستىڭ 26-بابىنىڭ 3-تارماعىندا اتالعان اداممەن ەڭبەك شارتى جاسالعان;

      4) قازاقستان رەسپۋبليكاسىنىڭ زاڭدارىندا كوزدەلگەن باسقا دا جاعدايلاردا ەڭبەك شارتىن جاساسۋ تالاپتارىنىڭ بۇزىلۋى سالدارىنان ەڭبەك شارتى توقتاتىلۋعا ءتيىس.

      2. ەگەر قىزمەتكەردى ونىڭ كەلىسىمىمەن جۇمىس بەرۋشىدە بار باسقا، ورىنداۋ ءۇشىن قىزمەتكەرگە شەكتەۋ قويىلمايتىن جۇمىسقا اۋىستىرۋ مۇمكىندىگى بولماسا، وسى باپتىڭ 1-تارماعىنىڭ 1) - 2) تارماقشالارىندا كوزدەلگەن نەگىزدەر بويىنشا ەڭبەك شارتىن توقتاتۋعا جول بەرىلەدى. قىزمەتكەر باسقا جۇمىسقا اۋىسۋعا كەلىسىم بەرگەن كەزدە، ەڭبەك شارتىنا ءتيىستى وزگەرىستەر ەنگىزىلەدى.

      3. ەڭبەك شارتى وسى باپتىڭ 1-تارماعىنىڭ 1) تارماقشاسىندا كوزدەلگەن جاعدايدا توقتاتىلعان كەزدە، جۇمىس بەرۋشى قىزمەتكەرگە ءۇش ايداعى ورتاشا جالاقىسى مولشەرىندە وتەماقى تولەمىن جۇرگىزەدى.

      ەسكەرتۋ. 61-باپقا وزگەرىس ەنگىزىلدى - قر 2010.12.29 N 371-IV (العاشقى رەسمي جاريالانعانىنان كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi), 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭدارىمەن.
62-باپ. ەڭبەك شارتىنىڭ توقتاتىلۋىن رەسىمدەۋ

1. جۇمىس بەرۋشى - جەكە تۇلعا قايتىس بولعان (سوت قايتىس بولدى دەپ حابارلاعان نەمەسە حابارسىز كەتتى دەپ تانىعان) جاعدايدا ەڭبەك شارتىنىڭ توقتاتىلۋىن جانە ءۇي قىزمەتكەرلەرىمەن ەڭبەك شارتىنىڭ توقتاتىلۋىن قوسپاعاندا، ەڭبەك شارتىنىڭ توقتاتىلۋى جۇمىس بەرۋشىنىڭ اكتىسىمەن رەسىمدەلەدى.

2. جۇمىس بەرۋشىنىڭ اكتىسىندە وسى كودەكسكە سايكەس ەڭبەك شارتىن توقتاتۋدىڭ نەگىزى كورسەتىلۋگە ءتيىس.

3. وسى كودەكستە كوزدەلگەن جاعدايلاردى قوسپاعاندا، جۇمىستىڭ سوڭعى كۇنى ەڭبەك شارتىنىڭ توقتاتىلعان كۇنى بولىپ تابىلادى.

4. جۇمىس بەرۋشىنىڭ ەڭبەك شارتىن توقتاتۋ تۋرالى اكتىسىنىڭ كوشىرمەسى ءۇش كۇن مەرزىمدە قىزمەتكەرگە تاپسىرىلادى نە وعان حابارلامالى حاتپەن جىبەرىلەدى.

63-باپ. ەڭبەك كىتاپشاسىن جانە ەڭبەك قىزمەتىنە بايلانىستى قۇجاتتاردى بەرۋ

1. جۇمىس بەرۋشى ەڭبەك شارتى توقتاتىلعان كۇنى قىزمەتكەرگە ەڭبەك كىتاپشاسىن نەمەسە قىزمەتكەردىڭ ەڭبەك قىزمەتىن راستايتىن وزگە دە قۇجاتتى بەرۋگە مىندەتتى.

ەڭبەك شارتى توقتاتىلعان كۇنى ەڭبەك كىتاپشاسىن قىزمەتكەردىڭ بولماۋىنا نە ونى الۋدان باس تارتۋىنا بايلانىستى بەرۋ مۇمكىن بولماعان جاعدايدا، جۇمىس بەرۋشى ون جۇمىس كۇنى ىشىندە قىزمەتكەرگە ەڭبەك كىتاپشاسىن الۋعا كەلۋىنىڭ قاجەتتىلىگى تۋرالى نەمەسە ونى پوشتامەن جىبەرۋگە ونىڭ كەلىسىم بەرۋى تۋرالى حابارلاما جىبەرۋگە مىندەتتى.

2. جۇمىس بەرۋشى قىزمەتكەردىڭ (ونىڭ ىشىندە بۇرىنعى قىزمەتكەردىڭ) تالاپ ەتۋى بويىنشا ءوتىنىش بەرىلگەن كەزدەن باستاپ بەس جۇمىس كۇنى ىشىندە ونىڭ ماماندىعىن (بىلىكتىلىگىن، لاۋازىمىن), جۇمىس ىستەگەن ۋاقىتىن جانە جالاقى مولشەرىن كورسەتە وتىرىپ، انىقتامانى، قىزمەتكەردىڭ بىلىكتىلىگى جانە ونىڭ جۇمىسقا كوزقاراسى تۋرالى مالىمەتتەردى قامتيتىن مىنەزدەمە-ۇسىنىمدى، سونداي-اق وسى كودەكستە كوزدەلگەن باسقا دا قۇجاتتاردى بەرۋگە مىندەتتى.

3. جۇمىس بەرۋشى - زاڭدى تۇلعا تاراتىلعان، بانكروتتىققا ۇشىراعان، جۇمىس بەرۋشى - جەكە تۇلعا قىزمەتىن توقتاتقان كەزدە جۇمىس بەرۋشى، قىزمەتكەردىڭ الدىندا بەرەشەگى بولسا، جالاقى جانە وزگە دە تولەمدەر بويىنشا جيناقتالعان بەرەشەكتىڭ مولشەرى تۋرالى ءتيىستى تۇردە رەسىمدەلگەن انىقتاما بەرۋگە مىندەتتى.

      ەسكەرتۋ. 63-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.

5-تاراۋ. قىزمەتكەردىڭ دەربەس دەرەكتەرىن جيناۋ، وڭدەۋ جانە قورعاۋ

      ەسكەرتۋ. 5-تاراۋدىڭ تاقىرىبى جاڭا رەداكتسيادا - قر 21.05.2013 № 95-V (العاشقى رەسمي جاريالانعانىنان كەيiن التى اي وتكەن سوڭ قولدانىسقا ەنگiزiلەدi) زاڭىمەن.

64-باپ. قىزمەتكەردىڭ جەكە دەرەكتەرى، ولاردى وڭدەۋ

      ەسكەرتۋ. 64-باپ الىپ تاستالدى - قر 21.05.2013 № 95-V (العاشقى رەسمي جاريالانعانىنان كەيiن التى اي وتكەن سوڭ قولدانىسقا ەنگiزiلەدi) زاڭىمەن.

65-باپ. جۇمىس بەرۋشىنىڭ قىزمەتكەردىڭ دەربەس دەرەكتەرىن جيناۋ، وڭدەۋ جانە قورعاۋ جونىندەگى مىندەتتەرى

جۇمىس بەرۋشى:

      1) قازاقستان رەسپۋبليكاسىنىڭ دەربەس دەرەكتەر جانە ولاردى قورعاۋ تۋرالى زاڭناماسىنا سايكەس قىزمەتكەردىڭ دەربەس دەرەكتەرىن جيناۋدى، وڭدەۋدى جانە قورعاۋدى قامتاماسىز ەتۋگە;

      2) قازاقستان رەسپۋبليكاسىنىڭ زاڭدارىن جانە وزگە دە نورماتيۆتىك قۇقىقتىق اكتىلەرىن ساقتاۋدى قامتاماسىز ەتۋ، قىزمەتكەردىڭ جۇمىسقا ورنالاسۋىنا، وقۋىنا جانە قىزمەتتە جوعارىلاۋىنا جاردەمدەسۋ، قىزمەتكەردىڭ جەكە قاۋىپسىزدىگىن قامتاماسىز ەتۋ ماقساتىندا قىزمەتكەردىڭ دەربەس دەرەكتەرىن جيناۋدى، وڭدەۋدى جانە قورعاۋدى جۇزەگە اسىرۋعا;

      3) قىزمەتكەردىڭ وڭدەلەتىن دەربەس دەرەكتەرىنىڭ كولەمى مەن مازمۇنىن ايقىنداۋ كەزىندە قازاقستان رەسپۋبليكاسىنىڭ كونستيتۋتسياسىن, وسى كودەكستى جانە قازاقستان رەسپۋبليكاسىنىڭ وزگە دە زاڭدارىن باسشىلىققا الۋعا;

      4) قىزمەتكەردىڭ ءوزى نە قىزمەتكەرگە الدىن الا حابارلاعان جانە ونىڭ كەلiسiمiن العان ۋاكiلەتتi مەملەكەتتiك ورگاندار ۇسىنعان دەربەس دەرەكتەردى وڭدەۋگە;

      5) قازاقستان رەسپۋبليكاسىنىڭ دەربەس دەرەكتەر جانە ولاردى قورعاۋ تۋرالى زاڭناماسىنا سايكەس قىزمەتكەردىڭ تالاپ ەتۋى بويىنشا قىزمەتكەردىڭ دەربەس دەرەكتەرىنە وزگەرىستەر مەن تولىقتىرۋلار ەنگىزۋگە;

      6) قازاقستان رەسپۋبليكاسىنىڭ دەربەس دەرەكتەر جانە ولاردى قورعاۋ تۋرالى زاڭناماسىندا بەلگىلەنگەن تالاپتاردى ساقتاي وتىرىپ، قىزمەتكەردىڭ دەربەس دەرەكتەرىن ساقتاۋ ءتارتىبىن قامتاماسىز ەتۋگە;

      7) قازاقستان رەسپۋبليكاسىنىڭ زاڭناماسىنا سايكەس قىزمەتكەردىڭ دەربەس دەرەكتەرىن جيناۋ، وڭدەۋ جانە قورعاۋ ءتارتىبىن بەلگىلەيتىن جۇمىس بەرۋشىنىڭ اكتىسىمەن تانىستىرۋدى قامتاماسىز ەتۋگە;

      8) وسى كودەكستە جانە قازاقستان رەسپۋبليكاسىنىڭ وزگە دە زاڭدارىندا كوزدەلگەن جاعدايلاردى قوسپاعاندا، قىزمەتكەردىڭ دەربەس دەرەكتەرىن قىزمەتكەردىڭ جازباشا كەلىسىمىنسىز ءۇشىنشى تۇلعاعا حابارلاماۋعا;

      9) قىزمەتكەردىڭ دەربەس دەرەكتەرىنە قول جەتكىزۋگە ارنايى ۋاكىلەتتىك بەرىلگەن ادامدارعا عانا رۇقسات ەتۋگە مىندەتتى. بۇل رەتتە اتالعان ادامداردىڭ قىزمەتكەردىڭ ناقتى فۋنكتسيالاردى ورىنداۋ ءۇشىن قاجەت دەربەس دەرەكتەرىن عانا الۋ قۇقىعى بولۋعا جانە ولار قۇپيالىلىق رەجىمىن ساقتاۋعا ءتيىس;

      10) قازاقستان رەسپۋبليكاسىنىڭ دەربەس دەرەكتەر جانە ولاردى قورعاۋ تۋرالى زاڭناماسىندا بەلگىلەنگەن تالاپتارعا سايكەس قىزمەتكەردىڭ دەربەس دەرەكتەرىن ۇيىمنىڭ شەگىندە تاراتۋدى جۇزەگە اسىرۋعا;

      11) قىزمەتكەردىڭ دەربەس دەرەكتەرىنە قول جەتكىزۋگە رۇقسات بەرىلگەن ادامداردى وسى دەرەكتەردى تەك بۇرىن مالىمدەلگەن ماقساتتاردا عانا پايدالانۋعا مىندەتتى ەكەندىگى جانە قازاقستان رەسپۋبليكاسىنىڭ زاڭدارىندا بەلگىلەنگەن جاعدايلاردى قوسپاعاندا، ولاردى ءۇشىنشى تۇلعالارعا بەرۋگە قۇقىلى ەمەس ەكەندىگى تۋرالى ەسكەرتۋگە مىندەتتى.

      جۇمىس بەرۋشىنىڭ:

      1) قىزمەتكەردەن ونىڭ ساياسي، دiني جانە وزگە دە سەنiمدەرi مەن جەكە ءومiرi تۋرالى اقپاراتتى تالاپ ەتۋگە;

      2) قىزمەتكەردەن ونىڭ قوعامدىق بiرلەستiكتەرگە، سونىڭ iشiندە كاسiپتiك وداقتارعا مۇشەلiگi نەمەسە ولارداعى قىزمەتi تۋرالى اقپاراتتى تالاپ ەتۋگە قۇقىعى جوق.

      ەسكەرتۋ. 65-باپ جاڭا رەداكتسيادا - قر 21.05.2013 № 95-V (العاشقى رەسمي جاريالانعانىنان كەيiن التى اي وتكەن سوڭ قولدانىسقا ەنگiزiلەدi) زاڭىمەن.
66-باپ. قىزمەتكەردىڭ جەكە دەرەكتەرىن ساقتاۋ

      ەسكەرتۋ. 66-باپ الىپ تاستالدى - قر 21.05.2013 № 95-V (العاشقى رەسمي جاريالانعانىنان كەيiن التى اي وتكەن سوڭ قولدانىسقا ەنگiزiلەدi) زاڭىمەن.

67-باپ. قىزمەتكەردىڭ جەكە دەرەكتەرىن بەرۋ

      ەسكەرتۋ. 67-باپ الىپ تاستالدى - قر 21.05.2013 № 95-V (العاشقى رەسمي جاريالانعانىنان كەيiن التى اي وتكەن سوڭ قولدانىسقا ەنگiزiلەدi) زاڭىمەن.

68-باپ. جۇمىس بەرۋشىدە ساقتالاتىن دەربەس دەرەكتەردىڭ قورعالۋىن قامتاماسىز ەتۋ ماقساتىنداعى قىزمەتكەردىڭ قۇقىقتارى

جۇمىس بەرۋشiدە ساقتالاتىن دەربەس دەرەكتەردىڭ قورعالۋىن قامتاماسىز ەتۋ ماقساتىندا قىزمەتكەردiڭ:

      1) قازاقستان رەسپۋبليكاسىنىڭ زاڭدارىندا كوزدەلگەن جاعدايلاردى قوسپاعاندا، قىزمەتكەردiڭ دەربەس دەرەكتەرiن قامتيتىن جازبالاردىڭ كوشiرمەلەرiن الۋ قۇقىعىن قوسا العاندا، ءوزiنiڭ دەربەس دەرەكتەرiنە وتەۋسىز قول جەتكىزۋگە;

      2) وسى كودەكستiڭ جانە قازاقستان رەسپۋبليكاسىنىڭ وزگە دە زاڭدارىنىڭ تالاپتارىن بۇزا وتىرىپ، جيناۋ جانە وڭدەۋ جۇزەگە اسىرىلعان دەربەس دەرەكتەرگە وزگەرىستەر مەن تولىقتىرۋلار ەنگىزۋدى، ولاردى بۇعاتتاۋدى، جويۋدى تالاپ ەتۋگە;

      3) بۇرىن قىزمەتكەردiڭ دەربەس دەرەكتەرi حابارلانعان ادامدارعا وسى دەرەكتەرگە جاسالعان وزگەرىستەر مەن تولىقتىرۋلار تۋرالى جۇمىس بەرۋشiنiڭ حابارلاۋىن تالاپ ەتۋگە;

      4) ءوزىنىڭ دەربەس دەرەكتەرىن جيناۋ، وڭدەۋ جانە قورعاۋ كەزىندە جۇمىس بەرۋشiنiڭ جول بەرگەن ءىس-ارەكەتتەرiنە (ارەكەتسiزدiگiنە) سوتقا شاعىم جاساۋعا قۇقىعى بار.

      ەسكەرتۋ. 68-باپ جاڭا رەداكتسيادا - قر 21.05.2013 № 95-V (العاشقى رەسمي جاريالانعانىنان كەيiن التى اي وتكەن سوڭ قولدانىسقا ەنگiزiلەدi) زاڭىمەن.

6-تاراۋ. ەڭبەك تارتىپتەمەسى. ەڭبەك ءتارتىبى

69-باپ. ەڭبەك تارتىپتەمەسىنىڭ ەرەجەلەرى

1. جۇمىس بەرۋشى ەڭبەك تارتىپتەمەسىنىڭ ەرەجەلەرىن قىزمەتكەرلەر وكىلدەرىمەن كەلىسە وتىرىپ بەكىتەدى.

2. ەڭبەك تارتىپتەمەسىنىڭ ەرەجەلەرىندە قىزمەتكەرلەردىڭ جۇمىس ۋاقىتى مەن تىنىعۋ ۋاقىتى، ەڭبەك ءتارتىبىن قامتاماسىز ەتۋدىڭ تالاپتارى، ەڭبەك قاتىناستارىن رەتتەۋدىڭ وزگە دە ماسەلەلەرى بەلگىلەنەدى.

3. قىزمەتكەرلەردىڭ جەكەلەگەن ساناتتارى ءۇشىن ەڭبەك تارتىپتەمەسى قازاقستان رەسپۋبليكاسىنىڭ زاڭدارىندا بەلگىلەنگەن تارتىپپەن بەكىتىلەتىن جارعىلاردا جانە ەرەجەلەردە رەتتەلەدى.

4. ەڭبەك تارتىپتەمەسىنىڭ ەرەجەلەرىن ورىنداۋ جۇمىس بەرۋشىلەر مەن قىزمەتكەرلەر ءۇشىن مىندەتتى بولىپ تابىلادى.

70-باپ. ەڭبەك ءتارتىبىن قامتاماسىز ەتۋ

ەڭبەك ءتارتىبىن جۇمىس بەرۋشى جەكە جانە ۇجىمدىق ەڭبەك ءۇشىن قاجەتتى ۇيىمداستىرۋشىلىق جانە ەكونوميكالىق جاعدايلار جاساۋ، قىزمەتكەرلەردىڭ ەڭبەككە سانالى كوزقاراسى ارقىلى، سەندىرۋ، ادال ەڭبەگى ءۇشىن كوتەرمەلەۋ ادىستەرىمەن، سونداي-اق تارتىپتىك تەرىس قىلىق جاساعان قىزمەتكەرلەرگە تارتىپتىك جازا قولدانۋ ارقىلى قامتاماسىز ەتەدى.

71-باپ. ەڭبەگى ءۇشىن كوتەرمەلەۋ

1. جۇمىس بەرۋشى قىزمەتكەرلەرگە ەڭبەكتەگى جەتىستىكتەرى ءۇشىن كوتەرمەلەۋدىڭ كەز كەلگەن ءتۇرىن قولدانۋعا قۇقىلى.

2. قىزمەتكەرلەردى كوتەرمەلەۋدىڭ تۇرلەرى مەن ولاردى قولدانۋدىڭ ءتارتىبى قازاقستان رەسپۋبليكاسىنىڭ زاڭناماسىندا, جۇمىس بەرۋشىنىڭ اكتىلەرىندە، ەڭبەك شارتىندا، ۇجىمدىق شارتتا ايقىندالادى.

72-باپ. تارتىپتىك جازالار

1. جۇمىس بەرۋشى قىزمەتكەردىڭ تارتىپتىك تەرىس قىلىق جاساعانى ءۇشىن:

1) ەسكەرتۋ;

2) سوگىس;

3) قاتاڭ سوگىس;

4) وسى كودەكستە بەلگىلەنگەن جاعدايلاردا ەڭبەك شارتىن جۇمىس بەرۋشىنىڭ باستاماسى بويىنشا بۇزۋ تۇرىندەگى تارتىپتىك جازا قولدانۋعا قۇقىلى.

2. وسى كودەكستە جانە قازاقستان رەسپۋبليكاسىنىڭ وزگە دە زاڭدارىندا كوزدەلمەگەن تارتىپتىك جازالاردى قولدانۋعا جول بەرىلمەيدى.

73-باپ. تارتىپتىك جازالاردى قولدانۋ جانە وعان شاعىم جاساۋ ءتارتىبى

1. جۇمىس بەرۋشى ءوزىنىڭ اكتىسىن شىعارۋ ارقىلى تارتىپتىك جازا قولدانادى.

      2. جۇمىس بەرۋشى تارتىپتىك جازانى قولدانعانعا دەيىن قىزمەتكەردەن جازباشا تۇسىنىكتەمە تالاپ ەتۋگە مىندەتتى. قىزمەتكەردىڭ جازباشا تۇسىنىكتەمە بەرۋدەن باس تارتۋى تارتىپتىك جازا قولدانۋعا كەدەرگى جاساي المايدى. قىزمەتكەر اتالعان تۇسىنىكتەمەنى بەرۋدەن باس تارتقان جاعدايدا ءتيىستى اكت جاسالادى.

      3. جۇمىس بەرۋشى تارتىپتىك جازانىڭ ءتۇرىن ايقىنداۋ كەزىندە جاسالعان تارتىپتىك تەرىس قىلىقتىڭ مازمۇنىن، سيپاتىن جانە اۋىرلىعىن، ونى جاساۋدىڭ ءمان-جايلارىن، قىزمەتكەردىڭ ونىڭ الدىنداعى جانە ودان كەيىنگى ءتارتىبىن، ەڭبەككە دەگەن كوزقاراسىن ەسكەرۋگە ءتيىس.

      4. ءاربىر تارتىپتىك تەرىس قىلىعى ءۇشىن قىزمەتكەرگە ءبىر تارتىپتىك جازا عانا قولدانىلا الادى.

      5. جۇمىس بەرۋشىنىڭ قىزمەتكەرگە تارتىپتىك جازا قولدانۋ تۋرالى اكتىسى:

      1) قىزمەتكەردىڭ ەڭبەككە ۋاقىتشا قابىلەتسىزدىگى;

      2) قىزمەتكەر مەملەكەتتىك نەمەسە قوعامدىق مىندەتتەر اتقارۋ ۋاقىتىنا جۇمىستان بوساتىلعان;

      3) قىزمەتكەر دەمالىستا نەمەسە ۆاحتاارالىق دەمالىستا بولعان;

      4) قىزمەتكەر ءىسساپاردا بولعان كەزەڭدە شىعارىلمايدى.

      6. تارتىپتىك جازا قولدانۋ تۋرالى اكت ول شىعارىلعان كۇنىنەن باستاپ ءۇش جۇمىس كۇنى ىشىندە تارتىپتىك جازاعا تارتىلعان قىزمەتكەرگە قولىن قويعىزىپ حابارلانادى. قىزمەتكەر جۇمىس بەرۋشىنىڭ اكتىسىمەن تانىسقانىن قول قويىپ راستاۋدان باس تارتقان جاعدايدا، تارتىپتىك جازا قولدانۋ تۋرالى اكتىدە ول تۋرالى ءتيىستى جازبا جاسالادى. قىزمەتكەردى جۇمىس بەرۋشىنىڭ تارتىپتىك جازا قولدانۋ تۋرالى اكتىسىمەن جەكە تانىستىرۋعا مۇمكىندىك بولماعان جاعدايدا جۇمىس بەرۋشى اكتىنى قىزمەتكەرگە حابارلامالى حاتپەن جىبەرۋگە مىندەتتى.

      7. قىزمەتكەر تارتىپتىك جازا جونىندە وسى كودەكستە بەلگىلەنگەن تارتىپپەن شاعىم جاساي الادى.

      ەسكەرتۋ. 73-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
74-باپ. تارتىپتىك جازالاردى بەلگىلەۋ مەرزىمى

1. وسى كودەكستىڭ 73-بابى 5-تارماعىندا جانە قازاقستان رەسپۋبليكاسىنىڭ باسقا دا زاڭدارىندا كوزدەلگەن جاعدايلاردى قوسپاعاندا، تارتىپتىك جازا قىزمەتكەرگە تارتىپتىك تەرىس قىلىق انىقتالعاننان كەيىن تىكەلەي، بىراق ول انىقتالعان كۇننەن باستاپ ءبىر ايدان كەشىكتىرىلمەي قولدانىلادى.

304-باپتا كوزدەلگەن جاعدايلاردا تارتىپتىك جازالار ەرەۋىلدى زاڭسىز دەپ تانۋ تۋرالى سوت شەشىمى زاڭدى كۇشىنە ەنگەن كۇننەن باستاپ ءبىر ايدان كەشىكتىرىلمەي قولدانىلادى.

2. تارتىپتىك جازانى - تارتىپتىك تەرىس قىلىق جاسالعان كۇننەن باستاپ التى ايدان اسقاننان كەيىن، ال قازاقستان رەسپۋبليكاسىنىڭ زاڭدارىندا بەلگىلەنگەن نەمەسە رەۆيزيا نەمەسە جۇمىس بەرۋشىنىڭ قارجى-شارۋاشىلىق قىزمەتىن تەكسەرۋ ناتيجەلەرى بويىنشا تارتىپتىك تەرىس قىلىعى انىقتالعان جاعدايلاردا قىزمەتكەر تارتىپتىك تەرىس قىلىق جاساعان كۇننەن باستاپ ءبىر جىلدان اسقاننان كەيىن قولدانۋعا بولمايدى. كورسەتىلگەن مەرزىمدەرگە قىلمىستىق ءىس بويىنشا ءىس جۇرگىزۋ ۋاقىتى كىرمەيدى.

3. قىزمەتكەردىڭ ەڭبەككە ۋاقىتشا قابىلەتسىزدىگىنە، مەملەكەتتىك نەمەسە قوعامدىق مىندەتتەر ورىنداۋ ءۇشىن جۇمىستان بوساتىلۋىنا، دەمالىستا، ءىسساپاردا بولۋىنا بايلانىستى جۇمىستا بولماعان ۋاقىتىندا تارتىپتىك جازا قولدانۋ مەرزىمىنىڭ بارىسى توقتاتىلا تۇرادى.

      ەسكەرتۋ. 74-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
75-باپ. تارتىپتىك جازانىڭ قولدانىلۋ مەرزىمى

1. وسى كودەكستىڭ 72-بابى 1-تارماعىنىڭ 4) تارماقشاسىندا كوزدەلگەن جاعدايدى قوسپاعاندا، تارتىپتىك جازانىڭ قولدانىلۋ مەرزىمى ول قولدانىلعان كۇننەن باستاپ التى ايدان اسپاۋعا ءتيىس. ەگەر وسى مەرزىم ىشىندە قىزمەتكەر جاڭا تارتىپتىك جازاعا تارتىلماسا، ونىڭ تارتىپتىك جازاسى جوق دەپ ەسەپتەلەدى.

2. قىزمەتكەرگە تارتىپتىك جازا قولدانعان جۇمىس بەرۋشى ءوزىنىڭ باستاماسىمەن، قىزمەتكەردىڭ نەمەسە ونىڭ تىكەلەي باسشىسىنىڭ وتىنۋىمەن، قىزمەتكەرلەر وكىلىنىڭ ءوتىنىشى بويىنشا تارتىپتىك جازانى مەرزىمىنەن بۇرىن الىپ تاستاۋعا قۇقىلى.

7-تاراۋ. جۇمىس ۋاقىتى

76-باپ. جۇمىس ۋاقىتى

1. ۇزاقتىعى قالىپتى، ۇزاقتىعى قىسقارتىلعان جانە تولىق ەمەس جۇمىس ۋاقىتى بولۋى مۇمكىن.

2. جۇمىس ۋاقىتىنا دايىندىق-قورىتىندى جۇمىستار (نارياد-تاپسىرما، ماتەريالدار، قۇرالدار الۋ، تەحنيكامەن، قۇجاتتامالارمەن تانىسۋ، جۇمىس ورنىن دايىنداۋ جانە جيناۋ، دايىن ءونىمدى تاپسىرۋ جانە باسقالار), ەڭبەك تەحنولوگياسىندا، ەڭبەكتى ۇيىمداستىرۋدا، ەڭبەكتى نورمالاۋ مەن قورعاۋ ەرەجەلەرىندە كوزدەلگەن ۇزىلىستەر، قىزمەتكەر ءوزىنىڭ ۋاقىتىنا ەركىن يەلىك ەتە المايتىن جۇمىس ورنىندا بولۋ نەمەسە جۇمىستى كۇتۋ ۋاقىتى، مەرەكە جانە دەمالىس كۇندەرىندەگى كەزەكشىلىكتەر، ۇيدەگى كەزەكشىلىك جانە ەڭبەك شارتىندا، ۇجىمدىق شارتتا، جۇمىس بەرۋشىنىڭ اكتىلەرىندە نە قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىندە ايقىندالاتىن باسقا دا كەزەڭدەر جاتادى.

77-باپ. جۇمىس ۋاقىتىنىڭ قالىپتى ۇزاقتىعى

1. جۇمىس ۋاقىتىنىڭ قالىپتى ۇزاقتىعى اپتاسىنا 40 ساعاتتان اسپاۋعا ءتيىس.

2. ەڭبەك شارتىندا، ۇجىمدىق شارتتا جۇمىس ۋاقىتىنىڭ قالىپتى ۇزاقتىعى ءۇشىن تولەنەتىندەي تولەماقىمەن ۇزاقتىعى از جۇمىس ۋاقىتى كوزدەلۋى مۇمكىن.

78-باپ. قىزمەتكەرلەردىڭ جەكەلەگەن ساناتتارى ءۇشىن جۇمىس ۋاقىتىنىڭ قىسقارتىلعان ۇزاقتىعى

1. ون سەگىز جاسقا تولماعان قىزمەتكەرلەر ءۇشىن جۇمىس ۋاقىتىنىڭ قىسقارتىلعان ۇزاقتىعى وسى كودەكستىڭ 181-بابىنا سايكەس بەلگىلەنەدى.

2. اۋىر جۇمىستاردا, ەڭبەك جاعدايلارى زياندى (ەرەكشە زياندى) جانە (نەمەسە) قاۋىپتى جۇمىستاردا ىستەيتىن قىزمەتكەرلەر ءۇشىن جۇمىس ۋاقىتىنىڭ قىسقارتىلعان ۇزاقتىعى وسى كودەكستىڭ 202-بابىنا سايكەس بەلگىلەنەدى.

3. ءبىرىنشى جانە ەكىنشى توپتارداعى مۇگەدەكتەر ءۇشىن جۇمىس ۋاقىتىنىڭ قىسقارتىلعان ۇزاقتىعى وسى كودەكستىڭ 224-بابىنا سايكەس بەلگىلەنەدى.

4. ەڭبەك شارتىندا، ۇجىمدىق شارتتا وسى باپتىڭ 1 - 3-تارماقتارىندا كورسەتىلگەننەن كەم جۇمىس ۋاقىتىنىڭ ۇزاقتىعى كوزدەلۋى مۇمكىن.

5. قىزمەتكەرلەرگە جۇمىس ۋاقىتىنىڭ قىسقارتىلعان ۇزاقتىعى بەلگىلەنگەن كەزدە ەڭبەككە اقى تولەۋ وسى كودەكسكە سايكەس جۇرگىزىلەدى.

79-باپ. تولىق ەمەس جۇمىس ۋاقىتى

وسى كودەكستە بەلگىلەنگەن قالىپتى ۇزاقتىقتان از ۋاقىت، ونىڭ ىشىندە:

تولىق ەمەس جۇمىس كۇنى، ياعني كۇندەلىكتى جۇمىس (جۇمىس اۋىسىمى) ۇزاقتىعىنىڭ نورماسىن ازايتۋ;

تولىق ەمەس جۇمىس اپتاسى، ياعني جۇمىس اپتاسىنداعى جۇمىس كۇندەرىنىڭ سانىن قىسقارتۋ;

ءبىر مەزگىلدە كۇندەلىكتى جۇمىس (جۇمىس اۋىسىمى) ۇزاقتىعىنىڭ نورماسىن ازايتۋ جانە جۇمىس اپتاسىنداعى جۇمىس كۇندەرىنىڭ سانىن قىسقارتۋ تولىق ەمەس جۇمىس ۋاقىتى بولىپ ەسەپتەلەدى.

80-باپ. تولىق ەمەس جۇمىس ۋاقىتىنداعى جۇمىس جاعدايلارى

1. ەڭبەك شارتىندا تاراپتاردىڭ كەلىسىمىمەن قىزمەتكەر ءۇشىن تولىق ەمەس جۇمىس ۋاقىتى بەلگىلەنۋى مۇمكىن.

2. تولىق ەمەس جۇمىس ۋاقىتى بەلگىلى نەمەسە بەلگىسىز مەرزىمگە بەلگىلەنەدى.

3. تولىق ەمەس جۇمىس ۋاقىتى جاعدايلارىندا جۇمىس ىستەۋ قىزمەتكەر ءۇشىن وسى كودەكستە، ەڭبەك شارتىندا، ۇجىمدىق شارتتا، كەلىسىمدەردەن بەلگىلەنگەن جىل سايىنعى اقىلى ەڭبەك دەمالىسىنىڭ ۇزاقتىعىن قانداي دا ءبىر شەكتەۋگە اكەپ سوقتىرمايدى.

81-باپ. جۇمىس اپتاسىنىڭ تۇرلەرى

1. قىزمەتكەرلەر ءۇشىن ەكى دەمالىس كۇنى بار بەس كۇندىك جۇمىس اپتاسى بەلگىلەنەدى. بەس كۇندىك جۇمىس اپتاسى كەزىندە كۇندەلىكتى جۇمىستىڭ (اۋىسىمنىڭ) ۇزاقتىعى جۇمىستىڭ ەرەكشەلىگى ەسكەرىلە جانە جۇمىس اپتاسىنىڭ بەلگىلەنگەن ۇزاقتىعى ساقتالا وتىرىپ، جۇمىس بەرۋشىنىڭ اكتىسىمەن ايقىندالادى.

2. ءوندىرىس سيپاتى مەن جۇمىس جاعدايلارى بويىنشا بەس كۇندىك جۇمىس اپتاسىن ەنگىزۋ قيسىنسىز بولاتىن ۇيىمداردا ءبىر دەمالىس كۇنى بار التى كۇندىك جۇمىس اپتاسى بەلگىلەنەدى.

3. جۇمىس بەرۋشى ەڭبەك شارتىنىڭ جانە (نەمەسە) ۇجىمدىق شارتتىڭ تالاپتارىنا سايكەس بەس كۇندىك نەمەسە التى كۇندىك جۇمىس اپتاسىن بەلگىلەيدى.

82-باپ. كۇندەلىكتى جۇمىستىڭ (جۇمىس اۋىسىمىنىڭ) ۇزاقتىعى

1. بەس كۇندىك جۇمىس اپتاسى كەزىندە كۇندەلىكتى جۇمىستىڭ (جۇمىس اۋىسىمىنىڭ) ۇزاقتىعى اپتالىق نورما 40 ساعات بولعاندا - 8 ساعاتتان، اپتالىق نورما 36 ساعات بولعاندا - 7 ساعات 12 مينۋتتان جانە اپتالىق نورما 24 ساعات بولعاندا 5 ساعاتتان اسپاۋعا ءتيىس.

2. التى كۇندىك جۇمىس اپتاسى كەزىندە كۇندەلىكتى جۇمىستىڭ (جۇمىس اۋىسىمىنىڭ) ۇزاقتىعى اپتالىق نورما 40 ساعات بولعاندا - 7 ساعاتتان، اپتالىق نورما 36 ساعات بولعاندا - 6 ساعاتتان جانە اپتالىق نورما 24 ساعات بولعاندا 4 ساعاتتان اسپاۋعا ءتيىس.

3. كۇندەلىكتى جۇمىستىڭ (جۇمىس اۋىسىمىنىڭ) ۇزاقتىعى، كۇندەلىكتى جۇمىستىڭ (جۇمىس اۋىسىمىنىڭ) باستالۋ جانە اياقتالۋ ۋاقىتى، جۇمىستاعى ۇزىلىستەر ۋاقىتى جۇمىس اپتاسىنىڭ بەلگىلەنگەن ۇزاقتىعى ساقتالا وتىرىپ، ۇيىمنىڭ ەڭبەك تارتىپتەمەسى ەرەجەلەرىمەن، ەڭبەك شارتىمەن، ۇجىمدىق شارتپەن بەلگىلەنەدى.

4. ونەر جانە مادەني دەمالىس كاسىپتىك ۇيىمدارىنىڭ شىعارماشىلىق قىزمەتكەرلەرى، بۇقارالىق اقپارات قۇرالدارىنىڭ قىزمەتكەرلەرى، سپورتشىلار، جاتتىقتىرۋشىلار ءۇشىن قازاقستان رەسپۋبليكاسىنىڭ ەڭبەك زاڭناماسىنا، جۇمىس بەرۋشىنىڭ اكتىلەرىنە، ۇجىمدىق شارتقا نەمەسە ەڭبەك شارتىنا سايكەس كۇندەلىكتى جۇمىستىڭ (جۇمىس اۋىسىمىنىڭ) وزگەشە ۇزاقتىعى بەلگىلەنۋى مۇمكىن.

83-باپ. كۇندەلىكتى جۇمىستى (جۇمىس اۋىسىمىن) بولىكتەرگە ءبولۋ

1. كۇندەلىكتى جۇمىستى (جۇمىس اۋىسىمىن) بولىكتەرگە بولۋگە:

1) جۇمىس قارقىندىلىعى ءارتۇرلى بولاتىن جۇمىستاردا;

2) ەگەر بۇل قىزمەتكەردىڭ الەۋمەتتىك-تۇرمىستىق جانە وزگە دە جەكە قاجەتتىلىكتەرىمەن بايلانىستى بولسا، ونىڭ باستاماسى بويىنشا جول بەرىلەدى.

2. كۇندەلىكتى جۇمىستى (جۇمىس اۋىسىمىن) بولىكتەرگە بولگەن كەزدە جۇمىس ۋاقىتىنىڭ جالپى ۇزاقتىعى كۇندەلىكتى جۇمىستىڭ (جۇمىس اۋىسىمىنىڭ) بەلگىلەنگەن ۇزاقتىعىنان اسپاۋعا ءتيىس.

3. كۇندەلىكتى جۇمىس (جۇمىس اۋىسىمى) بولىكتەرگە بولىنەتىن جۇمىس تۇرلەرى، جۇمىستاعى ۇزىلىستەردىڭ سانى مەن ۇزاقتىعى، سونداي-اق وسىنداي جاعدايلارى بار جۇمىس ءۇشىن قىزمەتكەرلەرگە تولەنەتىن وتەماقىلاردىڭ تۇرلەرى مەن مولشەرى ەڭبەك شارتىندا، ۇجىمدىق شارتتا بەلگىلەنەدى.

84-باپ. اۋىسىمدىق جۇمىس

1. وندىرىستىك پروتسەستىڭ ۇزاقتىعى نە جۇمىس بەرۋشىنىڭ وندىرىستىك قىزمەتىنىڭ رەجيمى كۇندەلىكتى جۇمىس ۇزاقتىعىنىڭ نورماسىنان اسىپ كەتكەن جاعدايلاردا اۋىسىمدىق جۇمىس بەلگىلەنۋى مۇمكىن.

2. اۋىسىمدىق جۇمىس كەزىندە جۇمىس اۋىسىمىنىڭ ۇزاقتىعى، ءبىر جۇمىس اۋىسىمىنان ەكىنشىسىنە ءوتۋ قىزمەتكەرلەر وكىلدەرىمەن كەلىسە وتىرىپ جۇمىس بەرۋشى بەكىتكەن اۋىسىم كەستەلەرىمەن بەلگىلەنەدى.

3. جۇمىس بەرۋشى اۋىسىم كەستەلەرىن قىزمەتكەرلەر نازارىنا وسى كەستەلەر قولدانىسقا ەنگىزىلگەنگە دەيىن ءبىر ايدان كەشىكتىرمەي جەتكىزەدى.

4. قىزمەتكەردى قاتارىنان ەكى جۇمىس اۋىسىمىندا جۇمىسقا تارتۋعا تىيىم سالىنادى.

85-باپ. يكەمدى جۇمىس ۋاقىتى رەجيمىندەگى جۇمىس

1. قىزمەتكەرلەردىڭ الەۋمەتتىك-تۇرمىستىق جانە جەكە قاجەتتىلىكتەرىن ءوندىرىس مۇددەلەرىمەن ۇيلەستىرۋ ماقساتىندا يكەمدى جۇمىس ۋاقىتى رەجيمى بەلگىلەنۋى مۇمكىن.

      2. يكەمدى جۇمىس ۋاقىتى رەجيمىنىڭ كەزىندە:

      1) تىركەلگەن جۇمىس ۋاقىتى;

      2) قىزمەتكەر سول ۋاقىت ىشىندە ەڭبەك مىندەتتەرىن ءوز قالاۋى بويىنشا اتقارۋعا قۇقىلى يكەمدى (اۋىسپالى) جۇمىس ۋاقىتى;

      3) ەسەپتىك كەزەڭ بەلگىلەنەدى.

      3. شەگىندە قىزمەتكەرلەردىڭ وسى ساناتى ءۇشىن بەلگىلەنگەن جۇمىس ۋاقىتى ۇزاقتىعىنىڭ ورتاشا نورماسى ساقتالۋعا ءتيىس كەزەڭ يكەمدى جۇمىس ۋاقىتى كەزەڭىندەگى ەسەپتىك كەزەڭ دەپ تانىلادى.

      4. يكەمدى جۇمىس ۋاقىتى كەزەڭىندەگى ەسەپتىك كەزەڭ ءبىر ايدان اسپاۋعا ءتيىس.

      5. يكەمدى جۇمىس ۋاقىتى كەزەڭىندەگى كۇندەلىكتى جۇمىستىڭ (جۇمىس اۋىسىمىنىڭ) جانە (نەمەسە) اپتا سايىنعى جۇمىس ۋاقىتىنىڭ ۇزاقتىعى كۇندەلىكتى جانە (نەمەسە) اپتا سايىنعى جۇمىس ۋاقىتى ۇزاقتىعىنىڭ نورماسىنان كوپ نەمەسە از بولۋى مۇمكىن.

      6. تىركەلگەن جۇمىس ۋاقىتىنىڭ، يكەمدى (اۋىسپالى) جۇمىس ۋاقىتىنىڭ ۇزاقتىعى، يكەمدى جۇمىس ۋاقىتى رەجيمىندەگى ەسەپتىك كەزەڭ ەڭبەك شارتىندا، ۇجىمدىق شارتتا بەلگىلەنەدى.

86-باپ. جۇمىس ۋاقىتىنىڭ جيىنتىق ەسەبى

1. جۇمىس ۋاقىتىنىڭ جيىنتىق ەسەبى ۇزدىكسىز جۇمىس ىستەيتىن وندىرىستەردە، تسەحتاردا، ۋچاسكەلەردە جانە ءوندىرىس (جۇمىس) جاعدايلارى بويىنشا قىزمەتكەرلەردىڭ وسى ساناتى ءۇشىن بەلگىلەنگەن جۇمىس ۋاقىتىنىڭ كۇندەلىكتى نەمەسە اپتا سايىنعى ۇزاقتىعى ساقتالا المايتىن جۇمىستاردىڭ كەيبىر تۇرلەرىندە قولدانىلادى.

2. شەگىندە قىزمەتكەرلەردىڭ وسى ساناتى ءۇشىن بەلگىلەنگەن كۇندەلىكتى جانە (نەمەسە) اپتا سايىنعى جۇمىس ۋاقىتى ۇزاقتىعىنىڭ نورماسى ورتاشا العاندا ساقتالۋعا ءتيىس كەزەڭ جۇمىس ۋاقىتىنىڭ جيىنتىق ەسەبى كەزىندەگى ەسەپتىك كەزەڭ دەپ تانىلادى.

3. كەز كەلگەن، بىراق ءبىر جىلدان اسپايتىن كۇنتىزبەلىك كەزەڭ نەمەسە بەلگىلى ءبىر جۇمىستى ورىنداۋ كەزەڭى جۇمىس ۋاقىتىنىڭ جيىنتىق ەسەبى كەزىندەگى ەسەپتىك كەزەڭ بولۋى مۇمكىن.

4. جۇمىس ۋاقىتىنىڭ جيىنتىق ەسەبىن بەلگىلەۋ كەزىندە جۇمىستىڭ اياقتالۋى مەن كەلەسى جۇمىس كۇنىنىڭ (جۇمىس اۋىسىمىنىڭ) باستالۋى اراسىنداعى قىزمەتكەردىڭ دەمالىس ۇزاقتىعىنىڭ ساقتالۋى مىندەتتى بولىپ تابىلادى.

5. جۇمىس ۋاقىتىنىڭ جيىنتىق ەسەبى كەزىندە جۇمىس ىستەۋ ءتارتىبى، جۇمىس ۋاقىتىنىڭ جيىنتىق ەسەبى بەلگىلەنەتىن قىزمەتكەرلەردىڭ ساناتتارى، قىزمەتكەرلەر وكىلدەرىنىڭ پىكىرى ەسكەرىلە وتىرىپ، ەڭبەك شارتىندا نەمەسە ۇجىمدىق شارتتا نە جۇمىس بەرۋشىنىڭ اكتىسىندە ايقىندالادى.

6. وسى كودەكستىڭ 183, 190, 225-باپتارىندا كوزدەلگەن جاعدايلاردا جۇمىس ۋاقىتىنىڭ جيىنتىق ەسەبىن قولدانۋعا جول بەرىلمەيدى.

87-باپ. تۇنگى ۋاقىتتاعى جۇمىس

1. 22 ساعاتتان باستاپ تاڭەرتەڭگى ساعات 6-عا دەيىنگى ۋاقىت تۇنگى ۋاقىت بولىپ ەسەپتەلەدى.

2. قىزمەتكەرلەردى تۇنگى ۋاقىتتاعى جۇمىسقا تارتۋ وسى كودەكستە بەلگىلەنگەن شەكتەۋلەر ساقتالا وتىرىپ جۇرگىزىلەدى.

88-باپ. ۇستەمە جۇمىسقا تارتۋدى شەكتەۋ

1. ۇستەمە جۇمىستارعا:

1) جۇكتى ايەلدەر;

2) ون سەگىز جاسقا تولماعان قىزمەتكەرلەر جىبەرىلمەيدى.

2. وسى كودەكستىڭ 90-بابىندا كوزدەلگەن جاعدايلاردى قوسپاعاندا، ۇستەمە جۇمىستارعا تارتۋعا قىزمەتكەردىڭ جازباشا كەلىسىمىمەن عانا جول بەرىلەدى.

89-باپ. ۇستەمە جۇمىستاردىڭ شەكتى سانى

1. ۇستەمە جۇمىستار ءاربىر قىزمەتكەر ءۇشىن تاۋلىك ىشىندە - ەكى ساعاتتان، ال اۋىر جۇمىستاردا, ەڭبەك جاعدايلارى زياندى (ەرەكشە زياندى) جانە (نەمەسە) قاۋىپتى جۇمىستاردا ءبىر ساعاتتان اسپاۋعا ءتيىس.

2. ۇستەمە جۇمىستاردىڭ جالپى ۇزاقتىعى ايىنا ون ەكى ساعاتتان جانە جىلىنا ءجۇز جيىرما ساعاتتان اسپاۋعا ءتيىس.

3. ۇستەمە جۇمىستاردىڭ شەكتى سانىن شەكتەۋ وسى كودەكستىڭ 90-بابىنىڭ 1) تارماقشاسىندا كوزدەلگەن جاعدايلارداعى جۇمىستارعا قولدانىلمايدى.

90-باپ. قىزمەتكەرلەردىڭ كەلىسىمىنسىز ۇستەمە جۇمىستارعا جول بەرىلەتىن ەرەكشە جاعدايلار

قىزمەتكەرلەردىڭ كەلىسىمىنسىز ۇستەمە جۇمىستارعا تەك قانا مىناداي جاعدايلاردا:

1) ەل قورعانىسى ءۇشىن، سونداي-اق توتەنشە جاعدايلاردى، دۇلەي ءزىلزالانى نەمەسە وندىرىستىك اۆاريانى بولدىرماۋ نە ولاردىڭ زارداپتارىن دەرەۋ جويۋ ءۇشىن قاجەتتى جۇمىستار جۇرگىزۋ كەزىندە;

2) سۋمەن جابدىقتاۋدىڭ، گازبەن جابدىقتاۋدىڭ، جىلۋمەن جابدىقتاۋدىڭ، ەنەرگيامەن جابدىقتاۋدىڭ جانە تىرشىلىكتى قامتاماسىز ەتۋدىڭ باسقا جۇيەلەرىنىڭ قالىپتى جۇمىس ىستەۋىن بۇزاتىن وزگە دە ءمان-جايلاردى جويۋ ءۇشىن;

3) ەگەر ءۇزىلىس جاساۋعا بولمايتىن جۇمىستا اۋىستىراتىن قىزمەتكەر كەلمەي قالعاندا، باسقا قىزمەتكەرمەن اۋىستىرۋ شاراسىن دەرەۋ قولدانا وتىرىپ، جۇمىستى جالعاستىرۋ ءۇشىن جول بەرىلەدى.

91-باپ. جۇمىس ۋاقىتىن ەسەپكە الۋدى جۇرگىزۋ ءتارتىبى

1. جۇمىس بەرۋشى قىزمەتكەردىڭ ناقتى جۇمىس ىستەگەن جۇمىس ۋاقىتىن ەسەپكە الۋدى جۇزەگە اسىرۋعا ءتيىس.

2. قىزمەتكەر جۇمىس ىستەگەن جانە جۇمىس ىستەمەگەن ۋاقىت قامتىلاتىن ناقتى جۇمىس ۋاقىتى ەسەپكە الىنۋعا ءتيىس.

3. جۇمىس ىستەلگەن ۋاقىت قۇرامىندا ناقتى جۇمىس ىستەلگەن جۇمىس ۋاقىتى جانە جۇمىس ۋاقىتىنا جاتقىزىلاتىن وزگە دە ۋاقىت كەزەڭدەرى ەسەپكە الىنۋعا ءتيىس. بۇل رەتتە ۇستەمە جۇمىستار ۋاقىتى، تۇنگى ۋاقىتتاعى، دەمالىس، مەرەكە كۇندەردەگى جۇمىستار، ءىسساپار كۇندەرى بولەك ەسەپتەلەدى.

4. جۇمىس ىستەلمەگەن ۋاقىت قۇرامىندا اقى تولەنەتىن جانە اقى تولەنبەيتىن ۋاقىت، سونداي-اق قىزمەتكەردىڭ جانە (نەمەسە) جۇمىس بەرۋشىنىڭ كىناسىنەن جوعالتىلعان جۇمىس ۋاقىتى ەسەپكە الىنۋعا ءتيىس.

5. جۇمىس ۋاقىتىن ەسەپكە الۋ جۇمىس بەرۋشى ايقىنداعان قۇجاتتاردا جۇرگىزىلەدى.

6. قىزمەتكەردىڭ جۇمىس ۋاقىتىنا جۇمىستاردى جۇمىس ورنىنان تىس جەرلەردە ورىنداعان نە ولاردىڭ ورىندالۋىن جۇمىس بەرۋشى ناقتى ۋاقىتپەن تىركەي المايتىن كەزەڭدەر قوسىلاتىن جاعدايلاردا، بۇل كەزەڭدەر جۇمىس ۋاقىتىن ەسەپكە الۋ قۇجاتتارىندا ەڭبەك شارتىندا بەلگىلەنگەن جۇمىستار كولەمىن ورىنداۋ رەتىندە بەلگىلەنەدى.

8-تاراۋ. تىنىعۋ ۋاقىتى

92-باپ. تىنىعۋ ۋاقىتىنىڭ تۇرلەرى

تىنىعۋ ۋاقىتىنىڭ تۇرلەرى:

1) جۇمىس كۇنى (جۇمىس اۋىسىمى) ىشىندەگى ۇزىلىستەر - تىنىعۋعا جانە تاماقتانۋعا ارنالعان ءۇزىلىس; اۋىسىمىشىلىك جانە ارناۋلى ۇزىلىستەر;

2) كۇندەلىكتى (اۋىسىمارالىق) تىنىعۋ;

3) دەمالىس كۇندەرى (اپتا سايىنعى ۇزدىكسىز تىنىعۋ);

4) مەرەكە كۇندەرى;

5) دەمالىستار بولىپ تابىلادى.

93-باپ. تىنىعۋعا جانە تاماقتانۋعا ارنالعان ءۇزىلىس

1. قىزمەتكەرگە كۇندەلىكتى جۇمىس (جۇمىس اۋىسىمى) ىشىندە تىنىعۋعا جانە تاماقتانۋعا ارنالعان ۇزاقتىعى جارتى ساعاتتان كەم بولمايتىن ءبىر ءۇزىلىس بەرىلۋگە ءتيىس.

2. وسى باپتىڭ 3-تارماعىندا بەلگىلەنگەن جاعدايلاردى قوسپاعاندا، تىنىعۋعا جانە تاماقتانۋعا ارنالعان ءۇزىلىس كۇندەلىكتى جۇمىس (جۇمىس اۋىسىمى) باستالعاننان كەمىندە ءۇش ساعات وتكەننەن كەيىن جانە ءتورت ساعاتتان كەشىكتىرىلمەي بەلگىلەنۋگە ءتيىس.

3. ۇزاقتىعى 8 ساعاتتان اساتىن كۇندەلىكتى جۇمىستا (جۇمىس اۋىسىمىندا) جۇمىس ۋاقىتىنىڭ يكەمدى جيىنتىق ەسەبى رەجيمى كەزىندە تىنىعۋعا جانە تاماقتانۋعا ارنالعان ءۇزىلىس كۇندەلىكتى جۇمىس (جۇمىس اۋىسىمى) باستالعاننان كەمىندە ءتورت ساعات وتكەننەن كەيىن بەلگىلەنۋى مۇمكىن.

4. تىنىعۋعا جانە تاماقتانۋعا ارنالعان ءۇزىلىس بەرۋ ۋاقىتى، ونىڭ ۇزاقتىعى ەڭبەك تارتىپتەمەسى ەرەجەلەرىندە، ەڭبەك شارتىندا، ۇجىمدىق شارتتا بەلگىلەنەدى.

5. تىنىعۋعا جانە تاماقتانۋعا ارنالعان ءۇزىلىس ۋاقىتى جۇمىس ۋاقىتىنا قوسىلمايدى. ءوندىرىس جاعدايلارى بويىنشا ءۇزىلىس بەرۋ مۇمكىن بولمايتىن جۇمىستاردا جۇمىس بەرۋشى قىزمەتكەردى جۇمىس ۋاقىتىندا ارناۋلى جابدىقتالعان ورىندا تىنىعۋ جانە تاماقتانۋ مۇمكىندىگىمەن قامتاماسىز ەتۋگە مىندەتتى. مۇنداي جۇمىستاردىڭ تىزبەسى، تىنىعۋدىڭ جانە تاماقتانۋدىڭ ءتارتىبى مەن ورنى ۇجىمدىق شارتتا نەمەسە جۇمىس بەرۋشىنىڭ قىزمەتكەرلەر وكىلدەرىمەن كەلىسە وتىرىپ شىعارىلعان اكتىلەرىندە بەلگىلەنەدى.

94-باپ. اۋىسىمىشىلىك جانە ارناۋلى ۇزىلىستەر

1. جۇمىستىڭ جەكەلەگەن تۇرلەرىندە قىزمەتكەرلەرگە تەحنولوگياعا جانە ءوندىرىس پەن ەڭبەكتى ۇيىمداستىرۋعا بايلانىستى، جۇمىس ۋاقىتىنا قوسىلاتىن اۋىسىمىشىلىك ۇزىلىستەر بەرىلەدى. بۇل جۇمىس تۇرلەرى، مۇنداي ۇزىلىستەر بەرۋدىڭ ۇزاقتىعى مەن ءتارتىبى ۇجىمدىق شارتتا نەمەسە جۇمىس بەرۋشىنىڭ قىزمەتكەرلەر وكىلدەرىمەن كەلىسە وتىرىپ قابىلدانعان اكتىلەرىندە بەلگىلەنەدى.

2. جىلدىڭ سۋىق مەزگىلىندە اشىق اۋادا نەمەسە جىلىتىلمايتىن جابىق ءۇي-جايلاردا جۇمىس ىستەيتىن، سونداي-اق تيەۋ-ءتۇسىرۋ جۇمىستارىندا ىستەيتىن قىزمەتكەرلەرگە جىلىنۋ جانە تىنىعۋ ءۇشىن جۇمىس ۋاقىتىنا قوسىلاتىن ارناۋلى ۇزىلىستەر بەرىلەدى. جۇمىس بەرۋشى قىزمەتكەرلەردىڭ جىلىنۋى مەن تىنىعۋىنا ارنالعان ءۇي-جايلاردىڭ جابدىقتالۋىن قامتاماسىز ەتۋگە مىندەتتى.

3. ءبىر جارىم جاسقا تولماعان بالالارى بار جۇمىس ىستەيتىن ايەلدەرگە تىنىعۋعا جانە تاماقتانۋعا ارنالعان ۇزىلىستەن بولەك، وسى كودەكستىڭ 188-بابىنا سايكەس بالانى تاماقتاندىرۋعا ارنالعان قوسىمشا ۇزىلىستەر بەرىلەدى.

95-باپ. كۇندەلىكتى (اۋىسىمارالىق) تىنىعۋدىڭ ۇزاقتىعى

قىزمەتكەردىڭ جۇمىستىڭ اياقتالۋى مەن ونىڭ كەلەسى كۇنى باستالۋى (جۇمىس اۋىسىمى) اراسىنداعى كۇندەلىكتى (اۋىسىمارالىق) تىنىعۋىنىڭ ۇزاقتىعى ون ەكى ساعاتتان كەم بولماۋعا ءتيىس.

96-باپ. دەمالىس كۇندەرى

1. قىزمەتكەرلەرگە اپتا سايىن دەمالىس كۇندەرى بەرىلەدى.

      2. بەس كۇندىك جۇمىس اپتاسىندا قىزمەتكەرلەرگە اپتاسىنا ەكى دەمالىس كۇنى، ال التى كۇندىك جۇمىس اپتاسىندا - ءبىر كۇن بەرىلەدى.

      3. بەس كۇندىك جانە التى كۇندىك جۇمىس اپتاسىندا جەكسەنبى جالپى دەمالىس كۇنى بولىپ تابىلادى. بەس كۇندىك جۇمىس اپتاسىنداعى ەكىنشى دەمالىس كۇنى جۇمىس بەرۋشىنىڭ اكتىسىندە نەمەسە اۋىسىم كەستەسىندە بەلگىلەنەدى. ەگەر ۇجىمدىق شارتتا، ەڭبەك شارتىندا وزگەشە بەلگىلەنبەسە، ەكى دەمالىس كۇنى قاتار بەرىلەدى.

      4. مۇسىلمان كۇنتىزبەسى بويىنشا اتاپ وتىلەتىن قۇربان ايتتىڭ ءبىرىنشى كۇنى، 7 قاڭتار - پراۆوسلاۆيەلىك روجدەستۆو دەمالىس كۇندەرى بولىپ تابىلادى.

      5. ۇزدىكسىز وندىرىستەردە نەمەسە وندىرىستىك-تەحنيكالىق جاعدايلار بويىنشا نەمەسە حالىققا ۇدايى ۇزدىكسىز قىزمەت ەتۋ قاجەتتىگى سالدارىنان دەمالىس كۇندەرى جۇمىستى توقتاتۋ مۇمكىن بولمايتىن وندىرىستەردە ىستەيتىن قىزمەتكەرلەرگە دەمالىس كۇندەرى جۇمىس بەرۋشىنىڭ قىزمەتكەرلەر وكىلدەرىمەن كەلىسە وتىرىپ قابىلدانعان اكتىلەرىندە بەكىتىلگەن اۋىسىمدىق كەستەگە سايكەس قىزمەتكەرلەرگە (قىزمەتكەرلەر توبىنا) اپتانىڭ ءار كۇندەرى كەزەكپەن بەرىلەدى.

      6. ءىسساپاردا جۇرگەن قىزمەتكەر دەمالىس كۇندەرىن ءوزى جىبەرىلگەن جۇمىس بەرۋشىنىڭ ەڭبەك تارتىپتەمەسىنە سايكەس پايدالانادى.

97-باپ. دەمالىس جانە مەرەكە كۇندەرىندەگى جۇمىس

1. وسى كودەكستىڭ 98-بابىندا كوزدەلگەن جاعدايلاردى قوسپاعاندا، جۇمىس بەرۋشىنىڭ باستاماسى بويىنشا دەمالىس جانە مەرەكە كۇندەرىندەگى جۇمىسقا قىزمەتكەردىڭ جازباشا كەلىسىمىمەن جول بەرىلەدى.

2. دەمالىس جانە مەرەكە كۇندەرىندە قىزمەتكەردىڭ باستاماسى بويىنشا جۇمىسقا جۇمىس بەرۋشىنىڭ اكتىسى نەگىزىندە جول بەرىلەدى.

3. دەمالىس جانە مەرەكە كۇندەرىندەگى جۇمىس كەزىندە قىزمەتكەردىڭ قالاۋى بويىنشا وعان باسقا دەمالىس كۇنى بەرىلەدى نەمەسە وسى كودەكستىڭ 128-بابىندا كورسەتىلگەن مولشەردە اقى تولەنەدى.

4. ۇلتتىق جانە مەملەكەتتىك مەرەكەلەر كەزەڭىندە، سونداي-اق وسى كودەكستىڭ 96-بابىنىڭ 4-تارماعىندا كوزدەلگەن جاعدايلاردا جۇمىس ۋاقىتىن ۇتىمدى پايدالانۋ ماقساتىندا قازاقستان رەسپۋبليكاسىنىڭ ۇكىمەتى دەمالىس كۇندەرىن باسقا جۇمىس كۇندەرىنە اۋىستىرۋعا قۇقىلى.

      ەسكەرتۋ. 97-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
98-باپ. قىزمەتكەردىڭ كەلىسىمىنسىز دەمالىس جانە مەرەكە كۇندەرى جۇمىسقا تارتۋدىڭ ەرەكشە جاعدايلارى

قىزمەتكەردىڭ كەلىسىمىنسىز دەمالىس جانە مەرەكە كۇندەرى جۇمىسقا تارتۋعا مىناداي جاعدايلاردا:

1) توتەنشە جاعدايلاردى، دۇلەي ءزىلزالانى نەمەسە وندىرىستىك اۆاريانى بولدىرماۋ نە ولاردىڭ زارداپتارىن دەرەۋ جويۋ ءۇشىن;

2) جازاتايىم وقيعالاردى، مۇلىكتىڭ وپات بولۋىن نەمەسە ءبۇلىنۋىن بولدىرماۋ جانە ولارعا تەكسەرۋ جۇرگىزۋ ءۇشىن;

3) جالپى ۇيىمنىڭ نەمەسە ونىڭ جەكەلەگەن بولىمشەلەرىنىڭ ودان ءارى قالىپتى جۇمىسى وسىلاردىڭ جەدەل ورىندالۋىنا تاۋەلدى بولاتىن شۇعىل، بۇرىن كوزدەلمەگەن جۇمىستاردى ورىنداۋ ءۇشىن جول بەرىلەدى.

99-باپ. قىزمەتكەرلەردى دەمالىس جانە مەرەكە كۇندەرى جۇمىسقا تارتۋدى رەسىمدەۋ

قىزمەتكەرلەردى دەمالىس جانە مەرەكە كۇندەرى جۇمىسقا تارتۋ جۇمىس بەرۋشىنىڭ اكتىسىمەن رەسىمدەلەدى.

100-باپ. دەمالىس تۇرلەرى

1. قىزمەتكەرلەرگە دەمالىستاردىڭ مىناداي تۇرلەرى:

      1) جىل سايىنعى اقىلى ەڭبەك دەمالىستارى;

      2) الەۋمەتتىك دەمالىستار بەرىلەدى.

      2. جىل سايىنعى اقىلى ەڭبەك دەمالىسى قىزمەتكەردىڭ تىنىعۋىنا، جۇمىس قابىلەتىن قالپىنا كەلتىرۋىنە، دەنساۋلىعىن نىعايتۋىنا جانە قىزمەتكەردىڭ وزگە دە جەكە قاجەتتىكتەرىنە ارنالادى جانە جۇمىس ورنى (لاۋازىمى) مەن ورتاشا جالاقىسى ساقتالا وتىرىپ، بەلگىلى ءبىر كۇنتىزبەلىك كۇندەر سانىنا بەرىلەدى.

      2-1. قىزمەتكەرلەرگە جىل سايىنعى اقىلى ەڭبەك دەمالىسىنىڭ مىناداي تۇرلەرى بەرىلەدى:

      1) جىل سايىنعى نەگىزگى اقىلى ەڭبەك دەمالىسى;

      2) اقى تولەنەتىن جىل سايىنعى قوسىمشا ەڭبەك دەمالىسى.

      3. الەۋمەتتىك دەمالىس دەپ انا بولۋعا، بالالاردىڭ كۇتىمىنە، وندىرىستەن قول ۇزبەي ءبىلىم الۋعا قولايلى جاعدايلار جاساۋ ماقساتىندا جانە وزگە دە الەۋمەتتىك ماقساتتار ءۇشىن قىزمەتكەردى بەلگىلى ءبىر كەزەڭگە جۇمىستان بوساتۋ تۇسىنىلەدى.

      4. قىزمەتكەرلەرگە الەۋمەتتىك دەمالىستاردىڭ مىناداي تۇرلەرى:

      1) جالاقى ساقتالمايتىن دەمالىس;

      2) وقۋ دەمالىسى;

      3) بالانى (بالالاردى) تۋعا، جاڭا تۋعان بالانى (بالالاردى) اسىراپ الۋعا بايلانىستى دەمالىستار بەرىلەدى.

      ەسكەرتۋ. 100-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
101-باپ. جىل سايىنعى نەگىزگى اقىلى ەڭبەك دەمالىسىنىڭ ۇزاقتىعى

      ەسكەرتۋ. تاقىرىپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.

       ەگەر قىزمەتكەرلەردىڭ جەكەلەگەن ساناتتارى ءۇشىن باسقا نورماتيۆتىك قۇقىقتىق اكتىلەردە, ەڭبەك شارتىندا، ۇجىمدىق شارتتا جانە جۇمىس بەرۋشىنىڭ اكتىلەرىندە كوپ كۇن سانى كوزدەلمەسە, قىزمەتكەرلەرگە ۇزاقتىعى كۇنتىزبەلىك جيىرما ءتورت كۇن بولاتىن جىل سايىنعى نەگىزگى اقىلى ەڭبەك دەمالىسى بەرىلەدى.

      ەسكەرتۋ. 101-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
102-باپ. جىل سايىنعى اقىلى قوسىمشا ەڭبەك دەمالىستارى

1. مىنالارعا:

1) اۋىر جۇمىستاردا, ەڭبەك جاعدايلارى زياندى (ەرەكشە زياندى) جانە (نەمەسە) قاۋىپتى جۇمىستاردا ىستەيتىن قىزمەتكەرلەرگە ۇزاقتىعى كەمىندە كۇنتىزبەلىك التى كۇن بولاتىن جىل سايىنعى اقىلى قوسىمشا ەڭبەك دەمالىستارى بەرىلەدى;

2) ءبىرىنشى جانە ەكىنشى توپتارداعى مۇگەدەكتەرگە ۇزاقتىعى كەمىندە كۇنتىزبەلىك ون بەس كۇن بولاتىن جىل سايىنعى اقىلى قوسىمشا ەڭبەك دەمالىستارى بەرىلەدى.

2. قىزمەتكەرلەردىڭ وزگە ساناتتارىنا جىل سايىنعى قوسىمشا دەمالىس بەرۋ جانە ونىڭ ەڭ تومەنگى ۇزاقتىعى قازاقستان رەسپۋبليكاسىنىڭ زاڭدارىندا بەلگىلەنۋى مۇمكىن.

3. ەڭبەك شارتىندا، ۇجىمدىق شارتتا قىزمەتكەرلەرگە ۇزدىكسىز ۇزاق جۇمىسى، ماڭىزدى، كۇردەلى، جەدەل جۇمىستاردى، سونداي-اق وزگە دە سيپاتتاعى جۇمىستاردى ورىنداعانى ءۇشىن كوتەرمەلەۋ سيپاتىندا جىل سايىنعى اقىلى قوسىمشا دەمالىستار بەلگىلەنۋى مۇمكىن.

103-باپ. جىل سايىنعى اقىلى ەڭبەك دەمالىسىنىڭ ۇزاقتىعىن ەسەپتەۋ

1. جىل سايىنعى اقىلى ەڭبەك دەمالىسىنىڭ ۇزاقتىعى قولدانىلاتىن جۇمىس رەجيمدەرى مەن كەستەلەرىنە قاراماستان، ەڭبەك دەمالىسى كۇندەرىنە تۋرا كەلەتىن مەرەكە كۇندەرى ەسەپكە الىنباي، كۇنتىزبەلىك كۇندەرمەن ەسەپتەلەدى.

2. جىل سايىنعى ەڭبەك دەمالىسىنىڭ جالپى ۇزاقتىعىن ەسەپتەۋ كەزىندە جىل سايىنعى قوسىمشا ەڭبەك دەمالىستارى جىل سايىنعى نەگىزگى ەڭبەك دەمالىسىنا قوسىلادى. بۇل رەتتە جىل سايىنعى ەڭبەك دەمالىسىنىڭ جالپى ۇزاقتىعى ەڭ جوعارعى شەكپەن شەكتەلمەيدى.

104-باپ. جىل سايىنعى اقىلى ەڭبەك دەمالىسىنا قۇقىق بەرەتىن جۇمىس ستاجىن ەسەپتەۋ

جىل سايىنعى اقىلى ەڭبەك دەمالىسىنا قۇقىق بەرەتىن جۇمىس ستاجىنا:

1) ناقتى جۇمىس ىستەلگەن ۋاقىت;

2) قىزمەتكەر ناقتى جۇمىس ىستەمەگەن، بىراق ونىڭ جۇمىس ورنى (لاۋازىمى) مەن جالاقىسى تولىق نەمەسە ءىشىنارا ساقتالعان ۋاقىت;

3) قىزمەتكەر ەڭبەككە ۋاقىتشا جارامسىزدىعىنا، ونىڭ ىشىندە جۇكتىلىگىنە جانە بوسانۋىنا وراي دەمالىستا بولعان ۋاقىتىنا بايلانىستى ناقتى جۇمىس ىستەمەگەن ۋاقىت;

4) قىزمەتكەر جۇمىسىنا قايتا الىنۋ الدىندا ناقتى جۇمىس ىستەمەگەن ۋاقىت قوسىلادى.

      ەسكەرتۋ. 104-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
105-باپ. جىل سايىنعى اقىلى ەڭبەك دەمالىستارىن بەرۋ ءتارتىبى

1. قىزمەتكەرگە جۇمىس ىستەگەن ءبىرىنشى جانە كەلەسى جىلدارى ءۇشىن جىل سايىنعى اقىلى ەڭبەك دەمالىسى تاراپتاردىڭ كەلىسىمى بويىنشا جۇمىس جىلىنىڭ كەز كەلگەن ۋاقىتىندا بەرىلەدى.

2. ۆاحتالىق ادىسپەن جۇمىس ىستەيتىن قىزمەتكەرلەرگە جىل سايىنعى اقىلى ەڭبەك دەمالىسىن بەرۋ ەرەكشەلىكتەرى وسى كودەكستىڭ 213-بابىندا بەلگىلەنەدى.

3. جىل سايىنعى اقىلى ەڭبەك دەمالىسى قىزمەتكەر مەن جۇمىس بەرۋشىنىڭ اراسىنداعى كەلىسىم بويىنشا بولىكتەرگە ءبولىنۋى مۇمكىن.

4. جىل سايىنعى اقىلى ەڭبەك دەمالىسى كودەكستىڭ 108-بابىنىڭ 3-تارماعىنداعى تالاپتار ساقتالا وتىرىپ، وسى كودەكستىڭ 108 جانە 109-باپتارىندا بەلگىلەنگەن جاعدايلاردا جانە تارتىپپەن اۋىستىرىلادى، ۇزارتىلادى، ۇزىلەدى.

5. جىل سايىنعى ەڭبەك دەمالىسىنا اقى تولەۋ ول باستالاردان كۇنتىزبەلىك ءۇش كۇننەن كەشىكتىرىلمەي، ال ەڭبەك دەمالىسى كەستەدەن تىس بەرىلگەن جاعدايدا - ول بەرىلگەن كۇننەن باستاپ كۇنتىزبەلىك ءۇش كۇننەن كەشىكتىرىلمەي جۇرگىزىلەدى.

      ەسكەرتۋ. 105-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
106-باپ. جىل سايىنعى اقىلى ەڭبەك دەمالىستارىن بەرۋ كەزەڭىن ايقىنداۋ

جۇمىس جىلى قىزمەتكەردىڭ ءبىرىنشى جۇمىس كۇنىنەن باستاپ ەسەپتەلگەن ون ەكى ايدى قۇرايدى.

107-باپ. جىل سايىنعى اقىلى ەڭبەك دەمالىستارىن بەرۋ كەزەكتىلىگى

1. قىزمەتكەرلەرگە جىل سايىنعى اقىلى ەڭبەك دەمالىسىن بەرۋدىڭ كەزەكتىلىگى جۇمىس بەرۋشى قىزمەتكەرلەردىڭ پىكىرىن ەسكەرە وتىرىپ بەكىتەتىن دەمالىس كەستەسىندە بەلگىلەنەدى نە تاراپتاردىڭ كەلىسىمىمەن بەلگىلەنەدى.

2. دەمالىس كەستەلەرى وندىرىستىك قاجەتتىلىككە بايلانىستى وزگەرتىلگەن جاعدايدا جۇمىس بەرۋشى بۇل تۋرالى قىزمەتكەرگە ەڭبەك دەمالىسى باستالاردان كەمىندە ەكى اپتا بۇرىن حابارلاۋعا مىندەتتى.

      ەسكەرتۋ. 107-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
108-باپ. جىل سايىنعى اقىلى ەڭبەك دەمالىسىن اۋىستىرۋدىڭ جاعدايلارى مەن ءتارتىبى

      ەسكەرتۋ. تاقىرىپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.

       1. جىل سايىنعى اقىلى ەڭبەك دەمالىسى:

قىزمەتكەر ەڭبەككە ۋاقىتشا جارامسىز بولعان، جۇكتىلىككە جانە بوسانۋعا بايلانىستى دەمالىستا بولعان;

ەگەر بۇل ءۇشىن زاڭدا جۇمىستان بوساتۋ كوزدەلسە, قىزمەتكەر جىل سايىنعى اقىلى ەڭبەك دەمالىسى ۋاقىتىندا مەملەكەتتىك مىندەتتەر اتقارعان جاعدايلاردا، تولىق نەمەسە ونىڭ ءبىر بولىگى اۋىستىرىلادى.

2. جىل سايىنعى اقىلى ەڭبەك دەمالىسى (ونىڭ ءبىر بولىگى) قىزمەتكەردىڭ جازباشا كەلىسىمىمەن نەمەسە ونىڭ ءوتىنۋى بويىنشا اۋىستىرىلادى. اۋىستىرىلعان ەڭبەك دەمالىسى تاراپتاردىڭ كەلىسىمى بويىنشا كەلەسى جىلعى ەڭبەك دەمالىسىنا قوسىلۋى نەمەسە قىزمەتكەردىڭ ءوتىنىشى بويىنشا باسقا ۋاقىتتا بولەك بەرىلۋى مۇمكىن.

3. ەڭبەك دەمالىسىن قاتارىنان ەكى جىل بويى بەرمەۋگە تىيىم سالىنادى.

      ەسكەرتۋ. 108-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
109-باپ. جىل سايىنعى اقىلى ەڭبەك دەمالىسىنان شاقىرتىپ الۋ

1. جۇمىس بەرۋشى جىل سايىنعى اقىلى ەڭبەك دەمالىسىن تەك قىزمەتكەردىڭ جازباشا كەلىسىمىمەن عانا ءۇزۋى مۇمكىن. قىزمەتكەردىڭ جۇمىس بەرۋشىنىڭ ۇسىنىسىنان باس تارتۋى ەڭبەك ءتارتىبىن بۇزۋ بولىپ تابىلمايدى.

2. جىل سايىنعى اقىلى ەڭبەك دەمالىسىنان شاقىرتىپ الۋعا بايلانىستى پايدالانىلماعان بولىگى ەڭبەك شارتى تاراپتارىنىڭ كەلىسىمى بويىنشا اعىمداعى جىل ىشىندە نەمەسە كەلەسى جۇمىس جىلىندا كەز كەلگەن ۋاقىتتا بەرىلەدى نە كەلەسى جۇمىس جىلىنداعى جىل سايىنعى اقىلى ەڭبەك

دەمالىسىنا قوسىلادى.

3. قىزمەتكەردى جىل سايىنعى اقىلى ەڭبەك دەمالىسىنان شاقىرتىپ العان كەزدە دەمالىستىڭ پايدالانىلماعان بولىگىن باسقا ۋاقىتتا بەرۋدىڭ ورنىنا قىزمەتكەر مەن جۇمىس بەرۋشىنىڭ اراسىنداعى كەلىسىم بويىنشا قىزمەتكەرگە جىل سايىنعى اقىلى ەڭبەك دەمالىسىنىڭ پايدالانىلماعان بولىگىنىڭ كۇندەرى ءۇشىن وتەماقى تولەمى جۇرگىزىلۋى مۇمكىن.

4. ون سەگىز جاسقا تولماعان قىزمەتكەرلەردى، جۇكتى ايەلدەردى جانە اۋىر جۇمىستاردا، ەڭبەك جاعدايلارى زياندى (ەرەكشە زياندى), قاۋىپتى جۇمىستاردا ىستەيتىن قىزمەتكەرلەردى جىل سايىنعى اقىلى ەڭبەك دەمالىسىنان شاقىرتىپ الۋعا جول بەرىلمەيدى.

110-باپ. ەڭبەك شارتى توقتاتىلعان كەزدە پايدالانىلماعان جىل سايىنعى اقىلى ەڭبەك دەمالىسى ءۇشىن وتەماقى تولەمى

ەڭبەك شارتى توقتاتىلعان كەزدە جىل سايىنعى اقىلى ەڭبەك دەمالىسىن (جىل سايىنعى ەڭبەك دەمالىستارىن) پايدالانباعان نەمەسە تولىق پايدالانباعان قىزمەتكەرگە جىل سايىنعى اقىلى ەڭبەك دەمالىسىنىڭ (جىل سايىنعى ەڭبەك دەمالىستارىنىڭ) پايدالانىلماعان كۇندەرى ءۇشىن وتەماقى تولەمى جۇرگىزىلەدى.

111-باپ. جالاقى ساقتالمايتىن دەمالىس

1. ەڭبەك شارتى تاراپتارىنىڭ كەلىسىمى بويىنشا قىزمەتكەردىڭ ءوتىنىشى نەگىزىندە وعان جالاقى ساقتالمايتىن دەمالىس بەرىلۋى مۇمكىن.

2. جالاقى ساقتالمايتىن دەمالىستىڭ ۇزاقتىعى قىزمەتكەر مەن جۇمىس بەرۋشىنىڭ اراسىنداعى كەلىسىم بويىنشا ايقىندالادى.

3. جۇمىس بەرۋشى:

1) نەكە تىركەلگەن;

2) بالا تۋىلعان;

3) جاقىن تۋىستارى قايتىس بولعان;

4) ەڭبەك شارتىندا، ۇجىمدىق شارتتا كوزدەلگەن وزگە دە جاعدايلار كەزىندە قىزمەتكەردىڭ جازباشا ءوتىنىشى نەگىزىندە كۇنتىزبەلىك بەس كۇنگە دەيىن جالاقى ساقتالمايتىن دەمالىس بەرۋگە مىندەتتى.

112-باپ. وقۋ دەمالىسى

1. ءبىلىم بەرۋ ۇيىمدارىندا وقىپ جۇرگەن قىزمەتكەرلەرگە سىناقتار مەن ەمتيحاندارعا دايىندالۋ جانە ولاردى تاپسىرۋ، زەرتحانالىق جۇمىستاردى ورىنداۋ، ديپلومدىق جۇمىستى (جوبانى) دايىنداۋ جانە قورعاۋ، اسكەري وقىتىلعان رەزەرۆتى دايارلاۋ باعدارلاماسىنان ءوتۋ ءۇشىن وقۋ دەمالىستارى بەرىلەدى.

2. وقۋ دەمالىسىنا اقى تولەۋ ەڭبەك شارتىندا، ۇجىمدىق شارتتا، وقۋ شارتىندا ايقىندالادى.

      ەسكەرتۋ. 112-باپقا وزگەرىس ەنگىزىلدى - قر 2012.02.16 № 562-IV (العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
113-باپ. بالانى (بالالاردى) تۋعا، جاڭا تۋعان بالانى (بالالاردى) اسىراپ الۋعا بايلانىستى دەمالىستار

1. جۇكتى ايەلدەرگە، بالانى (بالالاردى) تۋعان ايەلدەرگە، جاڭا تۋعان بالانى (بالالاردى) اسىراپ العان ايەلدەرگە (ەركەكتەرگە) بالانىڭ تۋىلۋىنا بايلانىستى مىناداي دەمالىستار:

1) جۇكتىلىككە جانە بوسانۋعا بايلانىستى دەمالىس;

2) جاڭا تۋعان بالانى (بالالاردى) اسىراپ العان قىزمەتكەرلەرگە دەمالىس;

3) بالا ءۇش جاسقا تولعانعا دەيىن ونىڭ كۇتىمىنە بايلانىستى جالاقى ساقتالمايتىن دەمالىس بەرىلەدى.

2. بالانى (بالالاردى) تۋعا، جاڭا تۋعان بالانى (بالالاردى) اسىراپ الۋعا بايلانىستى دەمالىستار بەرۋ وسى كودەكستىڭ 192 - 195-باپتارىندا كوزدەلگەن شارتتارمەن جۇزەگە اسىرىلادى.

3. الىنىپ تاستالدى

      ەسكەرتۋ. 113-باپقا وزگەرتۋ ەنگىزىلدى - قازاقستان رەسپۋبليكاسىنىڭ 2007.12.19. N 9 (2008 جىلعى 1 قاڭتاردان باستاپ قولدانىسقا ەنگىزىلەدى) زاڭىمەن.
114-باپ. دەمالىستى رەسىمدەۋ

دەمالىستى بەرۋ، اۋىستىرۋ، ۇزارتۋ نە دەمالىستان شاقىرىپ الۋ جۇمىس بەرۋشىنىڭ اكتىسىمەن رەسىمدەلەدى.

9-تاراۋ. ەڭبەكتى نورمالاۋ

115-باپ. ەڭبەكتى نورمالاۋدى ۇيىمداستىرۋ سالاسىنداعى مەملەكەتتىك كەپىلدىكتەر

ەڭبەكتى نورمالاۋدى ۇيىمداستىرۋ سالاسىنداعى مەملەكەتتىك كەپىلدىكتەر:

ەڭبەكتىڭ ۇلگىلىك نورمالارى مەن نورماتيۆتەرىن;

مەملەكەتتىك ورگانداردىڭ ەڭبەكتىڭ تەحنيكالىق نەگىزدەلگەن ۇلگىلىك نورمالارى مەن نورماتيۆتەرىن ازىرلەۋدى قامتاماسىز ەتۋىن;

جۇمىس بەرۋشىلەردىڭ ەڭبەك نورمالارىن ازىرلەۋدى، ەنگىزۋدى جانە قايتا قاراۋدى قامتاماسىز ەتۋىن باقىلاۋدى قامتيدى.

116-باپ. ەڭبەك نورمالارى

1. ەڭبەك ء(وندىرىم، ۋاقىت، قىزمەت ەتۋ) نورمالارى ەڭبەك شىعىندارىنىڭ ولشەمى بولىپ تابىلادى جانە ءتيىستى بىلىكتىلىگى بار قىزمەتكەرى ءۇشىن تەحنيكانىڭ، تەحنولوگيانىڭ، ءوندىرىس پەن ەڭبەكتى ۇيىمداستىرۋدىڭ قول جەتكىزىلگەن دەڭگەيىنە سايكەس بەلگىلەنەدى.

2. ون سەگىز جاسقا تولماعان قىزمەتكەرلەر ءۇشىن ءوندىرىم نورمالارى وسى كودەكستىڭ 182-بابىنا سايكەس بەلگىلەنەدى.

3. قىزمەتكەرلەردىڭ جەكەلەگەن ساناتتارىنىڭ ەڭبەگىنە ۋاقىت بويىنشا اقى تولەۋ كەزىندە نورمالانعان تاپسىرمالار بەلگىلەنەدى. جۇمىس بەرۋشى جەكەلەگەن فۋنكتسيالار مەن جۇمىس كولەمدەرىنىڭ ورىندالۋى ءۇشىن قىزمەت ەتۋ نورمالارىن نەمەسە قىزمەتكەرلەر سانىنىڭ نورمالارىن

(نورماتيۆتەرىن) بەلگىلەۋى مۇمكىن.

117-باپ. جاڭا ەڭبەك نورمالارىن ازىرلەۋ، ەنگىزۋ، قولدانىستاعى ەڭبەك نورمالارىن اۋىستىرۋ جانە قايتا قاراۋ

1. جۇمىس بەرۋشى ەڭبەك نورمالارىن جاڭادان ەنگىزۋدى، قولدانىستاعى ەڭبەك نورمالارىن اۋىستىرۋدى جانە قايتا قاراۋدى قىزمەتكەرلەر وكىلدەرىمەن كەلىسە وتىرىپ، ەڭبەكتىڭ ۇلگىلىك نورمالارى مەن نورماتيۆتەرىن ەسكەرىپ جۇرگىزەدى.

      2. ەڭبەك جونىندەگى ۇلگiلىك (سالالىق، سالاارالىق) نورمالار مەن نورماتيۆتەردi تيiستi قىزمەت سالالارىنىڭ ۋاكiلەتتi مەملەكەتتiك ورگاندارى ەڭبەك جونiندەگi ۋاكiلەتتi مەملەكەتتiك ورگانمەن كەلiسۋ بويىنشا ول بەلگiلەگەن تارتiپپەن بەكiتەدi.

      بارلىق قىزمەت سالالارى ءۇشىن بىرىڭعاي (سالاارالىق), ەڭبەك جونىندەگى ۇلگiلiك نورمالار مەن نورماتيۆتەردi ەڭبەك جونiندەگi ۋاكiلەتتi مەملەكەتتiك ورگان تيiستi قىزمەت سالالارىنىڭ مەملەكەتتiك ورگاندارىمەن كەلىسۋ بويىنشا بەكiتەدى.

      3. ەڭبەك جونىندەگى ۇلگiلىك (سالالىق، سالاارالىق) نورمالار مەن نورماتيۆتەردi اۋىستىرۋدى جانە قايتا قاراۋدى ولاردى بەكiتكەن ورگاندار ەڭبەك جونiندەگi ۋاكiلەتتi مەملەكەتتiك ورگان بەلگiلەگەن تارتiپپەن جۇزەگە اسىرادى.

      4. ەڭبەك نورمالارى جۇمىس ورىندارىنا اتتەستاتتاۋ مەن راتسيوناليزاتسيالاۋ جۇرگىزۋ، ەڭبەك ونىمدىلىگىنىڭ ءوسۋىن قامتاماسىز ەتەتىن جاڭا تەحنيكا، تەحنولوگيا جانە ۇيىمدىق-تەحنيكالىق ءىس-شارالار ەنگىزۋ شاماسىنا قاراي مىندەتتى تۇردە اۋىستىرىلۋعا ءتيىس.

      جەكەلەگەن قىزمەتكەرلەردىڭ ءوز باستاماسى بويىنشا جاڭا ەڭبەك تاسىلدەرىن قولدانۋى جانە جۇمىس ورىندارىن جەتىلدىرۋى ەسەبىنەن ءونىم شىعارۋدىڭ (قىزمەتتەر كورسەتۋدىڭ) جوعارى دەڭگەيىنە قول جەتكىزۋ بۇرىن بەلگىلەنگەن ەڭبەك نورمالارىن قايتا قاراۋعا نەگىز بولىپ تابىلمايدى.

      5. قىزمەتكەرلەر كەمىندە ءبىر اي بۇرىن جۇمىس بەرۋشىنىڭ جاڭا ەڭبەك نورمالارىن ەنگىزۋى تۋرالى حاباردار ەتىلەدى.

      ەسكەرتۋ. 117-باپقا وزگەرىس ەنگىزىلدى - قر 27.06.2014 N 212-V زاڭىمەن (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi).
118-باپ. ەڭبەك نورمالارىن ازىرلەۋگە قويىلاتىن تالاپتار

ەڭبەكتىڭ نورمالارىن ازىرلەۋ كەزىندە:

1) ەڭبەك نورمالارىنىڭ ساپاسى، ونى قاجەتتى ەڭبەك شىعىندارىنا وڭتايلى جاقىنداتۋ;

2) ۇقساس ۇيىمداستىرۋ-تەحنيكالىق جاعدايلاردا ورىندالاتىن بىردەي جۇمىستارعا بىرىڭعاي ەڭبەك نورمالارىن بەلگىلەۋ;

3) ەڭبەك نورمالارىنىڭ عىلىم جانە تەحنيكا جەتىستىكتەرى نەگىزىندەگى پروگرەسسيۆتىلىگى;

4) ەڭبەك نورمالارى بەلگىلەنە الاتىن جانە ونى بەلگىلەۋ ورىندى بولاتىن جۇمىس تۇرلەرىن ەڭبەكتى نورمالاۋمەن قامتۋ;

5) ەڭبەك نورمالارىنىڭ تەحنيكالىق (عىلىمي) نەگىزدىلىگى قامتاماسىز ەتىلۋگە ءتيىس.

119-باپ. ەڭبەكتى نورمالاۋدى رەتتەۋدىڭ ەرەكشەلىكتەرى

قىزمەتتەر كورسەتۋگە (تاۋارلارىنا، جۇمىستارىنا) تاريفتەردى (باعالاردى، الىم ستاۆكالارىن) مەملەكەتتىك رەتتەۋ ەنگىزىلەتىن ۇيىمداردا ەڭبەك نورمالارىن ۇسىنۋ، قاراۋ جانە كەلىسۋ ءتارتىبىن ەڭبەك جونىندەگى ۋاكىلەتتى مەملەكەتتىك ورگان بەلگىلەيدى.

10-تاراۋ. ەڭبەككە اقى تولەۋ

120-باپ. ەڭبەككە اقى تولەۋ سالاسىنداعى مەملەكەتتىك كەپىلدىكتەر

قىزمەتكەرلەردىڭ ەڭبەگىنە اقى تولەۋ سالاسىنداعى مەملەكەتتىك كەپىلدىكتەر:

ايلىق جالاقىنىڭ ەڭ تومەنگى مولشەرىن;

وسى كودەكستىڭ 122-بابىنا سايكەس ايقىندالاتىن ساعاتتىق جالاقىنىڭ ەڭ تومەنگى مولشەرىن;

ەڭبەككە اقى تولەۋدىڭ ەڭ تومەنگى ستاندارتتارىن;

ۇستەمە جۇمىس ءۇشىن اقى تولەۋدى;

مەرەكە جانە دەمالىس كۇندەردەگى جۇمىس ءۇشىن اقى تولەۋدى;

تۇنگى ۋاقىتتاعى جۇمىس ءۇشىن اقى تولەۋدى;

جۇمىسكەردىڭ جالاقىسىنان ۇستاپ قالۋلاردىڭ مولشەرىن شەكتەۋدى;

جالاقىنىڭ تولىق جانە ۋاقتىلى تولەنۋىن جانە ەڭبەككە اقى تولەۋ سالاسىنداعى مەملەكەتتىك كەپىلدىكتەردىڭ ىسكە اسىرىلۋىن مەملەكەتتىك باقىلاۋدى;

جالاقى تولەۋدىڭ ءتارتىبى مەن مەرزىمدەرىن قامتيدى.

121-باپ. جالاقىنىڭ مولشەرى

1. قىزمەتكەردىڭ ايلىق جالاقىسىنىڭ مولشەرى قىزمەتكەردىڭ بىلىكتىلىگىنە، ورىندالاتىن جۇمىستىڭ كۇردەلىلىگىنە، سانىنا جانە ساپاسىنا، سونداي-اق ەڭبەك جاعدايلارىنا قاراي سارالانىپ بەلگىلەنەدى.

2. وسى كەزەڭگە بەلگىلەنگەن جۇمىس ۋاقىتىنىڭ نورماسىن تولىق اتقارعان جانە ەڭبەك نورمالارىن (ەڭبەك مىندەتتەرىن) ورىنداعان قىزمەتكەردىڭ ايلىق جالاقىسىنىڭ مولشەرى قازاقستان رەسپۋبليكاسىنىڭ زاڭىندا بەلگىلەنگەن ايلىق جالاقىنىڭ ەڭ تومەنگى مولشەرىنەن كەم

بولماۋعا ءتيىس.

122-باپ. جالاقىنىڭ ەڭ تومەنگى مولشەرىن بەلگىلەۋ

1. ءتيىستى قارجى جىلىنا ارنالعان رەسپۋبليكالىق بيۋدجەت تۋرالى قازاقستان رەسپۋبليكاسىنىڭ زاڭىمەن جىل سايىن بەلگىلەنەتىن ايلىق جالاقىنىڭ ەڭ تومەنگى مولشەرى ەڭ تومەن كۇنكورىس دەڭگەيىنەن كەم بولماۋعا ءتيىس جانە ول قوسىمشا اقىلار مەن ۇستەمە اقىلاردى، وتەماقى تولەمدەرى مەن الەۋمەتتىك تولەمدەردى، سىيلىقاقىلار مەن باسقا دا ىنتالاندىراتىن تولەمدەردى قامتىمايدى جانە جۇمىس ىستەلگەن ۋاقىتقا بارابار تولەنەدى.

2. ەڭبەككە اقى تولەۋدiڭ ەڭ تومەن ستاندارتى رەسپۋبليكالىق بيۋدجەت تۋرالى زاڭدا بەلگiلەنگەن جانە تيiستi قارجى جىلىنىڭ 1 قاڭتارىندا قولدانىستا بولعان ايلىق جالاقىنىڭ ەڭ تومەن مولشەرىن جانە سالالىق كەلىسىمدە ايقىندالاتىن سالالىق ارتتىرۋشى كوەففيتسەنتتەردى ەسەپتەۋدەن ايقىندالادى.

3. ءوز ەڭبەك مىندەتتەرىن (ەڭبەك نورمالارىن) ورىنداعان قىزمەتكەردىڭ ساعاتتىق جالاقىسىنىڭ ەڭ تومەنگى مولشەرى ءتيىستى كۇنتىزبەلىك جىلداعى جۇمىس ۋاقىتى بالانسىنا سايكەس ورتاشا ايلىق جۇمىس ساعاتىنىڭ سانىنا بولىنگەن ايلىق جالاقىنىڭ ەڭ تومەنگى مولشەرىنەن كەم بولماۋعا ءتيىس.

4. ءبىرىنشى رازريادتى قىزمەتكەردىڭ ەڭبەك شارتىنىڭ، ۇجىمدىق شارتتىڭ تالاپتارىندا جانە (نەمەسە) جۇمىس بەرۋشىنىڭ اكتىلەرىندە كوزدەلگەن ايلىق جالاقىسىنىڭ ەڭ تومەنگى مولشەرى نەمەسە ايلىق تاريفتىك ستاۆكاسىنىڭ مولشەرى ءتيىستى قارجى جىلىنا ارنالعان رەسپۋبليكالىق بيۋدجەت تۋرالى قازاقستان رەسپۋبليكاسىنىڭ زاڭىندا بەلگىلەنگەن ايلىق جالاقىنىڭ ەڭ تومەنگى مولشەرىنەن كەم بولماۋعا، ال اۋىر جۇمىستاردا, ەڭبەك جاعدايلارى زياندى (ەرەكشە زياندى), قاۋىپتى جۇمىستاردا ىستەيتىن قىزمەتكەرلەر ءۇشىن - ەڭبەككە اقى تولەۋدىڭ ەڭ تومەنگى ستاندارتىنان كەم بولماۋعا ءتيىس.

      ەسكەرتۋ. 122-باپقا وزگەرىس ەنگىزىلدى - قر 27.06.2014 N 212-V زاڭىمەن (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi).
123-باپ. ەڭبەككە ساعاتتىق اقى تولەۋ

جۇمىس كۇنى تولىق بولماعان نەمەسە ول تولىق جۇكتەلمەگەن كەزدە ناقتى ورىندالعان جۇمىستار ءۇشىن، سونداي-اق ۋاقىتشا نەمەسە بىرجولعى سيپاتتاعى جۇمىستارعا اقى تولەۋ ءۇشىن ەڭبەك شارتىنىڭ، ۇجىمدىق شارتتىڭ تالاپتارىمەن جانە (نەمەسە) جۇمىس بەرۋشىنىڭ اكتىسىمەن ەڭبەككە ساعاتتىق اقى تولەۋدى بەلگىلەۋگە بولادى.

124-باپ. جالاقىنى يندەكستەۋ

جالاقىنى يندەكستەۋدى جۇمىس بەرۋشi قازاقستان رەسپۋبليكاسىنىڭ نورماتيۆتiك قۇقىقتىق اكتiلەرiندە تيiستi كەزەڭگە ايقىندالعان ينفلياتسيا دەڭگەيiن نەگiزگە الا وتىرىپ، كەلiسiمدەردە، ۇجىمدىق شارتتا نەمەسە جۇمىس بەرۋشiنiڭ اكتiسiندە بەلگiلەنگەن تارتiپپەن جۇرگiزەدى.

      ەسكەرتۋ. 124-باپ جاڭا رەداكتسيادا - قر 27.06.2014 N 212-V زاڭىمەن (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi).
125-باپ. ەڭبەككە اقى تولەۋدى ۇيىمداستىرۋ

1. قىزمەتكەرلەرگە قويىلاتىن بىلىكتىلىك تالاپتارى مەن بەلگىلى ءبىر جۇمىس تۇرلەرىنىڭ كۇردەلىلىگى جۇمىسشىلاردىڭ جۇمىستارى مەن كاسىپتەرىنىڭ بىرىڭعاي تاريفتىك-بىلىكتىلىك انىقتامالىعى، جۇمىسشى كاسىپتەرىنىڭ تاريفتىك-بىلىكتىلىك سيپاتتامالارى، باسشىلاردىڭ، مامانداردىڭ جانە باسقا دا قىزمەتشىلەر لاۋازىمدارىنىڭ بىلىكتىلىك انىقتامالىعى, سونداي-اق ۇيىمدار باسشىلارىنىڭ، ماماندارىنىڭ جانە باسقا دا قىزمەتشىلەرى لاۋازىمدارىنىڭ ۇلگىلىك بىلىكتىلىك سيپاتتامالارى نەگىزىندە بەلگىلەنەدى.

2. ورىندالاتىن جۇمىستاردى بەلگىلى ءبىر كۇردەلىلىككە جاتقىزۋ جانە قىزمەتكەرلەرگە بىلىكتىلىك رازريادتارى مەن ساناتتارىن بەرۋ جۇمىسشىلاردىڭ جۇمىستارى مەن كاسىپتەرىنىڭ بىرىڭعاي تاريفتىك-بىلىكتىلىك انىقتامالىعىنا جانە باسشىلاردىڭ، مامانداردىڭ جانە باسقا دا قىزمەتشىلەر لاۋازىمدارىنىڭ بىلىكتىلىك انىقتامالىعىنا، جۇمىسشى كاسىپتەرىنىڭ تاريفتىك-بىلىكتىلىك سيپاتتامالارىنا جانە ۇيىمدار باسشىلارىنىڭ، مامانداردىڭ جانە باسقا دا قىزمەتشىلەر لاۋازىمدارىنىڭ ۇلگىلىك بىلىكتىلىك سيپاتتامالارىنا سايكەس جۇرگىزىلەدى.

3. وسى باپتىڭ 1-تارماعىندا كورسەتىلگەن انىقتامالىقتاردى، جۇمىسشى كاسىپتەرىنىڭ تاريفتىك-بىلىكتىلىك سيپاتتامالارىن ازىرلەۋدى، قايتا قاراۋدى، بايقاپ كورۋدى، بەكىتۋدى جانە قولدانۋ ءتارتىبىن ەڭبەك جونىندەگى ۋاكىلەتتى مەملەكەتتىك ورگان ايقىندايدى. ءار ءتۇرلى ەكونوميكالىق قىزمەت ۇيىمدارى باسشىلارىنىڭ، ماماندارىنىڭ جانە باسقا دا قىزمەتشىلەرى لاۋازىمدارىنىڭ ۇلگىلىك بىلىكتىلىك سيپاتتامالارىن ءتيىستى قىزمەت سالاسىنىڭ ۋاكىلەتتى مەملەكەتتىك ورگاندارى ەڭبەك جونىندەگى ۋاكىلەتتى مەملەكەتتىك ورگانمەن كەلىسە وتىرىپ ازىرلەيدى جانە بەكىتەدى.

126-باپ. ەڭبەككە اقى تولەۋ جۇيەلەرى

1. قىزمەتكەرلەردىڭ ەڭبەگىنە ۋاقىت بويىنشا، كەسىمدى نەمەسە وزگە دە ەڭبەككە اقى تولەۋ جۇيەلەرى بويىنشا اقى تولەنەدى. اقى تولەۋ جەكە جانە (نەمەسە) ۇجىمدىق ەڭبەك ناتيجەلەرى ءۇشىن جۇرگىزىلۋى مۇمكىن.

ەڭبەككە اقى تولەۋ جۇيەسى تاريفتىك، ءتاريفسىز نەمەسە ارالاس جۇيەلەر نەگىزىندە قالىپتاستىرىلۋى مۇمكىن.

ەڭبەككە اقى تولەۋدىڭ تاريفتىك جۇيەسى: تاريفتىك ستاۆكالاردى (ايلىقاقىلاردى), تاريفتىك توردى، تاريفتىك كوەففيتسيەنتتەردى قامتيدى.

ەڭبەككە اقى تولەۋدىڭ ءتاريفسىز جۇيەسى ەڭبەككە اقى تولەۋگە ارنالعان قاراجاتتى قىزمەتكەرلەردىڭ كاسىبي قابىلەتتەرىن باعالاۋدىڭ ولشەمدەرى مەن پرينتسيپتەرىنە جانە ولاردىڭ تۇپكى ناتيجەگە قوسقان ۇلەستەرىنە قاراي ۇلەستىك بولۋگە نەگىزدەلەدى.

ەڭبەككە اقى تولەۋدىڭ ارالاس جۇيەسىندە ەڭبەككە اقى تولەۋدىڭ تاريفتىك جانە ءتاريفسىز جۇيەلەرىنىڭ ەلەمەنتتەرى قامتىلۋى مۇمكىن.

2. جۇمىس بەرۋشى قىزمەتكەرلەردىڭ ءوندىرىس تيىمدىلىگى مەن ورىندالاتىن جۇمىستىڭ ساپاسىن ارتتىرۋعا مۇددەلىلىگىن كۇشەيتۋ ءۇشىن سىيلىقاقى بەرۋ جۇيەسىن جانە ەڭبەككە ىنتالاندىرۋدىڭ باسقا دا نىساندارىن ەنگىزە الادى.

3. قىزمەتكەرلەردىڭ ەڭبەگىنە اقى تولەۋ جانە ەڭبەككە ىنتالاندىرۋ جۇيەلەرى ۇجىمدىق شارتتىڭ، ەڭبەك شارتىنىڭ تالاپتارىندا جانە (نەمەسە) جۇمىس بەرۋشىنىڭ اكتىلەرىندە ايقىندالادى.

4. ەڭبەككە اقى تولەۋ جۇيەسى بىرجولعى ىنتالاندىرۋشى تولەمدەردى ەسەپكە الماعاندا، قىزمەتكەرلەردىڭ ورتاشا ايلىق جالاقىسىنىڭ كەمىندە 75 پروتسەنتى بولاتىن نەگىزگى جالاقى ۇلەسىن (جالاقىنىڭ نەگىزگى بولىگىنە قاتىستى) قامتاماسىز ەتۋگە ءتيىس.

5. مەملەكەتتىك بيۋدجەت جانە قازاقستان رەسپۋبليكاسى ۇلتتىق بانكىنىڭ سمەتاسى (بيۋدجەتى) ەسەبىنەن ۇستالاتىن ۇيىمدار قىزمەتكەرلەرىنىڭ ەڭبەگىنە اقى تولەۋ جۇيەسى قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىندە بەلگىلەنەدى.

6. اكتسيالارىنىڭ باقىلاۋ پاكەتى مەملەكەتكە تيەسىلى ۇلتتىق كومپانيالار مەن اكتسيونەرلىك قوعامدار باسشىلارىنىڭ ەڭبەگىنە اقى تولەۋ جانە ولارعا سىيلىقاقى بەرۋ شارتتارى قازاقستان رەسپۋبليكاسىنىڭ ۇكىمەتى بەكىتكەن ۇلگىلىك ەرەجەنىڭ نەگىزىندە ايقىندالادى.

7. قىزمەتتەر كورسەتۋگە (تاۋارلارىنا، جۇمىستارىنا) تاريفتەردى (باعالاردى، الىم ستاۆكالارىن) مەملەكەتتىك رەتتەۋ ەنگىزىلەتىن ۇيىمدار قىزمەتكەرلەرىنىڭ ەڭبەگىنە اقى تولەۋ جۇيەسىن قاراۋدىڭ جانە كەلىسۋدىڭ ءتارتىبىن ەڭبەك جونىندەگى ۋاكىلەتتى مەملەكەتتىك ورگان بەلگىلەيدى.

8. ەڭبەك شارتىندا، ۇجىمدىق شارتتا، كەلىسىمدەردە، جۇمىس بەرۋشىنىڭ اكتىلەرىندە ايقىندالعان ەڭبەككە اقى تولەۋ تالاپتارى وسى كودەكستە جانە قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىندە بەلگىلەنگەن تالاپتارمەن سالىستىرعاندا ناشار بولا المايدى.

127-باپ. ۇستەمە جۇمىسقا اقى تولەۋ

ەڭبەككە ۋاقىت بويىنشا اقى تولەۋ كەزىندە ۇستەمە ۋاقىتتاعى جۇمىسقا قىزمەتكەردىڭ تاريفتىك ستاۆكاسىن (لاۋازىمدىق ايلىقاقىسىن) نەگىزگە الا وتىرىپ كەمىندە ءبىرجارىم ەسە مولشەردە اقى تولەۋ جۇرگىزىلەدى. ەڭبەككە كەسىمدى اقى تولەۋ كەزىندە ۇستەمە ۋاقىتتاعى جۇمىسقا قىزمەتكەردىڭ تاريفتىك ستاۆكاسىن (لاۋازىمدىق ايلىقاقىسىن) نەگىزگە الا وتىرىپ قىزمەتكەردىڭ بەلگىلەنگەن تاريفتىك ستاۆكاسىنىڭ (لاۋازىمدىق ايلىقاقىسىنىڭ) كەمىندە ەلۋ پروتسەنتى مولشەرىندە قوسىمشا اقى تولەنەدى.

      ەسكەرتۋ. 127-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
128-باپ. مەرەكە جانە دەمالىس كۇندەرىندەگى جۇمىسقا اقى تولەۋ

مەرەكە جانە دەمالىس كۇندەرىندەگى جۇمىسقا قىزمەتكەردىڭ كۇندىك (ساعاتتىق) ستاۆكاسى نەگىزگە الىنا وتىرىپ، كەمىندە ەكى ەسە مولشەردە اقى تولەۋ جۇرگىزىلەدى.

129-باپ. تۇنگى ۋاقىتتاعى ەڭبەككە اقى تولەۋ

تۇنگى ۋاقىتتاعى جۇمىستىڭ ءار ساعاتىنا قىزمەتكەردىڭ كۇندىك (ساعاتتىق) ستاۆكاسى نەگىزگە الىنا وتىرىپ، كەمىندە ءبىر جارىم ەسە مولشەردە اقى تولەنەدى.

130-باپ. ءار ءتۇرلى بىلىكتىلىك جۇمىستارىن ورىنداعان كەزدە ەڭبەككە اقى تولەۋ

قىزمەتكەر ءار ءتۇرلى بىلىكتىلىك جۇمىستارىن ورىنداعان كەزدە ونىڭ ەڭبەگىنە نەعۇرلىم جوعارى بىلىكتىلىك جۇمىسى بويىنشا اقى تولەنەدى.

جوعارى بىلىكتىلىك قىزمەتكەرىنە ءوندىرىس سيپاتىن ەسكەرە وتىرىپ وعان تاعايىندالعان رازريادتان تومەن تاريفتەلەتىن جۇمىستى ورىنداۋ تاپسىرىلعان جاعدايدا، ەڭبەككە اقى تولەۋ وعان تاعايىندالعان بىلىكتىلىك (رازرياد) بويىنشا جۇرگىزىلەدى.

131-باپ. لاۋازىمداردى قوسا اتقارۋ (قىزمەت ەتۋ ايماعىنىڭ كەڭەيۋى) جانە ۋاقىتشا بولماعان قىزمەتكەردىڭ مىندەتتەرىن ورىنداۋ كەزىندە ەڭبەككە اقى تولەۋ

1. ءبىر ۇيىمدا، ءوزىنىڭ ەڭبەك شارتىندا قاراستىرىلعان نەگىزگى جۇمىسىمەن قاتار باسقا نەمەسە وسىنداي لاۋازىم بويىنشا قوسىمشا جۇمىس ورىندايتىن نە ۋاقىتشا بولماعان قىزمەتكەردىڭ مىندەتتەرىن ءوزىنىڭ نەگىزگى جۇمىسىنان بوساتىلماي ورىندايتىن قىزمەتكەرلەرگە قوسىمشا اقى

تولەنەدى.

2. جۇمىس بەرۋشى لاۋازىمداردى قوسا اتقارعانى (قىزمەت ەتۋ ايماعىنىڭ كەڭەيۋى) جانە ۋاقىتشا بولماعان قىزمەتكەردىڭ مىندەتتەرىن ورىنداعانى ءۇشىن بەرىلەتىن قوسىمشا اقىلار مولشەرلەرىن قىزمەتكەرمەن كەلىسە وتىرىپ بەلگىلەيدى.

      ەسكەرتۋ. 131-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
132-باپ. جاڭا وندىرىستەردى (ونىمدەردى) يگەرۋ كەزىندە ەڭبەككە اقى تولەۋ

ۇجىمدىق شارتتا جانە (نەمەسە) ەڭبەك شارتىندا جاڭا وندىرىستەردى (ونىمدەردى) يگەرۋ كەزەڭىندە قىزمەتكەردىڭ بۇرىنعى جالاقىسىنىڭ ساقتالۋى كوزدەلۋى مۇمكىن.

133-باپ. بوس تۇرىپ قالۋ ۋاقىتىنا اقى تولەۋ

1. جۇمىس بەرۋشىنىڭ كىناسىنەن جۇمىستىڭ بوس تۇرىپ قالۋ ۋاقىتىنا اقى تولەۋدىڭ ءتارتىبى مەن تالاپتارى ەڭبەك شارتىندا، ۇجىمدىق شارتتا ايقىندالادى جانە قىزمەتكەردىڭ ورتاشا جالاقىسىنىڭ ەلۋ پروتسەنتىنەن كەم ەمەس مولشەردە بەلگىلەنەدى.

2. قىزمەتكەردىڭ كىناسىنەن بوس تۇرىپ قالعان ۋاقىتقا اقى تولەنبەۋگە ءتيىس.

134-باپ. جالاقى تولەۋدىڭ ءتارتىبى مەن مەرزىمدەرى

1. جالاقى قازاقستان رەسپۋبليكاسىنىڭ ۇلتتىق ۆاليۋتاسىنداعى اقشالاي نىساندا ايىنا كەمىندە ءبىر رەت، كەلەسى ايدىڭ ءبىرىنشى ونكۇندىگىنەن كەشىكتىرىلمەي تولەنەدى. جالاقى تولەنەتىن كۇن ەڭبەك شارتىندا، ۇجىمدىق شارتتا كوزدەلەدى.

2. جالاقى تولەۋ كەزىندە جۇمىس بەرۋشى ءاربىر قىزمەتكەرگە ءتيىستى كەزەڭدەگى تيەسىلى جالاقىنىڭ قۇرامداس بولىكتەرى، جۇرگىزىلگەن ۇستاپ قالۋلاردىڭ مولشەرلەرى مەن نەگىزدەرى تۋرالى، ونىڭ ىشىندە ۇستاپ قالىنعان جانە اۋدارىلعان مىندەتتى زەينەتاقى جارنالارى تۋرالى، سونداي-اق تولەنۋگە ءتيىستى جالپى اقشا سوماسى تۋرالى مالىمەتتەردى جازباشا تۇردە اي سايىن حابارلاۋعا مىندەتتى.

3. جالاقى تولەۋ كۇنى دەمالىس نەمەسە مەرەكە كۇندەرىنە تۋرا كەلگەن كەزدە تولەم ولاردىڭ قارساڭىندا جۇرگىزىلەدى.

4. جالاقىنى جانە قىزمەتكەرمەن ەڭبەك شارتىن بۇزۋعا بايلانىستى وزگە دە تولەمدەردى تولەۋ جۇمىس بەرۋشىنىڭ كىناسىنەن كەشىكتىرىلگەن كەزدە، جۇمىس بەرۋشى قىزمەتكەرگە بەرەشەك پەن وسىماقىنى تولەيدى. وسىماقى مولشەرى جالاقى تولەۋ جونىندەگى مىندەتتەمەلەردى ورىنداۋ كۇنىنە قازاقستان رەسپۋبليكاسى ۇلتتىق بانكىنىڭ قايتا قارجىلاندىرۋ ستاۆكاسىن نەگىزگە الا وتىرىپ ەسەپتەلەدى جانە تولەم جۇرگىزىلۋگە ءتيىستى كۇننەن كەيىنگى كۇننەن باستاپ ءاربىر كەشىكتىرىلگەن كۇنتىزبەلىك كۇن ءۇشىن ەسەپتەلەدى جانە تولەم جاسالعان كۇنمەن اياقتالادى.

5. ەڭبەك شارتى توقتاتىلعان كەزدە جۇمىس بەرۋشىدەن قىزمەتكەرگە تيەسىلى بارلىق سومالاردى تولەۋ شارت اياقتالعان كۇننەن كەيىنگى ءۇش جۇمىس كۇنىنەن كەشىكتىرىلمەي جۇرگىزىلەدى.

135-باپ. جالاقى تولەنەتىن ورىن

قىزمەتكەرلەرگە جالاقى تولەۋ، ەگەر ەڭبەك شارتىنىڭ، ۇجىمدىق شارتتىڭ تالاپتارىندا وزگەشە كوزدەلمەسە، ولاردىڭ جۇمىس ىستەيتىن ورنىندا جۇرگىزىلۋگە ءتيىس.

136-باپ. قىزمەتكەردىڭ ورتاشا ايلىق جالاقىسىن ەسەپتەۋ

1. بەس كۇندىك، سونداي-اق التى كۇندىك جۇمىس اپتاسىندا ورتاشا ايلىق جالاقىنى ەسەپتەۋ بەلگىلەنگەن قوسىمشا اقىلار مەن ۇستەمە اقىلار، سىيلىقاقىلار جانە ەڭبەككە اقى تولەۋ جۇيەسىندە كوزدەلگەن تۇراقتى سيپاتتاعى باسقا دا ىنتالاندىرۋ تولەمدەرى ەسكەرىلە وتىرىپ، ءتيىستى كەزەڭدەگى ورتاشا كۇندىك (ساعاتتىق) جالاقىنىڭ ەسەبىنەن ناقتى جۇمىس ىستەلگەن ۋاقىت ءۇشىن جۇرگىزىلەدى.

2. وسى كودەكسكە سايكەس ءتيىستى اقى (تولەم) تولەۋگە بايلانىستى وقيعانىڭ الدىنداعى ون ەكى كۇنتىزبەلىك اي ورتاشا جالاقىنى ەسەپتەۋ ءۇشىن ەسەپتىك كەزەڭ بولىپ تابىلادى. كۇنتىزبەلىك ون ەكى ايدان از جۇمىس ىستەگەن قىزمەتكەرلەر ءۇشىن ورتاشا ايلىق جالاقى ناقتى جۇمىس ىستەلگەن ۋاقىت بويىنشا ايقىندالادى.

3. ورتاشا جالاقىنى ايقىنداۋدىڭ وسى كودەكستە كوزدەلگەن بارلىق جاعدايلارى ءۇشىن ەڭبەك جونىندەگى ۋاكىلەتتى ورگان ونى ەسەپتەۋدىڭ بىرىڭعاي ءتارتىبىن بەلگىلەيدى.

4. ەگەر بۇل قىزمەتكەردىڭ جاعدايىن ناشارلاتپايتىن بولسا، ۇجىمدىق شارتتا ورتاشا جالاقىنى ەسەپتەۋدىڭ وزگە كەزەڭدەرى كوزدەلۋى مۇمكىن.

      ەسكەرتۋ. 136-باپقا وزگەرىس ەنگىزىلدى - قر 29.09.2014 N 239-V زاڭىمەن (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi).
137-باپ. جالاقىدان ۇستاپ قالۋ

1. قىزمەتكەردىڭ جالاقىسىنان ۇستاپ قالۋ سوت شەشىمى بويىنشا، سونداي-اق قازاقستان رەسپۋبليكاسىنىڭ زاڭدارىندا كوزدەلگەن جاعدايلاردا جۇرگىزىلەدى.

2. قىزمەتكەردىڭ ءوزى جۇمىس ىستەيتىن ۇيىمعا بەرەشەگىن وتەۋ ءۇشىن ونىڭ جالاقىسىنان ۇستاپ قالۋ قىزمەتكەردىڭ جازباشا كەلىسىمى بار بولعان كەزدە جۇمىس بەرۋشىنىڭ اكتىسى نەگىزىندە جۇرگىزىلۋى مۇمكىن.

3. اي سايىنعى ۇستاپ قالۋدىڭ جالپى مولشەرى قىزمەتكەرگە تيەسىلى جالاقىنىڭ ەلۋ پروتسەنتىنەن اسپاۋعا ءتيىس.

138-باپ. قىزمەتكەردىڭ قايتىس بولۋىنا بايلانىستى الىنباعان جالاقىنى بەرۋ

قىزمەتكەردىڭ قايتىس بولۋىنا بايلانىستى الىنباعان جالاقى قازاقستان رەسپۋبليكاسىنىڭ ازاماتتىق زاڭناماسىندا بەلگىلەنگەن تارتىپپەن بەرىلەدى.

10-1-تاراۋ. ۇلتتىق بىلىكتىلىك جۇيەسى

      ەسكەرتۋ. كودەكس 10-1-تاراۋمەن تولىقتىرىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.

138-1-باپ. وسى تاراۋدا پايدالانىلاتىن ۇعىمدار

      وسى تاراۋدا مىناداي ۇعىمدار پايدالانىلادى:

      1) ۇلتتىق بىلىكتىلىك جۇيەسى – مامانداردىڭ بىلىكتىلىگىنە ەڭبەك نارىعى تاراپىنان سۇرانىس پەن ۇسىنىستاردى قۇقىقتىق جانە ينستيتۋتسيونالدىق رەتتەۋ تەتىكتەرىنىڭ جيىنتىعى;

      2) ۇلتتىق بىلىكتىلىك شەڭبەرى – ەڭبەك نارىعىندا تانىلاتىن بىلىكتىلىك دەڭگەيلەرىن قۇرىلىمدىق جاعىنان سيپاتتاۋ;

      3) سالالىق بىلىكتىلىك شەڭبەرلەرى – سالادا تانىلاتىن بىلىكتىلىك دەڭگەيلەرىن قۇرىلىمدىق جاعىنان سيپاتتاۋ;

      4) كاسىبي ستاندارت – كاسىبي قىزمەتتىڭ ناقتى سالاسىندا بىلىكتىلىك دەڭگەيىنە جانە قۇزىرەتتىلىككە، ەڭبەك مازمۇنىنا، ساپاسىنا جانە جاعدايلارىنا قويىلاتىن تالاپتاردى ايقىندايتىن ستاندارت.

138-2-باپ. ۇلتتىق بىلىكتىلىك جۇيەسىنىڭ قۇرىلىمى

      ۇلتتىق بىلىكتىلىك جۇيەسى مىنالاردى:

      1) ۇلتتىق بىلىكتىلىك شەڭبەرىن;

      2) سالالىق بىلىكتىلىك شەڭبەرلەرىن;

      3) كاسىبي ستاندارتتاردى;

      4) ماماننىڭ كاسىبي دايارلىعىن باعالاۋ جانە بىلىكتىلىك سايكەستىگىن راستاۋدى قامتيدى.

138-3-باپ. ۇلتتىق بىلىكتىلىك شەڭبەرى

      1. ۇلتتىق بىلىكتىلىك شەڭبەرى كاسىبي قىزمەتتىڭ جالپى سيپاتتامالارىن ءاربىر بىلىكتىلىك دەڭگەيى ءۇشىن سيپاتتاۋدان تۇرادى.

      2. ۇلتتىق بىلىكتىلىكتەر شەڭبەرىن ازىرلەۋدى ەڭبەك جونىندەگى ۋاكىلەتتى مەملەكەتتىك ورگان ءبىلىم بەرۋ سالاسىنداعى ۋاكىلەتتى مەملەكەتتىك ورگانمەن بىرلەسىپ جۇرگىزەدى جانە ونى الەۋمەتتىك ارىپتەستىك پەن الەۋمەتتىك جانە ەڭبەك قاتىناستارىن رەتتەۋ جونىندەگى رەسپۋبليكالىق كوميسسيا بەكىتەدى.

      ەسكەرتۋ. 138-3-باپقا وزگەرىس ەنگىزىلدى - قر 27.06.2014 N 212-V زاڭىمەن (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi).
138-4-باپ. سالالىق بىلىكتىلىك شەڭبەرلەرى

      1. سالالىق بىلىكتىلىك شەڭبەرلەرى ۇلتتىق بىلىكتىلىك شەڭبەرى نەگىزىندە ەكونوميكالىق قىزمەتتىڭ ناقتى سالاسىندا ازىرلەنەدى.

      2. سالالىق بىلىكتىلىك شەڭبەرى سالادا ورىندالاتىن جۇمىستاردىڭ كۇردەلىلىگىنە جانە پايدالانىلاتىن ءبىلىم، ماشىقتار مەن قۇزىرەت سيپاتىنا قاراي دەڭگەيلەر بويىنشا ماماننىڭ بىلىكتىلىگىنە قويىلاتىن تالاپتاردى جىكتەيدى.

      3. سالالىق بىلىكتىلىكتەر شەڭبەرىن ازىرلەۋدى ءتيىستى قىزمەت سالالارىنىڭ ۋاكىلەتتى مەملەكەتتىك ورگاندارى جۇرگىزەدى جانە ونى الەۋمەتتىك ارىپتەستىك پەن الەۋمەتتىك جانە ەڭبەك قاتىناستارىن رەتتەۋ جونىندەگى سالالىق كوميسسيالار بەكىتەدى.

      ەسكەرتۋ. 138-4-باپقا وزگەرىستەر ەنگىزىلدى - قر 04.07.2013 № 130-V (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى); 27.06.2014 N 212-V (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi) زاڭدارىمەن.
138-5-باپ. كاسىبي ستاندارتتار

      1. كاسىبي ستاندارتتاردى ازىرلەۋدى ءتيىستى قىزمەت سالالارىنىڭ ۋاكىلەتتى مەملەكەتتىك ورگاندارى قازاقستان رەسپۋبليكاسىنىڭ ۇلتتىق كاسىپكەرلەر پالاتاسىمەن، جۇمىس بەرۋشىلەردىڭ سالالىق بىرلەستىكتەرىمەن جانە قىزمەتكەرلەردىڭ سالالىق بىرلەستىكتەرىمەن بىرلەسىپ جۇزەگە اسىرادى.

      2. كاسىبي ستاندارتتاردىڭ قۇرىلىمىن، ولاردى ازىرلەۋ، قايتا قاراۋ، سىناقتان وتكىزۋ جانە قولدانۋ ءتارتىبىن ەڭبەك جونىندەگى ۋاكىلەتتى مەملەكەتتىك ورگان قازاقستان رەسپۋبليكاسىنىڭ ۇلتتىق كاسىپكەرلەر پالاتاسىمەن، جۇمىس بەرۋشىلەردىڭ رەسپۋبليكالىق بىرلەستىكتەرىمەن جانە قىزمەتكەرلەردىڭ رەسپۋبليكالىق بىرلەستىكتەرىمەن كەلىسۋ بويىنشا ايقىندايدى.

      3. كاسىبي ستاندارتتاردى بەكىتۋدى ءتيىستى قىزمەت سالالارىنىڭ ۋاكىلەتتى مەملەكەتتىك ورگاندارى ەڭبەك جونىندەگى ۋاكىلەتتى مەملەكەتتىك ورگانمەن كەلىسىم بويىنشا ولار بەلگىلەگەن تارتىپپەن جۇرگىزەدى.

      4. ەڭبەك جونىندەگى ۋاكىلەتتى مەملەكەتتىك ورگان كاسىبي ستاندارتتار تىزىلىمىن جۇرگىزۋدى ءوزى بەلگىلەگەن نىسان بويىنشا جۇزەگە اسىرادى.

      ەسكەرتۋ. 138-5-باپقا وزگەرىس ەنگىزىلدى - قر 04.07.2013 № 130-V زاڭىمەن (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى).
138-6-باپ. مامانداردىڭ كاسىبي دايارلىعىن باعالاۋ جانە بىلىكتىلىك سايكەستىگىن راستاۋ

      1. مامان قۇزىرەتىنىڭ سايكەستىگى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن اككرەديتتەلگەن ۇيىمدار جۇزەگە اسىراتىن بىلىكتىلىك سايكەستىگىن راستاۋ نەگىزىندە ايقىندالادى.

      2. مامانداردىڭ بىلىكتىلىك سايكەستىگىن راستاۋ جانە بىلىكتىلىگىن بەرۋ ءتارتىبىن بەكىتۋدى تيىستى قىزمەت سالالارىنىڭ ۋاكىلەتتى مەملەكەتتىك ورگاندارى جۇمىس بەرۋشىلەردىڭ رەسپۋبليكالىق بىرلەستىكتەرىنىڭ جانە قىزمەتكەرلەر بىرلەستىكتەرىنىڭ پىكىرىن ەسكەرە وتىرىپ جۇزەگە اسىرادى.

11-تاراۋ. كاسىپتىك دايارلاۋ، قايتا دايارلاۋ جانە بىلىكتىلىكتى ارتتىرۋ

139-باپ. وسى تاراۋدا پايدالانىلاتىن ۇعىمدار

وسى تاراۋدا مىناداي ۇعىمدار پايدالانىلادى:

1) وقىتۋ شارتى - جۇمىس بەرۋشى مەن وقيتىن ادامنىڭ اراسىنداعى كاسىپتىك دايارلاۋ، قايتا دايارلاۋ جانە بىلىكتىلىكتى ارتتىرۋ شارتتارى تۋرالى جازباشا كەلىسىم;

2) كاسىپتىك دايارلاۋ - بەلگىلى ءبىر جۇمىس ءتۇرىن ورىنداۋعا قاجەتتى جاڭا كاسىبي داعدىلاردى مەڭگەرۋ نەمەسە كاسىبي داعدىلاردى وزگەرتۋ ءۇشىن ادامدى دامىتۋعا باعىتتالعان كاسىپتىك وقىتۋ نىسانى;

3) قايتا دايارلاۋ - باسقا كاسىپتى نەمەسە ماماندىقتى يگەرۋگە مۇمكىندىك بەرەتىن كاسىپتىك وقىتۋ نىسانى;

4) بىلىكتىلىكتى ارتتىرۋ - بۇرىن العان كاسىپتىك ءبىلىمىن، شەبەرلىگى مەن داعدىلارىن قولداۋعا، كەڭەيتۋگە، تەرەڭدەتۋ مەن جەتىلدىرۋگە مۇمكىندىك بەرەتىن كاسىپتىك وقىتۋ نىسانى.

140-باپ. جۇمىس بەرۋشىنىڭ دايارلاۋ، قايتا دايارلاۋ جانە بىلىكتىلىكتى ارتتىرۋ جونىندەگى قۇقىقتارى مەن مىندەتتەرى

1. ۇيىمنىڭ جۇمىس ىستەۋى مەن دامۋى ءۇشىن كاسىپتىك دايارلاۋدىڭ، قايتا دايارلاۋ مەن بىلىكتىلىكتى ارتتىرۋدىڭ قاجەتتىگىن جانە ونىڭ كولەمىن جۇمىس بەرۋشى ايقىندايدى.

2. جۇمىس بەرۋشى قىزمەتكەرلەردى نەمەسە وزىمەن ەڭبەك قاتىناستارىندا تۇرمايتىن وزگە ادامداردى (بۇدان ءارى - وقيتىن ادامدار) كاسىپتىك دايارلاۋدى، قايتا دايارلاۋدى جانە ولاردىڭ بىلىكتىلىگىن ارتتىرۋدى:

1) تىكەلەي ۇيىمدا;

2) تەحنيكالىق جانە كاسىپتىك، ورتا بىلىمنەن كەيىنگى، جوعارى جانە جوعارى وقۋ ورنىنان كەيىنگى ءبىلىمنىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا;

3) كادرلاردى كاسىپتىك دايارلاۋدى، قايتا دايارلاۋدى جانە ولاردىڭ بىلىكتىلىگىن ارتتىرۋدى جۇزەگە اسىراتىن وزگە دە ۇيىمداردا جۇرگىزەدى.

3. جۇمىس بەرۋشى كاسىپتىك دايارلاۋدان، قايتا دايارلاۋدان نەمەسە بىلىكتىلىگىن ارتتىرۋدان وتەتىن قىزمەتكەرلەرگە وسى كودەكستە، كەلىسىمدەردە، ۇجىمدىق شارتتا، ەڭبەك شارتىندا كوزدەلگەن جۇمىستى وقۋمەن قاتار الىپ ءجۇرۋ ءۇشىن جاعدايلار جاساۋعا مىندەتتى.

4. جۇمىس بەرۋشى تەحنيكالىق جانە كاسىپتىك ءبىلىم بەرۋدىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىنا كادرلاردى دايارلاۋدا، قايتا دايارلاۋدا جانە ولاردىڭ بىلىكتىلىگىن ارتتىرۋدا جاردەمدەسەدى.

      ەسكەرتۋ. 140-باپقا وزگەرىستەر ەنگىزىلدى - قر 2007.07.27 N 320 (قولدانىسقا ەنگىزىلۋ ءتارتىبىن 2-باپتان قاراڭىز), 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى); 04.07.2013 № 130-V (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭدارىمەن.
141-باپ. جۇمىس بەرۋشىنىڭ جولداماسى بويىنشا ءبىلىم بەرۋ ۇيىمدارىندا كاسىپتىك دايارلاۋ، قايتا دايارلاۋ جانە بىلىكتىلىكتى ارتتىرۋ

1. جۇمىس بەرۋشىنىڭ جولداماسى بويىنشا ءبىلىم بەرۋ ۇيىمدارىندا وقيتىن ادامداردى كاسىپتىك دايارلاۋ، قايتا دايارلاۋ جانە ولاردىڭ بىلىكتىلىگىن ارتتىرۋ وقىتۋ شارتىنا سايكەس جۇمىس بەرۋشىنىڭ قاراجاتى نەمەسە قازاقستان رەسپۋبليكاسىنىڭ زاڭناماسىندا تىيىم سالىنباعان وزگە دە قاراجاتتار ەسەبىنەن جۇزەگە اسىرىلادى.

2. كەلىسىمدە، ۇجىمدىق شارتتا جانە (نەمەسە) ەڭبەك شارتىندا وقىتۋعا بايلانىستى جەڭىلدىكتەر مەن وتەماقى تولەمدەرى كوزدەلۋى مۇمكىن.

142-باپ. ۇيىمدا قىزمەتكەرلەردى كاسىپتىك دايارلاۋ، قايتا دايارلاۋ جانە ولاردىڭ بىلىكتىلىگىن ارتتىرۋ

1. ۇيىمدا قىزمەتكەرلەردى كاسىپتىك دايارلاۋدى، قايتا دايارلاۋدى جانە ولاردىڭ بىلىكتىلىگىن ارتتىرۋدى جۇمىس بەرۋشى جۇزەگە اسىرادى.

2. كادرلاردى كاسىپتىك دايارلاۋ، قايتا دايارلاۋ جانە ولاردىڭ بىلىكتىلىگىن ارتتىرۋ نىساندارىن جۇمىس بەرۋشى ايقىندايدى.

3. ۇيىمدا كادرلاردى كاسىپتىك دايارلاۋعا، قايتا دايارلاۋعا جانە ولاردىڭ بىلىكتىلىگىن ارتتىرۋعا قويىلاتىن جالپى تالاپتاردى ەڭبەك جونىندەگى ۋاكىلەتتى ورگان ايقىندايدى.

      ەسكەرتۋ. 142-باپقا وزگەرىس ەنگىزىلدى - قر 29.09.2014 N 239-V زاڭىمەن (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi).
143-باپ. قىزمەتكەرلەردىڭ كاسىپتىك دايارلاۋ، قايتا دايارلاۋ جانە بىلىكتىلىكتى ارتتىرۋ جونىندەگى قۇقىقتارى مەن مىندەتتەرى

1. قىزمەتكەرلەردىڭ جاڭا كاسىپتەر مەن ماماندىقتارعا وقىتۋدى قوسا العاندا، كاسىپتىك دايارلاۋعا، قايتا دايارلاۋعا جانە بىلىكتىلىكتى ارتتىرۋعا قۇقىعى بار.

2. كاسىپتىك دايارلاۋدان، قايتا دايارلاۋدان نەمەسە بىلىكتىلىكتى ارتتىرۋدان وتەتىن قىزمەتكەرلەر جۇمىس بەرۋشىمەن كەلىسە وتىرىپ جۇمىستان بوساتىلۋى نە جۇمىستى تولىق ەمەس جۇمىس ۋاقىتى جاعدايىندا ورىنداۋى مۇمكىن.

3. كاسىپتىك دايارلاۋدان، قايتا دايارلاۋدان نەمەسە بىلىكتىلىكتى ارتتىرۋدان وتەتىن قىزمەتكەرلەر وسى كودەكستە، ۇجىمدىق شارتتا، ەڭبەك شارتىندا كوزدەلگەن كەپىلدىكتەردى پايدالانادى.

4. كاسىپتىك دايارلاۋ، قايتا دايارلاۋ جانە بىلىكتىلىكتى ارتتىرۋ اياقتالعاننان كەيىن وقيتىن ادام تاراپتار وقىتۋ شارتىندا كەلىسكەن مەرزىمدە جۇمىس بەرۋشىدە جۇمىسپەن وتەۋگە مىندەتتى.

5. ەڭبەك شارتى قىزمەتكەردىڭ باستاماسى بويىنشا نەمەسە قىزمەتكەردىڭ كىناسى سالدارىنان جۇمىس بەرۋشىنىڭ باستاماسى بويىنشا مەرزىمىنەن بۇرىن بۇزىلعان جاعدايدا قىزمەتكەر ءوزىن وقىتۋعا بايلانىستى شىعىنداردى جۇمىسپەن وتەۋ مەرزىمىنىڭ جۇمىس ىستەلمەگەن مەرزىمىنە بارابار مولشەردە جۇمىس بەرۋشىگە وتەيدى.

144-باپ. وقىتۋ شارتىنىڭ مازمۇنى

1. وقىتۋ شارتى:

1) وقيتىن ادام الاتىن ناقتى كاسىپكە، ماماندىققا، بىلىكتىلىككە سىلتەمەنى;

2) جۇمىس بەرۋشىنىڭ جانە وقيتىن ادامنىڭ قۇقىقتارى مەن مىندەتتەرىن;

3) وقىتۋ مەرزىمىن جانە وقىتۋ اياقتالعاننان كەيىن جۇمىس بەرۋشىدە جۇمىسپەن وتەۋ مەرزىمىن;

4) وقىتۋعا بايلانىستى كەپىلدىكتەر مەن وتەماقى تولەمدەرىن;

5) تاراپتاردىڭ جاۋاپكەرشىلىگىن قامتۋعا ءتيىس.

2. وقىتۋ شارتىندا تاراپتاردىڭ كەلىسىمىمەن ايقىندالعان وزگە دە تالاپتار قامتىلۋى مۇمكىن.

12-تاراۋ. جۇمىسقا ورنالاستىرۋ

145-باپ. جۇمىسقا ورنالاستىرۋ كەزىندەگى مەملەكەتتىك كەپىلدىكتەر

مەملەكەت حالىقتى جۇمىسپەن قامتۋ سالاسىندا ازاماتتارعا:

1) كەمسىتۋشىلىكتىڭ كەز كەلگەن نىسانىنان قورعاۋعا جانە كاسىپ پەن جۇمىس الۋدا تەڭ مۇمكىندىكتەرمەن قامتاماسىز ەتۋگە;

2) جۇمىسسىزداردى، تابىسى از ادامدار قاتارىنداعى جۇمىسپەن قامتىلعانداردى جانە جەتى جاسقا دەيىنگى بالالاردى باعىپ-كۇتۋمەن اينالىساتىن ادامداردى كاسىپتىك دايارلاۋعا, قايتا دايارلاۋعا، بىلىكتىلىگىن ارتتىرۋعا، سونداي-اق جۇمىسسىزدار ءۇشىن قوعامدىق جۇمىستار ۇيىمداستىرۋعا;

2-1) كۇشى جويىلدى - قر 2009.05.05 N 159-IV (2011.01.01 باستاپ قولدانىسقا ەنگىزىلەدى) زاڭىمەن;

3) كاسىپكەرلىكتى دامىتۋعا جاردەمدەسۋگە;

4) جۇمىسپەن قامتۋ ماسەلەلەرى جونىندەگى ۋاكىلەتتى ورگان جانە جۇمىسپەن قامتۋدىڭ جەكەشە اگەنتتىگى ارقىلى ەڭبەك دەلدالدىعىن ۇيىمداستىرۋعا;

5) كاسىپتىك-باعدارلاۋ قىزمەتتەرىن كورسەتۋگە، بوس ورىندار مەن بوس جۇمىس ورىندارى تۋرالى اقپاراتتار بەرۋگە;

6) كاسىپتىك ءبىلىم بەرۋ جۇيەسىن ەڭبەك نارىعىندا سۇرانىسقا يە مامانداردى دايارلاۋعا باعدارلاۋعا;

7) جۇمىس كۇشىن قازاقستان رەسپۋبليكاسى مەملەكەتتىك جوسپارلاۋ جۇيەسىنىڭ قۇجاتتارىنا سايكەس وڭىرارالىق قايتا بولۋگە;

8) ەڭبەك قاتىناستارىن انىقتاۋ جانە جاريا ەتۋ جونىندەگى شارالاردى ازىرلەۋگە جانە ىسكە اسىرۋعا;

9) ينۆەستيتسيالىق كەلىسىم-شارتتاردا ينۆەستوردىڭ كاسىپتىك دايارلاۋ، جاڭا جۇمىس ورىندارىن اشۋ جانە بار جۇمىس ورىندارىن ساقتاپ قالۋ جونىندەگى مىندەتتەرىن بەلگىلەۋگە;

10) كاسىپتىك دايارلىقتى، قايتا دايارلىقتى جانە بىلىكتىلىكتى دامىتۋعا تىكەلەي ۇيىمداردا جاعداي جاساۋعا;

11) جۇمىسپەن قامتۋ جونىندەگى ۋاكىلەتتى ورگانداردىڭ جۇمىس بەرۋشىلەرمەن ءوزارا ءىس-قيمىلىنا;

12) نىسانالى توپتارعا كىرەتىن ادامداردى جۇمىسقا ورنالاستىرۋ ءۇشىن جاعدايلارمەن قامتاماسىز ەتۋگە كەپىلدىكتەر بەرەدى.

      ەسكەرتۋ. 145-باپقا وزگەرىستەر ەنگىزىلدى - قر 2009.05.05. N 159-IV (قولدانىسقا ەنگىزىلۋ ءتارتىبىن 2-باپتان قاراڭىز); 03.07.2013 № 124-V (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى); 29.12.2014 № 269-V (01.01.2015 باستاپ قولدانىسقا ەنگىزىلەدى) زاڭدارىمەن.
146-باپ. ازاماتتاردىڭ جۇمىسقا ورنالاسۋ سالاسىنداعى قۇقىقتارى

ازاماتتاردىڭ:

1) جۇمىس بەرۋشىلەرگە تىكەلەي ءوتىنىش ءبىلدىرۋ جولىمەن، سونداي-اق حالىقتىڭ جۇمىسقا ورنالاسۋىنا جاردەم كورسەتەتىن جۇمىسپەن قامتۋ ماسەلەلەرى جونىندەگى ۋاكىلەتتى ورگاننىڭ نەمەسە جۇمىسپەن قامتۋدىڭ جەكەشە اگەنتتىگىنىڭ ەڭبەك دەلدالدىعى ارقىلى قىزمەت پەن كاسىپ ءتۇرىن ەركىن تاڭداۋعا;

2) جۇمىستى ءوزى ىزدەۋگە جانە جۇمىسقا ورنالاسۋعا، سونىڭ ىشىندە شەتەلدەن جۇمىس ىزدەۋگە جانە جۇمىسقا ورنالاسۋعا;

3) جۇمىسپەن قامتۋ ماسەلەلەرى جونىندەگى ۋاكىلەتتى ورگانداردان جانە جۇمىسپەن قامتۋدىڭ جەكەشە اگەنتتىكتەرىنەن كونسۋلتاتسيالار مەن اقپاراتتار الۋعا;

4) قوعامدىق جۇمىستارعا قاتىسۋعا قۇقىعى بار.

147-باپ. جۇمىس بەرۋشىنىڭ جۇمىسقا ورنالاستىرۋ كەزىندەگى قۇقىقتارى مەن مىندەتتەرى

1. جۇمىس بەرۋشىنىڭ:

1) كادرلار ىرىكتەۋدى جۇزەگە اسىرۋعا;

2) جۇمىسپەن قامتۋ ماسەلەلەرى جونىندەگى ۋاكىلەتتى ورگانداردان ەڭبەك نارىعىنىڭ جاي-كۇيى جانە كاسىپتىك دايارلاۋدىڭ مۇمكىندىكتەرى تۋرالى دايەكتى، تولىق جانە جەدەل اقپارات الۋعا قۇقىعى بار.

2. جۇمىس بەرۋشى جۇمىسپەن قامتۋ ماسەلەلەرى جونىندەگى ۋاكىلەتتى ورگانعا:

1) جۇمىس بەرۋشى-زاڭدى تۇلعانىڭ تاراتىلۋىنا نە جۇمىس بەرۋشى-جەكە تۇلعانىڭ قىزمەتىن توقتاتۋىنا، قىزمەتكەرلەر سانىنىڭ نەمەسە شتاتتىڭ قىسقارۋىنا بايلانىستى الداعى ۋاقىتتا قىزمەتكەرلەردىڭ جۇمىستان بوساتىلۋى تۋرالى، جۇمىستان بوساتىلاتىن قىزمەتكەرلەردىڭ لاۋازىمدارى مەن كاسىپتەرىن، ماماندىقتارىن، بىلىكتىلىگى مەن ەڭبەكاقىسىنىڭ مولشەرىن كورسەتە وتىرىپ، بوساتىلۋى مۇمكىن قىزمەتكەرلەردىڭ سانى مەن ساناتتارى تۋرالى جانە ولاردىڭ بوساتىلاتىن مەرزىمدەرى تۋرالى جۇمىستان بوساتۋ باستالاردان كەمىندە ەكى اي بۇرىن;

2) ءوندىرىستى ۇيىمداستىرۋداعى، ونىڭ ىشىندە قايتا ۇيىمداستىرۋ كەزىندەگى وزگەرىسكە جانە (نەمەسە) جۇمىس بەرۋشىدەگى جۇمىس كولەمىنىڭ قىسقارۋىنا بايلانىستى قىزمەتكەرلەردىڭ تولىق ەمەس جۇمىس ۋاقىتى رەجيمىنە كوشۋى بولىگىندە الداعى ۋاقىتتا بولاتىن ەڭبەك جاعدايلارىنىڭ وزگەرۋى تۋرالى كەمىندە ءبىر اي بۇرىن;

3) بوس جۇمىس ورىندارى (بوس لاۋازىمدار) تۋرالى ولاردىڭ پايدا بولعان كۇنىنەن باستاپ ءۇش جۇمىس كۇنى ىشىندە;

4) ازاماتتاردى جۇمىسقا قابىلداۋ تۋرالى نەمەسە جۇمىسقا قابىلداۋدان باس تارتۋ تۋرالى (جولدامادا ءتيىستى بەلگى قويۋ ارقىلى سەبەبىن تۇسىندىرە وتىرىپ) ولاردى ۋاكىلەتتى ورگان جىبەرگەن كۇننەن باستاپ بەس جۇمىس كۇنى ىشىندە اقپارات بەرۋگە مىندەتتى.

      3. جۇمىس بەرۋشى جەرگىلىكتى تۇرعىندار بولىپ تابىلمايتىن ادامداردى جۇمىسقا قابىلداۋ جانە (نەمەسە) ول ادامدارمەن ەڭبەك قاتىناستارىن توقتاتۋ تۋرالى اقپاراتتى ىشكى ىستەر ورگانىنا ءبىر اي ىشىندە بەرەدى. اقپاراتتى بەرۋ ءتارتىبى مەن نىسانىن ىشكى ىستەر مينيسترلىگى ايقىندايدى.

      ەسكەرتۋ. 147-باپقا وزگەرتۋ ەنگىزىلدى - قر 2009.05.05 N 159-IV (قولدانىسقا ەنگىزىلۋ ءتارتىبىن 2-باپتان قاراڭىز), 2011.07.22 № 478-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى), 13.06.2013 № 102-V (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭدارىمەن.
148-باپ. ەڭبەك دەلدالدىعى

جۇمىسپەن قامتۋ ماسەلەلەرى جونىندەگى ۋاكىلەتتى ورگان نەمەسە جۇمىسپەن قامتۋدىڭ جەكەشە اگەنتتىگى:

1) ازاماتتاردى - جۇمىسقا تۇرۋ مۇمكىندىگى تۋرالى، ال جۇمىس بەرۋشىلەردى جۇمىس كۇشىمەن قامتىلۋ مۇمكىندىگى تۋرالى حاباردار ەتۋ;

2) ازاماتتاردىڭ جۇمىس تاڭداۋىنا جاردەم كورسەتۋ;

3) ازاماتتارعا بوس جۇمىس ورنىنا جۇمىسقا ورنالاسۋ ءۇشىن جۇمىس بەرۋشىگە جولداما بەرۋ;

4) ەڭبەك نارىعى جونىندەگى دەرەكتەر بازاسىن قالىپتاستىرۋ;

5) ءوتىنىش بىلدىرگەن ازاماتتاردى ەسەپكە الۋ مەن تىركەۋ;

6) كاسىپتىك باعدار جاساۋدا قىزمەتتەر كورسەتۋ;

7) جۇمىس بەرۋشىلەرمەن شارتتار نەگىزىندە جۇمىسقا ورنالاسۋ ماسەلەلەرى جونىندە ءوزارا ءىس-قيمىل جاساسۋ ارقىلى ەڭبەك دەلدالدىعىن جۇزەگە اسىرادى.

13-تاراۋ. كەپىلدىكتەر مەن وتەماقى تولەمدەرى

149-باپ. قىزمەتكەرلەر مەملەكەتتىك نەمەسە قوعامدىق مىندەتتەردى ورىنداعان كەزدە بەرىلەتىن كەپىلدىكتەر

1. جۇمىس بەرۋشى قازاقستان رەسپۋبليكاسىنىڭ زاڭدارىندا كوزدەلگەن جاعدايلاردا قىزمەتكەرلەر مەملەكەتتىك نەمەسە قوعامدىق مىندەتتەردى ورىنداۋعا تارتىلعان ۋاقىتتا ولاردى جۇمىس ورنىن (لاۋازىمىن) ساقتاي وتىرىپ، ەڭبەك مىندەتتەرىن ورىنداۋدان بوساتادى.

2. قىزمەتكەرلەرگە مەملەكەتتىك جانە قوعامدىق مىندەتتەردى ورىنداعانى ءۇشىن اتالعان مىندەتتەردى ورىندايتىن جەرى بويىنشا، بىراق نەگىزگى جۇمىس ورنىنداعى ورتاشا جالاقىسىنان تومەن ەمەس جالاقى تولەنەدى.

3. اسكەرگە شاقىرۋ جانە مەرزىمدى اسكەري قىزمەت ۋاقىتىندا قىزمەتكەردىڭ جۇمىس ورنى (لاۋازىمى) ساقتالادى.

      ەسكەرتۋ. 149-باپقا وزگەرىس ەنگىزىلدى - قر 27.06.2014 N 212-V زاڭىمەن (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi).
150-باپ. مەديتسينالىق تەكسەرۋگە جىبەرىلەتىن قىزمەتكەرلەر ءۇشىن كەپىلدىكتەر

وسى كودەكسكە نە ۇجىمدىق شارتقا سايكەس كەزەڭدىك مەديتسينالىق تەكسەرۋلەردەن وتۋگە مىندەتتى قىزمەتكەرلەردىڭ ولاردان وتكەن ۋاقىتتا جۇمىس بەرۋشىنىڭ قاراجاتى ەسەبىنەن جۇمىس ورنى (لاۋازىمى) مەن ورتاشا جالاقىسى ساقتالادى.

151-باپ. دونور بولىپ تابىلاتىن قىزمەتكەرلەر ءۇشىن كەپىلدىكتەر

دونور بولىپ تابىلاتىن قىزمەتكەردىڭ تەكسەرىلۋ جانە قان مەن ونىڭ كومپونەنتتەرىن دوناتسيالاۋ ۋاقىتىندا جۇمىس ورنى (لاۋازىمى) مەن ورتاشا جالاقىسى ساقتالادى، سونداي-اق ولارعا قازاقستان رەسپۋبليكاسىنىڭ دەنساۋلىق ساقتاۋ سالاسىنداعى زاڭناماسىنا سايكەس وزگە دە كەپىلدىكتەر بەرىلەدى.

      ەسكەرتۋ. 151-باپ جاڭا رەداكتسيادا - قر 2009.07.16. N 186-IV زاڭىمەن; وزگەرىس ەنگىزىلدى - قر 06.04.2015 № 299-V (العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
152-باپ. ىسساپارلارعا جىبەرىلەتىن قىزمەتكەرلەر ءۇشىن كەپىلدىكتەر مەن وتەماقى تولەمدەرى

1. ءىسساپار ۋاقىتىندا قىزمەتكەردىڭ جۇمىس ورنى (لاۋازىمى) مەن جالاقىسى ساقتالادى.

2. ىسساپارلارعا جىبەرىلەتىن قىزمەتكەرلەرگە:

1) قىزمەتتىك ءىسساپاردا، ونىڭ ىشىندە جولدا بولعان كۇنتىزبەلىك كۇندەرى ءۇشىن تاۋلىكتىك تولەمدەر;

2) باراتىن جەرىنە دەيىنگى جانە كەرى قايتۋداعى جول ءجۇرۋ شىعىستارى;

3) تۇرعىن ءۇي جالداۋ شىعىستارى تولەنەدى.

3. قىزمەتكەرلەردى ىسساپارلارعا جىبەرۋدىڭ تالاپتارى مەن مەرزىمدەرى ەڭبەك شارتىمەن، ۇجىمدىق شارتپەن نەمەسە جۇمىس بەرۋشىنىڭ اكتىسىمەن ايقىندالادى.

4. قىزمەتكەرلەردى ىسساپارلارعا جىبەرۋ وسى كودەكستىڭ 183, 187, 226-باپتارىندا كوزدەلگەن شەكتەۋلەر ەسكەرىلە وتىرىپ جۇزەگە اسىرىلادى.

153-باپ. قىزمەتكەردى جۇمىس بەرۋشىمەن بىرگە باسقا جەرگە اۋىستىرۋ كەزىندەگى كەپىلدىكتەر مەن وتەماقى تولەمدەرى

1. قىزمەتكەر جۇمىس بەرۋشىمەن بىرگە باسقا جەرگە اۋىستىرىلعان كەزدە جۇمىس بەرۋشى قىزمەتكەرگە:

1) قىزمەتكەر مەن ونىڭ وتباسى مۇشەلەرىنىڭ كوشىپ-قونۋ;

2) قىزمەتكەر مەن ونىڭ وتباسى مۇشەلەرىنىڭ مۇلكىن جەتكىزۋ جونىندەگى شىعىستارىن وتەۋگە مىندەتتى.

2. وسى باپتىڭ 1-تارماعىندا كوزدەلگەن وتەماقى تولەمدەرىنىڭ ءتارتىبى مەن مولشەرى ەڭبەك شارتىندا، ۇجىمدىق شارتتا نەمەسە جۇمىس بەرۋشىنىڭ اكتىسىندە ايقىندالادى.

154-باپ. ەكولوگيالىق ءزىلزالا جانە رادياتسيالىق قاتەر ايماقتارىندا ەڭبەك قىزمەتىن جۇزەگە اسىراتىن قىزمەتكەرلەرگە بەرىلەتىن كەپىلدىكتەر

ەكولوگيالىق ءزىلزالا جانە رادياتسيالىق قاتەر ايماقتارىندا ەڭبەك قىزمەتىن جۇزەگە اسىراتىن قىزمەتكەرلەرگە بەرىلەتىن كەپىلدىكتەر قازاقستان رەسپۋبليكاسىنىڭ زاڭدارىندا بەلگىلەنەدى.

154-1-باپ. بىتىمگەرشىلىك وپەراتسياعا قاتىسقان جۇمىسكەر، قىزمەتكەر ءۇشىن كەپىلدىكتەر

بىتىمگەرشىلىك وپەراتسياعا قاتىسقان جۇمىسكەر، قىزمەتكەر ءۇشىن كەپىلدىكتەر قازاقستان رەسپۋبليكاسىنىڭ زاڭدارىندا بەلگىلەنەدى.

      ەسكەرتۋ. 13-تاراۋ 154-1-باپپەن تولىقتىرىلدى - قر 15.06.2015 № 321-V زاڭىمەن (العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى).
155-باپ. قىزمەتكەردىڭ جەكە مۇلكىن جۇمىس بەرۋشىنىڭ مۇددەسىنە پايدالانۋعا بايلانىستى وتەماقى تولەمدەرى

قىزمەتكەر جەكە مۇلكىن جۇمىس بەرۋشىنىڭ مۇددەسىنە جانە ونىڭ كەلىسىمىمەن پايدالانعان كەزدە جۇمىس بەرۋشى قۇرال-سايمانداردى، جەكە كولىكتى، باسقا دا تەحنيكالىق قۇرالداردى پايدالانعانى، توزدىرعانى (امورتيزاتسياسى) ءۇشىن جانە ولاردى پايدالانۋ شىعىستارىنا تاراپتاردىڭ كەلىسىمى بويىنشا وتەماقى تولەمدەرىن جۇرگىزەدى.

156-باپ. جۇمىسى جولدا وتەتىن نەمەسە ءجۇرىپ-تۇرۋ سيپاتى بار نە قىزمەت ەتۋ ۋچاسكەلەرى شەگىندەگى قىزمەتتىك ساپارلارمەن بايلانىستى بولاتىن جاعدايلاردا قىزمەتكەرلەرگە وتەماقى تولەمدەرى

1. قىزمەتكەرلەردىڭ جۇمىسى جولدا وتەتىن نەمەسە ءجۇرىپ-تۇرۋ سيپاتى بار نە قىزمەت كورسەتۋ ۋچاسكەلەرى شەگىندەگى قىزمەتتىك ساپارلارمەن بايلانىستى بولاتىن جاعدايلاردا، ولارعا تۇراقتى تۇراتىن جەرىنەن تىسقارى جەردە بولعان ءار كۇن ءۇشىن كەلىسىمدە، ۇجىمدىق شارتتا، ەڭبەك شارتىندا جانە (نەمەسە) جۇمىس بەرۋشىنىڭ اكتىسىندە بەلگىلەنگەن تارتىپپەن وتەماقى تولەمدەرى جۇرگىزىلەدى.

1-1. تۇراقتى جۇمىسى جولدا وتەتىن نەمەسە ءجۇرىپ-تۇرۋ سيپاتىندا بولاتىن نە قىزمەت كورسەتەتىن ۋچاسكەلەرى شەگىندە قىزمەتتىك جول جۇرۋلەرمەن بايلانىستى قىزمەتكەرلەرگە تەمىر جول، وزەن، تەڭىز، اۆتوموبيل كولىگى، ازاماتتىق اۆياتسيا، اۆتوموبيل جولدارى، ماگيسترالدىق بايلانىس جەلىلەرى مەن ولارداعى قۇرىلىستار، راديورەلەلىك جەلىلەر جانە ولارداعى قۇرىلىستار، ەلەكتر بەرىلىسىنىڭ اۋە جەلىلەرى جانە ولارداعى قۇرىلىستار، بايلانىس وبەكتىلەرى قىزمەتكەرلەر، سونداي-اق قازاقستان رەسپۋبليكاسىنىڭ مەملەكەتتىك شەكاراسى ۋچاسكەلەرىنە قىزمەت كورسەتەتىن قىزمەتكەرلەر جاتادى.

2. قىزمەتكەرلەر ايدىڭ بارلىق جۇمىس كۇندەرىندە ەمەس، بەلگىلى ءبىر كۇندەرىندە ساپاردا بولعان جاعدايدا، تولەم جۇمىس (جۇمىس ءوندىرىسى) ورنىنا بارۋعا جانە كەرى قايتۋعا جول جۇرگەن ناقتى كۇندەر سانىنا بارابار جۇرگىزىلەدى.

3. وتەماقى تولەمدەرى ەڭبەك پەن تىنىعۋدى ۇيىمداستىرۋ رەجيمىنە قاراماستان جۇزەگە اسىرىلادى.

4. ۇيىم قىزمەتكەرلەرىنىڭ ورتاشا جالاقىسىن ەسەپتەۋ كەزىندە وتەماقى تولەمدەرى ەسكەرىلمەيدى.

      ەسكەرتۋ. 156-باپقا وزگەرىس ەنگىزىلدى - قر 2008.12.10 N 101-IV (2009.01.01 باستاپ قولدانىسقا ەنگىزىلەدى), 2012.02.13 N 553-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭدارىمەن.
157-باپ. جۇمىسىنان ايرىلۋىنا بايلانىستى بەرىلەتىن وتەماقى تولەمدەرى

1. جۇمىس بەرۋشى مىناداي جاعدايلاردا:

1) جۇمىس بەرۋشى - زاڭدى تۇلعا تاراتىلعان نە جۇمىس بەرۋشى - جەكە تۇلعا قىزمەتىن توقتاتقان جاعدايدا جۇمىس بەرۋشىنىڭ باستاماسى بويىنشا ەڭبەك شارتى بۇزىلعاندا;

2) قىزمەتكەرلەردىڭ سانى نەمەسە شتاتى قىسقارعان جاعدايدا جۇمىس بەرۋشىنىڭ باستاماسى بويىنشا ەڭبەك شارتى بۇزىلعاندا قىزمەتكەرگە جۇمىسىنان ايرىلۋىنا بايلانىستى ايىنا ايلىق ورتاشا جالاقىسى مولشەرىندە وتەماقى تولەمىن جۇرگىزەدى.

2. ەڭبەك شارتىن جاساسۋ كەزىندە جۇمىس بەرۋشى ەڭبەك جاعدايلارى تۋرالى دايەكسىز اقپارات بەرگەن نە جۇمىس بەرۋشى قازاقستان رەسپۋبليكاسىنىڭ ەڭبەك زاڭناماسىن، ەڭبەك شارتىنىڭ، ۇجىمدىق شارتتىڭ تالاپتارىن بۇزعان جاعدايدا قىزمەتكەردىڭ باستاماسى بويىنشا ەڭبەك

شارتى بۇزىلعان كەزدە جۇمىس بەرۋشى قىزمەتكەرگە جۇمىسىنان ايرىلۋىنا بايلانىستى ءۇش ايعا ورتاشا جالاقىسى مولشەرىندە وتەماقى تولەمىن جۇرگىزەدى.

3. ەڭبەك شارتىندا، ۇجىمدىق شارتتا جۇمىسىنان ايرىلۋىنا بايلانىستى وتەماقى تولەمىنىڭ نەعۇرلىم جوعارى مولشەرى كوزدەلۋى مۇمكىن.

158-باپ. دالالىق جابدىقتالىم اقشاسىن تولەۋدىڭ ءتارتىبى مەن شارتتارى

1. گەولوگيالىق بارلاۋ، توپوگرافيالىق-گەودەزيالىق، ىزدەستىرۋ ۇيىمدارىنىڭ قىزمەتكەرلەرىنە:

1) تۇراقتى تۇراتىن جەرىنە كۇن سايىن قايتىپ كەلمەيتىن تۇراقتى تۇراتىن جەرىنەن تىسقارى جەردە;

2) سول سياقتى تۇراقتى تۇراتىن جەرى بولىپ تابىلمايتىن، دالالىق ۇيىم ورنالاسقان جەرگە كۇندە قايتىپ كەلگەنىمەن تۇراقتى تۇراتىن جەرىنەن تىسقارى جەردە;

3) ەڭبەكتى ۆاحتالىق ادىسپەن ۇيىمداستىرۋ جولىمەن تۇراقتى تۇراتىن جەرىنەن تىسقارى جەردە دالالىق جاعدايدا جۇمىستار ورىنداعان كەزدە دالالىق جابدىقتالىم اقشاسى تولەنەدى.

2. دالالىق جابدىقتالىم اقشاسىن تولەۋ دالا جۇمىستارىندا بولعان بارلىق كۇنتىزبەلىك كۇندەر ءۇشىن جۇرگىزىلەدى.

3. جىل سايىنعى اقىلى ەڭبەك دەمالىسىندا بولعان ۋاقىت ءۇشىن قىزمەتكەرلەرگە دالالىق جابدىقتالىم اقشاسى تولەنبەيدى.

4. قىزمەتكەر دالالىق ۇيىمنان ىسساپارعا شىققان كەزدە وعان دالالىق جابدىقتالىم اقشاسىن تولەۋ توقتاتىلادى، ال ىسساپارعا بايلانىستى شىعىستار وسى كودەكسكە سايكەس وتەلەدى.

5. ۇيىم قىزمەتكەرلەرىنىڭ ورتاشا جالاقىسىن ەسەپتەۋ كەزىندە دالالىق جابدىقتالىم اقشاسىنىڭ مولشەرى ەسەپكە الىنبايدى.

6. دالالىق جابدىقتالىم اقشاسىن تولەۋدىڭ ءتارتىبى، شارتتارى مەن مولشەرى، دالالىق جاعدايداعى جۇمىس ۋاقىتىن ەسەپكە الۋ ءتارتىبى كەلىسىمدەردە، ەڭبەك شارتىندا، ۇجىمدىق شارتتا بەلگىلەنەدى جانە جۇمىس بەرۋشىنىڭ اكتىسىمەن بەكىتىلەدى.

7. دالالىق جاعدايلارداعى جۇمىس كەزىندە قىزمەتكەرگە دەمالىس كۇندەرى ءۇشىن دالالىق جابدىقتالىم اقشاسىن تولەۋ ونى ول قاي جەردە (دالالىق جۇمىستار جۇرگىزىلەتىن وبەكتىدە، ۋچاسكەدە، ۇيىمنىڭ دالالىق بازاسىندا، جۇمىستار جۇرگىزىلەتىن جەردەن تىسقارى) وتكىزۋىنە بايلانىستى جۇرگىزىلەدى. مۇنداي ءتارتىپ ەڭبەكتى ۇيىمداستىرۋدىڭ، ەڭبەك پەن تىنىعۋ رەجيمىنىڭ قابىلدانعان نىساندارىنا قاراماستان قولدانىلۋى مۇمكىن.

159-باپ. قىزمەتكەرلەرگە جۇمىس بەرۋشىنىڭ قاراجاتى ەسەبىنەن الەۋمەتتىك جاردەماقى تولەۋ

1. جۇمىس بەرۋشى ءوز قاراجاتى ەسەبىنەن قىزمەتكەرلەرگە ەڭبەككە ۋاقىتشا جارامسىزدىق بويىنشا الەۋمەتتىك جاردەماقى تولەۋگە مىندەتتى.

2. دەنساۋلىق ساقتاۋ سالاسىنداعى ۋاكىلەتتى مەملەكەتتىك ورگان بەكىتكەن تارتىپپەن بەرىلگەن ەڭبەككە جارامسىزدىق پاراقتارى ەڭبەككە ۋاقىتشا جارامسىزدىق بويىنشا الەۋمەتتىك جاردەماقىلار تولەۋ ءۇشىن نەگىز بولىپ تابىلادى.

3. ەڭبەككە ۋاقىتشا جارامسىزدىق بويىنشا الەۋمەتتىك جاردەماقىلار قىزمەتكەرلەرگە ەڭبەككە جارامسىزدىقتىڭ ءبىرىنشى كۇنىنەن باستاپ ەڭبەك قابىلەتى قالپىنا كەلگەن كۇنگە دەيىن نەمەسە مۇگەدەكتىك بەلگىلەنگەنگە دەيىن قازاقستان رەسپۋبليكاسىنىڭ زاڭناماسىنا سايكەس ەسەپتەلگەن ولاردىڭ ورتاشا جالاقىسىنىڭ ەسەبىمەن تولەنەدى.

3-1. ەڭبەككە ۋاقىتشا جارامسىزدىق بويىنشا جاردەماقى:

1) زاڭدى كۇشىنە ەنگەن سوت ۇكىمىمەن كىنالى ەكەندىگى انىقتالعان جاعدايدا، ءوزىنىڭ قىلمىستىق قۇقىق بۇزۋشىلىق جاساۋ كەزىندە العان جاراقاتتارىنىڭ سالدارىنان ەڭبەككە ۋاقىتشا جارامسىزدىق تۋىنداعان قىزمەتكەرگە;

2) سوتتىڭ ۇيعارىمى بويىنشا قىزمەتكەردى ماجبۇرلەپ ەمدەگەن (پسيحيكالىق اۋرۋلاردان باسقا) ۋاقىت ءۇشىن;

3) زاڭدى كۇشىنە ەنگەن سوت ۇكىمىمەن نەمەسە قاۋلىسىمەن قىزمەتكەردىڭ كىنالى ەكەنى انىقتالعان جاعدايدا، ول قاماۋدا بولعان ۋاقىت ءۇشىن جانە سوت-مەديتسينالىق ساراپتاما جاسالعان ۋاقىت ءۇشىن;

4) قىزمەتكەردىڭ ىشىمدىك، ەسىرتكى جانە ۋىتتى زاتتاردى پايدالانۋى سالدارىنان تۋىنداعان اۋرۋلارعا نەمەسە جاراقاتتارعا بايلانىستى ەڭبەككە ۋاقىتشا جارامسىزدىعى كەزىندە;

5) جىل سايىنعى اقىلى ەڭبەك دەمالىسىمەن سايكەس كەلەتىن ۋاقىتشا ەڭبەككە جارامسىز كۇندەر ءۇشىن تولەنبەيدى.

4. الەۋمەتتىك جاردەماقى مولشەرىن قازاقستان رەسپۋبليكاسىنىڭ ۇكىمەتى، ولاردى تاعايىنداۋ جانە تولەۋ ءتارتىبىن – ەڭبەك جونىندەگى ۋاكىلەتتى ورگان ايقىندايدى. جۇمىس بەرۋشىلەر قىزمەتكەرلەرگە قازاقستان رەسپۋبليكاسىنىڭ زاڭناماسىندا بەلگىلەنگەن الەۋمەتتىك جاردەماقى مولشەرىنە قوسىمشا تولەمدەر بەلگىلەۋگە قۇقىلى.

      ەسكەرتۋ. 159-باپقا وزگەرىستەر ەنگىزىلدى - قر 2007.12.19 N 9 (2008.01.01 باستاپ قولدانىسقا ەنگىزىلەدى), 2009.05.05. N 159-IV (قولدانىسقا ەنگىزىلۋ ءتارتىبىن 2-باپتان قاراڭىز), 2011.07.05 N 452-IV (2011.10.13 باستاپ قولدانىسقا ەنگىزىلەدى), 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى); 29.09.2014 N 239-V (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi), 03.07.2014 № 227-V (01.01.2015 باستاپ قولدانىسقا ەنگىزىلەدى) زاڭدارىمەن.

14-تاراۋ. ەڭبەك شارتى تاراپتارىنىڭ ماتەريالدىق
جاۋاپكەرشىلىگى

160-باپ. ەڭبەك شارتى تاراپىنىڭ كەلتىرىلگەن زالالدى (زياندى) وتەۋ جونىندەگى مىندەتتەرى

1. ەڭبەك شارتىنىڭ باسقا تاراپقا زالال (زيان) كەلتىرگەن تاراپى ونى وسى كودەكسكە جانە قازاقستان رەسپۋبليكاسىنىڭ وزگە دە زاڭدارىنا سايكەس وتەيدى.

2. ەڭبەك شارتىندا، ۇجىمدىق شارتتا قىزمەتكەر مەن جۇمىس بەرۋشىنىڭ ماتەريالدىق جاۋاپكەرشىلىگى ناقتىلانۋى مۇمكىن.

3. ەڭبەك شارتىنىڭ زالال (زيان) كەلتىرىلگەننەن كەيىن توقتاتىلۋى ەڭبەك شارتى تاراپىن باسقا تاراپقا كەلتىرىلگەن زالالدى (زياندى) وتەۋ جونىندەگى ماتەريالدىق جاۋاپكەرشىلىكتەن بوساتۋعا اكەپ سوقپايدى.

161-باپ. ەڭبەك شارتى تاراپىنىڭ زالال (زيان) كەلتىرگەنى ءۇشىن ماتەريالدىق جاۋاپكەرشىلىگى باستالاتىن جاعدايلار

1. ەڭبەك شارتى تاراپىنىڭ ەڭبەك شارتىنىڭ باسقا تاراپىنا ءوزى كەلتىرگەن زالال (زيان) ءۇشىن ماتەريالدىق جاۋاپكەرشىلىگى، ەگەر وسى كودەكستە جانە قازاقستان رەسپۋبليكاسىنىڭ وزگە زاڭدارىندا وزگەشە كوزدەلمەسە، قۇقىققا قارسى كىنالى مىنەز-قۇلىق (ارەكەت نەمەسە

ارەكەتسىزدىك) ناتيجەسىندە كەلتىرىلگەن زالال (زيان) ءۇشىن جانە قۇقىققا قارسى كىنالى مىنەز-قۇلىق پەن كەلتىرىلگەن زالال (زيان) اراسىنداعى سەبەپتى بايلانىس ءۇشىن باستالادى.

2. جۇمىس بەرۋشى قىزمەتكەر الدىندا:

1) قىزمەتكەردى ءوز جۇمىس ورنىندا ەڭبەك ەتۋ مۇمكىندىگىنەن زاڭسىز ايىرۋ ارقىلى كەلتىرىلگەن زالال ءۇشىن;

2) قىزمەتكەردىڭ مۇلكىنە كەلتىرىلگەن زالال ءۇشىن;

3) قىزمەتكەردىڭ ومىرىنە جانە (نەمەسە) دەنساۋلىعىنا كەلتىرىلگەن زيان ءۇشىن ماتەريالدىق جاۋاپتىلىقتا بولادى.

3. قىزمەتكەر جۇمىس بەرۋشىنىڭ الدىندا:

1) جۇمىس بەرۋشىنىڭ مۇلكىن جوعالتۋ نەمەسە ءبۇلدىرۋ ارقىلى كەلتىرىلگەن زالال ءۇشىن;

2) قىزمەتكەردىڭ ارەكەتى (ارەكەتسىزدىگى) ناتيجەسىندە تۋىنداعان زالال ءۇشىن ماتەريالدىق جاۋاپتىلىقتا بولادى.

4. قىزمەتكەر مەن جۇمىس بەرۋشى ۇجىمدىق شارتتا، ەڭبەك شارتىندا بەلگىلەنگەن باسقا جاعدايلاردا ءوزارا ماتەريالدىق جاۋاپتىلىقتا بولادى.

162-باپ. جۇمىس بەرۋشىنىڭ قىزمەتكەرگە ونى ەڭبەك ەتۋ مۇمكىندىگىنەن زاڭسىز ايىرۋ ارقىلى كەلتىرىلگەن زالال ءۇشىن ماتەريالدىق جاۋاپكەرشىلىگى

1. قىزمەتكەر باسقا جۇمىسقا زاڭسىز اۋىستىرىلعان، جۇمىس ورنىنا جىبەرىلمەگەن، ەڭبەك شارتىنىڭ تالاپتارى بىرجاقتى وزگەرتىلگەن، قىزمەتكەر جۇمىستان شەتتەتىلگەن، ەڭبەك شارتى نەگىزسىز بۇزىلعان جاعدايدا، جۇمىس بەرۋشى قىزمەتكەردىڭ الماي قالعان جالاقىسى مەن وعان

تيەسىلى وزگە دە تولەمدەردى وعان وتەۋگە مىندەتتى.

2. ەڭبەك شارتىندا، ۇجىمدىق شارتتا، جۇمىس بەرۋشىنىڭ قىزمەتكەرلەر وكىلدەرىمەن كەلىسىلگەن اكتىلەرىندە قىزمەتكەردى ەڭبەك ەتۋ مۇمكىندىگىنەن زاڭسىز ايىرۋ ارقىلى كەلتىرىلگەن زالالدى جۇمىس بەرۋشىنىڭ وتەۋىنىڭ قوسىمشا جاعدايلارى بەلگىلەنۋى مۇمكىن.

163-باپ. قىزمەتكەردىڭ مۇلكىنە كەلتىرىلگەن زالال ءۇشىن جۇمىس بەرۋشىنىڭ ماتەريالدىق جاۋاپكەرشىلىگى

قىزمەتكەردىڭ مۇلكىنە زالال كەلتىرگەن جۇمىس بەرۋشى ونى ەڭبەك شارتىنىڭ، ۇجىمدىق شارتتىڭ تالاپتارىنا سايكەس تولىق كولەمدە وتەۋگە مىندەتتى.

164-باپ. قىزمەتكەردىڭ ومىرىنە جانە (نەمەسە) دەنساۋلىعىنا كەلتىرىلگەن زيان ءۇشىن جۇمىس بەرۋشىنىڭ ماتەريالدىق جاۋاپكەرشىلىگى

1. قىزمەتكەر ەڭبەك مىندەتتەرىن اتقارۋىنا بايلانىستى ونىڭ ومىرىنە جانە (نەمەسە) دەنساۋلىعىنا زيان كەلتىرىلگەن كەزدە جۇمىس بەرۋشى زياندى قازاقستان رەسپۋبليكاسىنىڭ ازاماتتىق زاڭناماسىندا كوزدەلگەن كولەمدە وتەۋگە مىندەتتى.

      2. وسى باپتىڭ 4-تارماعىندا كوزدەلگەن جاعدايدى قوسپاعاندا، وسى باپتىڭ 1-تارماعىندا كوزدەلگەن زيان قىزمەتكەردىڭ ساقتاندىرۋ تولەمدەرى بولماعان كەزدە تولىق كولەمدە وتەلەدى. ساقتاندىرۋ تولەمدەرى بولعان كەزدە جۇمىس بەرۋشى قىزمەتكەرگە ساقتاندىرۋ سوماسى مەن زياننىڭ ناقتى مولشەرى اراسىنداعى ايىرمانى وتەۋگە مىندەتتى.

      3. قىزمەتكەرلەردىڭ ومىرىنە جانە (نەمەسە) دەنساۋلىعىنا كەلتىرىلگەن زياندى جۇمىس بەرۋشىلەردىڭ وتەۋ ءتارتىبى قازاقستان رەسپۋبليكاسىنىڭ زاڭناماسىندا ايقىندالادى.

      4. قىزمەتكەرگە كاسiپتىك ەڭبەككە قابiلەتتiلiگiنەن ايىرىلۋدىڭ بەستەن جيىرما توعىزعا دەيىنگى پايىزدى قوسا العانداعى دارەجەسiمەن بايلانىستى زيان كەلتىرىلگەن كەزدە جۇمىس بەرۋشى قىزمەتكەرگە جوعالتىلعان تابىسىن جانە دەنساۋلىعىنىڭ زاقىمدانۋىنان تۋىنداعان شىعىستاردى وتەۋگە مىندەتتى.

      دەنساۋلىقتىڭ زاقىمدانۋىنان تۋىنداعان، ءاربىر وقيعا بويىنشا جۇمىس بەرۋشى وتەيتىن شىعىستاردىڭ مولشەرى تولەم تولەنەتىن كەزدە رەسپۋبليكالىق بيۋدجەت تۋرالى زاڭمەن ءتيىستى قارجى جىلىنا بەلگىلەنگەن ەكى ءجۇز ەلۋ ايلىق ەسەپتىك كورسەتكىشتەن اسپاۋعا ءتيىس.

دەنساۋلىقتىڭ زاقىمدانۋىنان تۋىنداعان شىعىستاردى وتەۋ بويىنشا تولەم وسى شىعىستاردى شەككەن قىزمەتكەر نە تۇلعا ۇسىنعان، وسى شىعىستاردى راستايتىن قۇجاتتاردىڭ نەگىزىندە جۇزەگە اسىرىلادى. بۇل رەتتە، قازاقستان رەسپۋبليكاسىنىڭ دەنساۋلىق ساقتاۋ سالاسىنداعى زاڭناماسىنا سايكەس تەگىن مەديتسينالىق كومەكتىڭ كەپىلدىك بەرىلگەن كولەمىنە كىرەتىن شىعىستار وتەلۋگە جاتپايدى.

      ەسكەرتۋ. 164-باپ جاڭا رەداكتسيادا - قر 27.04.2015 № 311-V زاڭىمەن (العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى).
165-باپ. قىزمەتكەردىڭ جۇمىس بەرۋشىگە زالال كەلتىرگەنى ءۇشىن ماتەريالدىق جاۋاپكەرشىلىگى

1. قىزمەتكەردىڭ جۇمىس بەرۋشىگە زالال كەلتىرگەنى ءۇشىن ماتەريالدىق جاۋاپكەرشىلىگى وسى كودەكستە كوزدەلگەن جاعدايلاردا جانە مولشەردە باستالادى.

2. قىزمەتكەر جۇمىس بەرۋشىگە كەلتىرىلگەن تىكەلەي ناقتى زالالدى وتەۋگە مىندەتتى.

3. ەگەر زالال ەڭسەرىلمەيتىن كۇشتىڭ نە اسا قاجەتتىلىكتىڭ، قاجەتتى قورعانىستىڭ، سونداي-اق جۇمىس بەرۋشى قىزمەتكەرگە بەرىلگەن مۇلىكتىڭ ساقتالۋى ءۇشىن ءتيىستى جاعدايلاردى قامتاماسىز ەتۋ جونىندەگى مىندەتتەردى ورىنداماۋى سالدارىنان تۋىنداعان بولسا، قىزمەتكەردىڭ جۇمىس بەرۋشىگە كەلتىرىلگەن زالال ءۇشىن جاۋاپكەرشىلىگى جويىلادى.

4. قىزمەتكەرگە قالىپتى وندىرىستىك-شارۋاشىلىق تاۋەكەل ساناتىنا جاتقىزىلۋى مۇمكىن زالال ءۇشىن جاۋاپكەرشىلىك جۇكتەۋگە جول بەرىلمەيدى.

5. جۇمىس بەرۋشى قىزمەتكەرلەردىڭ قالىپتى جۇمىسى جانە ولارعا سەنىپ تاپسىرىلعان مۇلىكتىڭ تولىق ساقتالۋىن قامتاماسىز ەتۋ ءۇشىن قاجەتتى جاعدايلار جاساۋعا مىندەتتى.

6. تىكەلەي ناقتى زالال دەپ جۇمىس بەرۋشىنىڭ بار مۇلكىنىڭ ازايۋى نەمەسە اتالعان مۇلىكتىڭ (ونىڭ ىشىندە، ەگەر جۇمىس بەرۋشى وسى مۇلىكتىڭ ساقتالۋى ءۇشىن جاۋاپتىلىقتا بولسا، ءۇشىنشى تۇلعالاردىڭ جۇمىس بەرۋشىدە جاتقان مۇلىكتەرىنىڭ) جاي-كۇيىنىڭ ناشارلاۋى، سونداي-اق جۇمىس بەرۋشىنىڭ مۇلىكتى ساتىپ الۋ نەمەسە قالپىنا كەلتىرۋ ءۇشىن شىعىندالۋىنا نە ارتىق تولەم تولەۋىنە دەگەن قاجەتتىلىگى تۇسىنىلەدى.

166-باپ. قىزمەتكەردىڭ ماتەريالدىق جاۋاپكەرشىلىگىنىڭ شەگى

قىزمەتكەر كەلتىرىلگەن زالال ءۇشىن، ەگەر وسى كودەكستە وزگەشە كوزدەلمەسە، ءوزىنىڭ ورتاشا ايلىق جالاقىسى شەگىندە ماتەريالدىق جاۋاپتىلىقتا بولادى.

167-باپ. قىزمەتكەردىڭ جۇمىس بەرۋشىگە كەلتىرىلگەن زالال ءۇشىن تولىق ماتەريالدىق جاۋاپكەرشىلىكتە بولۋ جاعدايلارى

مىناداي:

1) قىزمەتكەرگە تولىق ماتەريالدىق جاۋاپكەرشىلىكتى وزىنە الۋ تۋرالى جازباشا شارت نەگىزىندە بەرىلگەن مۇلىكتىڭ جانە باسقا دا باعالى زاتتاردىڭ ساقتالۋى قامتاماسىز ەتىلمەگەن;

2) قىزمەتكەر بىرجولعى قۇجات بويىنشا ەسەبىنە العان مۇلىكتىڭ جانە باسقا دا باعالى زاتتاردىڭ ساقتالۋى قامتاماسىز ەتىلمەگەن;

3) الكوگولدىك، ناشاقورلىق نەمەسە ۋىتقۇمارلىق ماساڭدىق (سولارعا ۇقساس) جاعدايدا زالال كەلتىرىلگەن;

4) ماتەريالدار، جارتىلاي فابريكاتتار، بۇيىمدار (ونىمدەر), ونىڭ ىشىندە ولاردى ازىرلەۋ كەزىندەگىنى قوسا العاندا، سونداي-اق جۇمىس بەرۋشى قىزمەتكەرگە پايدالانۋعا بەرگەن قۇرال-سايماندار، ولشەۋىش اسپاپتار، ارنايى كيىمدەر مەن باسقا زاتتار كەم شىققان، قاساقانا جويىلعان نەمەسە قاساقانا بۇلدىرىلگەن;

5) قىزمەتكەردىڭ قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن راستالعان زاڭسىز ءىس-ارەكەتتەرىنەن زالال كەلتىرىلگەن جاعدايلاردا جۇمىس بەرۋشىگە كەلتىرىلگەن زالالدىڭ تولىق مولشەرىندەگى ماتەريالدىق جاۋاپكەرشىلىك قىزمەتكەرگە جۇكتەلەدى.

168-باپ. تولىق جەكە جانە ۇجىمدىق (ورتاق) ماتەريالدىق جاۋاپكەرشىلىك تۋرالى شارتتار

1. ءوندىرىس پروتسەسىندە وزىنە بەرىلگەن مۇلىك پەن قۇندىلىقتاردى ساقتاۋعا، وڭدەۋگە، ساتۋعا (جىبەرۋگە), تاسىمالداۋعا، قولدانۋعا نەمەسە وزگە دە پايدالانۋعا بايلانىستى لاۋازىم اتقاراتىن نەمەسە جۇمىستار ورىندايتىن قىزمەتكەر جانە جۇمىس بەرۋشى قىزمەتكەرگە بەرىلگەن مۇلىكتىڭ جانە باسقا دا قۇندىلىقتاردىڭ ساقتالۋىن قامتاماسىز ەتپەگەنى ءۇشىن قىزمەتكەردىڭ تولىق جەكە ماتەريالدىق جاۋاپكەرشىلىگى تۋرالى جازباشا نىساندا شارت جاساسادى.

2. ءوندىرىس پروتسەسىندە وزدەرىنە بەرىلگەن مۇلىك پەن قۇندىلىقتاردى ساقتاۋعا، وڭدەۋگە، ساتۋعا (جىبەرۋگە), تاسىمالداۋعا، قولدانۋعا نەمەسە وزگە دە پايدالانۋعا بايلانىستى، كەلتىرىلگەن زالال ءۇشىن ءاربىر قىزمەتكەردىڭ ماتەريالدىق جاۋاپكەرشىلىگىنىڭ اراجىگىن اجىراتۋ مۇمكىن بولمايتىن جۇمىستاردى بىرلەسىپ ورىندايتىن قىزمەتكەرلەر جانە جۇمىس بەرۋشى قىزمەتكەرلەرگە بەرىلگەن مۇلىكتىڭ جانە باسقا دا قۇندىلىقتاردىڭ ساقتالۋىن قامتاماسىز ەتپەگەنى ءۇشىن قىزمەتكەرلەردىڭ تولىق ۇجىمدىق (ورتاق) ماتەريالدىق جاۋاپكەرشىلىگى تۋرالى جازباشا نىساندا شارت جاساسادى.

3. تولىق جەكە نەمەسە ۇجىمدىق (ورتاق) ماتەريالدىق جاۋاپكەرشىلىك تۋرالى شارتتار ەڭبەك شارتىن جاساسۋ كەزىندە دە، ەڭبەك شارتىنا قوسىمشا رەتىندە دە جاسالۋى مۇمكىن.

4. قىزمەتكەرلەرگە بەرىلگەن مۇلىكتىڭ جانە باسقا دا قۇندىلىقتاردىڭ ساقتالۋىن قامتاماسىز ەتپەگەنى ءۇشىن تولىق جەكە جانە ۇجىمدىق (ورتاق) ماتەريالدىق جاۋاپكەرشىلىك تۋرالى شارتتار جاسالۋى مۇمكىن قىزمەتكەرلەر اتقاراتىن نەمەسە ورىندايتىن لاۋازىمدار مەن جۇمىستاردىڭ تىزبەسى، سونداي-اق تولىق ماتەريالدىق جاۋاپكەرشىلىك تۋرالى ۇلگىلىك شارت ۇجىمدىق شارتپەن (ول بار بولعان كەزدە) نەمەسە جۇمىس بەرۋشىنىڭ اكتىلەرىمەن بەكىتىلەدى.

169-باپ. ەڭبەك شارتى تاراپتارىنىڭ كەلتىرىلگەن زالالدى (زياندى) وتەۋ ءتارتىبى

ەڭبەك شارتىنىڭ باسقا تاراپقا زالال (زيان) كەلتىرگەن تاراپى ونى وسى كودەكستە جانە قازاقستان رەسپۋبليكاسىنىڭ زاڭدارىندا بەلگىلەنگەن مولشەردە سوت شەشىمىنىڭ نەگىزىندە نە ەرىكتى تۇردە وتەيدى.

15-تاراۋ. جەكە ەڭبەك داۋلارىن قاراۋ

170-باپ. جەكە ەڭبەك داۋلارىن قاراۋ جونىندەگى ورگاندار

1. جەكە ەڭبەك داۋلارىن كەلىسىم كوميسسيالارى جانە (نەمەسە) سوتتار قارايدى.

2. جەكە ەڭبەك داۋلارىن ەڭبەك داۋى تاراپتارىنىڭ ءوتىنىشى بويىنشا كەلىسىم كوميسسياسى قارايدى.

3. ەڭبەك شارتىنىڭ تاراپتارى جەكە ەڭبەك داۋىن شەشۋ ءۇشىن ءوز قالاۋى بويىنشا تىكەلەي سوتقا جۇگىنە الادى.

171-باپ. كەلىسۋ كوميسسياسىن قۇرۋ جانە ونىڭ جۇمىسىن ۇيىمداستىرۋ

1. كەلىسۋ كوميسسياسى تەپە-تەڭدىك نەگىزىندە جۇمىس بەرۋشىنىڭ جانە قىزمەتكەرلەردىڭ وكىلدەرىنىڭ بىردەي سانىنان قۇرىلادى.

2. كەلىسۋ كوميسسياسىنىڭ ساندىق قۇرامى، ونىڭ جۇمىس ىستەۋ ءتارتىبى جانە كەلىسىم كوميسسياسى وكىلەتتىگىنىڭ مەرزىمى جۇمىس بەرۋشى مەن قىزمەتكەرلەردىڭ اراسىنداعى كەلىسىم بويىنشا قىزمەتكەرلەردىڭ جالپى

جينالىسىندا (كونفەرەنتسياسىندا) بەلگىلەنەدى.

3. كەلiسۋ كوميسسياسىنىڭ قىزمەتكەرلەردەن تۇراتىن مۇشەلەرi قىزمەتكەرلەردiڭ جالپى جينالىسىندا (كونفەرەنتسياسىندا) سايلانادى. كەلiسۋ كوميسسياسىنىڭ جۇمىس بەرۋشiدەن تۇراتىن مۇشەلەرi جۇمىس بەرۋشiنiڭ اكتiسiمەن تاعايىندالادى. كەلiسۋ كوميسسياسىنىڭ مۇشەلەرi بiرiنشi ۇيىمداستىرۋ وتىرىسىندا كوپشiلiك داۋىسپەن ءوز قۇرامىنان توراعا مەن حاتشىنى سايلايدى جانە تاراپتاردىڭ كەلىسىمىمەن مەدياتوردى تارتۋ تۋرالى ماسەلە شەشىلەدى.

4. كەلىسۋ كوميسسياسى ەڭبەك داۋىن ءوتىنىش بەرگەن كۇننەن باستاپ جەتى كۇندىك مەرزىمدە قارايدى.

5. قاراۋ ناتيجەسى بويىنشا كەلىسۋ كوميسسياسىنىڭ شەشىمى قابىلدانادى، ول قابىلدانعان كۇننەن باستاپ ءۇش جۇمىس كۇنىنەن كەشىكتىرىلمەي ءوتىنىش يەسىنە بەرىلەدى.

      ەسكەرتۋ. 171-باپقا وزگەرىس ەنگىزىلدى - قر 27.06.2014 N 212-V زاڭىمەن (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi).
172-باپ. جەكە ەڭبەك داۋلارىن قاراۋ جونىندەگى ورگاندارعا جۇگىنۋ مەرزىمى

جەكە ەڭبەك داۋلارىن قاراۋ جونىندەگى ورگاندارعا جۇگىنۋ ءۇشىن مىناداي مەرزىمدەر بەلگىلەنەدى:

1) جۇمىسقا قايتا الۋ تۋرالى داۋلار بويىنشا - جۇمىس بەرۋشىنىڭ ەڭبەك شارتىن بۇزۋ تۋرالى اكتىسىنىڭ كوشىرمەسى تابىس ەتىلگەن كۇننەن باستاپ ءۇش اي;

2) باسقا ەڭبەك داۋلارى بويىنشا - قىزمەتكەر نەمەسە جۇمىس بەرۋشى ءوز قۇقىعىنىڭ بۇزىلعانى تۋرالى بىلگەن نەمەسە بىلۋگە ءتيىستى كۇننەن باستاپ ءبىر جىل.

جەكە ەڭبەك داۋلارىن قاراۋ جونىندە ورگاندارعا جۇگىنۋ مەرزىمىنىڭ ءوتۋى قارالىپ جاتقان جەكە ەڭبەك داۋى بويىنشا مەدياتسيا تۋرالى شارتتىڭ قولدانىلۋ كەزەڭىندە توقتاتىلا تۇرادى.

      ەسكەرتۋ. 172-باپقا وزگەرىس ەنگىزىلدى - قر 27.06.2014 N 212-V زاڭىمەن (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi).
173-باپ. ەڭبەك داۋلارى جونىندەگى كەلىسۋ كوميسسياسىنىڭ قۇزىرەتى

كەلىسۋ كوميسسياسى، وسى كودەكستە جانە قازاقستان رەسپۋبليكاسىنىڭ وزگە دە زاڭدارىندا قاراۋدىڭ وزگەشە ءتارتىبى بەلگىلەنگەن داۋلاردى قوسپاعاندا، ۇيىمداردا تۋىندايتىن ەڭبەك داۋلارىن قاراۋ جونىندەگى ورگان بولىپ تابىلادى.

ەگەر قىزمەتكەر كەلىسپەۋشىلىكتەردى جۇمىس بەرۋشىمەن اراداعى ءوزى نەمەسە ءوز وكىلى قاتىساتىن تىكەلەي كەلىسسوزدەر بارىسىندا رەتتەمەگەن بولسا، ەڭبەك داۋىن كەلىسۋ كوميسسياسى قارايدى.

174-باپ. ەڭبەك داۋلارىن كەلىسۋ كوميسسياسىندا قاراۋ ءتارتىبى

كەلىسۋ كوميسسياسىنا كەلىپ تۇسكەن ءوتىنىش اتالعان كوميسسيادا مىندەتتى تۇردە تىركەلۋگە ءتيىس.

كەلىسۋ كوميسسياسى ەڭبەك داۋىن ءوتىنىش بەرىلگەن كۇننەن باستاپ كۇنتىزبەلىك جەتى كۇن ىشىندە قاراۋعا مىندەتتى.

داۋ ءوتىنىش بەرۋشىنىڭ نەمەسە ول ۋاكىلەتتىك بەرگەن وكىلدىڭ قاتىسۋىمەن قارالادى. داۋدى قىزمەتكەردىڭ نەمەسە ونىڭ وكىلىنىڭ قاتىسۋىنسىز قاراۋعا تەك ونىڭ جازباشا ءوتىنىشى بويىنشا عانا جول بەرىلەدى. قىزمەتكەر نەمەسە ونىڭ وكىلى اتالعان كوميسسيانىڭ وتىرىسىنا كەلمەي قالعان جاعدايدا، ەڭبەك داۋىن قاراۋ كەيىنگە قالدىرىلادى. قىزمەتكەر نەمەسە ونىڭ وكىلى دالەلدى سەبەپتەرسىز ەكىنشى رەت كەلمەي قالعان جاعدايدا، كەلىسىم كوميسسياسى ماسەلەنى قاراۋدان الىپ تاستاۋ تۋرالى شەشىم شىعارۋى مۇمكىن، مۇنىڭ ءوزى قىزمەتكەردى وسى كودەكستە بەلگىلەنگەن مەرزىم شەگىندە ەڭبەك داۋىن قاراۋ تۋرالى قايتادان ءوتىنىش بەرۋ قۇقىعىنان ايىرمايدى.

كەلىسۋ كوميسسياسى وتىرىسقا كۋاگەرلەردى شاقىرتۋعا، مامانداردى شاقىرۋعا قۇقىلى. كوميسسيانىڭ تالاپ ەتۋى بويىنشا ۇيىمنىڭ باسشىسى وعان قاجەتتى قۇجاتتاردى بەلگىلەنگەن مەرزىمدە تابىس ەتۋگە مىندەتتى.

كەلىسۋ كوميسسياسىنىڭ وتىرىسى وعان قىزمەتكەرلەر اتىنان وكىلدىك ەتەتىن مۇشەلەرىنىڭ كەمىندە جارتىسى جانە جۇمىس بەرۋشى اتىنان وكىلدىك ەتەتىن مۇشەلەرىنىڭ كەمىندە جارتىسى قاتىسقان جاعدايدا، زاڭدى دەپ ەسەپتەلەدى.

كەلىسۋ كوميسسياسىنىڭ وتىرىسىندا حاتتاما جۇرگىزىلەدى، وعان كوميسسيانىڭ توراعاسى نەمەسە ونىڭ ورىنباسارى قول قويادى.

175-باپ. كەلىسۋ كوميسسياسىنىڭ شەشىم قابىلداۋ ءتارتىبى جانە ونىڭ مازمۇنى

كەلىسۋ كوميسسياسى وتىرىسقا قاتىسىپ وتىرعان كوميسسيا مۇشەلەرىنىڭ جاي كوپشىلىك داۋسىمەن شەشىم قابىلدايدى. ءوتىنىش بەرۋشىنىڭ نەمەسە كوميسسيا مۇشەلەرىنىڭ ءبىرىنىڭ تالاپ ەتۋى بويىنشا داۋىس بەرۋ جاسىرىن وتكىزىلەدى.

كەلىسۋ كوميسسياسىنىڭ شەشىمىندە:

ۇيىمنىڭ (بولىمشەنىڭ) اتاۋى، كوميسسياعا جۇگىنگەن قىزمەتكەردىڭ تەگى، اتى، اكەسىنىڭ اتى، لاۋازىمى، كاسىبى نەمەسە ماماندىعى;

كوميسسياعا جۇگىنگەن كۇن مەن داۋدى قاراۋ كۇنى، داۋدىڭ ءمانى;

كوميسسيا مۇشەلەرى مەن وتىرىسقا قاتىسقان باسقا دا ادامداردىڭ تەگى، اتى، اكەسىنىڭ اتى;

شەشىمنىڭ ءمانى جانە ونىڭ نەگىزدەمەسى (زاڭعا، وزگە دە نورماتيۆتىك قۇقىقتىق اكتىگە سىلتەمە جاساي وتىرىپ);

داۋىس بەرۋ ناتيجەلەرى كورسەتىلەدى.

كەلىسۋ كوميسسياسى شەشىمىنىڭ تيىسىنشە راستالعان كوشىرمەلەرى شەشىم قابىلدانعان كۇننەن باستاپ ءۇش كۇن ىشىندە ۇيىمنىڭ قىزمەتكەرى مەن باسشىسىنا بەرىلەدى.

176-باپ. كەلىسۋ كوميسسياسىنىڭ شەشىمدەرىن ورىنداۋ

كەلىسۋ كوميسسياسىنىڭ شەشىمى وندا بەلگىلەنگەن مەرزىمدە ورىندالۋعا ءتيىس.

كوميسسيانىڭ شەشىمى بەلگىلەنگەن مەرزىمدە ورىندالماعان جاعدايدا قىزمەتكەر نەمەسە جۇمىس بەرۋشى ەڭبەك داۋىن شەشۋدى سوت تارتىبىمەن جۇزەگە اسىرۋعا قۇقىلى.

177-باپ. جەكە ەڭبەك داۋىن قاراۋ جونىندەگى ورگاننىڭ قىزمەتكەردى جۇمىسىنا قايتا الدىرتۋى

1. وسى باپتىڭ 3-تارماعىندا كورسەتىلگەن جاعدايلاردى قوسپاعاندا، ەڭبەك شارتى بۇعان زاڭدى نەگىزسىز، نە باسقا جۇمىسقا زاڭسىز اۋىستىرۋ، باسقا جۇمىس ورنىنا زاڭسىز كوشىرۋ، ەڭبەك جاعدايلارىن زاڭسىز وزگەرتۋ، جۇمىستان زاڭسىز شەتتەتۋ سەبەبىنەن توقتاتىلعان جاعدايدا، جەكە ەڭبەك داۋىن قاراۋ جونىندەگى ورگان قىزمەتتەردى بۇرىنعى جۇمىسىنا قايتا الۋ تۋرالى شەشىم شىعارادى.

2. بۇرىنعى جۇمىسىنا قايتا الىنعان قىزمەتكەرگە امالسىز بوس جۇرگەن (جۇمىستان شەتتەتىلگەن) بارلىق ۋاقىتى ءۇشىن ورتاشا جالاقىسى نەمەسە تومەن اقى تولەنەتىن جۇمىستى ورىنداعانى ءۇشىن، بىراق التى ايدان اسپايتىن ۋاقىتقا جالاقىداعى ايىرما تولەنەدى.

3. جەكە ەڭبەك داۋىن قارايتىن ورگان قىزمەتكەردىڭ ءوتىنىشى بويىنشا قىزمەتكەرگە وسى باپتىڭ 2-تارماعىندا كورسەتىلگەن مولشەردە جالاقى تولەۋ تۋرالى شەشىم شىعارۋمەن شەكتەلۋى مۇمكىن.

4. جەكە ەڭبەك داۋىن قاراۋ جونىندەگى ورگاننىڭ قىزمەتكەردى بۇرىنعى جۇمىسىندا قايتا الۋ تۋرالى شەشىمى دەرەۋ ورىندالۋعا ءتيىس. جۇمىس بەرۋشى جۇمىسقا قايتا الۋ تۋرالى شەشىمنىڭ ورىندالۋىن كىدىرتكەن كەزدە، جەكە ەڭبەك داۋىن قاراۋ جونىندەگى ورگان قىزمەتكەرگە شەشىمنىڭ ورىندالۋى كىدىرتىلگەن ۋاقىت ءۇشىن ورتاشا جالاقىسىن نەمەسە جالاقىسىنىڭ ايىرماسىن تولەۋ تۋرالى شەشىم شىعارادى.

3-ءبولىم. قىزمەتكەرلەردىڭ جەكەلەگەن ساناتتارىنىڭ ەڭبەگىن
رەتتەۋ ەرەكشەلىكتەرى
16-تاراۋ. ون سەگىز جاسقا تولماعان قىزمەتكەرلەردىڭ ەڭبەگىن
رەتتەۋ ەرەكشەلىكتەرى

178-باپ. ون سەگىز جاسقا تولماعان قىزمەتكەرلەردىڭ ەڭبەك سالاسىنداعى قۇقىقتارى

ون سەگىز جاسقا تولماعان قىزمەتكەرلەر ەڭبەك قاتىناستارىندا قۇقىقتارى بويىنشا كامەلەتكە تولعاندارمەن تەڭەستىرىلەدى، ال ەڭبەكتى قورعاۋ، جۇمىس ۋاقىتى، دەمالىس ۋاقىتى جانە باسقا دا ەڭبەك جاعدايلارى سالاسىندا وسى كودەكستە بەلگىلەنگەن قوسىمشا كەپىلدىكتەردى پايدالانادى.

179-باپ. ون سەگىز جاسقا تولماعان قىزمەتكەرلەردىڭ ەڭبەگىن پايدالانۋعا تىيىم سالىناتىن جۇمىستار

1. ون سەگىز جاسقا تولماعان قىزمەتكەرلەردىڭ ەڭبەگىن اۋىر جۇمىستاردا، ەڭبەك جاعدايلارى زياندى (ەرەكشە زياندى) جانە (نەمەسە) قاۋىپتى جۇمىستاردا، سونداي-اق ورىندالۋى ولاردىڭ دەنساۋلىعى مەن يماندىلىعىنىڭ دامۋىنا زيان كەلتىرۋى مۇمكىن جۇمىستاردا (ويىن بيزنەسى، تۇنگى ويىن-ساۋىق مەكەمەلەرىندەگى جۇمىس، الكوگول ونىمدەرىن، تەمەكى بۇيىمدارىن، ەسىرتكى، پسيحوتروپتىق زاتتار مەن پرەكۋرسورلاردى ءوندىرۋ، تاسىمالداۋ مەن ساتۋ) قولدانۋعا تىيىم سالىنادى.

2. ون سەگىز جاسقا تولماعان قىزمەتكەرلەردىڭ وزدەرىنە بەلگىلەنگەن شەكتى نورمالاردان ارتىق جۇكتەردى تاسۋىنا جانە قوزعالتۋىنا تىيىم سالىنادى.

3. الىنىپ تاستالدى - قر 2011.07.05 N 452-IV (2011.10.13 باستاپ قولدانىسقا ەنگىزىلەدى) زاڭىمەن.

      ەسكەرتۋ. 179-باپقا وزگەرىس ەنگىزىلدى - قر 2011.07.05 N 452-IV (2011.10.13 باستاپ قولدانىسقا ەنگىزىلەدى) زاڭىمەن.
180-باپ. ون سەگىز جاسقا تولماعان قىزمەتكەرلەردى مىندەتتى مەديتسينالىق تەكسەرۋلەر

ون سەگىز جاسقا تولماعان قىزمەتكەرلەرمەن ەڭبەك شارتتارى الدىن الا مىندەتتى مەديتسينالىق تەكسەرۋدەن كەيىن عانا جاسالادى. ودان ءارى قىزمەتكەرلەر ون سەگىز جاسقا تولعانعا دەيىن جىل سايىن مىندەتتى مەديتسينالىق تەكسەرۋدەن وتۋگە ءتيىس.

181-باپ. ون سەگىز جاسقا تولماعان قىزمەتكەرلەر ءۇشىن جۇمىس ۋاقىتىنىڭ ۇزاقتىعى

ون سەگىز جاسقا تولماعان قىزمەتكەرلەرگە:

1) ون ءتورت جاستان ون التى جاسقا دەيىنگى قىزمەتكەرلەر ءۇشىن - اپتاسىنا 24 ساعاتتان اسپايتىن;

2) ون التى جاستان ون سەگىز جاسقا دەيىنگى قىزمەتكەرلەر ءۇشىن - اپتاسىنا 36 ساعاتتان اسپايتىن;

3) ءبىلىم بەرۋ مەكەمەلەرىندە وقيتىن جانە وقۋ جىلى ىشىندە وقۋدى جۇمىسپەن قاتار الىپ جۇرەتىن ون ءتورت جاستان ون التى جاسقا دەيىنگى وقۋشىلارعا - كۇنىنە 2,5 ساعات، ون التى جاستان ون سەگىز جاسقا دەيىنگى وقۋشىلارعا كۇنىنە 3,5 ساعات جۇمىس ۋاقىتىنىڭ قىسقارتىلعان ۇزاقتىعى بەلگىلەنەدى.

182-باپ. ون سەگىز جاسقا تولماعان قىزمەتكەرلەر ءۇشىن ەڭبەككە اقى تولەۋ جانە ءوندىرىم نورمالارى

1. ون سەگىز جاسقا تولماعان قىزمەتكەرلەردىڭ ەڭبەگىنە اقى تولەۋ جۇمىس ۋاقىتىنىڭ قىسقارتىلعان ۇزاقتىعى ەسكەرىلە وتىرىپ جۇرگىزىلەدى.

2. ون سەگىز جاسقا تولماعان قىزمەتكەرلەردىڭ ءوندىرىم نورمالارى قىزمەتكەرلەرگە ارنالعان جالپى ءوندىرىم نورمالارىن نەگىزگە الا وتىرىپ، وسى كودەكستىڭ 181-بابىندا بەلگىلەنگەن جۇمىس ۋاقىتىنىڭ بارابار قىسقارتىلعان ۇزاقتىعىمەن بەلگىلەنەدى.

3. ورتا، تەحنيكالىق جانە كاسىپتىك ءبىلىم بەرۋ ۇيىمدارىن بىتىرگەننەن كەيىن جۇمىسقا كىرەتىن، سونداي-اق وندىرىستە كاسىپتىك وقىتۋدان وتكەن ون سەگىز جاسقا دەيىنگى قىزمەتكەرلەر ءۇشىن ءوندىرىمنىڭ ازايتىلعان نورمالارى بەلگىلەنۋى مۇمكىن.

4. جۇمىس بەرۋشى ون سەگىز جاسقا تولماعان قىزمەتكەرلەرگە كۇندەلىكتى جۇمىستىڭ تولىق ۇزاقتىعى كەزىندە قىزمەتكەرلەردىڭ ەڭبەگىنە اقى تولەۋ دەڭگەيىنە دەيىن قوسىمشا اقى تولەي الادى.

      ەسكەرتۋ. 182-باپقا وزگەرتۋ ەنگىزىلدى - قازاقستان رەسپۋبليكاسىنىڭ 2007.07.27. N 320 (قولدانىسقا ەنگىزىلۋ ءتارتىبىن 2-باپتان قاراڭىز) زاڭىمەن.
183-باپ. ون سەگىز جاسقا تولماعان قىزمەتكەرلەردىڭ ەڭبەك جانە تىنىعۋ رەجيمىنىڭ ەرەكشەلىكتەرى

ون سەگىز جاسقا تولماعان قىزمەتكەرلەردى تۇنگى ۋاقىتتاعى جۇمىسقا، ۇستەمە جۇمىسقا، جۇمىس ۋاقىتىنىڭ جيىنتىق ەسەبى كەزىندەگى جۇمىسقا تارتۋعا، ولاردى ىسساپارعا جانە ۆاحتالىق ادىسپەن ورىندالاتىن جۇمىسقا جىبەرۋگە، سونداي-اق ولاردى جىل سايىنعى اقىلى ەڭبەك دەمالىسىنان كەرى شاقىرىپ الۋعا تىيىم سالىنادى.

184-باپ. ون سەگىز جاسقا تولماعان قىزمەتكەرلەردىڭ ماتەريالدىق جاۋاپكەرشىلىگىن شەكتەۋ

ون سەگىز جاسقا تولماعان قىزمەتكەرلەرمەن تولىق ماتەريالدىق جاۋاپكەرشىلىك تۋرالى شارت جاساسۋعا تىيىم سالىنادى.

17-تاراۋ. ايەلدەردىڭ جانە وتباسىلىق مىندەتتەرى بار وزگە
ادامداردىڭ ەڭبەگىن رەتتەۋ ەرەكشەلىكتەرى

185-باپ. ەڭبەك شارتىنىڭ توقتاتىلۋىن شەكتەۋ

      ەسكەرتۋ. تاقىرىپ جاڭا رەداكتسيادا - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.

       1. جۇكتi ايەلدەرمەن، ءۇش جاسقا دەيiنگi بالالارى بار ايەلدەرمەن، ون ءتورت جاسقا دەيiنگi بالانى (ون سەگiز جاسقا دەيiنگi مۇگەدەك بالانى) تاربيەلەپ وتىرعان جالعىزباستى انالارمەن، اتالعان بالالار ساناتىن اناسىز تاربيەلەپ وتىرعان وزگە دە ادامدارمەن ەڭبەك شارتىن جۇمىس بەرۋشiنiڭ باستاماسى بويىنشا بۇزۋعا، وسى كودەكستiڭ 54-بابى 1-تارماعىنىڭ 1), 3) – 19) تارماقشالارىندا كوزدەلگەن جاعدايلاردى قوسپاعاندا، جول بەرiلمەيدi.

2. ەگەر ايەل ەڭبەك شارتىنىڭ مەرزىمى اياقتالعان كۇنى مەرزىمى ون ەكى اپتا جانە ودان كوپ اپتا جۇكتىلىگى تۋرالى مەديتسينالىق قورىتىندى

ۇسىنسا، جوق قىزمەتكەردى الماستىرۋ جاعدايلارىن قوسپاعاندا، جۇمىس بەرۋشى ونىڭ جازباشا ءوتىنىشى بويىنشا ەڭبەك شارتىنىڭ

مەرزىمىن بالا ءۇش جاسقا تولعانعا دەيىن ونىڭ كۇتىمىنە بايلانىستى دەمالىس اياقتالعان كۇنگە دەيىن ۇزارتۋعا مىندەتتى.

      ەسكەرتۋ. 185-باپقا وزگەرىستەر ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى); 27.06.2014 N 212-V (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi) زاڭدارىمەن.
186-باپ. ايەلدەردىڭ ەڭبەگىن پايدالانۋعا تىيىم سالىناتىن جۇمىستار

1. ايەلدەردىڭ ەڭبەگىن پايدالانۋعا تىيىم سالىناتىن جۇمىستاردىڭ تىزىمىنە سايكەس ايەلدەردىڭ ەڭبەگىن اۋىر جۇمىستاردا، ەڭبەك جاعدايلارى زياندى (ەرەكشە زياندى) جانە (نەمەسە) قاۋىپتى جۇمىستاردا پايدالانۋعا تىيىم سالىنادى.

2. ايەلدەردىڭ وزدەرى ءۇشىن بەلگىلەنگەن شەكتى نورمالاردان اساتىن جۇكتى قولمەن كوتەرۋىنە جانە جىلجىتۋىنا تىيىم سالىنادى.

3. الىنىپ تاستالدى - قر 2011.07.05 N 452-IV (2011.10.13 باستاپ قولدانىسقا ەنگىزىلەدى) زاڭىمەن.

      ەسكەرتۋ. 186-باپقا وزگەرىس ەنگىزىلدى - قر 2011.07.05 N 452-IV (2011.10.13 باستاپ قولدانىسقا ەنگىزىلەدى), 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭدارىمەن.
187-باپ. ايەلدەردىڭ جانە وتباسىلىق مىندەتتەرى بار باسقا دا ادامداردىڭ ەڭبەگى مەن تىنىعۋ رەجيمىنىڭ ەرەكشەلىكتەرى

1. جۇمىس بەرۋشىنىڭ جۇكتى ايەلدەردى تۇنگى ۋاقىتتاعى جۇمىسقا، دەمالىس جانە مەرەكە كۇندەرىندەگى جۇمىسقا، ۇستەمە جۇمىسقا تارتۋعا، ولاردى ىسساپارعا جىبەرۋگە، سونداي-اق ولاردى جىل سايىنعى اقىلى ەڭبەك دەمالىسىنان كەرى شاقىرىپ الۋعا قۇقىعى جوق.

2. جۇمىس بەرۋشىنىڭ:

1) جەتى جاسقا دەيىنگى بالالارى بار ايەلدەردى جانە جەتى جاسقا دەيىنگى بالالاردى اناسىز تاربيەلەپ وتىرعان باسقا دا ادامداردى;

2) ەگەر ءۇش جاسقا دەيىنگى بالالار، مۇگەدەك بالالار نە وتباسىنىڭ اۋرۋ مۇشەسى مەديتسينالىق قورىتىندى نەگىزىندە تۇراقتى كۇتىم جاساۋعا مۇقتاج بولسا، وتباسىنىڭ اۋرۋ مۇشەلەرىنە كۇتىم جاسايتىن نە مۇگەدەك بالالاردى تاربيەلەپ وتىرعان قىزمەتكەرلەردى جازباشا كەلىسىمىنسىز تۇنگى ۋاقىتتاعى جۇمىسقا، ۇستەمە جۇمىسقا تارتۋعا، سونداي-اق ىسساپارعا جانە ۆاحتالىق ادىسپەن ورىندالاتىن جۇمىسقا جىبەرۋگە قۇقىعى جوق.

188-باپ. بالانى تاماقتاندىرۋعا ارنالعان ۇزىلىستەر

1. تىنىعۋعا جانە تاماقتانۋعا ارنالعان ۇزىلىستەردەن، اۋىسىمىشىلىك جانە ارنايى ۇزىلىستەردەن باسقا، ءبىر جارىم جاسقا دەيىنگى بالالارى بار ايەلدەرگە، ءبىر جارىم جاسقا دەيىنگى بالالاردى اناسىز تاربيەلەپ وتىرعان اكەلەرگە (اسىراپ الۋشىلارعا) بالانى (بالالاردى) تاماقتاندىرۋ ءۇشىن جۇمىستىڭ كەمىندە ءاربىر ءۇش ساعاتى سايىن:

1) ءبىر بالاسى بار بولعاندا - ءاربىر ءۇزىلىس كەمىندە وتىز مينۋت;

2) ەكى نەمەسە ودان دا كوپ بالاسى بار بولعاندا - ءاربىر ءۇزىلىس كەمىندە ءبىر ساعات بولاتىن قوسىمشا ۇزىلىستەر بەرىلەدى.

2. وسى باپتىڭ 1-تارماعىندا كورسەتىلگەن قىزمەتكەردىڭ ءوتىنىشى بويىنشا بالانى (بالالاردى) تاماقتاندىرۋعا ارنالعان ۇزىلىستەر تىنىعۋعا جانە تاماقتانۋعا ارنالعان ۇزىلىستەرگە قوسىلادى نە جيىنتىق ۇزىلىستەر جۇمىس كۇنىنىڭ (اۋىسىمىنىڭ) باسىندا نەمەسە اياعىندا بەرىلەدى.

3. بالانى (بالالاردى) تاماقتاندىرۋعا ارنالعان ۇزىلىستەر جۇمىس ۋاقىتىنا كىرەدى. ۇزىلىستەر ۋاقىتىندا ايەلدەردىڭ (اكەلەردىڭ، اسىراپ الۋشىلاردىڭ) ورتاشا جالاقىسى ساقتالادى.

189-باپ. ايەلدەرگە جانە وتباسىلىق مىندەتتەرى بار باسقا دا ادامدارعا تولىق ەمەس جۇمىس ۋاقىتىن بەلگىلەۋ

جۇمىس بەرۋشى جۇكتى ايەلدىڭ، ءۇش جاسقا دەيىنگى بالاسى بار اتا-انانىڭ (اسىراپ الۋشىنىڭ) بىرەۋىنىڭ، سونداي-اق وتباسىنىڭ اۋرۋ مۇشەسىنە مەديتسينالىق قورىتىندىعا سايكەس كۇتىم جاسايتىن قىزمەتكەردىڭ جازباشا ءوتىنىشى بويىنشا ولارعا تولىق ەمەس جۇمىس ۋاقىتى رەجيمىن بەرەدى.

      ەسكەرتۋ. 189-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
190-باپ. جۇكتى ايەلدەرگە جۇمىس ۋاقىتىنىڭ جيىنتىق ەسەبىن قولدانۋدى شەكتەۋ

ەگەر جۇمىس كۇنىنىڭ ۇزاقتىعى سەگىز ساعاتتان اساتىن بولسا، جۇكتى ايەلدەرگە جۇمىس ۋاقىتىنىڭ (جۇمىس اۋىسىمىنىڭ) جيىنتىق ەسەبىن قولدانۋعا جول بەرىلمەيدى.

191-باپ. جۇكتى ايەلدەردى باسقا جۇمىسقا ۋاقىتشا اۋىستىرۋ

جۇمىس بەرۋشى مەديتسينالىق قورىتىندى نەگىزىندە جۇكتى ايەلدى ورتاشا جالاقىسىن ساقتاي وتىرىپ، زياندى جانە (نەمەسە) قاۋىپتى وندىرىستىك فاكتورلاردىڭ اسەرى بولمايتىن باسقا جۇمىسقا اۋىستىرۋعا مىندەتتى.

جۇكتى ايەلگە قولايسىز وندىرىستىك فاكتورلار اسەرىن بولدىرمايتىن باسقا جۇمىس بەرىلگەنگە دەيىن، ايەل وسىنىڭ سالدارىنان وتكىزىپ العان بارلىق جۇمىس كۇندەرى ءۇشىن جۇمىس بەرۋشىنىڭ قاراجاتى ەسەبىنەن ورتاشا جالاقىسى ساقتالا وتىرىپ، جۇمىستان بوساتىلۋعا ءتيىس.

      ەسكەرتۋ. 191-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
192-باپ. جىل سايىنعى اقىلى دەمالىس كەزەكتىلىگىن بەلگىلەۋ كەزىندە ايەلدەرگە بەرىلەتىن كەپىلدىك

ايەلگە، قالاۋى بويىنشا، جۇكتىلىككە جانە بوسانۋعا بايلانىستى دەمالىستىڭ الدىندا نەمەسە تىكەلەي ودان كەيىن نە بالاعا كۇتىم جاساۋعا ارنالعان دەمالىس بىتكەن سوڭ جىل سايىنعى اقىلى ەڭبەك دەمالىسى بەرىلەدى.

193-باپ. جۇكتىلىككە جانە بوسانۋعا بايلانىستى دەمالىس

1. ەگەر قازاقستان رەسپۋبليكاسىنىڭ زاڭدارىندا وزگەشە بەلگىلەنبەسە, ايەلدەرگە جۇكتىلىگىنە جانە بوسانۋىنا بايلانىستى ۇزاقتىعى بوسانۋعا دەيىن كۇنتىزبەلىك جەتپىس كۇنگە جانە بوسانعاننان كەيىن كۇنتىزبەلىك ەلۋ التى (قينالىپ بوسانعان نەمەسە ەكى نەمەسە ودان دا كوپ بالا تۋعان جاعدايدا - جەتپىس) كۇنگە دەيىن ءوتىنىشى جانە بەلگىلەنگەن تارتىپپەن بەرىلگەن ەڭبەككە جارامسىزدىق پاراعى نەگىزىندە دەمالىس بەرىلەدى.

2. دەمالىستاردى ەسەپتەۋ جيىنتىقتاپ جۇرگىزىلەدى جانە دەمالىس ايەلگە بوسانعانعا دەيىن ناقتى پايدالانعان كۇندەرىنىڭ سانىنا جانە جۇمىس بەرۋشىدەگى جۇمىسىنىڭ ۇزاقتىعىنا قاراماستان، تولىق بەرىلەدى.

      ەسكەرتۋ. 193-باپقا وزگەرىس ەنگىزىلدى - قر 2007.12.19 N 9 (2008.01.01 باستاپ قولدانىسقا ەنگىزىلەدى), 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭدارىمەن.
194-باپ. جاڭا تۋعان بالالاردى اسىراپ العان قىزمەتكەرلەرگە بەرىلەتىن دەمالىس

جاڭا تۋعان بالانى (بالالاردى) اسىراپ العان قىزمەتكەرلەرگە (اتا-انانىڭ بىرەۋىنە) بالانى اسىراپ العان كۇننەن باستاپ جانە بالا تۋعان كۇننەن ەلۋ التى كۇن وتكەنگە دەيىنگى كەزەڭگە دەمالىس بەرىلەدى.

      ەسكەرتۋ. 194-باپقا وزگەرتۋ ەنگىزىلدى - قازاقستان رەسپۋبليكاسىنىڭ 2007.12.19. N 9 (2008.01.01 باستاپ قولدانىسقا ەنگىزىلەدى) زاڭىمەن.
194-1-باپ. جۇكتىلىككە جانە بوسانۋعا بايلانىستى دەمالىسقا، جاڭا تۋعان بالانى (بالالاردى) اسىراپ العان قىزمەتكەرلەرگە بەرىلەتىن دەمالىسقا اقى تولەۋدىڭ ەرەكشەلىكتەرى

      ەگەر بۇل ەڭبەك شارتىنىڭ جانە (نەمەسە) ۇجىمدىق شارتتىڭ تالاپتارىندا، جۇمىس بەرۋشىنىڭ اكتىسىندە كوزدەلسە، جۇمىس بەرۋشى قازاقستان رەسپۋبليكاسىنىڭ مىندەتتى الەۋمەتتىك ساقتاندىرۋ تۋرالى زاڭناماسىنا سايكەس جۇزەگە اسىرىلعان، جۇكتىلىككە جانە بوسانۋعا، جاڭا تۋعان بالانى (بالالاردى) اسىراپ الۋعا بايلانىستى تابىسىنان ايىرىلعان جاعدايدا تولەنەتىن الەۋمەتتىك تولەم سوماسىن شەگەرگەندەگى ورتاشا جالاقىسىن ساقتاي وتىرىپ، جۇكتىلىككە جانە بوسانۋعا بايلانىستى دەمالىسقا، جاڭا تۋعان بالانى (بالالاردى) اسىراپ العان قىزمەتكەرلەرگە بەرىلەتىن دەمالىسقا اقى تولەيدى.

      ەسكەرتۋ. 17-تاراۋ 194-1-باپپەن تولىقتىرىلدى - قر 04.02.2013 № 75-V زاڭىمەن (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى).
195-باپ. بالالاردىڭ كۇتىمىنە بايلانىستى جالاقى ساقتالمايتىن دەمالىس

1. جۇمىس بەرۋشى قىزمەتكەرگە:

1) اتا-اناسىنىڭ قالاۋى بويىنشا - بالانىڭ اناسىنا نە اكەسىنە;

2) بالانى جالعىز تاربيەلەپ وتىرعان اتا-انانىڭ بىرەۋىنە;

3) اتا-اناسىنىڭ قامقورلىعىنسىز قالعان بالانى ءىس جۇزىندە تاربيەلەپ وتىرعان اجەسىنە، اتاسىنا، باسقا تۋىسىنا نە قامقورشىسىنا;

4) جاڭا تۋعان بالانى (بالالاردى) اسىراپ العان قىزمەتكەرگە بالا ءۇش جاسقا تولعانعا دەيىن بالانىڭ كۇتىمىنە بايلانىستى جالاقى ساقتالمايتىن دەمالىس بەرۋگە مىندەتتى.

2. بالا ءۇش جاسقا تولعانعا دەيىن ونىڭ كۇتىمىنە بايلانىستى جالاقى ساقتالمايتىن دەمالىس وسى باپتىڭ 1-تارماعىندا كورسەتىلگەن قىزمەتكەردىڭ جازباشا ءوتىنىشى نەگىزىندە ونىڭ قالاۋى بويىنشا تولىق نەمەسە ءبولىنىپ پايدالانىلۋى مۇمكىن.

3. بالا ءۇش جاسقا تولعانعا دەيىن ونىڭ كۇتىمىنە بايلانىستى جالاقى ساقتالمايتىن دەمالىس ۋاقىتىندا قىزمەتكەردىڭ جۇمىس ورنى (لاۋازىمى) ساقتالادى.

4. ەگەر قازاقستان رەسپۋبليكاسىنىڭ زاڭدارىندا وزگەشە كوزدەلمەسە، بالا ءۇش جاسقا تولعانعا دەيىن ونىڭ كۇتىمىنە بايلانىستى جالاقىسى ساقتالمايتىن دەمالىس ۋاقىتى جالپى ەڭبەك ستاجىنا، ماماندىعى بويىنشا جۇمىس ستاجىنا ەسەپتەلەدى.

5. بالا ءۇش جاسقا تولعانعا دەيىن بالا كۇتىمى بويىنشا جالاقىسى ساقتالمايتىن دەمالىس اياقتالعانعا دەيىن جۇمىسقا شىققان جاعدايدا، قىزمەتكەر جۇمىس بەرۋشىگە ءوزىنىڭ نيەتى تۋرالى جۇمىس باستالۋىنان ءبىر اي بۇرىن ەسكەرتۋگە مىندەتتى.

      ەسكەرتۋ. 195-باپقا وزگەرىستەر ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى); 27.06.2014 N 212-V (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi) زاڭدارىمەن.

18-تاراۋ. قوسا اتقاراتىن جۇمىس ىستەيتىن قىزمەتكەرلەردىڭ
ەڭبەگىن رەتتەۋدىڭ ەرەكشەلىكتەرى

196-باپ. قوسا اتقاراتىن جۇمىس تۋرالى ەڭبەك شارتى

1. قىزمەتكەر ءوزى ەڭبەك قاتىناستارىندا تۇرعان ءبىر جۇمىس بەرۋشىمەن (نەگىزگى جۇمىس ورىنى بويىنشا), سونداي-اق بىرنەشە جۇمىس بەرۋشىمەن دە قوسا اتقاراتىن جۇمىس تۋرالى ەڭبەك شارتىن جاساسۋعا قۇقىلى.

2. قوسا اتقاراتىن جۇمىس تۋرالى ەڭبەك شارتىندا جۇمىستى قوسا اتقارۋ جونىندە سىلتەمە بولۋى مىندەتتى.

197-باپ. قوسا اتقاراتىن جۇمىس تۋرالى ەڭبەك شارتىن جاساسۋعا قاجەتتى قوسىمشا قۇجاتتار

قىزمەتكەر باسقا جۇمىس بەرۋشىمەن قوسا اتقاراتىن جۇمىس تۋرالى ەڭبەك شارتىن جاساسۋ ءۇشىن وسى كودەكستىڭ 31-بابىندا كوزدەلگەن قۇجاتتاردان بولەك، نەگىزگى جۇمىس ورنى بويىنشا ەڭبەكتىڭ سيپاتى مەن جاعدايلارى (جۇمىس ورنى، لاۋازىمى، ەڭبەك جاعدايلارى) تۋرالى انىقتاما تابىس ەتەدى.

198-باپ. قوسا اتقاراتىن جۇمىس كەزىندەگى جۇمىس ۋاقىتىنىڭ ۇزاقتىعى

نەگىزگى جۇمىس ورنى بويىنشا جانە قوسا اتقاراتىن جۇمىسى بويىنشا كۇندەلىكتى جۇمىستىڭ جيىنتىق ۇزاقتىعى وسى كودەكستىڭ 82-بابىندا بەلگىلەنگەن كۇندەلىكتى جۇمىس ۋاقىتىنىڭ نورماسىنان 4 ساعاتتان ارتىق اسپاۋعا ءتيىس.

199-باپ. قوسا اتقاراتىن جۇمىس كەزىندەگى جىل سايىنعى اقىلى ەڭبەك دەمالىسى

1. قوسا اتقاراتىن جۇمىس تۋرالى ەڭبەك شارتى بويىنشا جۇمىس ىستەيتىن قىزمەتكەرلەرگە جىل سايىنعى اقىلى ەڭبەك دەمالىسى نەگىزگى جۇمىسى بويىنشا دەمالىسپەن قاتار بەرىلەدى.

2. ەگەر قوسا اتقاراتىن جۇمىس تۋرالى ەڭبەك شارتى بويىنشا جىل سايىنعى اقىلى ەڭبەك دەمالىسىنىڭ ۇزاقتىعى باسقا جۇمىس بويىنشا دەمالىستىڭ ۇزاقتىعىنان از بولسا، جۇمىس بەرۋشى قوسا اتقارۋشى - قىزمەتكەردىڭ ءوتىنىشى بويىنشا دەمالىس ۇزاقتىعىنىڭ ايىرماسىن قۇرايتىن كۇندەرگە جالاقىسى ساقتالمايتىن دەمالىس بەرەدى.

200-باپ. قوسا اتقاراتىن جۇمىس تۋرالى ەڭبەك شارتىن جاساسۋدى شەكتەۋ

قوسا اتقاراتىن جۇمىس تۋرالى ەڭبەك شارتىن ون سەگىز جاسقا تولماعان قىزمەتكەرلەرمەن جانە اۋىر جۇمىستاردا, ەڭبەك جاعدايلارى زياندى (ەرەكشە زياندى) جانە (نەمەسە) قاۋىپتى جۇمىستاردا ىستەيتىن قىزمەتكەرلەرمەن جاساسۋعا تىيىم سالىنادى.

201-باپ. قوسا اتقاراتىن جۇمىس تۋرالى ەڭبەك شارتىن جۇمىس بەرۋشىنىڭ باستاماسى بويىنشا بۇزۋدىڭ قوسىمشا نەگىزدەرى

قوسا اتقاراتىن جۇمىس تۋرالى ەڭبەك شارتى، وسى كودەكستىڭ 54-بابىندا كوزدەلگەن نەگىزدەردەن باسقا، ەڭبەك شارتى وسى جۇمىس ءوزى ءۇشىن نەگىزگى بولىپ تابىلاتىن قىزمەتكەرمەن جاسالىنعان جاعدايدا جۇمىس بەرۋشىنىڭ باستاماسىمەن بۇزىلۋى مۇمكىن.

19-تاراۋ. اۋىر جۇمىستاردا، ەڭبەك جاعدايلارى زياندى (ەرەكشە
زياندى) جانە (نەمەسە) قاۋىپتى جۇمىستاردا ىستەيتىن
قىزمەتكەرلەردىڭ ەڭبەگىن رەتتەۋدىڭ ەرەكشەلىكتەرى

202-باپ. اۋىر جۇمىستاردا، ەڭبەك جاعدايلارى زياندى (ەرەكشە زياندى) جانە (نەمەسە) قاۋىپتى جۇمىستاردا ىستەيتىن قىزمەتكەرلەردىڭ جۇمىس ۋاقىتىنىڭ قىسقارتىلعان ۇزاقتىعى

1. اۋىر جۇمىستاردا، ەڭبەك جاعدايلارى زياندى (ەرەكشە زياندى) جانە (نەمەسە) قاۋىپتى جۇمىستاردا ىستەيتىن قىزمەتكەرلەر ءۇشىن جۇمىس ۋاقىتىنىڭ اپتاسىنا 36 ساعاتتان اسپايتىن قىسقارتىلعان ۇزاقتىعى بەلگىلەنەدى.

2. جۇمىس ۋاقىتىنىڭ قىسقارتىلعان ۇزاقتىعىنا قۇقىق بەرەتىن وندىرىستەردىڭ، تسەحتاردىڭ، كاسىپتەر مەن لاۋازىمداردىڭ ءتىزىمىن، اۋىر جۇمىستاردىڭ، ەڭبەك جاعدايلارى زياندى (ەرەكشە زياندى) جانە (نەمەسە) قاۋىپتى جۇمىستاردىڭ تىزبەسىن، سونداي-اق ونى بەرۋدىڭ ءتارتىبىن ەڭبەك جونىندەگى ۋاكىلەتتى مەملەكەتتىك ورگان ايقىندايدى.

      ەسكەرتۋ. 202-باپقا وزگەرىستەر ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى); 29.09.2014 N 239-V (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi) زاڭدارىمەن.
203-باپ. جىل سايىنعى اقىلى قوسىمشا ەڭبەك دەمالىسى

      جىل سايىنعى اقىلى قوسىمشا ەڭبەك دەمالىستارى قىزمەتكەرلەرگە جۇمىسى جىل سايىنعى اقىلى قوسىمشا ەڭبەك دەمالىسىنا قۇقىق بەرەتىن وندىرىستەردىڭ، تسەحتاردىڭ، كاسىپتەر مەن لاۋازىمداردىڭ تىزىمىنە، سونداي-اق اۋىر جۇمىستاردىڭ، ەڭبەك جاعدايلارى زياندى (ەرەكشە زياندى) جانە (نەمەسە) قاۋىپتى جۇمىستاردىڭ تىزبەسىنە سايكەس بەرىلەدى. دەمالىستىڭ بۇل ءتۇرىنىڭ ۇزاقتىعىن، سونداي-اق ونى بەرۋدىڭ ءتارتىبىن ەڭبەك جونىندەگى ۋاكىلەتتى مەملەكەتتىك ورگان ايقىندايدى.

      ەسكەرتۋ. 203-باپ جاڭا رەداكتسيادا - قر 29.09.2014 N 239-V زاڭىمەن (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi).
204-باپ. اۋىر جۇمىستاردا، ەڭبەك جاعدايلارى زياندى (ەرەكشە زياندى) جانە (نەمەسە) قاۋىپتى جۇمىستاردا ىستەيتىن قىزمەتكەرلەردىڭ ەڭبەگىنە اقى تولەۋ

اۋىر جۇمىستاردا، ەڭبەك جاعدايلارى زياندى (ەرەكشە زياندى), قاۋىپتى جۇمىستاردا ىستەيتىن قىزمەتكەرلەردىڭ ەڭبەگىنە اقى تولەۋ قالىپتى ەڭبەك جاعدايلارى بار جۇمىستاردا ىستەيتىن قىزمەتكەرلەردىڭ ەڭبەگىنە اقى تولەۋمەن سالىستىرعاندا جوعارىلاتىلعان لاۋازىمدىق ايلىقاقىلار (ستاۆكالار) نەمەسە قوسىمشا اقىلار بەلگىلەۋ جولىمەن جوعارىلاتىلعان مولشەردە، بىراق قازاقستان رەسپۋبليكاسىنىڭ زاڭناماسىندا، سالالىق كەلىسىمدەردە نەمەسە ۇجىمدىق شارتتاردا ەڭبەككە اقى تولەۋدىڭ ەڭ تومەنگى ستاندارتتارىنا نەگىزدەلىپ بەلگىلەنگەننەن تومەن ەمەس مولشەردە بەلگىلەنەدى.

ولاردا جۇمىس ىستەۋ ەڭبەككە اقى تولەۋدىڭ جوعارىلاتىلعان مولشەرىنە قۇقىق بەرەتىن وندىرىستەردىڭ، تسەحتاردىڭ، كاسىپتەر مەن لاۋازىمداردىڭ ءتىزىمىن، اۋىر جۇمىستاردىڭ، ەڭبەك جاعدايلارى زياندى (ەرەكشە زياندى) جانە (نەمەسە) قاۋىپتى جۇمىستاردىڭ تىزبەسىن، سونداي-اق ونى بەرۋدىڭ ءتارتىبىن ەڭبەك جونىندەگى ۋاكىلەتتى مەملەكەتتىك ورگان ايقىندايدى.

وسى باپتا بەلگىلەنگەن ەڭبەككە اقى تولەۋ شارتتارى اۋىر، زياندى (ەرەكشە زياندى), قاۋىپتى جاعدايلارداعى ەڭبەگى جۇمىس ورىندارىن اتتەستاتتاۋ ناتيجەلەرىمەن راستالعان قىزمەتكەرلەرگە قولدانىلادى.

      ەسكەرتۋ. 204-باپقا وزگەرىستەر ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى); 29.09.2014 N 239-V (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi) زاڭدارىمەن.
205-باپ. سالاۋاتتى جانە قاۋىپسىز ەڭبەك جاعدايلارىن قامتاماسىز ەتۋ

ۇيىم قىزمەتكەرلەرىنە ەڭبەك جاعدايلارى بويىنشا جۇمىس بەرۋشىنىڭ قاراجاتى ەسەبىنەن بيۋدجەتتىك جوسپارلاۋ جونىندەگى ورتالىق ۋاكىلەتتى ورگانمەن كەلىسۋ بويىنشا ەڭبەك جونىندەگى ۋاكىلەتتى مەملەكەتتىك ورگان بەكىتەتىننەن تومەن ەمەس نورمالاردا ارنايى كيىم، ارنايى اياق كيىم جانە باسقا دا دارا قورعانۋ قۇرالدارى، جۋ جانە زارارسىزداندىرۋ ماتەريالدارى، ءسۇت، ەمدەۋ-پروفيلاكتيكالىق تاعامدارى بەرىلەدى.

      ەسكەرتۋ. 205-باپقا وزگەرىستەر ەنگىزىلدى - قر 2011.07.05 N 452-IV (2011.10.13 باستاپ قولدانىسقا ەنگىزىلەدى); 29.09.2014 N 239-V (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi) زاڭدارىمەن.

20-تاراۋ. ماۋسىمدىق جۇمىستاردا ىستەيتىن قىزمەتكەرلەردىڭ
ەڭبەگىن رەتتەۋ ەرەكشەلىكتەرى

206-باپ. ماۋسىمدىق جۇمىستار

كليماتتىق نەمەسە وزگە دە تابيعي جاعدايلارى بويىنشا بەلگىلى ءبىر، بىراق ءبىر جىلدان اسپايتىن كەزەڭ (ماۋسىم) ىشىندە ورىندالاتىن جۇمىستار ماۋسىمدىق دەپ تانىلادى.

207-باپ. ماۋسىمدىق قىزمەتكەرلەرمەن ەڭبەك شارتىن جاساسۋ ەرەكشەلىكتەرى

1. ەڭبەك شارتىندا ماۋسىمدىق جۇمىستار ورىنداۋعا ارنالعان شارت جاساسۋ تۋرالى تالاپ جانە جۇمىستاردى ورىنداۋدىڭ ايقىندالعان كەزەڭى كورسەتىلۋگە ءتيىس.

2. ماۋسىمدىق جۇمىستارعا ارنالعان ەڭبەك شارتىن جاساسۋ كەزىندە قىزمەتكەردىڭ وزىنە تاپسىرىلاتىن جۇمىسقا سايكەستىگىن تەكسەرۋ ماقساتىنداعى سىناق مەرزىمى بەلگىلەنبەيدى.

208-باپ. ماۋسىمدىق جۇمىستاردا ىستەيتىن قىزمەتكەرلەرمەن ەڭبەك شارتىن جۇمىس بەرۋشىنىڭ باستاماسى بويىنشا بۇزۋدىڭ قوسىمشا نەگىزدەرى

ماۋسىمدىق جۇمىستاردا ىستەيتىن قىزمەتكەرلەرمەن ەڭبەك شارتى، وسى كودەكستىڭ 54-بابىندا كوزدەلگەن نەگىزدەردەن باسقا:

1) جۇمىس بەرۋشىدەگى جۇمىستار وندىرىستىك سيپاتتاعى سەبەپتەر بويىنشا ەكى اپتادان ارتىق مەرزىمگە توقتاتىلعان;

2) قىزمەتكەر ەڭبەككە ۋاقىتشا جارامسىزدىعى سالدارىنان قاتارىنان ءبىر اي بويى جۇمىسقا شىقپاعان جاعدايلاردا جۇمىس بەرۋشىنىڭ باستاماسى بويىنشا بۇزىلۋى مۇمكىن.

209-باپ. ماۋسىمدىق جۇمىستاردا ىستەيتىن قىزمەتكەرلەرمەن ەڭبەك شارتىن بۇزۋ ءتارتىبىنىڭ ەرەكشەلىكتەرى

1. ماۋسىمدىق جۇمىستاردا ىستەيتىن قىزمەتكەر، بۇل تۋرالى جۇمىس بەرۋشىنى كۇنتىزبەلىك جەتى كۇن بۇرىن جازباشا تۇردە ەسكەرتە وتىرىپ، ەڭبەك شارتىن ءوز باستاماسى بويىنشا بۇزۋعا قۇقىلى.

2. جۇمىس بەرۋشى ماۋسىمدىق جۇمىستاردا ىستەيتىن قىزمەتكەردى ەڭبەك شارتىنىڭ وسى كودەكستىڭ 54-بابى 1-تارماعىنىڭ 1) جانە 2) تارماقشالارىندا كوزدەلگەن نەگىزدەر بويىنشا بۇزىلاتىنى تۋرالى كۇنتىزبەلىك جەتى كۇن بۇرىن جازباشا ەسكەرتۋگە مىندەتتى.

3. ماۋسىمدىق جۇمىستاردا ىستەيتىن قىزمەتكەرمەن ەڭبەك شارتى بۇزىلعان كەزدە، جۇمىس بەرۋشى پايدالانىلماعان دەمالىس ءۇشىن وتەماقى تولەمىن جۇمىس ىستەلگەن ۋاقىتقا بارابار تولەيدى.

4. ماۋسىمدىق جۇمىستا ىستەيتىن قىزمەتكەرمەن ەڭبەك شارتى ۇيىمنىڭ تاراتىلۋىنا، قىزمەتكەرلەر سانىنىڭ نەمەسە شتاتىنىڭ قىسقارۋىنا بايلانىستى توقتاتىلعان كەزدە ەكى اپتالىق ورتاشا جالاقى مولشەرىندە دەمالىس جاردەماقىسى تولەنەدى.

21-تاراۋ. ۆاحتالىق ادىسپەن جۇمىس ىستەيتىن قىزمەتكەرلەردىڭ
ەڭبەگىن رەتتەۋ ەرەكشەلىكتەرى

210-باپ. ۆاحتالىق ادىسپەن جۇمىس ىستەۋ ەرەكشەلىكتەرى

1. ۆاحتالىق ءادىس، قىزمەتكەرلەردىڭ تۇراقتى تۇراتىن جەرىنە كۇن سايىن قايتىپ كەلۋى قامتاماسىز ەتىلە المايتىن كەزدە، ولاردىڭ تۇراقتى تۇراتىن جەرىنەن تىسقارى جەردە ەڭبەك پروتسەسىن جۇزەگە اسىرۋدىڭ ەرەكشە نىسانى بولىپ تابىلادى.

2. جۇمىس بەرۋشى ۆاحتالىق ادىسپەن جۇمىس ىستەيتىن قىزمەتكەرلەر جۇمىس ءوندىرىسى وبەكتىسىندە بولعان كەزدە ولاردى تىنىس-تىرشىلىگىن قامتاماسىز ەتۋ ءۇشىن تۇرعىن ۇيمەن، جۇمىس ورنىنا جانە ودان كەرى جەتكىزىپ سالۋدى، سونداي-اق جۇمىس ورىنداۋ جاعدايلارىمەن جانە

اۋىسىمارالىق دەمالىسپەن قامتاماسىز ەتۋگە جانە ولاردىڭ تاماقتانۋىن ۇيىمداستىرۋعا مىندەتتى.

جۇمىس بەرۋشى قىزمەتكەردىڭ جۇمىس ءوندىرىسى وبەكتىسىندە بولۋ جاعدايلارىن ەڭبەك شارتىنا، ۇجىمدىق شارتقا سايكەس قامتاماسىز ەتەدى.

      ەسكەرتۋ. 210-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
211-باپ. ۆاحتالىق ادىسپەن جۇمىس ىستەۋگە قويىلاتىن شەكتەۋلەر

ۆاحتالىق ادىسپەن ورىندالاتىن جۇمىستارعا ون سەگىز جاسقا تولماعان قىزمەتكەرلەر، جۇكتى ايەلدەر، ءبىرىنشى جانە ەكىنشى توپتارداعى مۇگەدەكتەر جىبەرىلمەيدى. وزگە قىزمەتكەرلەر، ەگەر مۇنداي جۇمىستار مەديتسينالىق قورىتىندى نەگىزىندە ولاردىڭ دەنساۋلىعىنا قايشى كەلمەسە، ۆاحتالىق ادىسپەن ورىندالاتىن جۇمىستارعا تارتىلۋى مۇمكىن.

212-باپ. ۆاحتانىڭ ۇزاقتىعى

1. وبەكتىدە جۇمىس ورىنداۋ ۋاقىتىن جانە اۋىسىمارالىق دەمالىس ۋاقىتىن قامتيتىن كەزەڭ ۆاحتا بولىپ ەسەپتەلەدى.

2. ۆاحتانىڭ ۇزاقتىعى كۇنتiزبەلiك ون بەس كۇننەن اسپاۋعا تيiس.

      جەكەلەگەن وبەكتىلەردە ۆاحتانىڭ ۇزاقتىعى قىزمەتكەردىڭ جازباشا كەلىسىمىمەن ەڭبەك جانە (نەمەسە) ۇجىمدىق شارتقا سايكەس كۇنتiزبەلiك وتىز كۇنگە دەيىن ۇزارتىلۋى مۇمكىن.

      تەڭىز كەمەلەرى ەكيپاجدارىنىڭ مۇشەلەرى ءۇشىن قىزمەتكەردىڭ كەلىسىمىمەن ۆاحتانىڭ ۇزاقتىعى كۇنتiزبەلiك ءبىر ءجۇز جيىرما كۇنگە دەيىن ۇزارتىلۋى مۇمكىن.

      ەسكەرتۋ. 212-باپ جاڭا رەداكتسيادا - قر 2010.12.28 N 369-IV(العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن، وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
213-باپ. ۆاحتالىق ادىسپەن جۇمىس ىستەۋ كەزىندە جۇمىس ۋاقىتىن جانە تىنىعۋ ۋاقىتىن ەسەپكە الۋ

1. جۇمىستىڭ ۆاحتالىق ءادىسى كەزىندە ايلىق، توقساندىق نەمەسە وزگە دە نەعۇرلىم ۇزاق، بىراق ءبىر جىلدان اسپايتىن كەزەڭ ىشىندەگى جۇمىس ۋاقىتىنىڭ جيىنتىق ەسەبى بەلگىلەنەدى.

2. ەسەپتىك كەزەڭ جۇمىس ۋاقىتىن، دەمالىس ۋاقىتىن، جۇمىس بەرۋشى

ورنالاسقان جەردەن نەمەسە جينالاتىن جەردەن جۇمىس ورنىنا دەيىنگى جانە ودان كەرى قايتۋ جولىنىڭ ۋاقىتىن قامتيدى. بۇل رەتتە، ەسەپتىك كەزەڭدەگى جۇمىس ۋاقىتىنىڭ جالپى ۇزاقتىعى وسى كودەكستە بەلگىلەنگەن نورمالاردان اسپاۋعا ءتيىس.

3. جىل سايىنعى اقىلى ەڭبەك دەمالىسىن ۆاحتاارالىق تىنىعۋ كەزەڭىندە ءبولىپ بەرۋگە جول بەرىلمەيدى.

4. جۇمىس بەرۋشى ۆاحتالىق ادىسپەن جۇمىس ىستەيتىن ءاربىر قىزمەتكەردىڭ جۇمىس ۋاقىتى مەن تىنىعۋ ۋاقىتىنىڭ ەسەبىن اي بويىنشا جانە بارلىق ەسەپتىك كەزەڭ بويىنشا جۇرگىزۋگە مىندەتتى.

22-تاراۋ. ءۇي قىزمەتكەرلەرىنىڭ ەڭبەگىن رەتتەۋ ەرەكشەلىكتەرى

214-باپ. ءۇي قىزمەتكەرلەرىمەن ەڭبەك شارتىن جاساسۋ جانە توقتاتۋ ەرەكشەلىكتەرى

1. ءۇي قىزمەتكەرلەرى دەپ، ەگەر جۇمىستار (كورسەتىلەتىن قىزمەتتەر) جۇمىس بەرۋشىنىڭ جانە (نەمەسە) جۇمىس بەرۋشى ءۇشىن پايدا الۋ ماقساتىندا ورىندالماسا (كورسەتىلمەسە), جۇمىس بەرۋشى جەكە تۇلعالاردا وتباسىنىڭ ءبىر نەمەسە بىرنەشە مۇشەسى جۇرگىزەتىن ءۇي شارۋاشىلىعىنداعى جۇمىستاردى ورىندايتىن (قىزمەتتەر كورسەتەتىن) قىزمەتكەرلەر تانىلادى.

2. جۇمىس بەرۋشى ءۇي قىزمەتكەرىن جۇمىسقا قابىلداۋ نە ونىمەن ەڭبەك قاتىناستارىن توقتاتۋ تۋرالى اكت شىعارمايدى جانە ەڭبەك كىتاپشاسىنا ونىڭ جۇمىسى تۋرالى مالىمەتتەر ەنگىزبەيدى.

3. ءۇي قىزمەتكەرىنىڭ ەڭبەك قىزمەتى ەڭبەك شارتىمەن راستالادى.

4. ءۇي قىزمەتكەرىمەن ەڭبەك شارتى توقتاتىلعانى (بۇزىلعانى) تۋرالى جازباشا ەسكەرتۋدىڭ مەرزىمى، سونداي-اق جۇمىسىنان ايىرىلۋعا بايلانىستى وتەماقى تولەۋ جاعدايلارى مەن مولشەرى ەڭبەك شارتىندا بەلگىلەنەدى.

      ەسكەرتۋ. 214-باپقا وزگەرىس ەنگىزىلدى - قر 10.12.2013 № 153-V زاڭىمەن (العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى).
215-باپ. ءۇي قىزمەتكەرلەرىنىڭ جۇمىس ۋاقىتى مەن تىنىعۋ ۋاقىتىنىڭ رەجيمى

1. ءۇي قىزمەتكەرلەرىنە وسى كودەكستە بەلگىلەنگەن جۇمىس ۋاقىتى مەن تىنىعۋ ۋاقىتى ۇزاقتىعىنىڭ نورمالارى قولدانىلادى.

2. ءۇي قىزمەتكەرىنىڭ جۇمىس رەجيمى، ولارعا دەمالىس كۇندەرىن، جىل سايىنعى اقىلى ەڭبەك دەمالىسىن بەرۋ، ولاردى ۇستەمە جۇمىستارعا، تۇنگى ۋاقىتتا، دەمالىس جانە مەرەكە كۇندەرى جۇمىسقا تارتۋ ءتارتىبى ەڭبەك شارتىندا ايقىندالادى.

216-باپ. تارتىپتىك جازانى قولدانۋ جانە الىپ تاستاۋ ءتارتىبى

ءۇي قىزمەتكەرىنە قاتىستى تارتىپتىك جازانى قولدانۋ جانە الىپ تاستاۋ ءتارتىبى ەڭبەك شارتىمەن ايقىندالادى.

217-باپ. جەكە ەڭبەك داۋلارىن شەشۋ

ءۇي قىزمەتكەرى مەن جۇمىس بەرۋشىنىڭ اراسىنداعى جەكە ەڭبەك داۋلارى تاراپتار كەلىسىمىمەن جانە (نەمەسە) سوتتا شەشىلەدى.

218-باپ. ءۇي قىزمەتكەرىمەن ەڭبەك شارتىن بۇزۋ

ءۇي قىزمەتكەرىمەن ەڭبەك شارتىن بۇزۋ ەڭبەك شارتىندا كوزدەلگەن نەگىزدەر بويىنشا جۇرگىزىلەدى.

23-تاراۋ. ۇيدە جۇمىس ىستەيتىن قىزمەتكەرلەردىڭ ەڭبەگىن رەتتەۋ
ەرەكشەلىكتەرى

219-باپ. ۇيدە جۇمىس ىستەيتىن قىزمەتكەرلەر

1. جۇمىس بەرۋشىمەن جۇمىستى ءوز ماتەريالدارىمەن جانە وزىندىك نەمەسە جۇمىس بەرۋشى ءبولىپ بەرەتىن نە جۇمىس بەرۋشى قاراجاتى ەسەبىنەن ساتىپ الىناتىن جابدىقتاردى، قۇرال-سايماندار مەن قۇرىلعىلاردى پايدالانىپ، ۇيدە جەكە ەڭبەگىمەن ورىنداۋ تۋرالى ەڭبەك شارتىن جاساسقان ادامدار ۇيدە جۇمىس ىستەيتىن قىزمەتكەرلەر دەپ ەسەپتەلەدى.

2. قىزمەتكەردىڭ جۇمىستى ۇيدە ورىنداۋى ەڭبەك شارتىن جاساسقان كەزدە، سول سياقتى ەڭبەك شارتىنىڭ قولدانىلۋ مەرزىمى ىشىندە ەڭبەك شارتىنا ءتيىستى وزگەرىستەر ەنگىزە وتىرىپ بەلگىلەنۋى مۇمكىن.

220-باپ. ۇيدە جۇمىس ىستەيتىن قىزمەتكەرلەردىڭ ەڭبەك جاعدايلارى

1. ۇيدە ىستەلەتىن جۇمىس قىزمەتكەردىڭ دەنساۋلىق جاعدايىنا قايشى كەلمەيتىن جانە ولاردى ورىنداۋ ءۇشىن ەڭبەك قاۋىپسىزدىگى جانە ەڭبەكتى قورعاۋ جونىندەگى تالاپتار قامتاماسىز ەتىلگەن جاعدايدا عانا ورىندالۋى مۇمكىن.

2. ۇيدە ىستەلەتىن جۇمىستاردى ورىنداۋعا ارنالعان ەڭبەك شارتىندا:

1) جۇمىستى قىزمەتكەرگە مەنشىك قۇقىعىمەن تيەسىلى نەمەسە جۇمىس بەرۋشى ءبولىپ بەرەتىن نە جۇمىس بەرۋشىنىڭ قاراجاتى ەسەبىنەن ساتىپ الىناتىن جابدىقتاردى، ماتەريالداردى، قۇرال-سايماندار مەن قۇرىلعىلاردى پايدالانىپ ورىنداۋ;

2) قىزمەتكەردى جۇمىستى ورىنداۋ ءۇشىن شيكىزاتپەن، ماتەريالدارمەن، جارتىلاي دايىن ونىمدەرمەن قامتاماسىز ەتۋ ءتارتىبى مەن مەرزىمدەرى;

3) دايىن ءونىمدى الىپ شىعۋ ءتارتىبى مەن مەرزىمدەرى;

4) قىزمەتكەرگە تولەنەتىن وتەماقى جانە وزگە دە تولەمدەر تۋرالى تالاپتار مىندەتتى تۇردە كوزدەلۋگە ءتيىس.

221-باپ. ۇيدە جۇمىس ىستەيتىن قىزمەتكەرلەردىڭ جۇمىس ۋاقىتى مەن تىنىعۋ ۋاقىتىنىڭ رەجيمى، ەڭبەك قاۋىپسىزدىگىن جانە ەڭبەگىن قورعاۋدى قامتاماسىز ەتۋ جاعدايلارى

جۇمىس ۋاقىتى مەن تىنىعۋ ۋاقىتىنىڭ رەجيمى، جۇمىس بەرۋشىنىڭ قىزمەتكەردىڭ جۇمىس ۋاقىتى رەجيمىن ساقتاۋىن باقىلاۋ ەرەكشەلىكتەرى، ەڭبەك قاۋىپسىزدىگىن جانە ەڭبەكتى قورعاۋدى قامتاماسىز ەتۋ جانە ۇيدە جۇمىس ىستەيتىن قىزمەتكەر ءۇشىن وسى تالاپتاردىڭ ساقتالۋى جونىندەگى جاعدايلار ەڭبەك شارتىندا بەلگىلەنەدى.

23-1-تاراۋ. قاشىقتىقتان جۇمىس ىستەيتىن قىزمەتكەرلەردىڭ ەڭبەگىن رەتتەۋدىڭ ەرەكشەلىكتەرى

      ەسكەرتۋ. كودەكس 23-1-تاراۋمەن تولىقتىرىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.

221-1-باپ. قاشىقتىقتان جۇمىس ىستەۋ

      قاشىقتىقتان جۇمىس ىستەۋ جۇمىس پروتسەسىندە اقپاراتتىق جانە كوممۋنيكاتسيالىق تەحنولوگيالاردى پايدالانىپ، ەڭبەك پروتسەسىن جۇمىس بەرۋشى ورنالاسقان جەردەن تىسقارى جەردە جۇزەگە اسىرۋدىڭ ايرىقشا نىسانى بولىپ تابىلادى.

221-2-باپ. قاشىقتىقتان جۇمىس ىستەيتىن قىزمەتكەرلەردىڭ ەڭبەك جاعدايلارى

      1. جۇمىس بەرۋشى قىزمەتكەرگە كوممۋنيكاتسيا قۇرالدارىن (بايلانىس قۇرالدارىن) بەرەدى جانە ولاردى ورناتۋ جانە ولارعا قىزمەت كورسەتۋ جونىندەگى شىعىستاردى كوتەرەدى. قىزمەتكەر مەنشىكتى كوممۋنيكاتسيا قۇرالدارىن تۇراقتى نەگىزدە پايدالانعان جاعدايدا جۇمىس بەرۋشى وتەماقى تولەيدى، ونىڭ مولشەرى مەن تولەۋ ءتارتىبى قىزمەتكەرمەن كەلىسىم بويىنشا بەلگىلەنەدى.

      تاراپتاردىڭ كەلىسىمى بويىنشا قاشىقتىقتان جۇمىس ىستەيتىن قىزمەتكەرگە جۇمىس بەرۋشى ءۇشىن جۇمىستى ورىنداۋعا بايلانىستى وزگە دە شىعىستار (ەلەكتر ەنەرگياسىنىڭ، سۋدىڭ قۇنى جانە ت.ب.) وتەلۋى مۇمكىن.

      2. قىزمەتكەردىڭ جۇمىس بەرۋشىمەن جۇمىس ىستەۋ بايلانىستارىنىڭ تاسىلدەرى مەن كەزەڭدىلىگى ەڭبەك شارتىندا ايقىندالادى.

221-3-باپ. جۇمىس ۋاقىتىن جانە دەمالىس ۋاقىتىن ەسەپتەۋ، ەڭبەك قاۋىپسىزدىگىن جانە ەڭبەكتى قورعاۋدى قامتاماسىز ەتۋ جاعدايلارى

      قاشىقتىقتان جۇمىس ىستەيتىن قىزمەتكەرلەرگە وسى كودەكستە بەلگىلەنگەن جۇمىس ۋاقىتى مەن دەمالىس ۋاقىتى ۇزاقتىعىنىڭ نورمالارى قولدانىلادى.

      قاشىقتىقتان جۇمىس ىستەيتىن قىزمەتكەرلەر ءۇشىن جۇمىس ۋاقىتىنىڭ تىركەلگەن ەسەبى بەلگىلەنەدى، ونى باقىلاۋدىڭ ەرەكشەلىكتەرى ەڭبەك شارتىندا ايقىندالادى.

      جۇمىس ۋاقىتى رەجيمىنىڭ ساقتالۋىن باقىلاۋدىڭ ەرەكشەلىكتەرى، ەڭبەك قاۋىپسىزدىگىن جانە ەڭبەكتى قورعاۋدى قامتاماسىز ەتۋ جانە قىزمەتكەر ءۇشىن وسى جاعدايلاردى ساقتاۋ جونىندەگى شارتتار ەڭبەك شارتىندا ايقىندالادى.

24-تاراۋ. مۇگەدەكتەردىڭ ەڭبەگىن رەتتەۋ ەرەكشەلىكتەرى

222-باپ. مۇگەدەكتەردىڭ ەڭبەك ەتۋ قۇقىعىن ىسكە اسىرۋى

1. مۇگەدەكتەر ادەتتەگىدەي ەڭبەك جاعدايلارى بار نە مۇگەدەكتەر ەڭبەگىن پايدالاناتىن مامانداندىرىلعان ۇيىمداردا جۇمىس بەرۋشىلەرمەن ەڭبەك شارتتارىن جاساسۋعا قۇقىلى.

2. مەديتسينالىق قورىتىندى بويىنشا دەنساۋلىق جاعدايى ەڭبەك مىندەتتەرىن ورىنداۋعا كەدەرگى كەلتىرەتىن نە ونىڭ دەنساۋلىعىنا جانە (نەمەسە) باسقا ادامدار ەڭبەگىنىڭ قاۋىپسىزدىگىنە قاتەر توندىرەتىن جاعدايلاردى قوسپاعاندا، مۇگەدەكتىك سەبەپتەرى بويىنشا ەڭبەك شارتىن جاساسۋدان باس تارتۋعا، مۇگەدەكتى باسقا جۇمىسقا اۋىستىرۋعا، ەڭبەك جاعدايلارىن وزگەرتۋگە تىيىم سالىنادى.

      ەسكەرتۋ. 222-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
223-باپ. مۇگەدەك قىزمەتكەرلەردىڭ ەڭبەك جاعدايلارى

1. ەڭبەكتى نورمالاۋ، ەڭبەككە اقى تولەۋ جانە ەڭبەكتى قورعاۋ جاعدايلارى، جۇمىس رەجيمى، كاسىپتەردى (لاۋازىمداردى) قوسا اتقارۋ ءتارتىبى، تەحنيكالىق، سانيتارلىق، گيگيەنالىق، وندىرىستىك-تۇرمىستىق جاعدايلار، سونداي-اق تاراپتار كەلىسىمى بويىنشا ەڭبەك شارتىنىڭ، ۇجىمدىق شارتتىڭ وزگە دە جاعدايلارى باسقا قىزمەتكەرلەرمەن سالىستىرعاندا مۇگەدەك قىزمەتكەرلەردىڭ جاعدايلارىن ناشارلاتا نەمەسە قۇقىقتارىن شەكتەي المايدى.

2. مۇگەدەكتەر ەڭبەگىن اۋىر جۇمىستاردا، زياندى (ەرەكشە زياندى), قاۋىپتى ەڭبەك جاعدايلارى بار جۇمىستاردا پايدالانۋعا تىيىم سالىنادى.

3. جۇمىس ىستەپ جۇرگەن مۇگەدەكتەرگە وسى كودەكستە، كەلىسىمدەردە، جۇمىس بەرۋشىنىڭ اكتىلەرىندە، سونداي-اق ەڭبەك شارتىندا، ۇجىمدىق شارتتا بەلگىلەنگەن قوسىمشا كەپىلدىكتەر بەرىلۋى مۇمكىن.

4. جۇمىس بەرۋشى جۇمىس ىستەپ جۇرگەن مۇگەدەكتەردىڭ تولىق ەمەس جۇمىس ۋاقىتى رەجيمى، جۇكتەمەنى ازايتۋ جانە باسقا ەڭبەك جاعدايلارى تۋرالى مەديتسينالىق قورىتىندىلاردى ورىنداۋعا مىندەتتى.

224-باپ. مۇگەدەك قىزمەتكەرلەردىڭ جۇمىس ۋاقىتىنىڭ قىسقارتىلعان ۇزاقتىعى

1. ءبىرىنشى جانە ەكىنشى توپتاعى مۇگەدەك قىزمەتكەرلەرگە اپتاسىنا 36 ساعاتتان اسپايتىن ۇزاقتىعى قىسقارتىلعان جۇمىس ۋاقىتى بەلگىلەنەدى.

2. ءبىرىنشى جانە ەكىنشى توپتاعى مۇگەدەك قىزمەتكەرلەردىڭ كۇندەلىكتى جۇمىسىنىڭ (جۇمىس اۋىسىمىنىڭ) ۇزاقتىعى جەتى ساعاتتان اسپاۋعا ءتيىس.

225-باپ. مۇگەدەك قىزمەتكەرلەرگە جۇمىس ۋاقىتىنىڭ جيىنتىق ەسەبىن قولدانۋدى شەكتەۋ

1. ءبىرىنشى جانە ەكىنشى توپتاعى مۇگەدەك قىزمەتكەرلەرگە جۇمىس ۋاقىتىنىڭ جيىنتىق ەسەبىن قولدانۋعا جول بەرىلمەيدى.

2. ەگەر ءۇشىنشى توپتاعى مۇگەدەك قىزمەتكەرلەرگە مەديتسينالىق

كورسەتۋلەر بويىنشا جۇمىس ۋاقىتىنىڭ جيىنتىق ەسەبى بەلگىلەنەتىن

رەجيمگە تىيىم سالىنعان بولسا، ولارعا مۇنداي ەسەپ بەلگىلەنبەيدى.

226-باپ. مۇگەدەك قىزمەتكەرلەردىڭ تۇنگى ۋاقىتتاعى جۇمىسىن، ۇستەمە جۇمىسىن، دەمالىس جانە مەرەكە كۇندەردەگى جۇمىسىن، ولاردى ىسساپارعا جىبەرۋدى شەكتەۋ

مۇگەدەك قىزمەتكەرلەردى ۇستەمە جۇمىسقا، تۇنگى ۋاقىتتا، دەمالىس جانە مەرەكە كۇندەرىندەگى جۇمىسقا تارتۋعا، ىسساپارعا جىبەرۋگە، ەگەر ولار ءۇشىن مۇنداي جۇمىستارعا مەديتسينالىق كورسەتۋلەر بويىنشا تىيىم سالىنباعان بولسا، ولاردىڭ جازباشا كەلىسىمىمەن عانا جول بەرىلەدى.

227-باپ. مۇگەدەك قىزمەتكەرلەرگە جىل سايىنعى اقىلى ەڭبەك دەمالىسىن بەرۋ

مۇگەدەك قىزمەتكەرلەرگە جىل سايىنعى اقىلى ەڭبەك دەمالىسى ولارمەن كەلىسە وتىرىپ، جۇمىس بەرۋشى بەكىتەتىن دەمالىس كەستەسىنە سايكەس بەرىلەدى.

228-باپ. مۇگەدەك قىزمەتكەرلەرگە جىل سايىنعى اقىلى قوسىمشا دەمالىس بەرۋ

جىل سايىنعى اقىلى قوسىمشا دەمالىس - جىل سايىنعى اقىلى ەڭبەك دەمالىسىمەن ءبىر مەزگىلدە نە مۇگەدەك قىزمەتكەردىڭ قالاۋى بويىنشا جۇمىس جىلىنىڭ باسقا ۋاقىتىندا بەرىلەدى.

25-تاراۋ. ازاماتتىق قىزمەتشىلەردىڭ ەڭبەگىن رەتتەۋ
ەرەكشەلىكتەرى

229-باپ. ازاماتتىق قىزمەتكە كىرۋ

1. ازاماتتىق قىزمەتكە كىرۋ تاعايىنداۋ تارتىبىمەن نەمەسە كونكۋرس بويىنشا جۇزەگە اسىرىلادى.

2. كونكۋرستى بوس لاۋازىمى بار مەملەكەتتىك مەكەمە، قازىنالىق كاسىپورىن ۇيىمداستىرىپ، وتكىزەدى.

3. ازاماتتىق قىزمەتكە كىرۋ جانە ازاماتتىق قىزمەتشىنىڭ بوس لاۋازىمىنا ورنالاسۋعا ارنالعان كونكۋرستى وتكىزۋ ءتارتىبىن ەڭبەك جونىندەگى ۋاكىلەتتى ورگان ايقىندايدى.

4. ازاماتتىق قىزمەتكە قابىلداۋ ەڭبەك شارتىن جاساسۋ جانە جۇمىس بەرۋشىنىڭ اكتىسىن شىعارۋ جولىمەن جۇزەگە اسىرىلادى.

      ەسكەرتۋ. 229-باپقا وزگەرىس ەنگىزىلدى - قر 29.09.2014 N 239-V زاڭىمەن (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi).
      رقاو-نىڭ ەسكەرتپەسى!
      230-باپتى الىپ تاستاۋ كوزدەلگەن - قر 27.06.2014 № 212-V زاڭىمەن (01.01.2016 باستاپ قولدانىسقا ەنگىزىلەدى).
230-باپ. ازاماتتىق قىزمەتشىلەر لاۋازىمدارىنىڭ تىزبەسى

ازاماتتىق قىزمەتشىلەر لاۋازىمدارىنىڭ تىزبەسىن قازاقستان رەسپۋبليكاسىنىڭ ۇكىمەتى ايقىندايدى.

      رقاو-نىڭ ەسكەرتپەسى!
      25-تاراۋدى 230-1-باپپەن تولىقتىرۋ كوزدەلگەن - قر 27.06.2014 № 212-V زاڭىمەن (01.01.2016 باستاپ قولدانىسقا ەنگىزىلەدى).
231-باپ. ازاماتتىق قىزمەتتە بولۋمەن بايلانىستى شەكتەۋلەر

1. ازاماتتىق قىزمەتشى:

1) ماتەريالدىق-تەحنيكالىق، قارجىلىق جانە اقپاراتتىق قامتاماسىز ەتۋ قۇرالدارىن، باسقا دا مەملەكەتتىك مۇلىك پەن قىزمەتتىك اقپاراتتى قىزمەتتىك ەمەس ماقساتتا پايدالانۋعا;

2) ازاماتتىق قىزمەتتىڭ قالىپتى جۇمىس ىستەۋىنە جانە لاۋازىمدىق

مىندەتتەردى اتقارۋعا كەدەرگى كەلتىرەتىن ءىس-ارەكەتتەرگە قاتىسۋعا;

3) قىزمەت جاعدايىن ازاماتتىق قىزمەتپەن بايلانىستى ەمەس ماقساتتا پايدالانۋعا;

4) ازاماتتىق قىزمەتتى وتكەرۋ كەزەڭىندە بەلگىلى بولعان مەملەكەتتىك قۇپيانى, قىزمەتتىك جانە زاڭمەن قورعالاتىن وزگە دە قۇپيانى قۇرايتىن مالىمەتتەردى جاريا ەتۋگە قۇقىلى ەمەس.

2. بۇرىن سىبايلاس جەمقورلىق قىلمىس جاساعان ادام باسقارۋشىلىق فۋنكتسيالاردى ورىنداۋمەن بايلانىستى لاۋازىمعا ازاماتتىق قىزمەتكە قابىلدانا المايدى.

      ەسكەرتۋ. 231-باپقا وزگەرتۋ ەنگىزىلدى - قر 2009.12.07 N 222-IV (قولدانىسقا ەنگىزىلۋ ءتارتىبىن 2-ب. قاراڭىز) زاڭىمەن.
232-باپ. ازاماتتىق قىزمەتشىنى باسقا مەملەكەتتىك مەكەمەگە (قازىنالىق كاسىپورىنعا) جۇمىسقا اۋىستىرۋ

ازاماتتىق قىزمەتشى ءوزىنىڭ جازباشا ءوتىنىشى بويىنشا ءتيىستى ۇيىمداردىڭ باسشىلارى اراسىنداعى كەلىسىم بويىنشا باسقا مەملەكەتتىك مەكەمەگە (قازىنالىق كاسىپورىنعا) جۇمىسقا اۋىستىرىلۋى مۇمكىن.

233-باپ. ازاماتتىق قىزمەتشىلەردى اتتەستاتتاۋ

ازاماتتىق قىزمەتشىلەر كاسىپتىك جانە بىلىكتىلىك دايارلىعى دەڭگەيىن، ىسكەرلىك قاسيەتتەرىن ايقىنداۋ ماقساتىندا اتتەستاتتاۋدان وتەدى.

ازاماتتىق قىزمەتشىلەردى اتتەستاتتاۋدان وتكىزۋدىڭ ءتارتىبى مەن شارتتارىن ءتيىستى قىزمەت سالاسىنداعى ۋاكىلەتتى مەملەكەتتىك ورگان ايقىندايدى.

234-باپ. ازاماتتىق قىزمەتتەگى جوعارىلاتۋ

1. ازاماتتىق قىزمەتشىلەردىڭ قىزمەتتەگى جوعارىلاۋى ولاردى جوعارى لاۋازىمعا اۋىستىرۋ جولىمەن جۇزەگە اسىرىلادى.

2. بىلىكتىلىك دەڭگەيى جوعارى جانە جۇمىس تاجىريبەسى بار، ءوزىنىڭ كاسىپتىك، بىلىكتىلىك دەڭگەيىن ۇنەمى ارتتىرىپ وتىراتىن ازاماتتىق قىزمەتشىلەر ازاماتتىق قىزمەت بويىنشا جوعارىلاتۋدا باسىم قۇقىقتى پايدالانادى.

235-باپ. ازاماتتىق قىزمەتشىلەردىڭ بىلىكتىلىگىن ارتتىرۋ جانە ولاردى قايتا دايارلاۋ

1. ازاماتتىق قىزمەتشىلەر كاسىپتىك ءبىلىمى مەن داعدىلارىن تەرەڭدەتۋ، كاسىپتەر مەن ماماندىقتار الۋ ماقساتىندا ءتيىستى ءبىلىم بەرۋ ۇيىمدارىنا جىبەرىلۋى مۇمكىن.

2. ازاماتتىق قىزمەتشىنىڭ وقۋى، قايتا وقۋى، تاعىلىمدامادان ءوتۋى، وندىرىستەن (جۇمىستان) قول ۇزبەي وقۋ جاعدايىنداعى عىلىمي تاعىلىمداماسىن قوسا العاندا، جىبەرۋشى ۇيىمنىڭ قاراجاتى ەسەبىنەن تولەنەدى.

ازاماتتىق قىزمەتشىنىڭ وقۋى كەزىندە ونىڭ اتقاراتىن لاۋازىمى، كەپىلدىكتەرى مەن وتەماقى تولەمدەرى ساقتالادى.

3. بىلىكتىلىگىن ارتتىرۋدان نەمەسە ازاماتتىق قىزمەت بەيىنىنە سايكەس كەلەتىن ماماندىق بويىنشا قايتا دايارلاۋدان ءوتىپ جاتقان ازاماتتىق قىزمەتشىلەرگە اقىلى وقۋ دەمالىسى بەرىلەدى.

236-باپ. ازاماتتىق قىزمەتشىلەردى كوتەرمەلەۋ

لاۋازىمدىق مىندەتتەرىن ادال اتقارعانى، جۇمىستى، ونىڭ ىشىندە ايرىقشا كۇردەلى جانە شۇعىل جۇمىستاردى وتە ساپالى ورىنداعانى ءۇشىن، باستاماشىلدىعى، شىعارماشىلىق بەلسەندىلىگى جانە جۇمىستاعى باسقا دا جەتىستىكتەرى ءۇشىن ازاماتتىق قىزمەتشىلەر:

1) ازاماتتىق قىزمەتتەگى جوعارىلاتۋمەن;

2) اقشالاي سىياقىمەن;

3) العىس جاريالاۋمەن كوتەرمەلەنۋى مۇمكىن.

ۇجىمدىق شارتتا كوتەرمەلەۋدىڭ باسقا دا شارالارى كوزدەلۋى مۇمكىن.

237-باپ. ازاماتتىق قىزمەتشىلەرگە باسقا جەرگە جۇمىسقا اۋىسۋى كەزىندە بەرىلەتىن كەپىلدىكتەر مەن وتەماقى تولەمدەرى

ازاماتتىق قىزمەتشىلەرگە مەملەكەتتىك مەكەمەمەن (قازىنالىق كاسىپورىنمەن) بىرگە قولدانىستاعى اكىمشىلىك-اۋماقتىق ءبولىنىس بويىنشا باسقا جەرگە (باسقا ەلدى مەكەنگە) جۇمىسقا اۋىسۋ كەزىندە:

ازاماتتىق قىزمەتشىنىڭ ءوزىنىڭ جانە ونىڭ وتباسى مۇشەلەرىنىڭ جۇمىس ورنىنا دەيىنگى جولاقىسىنىڭ قۇنى (مەملەكەتتىك مەكەمە (قازىنالىق كاسىپورىن) ءتيىستى قوزعالىس قۇرالىن بەرەتىن جاعدايلاردان باسقا);

مۇلىكتى تاسىمالداۋ شىعىستارى;

جولدا بولعان ءار كۇن ءۇشىن تاۋلىكتىك شىعىستار;

اتقاراتىن لاۋازىمى بويىنشا التى لاۋازىمدىق جالاقىسى مولشەرىندەگى بىرجولعى جاردەماقى;

جولعا جينالۋ جانە جاڭا ورىنعا ورنالاسۋ كۇندەرى ءۇشىن، بىراق التى كۇننەن اسپايتىن، سونداي-اق جولدا بولعان ۋاقىتى ءۇشىن جالاقىسى تولەنەدى.

238-باپ. ازاماتتىق قىزمەتشىلەردىڭ ەڭبەگىنە اقى تولەۋ

1. مەملەكەتتىك بيۋدجەت ەسەبىنەن ۇستالاتىن ازاماتتىق قىزمەتشىلەردىڭ ەڭبەگىنە اقى تولەۋ جۇيەسىن قازاقستان رەسپۋبليكاسىنىڭ ۇكىمەتى ايقىندايدى.

2. ازاماتتىق قىزمەتشى بولىپ تابىلاتىن جانە اۋىلدىق جەردە جۇمىس iستەيتiن دەنساۋلىق ساقتاۋ، الەۋمەتتiك قامسىزداندىرۋ، بiلiم بەرۋ، مادەنيەت, سپورت جانە ۆەتەريناريا سالاسىنداعى ماماندارعا قىزمەتتiڭ وسى تۇرلەرiمەن قالالىق جاعدايدا اينالىساتىن ازاماتتىق قىزمەتشiلەردiڭ ايلىقاقىلارىمەن جانە ستاۆكالارىمەن سالىستىرعاندا كەمiندە جيىرما بەس پايىزعا جوعارىلاتىلعان لاۋازىمدىق ايلىقاقىلار مەن تاريفتiك ستاۆكالار، ەگەر قازاقستان رەسپۋبليكاسىنىڭ زاڭدارىندا وزگەشە بەلگiلەنبەسە، جەرگiلiكتi وكiلدi ورگانداردىڭ شەشiمi بويىنشا بيۋدجەت قاراجاتى ەسەبiنەن بەلگiلەنەدi.

3. ازاماتتىق قىزمەتشى بولىپ تابىلاتىن جانە اۋىلدىق جەردە جۇمىس iستەيتiن دەنساۋلىق ساقتاۋ، الەۋمەتتiك قامسىزداندىرۋ، بiلiم بەرۋ، مادەنيەت، سپورت جانە ۆەتەريناريا سالاسىنداعى ماماندار لاۋازىمدارىنىڭ تiزبەسiن جەرگiلiكتi وكiلدi ورگانمەن كەلiسۋ بويىنشا جەرگiلiكتi اتقارۋشى ورگان ايقىندايدى.

      ەسكەرتۋ. 238-باپقا وزگەرىستەر ەنگىزىلدى - قر 03.07.2013 № 121-V كونستيتۋتسيالىق زاڭىمەن (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى); 17.01.2014 № 165-V (العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
239-باپ. ازاماتتىق قىزمەتشىلەرگە بەرىلەتىن دەمالىس

1. مەملەكەتتىك بيۋدجەت ەسەبىنەن ۇستالاتىن ازاماتتىق قىزمەتشىلەرگە لاۋازىمدىق جالاقىسى مولشەرىندە ساۋىقتىرۋعا ارنالعان جاردەماقى تولەنە وتىرىپ، ۇزاقتىعى كۇنتىزبەلىك وتىز كۇننەن كەم بولمايتىن جىل سايىنعى نەگىزگى اقىلى ەڭبەك دەمالىسى بەرىلەدى. ازاماتتىق قىزمەتشىلەرگە ساۋىقتىرۋعا ارنالعان جاردەماقى كۇنتىزبەلىك جىلدا ءبىر رەت تولەنەدى.

ازاماتتىق قىزمەتشىلەردىڭ جەكەلەگەن ساناتتارىنا قازاقستان رەسپۋبليكاسىنىڭ زاڭدارىمەن نەعۇرلىم ۇزاق مەرزىمدى جىل سايىنعى نەگىزگى اقىلى ەڭبەك دەمالىسى بەلگىلەنۋى مۇمكىن.

2. جوعارى وقۋ ورىندارىندا وقيتىن ازاماتتىق قىزمەتشىلەرگە جۇمىس بەرۋشىمەن كەلىسىم بويىنشا ەمتيحاندار تاپسىرۋ، ديپلوم جوباسىن (جۇمىسىن) دايىنداۋ مەن قورعاۋ، وقۋ ءبىتىرۋ ەمتيحاندارىن تاپسىرۋ كەزەڭىنە اقىلى وقۋ دەمالىستارى بەرىلەدى.

      ەسكەرتۋ. 239-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
240-باپ. ازاماتتىق قىزمەتشىلەرمەن ەڭبەك شارتىن توقتاتۋدىڭ قوسىمشا نەگىزى

1. قىزمەتكەرلەرمەن ەڭبەك شارتىن توقتاتۋ ءۇشىن وسى كودەكستە بەلگىلەنگەن نەگىزدەرمەن قاتار ازاماتتىق قىزمەتشىلەردىڭ قازاقستان رەسپۋبليكاسىنىڭ زاڭىندا بەلگىلەنگەن زەينەتكەرلىك جاسقا جەتۋى ولارمەن ەڭبەك شارتىن توقتاتۋدىڭ قوسىمشا نەگىزى بولىپ تابىلادى.

2. مەملەكەتتىك مەكەمەنىڭ (قازىنالىق كاسىپورىننىڭ) باسشىسى نە جاۋاپتى حاتشىسى نەمەسە قازاقستان رەسپۋبليكاسىنىڭ پرەزيدەنتى ايقىندايتىن وزگە دە لاۋازىمدى ادام زەينەتكەرلىك جاسقا جەتكەن، كاسىپتىك جانە بىلىكتىلىك دەڭگەيى جوعارى قىزمەتكەرمەن ونىڭ ەڭبەككە قابىلەتتىلىگىن ەسكەرە وتىرىپ، ەڭبەك شارتىن جىل سايىن ۇزارتۋى مۇمكىن.

      ەسكەرتۋ. 240-باپقا وزگەرتۋ ەنگىزىلدى - قر 2007.07.27 N 315 (رەسمي جاريالانعان كۇنىنەن باستاپ قولدانىسقا ەنگىزىلەدى) زاڭىمەن.

25-1-تاراۋ. شارۋاشىلىق جۇرگىزۋ قۇقىعىنداعى مەملەكەتتىك كاسىپورىندار، ۇلتتىق باسقارۋشى حولدينگتەر، ۇلتتىق دامۋ ينستيتۋتتارى، ۇلتتىق حولدينگتەر جانە ۇلتتىق كومپانيالار، سونداي-اق ولاردىڭ ەنشىلەس ۇيىمدارى قىزمەتكەرلەرىنىڭ ەڭبەگىن رەتتەۋ ەرەكشەلىكتەرى

      ەسكەرتۋ. كودەكس 25-1-تاراۋمەن تولىقتىرىلدى - قر 2009.12.07 N 222-IV (قولدانىسقا ەنگىزىلۋ ءتارتىبىن 2-ب. قاراڭىز) زاڭىمەن.

240-1-باپ. شارۋاشىلىق جۇرگىزۋ قۇقىعىنداعى مەملەكەتتىك كاسىپورىنداردا، ۇلتتىق باسقارۋشى حولدينگتەردە، ۇلتتىق دامۋ ينستيتۋتتارىندا، ۇلتتىق حولدينگتەردە جانە ۇلتتىق كومپانيالاردا، سونداي-اق ولاردىڭ ەنشىلەس ۇيىمدارىندا جۇمىستا بولۋمەن بايلانىستى شەكتەۋ

شارۋاشىلىق جۇرگىزۋ قۇقىعىنداعى مەملەكەتتىك كاسىپورىندارعا، ۇلتتىق باسقارۋشى حولدينگتەرگە، ۇلتتىق دامۋ ينستيتۋتتارىنا، ۇلتتىق حولدينگتەرگە جانە ۇلتتىق كومپانيالارعا، سونداي-اق ولاردىڭ ەنشىلەس ۇيىمدارىنا باسقارۋ فۋنكتسيالارىن اتقارۋمەن بايلانىستى لاۋازىمعا بۇرىن سىبايلاس جەمقورلىق قىلمىس جاساعان ادامدى جۇمىسقا قابىلداۋعا بولمايدى.

25-2-تاراۋ. ازاماتتىق اۆياتسيانىڭ اۆياتسيا پەرسونالىنا جاتاتىن
قىزمەتكەرلەردىڭ ەڭبەگىن رەتتەۋدىڭ ەرەكشەلىكتەرى

      ەسكەرتۋ. كودەكس 25-2-تاراۋمەن تولىقتىرىلدى - قر 04.07.2013 № 132-V زاڭىمەن (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى).

240-2-باپ. ازاماتتىق اۆياتسيانىڭ اۆياتسيا پەرسونالىنا جاتاتىن قىزمەتكەرلەردىڭ جۇمىس ۋاقىتى مەن دەمالىس ۋاقىتىنىڭ رەجيمى

      ۇشۋ قاۋىپسىزدىگىنە تىكەلەي بايلانىستى ازاماتتىق جانە ەكسپەريمەنتتىك اۆياتسيانىڭ اۆياتسيا پەرسونالىنا جاتاتىن قىزمەتكەرلەردىڭ ەڭبەگى "قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى" قازاقستان رەسپۋبليكاسىنىڭ زاڭىندا كوزدەلگەن ەرەكشەلىكتەرمەن بىرگە وسى كودەكسپەن جانە ازاماتتىق اۆياتسيا سالاسىنداعى حالىقارالىق ستاندارتتار مەن نورماتيۆتەر ەسكەرىلە وتىرىپ، جۇمىس ۋاقىتى مەن ەڭبەك ۋاقىتى رەجيمى ۇزاقتىعىنىڭ ەرەكشە نورمالارىن بەلگىلەيتىن قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىمەن رەتتەلەدى.

26-تاراۋ. شاعىن كاسىپكەرلىك سۋبەكتىلەرى قىزمەتكەرلەرىنىڭ
ەڭبەگىن رەتتەۋ ەرەكشەلىكتەرى

241-باپ. وزدەرىنە قاتىستى ەڭبەك قاتىناستارىن رەتتەۋ ەرەكشەلىكتەرى بەلگىلەنەتىن شاعىن كاسىپكەرلىك سۋبەكتىلەرى

وسى تاراۋدا بەلگىلەنگەن ەڭبەكتى رەتتەۋ ەرەكشەلىكتەرى قىزمەتكەرلەرىنىڭ ورتاشا جىلدىق سانى 25 ادامنان اسپايتىن شاعىن كاسىپكەرلىك سۋبەكتىلەرىنە قولدانىلادى.

242-باپ. شاعىن كاسىپكەرلىك سۋبەكتىلەرى ءۇشىن ەڭبەك شارتتارىنىڭ مەرزىمدەرى

شاعىن كاسىپكەرلىك سۋبەكتىلەرى قىزمەتكەرلەرمەن ەڭبەك شارتتارىن وسى كودەكستىڭ 29-بابى 1-تارماعىنىڭ 2) تارماقشاسىندا كوزدەلگەن شەكتەۋسىز بەلگىلى ءبىر مەرزىمگە جاساسا الادى.

243-باپ. شاعىن كاسىپكەرلىك سۋبەكتىلەرىنىڭ ەڭبەك تارتىپتەمەسىنىڭ ەرەجەلەرى

شاعىن كاسىپكەرلىك سۋبەكتىلەرى ەڭبەك تارتىپتەمەسىنىڭ ەرەجەلەرىن دەربەس بەكىتەدى.

244-باپ. جۇمىس رەجيمى

شاعىن كاسىپكەرلىك سۋبەكتىلەرىنىڭ جۇمىس بەرۋشى بەكىتەتىن كەستەگە سايكەس دەمالىس جانە مەرەكە كۇندەرى جۇمىسقا تارتۋدى كوزدەيتىن جۇمىس رەجيمىن بەلگىلەۋگە، سونداي-اق جۇمىس ۋاقىتىنىڭ ۇزاقتىعى جونىندەگى جالپى تالاپتاردى ساقتاي وتىرىپ، جۇمىس ۋاقىتىنىڭ جيىنتىق ەسەبىن نەمەسە جۇمىس كۇنىن بولىكتەرگە ءبولۋدى پايدالانۋعا قۇقىعى بار.

245-باپ. ەڭبەككە اقى تولەۋ شارتتارى

شاعىن كاسىپكەرلىك سۋبەكتىلەرى قىزمەتكەرلەرىنىڭ ەڭبەگىنە اقى تولەۋ شارتتارىن جۇمىس بەرۋشى بەلگىلەيدى نەمەسە وزگەرتەدى جانە ەڭبەك شارتىن جاساسۋ كەزىندە نەمەسە ولاردى بەكىتۋگە كەمىندە ءبىر اي قالعاندا قىزمەتكەرلەر نازارىنا جەتكىزەدى. جۇمىسقا اقى تولەۋ شارتتارىن بەكىتۋ كەزىندە جۇمىس بەرۋشىنىڭ ەڭبەك شارتىنىڭ تالاپتارىن بىرجاقتى تارتىپپەن وزگەرتۋگە قۇقىعى جوق.

246-باپ. شاعىن كاسىپكەرلىك سۋبەكتىلەرىنىڭ الەۋمەتتىك ارىپتەستىككە قاتىسۋى

شاعىن كاسىپكەرلىك سۋبەكتىلەرى قاتىساتىن ەڭبەك قاتىناستارىنا، ەگەر جۇمىس بەرۋشىلەر مەن قىزمەتكەرلەر كەلىسسوزدەر جۇرگىزۋ جانە وسىنداي كەلىسىمدەرگە قول قويۋ ءۇشىن ءتيىستى ۇيىمدارعا بىرىككەن بولسا، كەلىسىمدەردىڭ كۇشى قولدانىلادى.

247-باپ. شاعىن كاسىپكەرلىك سۋبەكتىلەرىندە ەڭبەك قاۋىپسىزدىگىن جانە ەڭبەكتى قورعاۋدى ۇيىمداستىرۋ ەرەكشەلىكتەرى

شاعىن كاسىپكەرلىك سۋبەكتىلەرىندە ەڭبەك قاۋىپسىزدىگىن جانە ەڭبەكتى قورعاۋدى ۇيىمداستىرۋدى جەكە نەمەسە زاڭدى تۇلعالار شارت نەگىزىندە جۇزەگە اسىرۋى مۇمكىن.

27-تاراۋ. زاڭدى تۇلعانىڭ القالى اتقارۋشى ورگانىنىڭ باسشىسى مەن مۇشەلەرىنىڭ جانە مۇلىكتىڭ مەنشىك يەسى نەمەسە ول ۋاكىلەتتىك بەرگەن تۇلعا (ورگان) نە زاڭدى تۇلعانىڭ ۋاكىلەتتى ورگانى تاعايىندايتىن (سايلايتىن) قىزمەتكەرلەردىڭ ەڭبەگىن رەتتەۋ ەرەكشەلىكتەرى

      ەسكەرتۋ. 27-تاراۋدىڭ تاقىرىبىنا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.

248-باپ. زاڭدى تۇلعانىڭ اتقارۋشى ورگانى باسشىسىنىڭ ەڭبەگىن رەتتەۋدىڭ قۇقىقتىق نەگىزدەرى

زاڭدى تۇلعانىڭ اتقارۋشى ورگانى باسشىسىمەن ەڭبەك قاتىناستارى وسى كودەكسكە، قازاقستان رەسپۋبليكاسىنىڭ زاڭدارىنا, قۇرىلتاي قۇجاتتارى مەن ەڭبەك شارتىنا سايكەس جۇزەگە اسىرىلادى.

249-باپ. زاڭدى تۇلعانىڭ اتقارۋشى ورگانى باسشىسىمەن ەڭبەك شارتىن جاساسۋ

زاڭدى تۇلعانىڭ اتقارۋشى ورگانى باسشىسىمەن ەڭبەك شارتىن زاڭدى تۇلعا مۇلكىنىڭ مەنشىك يەسى نەمەسە ول ۋاكىلەتتىك بەرگەن تۇلعا (ورگان) نە زاڭدى تۇلعانىڭ ۋاكىلەتتى ورگانى قازاقستان رەسپۋبليكاسىنىڭ زاڭدارىندا، قۇرىلتاي قۇجاتتارىندا نەمەسە تاراپتار كەلىسىمىندە بەلگىلەنگەن مەرزىمگە جاساسادى.

قازاقستان رەسپۋبليكاسىنىڭ زاڭدارىندا نەمەسە قۇرىلتاي قۇجاتتارىندا زاڭدى تۇلعانىڭ اتقارۋشى ورگانى باسشىسىمەن ەڭبەك شارتىن جاساسۋ الدىندا قوسىمشا راسىمدەر بەلگىلەنۋى مۇمكىن.

250-باپ. زاڭدى تۇلعانىڭ اتقارۋشى ورگانى باسشىسىنىڭ قوسا اتقاراتىن جۇمىسى

زاڭدى تۇلعانىڭ اتقارۋشى ورگانىنىڭ باسشىسى زاڭدى تۇلعانىڭ ۋاكىلەتتى ورگانىنىڭ نە زاڭدى تۇلعا مۇلكىنىڭ مەنشىك يەسىنىڭ، نە ول ۋاكىلەتتىك بەرگەن تۇلعانىڭ (ورگاننىڭ) رۇقساتىمەن عانا باسقا ۇيىمداردا اقى تولەنەتىن لاۋازىمداردى اتقارا الادى.

251-باپ. زاڭدى تۇلعانىڭ اتقارۋشى ورگانى باسشىسىنىڭ ماتەريالدىق جاۋاپكەرشىلىگى

زاڭدى تۇلعانىڭ اتقارۋشى ورگانىنىڭ باسشىسى زاڭدى تۇلعاعا كەلتىرگەن زالالى ءۇشىن وسى كودەكستە نەمەسە قازاقستان رەسپۋبليكاسىنىڭ وزگە دە زاڭدارىندا بەلگىلەنگەن تارتىپپەن ماتەريالدىق جاۋاپتىلىقتا بولادى.

252-باپ. زاڭدى تۇلعانىڭ اتقارۋشى ورگانى باسشىسىمەن ەڭبەك شارتىن توقتاتۋدىڭ قوسىمشا نەگىزدەرى

زاڭدى تۇلعا مۇلكىنىڭ مەنشىك يەسىنىڭ نە ول ۋاكىلەتتىك بەرگەن تۇلعانىڭ (ورگاننىڭ) نەمەسە زاڭدى تۇلعانىڭ ۋاكىلەتتى ورگانىنىڭ ەڭبەك قاتىناستارىن مەرزىمىنەن بۇرىن توقتاتۋ تۋرالى شەشىمى وسى كودەكستە كوزدەلگەن نەگىزدەرمەن قاتار زاڭدى تۇلعانىڭ اتقارۋشى ورگانى باسشىسىمەن ەڭبەك شارتىن توقتاتۋعا قوسىمشا نەگىز بولىپ تابىلادى.

زاڭدى تۇلعانىڭ اتقارۋشى ورگانى باسشىسىمەن ەڭبەك شارتى توقتاتىلعان جاعدايدا، ونىڭ قولدانىلۋ مەرزىمى وتكەنگە دەيىن ەڭبەك شارتىن مەرزىمىنەن بۇرىن بۇزعانى ءۇشىن وعان ەڭبەك شارتىندا ايقىندالاتىن مولشەردە، جاعدايدا جانە تارتىپپەن وتەماقى تولەمى تولەنەدى.

      ەسكەرتۋ. 252-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
253-باپ. زاڭدى تۇلعانىڭ اتقارۋشى ورگانى باسشىسىنىڭ باستاماسى بويىنشا ەڭبەك شارتىن مەرزىمىنەن بۇرىن بۇزۋ

زاڭدى تۇلعانىڭ اتقارۋشى ورگانىنىڭ باسشىسى زاڭدى تۇلعا مۇلكىنىڭ مەنشىك يەسىن نە ول ۋاكىلەتتىك بەرگەن تۇلعانى (ورگاندى) نەمەسە زاڭدى تۇلعانىڭ ۋاكىلەتتى ورگانىن بۇل جونىندە جازباشا تۇردە كەمىندە ەكى اي بۇرىن ەسكەرتە وتىرىپ، ەڭبەك شارتىن مەرزىمىنەن بۇرىن بۇزۋعا قۇقىلى.

254-باپ. زاڭدى تۇلعانىڭ القالى اتقارۋشى ورگانى مۇشەلەرىنىڭ جانە مۇلىكتىڭ مەنشىك يەسى نەمەسە ول ۋاكىلەتتىك بەرگەن تۇلعا (ورگان) نە زاڭدى تۇلعانىڭ ۋاكىلەتتى ورگانى تاعايىندايتىن (سايلايتىن) قىزمەتكەرلەردىڭ ەڭبەگىن رەتتەۋ ەرەكشەلىكتەرى

      ەسكەرتۋ. تاقىرىپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.

       وسى تاراۋدا بەلگىلەنگەن اتقارۋشى ورگان باسشىسىنىڭ ەڭبەگىن رەتتەۋ ەرەكشەلىكتەرى، ەگەر قازاقستان رەسپۋبليكاسىنىڭ زاڭدارىندا وزگەشە بەلگىلەنبەسە, زاڭدى تۇلعانىڭ القالى اتقارۋشى ورگانىنىڭ باسقا دا مۇشەلەرىنە قولدانىلادى.

مۇلىكتىڭ مەنشىك يەسى نەمەسە ول ۋاكىلەتتىك بەرگەن تۇلعا نە زاڭدى تۇلعانىڭ ۋاكىلەتتى ورگانى تاعايىندايتىن (سايلايتىن) قىزمەتكەرلەردىڭ ەڭبەگىن رەتتەۋدىڭ ەرەكشەلىكتەرى قازاقستان رەسپۋبليكاسىنىڭ زاڭدارىمەن ايقىندالادى.

      ەسكەرتۋ. 254-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.

28-تاراۋ. قازاقستان رەسپۋبليكاسى مەملەكەتتىك قىزمەتشىلەرىنىڭ،
پارلامەنتى جانە ءماسليحاتتارى دەپۋتاتتارىنىڭ، سۋديالارىنىڭ،
اسكەري قىزمەتتەگى ادامداردىڭ، ارناۋلى مەملەكەتتىك، قۇقىق قورعاۋ
ورگاندارى، مەملەكەتتىك فەلدەگەرلىك قىزمەت قىزمەتكەرلەرىنىڭ
جانە قازاقستان رەسپۋبليكاسىنىڭ ۇلتتىق بانكى جانە ونىڭ
ۆەدومستۆولارى جۇمىسكەرلەرىنىڭ ەڭبەگىن رەتتەۋ ەرەكشەلىكتەرى

      ەسكەرتۋ. 28-تاراۋدىڭ تاقىرىبى جاڭا رەداكتسيادا - قر 23.04.2014 N 200-V زاڭىمەن (العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى).

255-باپ. مەملەكەتتىك قىزمەتشىلەردىڭ، پارلامەنت جانە ءماسليحاتتار دەپۋتاتتارىنىڭ، قازاقستان رەسپۋبليكاسى سۋديالارىنىڭ ەڭبەگىن رەتتەۋ

مەملەكەتتىك قىزمەتشىلەردىڭ, پارلامەنت جانە ءماسليحاتتار دەپۋتاتتارىنىڭ, قازاقستان رەسپۋبليكاسى سۋديالارىنىڭ ەڭبەگى قىزمەتكە كىرۋدىڭ، ونى وتكەرۋ مەن توقتاتۋدىڭ ەرەكشە جاعدايلارى مەن ءتارتىبىن، ەڭبەكتىڭ ەرەكشە جاعدايلارىن، ەڭبەككە اقى تولەۋ جاعدايلارىن، سونداي-اق قوسىمشا جەڭىلدىكتەردى، ارتىقشىلىقتار مەن شەكتەۋلەردى بەلگىلەيتىن قازاقستان رەسپۋبليكاسىنىڭ زاڭدارىندا جانە قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىندە كوزدەلگەن ەرەكشەلىكتەرمەن بىرگە وسى كودەكستە رەتتەلەدى.

256-باپ. اسكەري قىزمەتتەگى ادامدار جانە قۇقىق قورعاۋ ورگاندارىنىڭ قىزمەتكەرلەرى

      ەسكەرتۋ. تاقىرىپ جاڭا رەداكتسيادا - قر 2012.02.13 N 553-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.

       1. اسكەري قىزمەتتەگى ادامدارعا قازاقستان رەسپۋبليكاسىنىڭ قارۋلى كۇشتەرىندە، قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ شەكارا قىزمەتىندە، اسكەري قارسى بارلاۋ جانە اسكەري پوليتسيا ورگاندارىندا، قازاقستان رەسپۋبليكاسى مەملەكەتتىك كۇزەت قىزمەتىنىڭ وبەكتىلەردى قورعاۋ قىزمەتىندە (رەسپۋبليكالىق ۇلان), قازاقستان رەسپۋبليكاسىنىڭ ۇلتتىق ۇلانىندا، ىشكى ىستەر مينيسترلىگىنىڭ اسكەري-تەرگەۋ ورگاندارىندا، ازاماتتىق قورعاۋ سالاسىنداعى ۋاكىلەتتى ورگاننىڭ ازاماتتىق قورعانىستىڭ باسقارۋ ورگاندارى مەن اسكەري بولىمدەرىندە جانە اسكەري پروكۋراتۋرا ورگاندارىندا قىزمەت وتكەرىپ جۇرگەن ادامدار جاتادى.

2. قۇقىق قورعاۋ ورگاندارىنىڭ قىزمەتكەرلەرىنە قازاقستان رەسپۋبليكاسىنىڭ زاڭدارىنا سايكەس قۇقىق قورعاۋ قىزمەتىن جۇزەگە اسىراتىن قازاقستان رەسپۋبليكاسىنىڭ ىشكى ىستەر ورگاندارىندا، سىبايلاس جەمقورلىققا قارسى قىزمەتىندە، ەكونوميكالىق تەرگەۋ قىزمەتىندە، مەملەكەتتىك ورتكە قارسى قىزمەتىندە، پروكۋراتۋرا ورگاندارىندا قىزمەتتە تۇرعان ادامدار جاتادى.

3. ارناۋلى مەملەكەتتىك ورگاندار قىزمەتكەرلەرىنە ۇلتتىق قاۋىپسىزدىك ورگاندارىندا، سىرتقى بارلاۋ سالاسىنداعى ۋاكىلەتتى ورگاندا جانە قازاقستان رەسپۋبليكاسى مەملەكەتتىك كۇزەت قىزمەتىندە قىزمەت وتكەرىپ جۇرگەن ادامدار جاتادى.

      ەسكەرتۋ. 256-باپقا وزگەرىستەر ەنگىزىلدى - قر 2010.05.27 № 279-IV, 2012.01.18 N 547-IV (العاشقى رەسمي جاريالانعانىنان كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi), 2012.02.13 N 553-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى), 2012.02.16 № 562-IV (العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى); 11.04.2014 № 189-V (العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى); 04.07.2014 N 233-V (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi); 07.11.2014 № 248-V (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi); 10.01.2015 № 275-V (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi) زاڭدارىمەن.
257-باپ. اسكەري قىزمەتتەگى ادامداردىڭ، ارناۋلى مەملەكەتتىك، قۇقىق قورعاۋ ورگاندارى مەن مەملەكەتتىك فەلدەگەرلىك قىزمەت قىزمەتكەرلەرىنىڭ ەڭبەگىن رەتتەۋ

اسكەري قىزمەتتەگى ادامداردىڭ، ارناۋلى مەملەكەتتىك، قۇقىق قورعاۋ ورگاندارى مەن مەملەكەتتىك فەلدەگەرلىك قىزمەت قىزمەتكەرلەرىنىڭ ەڭبەگى قىزمەتكە كىرۋدىڭ، ونى وتكەرۋ مەن توقتاتۋدىڭ ەرەكشە شارتتارى مەن ءتارتىبىن، ەرەكشە ەڭبەك جاعدايلارىن، ەڭبەككە اقى تولەۋ شارتتارىن، سونداي-اق قوسىمشا جەڭىلدىكتەردى، ارتىقشىلىقتار مەن شەكتەۋلەردى بەلگىلەيتىن قازاقستان رەسپۋبليكاسىنىڭ ارناۋلى زاڭدارىندا جانە قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىندە كوزدەلگەن ەرەكشەلىكتەرىمەن بىرگە وسى كودەكستە رەتتەلەدى.

      ەسكەرتۋ. 257-باپ جاڭا رەداكتسيادا - قر 23.04.2014 N 200-V زاڭىمەن (العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى).
257-1-باپ. قازاقستان رەسپۋبليكاسىنىڭ ۇلتتىق بانكى جانە ونىڭ ۆەدومستۆولارى قىزمەتكەرلەرىنىڭ ەڭبەگىن رەتتەۋ

      قازاقستان رەسپۋبليكاسى ۇلتتىق بانكى جانە ونىڭ ۆەدومستۆولارى قىزمەتكەرلەرىنىڭ ەڭبەگى لاۋازىمعا تاعايىنداۋدىڭ، ەڭبەك شارتىن توقتاتۋدىڭ ەرەكشە تالاپتارىن، ەرەكشە ەڭبەك جاعدايىن جانە ەڭبەكاقى تولەۋ شارتتارىن، سونداي-اق ارتىقشىلىقتار مەن شەكتەۋلەردى بەلگىلەيتىن "قازاقستان رەسپۋبليكاسىنىڭ ۇلتتىق بانكى تۋرالى" قازاقستان رەسپۋبليكاسىنىڭ زاڭىندا جانە قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىندە كوزدەلگەن ەرەكشەلىكتەرىمەن بىرگە وسى كودەكسپەن رەتتەلەدى.

      ەسكەرتۋ. 28-تاراۋ 257-1-باپپەن تولىقتىرىلدى - قر 2012.07.05 N 30-V (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.

28-1-تاراۋ. كاسىپتىك وداقتىڭ كاسىپوداق ورگاندارىنىڭ
قۇرامىنا كىرەتىن قىزمەتكەرلەردiڭ ەڭبەگiن
رەتتەۋ ەرەكشەلiكتەرi

      ەسكەرتۋ. كودەكس 28-1-تاراۋمەن تولىقتىرىلدى - قر 27.06.2014 N 212-V زاڭىمەن (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi).

257-2-باپ. كاسىپتىك وداقتىڭ كاسىپوداق ورگاندارىنىڭ قۇرامىنا كىرەتىن قىزمەتكەرلەردiڭ ەڭبەگiن رەتتەۋ

كاسىپتىك وداقتىڭ كاسىپوداق ورگاندارىنىڭ قۇرامىنا كىرەتىن قىزمەتكەرلەردiڭ ەڭبەگى "كاسىپتىك وداقتار تۋرالى" قازاقستان رەسپۋبليكاسىنىڭ زاڭىندا كوزدەلگەن ەرەكشەلiكتەرمەن بiرگە وسى كودەكسپەن رەتتەلەدi.

4-ءبولىم. ەڭبەك سالاسىنداعى الەۋمەتتىك ارىپتەستىك جانە
ۇجىمدىق قاتىناستار
29-تاراۋ. ەڭبەك سالاسىنداعى الەۋمەتتىك ارىپتەستىك

258-باپ. الەۋمەتتىك ارىپتەستىكتىڭ مىندەتتەرى

قازاقستان رەسپۋبليكاسىنداعى الەۋمەتتىك ارىپتەستىك:

1) الەۋمەتتىك، ەڭبەك جانە وسىلارمەن بايلانىستى ەكونوميكالىق قاتىناستاردى رەتتەۋدىڭ ءتيىمدى تەتىگىن جاساۋ;

2) قوعامنىڭ بارلىق جىكتەرىنىڭ مۇددەلەرىن وبەكتيۆتى ەسكەرۋ نەگىزىندە الەۋمەتتىك تۇراقتىلىق پەن قوعامدىق كەلىسىمدى قامتاماسىز ەتۋگە جاردەمدەسۋ;

3) قىزمەتكەرلەردىڭ ەڭبەك سالاسىنداعى قۇقىقتارىنىڭ كەپىلدىكتەرىن قامتاماسىز ەتۋگە جاردەمدەسۋ، ولاردى الەۋمەتتىك قورعاۋدى جۇزەگە اسىرۋ;

4) بارلىق دەڭگەيدەگى الەۋمەتتىك ارىپتەستىك تاراپتارى اراسىنداعى كونسۋلتاتسيالار مەن كەلىسسوزدەر پروتسەسىنە جاردەمدەسۋ;

5) ۇجىمدىق ەڭبەك داۋلارىن شەشۋگە جاردەمدەسۋ;

6) الەۋمەتتىك-ەڭبەك قاتىناستارى سالاسىنداعى مەملەكەتتىك ساياساتتى ىسكە اسىرۋ جونىندەگى ۇسىنىستاردى تالداپ-تۇجىرىمداۋ مىندەتتەرىن شەشۋگە باعىتتالعان.

259-باپ. الەۋمەتتىك ارىپتەستىكتىڭ نەگىزگى پرينتسيپتەرى

الەۋمەتتىك ارىپتەستىكتىڭ نەگىزگى پرينتسيپتەرى مىنالار:

1) تاراپتار وكىلدەرىنىڭ وكىلەتتىلىگى;

2) تاراپتاردىڭ تەڭ قۇقىقتىلىعى;

3) تالقىلاناتىن ماسەلەلەردى تاڭداۋ ەركىندىگى;

4) مىندەتتەمەلەر قابىلداۋ ەرىكتىلىگى;

5) تاراپتار مۇددەلەرىن قۇرمەتتەۋ;

6) ۇجىمدىق شارتتاردى، كەلىسىمدەردى ورىنداۋ مىندەتتىلىگى;

7) كەلىسىم بويىنشا قابىلدانعان مىندەتتەمەلەردى ءوز كىناسى بويىنشا ورىنداماعانى ءۇشىن تاراپتاردىڭ، ولاردىڭ وكىلدەرىنىڭ جاۋاپتىلىعى;

8) الەۋمەتتىك ارىپتەستىكتى نىعايتۋ مەن دامىتۋعا مەملەكەتتىڭ جاردەمدەسۋى;

9) قابىلداناتىن شەشىمدەردىڭ جاريالىلىعى.

260-باپ. الەۋمەتتىك ارىپتەستىك ورگاندارى

الەۋمەتتىك ارىپتەستىك الەۋمەتتىك ارىپتەستىك ورگاندارى:

1) رەسپۋبليكالىق دەڭگەيدە - الەۋمەتتىك ارىپتەستىك پەن الەۋمەتتىك جانە ەڭبەك قاتىناستارىن رەتتەۋ جونىندەگى رەسپۋبليكالىق ۇشجاقتى كوميسسيا (بۇدان ءارى - رەسپۋبليكالىق كوميسسيا);

2) سالالىق دەڭگەيدە - الەۋمەتتىك ارىپتەستىك پەن الەۋمەتتىك جانە ەڭبەك قاتىناستارىن رەتتەۋ جونىندەگى سالالىق كوميسسيالار (بۇدان ءارى - سالالىق كوميسسيا);

3) وڭىرلىك (وبلىستىق، قالالىق، اۋداندىق) دەڭگەيدە - الەۋمەتتىك ارىپتەستىك پەن الەۋمەتتىك جانە ەڭبەك قاتىناستارىن رەتتەۋ جونىندەگى وبلىستىق، قالالىق، اۋداندىق كوميسسيالار (بۇدان ءارى - وڭىرلىك كوميسسيا) ارقىلى تاراپتاردىڭ ءوزارا ءىس-قيمىل جاساسۋى نىسانىندا;

4) ۇيىمدار دەڭگەيىندە - قىزمەتكەرلەردىڭ وكىلدەرى مەن جۇمىس بەرۋشىنىڭ اراسىندا ەڭبەك سالاسىنداعى ءوزارا ناقتى مىندەتتەمەلەردى بەلگىلەيتىن كەلىسىمدەر نەمەسە ۇجىمدىق شارتتار نىسانىندا قامتاماسىز ەتىلەدى، ال شەت ەل قاتىساتىن ۇيىمداردا ونى قازاقستان رەسپۋبليكاسىنىڭ رەزيدەنتتەرى حالىقارالىق شارتتاردىڭ (كەلىسىمدەردىڭ) جانە قازاقستان رەسپۋبليكاسى زاڭناماسىنىڭ نەگىزىندە قامتاماسىز ەتەدى.

261-باپ. الەۋمەتتىك ارىپتەستىك نىساندارى

الەۋمەتتىك ارىپتەستىك:

ۇجىمدىق شارتتاردىڭ، كەلىسىمدەردىڭ جوبالارىن ازىرلەۋ جانە ولاردى جاساسۋ جونىندەگى ۇجىمدىق كەلىسسوزدەر;

ەڭبەك قاتىناستارىن جانە ولارمەن تىكەلەي بايلانىستى وزگە دە قاتىناستاردى رەتتەۋ، قىزمەتكەرلەردىڭ ەڭبەك سالاسىنداعى قۇقىقتارىنىڭ كەپىلدىكتەرىن قامتاماسىز ەتۋ جانە قازاقستان رەسپۋبليكاسىنىڭ ەڭبەك زاڭناماسىن جەتىلدىرۋ ماسەلەلەرى بويىنشا ءوزارا كونسۋلتاتسيالار (كەلىسسوزدەر);

قىزمەتكەرلەر مەن جۇمىس بەرۋشىلەر وكىلدەرىنىڭ ەڭبەك داۋلارىن سوتقا دەيىن شەشۋگە قاتىسۋى نىساندارىندا جۇزەگە اسىرىلادى.

262-باپ. الەۋمەتتىك ارىپتەستىك تاراپتارى

ءتيىستى اتقارۋشى ورگاندار اتىنان مەملەكەت، بەلگىلەنگەن تارتىپپەن ۋاكىلەتتىك بەرىلگەن ءوز وكىلدەرى اتىنان قىزمەتكەرلەر مەن جۇمىس بەرۋشىلەر الەۋمەتتىك ارىپتەستىك تاراپتارى بولىپ تابىلادى.

263-باپ. الەۋمەتتىك ارىپتەستىكتى رەسپۋبليكالىق دەڭگەيدە ۇيىمداستىرۋ

1. رەسپۋبليكالىق كوميسسيا ءتيىستى شەشىمدەرمەن رەسىمدەلەتىن كونسۋلتاتسيالار مەن كەلىسسوزدەر جۇرگىزۋ ارقىلى الەۋمەتتىك ارىپتەستىك تاراپتارىنىڭ مۇددەلەرىن كەلىسۋدى قامتاماسىز ەتەتىن تۇراقتى جۇمىس ىستەيتىن ورگان بولىپ تابىلادى.

1-1. الەۋمەتتىك ارىپتەستىكتى رەسپۋبليكالىق دەڭگەيدە ۇيىمداستىرۋدى قامتاماسىز ەتۋ ەڭبەك جونىندەگى ۋاكىلەتتى مەملەكەتتىك ورگانعا جۇكتەلەدى.

2. قازاقستان رەسپۋبليكاسى ۇكىمەتىنىڭ، قىزمەتكەرلەردىڭ رەسپۋبليكالىق بىرلەستىكتەرى مەن جۇمىس بەرۋشىلەردىڭ رەسپۋبليكالىق بىرلەستىكتەرىنىڭ وكىلەتتى وكىلدەرى رەسپۋبليكالىق كوميسسيانىڭ قاتىسۋشىلارى بولىپ تابىلادى.

3. كاسىپتىك وداقتاردىڭ رەسپۋبليكالىق بiرلەستiكتەرى قىزمەتكەرلەردiڭ رەسپۋبليكالىق دەڭگەيدەگى وكiلەتتi وكiلدەرi بولىپ تابىلادى.

4. قازاقستان رەسپۋبليكاسىنىڭ ۇلتتىق كاسىپكەرلەر پالاتاسىنىڭ، جەكە كاسىپكەرلىك سۋبەكتىلەرى بىرلەستىكتەرىنىڭ رەسپۋبليكالىق وداعىنىڭ (قاۋىمداستىعىنىڭ), شاعىن كاسىپكەرلىك جونىندەگى رەسپۋبليكالىق بىرلەستىكتىڭ، جەكە كاسىپكەرلىك سۋبەكتىلەرىنىڭ رەسپۋبليكالىق سالالىق بىرلەستىكتەرىنىڭ وكىلدەرى جۇمىس بەرۋشىلەردىڭ رەسپۋبليكالىق بىرلەستىكتەرىنىڭ وكىلەتتى وكىلدەرى بولىپ تابىلادى.

اتالعان وداقتاردان (قاۋىمداستىقتاردان) وكىلدىك ەتۋ ولاردىڭ قۇرامىنا كىرەتىن رەسپۋبليكالىق قوعامدىق بىرلەستىكتەردىڭ سانىنا قاراي پروپورتسيالىق نەگىزدە جۇزەگە اسىرىلادى.

      ەسكەرتۋ. 263-باپقا وزگەرىستەر ەنگىزىلدى - قر 04.07.2013 № 130-V (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى); 27.06.2014 N 212-V (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi) زاڭدارىمەن.
264-باپ. الەۋمەتتىك ارىپتەستىكتى سالالىق دەڭگەيدە ۇيىمداستىرۋ

1. سالالىق كوميسسيا ءتيىستى شەشىمدەرمەن رەسىمدەلەتىن كونسۋلتاتسيالار مەن كەلىسسوزدەر جۇرگىزۋ ارقىلى الەۋمەتتىك ارىپتەستەردىڭ مۇددەلەرىن كەلىسۋدى قامتاماسىز ەتۋ جونىندەگى تۇراقتى جۇمىس ىستەيتىن ورگان بولىپ تابىلادى. وسى كودەكستىڭ ماقساتتارى ءۇشىن سالالار تىزبەسىن رەسپۋبليكالىق كوميسسيا بەلگىلەيدى.

1-1. الەۋمەتتىك ارىپتەستىكتى سالالىق دەڭگەيدە ۇيىمداستىرۋدى قامتاماسىز ەتۋ تيiستi قىزمەت سالالارىنىڭ ۋاكiلەتتi مەملەكەتتىك ورگاندارىنا جۇكتەلەدى.

2. ءتيىستى قىزمەت سالاسىنداعى ۋاكىلەتتى مەملەكەتتىك ورگانداردىڭ وكىلەتتى وكىلدەرى، جۇمىس بەرۋشىلەر مەن قىزمەتكەرلەردىڭ وكىلدەرى سالالىق كوميسسيالاردىڭ قاتىسۋشىلارى بولىپ تابىلادى.

3. سالالىق كاسىپتىك وداقتار قىزمەتكەرلەردiڭ سالالىق دەڭگەيدەگى وكiلەتتi وكiلدەرi بولىپ تابىلادى.

4. قازاقستان رەسپۋبليكاسىنىڭ ۇلتتىق كاسىپكەرلەر پالاتاسىنىڭ جانە سالالىق ۇيىمداردىڭ وكىلدەرى جۇمىس بەرۋشىلەردىڭ وكىلەتتى وكىلدەرى بولىپ تابىلادى.

      ەسكەرتۋ. 264-باپقا وزگەرىستەر ەنگىزىلدى - قر 04.07.2013 № 130-V (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى); 27.06.2014 N 212-V (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi) زاڭدارىمەن.
265-باپ. الەۋمەتتىك ارىپتەستىكتى وڭىرلىك دەڭگەيدە ۇيىمداستىرۋ

1. وڭىرلىك كوميسسيا ءتيىستى كەلىسىمدەرمەن جانە شەشىمدەرمەن رەسىمدەلەتىن كونسۋلتاتسيالار مەن كەلىسسوزدەر جۇرگىزۋ ارقىلى الەۋمەتتىك ارىپتەستەردىڭ مۇددەلەرىن كەلىسۋدى قامتاماسىز ەتۋ جونىندەگى تۇراقتى جۇمىس ىستەيتىن ورگان بولىپ تابىلادى.

1-1. الەۋمەتتىك ارىپتەستىكتى وڭىرلىك دەڭگەيدە ۇيىمداستىرۋدى قامتاماسىز ەتۋ ءتيىستى اكىمشىلىك-اۋماقتىق بىرلىكتىڭ جەرگىلىكتى اتقارۋشى ورگاندارىنا جۇكتەلەدى.

2. جەرگىلىكتى اتقارۋشى ورگانداردىڭ ءتيىستى وكىلەتتى وكىلدەرى، جۇمىس بەرۋشىلەر مەن قىزمەتكەرلەردىڭ وكىلدەرى وڭىرلىك كوميسسيالاردىڭ قاتىسۋشىلارى بولىپ تابىلادى.

3. كاسىپتىك وداقتاردىڭ اۋماقتىق بiرلەستiكتەرى قىزمەتكەرلەردiڭ وڭىرلىك دەڭگەيدەگى وكiلەتتi وكiلدەرi بولىپ تابىلادى.

4. مىنالار:

1) وبلىستىق دەڭگەيدە – قازاقستان رەسپۋبليكاسىنىڭ ۇلتتىق كاسىپكەرلەر پالاتاسىنىڭ وكىلدەرى، جەكە كاسىپكەرلىك سۋبەكتىلەرىنىڭ وبلىستىق بىرلەستىكتەرى، شاعىن كاسىپكەرلىك جونىندەگى وبلىستىق بىرلەستىك;

2) قالالىق، اۋداندىق دەڭگەيلەردە – قازاقستان رەسپۋبليكاسىنىڭ ۇلتتىق كاسىپكەرلەر پالاتاسىنىڭ وكىلدەرى، شاعىن كاسىپكەرلىك جونىندەگى قالالىق، اۋداندىق بىرلەستىكتەر وڭىرلىك دەڭگەيدەگى جۇمىس بەرۋشىلەردىڭ وكىلەتتى وكىلدەرى بولىپ تابىلادى.

      ەسكەرتۋ. 265-باپقا وزگەرىستەر ەنگىزىلدى - قر 04.07.2013 № 130-V (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى); 27.06.2014 N 212-V (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi) زاڭدارىمەن.
266-باپ. الەۋمەتتىك-ەڭبەك قاتىناستارىن ۇيىم دەڭگەيىندە رەتتەۋ

1. الەۋمەتتىك-ەڭبەك قاتىناستارىن رەتتەۋدى قامتاماسىز ەتۋ، ۇجىمدىق كەلىسسوزدەر جۇرگىزۋ جانە ۇجىمدىق شارتتىڭ جوباسىن دايىنداۋ جانە ونى جاساسۋ، سونداي-اق ۇجىمدىق شارتتىڭ ورىندالۋىن باقىلاۋدى ۇيىمداستىرۋ ءۇشىن تاراپتار شەشىمى بويىنشا تەڭ قۇقىقتىلىق نەگىزدە تاراپتاردىڭ قاجەتتى وكىلەتتىكتەر بەرىلگەن وكىلدەرىنەن تۇراتىن كوميسسيالار قۇرىلادى.

2. جۇمىس بەرۋشى ۇجىمدىق شارتتىڭ تالاپتارىنا سايكەس ۇيىمدا جۇمىس ىستەيتىن كاسىپتىك وداقتىڭ قىزمەتى ءۇشىن جاعداي جاسايدى.

3. تاراپتاردىڭ كەلىسىمى بويىنشا جانە كاسىپتىك وداق مۇشەلەرى بولىپ تابىلاتىن قىزمەتكەرلەردىڭ جازباشا وتىنىشتەرى بولعان كەزدە، جۇمىس بەرۋشى كاسىپتىك وداقتىڭ ەسەپ-شوتىنا قىزمەتكەرلەردىڭ جالاقىسىنان ۇستالاتىن مۇشەلىك كاسىپوداق جارنالارىن اي سايىن اۋدارادى.

      ەسكەرتۋ. 266-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
267-باپ. تۇراقتى جۇمىس ىستەيتىن رەسپۋبليكالىق، سالالىق، وڭىرلىك كوميسسيالاردى قۇرۋدىڭ پرينتسيپتەرى مەن ءتارتىبى

1. تۇراقتى جۇمىس ىستەيتىن رەسپۋبليكالىق، سالالىق، وڭىرلىك كوميسسيالار مىناداي پرينتسيپتەر:

1) كوميسسيالاردىڭ قىزمەتىنە اتقارۋشى بيلىك ورگاندارى وكىلدەرىنىڭ، جۇمىس بەرۋشىلەر مەن قىزمەتكەرلەر وكىلدەرىنىڭ قاتىسۋ مىندەتتىلىگى;

2) تاراپتاردىڭ وكىلەتتىلىگى;

3) تەپە-تەڭ وكىلدىك ەتۋ;

4) تاراپتاردىڭ تەڭ قۇقىقتىلىعى;

5) تاراپتاردىڭ ءوزارا جاۋاپكەرشىلىگى نەگىزىندە قۇرىلادى.

2. كوميسسيالار قاتىسۋشىلارىنىڭ جەكە قۇرامىن الەۋمەتتىك ارىپتەستىكتىڭ ءاربىر تاراپى دەربەس قۇرادى.

268-باپ. رەسپۋبليكالىق، سالالىق، وڭىرلىك كوميسسيالاردىڭ نەگىزگى ماقساتتارى، مىندەتتەرى جانە فۋنكتسيالارى

1. كوميسسيالاردىڭ نەگىزگى ماقساتتارى الەۋمەتتىك جانە ەڭبەك قاتىناستارىن رەتتەۋ جانە الەۋمەتتىك ارىپتەستىك تاراپتارىنىڭ مۇددەلەرىن كەلىسۋ بولىپ تابىلادى.

      2. كوميسسيالاردىڭ نەگىزگى مىندەتتەرى:

      1) الەۋمەتتىك جانە ەكونوميكالىق ساياساتتىڭ نەگىزگى باعىتتارى بويىنشا الەۋمەتتىك ارىپتەستىك تاراپتارىنىڭ ۇستانىمدارىن كەلىسۋ;

2) كەلىسىمدەردى ازىرلەۋ جانە جاساسۋ;

3) كەلىسىمدەردى ىسكە اسىرۋ جونىندەگى ءىس-شارالاردى ازىرلەۋ، كەلىسۋ جانە بەكىتۋ;

4) حالىقارالىق ەڭبەك نورمالارىن راتيفيكاتسيالاۋعا جانە قولدانۋعا بايلانىستى ماسەلەلەر بويىنشا كونسۋلتاتسيالار جۇرگىزۋ جانە ۇسىنىمدار تۇجىرىمداۋ بولىپ تابىلادى.

      3. كوميسسيالار وزدەرى بەكىتكەن ەرەجەلەرگە جانە جۇمىس جوسپارلارىنا سايكەس جۇمىس ىستەيدى. كوميسسيالاردىڭ وتىرىستارى جىلىنا كەمىندە ەكى رەت وتكىزىلەدى.

      4. رەسپۋبليكالىق كوميسسيانىڭ فۋنكتسيالارى:

      1) الەۋمەتتىك-ەڭبەك قاتىناستارى سالاسىنداعى زاڭ جوبالارىن (الەۋمەتتىك ارىپتەستىك تاراپتارىنىڭ باستاماسى بويىنشا) قاراۋ جانە ولار بويىنشا ۇسىنىمدار شىعارۋ;

2) اتقارۋشى بيلىك ورگاندارىنا الەۋمەتتىك-ەڭبەك قاتىناستارى سالاسىنداعى نورماتيۆتىك قۇقىقتىق اكتىلەردى ازىرلەۋ جانە قابىلداۋ تۋرالى ۇسىنىستار ەنگىزۋ;

3) ۇلتتىق بىلىكتىلىك شەڭبەرىن بەكىتۋ;

4) الەۋمەتتىك-ەڭبەك جانجالدارىنىڭ جانە ەرەۋىلدەردىڭ الدىن الۋ جانە ولاردى بولعىزباۋ جونىندەگى ءىس-شارالاردى ازىرلەۋ جانە كەلىسۋ;

5) جۇمىسپەن قامتۋدى قامتاماسىز ەتۋگە جانە جۇمىسسىزدىق دەڭگەيىن قىسقارتۋعا باعىتتالعان شارالاردى كەلىسۋ;

6) باس كەلىسىمدى جاساسۋ جانە ونىڭ ورىندالۋىنا مونيتورينگتى جۇزەگە اسىرۋ;

7) سالالىق جانە وڭىرلىك دەڭگەيلەردە كەلىسىمدەر ازىرلەۋگە جانە قابىلداۋعا قاتىسۋ ءۇشىن بايقاۋشىلار توبىن قالىپتاستىرۋ;

8) رەسپۋبليكالىق كوميسسيانىڭ نەگىزگى ماقساتتارى مەن مىندەتتەرىن ىسكە اسىرۋعا باعىتتالعان وزگە دە فۋنكتسيالاردى جۇزەگە اسىرۋ بولىپ تابىلادى.

      5. سالالىق كوميسسيانىڭ فۋنكتسيالارى:

      1) ءتيىستى سالانىڭ الەۋمەتتىك ارىپتەستىك تاراپتارىنىڭ باس كەلىسىمدى، رەسپۋبليكالىق كوميسسيا شەشىمدەرىن ورىنداۋىن قامتاماسىز ەتۋ;

2) ءتيىستى سالانىڭ باعدارلامالىق جانە ستراتەگيالىق قۇجاتتارىن (الەۋمەتتىك ارىپتەستىك تاراپتارىنىڭ باستاماسى بويىنشا) قاراۋ;

3) الەۋمەتتىك-ەڭبەك جانجالدارىنىڭ جانە ەرەۋىلدەردىڭ الدىن الۋ جانە ولاردى بولعىزباۋ جونىندەگى ءىس-شارالاردى ازىرلەۋ جانە كەلىسۋ;

4) جۇمىسپەن قامتۋدى قامتاماسىز ەتۋگە جانە جۇمىسسىزدىق دەڭگەيىن قىسقارتۋعا باعىتتالعان شارالاردى كەلىسۋ;

5) سالالىق كەلىسىمدى جاساسۋ جانە ونىڭ ورىندالۋىنا مونيتورينگتى جۇزەگە اسىرۋ;

6) سالانىڭ ەڭبەككە اقى تولەۋ جۇيەسىنىڭ، ونىڭ ىشىندە:

سالاداعى ەڭ تومەن تاريفتىك مولشەرلەمەنى (ايلىقاقىنى);

رازريادارالىق كوەففيتسيەنتتەردىڭ شەكتى ماندەرىن;

سالالىق ارتتىرۋشى كوەففيتسيەنتتەردى;

اۋىر جۇمىستاردا، ەڭبەك جاعدايلارى زياندى (ەرەكشە زياندى), قاۋىپتى جۇمىستاردا ىستەيتىن قىزمەتكەرلەرگە قوسىمشا اقى بەلگىلەۋدىڭ بىرىڭعاي ءتارتىبىن بەلگىلەۋدىڭ نەگىزگى قاعيداتتارىن ازىرلەۋ;

7) سالالىق بىلىكتىلىك شەڭبەرىن بەكىتۋ;

8) ەڭبەك قاۋىپسىزدىگى جانە ەڭبەكتى قورعاۋ جونىندەگى كەڭەستى قالىپتاستىرۋ;

9) ۇجىمدىق ەڭبەك داۋلارىنىڭ الدىن الۋ جانە ولاردى شەشۋ ءۇشىن ەڭبەك تورەلىگى جونىندەگى كەڭەستى قالىپتاستىرۋ;

10) كەلىسىمدەر مەن ۇجىمدىق شارتتاردى ازىرلەۋگە جانە قابىلداۋعا قاتىسۋ ءۇشىن بايقاۋشىلار توبىن قالىپتاستىرۋ;

11) كادرلىق الەۋەتتى جانە بىلىكتىلىكتەردى دامىتۋ جونىندەگى ۇيلەستىرۋ ورتالىعىن قالىپتاستىرۋ;

12) سالالىق كوميسسيانىڭ نەگىزگى ماقساتتارى مەن مىندەتتەرىن ىسكە اسىرۋعا باعىتتالعان وزگە دە فۋنكتسيالاردى جۇزەگە اسىرۋ بولىپ تابىلادى.

      6. وڭىرلىك كوميسسيانىڭ فۋنكتسيالارى:

      1) الەۋمەتتىك ارىپتەستىك تاراپتارىنىڭ باس كەلىسىمدى، سالالىق كەلىسىمدەردى جانە رەسپۋبليكالىق جانە سالالىق كوميسسيالاردىڭ شەشىمدەرىن ورىنداۋىن قامتاماسىز ەتۋ;

2) ءوڭىردىڭ باعدارلامالىق جانە ستراتەگيالىق قۇجاتتارىن (الەۋمەتتىك ارىپتەستىك تاراپتارىنىڭ باستاماسى بويىنشا) قاراۋ;

3) الەۋمەتتىك-ەڭبەك جانجالدارىنىڭ جانە ەرەۋىلدەردىڭ الدىن الۋ جانە ولاردى بولعىزباۋ جونىندەگى ءىس-شارالاردى ازىرلەۋ جانە كەلىسۋ;

4) جۇمىس بەرۋشىلەرگە جانە قىزمەتكەرلەردىڭ وكىلدەرىنە ەڭبەك داۋلارىن رەتتەۋگە جاردەمدەسۋ;

5) جۇمىسپەن قامتۋدى قامتاماسىز ەتۋگە جانە جۇمىسسىزدىق دەڭگەيىن قىسقارتۋعا باعىتتالعان شارالاردى قولدانۋ;

6) وڭىرلىك كەلىسىمدى جاساسۋ جانە ونىڭ ورىندالۋىن مونيتورينگتەۋ;

7) ۇجىمدىق ەڭبەك داۋلارىنىڭ الدىن الۋ جانە ولاردى شەشۋ ماسەلەلەرى جونىندەگى كەڭەستى قالىپتاستىرۋ;

8) وڭىرلىك كوميسسيانىڭ نەگىزگى ماقساتتارى مەن مىندەتتەرىن ىسكە اسىرۋعا باعىتتالعان وزگە دە فۋنكتسيالاردى جۇزەگە اسىرۋ بولىپ تابىلادى.

      ەسكەرتۋ. 268-باپ جاڭا رەداكتسيادا - قر 27.06.2014 N 212-V زاڭىمەن (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi).
269-باپ. رەسپۋبليكالىق، سالالىق جانە وڭىرلىك كوميسسيالاردىڭ نەگىزگى قۇقىقتارى

رەسپۋبليكالىق، سالالىق جانە وڭىرلىك كوميسسيالار:

1) ءوز وتىرىستارىندا الەۋمەتتىك جانە ەڭبەك قاتىناستارى سالاسىندا كەلىسىلگەن ساياسات جۇرگىزۋ پروبلەمالارىن قاراۋعا;

2) كەلىسىم جوباسىن ازىرلەۋ، كورسەتىلگەن كەلىسىمدى ىسكە اسىرۋ، كوميسسيا شەشىمدەرىن ورىنداۋ كەزىندە اتقارۋشى ورگانداردىڭ، جۇمىس بەرۋشىلەر مەن قىزمەتكەرلەر بىرلەستىكتەرىنىڭ مۇددەلەرىن كەلىسۋگە;

3) اتقارۋشى ورگانداردان، جۇمىس بەرۋشىلەردەن جانە (نەمەسە) قىزمەتكەرلەر وكىلدەرىنەن الەۋمەتتىك جانە ەڭبەك قاتىناستارىن رەتتەيتىن، جاسالاتىن جانە جاسالعان كەلىسىمدەر تۋرالى اقپارات سۇراتۋعا;

4) ءوز شەشىمدەرىنىڭ ورىندالۋىن باقىلاۋدى جۇزەگە اسىرۋعا، ال جاۋاپتى تۇلعالار ولاردى ورىنداماعان جاعدايدا الەۋمەتتىك ارىپتەستىكتىڭ ءتيىستى تاراپىنا انىقتالعان بۇزۋشىلىقتاردى جويۋ جانە كەلىسىمنىڭ تالاپتارىن ورىنداماعانى ءۇشىن كىنالى تۇلعالاردى جاۋاپقا تارتۋ جونىندەگى ۇسىنىستارى بار اقپارات جىبەرۋگە;

5) اتقارۋشى ورگانداردان ۇجىمدىق كەلىسسوزدەر جۇرگىزۋ جانە كەلىسىمنىڭ جوباسىن ازىرلەۋ، اتالعان كەلىسىمنىڭ ورىندالۋىن باقىلاۋدى ۇيىمداستىرۋ ءۇشىن قاجەتتى الەۋمەتتىك جاعداي تۋرالى اقپاراتتى سۇراتۋعا جانە الۋعا;

6) ۋاكىلەتتى مەملەكەتتىك ورگانداردىڭ قاراۋىنا الەۋمەتتىك جانە ەڭبەك قاتىناستارى سالاسىنداعى نورماتيۆتىك قۇقىقتىق اكتىلەردى ازىرلەۋ جونىندە ۇسىنىستار ەنگىزۋگە;

7) عالىمدار مەن مامانداردى تارتا وتىرىپ، جۇمىس توپتارىن قۇرۋعا;

8) كوميسسيا وتىرىسىنا اتقارۋشى ورگانداردىڭ، قوعامدىق بىرلەستىكتەردىڭ قىزمەتكەرلەرىن، سونداي-اق تاۋەلسىز ساراپشىلاردى شاقىرۋعا;

9) اتقارۋشى ورگاندار، جۇمىس بەرۋشىلەر مەن قىزمەتكەرلەردىڭ بىرلەستىكتەرى كوميسسيا بەلگىلەنگەن مەرزىمدە قاراۋعا جانە ورىنداۋعا مىندەتتى بىرلەسكەن كەلىسىمدەر مەن شەشىمدەر قابىلداۋعا;

10) الەۋمەتتىك جانە ەڭبەك قاتىناستارى مەن الەۋمەتتىك ارىپتەستىك ماسەلەلەرى بويىنشا حالىقارالىق، رەسپۋبليكالىق، وڭىرارالىق كەڭەستەر، كونفەرەنتسيالار، كونگرەستەر، سەمينارلار وتكىزۋگە اتالعان ءىس-شارالاردى ۇيىمداستىرۋشىلارمەن كەلىسىلگەن تارتىپپەن قاتىسۋعا قۇقىلى.

270-باپ. قىزمەتكەرلەر وكىلدەرىنىڭ وكىلەتتىكتەرى

1. قىزمەتكەرلەر وكىلدەرىنىڭ:

1) قىزمەتكەرلەردىڭ الەۋمەتتىك-ەڭبەك قۇقىقتارى مەن مۇددەلەرىن بىلدىرۋگە جانە قورعاۋعا;

2) جۇمىس بەرۋشىمەن جوبالاردى ازىرلەۋ جانە كەلىسىمدەردى، ۇجىمدىق شارتتاردى جاساسۋ جونىندەگى ۇجىمدىق كەلىسسوزدەر جۇرگىزۋگە، وسى ماقساتتاردا ەڭبەك قاتىناستارى ماسەلەلەرى بويىنشا قاجەتتى اقپارات الۋعا;

3) كەلىسىمدەردە نەمەسە ۇجىمدىق شارتتاردا كوزدەلگەن الەۋمەتتىك-ەكونوميكالىق دامۋ ماسەلەلەرىن شەشۋگە قاتىسۋعا;

4) وسى كودەكستە بەلگىلەنگەن تارتىپپەن قوعامدىق باقىلاۋدى جۇزەگە اسىرۋعا;

5) ەڭبەك زاڭناماسىن بۇزۋ ماسەلەلەرى بويىنشا ەڭبەك جونىندەگى ۋاكىلەتتى مەملەكەتتىك ورگاننىڭ مەملەكەتتىك ينسپەكتورلارىمەن ءوزارا ءىس-قيمىل جاساسۋعا;

6) كەلىسىمدەرگە جانە ۇجىمدىق شارتتارعا سايكەس قالىپتى ەڭبەك جاعدايلارىن قامتاماسىز ەتۋ جونىندەگى شارالاردى زەردەلەۋ مەن قولدانۋ ءۇشىن جۇمىس ورىندارىندا بولۋعا;

7) ەڭبەك قاتىناستارىنا جانە الەۋمەتتىك-ەكونوميكالىق ماسەلەلەرگە بايلانىستى زاڭنامالىق اكتىلەردىڭ، باعدارلامالاردىڭ جوبالارىن ازىرلەۋ مەن قاراۋ جونىندەگى كونسۋلتاتسيالىق-كەڭەسشى ورگانداردىڭ جۇمىسىنا قاتىسۋعا;

8) وسى كودەكستە بەلگىلەنگەن تارتىپپەن قىزمەتكەر مەن جۇمىس بەرۋشىنىڭ اراسىنداعى ەڭبەك داۋلارىن رەتتەۋگە قاتىسۋعا;

9) قازاقستان رەسپۋبليكاسىنىڭ زاڭناماسىندا كوزدەلگەن تارتىپپەن جينالىستار، شەرۋلەر، ميتينگىلەر، پيكەتتەر، ەرەۋىلدەر وتكىزۋگە قۇقىعى بار.

2. جۇمىس بەرۋشىلەردىڭ قىزمەتكەرلەر وكىلدەرىنە ءوز وكىلەتتىكتەرىن جۇزەگە اسىرۋىنا كەدەرگى جاساۋىنا جول بەرىلمەيدى.

30-تاراۋ. الەۋمەتتىك ارىپتەستىك تاراپتارى اراسىندا
كەلىسىمدەر جاساسۋ ءتارتىبى

271-باپ. كەلىسىمدەردى دايىنداۋ جونىندە كەلىسسوزدەر جۇرگىزۋ قۇقىعى

1. الەۋمەتتىك ارىپتەستىكتىڭ كەز كەلگەن تاراپى كەلىسىمدى ازىرلەۋ، ونىڭ مازمۇنى، ونى جاساسۋ، وزگەرتۋ، تولىقتىرۋ جونىندەگى كەلىسسوزدەردىڭ باستاماشىسى بولۋعا قۇقىلى.

2. رەسپۋبليكالىق، سالالىق، وڭىرلىك دەڭگەيلەردە قىزمەتكەرلەر مەن جۇمىس بەرۋشىلەر ۋاكىلەتتىك بەرگەن بىرنەشە وكىل بار بولسا، ولاردىڭ ارقايسىسىنا وزدەرى وكىلدىك ەتەتىن قىزمەتكەرلەر مەن جۇمىس بەرۋشىلەردىڭ اتىنان كەلىسسوزدەر جۇرگىزۋ قۇقىعى بەرىلەدى.

272-باپ. كەلىسسوزدەر جۇرگىزۋدىڭ، كەلىسىمدەردى ازىرلەۋ مەن جاساسۋدىڭ ءتارتىبى

1. ەكىنشى تاراپتان كەلىسسوزدەردىڭ باستالۋى تۋرالى جازباشا ۇسىنىستار العان تاراپتار كۇنتىزبەلىك ون كۇن ىشىندە ولاردى قاراۋعا جانە كەلىسسوزدەرگە كىرىسۋگە مىندەتتى.

تاراپتار اراسىندا سالالىق كەلىسىمنىڭ جەكەلەگەن ەرەجەلەرى بويىنشا كەلىسپەۋشىلىكتەر بولعاندا، كەلىسسوزدەر باستالعان كۇننەن باستاپ ءۇش اي ىشىندە تاراپتار ءبىر مەزگىلدە كەلىسپەۋشىلىكتەر حاتتاماسىن جاساي وتىرىپ، كەلىسىلگەن شارتتاردا سالالىق كەلىسىمگە قول قويۋعا ءتيىس.

2. كەلىسسوزدەر جۇرگىزۋ ءتارتىبىن، كەلىسىمدەردى ازىرلەۋ مەن جاساسۋ مەرزىمدەرىن، سونداي-اق ولارعا وزگەرىستەر مەن تولىقتىرۋلار ەنگىزۋدى، ولارعا قوسىلۋدى كوميسسيالار بەكىتەدى.

3. كەلىسىمدەر ولارعا تاراپتار قول قويعان كەزدەن باستاپ نە كەلىسىمدەردە بەلگىلەنگەن كۇننەن باستاپ كۇشىنە ەنەدى. كەلىسىمدەردىڭ بارلىق قوسىمشالارى ولاردىڭ اجىراماس بولىگى بولىپ تابىلادى جانە سولارمەن بىردەي زاڭ كۇشىنە يە بولادى.

4. كەلىسىمنىڭ قولدانىلۋ مەرزىمى تاراپتاردىڭ كەلىسىمى بويىنشا نە جاڭا كەلىسىم قابىلدانعانعا دەيىن بەلگىلەنەدى، بىراق ءۇش جىلدان اسپاۋعا ءتيىس.

5. قىزمەتكەرلەرگە ءبىر مەزگىلدە بىرنەشە كەلىسىمدەردىڭ كۇشى قولدانىلعان جاعدايلاردا، كەلىسىمدەردىڭ قىزمەتكەرلەر ءۇشىن نەعۇرلىم قولايلى شارتتارى قولدانىلادى.

6. باس، سالالىق، وڭىرلىك كەلىسىمدەردى الەۋمەتتىك ارىپتەستىك تاراپتارىنىڭ وكىلدەرى قول قويىپ بەكىتەدى.

7. تاراپتار قول قويعان سالالىق، وڭىرلىك كەلىسىمدەر قوسىمشالارىمەن قوسا ون كۇن مەرزىمدە حابارلامالىق تىركەۋ ۇشىن جىبەرىلەدى.

273-باپ. رەسپۋبليكالىق، سالالىق، وڭىرلىك كوميسسيالاردىڭ شەشىمدەر قابىلداۋ ءتارتىبى

1. كوميسسيالاردىڭ شەشىمدەرى كەلىسسوزدەردە بارلىق تاراپتاردىڭ كەلىسىمىنە قول جەتكىزۋ نەگىزىندە عانا قابىلدانادى جانە ءتيىستى كەلىسىمدەرمەن رەسىمدەلەدى.

2. كەلىسىم بارىسىندا، ەگەر تاراپتار كەلىسىمگە كەلە الماسا، كەلىسپەۋشىلىكتەردى جويۋ جونىندەگى جانە كەلىسسوزدەردى قايتا جالعاستىرۋ مەرزىمدەرى تۋرالى تاراپتاردىڭ تۇپكىلىكتى تۇجىرىمدالعان ۇسىنىستارى ەنگىزىلەتىن حاتتاما جاسالادى.

3. شەشىمدەر قابىلداۋ مەن جۇمىستى ۇيىمداستىرۋ ءتارتىبىن كوميسسيالار ازىرلەپ، بەكىتەدى.

274-باپ. كوميسسيالاردىڭ ۇيلەستىرۋشىلەرى

رەسپۋبليكالىق، سالالىق جانە وڭىرلىك كوميسسيالاردىڭ ۇيلەستىرۋشىلەرى تاراپتاردىڭ بىرلەسكەن شەشىمىمەن تاعايىندالادى. كوميسسيانىڭ ۇيلەستىرۋشىسى:

1) تاراپتاردىڭ قىزمەتىنە ارالاسپايدى;

2) كوميسسيا جۇمىسىنا قاتىسۋ ءۇشىن جۇمىس بەرۋشىلەر مەن قىزمەتكەرلەر بىرلەستىكتەرىنىڭ وكىلدەرىن، اتقارۋشى بيلىك ورگاندارىنىڭ كوميسسيا مۇشەلەرى بولىپ تابىلمايتىن وكىلدەرىن، سونداي-اق عالىمدار مەن مامانداردى، باسقا دا ۇيىمداردىڭ وكىلدەرىن شاقىرادى;

3) كوميسسيانىڭ جانە جۇمىس توپتارىنىڭ جۇمىسىن، حاتتامالاردىڭ جۇرگىزىلۋىن، شەشىمدەردىڭ جوبالارىن دايىنداۋدى جانە ولاردىڭ ورىندالۋىن باقىلاۋدى قامتاماسىز ەتەدى.

275-باپ. كەلىسىمدەردىڭ تاراپتارى، تۇرلەرى

1. رەسپۋبليكالىق دەڭگەيدە قازاقستان رەسپۋبليكاسىنىڭ ۇكىمەتى, جۇمىس بەرۋشىلەردىڭ رەسپۋبليكالىق بىرلەستىكتەرى مەن قىزمەتكەرلەردىڭ رەسپۋبليكالىق بىرلەستىكتەرى اراسىندا باس كەلىسىم جاسالادى.

2. سالالىق دەڭگەيدە ءتيىستى قىزمەت سالاسىنداعى ۋاكىلەتتى مەملەكەتتىك ورگاندار، جۇمىس بەرۋشىلەر مەن قىزمەتكەرلەردىڭ وكىلەتتى وكىلدەرى اراسىندا سالالىق كەلىسىمدەر جاسالادى.

3. وڭىرلىك دەڭگەيدە جەرگىلىكتى اتقارۋشى ورگاندار جانە جۇمىس بەرۋشىلەر مەن قىزمەتكەرلەردىڭ وكىلەتتى وكىلدەرى اراسىندا وڭىرلىك (وبلىستىق، قالالىق، اۋداندىق) كەلىسىمدەر جاسالادى.

      ەسكەرتۋ. 275-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
276-باپ. كەلىسىمدەردىڭ مازمۇنى

1. كەلىسىمدەر:

1) قولدانىلۋ مەرزىمى تۋرالى;

2) ورىندالۋىن باقىلاۋ ءتارتىبى تۋرالى;

3) كەلىسىمگە وزگەرىستەر مەن تولىقتىرۋلار ەنگىزۋ ءتارتىبى تۋرالى;

4) تاراپتاردىڭ وزدەرىنە العان مىندەتتەمەلەردى ورىنداماعان جاعدايداعى جاۋاپتىلىعى تۋرالى ەرەجەلەردى قامتۋعا ءتيىس.

      2. باس كەلىسىمنىڭ مازمۇنىن رەسپۋبليكالىق كوميسسيا الەۋمەتتىك ارىپتەستىكتىڭ بارلىق تاراپتارى نەمەسە سولاردىڭ بىرەۋى ۇسىنعان باس كەلىسىم جوبالارىن نەگىزگە الا وتىرىپ ايقىندايدى.

      3. سالالىق جانە وڭىرلىك كەلىسىمدەردىڭ مازمۇنىن سالالىق جانە وڭىرلىك كوميسسيالار الەۋمەتتىك ارىپتەستىكتىڭ بارلىق تاراپتارى نەمەسە سولاردىڭ بىرەۋى ۇسىنعان كەلىسىمدەر جوبالارىنىڭ نەگىزىندە ايقىندايدى.

      4. باس كەلىسىمدە:

      1) الەۋمەتتىك-ەڭبەك قاتىناستارى سالاسىنداعى زاڭ جوبالارىن قاراۋ ءتارتىبى تۋرالى;

2) الەۋمەتتىك-ەڭبەك جانجالدارىنىڭ جانە ەرەۋىلدەردىڭ الدىن الۋ جانە ولاردى بولعىزباۋ جونىندەگى ءىس-شارالار تۋرالى;

3) ەڭبەك نارىعىن دامىتۋ، حالىقتى ءتيىمدى جۇمىسپەن قامتۋعا جاردەمدەسۋ تۋرالى;

4) ەڭبەك جاعدايلارى جانە ەڭبەكتى قورعاۋ، ونەركاسىپتىك جانە ەكولوگيالىق قاۋىپسىزدىك تۋرالى;

5) الەۋمەتتىك ارىپتەستىكتى جانە ديالوگتى دامىتۋ تۋرالى;

6) سالالىق جانە وڭىرلىك دەڭگەيلەردە كەلىسىمدەردى ازىرلەۋگە جانە قابىلداۋعا قاتىسۋ ءۇشىن بايقاۋشىلار توبىن قالىپتاستىرۋ جانە ونىڭ قىزمەت ءتارتىبى تۋرالى ەرەجەلەر كوزدەلۋگە ءتيىس.

      5. سالالىق كەلىسىمدەردە:

      1) ءتيىستى سالانىڭ باعدارلامالىق جانە ستراتەگيالىق قۇجاتتارىن قاراۋ ءتارتىبى تۋرالى;

2) سالادا الەۋمەتتىك ارىپتەستىكتى جانە ديالوگتى دامىتۋ تۋرالى;

3) الەۋمەتتىك-ەڭبەك جانجالدارىنىڭ جانە ەرەۋىلدەردىڭ الدىن الۋ جانە ولاردى بولعىزباۋ جونىندەگى ءىس-شارالار تۋرالى;

4) سالانىڭ ەڭبەككە اقى تولەۋ جۇيەسىنىڭ نەگىزگى قاعيداتتارى تۋرالى، ونىڭ ىشىندە:

سالاداعى ەڭ تومەن تاريفتىك مولشەرلەمەنى (ايلىقاقىنى);

رازريادارالىق كوەففيتسيەنتتەردىڭ شەكتى ماندەرىن;

سالالىق ارتتىرۋشى كوەففيتسيەنتتەردى;

اۋىر جۇمىستاردا، ەڭبەك جاعدايلارى زياندى (ەرەكشە زياندى), قاۋىپتى جۇمىستاردا ىستەيتىن قىزمەتكەرلەرگە قوسىمشا اقى بەلگىلەۋدىڭ بىرىڭعاي ءتارتىبىن بەلگىلەۋ;

5) سالالىق بىلىكتىلىك شەڭبەرىن بەكىتۋ ءتارتىبى تۋرالى;

6) ەڭبەك قاۋىپسىزدىگى جانە ەڭبەكتى قورعاۋ جونىندەگى كەڭەستى قالىپتاستىرۋ جانە ونىڭ قىزمەت ءتارتىبى تۋرالى;

7) ۇجىمدىق ەڭبەك داۋلارىنىڭ الدىن الۋ جانە ولاردى شەشۋ ماسەلەلەرى جونىندەگى كەڭەستى قالىپتاستىرۋ جانە ونىڭ قىزمەت ءتارتىبى تۋرالى;

8) كەلىسىمدەردى، ۇجىمدىق شارتتاردى ازىرلەۋگە جانە قابىلداۋعا قاتىسۋ ءۇشىن بايقاۋشىلار توبىن قالىپتاستىرۋ جانە ونىڭ قىزمەت ءتارتىبى تۋرالى;

9) كادرلىق الەۋەتتى جانە بىلىكتىلىكتەردى دامىتۋ جونىندەگى ۇيلەستىرۋ ورتالىعىن قالىپتاستىرۋ جانە ونىڭ قىزمەت ءتارتىبى تۋرالى ەرەجەلەر كوزدەلۋگە ءتيىس.

      6. وڭىرلىك كەلىسىمدەردە:

      1) وڭىردە الەۋمەتتىك ارىپتەستىكتى جانە ديالوگتى دامىتۋ تۋرالى;

2) ءوڭىردىڭ باعدارلامالىق جانە ستراتەگيالىق قۇجاتتارىن قاراۋ ءتارتىبى تۋرالى;

3) الەۋمەتتىك-ەڭبەك جانجالدارىنىڭ جانە ەرەۋىلدەردىڭ الدىن الۋ جانە ولاردى بولعىزباۋ جونىندەگى ءىس-شارالار تۋرالى;

4) جۇمىس بەرۋشىلەرگە جانە قىزمەتكەرلەردىڭ وكىلدەرىنە ەڭبەك داۋلارىن رەتتەۋگە جاردەمدەسۋ تۋرالى;

5) جۇمىسپەن قامتۋدى قامتاماسىز ەتۋگە جانە جۇمىسسىزدىق دەڭگەيىن قىسقارتۋعا باعىتتالعان شارالاردى قولدانۋ تۋرالى;

6) ۇجىمدىق ەڭبەك داۋلارىنىڭ الدىن الۋ جانە ولاردى شەشۋ ماسەلەلەرى جونىندەگى كەڭەستى قالىپتاستىرۋ جانە ونىڭ قىزمەت ءتارتىبى تۋرالى ەرەجەلەر كوزدەلۋگە ءتيىس.

      7. قازاقستان رەسپۋبليكاسىنىڭ ەڭبەك زاڭناماسىمەن سالىستىرعاندا قىزمەتكەردىڭ جاعدايىن ناشارلاتاتىن كەلىسىمنىڭ ەرەجەلەرى جارامسىز دەپ تانىلادى جانە قولدانىلماۋعا ءتيىس.

      ەسكەرتۋ. 276-باپ جاڭا رەداكتسيادا - قر 27.06.2014 N 212-V زاڭىمەن (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi).
277-باپ. كەلىسىمدەردى تىركەۋ

1. وبلىستىق دەڭگەيدە جاسالعان سالالىق جانە وڭىرلىك كەلىسىمدەردى تىركەۋدى ەڭبەك جونىندەگى ۋاكىلەتتى مەملەكەتتىك ورگان جۇزەگە اسىرادى.

2. قالالىق، اۋداندىق دەڭگەيدە جاسالعان سالالىق جانە وڭىرلىك كەلىسىمدەردى تىركەۋدى جەرگىلىكتى اتقارۋشى ورگاندار جۇزەگە اسىرادى.

278-باپ. كەلىسىمدەردىڭ قولدانىلۋى

1. باس كەلىسىمنىڭ كۇشى مەملەكەتتىك ورگاندارعا، جۇمىس بەرۋشىلەرگە، قىزمەتكەرلەرگە جانە ولاردىڭ وكىلدەرىنە قولدانىلادى.

      2. سالالىق كەلىسىمنىڭ كۇشى ءتيىستى قىزمەت سالاسىنىڭ مەملەكەتتىك ورگاندارىنا، ءتيىستى سالانىڭ جۇمىس بەرۋشىلەرىنە، قىزمەتكەرلەرىنە جانە ولاردىڭ وكىلدەرىنە قولدانىلادى.

      3. وڭىرلىك كەلىسىمنىڭ كۇشى ءتيىستى اكىمشىلىك-اۋماقتىق بىرلىكتىڭ جەرگىلىكتى اتقارۋشى ورگاندارىنا، جۇمىس بەرۋشىلەرىنە، قىزمەتكەرلەرىنە جانە ولاردىڭ وكىلدەرىنە قولدانىلادى.

      4. كەلىسىمدەردىڭ كۇشى قازاقستان رەسپۋبليكاسىنىڭ اۋماعىندا ورنالاسقان، مۇلكىنىڭ مەنشىك يەلەرى، قۇرىلتايشىلارى (قاتىسۋشىلارى) نەمەسە اكتسيونەرلەرى شەتەلدىكتەر نەمەسە شەتەلدىك زاڭدى تۇلعالار نە شەتەل قاتىساتىن زاڭدى تۇلعالار بولىپ تابىلاتىن ۇيىمدارعا دا قولدانىلادى.

      5. كەلىسىمگە قول قويىلعان كۇننەن باستاپ كۇنتىزبەلىك وتىز كۇن ىشىندە ەڭبەك جونىندەگى ۋاكىلەتتى مەملەكەتتىك ورگان – رەسپۋبليكالىق دەڭگەيدە، ءتيىستى قىزمەت سالاسىنىڭ مەملەكەتتىك ورگاندارى – سالالىق جانە جەرگىلىكتى اتقارۋشى ورگاندار وڭىرلىك دەڭگەيلەردە كەلىسىمدى رەسمي تۇردە جاريالاۋعا مىندەتتى.

      ەسكەرتۋ. 278-باپ جاڭا رەداكتسيادا - قر 27.06.2014 N 212-V زاڭىمەن (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi).
279-باپ. كەلىسىمدەردىڭ ورىندالۋىن باقىلاۋ

كەلىسىمدەردىڭ ورىندالۋىن باقىلاۋدى الەۋمەتتىك ارىپتەستىك تاراپتارى جۇزەگە اسىرادى.

280-باپ. كەلىسسوزدەرگە قاتىسۋدان جالتارعانى ءۇشىن جاۋاپكەرشىلىك

تاراپتار وكىلدەرىنىڭ الەۋمەتتىك ارىپتەستىك تۋرالى كەلىسىمدى جاساسۋ، وزگەرتۋ جونىندەگى كەلىسسوزدەرگە قاتىسۋدان جالتارۋى نەمەسە الەۋمەتتىك ارىپتەستىك تۋرالى كەلىسىلگەن كەلىسىمگە قول قويۋدان قۇقىققا سىيىمسىز باس تارتۋى، كەلىسسوزدەر جۇرگىزۋ جانە الەۋمەتتىك ارىپتەستىك تۋرالى كەلىسىم نورمالارىنىڭ ساقتالۋىنا باقىلاۋ جاساۋ ءۇشىن قاجەتتى اقپارات بەرمەۋى، سونداي-اق ونىڭ تالاپتارىن بۇزۋى نەمەسە ورىنداماۋى قازاقستان رەسپۋبليكاسىنىڭ زاڭدارىندا بەلگىلەنگەن جاۋاپتىلىققا اكەپ سوعادى.

31-تاراۋ. ۇجىمدىق شارت

281-باپ. ۇجىمدىق كەلىسسوزدەر جۇرگىزۋدىڭ پرينتسيپتەرى

ۇجىمدىق كەلىسسوزدەر جۇرگىزۋدىڭ پرينتسيپتەرى:

تاراپتار مۇددەلەرىنىڭ تەڭ قۇقىقتىلىعى جانە ولاردى قۇرمەتتەۋ;

ۇجىمدىق شارتتىڭ نەمەسە كەلىسىمنىڭ مازمۇنىن قۇرايتىن ماسەلەلەردى تالقىلاۋداعى تاڭداۋ ەركىندىگى;

تاراپتاردىڭ مىندەتتەمەلەر قابىلداۋ ەرىكتىلىگى;

قازاقستان رەسپۋبليكاسىنىڭ ەڭبەك زاڭناماسىن ساقتاۋ بولىپ تابىلادى.

282-باپ. ۇجىمدىق كەلىسسوزدەر جۇرگىزۋدىڭ، ۇجىمدىق شارتتى ازىرلەۋ مەن جاساسۋدىڭ ءتارتىبى

1. كەز كەلگەن تاراپ ۇجىمدىق شارت جوباسىن ازىرلەۋدىڭ جانە جاساسۋدىڭ باستاماشىسى بولا الادى.

ەكىنشى تاراپتىڭ ۇجىمدىق شارت جاساسۋ جونىندەگى كەلىسسوزدەردى باستاۋ تۋرالى ۇسىنىسى بار حابارلاماسىن العان تاراپ ونى ون كۇندىك مەرزىمدە قاراپ، وسى باپتىڭ 2-تارماعىندا بەلگىلەنگەن تارتىپپەن كەلىسسوزدەرگە كىرىسۋگە مىندەتتى.

2. ۇجىمدىق كەلىسسوزدەر جۇرگىزۋ جانە ۇجىمدىق شارتتىڭ جوباسىن ازىرلەۋ ءۇشىن تاراپتار تەپە-تەڭ نەگىزدە كوميسسيا قۇرادى. كوميسسيا مۇشەلەرىنىڭ سانى، ونىڭ جەكە قۇرامى، جوبانى ازىرلەۋ جانە ۇجىمدىق شارت جاساسۋ مەرزىمدەرى تاراپتار كەلىسىمىمەن ايقىندالادى.

جۇمىس بەرۋشى تاراپتاردىڭ كەلىسىمى بويىنشا ۇجىمدىق شارتتى ازىرلەۋ مەن جاساسۋ ءۇشىن قاجەتتى جاعداي جاساۋدى قامتاماسىز ەتەدى.

كاسىپتىك وداقتىڭ مۇشەلەرى بولىپ تابىلمايتىن قىزمەتكەرلەر شارتتىق نەگىزدە جۇمىس بەرۋشىمەن ءوزارا قارىم-قاتىناستاردا ءوز مۇددەلەرىن ءبىلدىرۋ ءۇشىن كاسىپوداق ورگانىنا دا، وزگە وكىلدەرگە دە ۋاكىلەتتىك بەرۋگە قۇقىلى.

ۇيىمدا قىزمەتكەرلەردiڭ بiرنەشە وكiلدەرi بولعان كەزدە كوميسسياعا قاتىسۋ جانە ۇجىمدىق شارتقا قول قويۋ ءۇشiن ولار بiرتۇتاس وكiلدi ورگان قۇرادى. بۇل رەتتە ولاردىڭ ارقايسىسىنا وزدەرi وكiلدiك ەتەتiن قىزمەتكەرلەردiڭ سانىنا قاراي پروپورتسيونالدى وكiلدiك ەتۋ قاعيداتى نەگiزiندە كەلiسسوزدەر جۇرگiزۋ جونiندەگi بiرتۇتاس ورگاننىڭ قۇرامىندا وكiلدiك ەتۋ قۇقىعى بەرiلەدi.

3. كوميسسيا ازىرلەگەن ۇجىمدىق شارتتىڭ جوباسىن ۇيىم قىزمەتكەرلەرى مىندەتتى تۇردە تالقىلاۋعا ءتيىس. جوبانى تالقىلاۋ نىسانىن قىزمەتكەرلەردىڭ وزدەرى ايقىندايدى. كوميسسيا كەلىپ تۇسكەن ەسكەرتپەلەر مەن ۇسىنىستاردى ەسكەرە وتىرىپ، جوبانى پىسىقتايدى.

4. تاراپتاردىڭ كەلىسىمىنە قول جەتكىزىلگەن كەزدە ۇجىمدىق شارت كەمىندە ەكى دانادا جاسالادى جانە وعان تاراپتاردىڭ وكىلدەرى قول قويادى.

5. ۇجىمدىق شارتتىڭ جەكەلەگەن ەرەجەلەرى بويىنشا تاراپتار اراسىندا كەلىسپەۋشىلىكتەر بولعان كەزدە ۇجىمدىق كەلىسسوزدەر باستالعان كۇننەن باستاپ ءبىر اي ىشىندە تاراپتار ءبىر مەزگىلدە كەلىسپەۋشىلىكتەر حاتتاماسىن جاساي وتىرىپ، كەلىسىلگەن تالاپتارمەن ۇجىمدىق شارتقا قول قويۋعا ءتيىس.

6. ۇجىمدىق شارتتى وزگەرتۋ جانە تولىقتىرۋ وسى باپتا ونى جاساسۋ ءۇشىن بەلگىلەنگەن تارتىپپەن تاراپتاردىڭ ءوزارا كەلىسىمىمەن عانا جۇرگىزىلەدى.

7. ەگەر الىنعان مالىمەتتەر مەملەكەتتىك, قىزمەتتىك, كوممەرتسيالىق جانە زاڭمەن قورعالاتىن وزگە دە قۇپيالاردى قۇرايتىن بولسا، ۇجىمدىق كەلىسسوزدەرگە قاتىسۋشىلاردىڭ بۇل مالىمەتتەردى جاريا ەتۋگە قۇقىعى جوق.

8. ۇجىمدىق كەلىسسوزدەرگە قاتىسۋشىلار كەلىسسوزدەر جۇرگىزۋ كەزىندە ورتاشا ايلىق جالاقىسى ساقتالا وتىرىپ، ەڭبەك مىندەتتەرىن ورىنداۋدان بوساتىلۋى مۇمكىن. بۇل مەرزىم ولاردىڭ ەڭبەك وتىلىنە قوسىلادى.

9. تاراپتار قول قويعان ۇجىمدىق شارتتى قول قويىلعان كۇنىنەن باستاپ بiر اي مەرزiمدە جۇمىس بەرۋشi مونيتورينگ ءۇشiن ەڭبەك ينسپەكتسياسى جونiندەگi جەرگىلىكتى ورگانعا ۇسىنۋعا مiندەتتi.

10. تاراپتاردىڭ وكiلدەرi جارتى جىلدا كەمىندە ءبىر رەت قىزمەتكەرلەرگە ۇجىمدىق شارتتىڭ ورىندالۋ بارىسى تۋرالى اقپارات بەرۋگە مiندەتتi.

      ەسكەرتۋ. 282-باپقا وزگەرىستەر ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى), 13.06.2013 № 102-V (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى); 27.06.2014 N 212-V (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi) زاڭدارىمەن.
283-باپ. ۇجىمدىق شارتتىڭ تاراپتارى

1. قىزمەتكەرلەر جانە جۇمىس بەرۋشى ۇجىمدىق شارتتىڭ تاراپتارى بولىپ تابىلادى.

2. ۇجىمدىق شارت ۇيىمداردا دا، شەتەلدىك زاڭدى تۇلعالاردىڭ فيليالدارى مەن وكىلدىكتەرىندە دە جاسالۋى مۇمكىن.

      ەسكەرتۋ. 283-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
284-باپ. ۇجىمدىق شارتتىڭ مازمۇنى مەن قۇرىلىمى

1. ۇجىمدىق شارتتىڭ مازمۇنى مەن قۇرىلىمىن تاراپتار جاسالعان باس، سالالىق جانە وڭىرلىك كەلىسىمدەرگە سايكەس ايقىندايدى. ۇجىمدىق شارتقا مىناداي ەرەجەلەر ەنگىزىلەدى:

1) ەڭبەككە اقى تولەۋدى نورمالاۋ، ونىڭ نىساندارى، جۇيەلەرى، قىزمەتكەرلەرگە، ونىڭ ىشىندە اۋىر جۇمىستاردا، زياندى (ەرەكشە زياندى) جانە (نەمەسە) قاۋىپتى ەڭبەك جاعدايلارى بار جۇمىستاردا ىستەيتىن قىزمەتكەرلەرگە تاريفتىك ستاۆكالار مەن جالاقىلار، ۇستەماقىلار مەن قوسىمشا اقىلار مولشەرى تۋرالى;

2) جالاقىنى يندەكستەۋدىڭ ءتارتىبى تۋرالى، جاردەماقى جانە وتەماقى، ونىڭ ىشىندە جازاتايىم وقيعالار كەزىندەگى تولەمدەر تۋرالى;

3) ءتيىستى ماماندىقتىڭ، ۇيىمداعى لاۋازىمنىڭ ەڭ جوعارى جانە ەڭ تومەنگى جالاقىسى مولشەرلەرىنىڭ اراسىنداعى جول بەرىلەتىن اراقاتىناس تۋرالى;

4) رازريادارالىق كوەففيتسيەنتتەردى بەلگىلەۋ تۋرالى;

5) جۇمىس ۋاقىتى مەن تىنىعۋ ۋاقىتىنىڭ ۇزاقتىعى، ەڭبەك دەمالىستارى تۋرالى;

6) سالاماتتى جانە قاۋىپسىز ەڭبەك پەن تۇرمىس جاعدايلارىن جاساۋ تۋرالى، ەڭبەك قاۋىپسىزدىگى جانە ەڭبەكتى قورعاۋ جونىندەگى شارالاردى قارجىلاندىرۋ كولەمى تۋرالى، دەنساۋلىق ساقتاۋدى جاقسارتۋ تۋرالى;

7) الىپ تاستالدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.

8) كاسىپتىك وداق قىزمەتى ءۇشىن جاعدايلار جاساۋ تۋرالى;

9) قىزمەتكەرلەردى قازاقستان رەسپۋبليكاسى ەڭبەك زاڭناماسىنىڭ نەگىزدەرىنە وقىتۋ جونىندەگى ءىس-شارالار تۋرالى;

10) ۇجىمدىق شارتتىڭ ورىندالۋىن باقىلاۋ تۋرالى.

2. ۇجىمدىق شارتقا:

1) ەڭبەكتى ۇيىمداستىرۋدى جاقسارتۋ جانە ءوندىرىس تيىمدىلىگىن ارتتىرۋ تۋرالى;

2) ەڭبەك تارتىپتەمەسى مەن ەڭبەك ءتارتىبىن رەتتەۋ تۋرالى;

3) بوساتىلاتىن قىزمەتكەرلەردىڭ جۇمىسپەن قامتىلۋىن، ولاردى دايارلاۋدى، بىلىكتىلىگىن ارتتىرۋدى، قايتا دايارلاۋدى جانە جۇمىسقا ورنالاستىرۋدى قامتاماسىز ەتۋ تۋرالى;

4) جۇمىستى وقۋمەن قوسا اتقاراتىن قىزمەتكەرلەرگە بەرىلەتىن كەپىلدىكتەر مەن جەڭىلدىكتەر تۋرالى;

5) قىزمەتكەرلەردىڭ تۇرعىن ءۇي جانە تۇرمىستىق جاعدايلارىن جاقسارتۋ تۋرالى;

6) قىزمەتكەرلەردى ساۋىقتىرۋ، ساناتوري-كۋرورتتىق ەمدەۋ جانە ولاردىڭ تىنىعۋى تۋرالى;

7) كاسىپوداق مۇشەلەرى بولىپ تابىلاتىن قىزمەتكەرلەرمەن ەڭبەك شارتىن بۇزعان كەزدە ۇيىمنىڭ كاسىپوداق ورگانىنىڭ دالەلدى پىكىرىن ەسكەرۋدىڭ ءتارتىبى تۋرالى;

8) كاسىپوداق ورگانىنا سايلانعان قىزمەتكەرلەرگە بەرىلەتىن كەپىلدىكتەر تۋرالى;

9) قىزمەتكەرلەردىڭ وكىلدەرى قىزمەتىن جۇزەگە اسىرۋعا ارنالعان تالاپتار تۋرالى;

10) الىپ تاستالدى - قر 27.06.2014 N 212-V (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi) زاڭىمەن;

11) قىزمەتكەرلەردى ساقتاندىرۋ تۋرالى;

11-1) قازاقستان رەسپۋبليكاسىنىڭ مىندەتتى الەۋمەتتىك ساقتاندىرۋ تۋرالى زاڭناماسىنا سايكەس جۇزەگە اسىرىلعان، جۇكتىلىككە جانە بوسانۋعا، جاڭا تۋعان بالانى (بالالاردى) اسىراپ الۋعا بايلانىستى تابىسىنان ايىرىلعان جاعدايدا تولەنەتىن الەۋمەتتىك تولەم سوماسىن شەگەرگەندەگى ورتاشا جالاقىسىن ساقتاي وتىرىپ، جۇكتىلىككە جانە بوسانۋعا بايلانىستى دەمالىسقا، جاڭا تۋعان بالانى (بالالاردى) اسىراپ العان قىزمەتكەرلەرگە بەرىلەتىن دەمالىسقا اقى تولەۋ تۋرالى;

12) ۇجىمدىق شارتقا وزگەرiستەر مەن تولىقتىرۋلار ەنگiزۋ ءتارتiبi تۋرالى;

13) ەڭبەك شارتتارىن ەرەۋىلدى جەلەۋ ەتىپ جۇمىس بەرۋشىنىڭ باستاماسى بويىنشا بۇزۋدى بولدىرماۋ تۋرالى;

14) قىزمەتكەرلەر مەن جۇمىس بەرۋشىلەردىڭ وزدەرى كەلتىرگەن زالال ءۇشىن جاۋاپتىلىعى تۋرالى;

15) تاراپتاردىڭ ۇجىمدىق شارتتى ورىنداۋعا جاۋاپتىلىعى تۋرالى;

16) ەرىكتى زەينەتاقى جارنالارى تۋرالى;

16-1) قىزمەتكەرلەردى جانە ولاردىڭ وتباسىلارىن مەديتسينالىق ساقتاندىرۋ كەپىلدىكتەرى تۋرالى، قورشاعان ورتانى قورعاۋ تۋرالى;

16-2) ساقتاندىرۋ ۇيىمىمەن زەينەتاقى اننۋيتەتى شارتىن جاساسۋ ءۇشىن قىزمەتكەردىڭ قاراجاتى جەتكىلىكسىز بولعان جاعدايدا، ونىڭ پايداسىنا جۇمىس بەرۋشىنىڭ قاراجاتى ەسەبىنەن ەرiكتi زەينەتاقى جارنالارىن جۇزەگە اسىرۋ تۋرالى;

17) تاراپتار ايقىنداعان باسقا دا ماسەلەلەر بويىنشا قىزمەتكەرلەر مەن جۇمىس بەرۋشىنىڭ ءوزارا مىندەتتەمەلەرى ەنگىزىلۋى مۇمكىن.

3. ۇجىمدىق شارت ەڭبەك زاڭناماسىمەن، باس، سالالىق، وڭىرلىك كەلىسىمدەرمەن سالىستىرعاندا قىزمەتكەرلەر جاعدايىن ناشارلاتپاۋعا ءتيىس. مۇنداي ەرەجەلەر جارامسىز دەپ تانىلادى جانە قولدانىلماۋعا ءتيىس.

      ەسكەرتۋ. 284-باپقا وزگەرىستەر ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى), 04.02.2013 № 75-V (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى), 21.06.2013 N 106-V (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى); 27.06.2014 N 212-V (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi) زاڭدارىمەن.
285-باپ. ۇجىمدىق شارتتىڭ قولدانىلۋ مەرزىمدەرى مەن اياسى

1. ۇجىمدىق شارت تاراپتار ايقىندايتىن مەرزىمگە جاسالادى.

2. ۇجىمدىق شارت، ەگەر ونىڭ ەرەجەلەرىندە وزگەشە كوزدەلمەسە، قول قويىلعان كەزدەن باستاپ كۇشىنە ەنەدى جانە تاراپتار ونى ورىنداۋعا مىندەتتى.

3. ۇجىمدىق شارتتىڭ كۇشى جۇمىس بەرۋشىگە جانە سولاردىڭ اتىنان ۇجىمدىق شارت جاسالعان ۇيىم قىزمەتكەرلەرىنە جانە جازباشا ءوتىنىش نەگىزىندە وعان قوسىلعان قىزمەتكەرلەرگە قولدانىلادى.

قوسىلۋ ءتارتىبى ۇجىمدىق شارتتا ايقىندالادى.

4. ۇيىمنىڭ قايتا ۇيىمداستىرىلۋ (بىرىگۋ، قوسىلۋ، ءبولىنۋ، ءبولىنىپ شىعۋ، قايتا قۇرىلۋ) كەزەڭىندە ۇجىمدىق شارت ءوز كۇشىن ساقتايدى.

5. ۇيىم مۇلكىنىڭ مەنشىك يەسى اۋىسقان كەزدە ۇجىمدىق شارت ءۇش اي بويى ءوز كۇشىن ساقتايدى. وسى كەزەڭدە تاراپتار جاڭا ۇجىمدىق شارت جاساسۋ نەمەسە قولدانىستاعى شارتتى ساقتاۋ، وزگەرتۋ جانە تولىقتىرۋ تۋرالى كەلىسسوزدەردى باستاۋعا قۇقىلى.

6. ۇيىم تاراتىلعان، ول بانكروت دەپ جاريالانعان كەزدە ۇجىمدىق شارتتىڭ قولدانىلۋى بارلىق قىزمەتكەرلەرمەن ەڭبەك شارتتارى توقتاتىلعان كەزدەن باستاپ توقتاتىلادى.

      ەسكەرتۋ. 285-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
286-باپ. تاراپتاردىڭ ۇجىمدىق شارتتى ورىنداماعانى ءۇشىن جاۋاپكەرشىلىگى

ۇجىمدىق شارتتا كوزدەلگەن مىندەتتەمەلەردى ورىنداماعانى ءۇشىن تاراپتار ۇجىمدىق شارتقا جانە قازاقستان رەسپۋبليكاسىنىڭ زاڭدارىنا سايكەس جاۋاپتىلىقتا بولادى.

287-باپ. كەلىسسوزدەر كەزىندەگى كەپىلدىكتەر مەن وتەماقىلار

قىزمەتكەرلەردىڭ وكىلدى ورگاندارىنىڭ ۇجىمدىق كەلىسسوزدەرگە قاتىساتىن مۇشەلەرىمەن كەلىسسوزدەر جۇرگىزۋ كەزەڭىندە (ۇيىمدى تاراتۋ جاعدايلارىنان باسقا) ءتيىستى وكىلدى ورگاننىڭ كەلىسىمىنسىز جۇمىس بەرۋشىنىڭ باستاماسى بويىنشا ەڭبەك شارتى بۇزىلمايدى.

      ەسكەرتۋ. 287-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.

32-تاراۋ. ۇجىمدىق ەڭبەك داۋلارىن قاراۋ

288-باپ. ۇجىمدىق ەڭبەك داۋىنىڭ تۋىنداۋى

1. ۇجىمدىق ەڭبەك داۋى قازاقستان رەسپۋبليكاسىنىڭ ەڭبەك زاڭناماسىن قولدانۋ، وسى كودەكستىڭ 289-بابىنىڭ 1-تارماعىنا سايكەس رەسىمدەلگەن كەلىسىمدەردىڭ، ەڭبەك جانە (نەمەسە) ۇجىمدىق شارتتاردىڭ، جۇمىس بەرۋشى اكتىلەرىنىڭ تالاپتارىن ورىنداۋ نەمەسە وزگەرتۋ ماسەلەلەرى بويىنشا قىزمەتكەرلەردىڭ تالاپتارى تۋرالى جۇمىس بەرۋشى جازباشا حاباردار ەتىلگەن كۇننەن باستاپ نەمەسە جۇمىس بەرۋشى، جۇمىس بەرۋشىلەر بىرلەستىگى ءوز شەشىمدەرىن حابارلاماعان جاعدايدا وسى كودەكستىڭ 290-بابىندا كورسەتىلگەن مەرزىم وتكەن كۇننەن باستاپ تۋىنداعان دەپ ەسەپتەلەدى.

2. ۇجىمدىق ەڭبەك داۋلارى بىتىمگەرلىك راسىمدەر تارتىبىمەن جانە (نەمەسە) سوت تارتىبىمەن شەشىلەدى.

      ەسكەرتۋ. 288-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
289-باپ. قىزمەتكەرلەردىڭ تالاپتارىن رەسىمدەۋ مەن مالىمدەۋ ءتارتىبى

1. قىزمەتكەرلەردىڭ ەڭبەك جاعدايلارى مەن ەڭبەگىنە اقى تولەۋدى بەلگىلەۋ جانە وزگەرتۋ، قىزمەتكەرلەر مەن جۇمىس بەرۋشىنىڭ، جۇمىس بەرۋشىلەر بىرلەستىگىنىڭ اراسىنداعى ۇجىمدىق شارتتار مەن كەلىسىمدەردى جاساسۋ، وزگەرتۋ جانە ورىنداۋ ماسەلەلەرى جونىندەگى تالاپتارى قىزمەتكەرلەردىڭ جالپى جينالىسىندا (كونفەرەنتسياسىندا) قالىپتاستىرىلادى جانە بەكىتىلەدى.

      قىزمەتكەرلەر جينالىسى، ەگەر وعان ۇيىم قىزمەتكەرلەرىنىڭ جالپى سانىنىڭ جارتىسىنان استامى قاتىسسا زاڭدى دەپ تانىلادى.

      كونفەرەنتسيا، ەگەر وعان حاتتامالىق شەشىمدەرگە سايكەس قىزمەتكەرلەر سايلاعان دەلەگاتتاردىڭ كەمىندە ۇشتەن ەكىسى قاتىسسا، زاڭدى دەپ تانىلادى.

      قىزمەتكەرلەر جينالىسىنىڭ (كونفەرەنتسياسىنىڭ) شەشىمى داۋىس بەرۋشىلەردىڭ كوپشىلىك داۋىسىمەن قابىلداندى دەپ ەسەپتەلەدى. قىزمەتكەرلەر جينالىسىن (كونفەرەنتسياسىن) وتكىزۋگە مۇمكىندىك بولماعان كەزدە، قىزمەتكەرلەردىڭ وكىلدى ورگانى وزدەرى ۇسىنعان تالاپتارىن قولدايتىن قىزمەتكەرلەردىڭ جارتىسىنان استامىنىڭ قولىن جيناپ، ءوز شەشىمىن بەكىتۋگە قۇقىعى بار.

      2. قىزمەتكەرلەردىڭ تالاپتارى جازباشا تۇردە جازىلادى جانە جۇمىس بەرۋشىلەرگە، جۇمىس بەرۋشىلەردىڭ بىرلەستىكتەرىنە كۇنتىزبەلىك ءۇش كۇن مەرزىمدە جىبەرىلەدى.

3. اتالعان تالاپتاردى ءارتۇرلى جۇمىس بەرۋشىلەردىڭ قىزمەتكەرلەرى قويعان جاعدايدا، بۇل تالاپتاردى كاسىپتىك وداقتاردىڭ سالالىق نەمەسە وڭىرلىك بىرلەستىكتەرى نە قىزمەتكەرلەر ۋاكىلەتتىك بەرگەن وزگە دە جەكە جانە (نەمەسە) زاڭدى تۇلعالار ۇسىنۋى مۇمكىن.

4. جۇمىس بەرۋشى، جۇمىس بەرۋشىلەردىڭ بىرلەستىگى قىزمەتكەرلەردىڭ تالاپتار قويۋ جونىندە جينالىس (كونفەرەنتسيا) وتكىزۋىنە كەدەرگى كەلتىرۋگە اسەر ەتەتىن قانداي دا بولماسىن ارالاسۋدان قالىس قالۋعا مىندەتتى.

      ەسكەرتۋ. 289-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
290-باپ. قىزمەتكەرلەردىڭ تالاپتارىن قاراۋ

جۇمىس بەرۋشى قىزمەتكەرلەردىڭ قويعان تالاپتارىن ولاردى العان كۇننەن باستاپ ءۇش جۇمىس كۇنىنەن كەشىكتىرمەي، جۇمىس بەرۋشىلەردىڭ بىرلەستىگى بەس جۇمىس كۇنىنەن كەشىكتىرمەي قاراۋعا جانە ولاردى شەشۋ ءۇشىن شارالار قولدانۋعا، ال كورسەتىلگەن مەرزىمدە شەشۋگە مۇمكىندىك بولماعان كەزدە تۋىنداعان كەلىسپەۋشىلىكتەردى ودان ءارى قاراۋ ءۇشىن ءوز وكىلدەرىن كورسەتە وتىرىپ، وزدەرىنىڭ شەشىمدەرى مەن ۇسىنىستارىن قىزمەتكەرلەرگە جازباشا تۇردە جەتكىزۋگە مىندەتتى.

      ەسكەرتۋ. 290-باپ جاڭا رەداكتسيادا - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
291-باپ. بىتىمگەرلىك راسىمدەر

1. قىزمەتكەرلەردىڭ تالاپتارىن وسى كودەكستىڭ 290-بابىندا كوزدەلگەن تارتىپپەن شەشۋ مۇمكىن بولماعان كەزدە ولار بىتىمگەرلىك راسىمدەر تارتىبىمەن قارالادى.

جۇمىس بەرۋشى، جۇمىس بەرۋشىلەردىڭ بىرلەستىگى (ولاردىڭ وكىلدەرى) قابىلداماعان نەمەسە ولاردىڭ ءىشىنارا قاناعاتتاندىرعان تالاپتارى الدىمەن بىتىمگەرلىك كوميسسياسىندا، ال وندا كەلىسىمگە قول جەتكىزىلمەسە - ەڭبەك اربيتراجىندا قارالادى.

2. تاراپتار ۇجىمدىق ەڭبەك داۋىن قاراۋدىڭ كەز كەلگەن ساتىسىندا دەلدالعا جۇگىنە الادى. دەلدالدىق ءراسىم بىتىمگەرلىك كوميسسياسىنداعى، ەڭبەك اربيتراجىنداعى بىتىمگەرلىك راسىمدەرگە قاراعاندا دەربەس ءراسىم بولىپ تابىلادى جانە سولارمەن قاتار جۇرگىزىلۋى مۇمكىن.

292-باپ. تاتۋلاستىرۋ كوميسسياسى

1. تاتۋلاستىرۋ كوميسسياسىن تاراپتار جۇمىس بەرۋشi, جۇمىس بەرۋشiلەردiڭ بiرلەستiگi (ولاردىڭ وكiلدەرi) ءوز شەشiمiن قىزمەتكەرلەردىڭ (ولاردىڭ وكiلدەرiنىڭ) نازارىنا جەتكىزگەن نە حابارلاماعان نە ۇجىمدىق كەلiسسوزدەر بارىسىنداعى كەلiسپەۋشiلiكتەر حاتتاماسى جاسالعان كۇننەن باستاپ كۇنتiزبەلiك ءۇش كۇن iشiندە قۇرادى.

      2. تاتۋلاستىرۋ كوميسسياسى ۇجىمدىق ەڭبەك داۋى تاراپتارى وكiلدەرiنەن تەپە-تەڭ نەگiزدە قالىپتاستىرىلادى. تاتۋلاستىرۋ كوميسسياسىن قۇرۋ تۋرالى شەشiم جۇمىس بەرۋشiنiڭ اكتiسiمەن جانە قىزمەتكەرلەر وكiلدەرiنiڭ شەشiمiمەن رەسiمدەلەدi.

      جۇمىس بەرۋشi, جۇمىس بەرۋشiلەردiڭ بiرلەستiگi تاتۋلاستىرۋ كوميسسياسىنىڭ جۇمىس ىستەۋى ءۇشىن قاجەتتى جاعدايلار جاسايدى.

      3. تاتۋلاستىرۋ كوميسسياسى قىزمەتكەرلەردiڭ (ولاردىڭ وكiلدەرiنiڭ) تالاپتارىن قۇرىلعان كۇنىنەن باستاپ كۇنتىزبەلىك جەتى كۇننەن كەشiكتiرىلمەيتىن مەرزىمدە قارايدى. تاتۋلاستىرۋ كوميسسياسىنىڭ تالاپتاردى قاراۋ ءتارتiبi, قاراۋدىڭ كورسەتiلگەن مەرزiمiن ۇزارتۋ تاراپتاردىڭ كەلiسiمi بويىنشا جۇزەگە اسىرىلادى جانە حاتتامامەن رەسiمدەلەدi.

      4. تاتۋلاستىرۋ ءراسiمى پروتسەسىندە تاتۋلاستىرۋ كوميسسياسى قىزمەتكەرلەرمەن (ولاردىڭ وكiلدەرiمەن), جۇمىس بەرۋشiمەن، جۇمىس بەرۋشiلەردىڭ بiرلەستiگiمەن (ولاردىڭ وكiلدەرiمەن), مەملەكەتتiك ورگاندارمەن جانە وزگە دە مۇددەلi تۇلعالارمەن كونسۋلتاتسيالار جۇرگiزەدi.

      5. كوميسسيانىڭ شەشiمi تاراپتار كەلiسiمiنiڭ نەگiزiندە قابىلدانادى، تاراپتاردىڭ وكiلدەرi قول قوياتىن حاتتامامەن رەسiمدەلەدi, تاراپتار ءۇشiن مiندەتتi كۇشi بولادى جانە تاتۋلاستىرۋ كوميسسياسىنىڭ شەشىمىندە بەلگىلەنگەن تارتىپپەن جانە مەرزىمدەردە ورىندالادى.

      6. تاتۋلاستىرۋ كوميسسياسىندا كەلiسiمگە قول جەتكiزiلمەگەن كەزدە ونىڭ جۇمىسى توقتاتىلادى، ال داۋلاردى شەشۋ ءۇشىن ەڭبەك تورەلىگى قۇرىلادى.

      ەسكەرتۋ. 292-باپ جاڭا رەداكتسيادا - قر 27.06.2014 N 212-V زاڭىمەن (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi).
293-باپ. ەڭبەك اربيتراجى

1. ەڭبەك اربيتراجىن ۇجىمدىق ەڭبەك داۋىنىڭ تاراپتارى بىتىمگەرلىك كوميسسياسىنىڭ جۇمىسى توقتاتىلعان كۇننەن باستاپ كۇنتىزبەلىك بەس كۇن ىشىندە الەۋمەتتىك-ەڭبەك قاتىناستارىن رەتتەۋ جونىندەگى رەسپۋبليكالىق، سالالىق نەمەسە وڭىرلىك كوميسسيا مۇشەلەرىنىڭ

قاتىسۋىمەن قۇرادى.

2. ەڭبەك اربيتراجى مۇشەلەرىنىڭ سانى، ونىڭ دەربەس قۇرامى، ەڭبەك داۋىن قاراۋدىڭ ءتارتىبى تاراپتاردىڭ كەلىسىمىمەن بەلگىلەنەدى. ەڭبەك اربيتراجى كەمىندە بەس ادامنان قۇرىلۋعا ءتيىس. ەڭبەك اربيتراجىنىڭ قۇرامىنا قوعامدىق بىرلەستىكتەردىڭ وكىلدەرى، مەملەكەتتىك ەڭبەك ينسپەكتورى، ماماندار، ساراپشىلار مەن باسقا دا ادامدار ەنگىزىلەدى.

3. ەڭبەك اربيتراجىنىڭ توراعاسىن تاراپتار اربيتراج مۇشەلەرى قاتارىنان سايلايدى.

4. ەڭبەك اربيتراجى ۇجىمدىق ەڭبەك داۋىن ۇجىمدىق ەڭبەك داۋى تاراپتارى وكىلدەرىنىڭ مىندەتتى تۇردە قاتىسۋىمەن، ال قاجەت بولعاندا باسقا دا مۇددەلى ادامدار وكىلدەرىنىڭ دە قاتىسۋىمەن قارايدى.

5. داۋدى قاراۋ ءراسىمىن ەڭبەك اربيتراجى بەلگىلەيدى جانە ۇجىمدىق ەڭبەك داۋى تاراپتارىنىڭ نازارىنا جەتكىزەدى.

6. ەڭبەك اربيتراجىنىڭ شەشىمى قۇرىلعان كۇنىنەن باستاپ كۇنتىزبەلىك جەتى كۇننەن كەشىكتىرىلمەي اربيتراج مۇشەلەرىنىڭ قاراپايىم كوپشىلىك داۋىسىمەن قابىلدانادى. ەڭبەك اربيتراجى مۇشەلەرىنىڭ داۋىستارى تەڭ بولىنگەن كەزدە توراعانىڭ داۋىسى شەشۋشى بولىپ تابىلادى. شەشىم دالەلدى ءارى جازباشا تۇردە بولۋعا جانە وعان اربيتراج مۇشەلەرىنىڭ بارلىعى قول قويۋعا ءتيىس.

7. بىتىمگەرلىك كوميسسياسىندا ۇجىمدىق ەڭبەك داۋى تاراپتارىنىڭ كەلىسىمىنە قول جەتكىزىلمەگەن كەزدە، زاڭ بويىنشا ەرەۋىلدەر وتكىزۋ تىيىم سالىنعان نەمەسە شەكتەلگەن ۇيىمداردا، ەڭبەك اربيتراجى مىندەتتى تۇردە قۇرىلۋعا ءتيىس.

8. ۇجىمدىق ەڭبەك داۋىنىڭ تاراپتارى ەڭبەك اربيتراجىنىڭ شەشىمىن ورىنداۋعا مىندەتتى بولادى.

294-باپ. ۇجىمدىق ەڭبەك داۋىن دەلدالدىڭ قاتىسۋىمەن قاراۋ

1. ۇجىمدىق ەڭبەك داۋىن دەلدالدىڭ قاتىسۋىمەن قاراۋ ءتارتىبى ۇجىمدىق ەڭبەك داۋى تاراپتارىنىڭ كەلىسىمى بويىنشا ايقىندالادى.

2. تاراپتار وزدەرىنە قاتىستى تاۋەلسىز ۇيىمدار مەن تۇلعالاردى دەلدال رەتىندە بەلگىلەيدى. الەۋمەتتىك-ەڭبەك قاتىناستارىن رەتتەۋ جونىندەگى رەسپۋبليكالىق، سالالىق، وڭىرلىك كوميسسيالار ۇجىمدىق ەڭبەك داۋى تاراپتارىنىڭ كەلىسىمىمەن ۇجىمدىق ەڭبەك داۋلارىن رەتتەۋ جونىندەگى جۇمىسقا ورتالىق جانە جەرگىلىكتى اتقارۋشى ورگانداردىڭ، قاۋىمداستىقتاردىڭ جانە باسقا دا قوعامدىق بىرلەستىكتەردىڭ باسشىلارى مەن قىزمەتكەرلەرىن، جۇمىس بەرۋشىلەردى، سونداي-اق تاۋەلسىز ساراپشىلاردى تارتا الادى.

دەلدالدى تاڭداۋ جاعدايلارىنىڭ بارىندە ولاردان دەلدالدىق ەتۋگە جازباشا كەلىسىم الىنۋعا ءتيىس.

295-باپ. تاراپتاردىڭ ۇجىمدىق ەڭبەك داۋى بويىنشا كەلىسىمگە قول جەتكىزۋىنىڭ سالدارلارى

1. ۇجىمدىق ەڭبەك داۋىنىڭ تاراپتارى اراسىندا داۋدى دەلدالدىڭ (مەدياتوردىڭ) قاتىسۋىمەن نەمەسە ونسىز شەشۋ تۋرالى كەلiسiمگە قول جەتكiزiلگەن بارلىق جاعدايلاردا، اياقتالماعان تاتۋلاستىرۋ راسiمدەرi توقتاتىلادى، ال تاراپتار اراسىنداعى كەلiسiمنiڭ شارتتارى داۋدى شەشۋدiڭ شارتتارى دەپ ەسەپتەلەدi.

ۇجىمدىق ەڭبەك داۋىنىڭ تاراپتارى قول جەتكiزگەن كەلiسiمدەر جازباشا نىساندا رەسiمدەلەدi.

2. تاراپتار اراسىندا داۋدىڭ شەشىلۋى تۋرالى كەلىسىمگە قول جەتكىزۋ، ەگەر ەرەۋىل جاريالانعان بولسا، ونىڭ توقتاتىلۋىنا اكەپ سوعادى.

      ەسكەرتۋ. 295-باپقا وزگەرىس ەنگىزىلدى - قر 27.06.2014 N 212-V زاڭىمەن (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi).
296-باپ. ۇجىمدىق ەڭبەك داۋىنىڭ شەشىلۋىمەن بايلانىستى كەپىلدىكتەر

بىتىمگەرلىك كوميسسياسىنىڭ مۇشەلەرى ۇجىمدىق ەڭبەك داۋىن شەشۋ جونىندەگى كەلىسسوزدەرگە قاتىسقان ۋاقىتتا ورتاشا جالاقىسى ساقتالا وتىرىپ، نەگىزگى جۇمىسىنان بوساتىلادى.

قىزمەتكەرلەردىڭ، ولاردىڭ بىرلەستىكتەرىنىڭ ۇجىمدىق ەڭبەك داۋىن شەشۋگە قاتىساتىن وكىلدەرى ۇجىمدىق ەڭبەك داۋىن شەشۋ كەزەڭىندە تارتىپتىك جازاعا تارتىلمايدى، باسقا جۇمىسقا اۋىستىرىلمايدى نەمەسە سولاردىڭ وكىلدىك ەتۋىنە ۋاكىلەتتىك بەرگەن ورگاننىڭ الدىن الا كەلىسىمىنسىز جۇمىس بەرۋشىنىڭ باستاماسى بويىنشا ولارمەن ەڭبەك شارتى بۇزىلمايدى.

297-باپ. تاراپتاردىڭ جانە بىتىمگەرلىك ورگاندارىنىڭ ۇجىمدىق ەڭبەك داۋلارىن رەتتەۋ جونىندەگى مىندەتتەرى

1. تاراپتاردىڭ ەشقايسىسى بىتىمگەرلىك راسىمدەرگە قاتىسۋدان جالتارۋعا قۇقىلى ەمەس.

2. ۇجىمدىق ەڭبەك داۋىنداعى رەتتەلمەگەن كەلiسپەۋشiلiكتەر جازباشا تۇردە تاراپتاردىڭ نازارىنا جەتكiزiلۋگە تيiس.

3. ەگەر جۇمىس بەرۋشىنىڭ وكىلى وكىلەتتىكتەرىنىڭ جەتكىلىكسىز بولۋىنا بايلانىستى ۇجىمدىق ەڭبەك داۋى تاراپتارىنىڭ كەلىسپەۋشىلىكتەرىن رەتتەۋ مۇمكىن بولماسا، قىزمەتكەرلەردىڭ تالاپتارى ۇيىمداردىڭ، ونىڭ ىشىندە قازاقستان رەسپۋبليكاسىنىڭ اۋماعىندا ورنالاسقان، مۇلكىنىڭ مەنشىك يەلەرى شەتەلدىك جەكە نەمەسە زاڭدى تۇلعالار بولىپ تابىلاتىن ۇيىمداردىڭ نە شەتەلدىك قاتىسۋى بار ۇيىمداردىڭ مۇلىك مەنشىك يەلەرىنە، قۇرىلتايشىلارىنا (قاتىسۋشىلارىنا) نەمەسە اكتسيونەرلەرىنە تابىس ەتىلەدى.

4. وسى باپتىڭ 2, 3-تارماقتارىندا كورسەتىلگەن راسىمدەردىڭ ناتيجەلەرىمەن كەلىسپەگەن جاعدايدا، قىزمەتكەرلەر ءوز مۇددەلەرىن قورعاۋدىڭ زاڭدا كوزدەلگەن، ەرەۋىل وتكىزۋگە دەيىنگى وزگە دە بارلىق تاسىلدەرىن پايدالانۋعا قۇقىلى.

      ەسكەرتۋ. 297-باپقا وزگەرىس ەنگىزىلدى - قر 27.06.2014 N 212-V زاڭىمەن (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi).
298-باپ. ەرەۋىل وتكىزۋ قۇقىعى

1. ەگەر بىتىمگەرلىك راسىمدەر ارقىلى ۇجىمدىق ەڭبەك داۋىن شەشۋگە قول جەتكىزىلمەسە، سونداي-اق جۇمىس بەرۋشى بىتىمگەرلىك راسىمدەردەن جالتارعان نە ۇجىمدىق ەڭبەك داۋىن شەشۋ بارىسىندا قول جەتكىزىلگەن كەلىسىمدى ورىنداماعان جاعدايلاردا قىزمەتكەرلەر ەرەۋىل وتكىزۋ تۋرالى شەشىم قابىلداي الادى.

2. ەرەۋىل وتكىزۋ جونىندەگى شەشىم قىزمەتكەرلەردىڭ (ولاردىڭ وكىلدەرىنىڭ) جينالىسىندا (كونفەرەنتسياسىندا) قابىلدانادى.

      قىزمەتكەرلەر جينالىسى، ەگەر وعان ۇيىم قىزمەتكەرلەرىنىڭ جالپى سانىنىڭ جارتىسىنان استامى قاتىسسا، زاڭدى دەپ تانىلادى.

      كونفەرەنتسيا، ەگەر وعان حاتتامالىق شەشىمدەرگە سايكەس قىزمەتكەرلەر سايلاعان دەلەگاتتاردىڭ كەمىندە ۇشتەن ەكىسى قاتىسسا، زاڭدى دەپ تانىلادى.

      قىزمەتكەرلەر جينالىسىنىڭ (كونفەرەنتسياسىنىڭ) شەشىمى داۋىس بەرۋشىلەردىڭ كوپشىلىك داۋىسىمەن قابىلداندى دەپ ەسەپتەلەدى. قىزمەتكەرلەر جينالىسىن (كونفەرەنتسياسىن) وتكىزۋگە مۇمكىندىك بولماعان كەزدە قىزمەتكەرلەردىڭ وكىلدى ورگانى ەرەۋىلدى وتكىزۋدى قولدايتىن قىزمەتكەرلەردىڭ جارتىسىنان استامىنىڭ قولىن جيناپ، ءوز شەشىمىن بەكىتۋگە قۇقىعى بار.

      3. ەرەۋىلدى قىزمەتكەرلەر (ولاردىڭ وكىلدەرى) ۋاكىلەتتىك بەرگەن ورگان (ەرەۋىل كوميتەتى) باسقارادى. بىرنەشە جۇمىس بەرۋشىلەردىڭ قىزمەتكەرلەرى (ولاردىڭ وكىلدەرى) بىردەي تالاپتار قويىپ، ەرەۋىل جاريالاعان جاعدايدا، ونى وسى قىزمەتكەرلەر وكىلدەرىنىڭ بىردەي سانىنان قۇرىلاتىن بىرلەسكەن ورگان باسقارۋى مۇمكىن.

4. ەرەۋىلگە قاتىسۋ ەرىكتى بولىپ تابىلادى. ەشكىمدى ەرەۋىلگە قاتىسۋعا نەمەسە ەرەۋىلگە قاتىسۋدان باس تارتۋعا ماجبۇرلەۋگە بولمايدى.

5. قىزمەتكەرلەردى ەرەۋىلگە قاتىسۋعا نەمەسە ەرەۋىلگە قاتىسۋدان باس تارتۋعا ماجبۇرلەيتىن تۇلعالار قازاقستان رەسپۋبليكاسىنىڭ زاڭدارىندا بەلگىلەنگەن تارتىپپەن جاۋاپتىلىقتا بولادى.

      ەسكەرتۋ. 298-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
299-باپ. ەرەۋىلدىڭ باستالۋى تۋرالى جاريالاۋ

1. وسى كودەكستىڭ 298-بابىنىڭ 3-تارماعىندا كورسەتىلگەن ۋاكىلەتتى ورگان ەرەۋىلدىڭ باستالۋى مەن بولجامدى ۇزاقتىعى تۋرالى جۇمىس بەرۋشىگە، جۇمىس بەرۋشىلەردىڭ بىرلەستىگىنە (ولاردىڭ وكىلدەرىنە) ونى جاريالاعانعا دەيىن بەس جۇمىس كۇنىنەن كەشىكتىرمەي جازباشا تۇردە ەسكەرتۋگە ءتيىس.

2. ەرەۋىل جاريالاۋ تۋرالى شەشىمدە:

1) تاراپتاردىڭ ەرەۋىل وتكىزۋگە نەگىز بولعان كەلىسپەۋشىلىكتەرىنىڭ تىزبەسى;

2) ەرەۋىل وتكىزىلەتىن كۇن، ورىن مەن ۋاقىت قاتىسۋشىلاردىڭ بولجامدى سانى;

3) ەرەۋىلدى باسقاراتىن ورگاننىڭ اتاۋى، بىتىمگەرلىك راسىمدەرگە قاتىسۋعا ۋاكىلەتتىك بەرىلگەن قىزمەتكەرلەر وكىلدەرىنىڭ قۇرامى;

4) ەرەۋىل وتكىزۋ كەزەڭىندە ورىندالاتىن قاجەتتى جۇمىستاردىڭ (قىزمەت كورسەتۋلەردىڭ) ەڭ تومەنگى كولەمى جونىندەگى ۇسىنىستار كورسەتىلەدى.

      ەسكەرتۋ. 299-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
300-باپ. ەرەۋىلدى باسقاراتىن ورگاننىڭ وكىلەتتىكتەرى

1. ەرەۋىلدى باسقاراتىن ورگان وزىنە وسى كودەكسپەن بەرىلگەن قۇقىقتار شەگىندە جانە قىزمەتكەرلەر (ولاردىڭ وكىلدەرى) بەرگەن وكىلەتتىكتەر نەگىزىندە ارەكەت ەتەدى.

2. ەرەۋىلدى باسقاراتىن ورگاننىڭ:

1) قويىلعان تالاپتاردى شەشۋ ماسەلەلەرى بويىنشا جۇمىس بەرۋشىمەن، جۇمىس بەرۋشىلەردىڭ بىرلەستىگىمەن (ولاردىڭ وكىلدەرىمەن), مەملەكەتتىك، كاسىپوداق، وزگە دە زاڭدى جانە لاۋازىمدى تۇلعالارمەن ءوزارا قارىم-قاتىناستاردا قىزمەتكەرلەر مۇددەلەرىن بىلدىرۋگە;

2) جۇمىس بەرۋشىدەن، جۇمىس بەرۋشىلەر بىرلەستىگىنەن (ولاردىڭ وكىلدەرىنەن) قىزمەتكەرلەردىڭ مۇددەلەرىن قوزعايتىن ماسەلەلەر بويىنشا اقپارات الۋعا;

3) قىزمەتكەرلەردىڭ تالاپتارىن قاراۋ بارىسىن بۇقارالىق اقپارات قۇرالدارىندا جاريالاپ وتىرۋعا;

4) داۋلى ماسەلەلەر بويىنشا قورىتىندىلار شىعارۋ ءۇشىن مامانداردى تارتۋعا;

5) قىزمەتكەرلەردىڭ (ولاردىڭ وكىلدەرىنىڭ) كەلىسىمىمەن ەرەۋىلدى توقتاتا تۇرۋعا قۇقىعى بار.

3. بۇرىن توقتاتا تۇرعان ەرەۋىلدى قايتا باستاۋ ءۇشىن بىتىمگەرلىك كوميسسياسىنىڭ، دەلدالدىڭ نەمەسە ەڭبەك اربيتراجىندا داۋدى قايتا قاراۋى تالاپ ەتىلمەيدى. جۇمىس بەرۋشى، جۇمىس بەرۋشىلەر بىرلەستىگى (ولاردىڭ وكىلدەرى) جانە ەڭبەك داۋلارىن رەتتەۋ جونىندەگى ورگان ەرەۋىلدىڭ قايتا باستالۋى تۋرالى ءۇش جۇمىس كۇنىنەن كەشىكتىرىلمەي ەسكەرتىلۋگە ءتيىس.

4. ۇجىمدىق ەڭبەك داۋىنىڭ تاراپتارى ونى رەتتەۋ جونىندەگى كەلىسىمگە قول قويعان، سونداي-اق ەرەۋىل زاڭسىز دەپ تانىلعان جاعدايلاردا، ەرەۋىلدى باسقاراتىن ورگاننىڭ وكىلەتتىكتەرى توقتاتىلادى.

5. ەرەۋىلدى باسقاراتىن ورگاننىڭ ءوز وكىلەتتىكتەرىن جۇزەگە اسىرۋ كەزىندە جۇمىس بەرۋشىنىڭ، مەملەكەتتىك ورگانداردىڭ جانە قوعامدىق بىرلەستىكتەردىڭ قۇزىرەتىنە جاتاتىن شەشىمدەردى قابىلداۋعا قۇقىعى جوق.

301-باپ. ۇجىمدىق ەڭبەك داۋى تاراپتارىنىڭ ەرەۋىل بارىسىنداعى مىندەتتەرى

ەرەۋىل وتكىزۋ كەزەڭىندە ۇجىمدىق ەڭبەك داۋىنىڭ تاراپتارى وسى داۋدى كەلىسسوزدەر جۇرگىزۋ جولىمەن شەشۋدى جالعاستىرۋعا مىندەتتى.

جۇمىس بەرۋشى، مەملەكەتتىك ورگاندار جانە ەرەۋىلدى باسقاراتىن ورگان ەرەۋىل كەزەڭىندە قوعامدىق ءتارتىپتى، ۇيىمنىڭ مۇلكىن جانە قىزمەتكەرلەردىڭ قاۋىپسىزدىگىن ساقتاۋ، سونداي-اق توقتاپ قالۋى ادامداردىڭ ءومىرى مەن دەنساۋلىعىنا تىكەلەي قاتەر توندىرەتىن ماشينالاردىڭ جانە جابدىقتاردىڭ جۇمىسىن قامتاماسىز ەتۋ جونىندەگى وزدەرىنە بايلانىستى شارالاردى قابىلداۋعا مىندەتتى.

      ەسكەرتۋ. 301-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
302-باپ. قىزمەتكەرلەرگە ەرەۋىل وتكىزۋگە بايلانىستى بەرىلەتىن كەپىلدىكتەر

1. ەرەۋىلدى ۇيىمداستىرۋ نەمەسە وعان قاتىسۋ (وسى كودەكستىڭ 303-بابىنىڭ 1-تارماعىندا كوزدەلگەن جاعدايلاردى قوسپاعاندا) قىزمەتكەردىڭ ەڭبەك ءتارتىبىن بۇزۋى دەپ قارالمايدى جانە وسى كودەكستە كوزدەلگەن تارتىپتىك ىقپال ەتۋ شارالارىنىڭ قولدانىلۋىنا اكەپ سوقپايدى.

2. ەرەۋىل كەزىندە قىزمەتكەردىڭ جۇمىس ورنى (لاۋازىمى), الەۋمەتتىك ساقتاندىرۋ بويىنشا جاردەماقى تولەمىنە قۇقىعى، ەڭبەك ءوتىلى ساقتالادى، سونداي-اق ەڭبەك قاتىناستارىنان تۋىندايتىن وزگە دە قۇقىقتارىنا كەپىلدىك بەرىلەدى.

ەرەۋىلدى جالاقىنىڭ تولەنبەۋىنە نەمەسە ۋاقتىلى تولەنبەۋىنە بايلانىستى وتكىزۋدەن باسقا جاعدايلاردا، ەرەۋىلگە قاتىسۋشى قىزمەتكەرلەردىڭ ەرەۋىل كەزىندەگى جالاقىسى ساقتالمايدى.

303-باپ. زاڭسىز ەرەۋىلدەر

1. ەرەۋىلدەر:

1) سوعىس جاعدايى نەمەسە توتەنشە جاعداي نە توتەنشە جاعداي تۋرالى زاڭناماعا سايكەس ايرىقشا شارالار ەنگىزىلگەن كەزەڭدە; قازاقستان رەسپۋبليكاسى قارۋلى كۇشتەرىنىڭ ورگاندارى مەن ۇيىمدارىندا، ەلدىڭ قورعانىسىن، مەملەكەتتىڭ قاۋىپسىزدىگىن، اۆاريالىق-قۇتقارۋ، ىزدەستىرۋ-قۇتقارۋ، ورتكە قارسى جۇمىستاردى قامتاماسىز ەتۋ، توتەنشە جاعدايلاردىڭ الدىن الۋ نەمەسە ولاردى جويۋ ماسەلەلەرىمەن اينالىساتىن باسقا دا اسكەري قۇرالىمدار مەن ۇيىمداردا; ارناۋلى مەملەكەتتىك جانە قۇقىق قورعاۋ ورگاندارىندا; قاۋىپتى وندىرىستىك وبەكتىلەر بولىپ تابىلاتىن ۇيىمداردا; جەدەل جانە شۇعىل مەديتسينالىق كومەك كورسەتۋ ستانتسيالارىندا;

2) وسى باپتىڭ 2-تارماعىندا كورسەتىلگەن شارتتار ساقتالماعان جاعدايدا، تەمىر جول كولىگى، ازاماتتىق اۆياتسيا، دەنساۋلىق ساقتاۋ ۇيىمدارىندا، حالىقتىڭ تىنىس-تىرشىلىگىن قامتاماسىز ەتەتىن ۇيىمداردا (قوعامدىق كولىك، سۋمەن، ەلەكتر ەنەرگياسىمەن، جىلۋمەن، بايلانىسپەن قامتاماسىز ەتۋ), جۇمىسىنىڭ توقتاتىلا تۇرۋى اۋىر جانە قاۋىپتى زارداپتارعا اكەپ سوعۋى مۇمكىن ۇزدىكسىز جۇمىس ىستەيتىن وندىرىستەردە;

3) وسى كودەكستە كوزدەلگەن مەرزىمدەر، راسىمدەر جانە تالاپتار ەسكەرىلمەي جاريالانعان جاعدايدا;

4) ادامداردىڭ ءومىرى مەن دەنساۋلىعىنا ناقتى قاتەر توندىرەتىن جاعدايلاردا;

5) قازاقستان رەسپۋبليكاسىنىڭ زاڭدارىندا كوزدەلگەن وزگە دە جاعدايلاردا زاڭسىز بولىپ تانىلادى.

وسى تارماقتا كورسەتىلگەن نەگىزدەردىڭ بىرەۋى بولعاندا، سوت ءتيىستى شەشىم شىعارعانعا دەيىن پروكۋرور ەرەۋىلدى توقتاتا تۇرۋعا قۇقىلى.

2. تەمىر جول كولىگى، ازاماتتىق اۆياتسيا، دەنساۋلىق ساقتاۋ ۇيىمدارىندا، حالىقتىڭ تىنىس-تىرشىلىگىن قامتاماسىز ەتەتىن ۇيىمداردا (قوعامدىق كولىك، سۋمەن، ەلەكتر ەنەرگياسىمەن، جىلۋمەن، بايلانىسپەن قامتاماسىز ەتۋ) ەرەۋىل جەرگىلىكتى اتقارۋشى ورگانمەن الدىن الا كەلىسۋ

نەگىزىندە ايقىندالاتىن حالىققا قاجەتتى ءتيىستى قىزمەت كورسەتۋلەردىڭ تىزبەسى مەن كولەمى ساقتالعان جاعدايدا وتكىزىلەدى.

ۇزدىكسىز جۇمىس ىستەيتىن وندىرىستەردە ەرەۋىل نەگىزگى جابدىقتاردىڭ، تەتىكتەردىڭ ىركىلىسسىز جۇمىسى قامتاماسىز ەتىلگەن جاعدايدا عانا وتكىزىلۋى مۇمكىن.

3. ەرەۋىلدى زاڭسىز دەپ تانۋ تۋرالى شەشىمدى سوت قازاقستان رەسپۋبليكاسىنىڭ زاڭدارىنا سايكەس قابىلدايدى.

4. ەرەۋىلدى زاڭسىز دەپ تانۋ تۋرالى شەشىمدى سوت جۇمىس بەرۋشىنىڭ نەمەسە پروكۋروردىڭ ءوتىنىشى بويىنشا قابىلدايدى.

      سوت شەشىمى قىزمەتكەرلەرگە ەرەۋىلدى باسقاراتىن ورگان ارقىلى جەتكىزىلەدى، ول ەرەۋىلگە قاتىسۋشىلاردى سوت شەشىمى تۋرالى دەرەۋ حاباردار ەتۋگە مىندەتتى، ال ەرەۋىلدى باسقاراتىن ورگان بولماعان كەزدە – تىكەلەي جۇمىس بەرۋشى جەتكىزەدى.

      جۇمىس بەرۋشى سوت شەشىمىنىڭ ءماتىنىن كوپشىلىككە كورىنەتىندەي قولجەتىمدى جەرلەردە ورنالاستىرۋدى قامتاماسىز ەتەدى.

      ەرەۋىلدى زاڭسىز دەپ تانۋ تۋرالى سوت شەشىمى دەرەۋ ورىندالۋعا، ال ەرەۋىل توقتاتىلۋعا ءتيىس.

      ادامداردىڭ ءومىرى مەن دەنساۋلىعىنا تىكەلەي قاتەر تونگەن جاعدايدا پروكۋرور نەمەسە سوت ءتيىستى شەشىم قابىلدانعانعا دەيىن ەرەۋىلدى توقتاتا تۇرۋعا قۇقىلى.

      5. ەرەۋىلدى باسقارۋشى ورگاننىڭ سوت شەشىمىنە قازاقستان رەسپۋبليكاسىنىڭ زاڭدارىندا بەلگىلەنگەن تارتىپپەن شاعىمدانۋعا قۇقىعى بار.

6. سوت زاڭسىز دەپ تانىعان ەرەۋىلگە قاتىسۋدى جالعاستىرۋعا ارانداتۋشى ادامدار قازاقستان رەسپۋبليكاسىنىڭ زاڭدارىندا بەلگىلەنگەن تارتىپپەن جاۋاپتى بولادى.

      ەسكەرتۋ. 303-باپقا وزگەرىس ەنگىزىلدى - قر 2012.02.13 N 553-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى), 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى), 03.07.2014 № 227-V (01.01.2015 باستاپ قولدانىسقا ەنگىزىلەدى) زاڭدارىمەن.
304-باپ. ەرەۋىلدەردى زاڭسىز دەپ تانۋدىڭ سالدارى

سوت ەرەۋىلدى زاڭسىز دەپ تانىعاندا، جۇمىس بەرۋشى ەرەۋىلدى ۇيىمداستىرۋعا نەمەسە وتكىزۋگە قاتىسقان قىزمەتكەرلەردى تارتىپتىك جاۋاپكەرشىلىككە تارتۋى مۇمكىن.

305-باپ. لوكاۋتقا تىيىم سالۋ

ەرەۋىل وتكىزۋدى قوسا العاندا، ۇجىمدىق ەڭبەك داۋىن رەتتەۋ بارىسىندا لوكاۋتقا، ياعني قىزمەتكەرلەردىڭ ۇجىمدىق ەڭبەك داۋىنا نەمەسە ەرەۋىلگە قاتىسۋىنا بايلانىستى، وسى كودەكستىڭ 54-بابى 1-تارماعىنىڭ 19) تارماقشاسىندا كوزدەلگەن جاعدايلاردى قوسپاعاندا، سولارمەن جاسالعان ەڭبەك شارتتارىن جۇمىس بەرۋشىنىڭ باستاماسى بويىنشا بۇزۋعا تىيىم سالىنادى.

      ەسكەرتۋ. 305-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.

5-ءبولىم. ەڭبەك قاۋىپسىزدىگى جانە ەڭبەكتى قورعاۋ
33-تاراۋ. ەڭبەك قاۋىپسىزدىگى جانە ەڭبەكتى قورعاۋ سالاسىنداعى
مەملەكەتتىك باسقارۋ

306-باپ. ەڭبەك قاۋىپسىزدىگى جانە ەڭبەكتى قورعاۋ سالاسىنداعى مەملەكەتتىك ساياساتتىڭ نەگىزگى باعىتتارى

ەڭبەك قاۋىپسىزدىگى جانە ەڭبەكتى قورعاۋ سالاسىنداعى مەملەكەتتىك ساياسات:

1) ەڭبەك قاۋىپسىزدىگى جانە ەڭبەكتى قورعاۋ سالاسىنداعى قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن ازىرلەۋگە جانە قابىلداۋعا;

2) الىپ تاستالدى - قر 03.07.2013 № 124-V زاڭىمەن (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى);

3) ەڭبەك جاعدايلارىن، ونىڭ قاۋىپسىزدىگى مەن قورعالۋىن ازىرلەۋ جانە جاقسارتۋ، قاۋىپسىز تەحنيكالار مەن تەحنولوگيالاردى ازىرلەۋ جانە ەنگىزۋ، ەڭبەكتى قورعاۋ، قىزمەتكەرلەردىڭ جەكە جانە ۇجىمدىق قورعانۋ قۇرالدارىن ءوندىرۋ جونىندەگى قىزمەتتى ەكونوميكالىق ىنتالاندىرۋ جۇيەلەرىن قۇرۋعا جانە ىسكە اسىرۋعا;

4) ەڭبەك قاۋىپسىزدىگى جانە ەڭبەكتى قورعاۋ سالاسىندا مونيتورينگتى جۇزەگە اسىرۋعا;

5) ەڭبەك قاۋىپسىزدىگى جانە ەڭبەكتى قورعاۋ پروبلەمالارى بويىنشا عىلىمي زەرتتەۋلەر جۇرگىزۋگە;

6) وندىرىستەگى جازاتايىم وقيعالاردى جانە كاسىپتىك اۋرۋلاردى ەسەپكە الۋدىڭ بىرىڭعاي ءتارتىبىن بەلگىلەۋگە;

7) ەڭبەك قاۋىپسىزدىگى جانە ەڭبەكتى قورعاۋ سالاسىنداعى قازاقستان رەسپۋبليكاسى زاڭناماسىنىڭ ساقتالۋىن مەملەكەتتىك قاداعالاۋ مەن باقىلاۋعا;

8) ەڭبەك قاۋىپسىزدىگى جانە ەڭبەكتى قورعاۋ سالاسىندا قىزمەتكەرلەردىڭ قۇقىقتارى مەن زاڭدى مۇددەلەرىنىڭ ساقتالۋىنا قوعامدىق باقىلاۋدى جۇزەگە اسىرۋ ءتارتىبىن ءنورماتيۆتى تۇردە بەكىتۋگە;

9) وندىرىستەگى جازاتايىم وقيعالاردان جانە كاسىپتىك اۋرۋلاردان زارداپ شەككەن قىزمەتكەرلەردىڭ، سونداي-اق ولاردىڭ وتباسى مۇشەلەرىنىڭ زاڭدى مۇددەلەرىن قورعاۋعا;

10) اۋىر جۇمىس جانە ءوندىرىس پەن ەڭبەكتى ۇيىمداستىرۋدىڭ قازىرگى زامانعى تەحنيكالىق دەڭگەيىندە جويىلمايتىن زياندى (ەرەكشە زياندى), قاۋىپتى ەڭبەك جاعدايلارى بار جۇمىس ءۇشىن ەڭبەكاقى تولەۋ شارتتارىن بەلگىلەۋگە;

11) ەڭبەك جاعدايلارىن جاقسارتۋ جانە ەڭبەكتى قورعاۋ جونىندەگى وتاندىق جانە شەتەلدىك وزىق جۇمىس تاجىريبەسىن تاراتۋعا;

12) ەڭبەك قاۋىپسىزدىگى جانە ەڭبەكتى قورعاۋ جونىندەگى مامانداردى دايارلاۋعا جانە ولاردىڭ بىلىكتىلىگىن ارتتىرۋعا;

13) الىنىپ تاستالدى - قر 2010.03.19 № 258-IV زاڭىمەن.

14) ەڭبەك قاۋىپسىزدىگى جانە ەڭبەكتى قورعاۋ سالاسىنداعى ءبىرتۇتاس اقپاراتتىق جۇيەنىڭ جۇمىس ىستەۋىن قامتاماسىز ەتۋگە;

15) ەڭبەك قاۋىپسىزدىگى جانە ەڭبەكتى قورعاۋ سالاسىنداعى حالىقارالىق ىنتىماقتاستىققا باعىتتالعان.

      ەسكەرتۋ. 306-باپقا وزگەرىستەر ەنگىزىلدى - قر 2010.03.19 № 258-IV; 03.07.2013 № 124-V (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭدارىمەن.
307-باپ. ەڭبەك قاۋىپسىزدىگى جانە ەڭبەكتى قورعاۋ سالاسىنداعى مەملەكەتتىك باسقارۋ، باقىلاۋ جانە قاداعالاۋ

      ەڭبەك قاۋىپسىزدىگى جانە ەڭبەكتى قورعاۋ سالاسىنداعى مەملەكەتتىك باسقارۋدى، باقىلاۋدى جانە قاداعالاۋدى قازاقستان رەسپۋبليكاسىنىڭ ۇكىمەتى، ەڭبەك جونىندەگى ۋاكىلەتتى مەملەكەتتىك ورگان، ەڭبەك ينسپەكتسياسى جونىندەگى جەرگىلىكتى ورگان جانە ءوز قۇزىرەتىنە سايكەس وزگە دە ۋاكىلەتتى مەملەكەتتىك ورگاندار جۇزەگە اسىرادى.

      ەسكەرتۋ. 307-باپ جاڭا رەداكتسيادا - قر 13.06.2013 № 102-V (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
308-باپ. ەڭبەك قاۋىپسىزدىگى جانە ەڭبەكتى قورعاۋ جونىندەگى تالاپتار

1. ەڭبەك قاۋىپسىزدىگى جانە ەڭبەكتى قورعاۋ جونىندەگى تالاپتار قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىمەن بەلگىلەنەدى جانە قىزمەتكەرلەردىڭ ەڭبەك قىزمەتى پروتسەسى كەزىندە ولاردىڭ ءومىرى مەن دەنساۋلىعىن ساقتاۋعا باعىتتالعان ەرەجەلەردى، راسىمدەر مەن نورماتيۆتەردى قامتۋعا ءتيىس.

2. جۇمىس بەرۋشىلەر مەن قىزمەتكەرلەر قازاقستان رەسپۋبليكاسىنىڭ اۋماعىندا ءوز قىزمەتىن جۇزەگە اسىرۋ كەزىندە ەڭبەك قاۋىپسىزدىگى جانە ەڭبەكتى قورعاۋ جونىندەگى تالاپتاردى ورىنداۋعا مىندەتتى.

      ەسكەرتۋ. 308-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
309-باپ. ەڭبەك قاۋىپسىزدىگى جانە ەڭبەكتى قورعاۋ سالاسىنداعى مونيتورينگ جانە تاۋەكەلدەردى باعالاۋ

جۇمىس ورىندارىنداعى ەڭبەك جاعدايلارىن كەشەندى باعالاۋ، وندىرىستىك جاراقاتتانۋدى ازايتۋ جانە وندىرىستەگى جازاتايىم وقيعالاردىڭ الدىن الۋ ماقساتىندا ەڭبەك جونىندەگى ۋاكىلەتتى مەملەكەتتىك ورگان جانە ەڭبەك ينسپەكتسياسى جونىندەگى جەرگىلىكتى ورگان ەڭبەك قاۋىپسىزدىگى جانە ەڭبەكتى قورعاۋ سالاسىندا مونيتورينگتى جانە تاۋەكەلدەردى باعالاۋدى ۇيىمداستىرادى.

      ەسكەرتۋ. 309-باپ جاڭا رەداكتسيادا - قر 13.06.2013 № 102-V (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.

34-تاراۋ. ەڭبەك قاۋىپسىزدىگى جانە ەڭبەكتى قورعاۋ سالاسىنداعى
قىزمەتكەرلەر قۇقىقتارىنىڭ كەپىلدىكتەرى

310-باپ. ەڭبەك شارتىن جاساسۋ كەزىندە ەڭبەك قاۋىپسىزدىگى جانە ەڭبەكتى قورعاۋ قۇقىقتارىنا بەرىلەتىن كەپىلدىكتەر

1. ەڭبەك شارتىندا زياندى جانە (نەمەسە) قاۋىپتى وندىرىستىك فاكتورلاردى قوسا العاندا، ەڭبەك جاعدايلارىنىڭ دايەكتى سيپاتتاماسى، قازاقستان رەسپۋبليكاسىنىڭ زاڭناماسىندا جانە ۇجىمدىق شارتتا كوزدەلگەن وسىنداي جاعدايلارداعى جۇمىس ءۇشىن بەرىلەتىن كەپىلدىكتەر، جەڭىلدىكتەر مەن وتەماقى تولەمدەرى كورسەتىلۋگە ءتيىس.

2. اۋىر جۇمىستاردا، زياندى (ەرەكشە زياندى) جانە (نەمەسە) قاۋىپتى ەڭبەك جاعدايلارى بار جۇمىستاردا، سونداي-اق جەراستى جۇمىستارىندا ىستەيتىن قىزمەتكەرلەرمەن ەڭبەك شارتىن جاساسۋ ازامات الدىن الا مەديتسينالىق تەكسەرۋدەن وتكەننەن كەيىن جانە دەنساۋلىق ساقتاۋ سالاسىنداعى ۋاكىلەتتى مەملەكەتتىك ورگاننىڭ نورماتيۆتىك قۇقىقتىق اكتىلەرىندە بەلگىلەنگەن تالاپتارعا سايكەس دەنساۋلىق جاعدايى بويىنشا قايشىلىقتار جوق ەكەندىگى ايقىندالعاننان كەيىن جۇزەگە اسىرىلۋعا ءتيىس.

311-باپ. ەڭبەك قىزمەتى پروتسەسىندە قىزمەتكەرلەردىڭ ەڭبەك قاۋىپسىزدىگى جانە ەڭبەكتى قورعاۋ قۇقىقتارىنا بەرىلەتىن كەپىلدىكتەر

1. جۇمىس ورنىنداعى ەڭبەك قاۋىپسىزدىگىنىڭ جاعدايلارى ۇلتتىق ستاندارتتارعا، ەڭبەك قاۋىپسىزدىگى جانە ەڭبەكتى قورعاۋ جونىندەگى ەرەجەلەر تالاپتارىنا سايكەس بولۋعا ءتيىس.

2. جۇمىس بەرۋشىنىڭ ەڭبەك قاۋىپسىزدىگى جانە ەڭبەكتى قورعاۋ جونىندەگى تالاپتاردى بۇزۋى سالدارىنان جۇمىس توقتاپ تۇرعان ۋاقىتتا قىزمەتكەردىڭ جۇمىس ورنى (لاۋازىمى) جانە ورتاشا جالاقىسى ساقتالادى.

3. ءوزىنىڭ نەمەسە اينالاسىنداعى ادامداردىڭ ءومىرى مەن دەنساۋلىعىنا تىكەلەي قاۋىپ تۋىنداعان جاعدايدا، قىزمەتكەردىڭ جۇمىستى ورىنداۋدان باس تارتۋى ونى تارتىپتىك جانە (نەمەسە) ماتەريالدىق جاۋاپكەرشىلىككە تارتۋعا اكەپ سوقپايدى.

4. جۇمىس بەرۋشى قىزمەتكەردى جەكە جانە (نەمەسە) ۇجىمدىق قورعانۋ قۇرالدارىمەن، ارناۋلى كيىممەن قامتاماسىز ەتپەگەن جاعدايدا، قىزمەتكەر ەڭبەك مىندەتتەرىن ورىنداۋدى توقتاتۋعا قۇقىلى، ال جۇمىس بەرۋشى وسى سەبەپ بويىنشا تۋىنداعان ىركىلىس كەزىندە قىزمەتكەردىڭ ورتاشا جالاقىسى مولشەرىندە ەڭبەكاقى تولەۋگە مىندەتتى.

5. ەڭبەك مىندەتتەرىن ورىنداۋ كەزىندە قىزمەتكەردىڭ ءومىرى مەن دەنساۋلىعىنا زيان كەلتىرىلگەن جاعدايدا، كەلتىرىلگەن زياندى وتەۋ وسى كودەكستە جانە قازاقستان رەسپۋبليكاسىنىڭ ازاماتتىق زاڭناماسىندا كوزدەلگەن تارتىپپەن جانە شارتتاردا جۇرگىزىلەدى.

      ەسكەرتۋ. 311-باپقا وزگەرىس ەنگىزىلدى - قر 2012.07.10 № 31-V (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
312-باپ. قىزمەتكەرلەردى مىندەتتى مەديتسينالىق تەكسەرۋ

1. جۇمىس بەرۋشى اۋىر جۇمىستاردا، زياندى (ەرەكشە زياندى) جانە (نەمەسە) قاۋىپتى ەڭبەك جاعدايلارى بار جۇمىستاردا ىستەيتىن قىزمەتكەرلەردى قازاقستان رەسپۋبليكاسى زاڭناماسىندا بەلگىلەنگەن تارتىپپەن مەرزىمدىك مەديتسينالىق تەكسەرۋدەن جانە تەكسەرىلۋدەن وتكىزۋدى ءوز قاراجاتى ەسەبىنەن ۇيىمداستىرۋعا مىندەتتى.

2. ەرەكشە قاۋىپتى جۇمىستارمەن، ماشينالارمەن جانە تەتىكتەرمەن بايلانىستى جۇمىستاردا ىستەيتىن قىزمەتكەرلەر اۋىسىم الدىنداعى مەديتسينالىق كۋالاندىرۋدان وتۋگە ءتيىس. اۋىسىم الدىنداعى مەديتسينالىق كۋالاندىرۋدان ءوتۋ تالاپ ەتىلەتىن كاسىپتەردىڭ ءتىزىمىن دەنساۋلىق ساقتاۋ سالاسىنداعى ۋاكىلەتتى مەملەكەتتىك ورگان ايقىندايدى.

313-باپ. قىزمەتكەرلەردى ەڭبەك قاۋىپسىزدىگى جانە ەڭبەكتى قورعاۋ ماسەلەلەرى بويىنشا وقىتۋ، نۇسقاما بەرۋ جانە بىلىمدەرىن تەكسەرۋ

1. قىزمەتكەرلەردى ەڭبەك قاۋىپسىزدىگى جانە ەڭبەكتى قورعاۋ ماسەلەلەرى بويىنشا وقىتۋدى، نۇسقاما بەرۋدى جانە بىلىمدەرىن تەكسەرۋدى جۇمىس بەرۋشى ءوز قاراجاتى ەسەبىنەن جۇرگىزەدى.

2. الىنىپ تاستالدى - قر 2011.07.05 N 452-IV (2011.10.13 باستاپ قولدانىسقا ەنگىزىلەدى) زاڭىمەن.

3. جۇمىسقا قابىلدانعان ادامدار كەيىننەن ولاردىڭ ەڭبەك قاۋىپسىزدىگى جانە ەڭبەكتى قورعاۋ ماسەلەلەرى بويىنشا ءبىلىمى مىندەتتى تۇردە تەكسەرىلە وتىرىپ، جۇمىس بەرۋشى ۇيىمداستىراتىن الدىن الا وقىتۋدان مىندەتتى تۇردە وتەدى. ەڭبەك قاۋىپسىزدىگى جانە ەڭبەكتى قورعاۋ ماسەلەلەرى بويىنشا الدىن الا وقىتۋدان، نۇسقاما بەرۋدەن جانە ءبىلىمىن تەكسەرۋدەن وتپەگەن قىزمەتكەرلەر جۇمىسقا جىبەرىلمەيدى.

4. وندىرىستىك قىزمەتتى جۇزەگە اسىراتىن ۇيىمداردىڭ ەڭبەك قاۋىپسىزدىگىن جانە ەڭبەكتى قورعاۋدى قامتاماسىز ەتۋگە جاۋاپتى ادامدارى مەرزىمدىلىكپەن، ءۇش جىلدا ءبىر رەتتەن سيرەتپەي كادرلاردى كاسىپتىك دايارلاۋدى، قايتا دايارلاۋدى جانە ولاردىڭ بىلىكتىلىگىن ارتتىرۋدى جۇزەگە اسىراتىن ۇيىمداردا ەڭبەك قاۋىپسىزدىگى جانە ەڭبەكتى قورعاۋ ماسەلەلەرى بويىنشا وقۋدان جانە ءبىلىمىن تەكسەرۋدەن وتۋگە مىندەتتى.

وقۋدان جانە ءبىلىمىن تەكسەرۋدەن وتۋگە ءتيىس ادامداردىڭ ءتىزىمى جۇمىس بەرۋشىنىڭ اكتىسىمەن بەكىتىلەدى.

      ەسكەرتۋ. 313-باپقا وزگەرىس ەنگىزىلدى - قر 2011.07.05 N 452-IV (2011.10.13 باستاپ قولدانىسقا ەنگىزىلەدى), 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى); 29.12.2014 № 269-V (01.01.2015 باستاپ قولدانىسقا ەنگىزىلەدى) زاڭدارىمەن.

35-تاراۋ. قىزمەتكەرلەردىڭ جانە جۇمىس بەرۋشىنىڭ ەڭبەك
قاۋىپسىزدىگى جانە ەڭبەكتى قورعاۋ سالاسىنداعى قۇقىقتارى مەن
مىندەتتەرى

314-باپ. قىزمەتكەردىڭ ەڭبەك قاۋىپسىزدىگى جانە ەڭبەكتى قورعاۋ قۇقىقتارى

قىزمەتكەردىڭ:

1) ەڭبەك قاۋىپسىزدىگى جانە ەڭبەكتى قورعاۋ تالاپتارىنا ساي جابدىقتالعان جۇمىس ورنىنا;

2) ەڭبەك قاۋىپسىزدىگى جانە ەڭبەكتى قورعاۋ جونىندەگى، سونداي-اق ەڭبەك شارتىندا، ۇجىمدىق شارتتا كوزدەلگەن تالاپتارعا سايكەس سانيتارلىق-تۇرمىستىق ءۇي-جايلارمەن، جەكە جانە ۇجىمدىق قورعانۋ قۇرالدارىمەن، ارناۋلى كيىممەن قامتاماسىز ەتىلۋگە;

3) ەڭبەك جونىندەگى ۋاكىلەتتى مەملەكەتتىك ورگانعا جانە (نەمەسە) ەڭبەك ينسپەكتسياسى جونىندەگى جەرگىلىكتى ورگانعا ءوز جۇمىس ورنىنداعى ەڭبەك جاعدايلارىنا جانە ەڭبەكتى قورعاۋعا تەكسەرۋ جۇرگىزۋ تۋرالى ءوتىنىش بىلدىرۋگە;

4) ءوزى نەمەسە ءوز وكىلى ارقىلى ەڭبەك جاعدايلارىن، ەڭبەك قاۋىپسىزدىگى جانە ەڭبەكتى قورعاۋدى جاقسارتۋعا بايلانىستى ماسەلەلەردى تەكسەرۋگە جانە قاراۋعا قاتىسۋعا;

5) دەنساۋلىعىنا نەمەسە ومىرىنە قاۋىپ توندىرەتىن جاعداي تۋىنداعان كەزدە بۇل جونىندە تىكەلەي باسشىسىنا نەمەسە جۇمىس بەرۋشىگە جازباشا تۇردە حابارلاي وتىرىپ، جۇمىستى ورىنداۋدان باس تارتۋعا;

6) قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن ەڭبەك مىندەتتەرىن قاۋىپسىز اتقارۋ ءۇشىن قاجەتتى ءبىلىم الۋعا جانە كاسىپتىك دايارلىققا;

7) جۇمىس بەرۋشىدەن جۇمىس ورنىنىڭ سيپاتى مەن ۇيىمنىڭ اۋماعى، ەڭبەك جاعدايلارىنىڭ جاي-كۇيى، ەڭبەك قاۋىپسىزدىگى جانە ەڭبەكتى قورعاۋ تۋرالى، ءومىرى مەن دەنساۋلىعىنا تونگەن قاتەر تۋرالى، سونداي-اق ونى زياندى (ەرەكشە زياندى) جانە (نەمەسە) قاۋىپتى وندىرىستىك فاكتورلاردىڭ اسەرىنەن قورعاۋ جونىندەگى شارالار تۋرالى دايەكتى اقپارات الۋعا;

8) ەڭبەك قاۋىپسىزدىگى جانە ەڭبەكتى قورعاۋ تالاپتارىنا ساي بولماۋىنا بايلانىستى ۇيىمنىڭ جۇمىسى توقتاتىلا تۇرعان ۋاقىتتا ورتاشا جالاقىسىنىڭ ساقتالۋىنا;

9) جۇمىس بەرۋشىنىڭ ەڭبەك قاۋىپسىزدىگى جانە ەڭبەكتى قورعاۋ سالاسىنداعى زاڭسىز ارەكەتتەرىنە شاعىمدانۋعا قۇقىعى بار.

      ەسكەرتۋ. 314-باپقا وزگەرىس ەنگىزىلدى - قر 13.06.2013 № 102-V (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭدارىمەن.
315-باپ. قىزمەتكەردىڭ ەڭبەك قاۋىپسىزدىگى جانە ەڭبەكتى قورعاۋ سالاسىنداعى مىندەتتەرى

قىزمەتكەر:

1) وندىرىستە بولعان ءاربىر جازاتايىم وقيعا، كاسىپتىك اۋرۋدىڭ (ۋلانۋدىڭ) بەلگىلەرى، سونداي-اق ادامداردىڭ ءومىرى مەن دەنساۋلىعىنا قاۋىپ توندىرەتىن جاعداي تۋرالى ءوزىنىڭ تىكەلەي باسشىسىنا دەرەۋ حابارلاۋعا;

2) مىندەتتى مەرزىمدى مەديتسينالىق تەكسەرۋدەن جانە اۋىسىم الدىنداعى مەديتسينالىق كۋالاندىرۋدان, سونداي-اق وندىرىستىك قاجەتتىلىككە بايلانىستى باسقا جۇمىسقا اۋىسۋ ءۇشىن نە كاسىپتىك اۋرۋدىڭ بەلگىلەرى پايدا بولعان كەزدە مەديتسينالىق كۋالاندىرۋدان وتۋگە;

3) جۇمىس بەرۋشى بەرەتىن جەكە جانە ۇجىمدىق قورعانۋ قۇرالدارىن قولدانۋعا جانە ماقساتقا ساي پايدالانۋعا;

4) مەديتسينالىق مەكەمەلەر ۇسىنعان ەمدىك جانە ساۋىقتىرۋ ءىس-شارالارىن جۇمىس بەرۋشى قارجىلاندىرعان جاعدايدا سولاردى ورىنداۋعا;

5) ەڭبەك قاۋىپسىزدىگى جانە ەڭبەكتى قورعاۋ جونىندەگى نورمالاردىڭ، ەرەجەلەردىڭ جانە نۇسقاۋلىقتاردىڭ تالاپتارىن، سونداي-اق جۇمىس بەرۋشىنىڭ وندىرىستەگى جۇمىستاردى قاۋىپسىز جۇرگىزۋ جونىندەگى تالاپتارىن ساقتاۋعا مىندەتتى.

316-باپ. جۇمىس بەرۋشىنىڭ ەڭبەك قاۋىپسىزدىگى جانە ەڭبەكتى قورعاۋ سالاسىنداعى قۇقىقتارى

جۇمىس بەرۋشى:

1) قىزمەتكەرلەردى جۇمىس ورىندارىندا قولايلى ەڭبەك جاعدايلارىن جاساعانى، قاۋىپسىز ەڭبەك جاعدايلارىن جاساۋ جونىندەگى ونەرتاپقىشتىق ۇسىنىستارى ءۇشىن ىنتالاندىرۋعا;

2) ەڭبەك قاۋىپسىزدىگى جانە ەڭبەكتى قورعاۋ جونىندەگى تالاپتاردى بۇزاتىن قىزمەتكەرلەردى وسى كودەكستە بەلگىلەنگەن تارتىپپەن جۇمىستان شەتتەتۋگە جانە تارتىپتىك جاۋاپكەرشىلىككە تارتۋعا قۇقىلى.

317-باپ. جۇمىس بەرۋشىنىڭ ەڭبەك قاۋىپسىزدىگى جانە ەڭبەكتى قورعاۋ سالاسىنداعى مىندەتتەرى

1. جۇمىس بەرۋشى:

1) پروفيلاكتيكالىق شارالار جۇرگىزۋ، وندىرىستىك جابدىقتار مەن تەحنولوگيالىق پروتسەستەردى ولاردىڭ نەعۇرلىم قاۋىپسىز تۇرلەرىمەن اۋىستىرۋ جولىمەن جۇمىس ورىندارىندا جانە تەحنولوگيالىق پروتسەستەردە كەز كەلگەن تاۋەكەلدەردى بولعىزباۋ جونىندەگى شارالاردى قابىلداۋعا;

2) قىزمەتكەرلەردى ەڭبەك قاۋىپسىزدىگى جانە ەڭبەكتى قورعاۋ بويىنشا وقىتۋ مەن دايارلاۋدان وتكىزۋگە;

3) ەڭبەك قاۋىپسىزدىگى جانە ەڭبەكتى قورعاۋ جونىندەگى ۇيىمداستىرۋ-تەحنيكالىق ءىس-شارالارىن جۇرگىزۋگە;

4) نۇسقاۋلار بەرۋگە، وندىرىستىك پروتسەسس پەن جۇمىستاردى قاۋىپسىز جۇرگىزۋ جونىندەگى قۇجاتتارمەن قامتاماسىز ەتۋگە;

5) ەڭبەك قاۋىپسىزدىگىن جانە ەڭبەكتى قورعاۋدى قامتاماسىز ەتۋگە جاۋاپتى ادامداردىڭ جانە قىزمەتكەرلەردىڭ ەڭبەك قاۋىپسىزدىگى جانە ەڭبەكتى قورعاۋ ماسەلەلەرى بويىنشا بىلىمدەرىن تەكسەرۋدى ۇيىمداستىرۋعا;

6) بيۋدجەتتىك جوسپارلاۋ جونىندەگى ورتالىق ۋاكىلەتتى ورگانمەن كەلىسۋ بويىنشا ەڭبەك جونىندەگى ۋاكىلەتتى ورگان بەلگىلەگەن نورمالارعا سايكەس قىزمەتكەرلەرگە قاجەتتى سانيتاريالىق-گيگيەنالىق جاعدايلار جاساۋعا، قىزمەتكەرلەردىڭ ارناۋلى كيىمى مەن اياق كيىمىن بەرۋدى جانە جوندەۋدى، ولاردى پروفيلاكتيكالىق وڭدەۋ، جۋ جانە دەزينفەكتسيالاۋ قۇرالدارىمەن، مەديتسينالىق قوبديشامەن، سۇتپەن، ەمدەۋ-پروفيلاكتيكالىق تاعاممەن، جەكە جانە ۇجىمدىق قورعانۋ قۇرالدارىمەن جابدىقتاۋدى قامتاماسىز ەتۋگە;

7) ەڭبەك جونiندەگi ۋاكiلەتتi مەملەكەتتiك ورگانعا جانە ەڭبەك ينسپەكتسياسى جونiندەگi جەرگىلىكتى ورگانعا، قىزمەتكەرلەردiڭ وكiلدەرiنە ولاردىڭ جازباشا ساۋالى بويىنشا، وندiرiستiك وبەكتiلەردi ۇيىمدارداعى ەڭبەك جاعدايلارى بويىنشا اتتەستاتتاۋ تۋرالى اقپاراتتى قوسا العاندا، ەڭبەك جاعدايلارىنىڭ، قاۋiپسiزدiگiنىڭ جانە ەڭبەكتi قورعاۋدىڭ جاي-كۇيi تۋرالى قاجەتتi اقپاراتتى توقسانىنا ءبىر رەت بەرۋگە;

8) مەملەكەتتىك ەڭبەك ينسپەكتورلارىنىڭ نۇسقامالارىن ورىنداۋعا;

9) وندىرىستەگى جازاتايىم وقيعالار مەن كاسىپتىك اۋرۋلاردى تىركەۋدى، ولاردىڭ ەسەبىن جۇرگىزۋدى جانە تالداۋدى جۇزەگە اسىرۋعا;

10) ەڭبەك جونىندەگى ۋاكىلەتتى ورگان بەكىتكەن قاعيدالارعا سايكەس وندىرىستىك وبەكتىلەردە ەڭبەك جاعدايلارى بويىنشا كەمىندە بەس جىلدا ءبىر رەت مەرزىمدىك اتتەستاتتاۋدى قىزمەتكەرلەر وكىلدەرىنىڭ قاتىسۋىمەن وتكىزۋگە;

10-1) بiر اي مەرزiمدە قاعاز جانە ەلەكتروندىق جەتكiزگiشتەردە وندiرiستiك وبەكتiلەردi ەڭبەك جاعدايلارى بويىنشا اتتەستاتتاۋ ناتيجەلەرiن ەڭبەك ينسپەكتسياسى جونiندەگi ءتيىستى جەرگىلىكتى ورگانعا ۇسىنۋعا;

11) قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن وندىرىستەگى جازاتايىم وقيعالاردى تەكسەرۋدى قامتاماسىز ەتۋگە;

12) قىزمەتكەر ەڭبەك (قىزمەتتىك) مىندەتتەرىن اتقارعان كەزدە ونى جازاتايىم وقيعالاردان ساقتاندىرۋعا;

13) قاتتى ۋلانۋ جاعدايلارى تۋرالى حالىقتىڭ سانيتارلىق-ەپيدەميولوگيالىق احۋالى سالاسىنداعى ۋاكىلەتتى مەملەكەتتىك ورگاننىڭ ءتيىستى اۋماقتىق بولىمشەسىنە حابارلاۋعا;

14) قاۋىپسىز ەڭبەك جاعدايلارىن قامتاماسىز ەتۋگە;

15) قازاقستان رەسپۋبليكاسىنىڭ زاڭناماسىندا كوزدەلگەن جاعدايلاردا، سونداي-اق ەڭبەك جاعدايلارىنىڭ وزگەرۋىنە بايلانىستى باسقا جۇمىسقا اۋىستىرۋ كەزىندە نە كاسىپتىك اۋرۋدىڭ بەلگىلەرى پايدا بولعاندا ءوز قاراجاتى ەسەبىنەن قىزمەتكەرلەردى مىندەتتى، مەرزىمدىك (ەڭبەك قىزمەتى بارىسىندا) مەديتسينالىق تەكسەرۋلەردەن جانە اۋىسىم الدىنداعى مەديتسينالىق كۋالاندىرۋدان وتكىزۋگە;

16) اۆاريالىق جاعدايدىڭ ءورشۋىن جانە جاراقاتتايتىن فاكتورلاردىڭ باسقا ادامدارعا اسەر ەتۋىن بولعىزباۋ جونىندەگى شۇعىل شارالاردى قابىلداۋعا مىندەتتى.

2. قىزمەت ەرەكشەلىكتەرى مەن جۇمىستاردىڭ تۇرلەرى، ايرىقشا قاۋىپتىلىك كوزدەرىنىڭ بولۋى ەسكەرىلە وتىرىپ، ەڭبەك شارتىندا نە ۇجىمدىق شارتتا جۇمىس بەرۋشىنىڭ قوسىمشا مىندەتتەرى كوزدەلۋى مۇمكىن.

      ەسكەرتۋ. 317-باپقا وزگەرىستەر ەنگىزىلدى - قر 2007.12.19 N 9 (العاشقى رەسمي جاريالانعاننان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى), 2009.12.30 № 234-IV (قولدانىسقا ەنگىزىلۋ ءتارتىبىن 2-ب. قاراڭىز), 2011.07.05 N 452-IV (2011.10.13 باستاپ قولدانىسقا ەنگىزىلەدى), 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى), 13.06.2013 № 102-V (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى); 29.09.2014 N 239-V (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi); 29.12.2014 № 269-V (01.01.2015 باستاپ قولدانىسقا ەنگىزىلەدى) زاڭدارىمەن.
318-باپ. ەڭبەك قاۋىپسىزدىگى جانە ەڭبەكتى قورعاۋ جونىندەگى ءىس-شارالاردى قارجىلاندىرۋ

ەڭبەك قاۋىپسىزدىگى جانە ەڭبەكتى قورعاۋ جونىندەگى ءىس-شارالاردى قارجىلاندىرۋ جۇمىس بەرۋشىنىڭ قاراجاتى جانە قازاقستان رەسپۋبليكاسىنىڭ زاڭناماسىندا تىيىم سالىنباعان باسقا دا كوزدەر ەسەبىنەن جۇزەگە اسىرىلادى.

قىزمەتكەرلەر بۇل ماقساتتارعا شىعىندانبايدى.

قاراجات كولەمى ۇجىمدىق شارتپەن نەمەسە جۇمىس بەرۋشىنىڭ اكتىسىمەن ايقىندالادى.

      ەسكەرتۋ. 318-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.

36-تاراۋ. ەڭبەك قاۋىپسىزدىگىن جانە ەڭبەكتى قورعاۋدى ۇيىمداستىرۋ

319-باپ. ەڭبەك قاۋiپسiزدiگi جانە ەڭبەكتi قورعاۋ سالاسىنداعى نورماتيۆتiك اكتiلەردi قابىلداۋ

      1. ەڭبەك قاۋiپسiزدiگi جانە ەڭبەكتi قورعاۋ سالاسىنداعى نورماتيۆتiك اكتiلەر قىزمەتكەرلەردiڭ ەڭبەك قىزمەتi پروتسەسiندە ولاردىڭ ءومiرi مەن دەنساۋلىعىن ساقتاۋعا باعىتتالعان ۇيىمداستىرۋشىلىق، تەحنيكالىق، تەحنولوگيالىق، سانيتاريالىق-گيگيەنالىق، بيولوگيالىق، فيزيكالىق جانە وزگە دە نورمالاردى، قاعيدالاردى، راسiمدەر مەن نورماتيۆتەردi بەلگiلەيدi.

      2. ەڭبەك قاۋىپسىزدىگى جانە ەڭبەكتى قورعاۋ جونىندەگى نۇسقاۋلىقتاردى ازىرلەۋدى، بەكىتۋدى جانە قايتا قاراۋدى جۇمىس بەرۋشى ەڭبەك جونىندەگى ۋاكىلەتتى ورگان بەلگىلەگەن تارتىپپەن جۇزەگە اسىرادى.

      ەسكەرتۋ. 319-باپ جاڭا رەداكتسيادا - قر 27.06.2014 N 212-V زاڭىمەن (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi); وزگەرىس ەنگىزىلدى - قر 29.09.2014 N 239-V (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi) زاڭىمەن.
320-باپ. وندىرىستىك وبەكتىلەر مەن ءوندىرىس قۇرالدارىن جوبالاۋ، سالۋ جانە پايدالانۋ كەزىندەگى ەڭبەك قاۋىپسىزدىگى جانە ەڭبەكتى قورعاۋ جونىندەگى تالاپتار

1. ەڭبەك قاۋىپسىزدىگى جانە ەڭبەكتى قورعاۋ تالاپتارىنا ساي كەلمەيتىن وندىرىستىك عيماراتتار مەن قۇرىلىستاردى جوبالاۋعا، سالۋعا جانە قايتا قۇرۋعا، تەحنولوگيالاردى ازىرلەۋگە جانە پايدالانۋعا، ماشينالاردى، تەتىكتەردى، جابدىقتاردى قۇراستىرۋعا جانە ازىرلەۋگە جول بەرىلمەيدى.

2. ەگەر جاڭادان سالىنعان نەمەسە قايتا قۇرىلعان وندىرىستىك وبەكتىلەر، ءوندىرىس قۇرالدارى نەمەسە ءونىمنىڭ باسقا دا تۇرلەرى ەڭبەك قاۋىپسىزدىگى جانە ەڭبەكتى قورعاۋ تالاپتارىنا ساي كەلمەسە، قابىلدانبايدى جانە پايدالانۋعا بەرىلمەيدى.

3. الىپ تاستالدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.

4. قابىلداۋ كوميسسياسى وندىرىستىك ماقساتتاعى وبەكتىنى پايدالانۋعا قابىلداپ الۋدى مەملەكەتتىك ەڭبەك ينسپەكتورىنىڭ مىندەتتى قاتىسۋىمەن جۇرگىزەدى.

      ەسكەرتۋ. 320-باپقا وزگەرىس ەنگىزىلدى - قر 2011.07.05 N 452-IV (2011.10.13 باستاپ قولدانىسقا ەنگىزىلەدى), 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭدارىمەن.
320-1-باپ. وندىرىستىك وبەكتىلەردى ەڭبەك جاعدايلارى بويىنشا اتتەستاتتاۋ

      1. وندىرىستىك وبەكتىلەر ەڭبەك جاعدايلارى بويىنشا مىندەتتى تۇردە مەرزىمدىك اتتەستاتتالۋعا جاتادى.

      2. وندىرىستىك وبەكتىلەردى ەڭبەك جاعدايلارى بويىنشا اتتەستاتتاۋدى وندىرىستىك وبەكتىلەردى اتتەستاتتاۋدان وتكىزۋ جونىندەگى مامانداندىرىلعان ۇيىمدار نەمەسە ءوزىنىڭ ۇيىمىندا ەڭبەك قاۋىپسىزدىگى جانە ەڭبەكتى قورعاۋ قىزمەتى جانە وندىرىستىك ورتا فاكتورلارىن زەرتحانالىق جانە اسپاپتىق زەرتتەۋلەر جونىندەگى زەرتحانالارى بار جۇمىس بەرۋشىلەر بەس جىلدا كەمىندە ءبىر رەت مەرزىمدى تۇردە جۇرگىزەدى.

      3. وندىرىستىك وبەكتىلەردى ەڭبەك جاعدايلارى بويىنشا كەزەڭدىلىكپەن مىندەتتى اتتەستاتتاۋدان وتكىزۋ ءتارتىبىن ەڭبەك جونىندەگى ۋاكىلەتتى ورگان ايقىندايدى.

      4. وندىرىستىك وبەكتىلەردى ەڭبەك جاعدايلارى بويىنشا اتتەستاتتاۋدان وتكىزۋ ءتارتىبىن بۇزۋشىلىق انىقتالعان كەزدە ەڭبەك قاۋىپسىزدىگىن جانە ەڭبەكتى قورعاۋدى مەملەكەتتىك قاداعالاۋ مەن باقىلاۋ ورگانىنىڭ تالاپ ەتۋى بويىنشا وندىرىستىك وبەكتىلەردى ەڭبەك جاعدايلارى بويىنشا كەزەكتەن تىس اتتەستاتتاۋ وتكىزىلەدى.

      وندىرىستىك وبەكتىلەردى ەڭبەك جاعدايلارى بويىنشا كەزەكتەن تىس اتتەستاتتاۋ ناتيجەلەرى وندىرىستىك وبەكتىنى ەڭبەك جاعدايلارى بويىنشا وسىنىڭ الدىنداعى اتتەستاتتاۋ ماتەريالدارىنا قوسىمشا تۇرىندە رەسىمدەلەدى.

      5. وندىرىستىك وبەكتىلەردى اتتەستاتتاۋدان وتكىزۋدىڭ ۋاقتىلىعى مەن ساپاسىن باقىلاۋدى مەملەكەتتىك ەڭبەك ينسپەكتورلارى جۇزەگە اسىرادى.

      ەسكەرتۋ. كودەكس 320-1-باپپەن تولىقتىرىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن; وزگەرىس ەنگىزىلدى - قر 29.09.2014 N 239-V (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi) زاڭىمەن.
321-باپ. جۇمىس ورىندارىنىڭ قاۋىپسىزدىك تالاپتارى

1. جۇمىس ورىندارى ورنالاسقان عيماراتتار (قۇرىلىستار) ءوزىنىڭ قۇرىلىسى بويىنشا ولاردىڭ فۋنكتسيونالدىق ماقساتىنا جانە ەڭبەك قاۋىپسىزدىگى جانە ەڭبەكتى قورعاۋ تالاپتارىنا ساي بولۋعا ءتيىس.

2. جۇمىس جابدىعى وسى جابدىق ءتۇرى ءۇشىن بەلگىلەنگەن قاۋىپسىزدىك نورمالارىنا سايكەس كەلۋگە، وندا ءتيىستى تەحنيكالىق پاسپورت (سەرتيفيكات), ساقتاندىرۋ بەلگىلەرى بولۋعا جانە قىزمەتكەرلەردىڭ جۇمىس ورىندارىنداعى قاۋىپسىزدىگىن قامتاماسىز ەتۋ ءۇشىن قورشاۋلارمەن نەمەسە قورعاۋ قۇرىلعىلارىمەن قامتاماسىز ەتىلۋگە ءتيىس.

3. اۆاريالىق جولدار مەن قىزمەتكەرلەردىڭ ءۇي-جايلاردان شىعاتىن جولدار بوس بولۋعا جانە اشىق اۋاعا نە قاۋىپسىز ايماققا شىعارۋعا ءتيىس.

4. قاۋىپتى ايماقتار ناقتى بەلگىلەنۋگە ءتيىس. ەگەر جۇمىس ورىندارى جۇمىستىڭ سيپاتىنا قاراي قىزمەتكەرگە قاۋىپ-قاتەر توندىرەتىن نەمەسە قۇلايتىن زاتتار بار قاۋىپتى ايماقتاردا بولسا، وندا مۇنداي ورىندار بۇل ايماقتارعا بوگدە ادامداردىڭ كىرۋىن شەكتەيتىن قۇرىلعىلارىمەن جابدىقتالۋعا ءتيىس. جاياۋ جۇرگىنشىلەر مەن

تەحنولوگيالىق كولىك قۇرالدارى ۇيىمنىڭ اۋماعىندا قاۋىپسىز جاعدايلاردا ءجۇرىپ-تۇرۋعا ءتيىس.

5. قاۋىپتى وندىرىستىك وبەكتىلەردە (ۋچاسكەلەردە), ونىڭ ىشىندە بيىكتىكتە، جەراستى جاعدايلارىندا، اشىق كامەرالاردا، تەڭىز قايراڭدارى مەن ىشكى سۋ ايدىندارىندا جۇمىستار جۇرگىزۋ ءۇشىن قىزمەتكەرلەردىڭ جەكە قورعانۋ قۇرالدارى بولۋعا ءتيىس.

6. جۇمىس ورىندارى ورنالاسقان ءۇي-جايلارداعى تەمپەراتۋرا، تابيعي جانە جاساندى جارىق، سونداي-اق جەلدەتكىش جۇمىس ۋاقىتى كەزىندە ەڭبەكتىڭ قاۋىپسىزدىك تالاپتارىنا ساي بولۋعا ءتيىس.

7. قىزمەتكەرلەر ەڭبەك جاعدايلارى زياندى (شاڭ-توزاڭ، گازدانۋ جانە باسقا دا فاكتورلار) جۇمىسقا جۇمىس بەرۋشى قاۋىپسىز ەڭبەك جاعدايلارىن قامتاماسىز ەتكەننەن كەيىن جىبەرىلەدى.

      ەسكەرتۋ. 321-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.

37-تاراۋ. ەڭبەك قىزمەتىنە بايلانىستى جازاتايىم وقيعالاردى
جانە قىزمەتكەرلەر دەنساۋلىعىنىڭ وزگە دە زاقىمدانۋلارىن
تەرگەپ-تەكسەرۋ مەن ەسەپكە الۋ

322-باپ. تەرگەپ-تەكسەرۋدىڭ جالپى جاعدايلارى جانە وندىرىستەگى جازاتايىم وقيعالاردى ەسەپكە الۋ

1. قىزمەتكەرلەردىڭ، سونداي-اق:

1) تەحنيكالىق جانە كاسىپتىك، ورتا وقۋ ورنىنان كەيىنگى، جوعارى جانە جوعارى وقۋ ورنىنان كەيىنگى ءبىلىم بەرۋدىڭ ءبىلىم بەرۋ باعدارلامالارىن ىسكە اسىراتىن وقۋ ورىندارىندا وقيتىن، كاسىپتىك پراكتيكادان ءوتىپ جۇرگەن ادامداردىڭ;

2) اسكەري قىزمەت، ارناۋلى مەملەكەتتىك ورگانداردا قىزمەت وتكەرۋمەن بايلانىستى ەمەس جۇمىستاردى ورىنداۋعا تارتىلعان اسكەري قىزمەتشىلەردىڭ، ارناۋلى مەملەكەتتىك ورگاندار قىزمەتكەرلەرىنىڭ;

3) سوت ۇكىمى بويىنشا ەڭبەككە تارتىلعان ادامداردىڭ;

4) ازاماتتىق قورعاۋ سالاسىنداعى اسكەريلەندىرىلگەن جانە وزگە دە مامانداندىرىلعان كاسىبي اۆاريالىق-قۇتقارۋ قىزمەتتەرى مەن قۇرالىمدارى، اسكەريلەندىرىلگەن كۇزەت جەكە قۇرامىنىڭ، اۆاريالاردىڭ، دۇلەي ءزىلزالانىڭ سالدارلارىن جويۋ جونىندەگى، ادام ءومىرىن جانە مۇلىكتى قۇتقارۋ جونىندەگى ەرىكتى كوماندالار مۇشەلەرىنىڭ ەڭبەك قىزمەتىنە بايلانىستى جانە ەڭبەككە قابىلەتسىزدىگىنە نە ولىمىنە اكەپ سوققان دەنساۋلىعىنىڭ زاقىمدانۋ جاعدايلارى وسى كودەكسكە سايكەس تەرگەپ-تەكسەرۋگە جانە ەسەپكە الۋعا جاتادى.

2. وندىرىستىك جاراقاتتار مەن قىزمەتكەردىڭ دەنساۋلىعىنا ەڭبەك مىندەتتەرىن اتقارۋمەن بايلانىستى كەلتىرىلگەن وزگە دە زاقىمدانۋلار نە جۇمىس بەرۋشىنىڭ مۇددەسى ءۇشىن ءوز باستاماسى بويىنشا ەڭبەككە قابىلەتسىزدىگىنە نە ولىمگە اكەپ سوققان باسقا دا ارەكەتتەر جاساۋ، ەگەر ولار:

1) جۇمىس ۋاقىتى باستالار الدىندا نەمەسە اياقتالعاننان كەيىن جۇمىس ورنىن، ءوندىرىس قۇرال-جابدىقتارىن، جەكە قورعانۋ قۇرالدارىن جانە باسقالارىن دايىنداۋ جانە رەتكە كەلتىرۋ كەزىندە;

2) جۇمىس ورنىنداعى جۇمىس ۋاقىتى ىشىندە نەمەسە ءىسساپار كەزىندە نە جۇمىس بەرۋشىنىڭ نەمەسە ۇيىمنىڭ لاۋازىمدى ادامىنىڭ تاپسىرماسى بويىنشا ەڭبەك نەمەسە وزگە دە مىندەتتەمەلەردى ورىنداۋعا بايلانىستى باسقا جەردە بولعاندا;

3) قاۋىپتى جانە (نەمەسە) زياندى وندىرىستىك فاكتورلار اسەرىنىڭ ناتيجەسىندە;

4) جۇمىسى قىزمەت كورسەتۋ وبەكتىلەرى اراسىندا جۇرۋمەن بايلانىستى قىزمەتكەر جۇمىس ۋاقىتىندا جۇمىس بەرۋشىنىڭ تاپسىرماسى بويىنشا جۇمىس ورنىنا بارا جاتقان جولدا;

5) قىزمەتكەردىڭ ەڭبەك مىندەتتەرىن ورىنداۋى كەزىندە جۇمىس بەرۋشىنىڭ كولىگىندە;

6) جەكە كولىگىن قىزمەت بابىندا پايدالانۋ قۇقىعىنا جۇمىس بەرۋشىنىڭ جازباشا كەلىسىمى بولعاندا ءوزىنىڭ جەكە كولىگىندە;

7) جۇمىس بەرۋشىنىڭ وكىمى بويىنشا ءوز ۇيىمىنىڭ نەمەسە باسقا ۇيىمنىڭ اۋماعىندا بولعان كەزەڭدە، سونداي-اق جۇمىس بەرۋشىنىڭ مۇلكىن قورعاۋ نە جۇمىس بەرۋشىنىڭ مۇددەسى ءۇشىن ءوز باستاماسى بويىنشا وزگە دە ءىس-ارەكەتتەر جاساۋ كەزىندە بولسا;

8) ۆاحتالىق ادىسپەن جۇمىس ىستەيتىن قىزمەتكەرلەردىڭ ۆاحتا كەزىندەگى جۇمىس ۋاقىتىنىڭ الدىندا نەمەسە ودان كەيىن جينالۋ ورنىنان (ۆاحتا كەزەڭىندە تۇراتىن جەرىنەن) جۇمىس بەرۋشى بەرگەن كولىكپەن جۇمىسقا بارۋ نەمەسە كەرى قايتۋ جولىندا بولسا، وندىرىستەگى جازاتايىم وقيعالار رەتىندە تەرگەپ-تەكسەرىلەدى جانە ەسەپكە الىنادى.

3. تەرگەپ-تەكسەرۋ بارىسىندا جاراقاتتار مەن زاقىمدانۋلاردىڭ:

1) زارداپ شەككەن ادامنىڭ ءوز باستاماسى بويىنشا جۇمىستاردى نەمەسە وزگە دە ءىس-ارەكەتتەردى فۋنكتسيونالدىق مىندەتتەرىنە كىرمەيتىن جانە جۇمىس بەرۋشىنىڭ مۇددەسىمەن بايلانىستى ەمەس، ونىڭ ىشىندە ۆاحتالىق ادىسپەن جۇمىس ىستەۋ كەزىندە اۋىسىمارالىق دەمالىس جانە تىنىعۋ مەن تاماقتانۋعا ارنالعان كەزەڭدە، سونداي-اق الكوگولدىك ماس بولۋ، ۋىتتى جانە ەسىرتكى زاتتاردى (ولاردىڭ انالوگىن) پايدالانۋ كۇيىنە بايلانىستى سەبەپپەن ورىنداعان كەزدە;

2) ءوز دەنساۋلىعىنا ادەيى (قاساقانا) زيان كەلتىرۋ ناتيجەسىندە نەمەسە زارداپ شەگۋشى قىلمىستىق قۇقىق بۇزۋشىلىق جاساعان كەزدە;

3) زارداپ شەككەن ادام دەنساۋلىعىنىڭ مەديتسينالىق قورىتىندىمەن راستالعان، قاۋىپتى جانە (نەمەسە) زياندى وندىرىستىك فاكتورلاردىڭ اسەرىمەن بايلانىستى ەمەس كەنەتتەن ناشارلاۋىنان بولعانى ناقتى انىقتالسا، ولار وندىرىستىك جاراقاتتار جانە قىزمەتكەرلەر دەنساۋلىعىنىڭ وندىرىستەگى وزگە دە زاقىمدانۋلارى رەتىندە رەسىمدەلمەيدى.

4. ءاربىر جازاتايىم وقيعا تۋرالى زارداپ شەككەن نەمەسە ونى كورگەن ادام جۇمىس بەرۋشىگە نەمەسە جۇمىستاردى ۇيىمداستىرۋشىعا دەرەۋ حابارلاۋعا مىندەتتى. دەنساۋلىق ساقتاۋ ۇيىمدارىنىڭ جاۋاپتى لاۋازىمدى ادامدارى قىزمەتكەرلەردىڭ وندىرىستە جاراقات الۋىنا نەمەسە دەنساۋلىعىنا وزگە دە زاقىم كەلۋىنە بايلانىستى ءاربىر باستاپقى كەلگەن جاعداي تۋرالى جۇمىس بەرۋشىلەردى جانە ەڭبەك ينسپەكتسياسى جونىندەگى جەرگىلىكتى ورگاندى، سونداي-اق كاسىپتىك قاتتى اۋرۋ (ۋلانۋ) جاعدايلارى تۋرالى حالىقتىڭ سانيتاريالىق-ەپيدەميولوگيالىق سالاۋاتتىلىعى سالاسىنداعى مەملەكەتتىك ورگاندى ەكى جۇمىس كۇنىنەن كەشىكتىرمەي حاباردار ەتۋگە ءتيىس.

5. وندىرىستەگى جازاتايىم وقيعالاردى تەرگەپ-تەكسەرۋدى ۇيىمداستىرۋعا، رەسىمدەۋگە جانە تىركەۋگە جۇمىس بەرۋشى جاۋاپتى بولادى.

      ەسكەرتۋ. 322-باپقا وزگەرىستەر ەنگىزىلدى - قر 2007.07.27 N 320 (قولدانىسقا ەنگىزىلۋ ءتارتىبىن 2-باپتان قاراڭىز), 2012.02.13 N 553-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى), 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى), 13.06.2013 № 102-V (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى); 11.04.2014 № 189-V (العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى), 03.07.2014 № 227-V (01.01.2015 باستاپ قولدانىسقا ەنگىزىلەدى) زاڭدارىمەن.
323-باپ. جۇمىس بەرۋشىنىڭ وندىرىستەگى جازاتايىم وقيعا كەزىندەگى مىندەتتەرى

1. جۇمىس بەرۋشى:

1) زارداپ شەككەن ادامعا العاشقى مەديتسينالىق كومەك كورسەتۋدى جانە قاجەت بولعان كەزدە، ونى دەنساۋلىق ساقتاۋ ۇيىمىنا جەتكىزۋدى ۇيىمداستىرۋعا;

2) اۆاريالىق جاعدايدىڭ ءورشۋىنىڭ جانە جازاتايىم وقيعانىڭ ورىن الۋىنا سەبەپ بولعان فاكتورلاردىڭ باسقا ادامدارعا اسەر ەتۋىن بولعىزباۋ جونىندەگى شۇعىل شارالاردى قابىلداۋعا;

3) جازاتايىم وقيعا بولعان جەردەگى احۋالدى (جابدىقتار مەن تەتىكتەردىڭ، ەڭبەك قۇرال-جابدىقتارىنىڭ جاي-كۇيىن), ەگەر بۇل باسقا ادامداردىڭ ءومىرى مەن دەنساۋلىعىنا قاتەر توندىرمەسە، ال وندىرىستىك پروتسەستىڭ ءۇزىلىسسىز جۇمىسىن بۇزۋ اۆارياعا اكەپ سوقپايتىن بولسا، وقيعا بولعان كەزدەگى كۇيدە ساقتاۋعا، سونداي-اق جازاتايىم وقيعا بولعان جەردى فوتوسۋرەتكە تۇسىرۋگە;

4) وندىرىستەگى جازاتايىم وقيعا جونىندە زارداپ شەككەن ادامنىڭ جاقىن تۋىستارىن دەرەۋ حاباردار ەتۋگە جانە وسى كودەكستە، وزگە دە نورماتيۆتىك قۇقىقتىق اكتىلەردە بەلگىلەنگەن مەملەكەتتىك ورگاندار مەن ۇيىمدارعا حابارلاما جىبەرۋگە;

5) وندىرىستەگى جازاتايىم وقيعالاردى تەرگەپ-تەكسەرۋ مەن ەسەپكە الۋدى وسى تاراۋعا سايكەس قامتاماسىز ەتۋگە;

6) ارنايى تەرگەپ-تەكسەرۋ جونىندەگى كوميسسيا مۇشەلەرىن وندىرىستەگى جازاتايىم وقيعانى تەرگەپ-تەكسەرۋ ءۇشىن وقيعا بولعان جەرگە كىرگىزۋگە;

7) وندىرىستەگى جازاتايىم وقيعالاردى جانە كاسىپتىك اۋرۋلاردى تىركەۋدى، ەسەپكە الۋ مەن تالداۋدى جۇزەگە اسىرۋعا مىندەتتى.

2. جۇمىس بەرۋشى وندىرىستەگى جازاتايىم وقيعا تۋرالى ەڭبەك جونىندەگى ۋاكىلەتتى مەملەكەتتىك ورگان بەلگىلەگەن نىسان بويىنشا:

1) ەڭبەك ينسپەكتسياسى جونىندەگى جەرگىلىكتى ورگانعا;

2) قاۋىپتى وندىرىستىك وبەكتىلەردە بولعان جازاتايىم وقيعالار كەزىندە ونەركاسىپتىك قاۋىپسىزدىك سالاسىنداعى ۋاكىلەتتى ورگاننىڭ اۋماقتىق بولىمشەسىنە;

3) كاسىپتىك اۋرۋ نەمەسە ۋلانۋ جاعدايلارى جونىندە حالىقتىڭ سانيتارلىق-ەپيدەميولوگيالىق سالاۋاتتىلىعى سالاسىنداعى ۋاكىلەتتى مەملەكەتتىك ورگاننىڭ اۋماقتىق بولىمشەسىنە;

4) قىزمەتكەرلەر وكىلدەرىنە;

5) قىزمەتكەر ەڭبەك (قىزمەتتىك) مىندەتتەرىن اتقارعان كەزدە ونى جازاتايىم وقيعالاردان ساقتاندىرۋ شارتىن جاساسقان ساقتاندىرۋ ۇيىمىنا حابارلايدى.

وسى تاراۋعا سايكەس ارنايى تەكسەرىلۋگە ءتيىس جازاتايىم وقيعا بولعان كەزدە جۇمىس بەرۋشى:

1) جازاتايىم وقيعا بولعان جەردەگى قۇقىق قورعاۋ ورگانىنا;

2) وندىرىستىك جانە ۆەدومستۆولىق باقىلاۋ مەن قاداعالاۋدىڭ ۋاكىلەتتى ورگاندارىنا حابارلاۋعا ءتيىس.

3. وندىرىستەگى جازاتايىم وقيعانى تەرگەپ-تەكسەرۋ كەزىندە كوميسسيانىڭ تالابى بويىنشا جۇمىس بەرۋشى ءوز قاراجاتى ەسەبىنەن:

1) تەحنيكالىق ەسەپتەۋلەردىڭ ورىندالۋىن، زەرتحانالىق زەرتتەۋلەردىڭ، سىناقتاردىڭ، باسقا دا ساراپتاما جۇمىستارىنىڭ جۇرگىزىلۋىن جانە وسى ماقساتتاردا ساراپشى مامانداردىڭ تارتىلۋىن;

2) وقيعا ورنىن جانە زاقىم كەلتىرىلگەن وبەكتىلەردى فوتوسۋرەتكە ءتۇسىرۋدى، جوسپارلار، ەسكيزدەر، سحەمالار جاساۋدى;

3) كولىك، قىزمەتتىك ءۇي-جاي، بايلانىس قۇرالدارىن، ارناۋلى كيىم، ارناۋلى اياق كيىم جانە تەكسەرۋ جۇرگىزۋ ءۇشىن قاجەتتى باسقا دا جەكە قورعاۋ قۇرالدارىن بەرۋدى;

4) مىنالاردى:

جۇمىس ورنىنىڭ جاي-كۇيىن، قاۋىپتى جانە (نەمەسە) زياندى وندىرىستىك فاكتورلاردىڭ بار-جوعىن سيپاتتايتىن قۇجاتتاردى (جوسپارلاردى، ەسكيزدەردى، سحەمالاردى، ال قاجەت بولعاندا وقيعا ورنىندا تۇسىرىلگەن فوتو- جانە بەينەماتەريالداردى جانە ت.س.س);

نۇسقاۋ بەرۋلەردى تىركەۋ جۋرنالدارىنان جانە زارداپ شەككەن ادامداردىڭ ەڭبەك قاۋىپسىزدىگى جانە ەڭبەكتى قورعاۋ جونىندەگى ءبىلىمىن تەكسەرۋ حاتتامالارىنان، جازاتايىم وقيعا كۋاگەرلەرى مەن لاۋازىمدى ادامداردان جاۋاپ الىنعان حاتتامالاردان، زارداپ شەككەن ادامداردىڭ تۇسىنىكتەمەلەرىنەن، مامانداردىڭ ساراپتاما قورىتىندىلارىنان ءۇزىندى كوشىرمەلەردى;

زەرتحانالىق زەرتتەۋلەر مەن ەكسپەريمەنتتەردىڭ ناتيجەلەرىن;

زارداپ شەككەن ادامنىڭ دەنساۋلىعىنا كەلتىرىلگەن زاقىمدانۋدىڭ سيپاتى مەن اۋىرلىق دارەجەسى نەمەسە ونىڭ ءولىمىنىڭ سەبەبى تۋرالى، الكوگولدىك، ەسىرتكىلىك نەمەسە ۋىتتىق ماس بولۋ بەلگىسىنىڭ بارى (جوعى) تۋرالى مەديتسينالىق قورىتىندىنى;

زارداپ شەككەن ادامعا ارناۋلى كيىم، ارناۋلى اياق كيىم جانە باسقا دا جەكە قورعانۋ قۇرالدارى بەرىلگەنىن راستايتىن قۇجاتتاردىڭ كوشىرمەلەرىن;

اتالعان وندىرىستە (وبەكتىدە) مەملەكەتتىك ەڭبەك ينسپەكتورلارى مەن اۋماقتىق مەملەكەتتىك قاداعالاۋ ورگانىنىڭ لاۋازىمدى ادامدارىنىڭ (ەگەر جازاتايىم وقيعا وسى ورگان باقىلايتىن ۇيىمدا نەمەسە وبەكتىدە ورىن السا) بۇرىن بەرىلگەن نۇسقامالارىنان ءۇزىندى كوشىرمەلەردى، سونداي-اق قوعامدىق ەڭبەك ينسپەكتورلارىنىڭ انىقتالعان ەڭبەك قاۋىپسىزدىگى جانە ەڭبەكتى قورعاۋ جونىندەگى نورماتيۆتىك تالاپتاردى بۇزۋشىلىقتاردى جويۋ تۋرالى نۇسقامالارىنان ءۇزىندى كوشىرمەلەردى;

كوميسسيانىڭ قالاۋىنا قاراي ءىستىڭ قارالۋىنا قاتىسى بار باسقا دا قۇجاتتاردى بەرەدى.

      ەسكەرتۋ. 323-باپقا وزگەرىستەر ەنگىزىلدى - قر 2008.12.04 N 97-IV (قولدانىسقا ەنگىزىلۋ ءتارتىبىن 2-باپتان قاراڭىز), 2009.12.30 № 234-IV (قولدانىسقا ەنگىزىلۋ ءتارتىبىن 2-ب. قاراڭىز), 13.06.2013 № 102-V (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى); 11.04.2014 № 189-V (العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى); 29.09.2014 N 239-V (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi) زاڭدارىمەن.
324-باپ. وندىرىستەگى جازاتايىم وقيعالاردى تەرگەپ-تەكسەرۋ ءتارتىبى

1. ارنايى تەرگەپ-تەكسەرىلۋگە ءتيىس جاعدايلاردى قوسپاعاندا، وندىرىستەگى جازاتايىم وقيعالاردى تەرگەپ-تەكسەرۋدى جازاتايىم وقيعا بولعان كەزدەن باستاپ جۇمىس بەرۋشىنىڭ اكتىسىمەن جيىرما ءتورت ساعات ىشىندە قۇرىلاتىن، مىناداي قۇرامداعى كوميسسيا جۇرگىزەدى:

توراعا - ۇيىمنىڭ (وندىرىستىك قىزمەتتىڭ) باسشىسى نەمەسە ونىڭ ورىنباسارى;

مۇشەلەرى - ۇيىمنىڭ ەڭبەك قاۋىپسىزدىگى جانە ەڭبەكتى قورعاۋ قىزمەتىنىڭ باسشىسى جانە قىزمەتكەرلەردىڭ وكىلى.

جازاتايىم وقيعا بولعان ءتيىستى ۋچاسكەدەگى ەڭبەك قاۋىپسىزدىگىنە تىكەلەي جاۋاپ بەرەتىن لاۋازىمدى ادام تەرگەپ-تەكسەرۋدى جۇرگىزۋ كەزىندە كوميسسيا قۇرامىنا ەنگىزىلمەيدى.

2. ارنايى تەرگەپ-تەكسەرۋگە:

1) اۋىر نەمەسە كىسى ولىمىمەن اياقتالعان جازاتايىم وقيعالار;

2) زارداپ شەككەن ادامدار جاراقاتتارىنىڭ اۋىرلىق دارەجەسىنە قاراماستان، ءبىر مەزگىلدە ەكى جانە ودان دا كوپ قىزمەتكەرلەر ۇشىراعان توپتىق جازاتايىم وقيعالار;

3) قاتەرلى ۋلانۋدىڭ توپتىق وقيعالارى جاتادى.

3. جۇمىس بەرۋشىنىڭ - جەكە تۇلعانىڭ وندىرىسىندەگى جازاتايىم وقيعانى تەرگەپ-تەكسەرۋگە جۇمىس بەرۋشى نەمەسە ونىڭ ۋاكىلەتتى وكىلى، قىزمەتكەرلەردىڭ وكىلى، جازاتايىم وقيعانى تەرگەپ-تەكسەرۋگە شارت نەگىزىندە دە شاقىرىلۋى مۇمكىن ەڭبەكتى قورعاۋ جونىندەگى مامان قاتىسادى.

4. قاتەرلى ۋلانۋ جاعدايىندا كوميسسيانىڭ تەرگەپ-تەكسەرۋىنە حالىقتىڭ سانيتارلىق-ەپيدەميولوگيالىق سالاۋاتتىلىعى سالاسىنداعى مەملەكەتتىك ورگاننىڭ وكىلدەرى قاتىسادى.

5. كوميسسيانىڭ جۇمىسىنا جۇمىس بەرۋشىمەن نەمەسە زارداپ شەككەن اداممەن ءتيىستى شارتتىق قاتىناستارى بار ساقتاندىرۋ ۇيىمىنىڭ وكىلى قاتىسۋعا قۇقىلى.

6. جازاتايىم وقيعانى تەرگەپ-تەكسەرۋ مەرزىمى كوميسسيا قۇرىلعان كۇننەن باستاپ ون جۇمىس كۇنىنەن اسپاۋعا ءتيىس.

7. وندىرىستىك پراكتيكادان ءوتىپ جۇرگەن، جالپى ءبىلىم بەرەتىن، كاسىپتىك مەكتەپتەردە جانە جوعارى وقۋ ورىندارىندا وقيتىن ادامدار ۇشىراعان جازاتايىم وقيعانى تەرگەپ-تەكسەرۋدى جۇمىس بەرۋشىنىڭ جانە زارداپ شەككەن ادام وكىلىنىڭ قاتىسۋىمەن ءوز اۋماعىندا وقيعا بولعان ۇيىمنىڭ باسشىسى قۇراتىن كوميسسيا جۇرگىزەدى.

8. باسقا ۇيىمنىڭ اۋماعىندا ورنالاسىپ، جۇمىس جۇرگىزىپ جاتقان ۇيىمنىڭ قىزمەتكەرى نەمەسە وندىرىستىك تاپسىرمانى (قىزمەتتىك نەمەسە شارتتىق مىندەتتەردى) ورىنداۋ ءۇشىن باسقا ۇيىمعا جىبەرىلگەن قىزمەتكەر ۇشىراعان جازاتايىم وقيعانى تەرگەپ-تەكسەرۋدى اۋماعىندا جازاتايىم وقيعا بولعان ۇيىمنىڭ جاۋاپتى وكىلىنىڭ قاتىسۋىمەن جۇمىس بەرۋشىنىڭ ءوزى جۇرگىزەدى.

9. قىزمەتكەر قوسا اتقاراتىن جۇمىسىن ورىنداۋ كەزىندە ۇشىراعان جازاتايىم وقيعانى جۇمىس ءوز اۋماعىندا نەمەسە سونىڭ تاپسىرماسى بويىنشا جۇرگىزىلگەن جۇمىس بەرۋشى تەرگەپ-تەكسەرەدى جانە ەسەپكە الادى.

10. كولىك قۇرالدارىنىڭ اۆارياسى سالدارىنان بولعان جازاتايىم وقيعالاردى تەرگەپ-تەكسەرۋ جول ءجۇرىسى قاۋىپسىزدىگىن قامتاماسىز ەتۋ جونىندەگى ۋاكىلەتتى ورگاننىڭ تەرگەپ-تەكسەرۋ ماتەريالدارى نەگىزىندە جۇرگىزىلەدى.

جول ءجۇرىسى قاۋىپسىزدىگىن قامتاماسىز ەتۋ جونىندەگى ۋاكىلەتتى ورگان جازاتايىم وقيعالاردى تەرگەپ-تەكسەرۋ جونىندەگى كوميسسيا توراعاسىنىڭ تالابى بويىنشا تەرگەپ-تەكسەرۋ ماتەريالدارىنىڭ كوشىرمەلەرىن كولىك وقيعاسى بولعان كۇننەن باستاپ بەس كۇن مەرزىمدە بەرۋگە مىندەتتى.

11. ءاربىر وندىرىستەگى جازاتايىم وقيعانى تەرگەپ-تەكسەرۋ كەزىندە كوميسسيا وقيعا كۋاگەرلەرىن، ەڭبەك قاۋىپسىزدىگى جانە ەڭبەكتى قورعاۋ جونىندەگى تالاپتاردىڭ بۇزىلۋىنا جول بەرگەن ادامداردى انىقتايدى جانە ولاردان جاۋاپ الادى، جۇمىس بەرۋشىدەن قاجەتتى اقپارات جانە مۇمكىن بولسا، زارداپ شەككەن ادامنان تۇسىنىكتەمە الادى.

12. جۇمىس بەرۋشىگە ۋاقتىلى حابارلانباعان نەمەسە ناتيجەسىندە ەڭبەككە قابىلەتسىزدىگى بىردەن تۋىنداماعان (تالاپ ەتۋ مەرزىمىنە قاراماستان) جازاتايىم وقيعالار زارداپ شەككەن ادامنىڭ (ونىڭ وكىلىنىڭ) ءوتىنىشى بويىنشا نەمەسە مەملەكەتتىك ەڭبەك ينسپەكتورىنىڭ نۇسقاماسى بويىنشا ءوتىنىش تىركەلگەن، نۇسقاما الىنعان كۇننەن باستاپ ون كۇن ىشىندە تەرگەپ-تەكسەرىلەدى.

13. جينالعان قۇجاتتار مەن ماتەريالدار نەگىزىندە كوميسسيا جازاتايىم وقيعانىڭ ءمان-جايلارى مەن سەبەپتەرىن انىقتايدى، جازاتايىم وقيعانىڭ جۇمىس بەرۋشىنىڭ وندىرىستىك قىزمەتىمەن بايلانىسىن جانە تيىسىنشە، زارداپ شەككەن ادامعا وقيعا ورنىندا ءوزىنىڭ ەڭبەك مىندەتتەرىن ورىنداۋىنا بايلانىستى بولۋى تۇسىندىرىلگەنىن انىقتايدى، جازاتايىم وقيعانى وندىرىستەگى جازاتايىم وقيعا رەتىندە نەمەسە وندىرىسپەن بايلانىستى ەمەس جازاتايىم وقيعا رەتىندە سارالايدى، ەڭبەك قاۋىپسىزدىگى جانە ەڭبەكتى قورعاۋ تالاپتارىنىڭ بۇزىلۋىنا جول بەرگەن ادامداردى انىقتاپ، وندىرىستەگى جازاتايىم وقيعالاردىڭ سەبەپتەرىن جويۋ جانە الدىن الۋ جونىندەگى شارالاردى بەلگىلەيدى.

14. رەجيمدى وبەكتىلەردەگى جازاتايىم وقيعالاردى تەرگەپ-تەكسەرۋ جونىندەگى كوميسسيانىڭ جۇمىس جاعدايلارى وسى وبەكتىلەرگە كىرۋ، سولاردا بولۋ ەرەكشەلىكتەرى ەسكەرىلىپ ايقىندالادى.

15. قىزمەتكەردىڭ (قىزمەتكەرلەردىڭ) ەڭبەككە قابىلەتتىلىگىن جوعالتۋىنا اكەپ سوققان وندىرىسپەن بايلانىستى ءاربىر جازاتايىم وقيعا مەديتسينالىق قورىتىندىعا (ۇسىنىمعا) سايكەس ەڭبەك جونىندەگى ۋاكىلەتتى ورگان بەلگىلەگەن نىسان بويىنشا جازاتايىم وقيعا تۋرالى اكتىمەن قاجەتتى داناسى جاسالىپ ء(اربىر زارداپ شەككەن ادامعا جەكە-جەكە) رەسىمدەلەدى.

دەنساۋلىق ساقتاۋ ۇيىمى بەلگىلەنگەن تارتىپپەن راستاعان ۋلانۋ جاعدايلارى دا ەڭبەككە قابىلەتتىلىكتىڭ جوعالعانىنا نەمەسە جوعالماعانىنا قاراماستان، جازاتايىم وقيعا تۋرالى اكتىمەن رەسىمدەلەدى.

      ەسكەرتۋ. 324-باپقا وزگەرىس ەنگىزىلدى - قر 17.04.2014 № 195-V زاڭىمەن (العاشقى رەسمي جاريالانعان كۇنىنەن كەيىن التى اي وتكەن سوڭ قولدانىسقا ەنگىزىلەدى).
325-باپ. وندىرىستەگى جازاتايىم وقيعالاردى ارنايى تەرگەپ-تەكسەرۋ ەرەكشەلىكتەرى

1. جازاتايىم وقيعانى ارنايى تەرگەپ-تەكسەرۋدى ەڭبەك ينسپەكتسياسى جونىندەگى جەرگىلىكتى ورگان مىناداي قۇرامدا قۇراتىن كوميسسيا جۇرگىزەدى:

      توراعا – مەملەكەتتىك ەڭبەك ينسپەكتورى;

      مۇشەلەرى – جۇمىس بەرۋشى جانە قىزمەتكەرلەردىڭ وكىلى.

      2. ەكى ادام قايتىس بولعان توپتىق جازاتايىم وقيعالاردى تەرگەپ-تەكسەرۋدى وبلىستىڭ، رەسپۋبليكالىق ماڭىزى بار قالانىڭ باس مەملەكەتتىك ەڭبەك ينسپەكتورى باسقاراتىن كوميسسيا جۇرگىزەدى.

3. قاۋىپتى وندىرىستىك وبەكتىلەردە بولعان جازاتايىم وقيعالار كەزىندە كوميسسيا قۇرامىنا ونەركاسىپتىك قاۋىپسىزدىك سالاسىنداعى مەملەكەتتىك قاداعالاۋ جونىندەگى مەملەكەتتىك ينسپەكتور كىرەدى.

قاۋىپتى وندىرىستىك وبەكتىدەگى اۆاريانىڭ سالدارىنان تەحنوگەندىك سيپاتتاعى توتەنشە جاعدايلار كەزىندە بولعان جازاتايىم وقيعالار كەزىندە ءۇش ادامعا دەيىن قايتىس بولعان جاعدايدا ونەركاسىپتىك قاۋىپسىزدىك سالاسىنداعى ۋاكىلەتتى ورگاننىڭ نەمەسە ونىڭ اۋماقتىق بولىمشەسىنىڭ وكىلى ارنايى تەرگەپ-تەكسەرۋ جونىندەگى كوميسسيانىڭ توراعاسى بولىپ تاعايىندالادى. بۇل جاعدايدا مەملەكەتتىك ەڭبەك ينسپەكتورى كوميسسيا مۇشەسى بولىپ تابىلادى.

4. قايتىس بولعان ادامدار سانى ءۇش ادامنان بەس ادامعا دەيىن بولسا، توپتىق جازاتايىم وقيعالاردى تەرگەپ-تەكسەرۋدى ەڭبەك جونىندەگى ۋاكىلەتتى مەملەكەتتىك ورگان، ال بەس جانە ودان دا كوپ ادام قايتىس بولعاندا - قازاقستان رەسپۋبليكاسىنىڭ ۇكىمەتى قۇرعان كوميسسيا جۇرگىزەدى.

5. ساراپتامالىق قورىتىندىنى تالاپ ەتەتىن ماسەلەلەردى شەشۋ ءۇشىن ارنايى تەرگەپ-تەكسەرۋ جونىندەگى كوميسسيانىڭ توراعاسى ۇيىمداردىڭ ماماندارى، عالىمدار جانە باقىلاۋ-قاداعالاۋ ورگاندارى قاتارىنان ساراپتامالىق كىشى كوميسسيالار قۇرۋعا قۇقىلى.

6. اۋىر زارداپتارعا اكەپ سوققان نەمەسە كىسى ولىمىمەن اياقتالعان جازاتايىم وقيعانى، قىزمەتكەرلەردىڭ توپتىق جازاتايىم وقيعاسىن جانە توپتىق قاتەرلى ۋلانۋ جاعدايىن تەرگەپ-تەكسەرۋ ەڭبەك جونىندەگى ۋاكىلەتتى مەملەكەتتىك ورگان بەلگىلەگەن نىسانداعى ارنايى تەرگەپ-تەكسەرۋ اكتىسىمەن رەسىمدەلەدى.

7. ارنايى تەرگەپ-تەكسەرۋ جونىندەگى كوميسسيا توراعاسىنىڭ كەلىسىمىنسىز كۋالەردەن، كۋاگەرلەردەن جاۋاپ الۋدى، سونداي-اق رەسمي تاعايىندالعان كوميسسيانىڭ جۇمىس كۇندەرىندە كەز كەلگەن بىرەۋدىڭ نەمەسە وزگە دە كوميسسيانىڭ وسى جازاتايىم وقيعاعا قاتىستى قاتار تەرگەپ-تەكسەرۋلەر جۇرگىزۋىنە ءۇزىلدى-كەسىلدى تىيىم سالىنادى.

8. ۇيىم وبەكتىلەرىندەگى جارىلىستىڭ، اۆاريانىڭ، قيراۋدىڭ، ءورتتىڭ جانە باسقا دا جاعدايلاردىڭ سالدارىنان زارداپ شەككەن ادامدى (زارداپ شەككەن ادامداردى), جوعالعان ادامدى (جوعالعان ادامداردى) ىزدەۋدىڭ توقتاتىلۋىن ارنايى تەرگەپ-تەكسەرۋ جونىندەگى كوميسسيا اۆاريالىق-قۇتقارۋ قىزمەتى نەمەسە قۇرالىمى باسشىسىنىڭ جانە ساراپشى مامانداردىڭ قورىتىندىسى نەگىزىندە ايقىندايدى.

      ەسكەرتۋ. 325-باپقا وزگەرىستەر ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى), 13.06.2013 № 102-V (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى); 11.04.2014 № 189-V (العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى); 29.09.2014 N 239-V (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi) زاڭدارىمەن.
326-باپ. وندىرىستەگى جازاتايىم وقيعالاردى تەرگەپ-تەكسەرۋ ماتەريالدارىن رەسىمدەۋ جانە ولاردى ەسەپكە الۋ

1. جازاتايىم وقيعا تۋرالى اكت تولتىرىلىپ، وعان ەڭبەك قاۋىپسىزدىگى جانە ەڭبەكتى قورعاۋ قىزمەتىنىڭ جانە ۇيىم بولىمشەسىنىڭ باسشىلارى، سونداي-اق ۇيىم قىزمەتكەرلەرىنىڭ وكىلدەرى قول قويادى جانە ونى جۇمىس بەرۋشى بەكىتىپ، ۇيىمنىڭ مورىمەن راستالادى.

2. ۋلانۋ جاعدايلارىندا جازاتايىم وقيعا تۋرالى اكتىگە حالىقتىڭ سانيتارلىق-ەپيدەميولوگيالىق سالاۋاتتىلىعى سالاسىنداعى مەملەكەتتىك ورگاننىڭ وكىلى دە قول قويادى.

ەگەر جۇمىس بەرۋشى جەكە تۇلعا بولسا، جازاتايىم وقيعا تۋرالى اكت تولتىرىلىپ، وعان جۇمىس بەرۋشى قول قويادى جانە نوتاريالدى تۇردە راستالادى.

3. اكت تەرگەپ-تەكسەرۋ ماتەريالدارىنا سايكەس رەسىمدەلۋگە ءتيىس.

ەگەر وندىرىستەگى جازاتايىم وقيعانى تەرگەپ-تەكسەرۋ كەزىندە كوميسسيا زياننىڭ تۋىنداۋىنا نەمەسە ۇلعايۋىنا ورەسكەل ابايسىزدىق سەبەپ بولعانىن انىقتاسا، وندا كوميسسيا تاراپتاردىڭ ارالاس جاۋاپكەرشىلىگىن قولدانىپ، قىزمەتكەر مەن جۇمىس بەرۋشىنىڭ كىناسىن پروتسەنتپەن ايقىندايدى.

ەگەر جازاتايىم وقيعانى تەرگەپ-تەكسەرۋ جونىندەگى كوميسسيانىڭ ءبىر مۇشەسى كوميسسيانىڭ (كوپشىلىكتىڭ) قورىتىندىسىمەن كەلىسپەيتىن بولسا، ول ءوزىنىڭ دالەلدى پىكىرىن تەرگەپ-تەكسەرۋ ماتەريالىنا قوسۋ ءۇشىن جازباشا تۇردە ۇسىنادى. ول ارنايى تەرگەپ-تەكسەرۋ اكتىسىنە "ەرەكشە پىكىرگە قارا" دەگەن سىلتەمە جازا وتىرىپ، قول قويادى.

4. ءاربىر جازاتايىم وقيعانى تەرگەپ-تەكسەرۋ اياقتالعاننان كەيىن جۇمىس بەرۋشى ءۇش كۇننەن كەشىكتىرمەي زارداپ شەككەن ادامعا نەمەسە ونىڭ سەنىمدى ادامىنا جازاتايىم وقيعا تۋرالى اكتىنى بەرۋگە مىندەتتى، اكتىنىڭ ءبىر داناسى جۇمىس بەرۋشىمەن ءتيىستى شارتتىق قاتىناستارى بار ساقتاندىرۋ ۇيىمىنا، ال ەكىنشىسى - مەملەكەتتىك ەڭبەك ينسپەكتسياسىنا قاعاز جانە ەلەكتروندى جەتكىزگىشتە جىبەرىلەدى.

ۋلانۋ جاعدايىندا اكتىنىڭ كوشىرمەسى حالىقتىڭ سانيتارلىق-ەپيدەميولوگيالىق سالاۋاتتىلىعى سالاسىنداعى مەملەكەتتىك ورگانعا دا جىبەرىلەدى.

5. تەرگەپ-تەكسەرۋ ناتيجەسىمەن كەلىسپەگەن نەمەسە جازاتايىم وقيعا تۋرالى اكت ۋاقتىلى رەسىمدەلمەگەن جاعدايدا، زارداپ شەككەن ادام نەمەسە ونىڭ سەنىم بىلدىرگەن ادامى، ۇيىم قىزمەتكەرلەرىنىڭ وكىلى جۇمىس بەرۋشىگە جازباشا تۇردە جۇگىنۋگە قۇقىلى، جۇمىس بەرۋشى ولاردىڭ ءوتىنىشىن ون كۇن ىشىندە قاراپ، ءتيىستى شەشىم قابىلداۋعا مىندەتتى.

6. جازاتايىم وقيعالاردى تەرگەپ-تەكسەرۋ، رەسىمدەۋ جانە تىركەۋ ماسەلەلەرى بويىنشا جۇمىس بەرۋشىنىڭ، قىزمەتكەردىڭ جانە مەملەكەتتىك ەڭبەك ينسپەكتورىنىڭ نە قاۋىپتى وندىرىستىك وبەكتىلەردە بولعان وقيعالار كەزىندە ونەركاسىپتىك قاۋىپسىزدىك سالاسىنداعى مەملەكەتتىك قاداعالاۋ جونىندەگى مەملەكەتتىك ينسپەكتوردىڭ اراسىندا تۋىنداعان كەلىسپەۋشىلىكتەردى ءتيىستى جوعارى تۇرعان باس مەملەكەتتىك ەڭبەك ينسپەكتورى باعىنىشتىلىق تارتىپپەن قارايدى جانە (نەمەسە) سوت تارتىبىمەن قارالادى.

جازاتايىم وقيعالاردى تەرگەپ-تەكسەرۋ ماسەلەلەرى بويىنشا جوعارى تۇرعان باس مەملەكەتتىك ەڭبەك ينسپەكتورىنىڭ شەشىمى ەڭبەك جونىندەگى ۋاكىلەتتى مەملەكەتتىك ورگان بەلگىلەگەن نىساندا قورىتىندى تۇرىندە رەسىمدەلەدى.

7. جازاتايىم وقيعانى ارنايى تەرگەپ-تەكسەرۋ اكتىسى ماتەريالدارىنىڭ كوشىرمەلەرىن جۇمىس بەرۋشى مەملەكەتتىك باقىلاۋ ورگاندارىنا جىبەرەدى. ونىڭ ۇستىنە، جازاتايىم وقيعانى تەرگەپ-تەكسەرۋ اياقتالعاننان كەيىن مەملەكەتتىك ەڭبەك ينسپەكتورى ارنايى تەرگەپ-تەكسەرۋ اكتىسى ماتەريالدارى كوشىرمەلەرىنىڭ ءبىر داناسىن جەتى كۇن ىشىندە جەرگىلىكتى ىشكى ىستەر ورگانىنا جىبەرەدى، ول زاڭناماعا سايكەس ءتيىستى شەشىم قابىلداپ، قابىلدانعان شەشىم تۋرالى جيىرما كۇننەن كەشىكتىرمەي حابارلايدى.

8. اكتىمەن رەسىمدەلگەن ءاربىر جازاتايىم وقيعا وندىرىستەگى جازاتايىم وقيعالاردى جانە دەنساۋلىققا كەلتىرىلگەن وزگە دە زاقىمدانۋلاردى تىركەۋ جۋرنالىنا جازىلادى. جۋرنال ەڭبەك جونىندەگى ۋاكىلەتتى مەملەكەتتىك ورگان بەلگىلەگەن نىسان بويىنشا جۇرگىزىلەدى. ەڭبەككە ۋاقىتشا جارامسىزدىق جانە جاراقاتتانۋ تۋرالى العاشقى ستاتيستيكالىق دەرەكتەر مەملەكەتتىك ستاتيستيكا سالاسىنداعى ۋاكىلەتتى ورگان بەكىتكەن ستاتيستيكالىق ادىسناماعا سايكەس بەرىلەدى.

9. الىنىپ تاستالدى - قر 2010.03.19 № 258-IV زاڭىمەن.

10. جۇمىس بەرۋشى نەمەسە ونىڭ وكىلى ۋاقىت وتە كەلە اۋىر زارداپتارعا نەمەسە كىسى ولىمىنە اكەپ سوققان جازاتايىم وقيعالار ساناتىنا اۋىسقان وندىرىستەگى جازاتايىم وقيعالار تۋرالى ءتيىستى مەملەكەتتىك ەڭبەك ينسپەكتسياسىنا، ال ساقتاندىرۋ جاعدايلارى تۋرالى - ساقتاندىرۋشىنىڭ اتقارۋشى ورگانىنا (ساقتانۋشى تىركەلگەن جەردەگى) حابارلايدى.

11. جازاتايىم وقيعانى تەرگەپ-تەكسەرۋ ماتەريالدارى ۇيىمدا قىرىق بەس جىل بويى ساقتالۋعا ءتيىس، ۇيىم تاراتىلعان جاعدايدا جازاتايىم وقيعانى تەرگەپ-تەكسەرۋ ماتەريالدارى مىندەتتى تۇردە سول ۇيىم جۇمىس ىستەگەن جەردەگى مەملەكەتتىك مۇراعاتقا تاپسىرىلۋعا ءتيىس.

12. وندىرىستەگى جازاتايىم وقيعانى تەرگەپ-تەكسەرۋ ماتەريالدارىندا تەرگەپ-تەكسەرۋ اكتىسىمەن قاتار:

1) زارداپ شەككەن ادامنىڭ ەڭبەكتى قورعاۋ جونىندە وقىعانى جانە نۇسقاما العانى، سونداي-اق الدىن الا جانە مەرزىمدىك مەديتسينالىق تەكسەرۋلەردەن وتكەنى تۋرالى مالىمەتتەر;

2) ەڭبەك جونىندەگى ۋاكىلەتتى مەملەكەتتىك ورگان بەلگىلەگەن نىسان بويىنشا جاۋاپ الۋ حاتتامالارى جانە وقيعا كۋاگەرلەرىنىڭ، سونداي-اق ەڭبەك قاۋىپسىزدىگى جانە ەڭبەكتى قورعاۋ تالاپتارىنىڭ ساقتالۋىنا جاۋاپتى لاۋازىمدى ادامداردىڭ تۇسىنىكتەمەلەرى;

3) وقيعا بولعان جەردىڭ جوسپارلارى، سحەمالارى مەن فوتوسۋرەتتەرى;

4) ەڭبەك قاۋىپسىزدىگى جانە ەڭبەكتى قورعاۋ تالاپتارىن رەگلامەنتتەيتىن نۇسقاۋلىقتاردان، ەرەجەلەردەن، بۇيرىقتاردان جانە باسقا دا اكتىلەردەن ءۇزىندى كوشىرمەلەر، وندىرىستەگى سالاۋاتتى جانە قاۋىپسىز ەڭبەك جاعدايلارىن قامتاماسىز ەتۋگە جاۋاپتى لاۋازىمدى ادامداردىڭ مىندەتتەرى جانە باسقالار;

5) زارداپ شەككەن ادامنىڭ دەنساۋلىعىنا كەلتىرىلگەن زاقىمنىڭ سيپاتى مەن اۋىرلىعى (ولىمگە اكەپ سوققان سەبەپ) تۋرالى مەديتسينالىق قورىتىندى;

6) زەرتحانالىق جانە باسقا زەرتتەۋلەردىڭ، ەكسپەريمەنتتەردىڭ، ساراپتامالاردىڭ، تالداۋلاردىڭ ناتيجەلەرى جانە تاعى سول سياقتىلار;

7) باس مەملەكەتتىك ەڭبەك ينسپەكتورىنىڭ قورىتىندىسى (ەگەر بار بولسا);

8) جۇمىس بەرۋشىگە كەلتىرىلگەن ماتەريالدىق زالال تۋرالى مالىمەتتەر;

9) جۇمىس بەرۋشىنىڭ زارداپ شەككەن ادامعا (وتباسى مۇشەلەرىنە) ونىڭ دەنساۋلىعىنا كەلتىرىلگەن زياندى وتەۋ جانە جول بەرىلگەن وقيعاعا كىنالى لاۋازىمدى ادامداردى جاۋاپكەرشىلىككە تارتۋ تۋرالى بۇيرىعى;

10) قوسا بەرىلەتىن قۇجاتتاردىڭ تىزبەسى بولۋعا ءتيىس.

13. زارداپ شەككەن ادام نەمەسە قىزمەتكەرلەردىڭ وكىلى جازاتايىم وقيعانى تەرگەپ-تەكسەرۋدىڭ بۇكىل ماتەريالدارىمەن تانىسۋعا جانە قاجەتتى ءۇزىندى كوشىرمەلەر جاساۋعا قۇقىلى.

      ەسكەرتۋ. 326-باپقا وزگەرىستەر ەنگىزىلدى - قر 2010.03.19 № 258-IV, 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى); 11.04.2014 № 189-V (العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭدارىمەن.
327-باپ. جازاتايىم وقيعالاردىڭ دۇرىس، ۋاقتىلى تەرگەپ-تەكسەرىلۋى مەن ەسەپكە الىنۋىن باقىلاۋ

جازاتايىم وقيعالاردىڭ دۇرىس، ۋاقتىلى تەرگەپ-تەكسەرىلۋى مەن ەسەپكە الىنۋىن، سونداي-اق مۇنداي وقيعالاردى تۋىنداتقان سەبەپتەردى جويۋ جونىندەگى ءىس-شارالاردىڭ ورىندالۋىن باقىلاۋدى مەملەكەتتىك ەڭبەك ينسپەكتورلارى ءوز قۇزىرەتتەرى شەگىندە تەكسەرۋلەر جۇرگىزۋ، ازاماتتاردىڭ شاعىمدارىن، ارىزدارى مەن وتىنىشتەرىن قاراۋ جانە ۇيىمداردى تەكسەرۋ ارقىلى جۇزەگە اسىرادى. وندىرىستەگى جازاتايىم وقيعالاردى تەرگەپ-تەكسەرۋ، سونداي-اق مۇنداي وقيعالاردى تۋىنداتقان سەبەپتەردى جويۋ جونىندەگى ءىس-شارالاردىڭ ورىندالۋىن باقىلاۋ اياسىندا مەملەكەتتىك ەڭبەك ينسپەكتورلارى جۇرگىزەتىن تەكسەرۋلەر قازاقستان رەسپۋبليكاسىنىڭ مەملەكەتتىك قۇقىقتىق ستاتيستيكا مەن ارنايى ەسەپكە الۋ تۋرالى زاڭناماسىنا سايكەس تىركەۋگە جانە ەسەپكە الىنبايدى.

6-ءبولىم. قازاقستان رەسپۋبليكاسى ەڭبەك زاڭناماسىنىڭ ساقتالۋىن
باقىلاۋ
38-تاراۋ. مەملەكەتتىك باقىلاۋ

328-باپ. قازاقستان رەسپۋبليكاسىنىڭ ەڭبەك زاڭناماسى سالاسىنداعى مەملەكەتتىك باقىلاۋ

1. ۇيىمداردا قازاقستان رەسپۋبليكاسى ەڭبەك زاڭناماسىنىڭ ساقتالۋىن مەملەكەتتىك باقىلاۋدى مەملەكەتتىك ەڭبەك ينسپەكتورلارى جۇزەگە اسىرادى.

2. مەملەكەتتىك ەڭبەك ينسپەكتورلارىنا:

      1) قازاقستان رەسپۋبليكاسىنىڭ باس مەملەكەتتىك ەڭبەك ينسپەكتورى – ەڭبەك جونىندەگى ۋاكىلەتتى مەملەكەتتىك ورگاننىڭ لاۋازىمدى ادامى;

      2) باس مەملەكەتتىك ەڭبەك ينسپەكتورلارى – ەڭبەك جونىندەگى ۋاكىلەتتى مەملەكەتتىك ورگاننىڭ لاۋازىمدى ادامدارى;

      3) وبلىستىڭ، رەسپۋبليكالىق ماڭىزى بار قالانىڭ، استانانىڭ باس مەملەكەتتىك ەڭبەك ينسپەكتورى – وبلىستىڭ، رەسپۋبليكالىق ماڭىزى بار قالانىڭ، استانانىڭ ەڭبەك ينسپەكتسياسى جونىندەگى جەرگىلىكتى ورگانىنىڭ باسشىسى;

      4) مەملەكەتتىك ەڭبەك ينسپەكتورلارى – وبلىستىڭ، رەسپۋبليكالىق ماڭىزى بار قالانىڭ، استانانىڭ ەڭبەك ينسپەكتسياسى جونىندەگى جەرگىلىكتى ورگانىنىڭ لاۋازىمدى ادامدارى جاتادى.

      3. مەملەكەتتىك ەڭبەك ينسپەكتورلارى قىزمەتتىك مىندەتتەرىن اتقارۋ كەزىندە زاڭمەن قورعالادى جانە قازاقستان رەسپۋبليكاسىنىڭ كونستيتۋتسياسىن, قازاقستان رەسپۋبليكاسىنىڭ زاڭدارى مەن وزگە دە نورماتيۆتىك قۇقىقتىق اكتىلەرىن باسشىلىققا الادى.

4. مەملەكەتتىك ەڭبەك ينسپەكتورىنا قىزمەتتىك مىندەتتەرىن ورىنداۋعا كەدەرگى كەلتىرگەن تۇلعالار قازاقستان رەسپۋبليكاسىنىڭ زاڭدارىنا سايكەس جاۋاپتى بولادى.

5. الىپ تاستالدى - قر 29.12.2014 № 269-V (01.01.2015 باستاپ قولدانىسقا ەنگىزىلەدى) زاڭىمەن.

6. قازاقستان رەسپۋبليكاسىنىڭ ەڭبەك زاڭناماسى سالاسىنداعى مەملەكەتتiك باقىلاۋ تەكسەرۋ نىسانىندا جانە وزگە دە نىسانداردا جۇزەگە اسىرىلادى.

تەكسەرۋ "قازاقستان رەسپۋبليكاسىنداعى مەملەكەتتiك باقىلاۋ جانە قاداعالاۋ تۋرالى" قازاقستان رەسپۋبليكاسىنىڭ زاڭىنا سايكەس جۇزەگە اسىرىلادى.

مەملەكەتتiك باقىلاۋدىڭ وزگە دە نىساندارى وسى كودەكستە بەلگىلەنگەن تارتىپپەن جانە ەڭبەك جونىندەگى ۋاكىلەتتى مەملەكەتتىك ورگان مەن كاسىپكەرلىك جونىندەگى ۋاكىلەتتى ورگان بىرلەسىپ بەكىتەتىن كريتەريلەر نەگىزىندە جۇزەگە اسىرىلادى.

      ەسكەرتۋ. 328-باپقا وزگەرىستەر ەنگىزىلدى - قر 2007.12.19. N 9 (العاشقى رەسمي جاريالانعاننان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى), 2009.07.17. N 188-IV (قولدانىسقا ەنگىزىلۋ ءتارتىبىن 2-باپتان قاراڭىز), 2011.01.06 N 378-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى), 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى), 13.06.2013 № 102-V (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى); 27.06.2014 N 212-V (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi); 29.12.2014 № 269-V (01.01.2015 باستاپ قولدانىسقا ەنگىزىلەدى) زاڭدارىمەن.
328-1-باپ. باقىلاۋ سۋبەكتىسىنە بارۋ

      1. باقىلاۋ سۋبەكتىسىنە بارعان كەزدە جۇمىس بەرۋشىنى الدىن الا حاباردار ەتۋ جانە قۇقىقتىق ستاتيستيكا جانە ارنايى ەسەپكە الۋ جونىندەگى ۋاكىلەتتى ورگاندا تىركەۋ تالاپ ەتىلمەيدى.

      2. مەملەكەتتىك ەڭبەك ينسپەكتورى باقىلاۋ سۋبەكتىسىنە بارعان كەزدە:

      1) قىزمەتتىك كۋالىگىن;

2) قاجەت بولعان كەزدە قۇزىرەتتى ورگاننىڭ رەجيمدىك وبەكتىلەرگە بارۋعا ارنالعان رۇقساتىن;

3) دەنساۋلىق ساقتاۋ سالاسىنداعى ۋاكىلەتتى ورگان بەلگىلەگەن تارتىپپەن بەرىلگەن، وبەكتىلەرگە بارۋ ءۇشىن قاجەتتى بولاتىن مەديتسينالىق رۇقساتتى كورسەتۋگە مىندەتتى.

      3. باقىلاۋ سۋبەكتىلەرى مەملەكەتتىك ەڭبەك ينسپەكتورى بارعان كەزىندە:

      1) مەملەكەتتىك ەڭبەك ينسپەكتورىنىڭ باراتىن باقىلاۋ سۋبەكتىسىنىڭ اۋماعىنا جانە ءۇي-جايىنا كەدەرگىسىز كىرۋىن قامتاماسىز ەتۋگە;

2) كوممەرتسيالىق، سالىقتىق نە وزگە دە قۇپيانى قورعاۋ جونىندەگى تالاپتاردى ساقتاي وتىرىپ، بارۋدىڭ مىندەتتەرى مەن نىساناسىنا سايكەس بولۋ ناتيجەلەرى تۋرالى اكتىگە قوسا بەرۋ ءۇشىن قاعاز جانە ەلەكتروندىق جەتكىزگىشتەردەگى قۇجاتتاردى (مالىمەتتەردى) نە ولاردىڭ كوشىرمەلەرىن بەرۋگە;

3) بولۋ ناتيجەلەرى تۋرالى اكتىنىڭ ەكىنشى داناسىنا العانى تۋرالى بەلگى سوعۋعا;

4) وبەكتىدە بولۋ ءۇشىن كەلگەن ادامداردىڭ وسى وبەكت ءۇشىن بەلگىلەنگەن نورماتيۆتەرگە سايكەس اسەر ەتۋدىڭ زياندى جانە قاۋىپتى وندىرىستىك فاكتورلارىنان قاۋىپسىزدىگىن قامتاماسىز ەتۋگە مىندەتتى.

      4. مەملەكەتتىك ەڭبەك ينسپەكتورىنىڭ كىرۋىنە كەدەرگى كەلتىرىلگەن جاعدايدا، بولۋدى جۇزەگە اسىراتىن مەملەكەتتىك ەڭبەك ينسپەكتورى جانە باقىلاۋ سۋبەكتىسىنىڭ ۋاكىلەتتى ادامى قول قوياتىن حاتتاما جاسالادى.

      5. بولۋ ىشكى ەڭبەك تارتىپتەمەسىنىڭ قاعيدالارىندا بەلگىلەنگەن باقىلاۋ سۋبەكتىسىنىڭ جۇمىس ۋاقىتىندا جۇزەگە اسىرىلادى.

      6. باقىلاۋ سۋبەكتىسىندە بولۋ مەرزىمى ءبىر كۇننەن اسپاۋعا ءتيىس.

      7. باقىلاۋ سۋبەكتىسىندە بولۋ ناتيجەلەرى بويىنشا مەملەكەتتىك ەڭبەك ينسپەكتورى اكىمشىلىك قۇقىق بۇزۋشىلىق تۋرالى ءىس قوزعاماستان، بىراق باقىلاۋ سۋبەكتىسىنە بولۋ ناتيجەسىندە انىقتالعان بۇزۋشىلىقتاردى جويۋ ءتارتىبىن مىندەتتى تۇردە تۇسىندىرە وتىرىپ، بولۋ ناتيجەلەرى تۋرالى ەكى دانادا اكت جاسايدى.

      بولۋ ناتيجەلەرى تۋرالى اكتىدە:

1) اكتىنىڭ جاسالعان كۇنى، ۋاقىتى جانە ورنى;

2) باقىلاۋ ورگانىنىڭ اتاۋى;

3) بولۋدى جۇرگىزگەن مەملەكەتتىك ەڭبەك ينسپەكتورىنىڭ تەگى، اتى، اكەسىنىڭ اتى (ول بولعان كەزدە);

4) باراتىن باقىلاۋ سۋبەكتىسىنىڭ اتاۋى نەمەسە تەگى، اتى، اكەسىنىڭ اتى (ول بولعان كەزدە), بولعان كەزدە قاتىسقان جەكە نەمەسە زاڭدى تۇلعا وكىلىنىڭ لاۋازىمى;

5) بولۋ كۇنى، ورنى جانە كەزەڭى;

6) بولۋ ناتيجەلەرى تۋرالى، ونىڭ ىشىندە انىقتالعان بۇزۋشىلىقتار تۋرالى، ولاردىڭ سيپاتى تۋرالى مالىمەتتەر;

7) باراتىن باقىلاۋ سۋبەكتىسى وكىلىنىڭ، سونداي-اق بولۋ كەزىندە قاتىسقان ادامداردىڭ اكتىمەن تانىسۋى تۋرالى نەمەسە تانىسۋدان باس تارتۋى تۋرالى مالىمەتتەر، ولاردىڭ قولدارى نەمەسە قول قويۋدان باس تارتۋى;

8) بولۋدى جۇرگىزگەن مەملەكەتتىك ەڭبەك ينسپەكتورىنىڭ قولى كورسەتىلەدى.

      8. بولۋ ناتيجەلەرى بويىنشا ەسكەرتپەلەر جانە (نەمەسە) قارسىلىقتار بولعان جاعدايدا، جەكە تۇلعا نەمەسە زاڭدى تۇلعانىڭ باسشىسى نە ولاردىڭ وكىلدەرى ولاردى جازباشا تۇردە بەرەدى.

      ەسكەرتپەلەر جانە (نەمەسە) قارسىلىقتار بولۋ ناتيجەلەرى تۋرالى اكتىگە قوسا بەرىلەدى، بۇل جونىندە ءتيىستى بەلگى سوعىلادى.

      9. بولۋ ناتيجەلەرى تۋرالى اكتىنىڭ ءبىر داناسى تانىسۋ جانە انىقتالعان بۇزۋشىلىقتاردى جويۋ جونىندە شارالار قولدانۋ جانە باسقا دا ارەكەتتەر جاساۋ ءۇشىن جەكە تۇلعاعا نەمەسە زاڭدى تۇلعانىڭ باسشىسىنا نە ولاردىڭ وكىلدەرىنە تاپسىرىلادى.

      10. بولۋ ناتيجەسىندە انىقتالعان بۇزۋشىلىقتار بويىنشا باقىلاۋ سۋبەكتىسى قارسىلىقتار بولماعان كەزدە، بولۋ ناتيجەلەرى تۋرالى اكتىنى العان كەزدەن باستاپ ون جۇمىس كۇنىنەن كەشىكتىرمەي، انىقتالعان بۇزۋشىلىقتاردى جويۋ جونىندە قولدانىلعان شارالار تۋرالى اقپارات بەرۋگە مىندەتتى.

      11. مەملەكەتتىك ەڭبەك ينسپەكتورلارى تەكسەرىلەتىن سۋبەكتىلەرگە بارۋ مەن تەكسەرۋدى ەسەپكە الۋ كىتابىندا تەگىن، لاۋازىمىن جانە اكتىدە جازىلعان دەرەكتەردى كورسەتە وتىرىپ، جۇرگىزىلەتىن ارەكەتتەر تۋرالى جازبا جاساۋعا مىندەتتى.

      12. بولۋ كەزىندە قازاقستان رەسپۋبليكاسىنىڭ زاڭناماسىندا بەلگىلەنگەن تالاپتاردى بۇزۋشىلىقتار بولماعان جاعدايدا، بولۋ ناتيجەلەرى تۋرالى اكتىدە ءتيىستى جازبا جاسالادى.

      ەسكەرتۋ. 38-تاراۋ 328-1-باپپەن تولىقتىرىلدى - قر 27.06.2014 N 212-V زاڭىمەن (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi).
328-2-باپ. ۆەدومستۆولىق ەسەپكە الۋ

      1. الىپ تاستالدى - قر 29.12.2014 № 269-V (01.01.2015 باستاپ قولدانىسقا ەنگىزىلەدى) زاڭىمەن.

      2. ەڭبەك جونىندەگى مەملەكەتتىك ينسپەكتسيا تۇراقتى جانە ۇزدىكسىز نەگىزدە باقىلاۋ سۋبەكتىلەرىنە بارۋدىڭ سانى مەن قولدانىلعان شارالاردىڭ ۆەدومستۆولىق ەسەپكە الىنۋىن جۇرگىزۋگە مىندەتتى.

      باقىلاۋ سۋبەكتىلەرىنە بارۋدىڭ ۆەدومستۆولىق ەسەپتىلىگىنىڭ جيىنتىق دەرەكتەرى ەڭبەك جونىندەگى مەملەكەتتىك ينسپەكتسيانىڭ ينتەرنەت-رەسۋرسىندا ورنالاستىرىلادى.

      ەسكەرتۋ. 38-تاراۋ 328-2-باپپەن تولىقتىرىلدى - قر 27.06.2014 N 212-V (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi); وزگەرىس ەنگىزىلدى - قر 29.12.2014 № 269-V (01.01.2015 باستاپ قولدانىسقا ەنگىزىلەدى) زاڭدارىمەن.
329-باپ. مەملەكەتتىك ەڭبەك ينسپەكتسياسى قىزمەتىنىڭ پرينتسيپتەرى مەن نەگىزگى مىندەتتەرى

مەملەكەتتىك ەڭبەك ينسپەكتسياسىنىڭ قىزمەتى قىزمەتكەرلەردىڭ قۇقىقتارى مەن بوستاندىقتارىن سىيلاۋ، ساقتاۋ جانە قورعاۋ، زاڭدىلىق، ادىلدىك، تاۋەلسىزدىك جانە جاريالىلىق پرينتسيپتەرى نەگىزىندە جۇزەگە اسىرىلادى.

مەملەكەتتىك ەڭبەك ينسپەكتسياسىنىڭ نەگىزگى مىندەتتەرى:

ۇيىمداردا قازاقستان رەسپۋبليكاسى ەڭبەك زاڭناماسىنىڭ ساقتالۋىن مەملەكەتتىك باقىلاۋدى قامتاماسىز ەتۋ;

قاۋىپسىز ەڭبەك جاعدايلارىنا قۇقىقتى قوسا العاندا، قىزمەتكەرلەردىڭ قۇقىقتارى مەن بوستاندىقتارىن ساقتاۋدى جانە قورعاۋدى قامتاماسىز ەتۋ;

قازاقستان رەسپۋبليكاسى ەڭبەك زاڭناماسىنىڭ ماسەلەلەرى بويىنشا قىزمەتكەرلەر مەن جۇمىس بەرۋشىلەردىڭ وتىنىشتەرىن، ارىزدارىن جانە شاعىمدارىن قاراۋ بولىپ تابىلادى.

330-باپ. مەملەكەتتىك ەڭبەك ينسپەكتورلارىنىڭ قۇقىقتارى

قازاقستان رەسپۋبليكاسى ەڭبەك زاڭناماسىنىڭ ساقتالۋىن مەملەكەتتىك باقىلاۋدى جۇزەگە اسىرۋ كەزىندە مەملەكەتتىك ەڭبەك ينسپەكتورلارىنىڭ:

1) ەڭبەك زاڭناماسىنىڭ ساقتالۋىنا تەكسەرۋ جۇرگىزۋ ماقساتىندا ۇيىمدار مەن كاسىپورىنداردا كەدەرگىسىز بولۋعا;

2) جۇمىس بەرۋشىلەردەن وزدەرىنە جۇكتەلگەن فۋنكتسيالاردى ورىنداۋعا قاجەتتى قۇجاتتاردى، تۇسىنىكتەمەلەردى، اقپاراتتى سۇراتۋعا جانە الۋعا;

3) جۇمىس بەرۋشىلەر ورىنداۋعا مىندەتتى نۇسقامالار، قورىتىندىلار بەرۋگە، سونداي-اق اكىمشىلىك قۇقىق بۇزۋشىلىقتار تۋرالى حاتتامالار مەن قاۋلىلار تولتىرۋعا، اكىمشىلىك جازالار قولدانۋعا;

4) ءوز قۇزىرەتىنە كىرەتىن ماسەلەلەر بويىنشا تۇسىنىكتەمەلەر بەرۋگە;

5) ۇيىمداردىڭ، جەكەلەگەن وندىرىستەردىڭ، تسەحتاردىڭ، ۋچاسكەلەردىڭ، جۇمىس ورىندارىنىڭ قىزمەتى جانە جابدىقتاردىڭ، تەتىكتەردىڭ پايدالانىلۋى ەڭبەك قاۋىپسىزدىگى جانە ەڭبەكتى قورعاۋ تۋرالى نورماتيۆتىك قۇقىقتىق اكتىلەردىڭ تالاپتارىنا ساي كەلمەيتىنى انىقتالعان جاعدايدا، ولاردى ءۇش كۇننەن اسپايتىن مەرزىمگە، كورسەتىلگەن مەرزىم ىشىندە مىندەتتى تۇردە سوتقا تالاپ-ارىز بەرە وتىرىپ، توقتاتا تۇرۋعا (تىيىم سالۋعا);

6) جۇمىس ورىندارىندا بەلگىلەنگەن تالاپتارعا ساي كەلمەيتىن ارناۋلى كيىمنىڭ، ارناۋلى اياق كيىمنىڭ جانە باسقا دا جەكە جانە ۇجىمدىق قورعانۋ قۇرالدارىنىڭ بەرىلۋى مەن پايدالانىلۋىنا تىيىم سالۋعا;

7) جۇمىس بەرۋشىگە (ونىڭ وكىلىنە) حابارلاي وتىرىپ جانە ءتيىستى اكت جاساۋ ارقىلى ارناۋلى كيىم ۇلگىلەرىن، پايدالانىلاتىن نەمەسە وڭدەلەتىن ماتەريالدار مەن زاتتاردى تالداۋ جاساۋ ءۇشىن الۋعا;

8) وندىرىستەگى جازاتايىم وقيعالاردى بەلگىلەنگەن تارتىپپەن تەرگەپ-تەكسەرۋگە;

9) ەڭبەك قاۋىپسىزدىگى جانە ەڭبەكتى قورعاۋ ماسەلەلەرى بويىنشا وقۋدان، نۇسقاۋ بەرۋدەن، ءبىلىمىن تەكسەرۋدەن وتپەگەن قىزمەتكەرلەردى جۇمىستان شەتتەتۋ ءۇشىن جۇمىس بەرۋشىلەر ورىنداۋعا مىندەتتى نۇسقامالار بەرۋگە;

10) قازاقستان رەسپۋبليكاسىنىڭ ەڭبەك زاڭناماسىن بۇزۋ، مەملەكەتتىك ەڭبەك ينسپەكتورلارىنىڭ اكتىلەرىن جۇمىس بەرۋشىلەردىڭ ورىنداماۋى فاكتىلەرى بويىنشا ءتيىستى قۇقىق قورعاۋ ورگاندارىنا جانە سوتتارعا اقپارات، تالاپ قويۋ جانە وزگە دە ماتەريالدار جىبەرۋگە;

11) ەڭبەك قاۋىپسىزدىگى جانە ەڭبەكتى قورعاۋ جونىندەگى ءبىلىمدى تەكسەرۋگە قاتىسۋعا;

12) شەتەلدىك جۇمىس كۇشىن تارتۋعا رۇقسات بەرۋ كەزىندە بەلگىلەنەتىن ايرىقشا تالاپتاردىڭ ورىندالۋىنا تەكسەرۋ جۇرگىزۋگە;

13) جۇمىس بەرۋشىنىڭ ەڭبەك قاۋىپسىزدىگى جانە ەڭبەكتى قورعاۋ بويىنشا ىشكى باقىلاۋ جۇرگىزۋىنىڭ تولىقتىعى مەن دايەكتىلىگىن باقىلاۋدى جۇزەگە اسىرۋعا;

14) قازاقستان رەسپۋبليكاسىنىڭ زاڭناماسىندا كوزدەلگەن وزگە دە قۇقىقتاردى جۇزەگە اسىرۋعا قۇقىعى بار.

      ەسكەرتۋ. 330-باپقا وزگەرىس ەنگىزىلدى - قر 2011.07.05 N 452-IV (2011.10.13 باستاپ قولدانىسقا ەنگىزىلەدى) زاڭىمەن.
331-باپ. مەملەكەتتىك ەڭبەك ينسپەكتورلارىنىڭ مىندەتتەرى

مەملەكەتتىك ەڭبەك ينسپەكتورلارى:

1) قازاقستان رەسپۋبليكاسى ەڭبەك زاڭناماسىنىڭ ساقتالۋىن باقىلاۋدى جۇزەگە اسىرۋعا;

2) قازاقستان رەسپۋبليكاسى ەڭبەك زاڭناماسىنىڭ ورىندالۋىن تەكسەرۋدى ۋاقتىلى جانە ساپالى جۇرگىزۋگە;

3) انىقتالعان ەڭبەك زاڭناماسىن بۇزۋشىلىقتاردى جويۋ جونىندەگى شارالاردى قابىلداۋ ماقساتىندا وسىنداي بۇزۋشىلىقتار تۋرالى جۇمىس بەرۋشىلەردى (ولاردىڭ وكىلدەرىن) حاباردار ەتۋگە، كىنالى تۇلعالاردى جاۋاپقا تارتۋ جونىندە ۇسىنۋلار ەنگىزۋگە;

4) قازاقستان رەسپۋبليكاسىنىڭ ەڭبەك زاڭناماسىن قولدانۋ ماسەلەلەرى بويىنشا قىزمەتكەرلەر مەن جۇمىس بەرۋشىلەردىڭ وتىنىشتەرىن ۋاقتىلى قاراۋعا;

5) ەڭبەك زاڭناماسىنىڭ بۇزىلۋىنا اكەپ سوعاتىن سەبەپتەر مەن ءمان-جايلاردى انىقتاۋعا، ولاردى جويۋ جانە بۇزىلعان ەڭبەك قۇقىقتارىن قالپىنا كەلتىرۋ جونىندە ۇسىنىمدار بەرۋگە;

6) وندىرىستەگى جازاتايىم وقيعالاردى جانە كاسىپتىك اۋرۋلاردى تەرگەپ-تەكسەرۋگە قاتىسۋعا;

7) ەڭبەك زاڭناماسىنىڭ بۇزىلۋ سەبەپتەرىن جيناۋدى، تالداۋدى، قورىتۋدى جۇزەگە اسىرۋعا، قازاقستان رەسپۋبليكاسىنىڭ ەڭبەك زاڭناماسى بۇزىلۋىنىڭ الدىن الۋ جونىندەگى جۇمىستى كۇشەيتۋگە باعىتتالعان ءىس-شارالاردى ازىرلەۋ مەن قابىلداۋعا قاتىسۋعا;

8) مەملەكەتتىك قۇپيانى، ەڭبەك مىندەتتەرىن ورىنداۋعا بايلانىستى وزىنە ءمالىم بولعان قىزمەتتىك، كوممەرتسيالىق نەمەسە زاڭمەن قورعالاتىن وزگە دە قۇپيانى قۇرايتىن مالىمەتتەردى جاريا ەتپەۋگە;

9) قازاقستان رەسپۋبليكاسىنىڭ ەڭبەك زاڭناماسىن قولدانۋ ماسەلەلەرى بويىنشا ءتۇسىندىرۋ جۇمىسىن جۇرگىزۋگە;

10) ەڭبەك قاۋىپسىزدىگى جانە ەڭبەكتى قورعاۋ سالاسىنداعى باقىلاۋدى جۇزەگە اسىرۋ كەزىندە ازاماتتارمەن جانە قىزمەتكەرلەردىڭ وكىلدەرىمەن ءوزارا ءىس-قيمىل جاساسۋعا مىندەتتى.

332-باپ. جۇمىس بەرۋشىنىڭ مەملەكەتتىك ەڭبەك ينسپەكتورى باقىلاۋ جۇرگىزگەن كەزدەگى قۇقىقتارى مەن مىندەتتەرى

1. جۇمىس بەرۋشى قازاقستان رەسپۋبليكاسى ەڭبەك زاڭناماسىنىڭ ساقتالۋىنا مەملەكەتتىك باقىلاۋدى جۇرگىزۋ كەزىندە:

1) جۇرگىزىلگەن تەكسەرۋ اكتىلەرى بويىنشا مەملەكەتتىك ەڭبەك ينسپەكتورىنا تۇسىنىكتەمەلەر بەرۋگە;

2) ەگەر جۇرگىزىلەتىن تەكسەرۋ نىساناسىنا قاتىسى بولماسا، مالىمەتتەر مەن قۇجاتتاردى بەرمەۋگە;

3) تەكسەرۋ ناتيجەلەرى تۋرالى اكتىگە جانە مەملەكەتتىك ەڭبەك ينسپەكتورىنىڭ ءىس-ارەكەتتەرىنە (ارەكەتسىزدىگىنە) قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن شاعىمدانۋعا قۇقىلى.

2. جۇمىس بەرۋشى قازاقستان رەسپۋبليكاسى ەڭبەك زاڭناماسىنىڭ ساقتالۋىنا مەملەكەتتىك باقىلاۋدى جۇرگىزۋ كەزىندە:

1) مەملەكەتتىك ەڭبەك ينسپەكتورىنىڭ تەكسەرىلەتىن وبەكت اۋماعىنا جانە ءۇي-جايلارىنا كەدەرگىسىز كىرۋىن (بولۋىن) قامتاماسىز ەتۋگە;

2) تەكسەرۋ جۇرگىزەتىن مەملەكەتتىك ەڭبەك ينسپەكتورىنا جانە ۇيىم قىزمەتكەرلەرىنىڭ وكىلدەرىنە تەكسەرۋ ناتيجەلەرى تۋرالى اكتىگە قوسا تىركەۋ ءۇشىن قاعازداعى جانە ەلەكتروندىق تاسىعىشتارداعى قۇجاتتاردى (مالىمەتتەردى) نە ولاردىڭ كوشىرمەلەرىن بەرۋگە، سونداي-اق تەكسەرۋدىڭ مىندەتتەرى مەن نىساناسىنا سايكەس اۆتوماتتاندىرىلعان دەرەكتەر بازاسىنا (اقپاراتتىق جۇيەلەرگە) قول جەتكىزۋىنە مۇمكىندىك جاساۋعا;

3) مەملەكەتتىك ەڭبەك ينسپەكتورىنىڭ اكتىلەرىن ورىنداۋ ءۇشىن قابىلداۋعا جانە اكتىنىڭ ەكىنشى داناسىنا ونى العانى تۋرالى ءتيىستى بەلگى جاساۋعا;

4) ءتيىستى مەرزىمدەردە مەملەكەتتىك ەڭبەك ينسپەكتورىنىڭ اكتىلەرىن ورىنداۋ جونىندە اقپارات بەرۋگە مىندەتتى.

333-باپ. مەملەكەتتىك ەڭبەك ينسپەكتورىنىڭ اكتىلەرى

1. قازاقستان رەسپۋبليكاسى ەڭبەك زاڭناماسىن بۇزۋشىلىقتاردىڭ انىقتالۋىنا قاراي مەملەكەتتىك ەڭبەك ينسپەكتورى مىناداي اكتىلەر:

1) نۇسقاما:

قازاقستان رەسپۋبليكاسى ەڭبەك زاڭناماسىنىڭ تالاپتارىن بۇزۋشىلىقتاردى جويۋ تۋرالى;

جاراقاتتانۋ قاۋپى بار جانە اۆاريالىق جاعدايلاردىڭ تۋىنداۋىن بولعىزباۋ ءۇشىن وندىرىستىك وبەكتىلەر مەن جابدىقتارداعى، سونداي-اق وندىرىستىك پروتسەستەردەگى ەڭبەك قاۋىپسىزدىگى جانە ەڭبەكتى قورعاۋ جونىندەگى الدىن الۋ جۇمىستارىن جۇرگىزۋ تۋرالى;

جەكەلەگەن وندىرىستەردىڭ، تسەحتاردىڭ، ۋچاسكەلەردىڭ، جۇمىس ورىندارى مەن جابدىقتاردىڭ پايدالانىلۋىنا جانە تۇتاس العاندا ۇيىم قىزمەتىنە تىيىم سالۋ (ونى توقتاتا تۇرۋ) تۋرالى نۇسقاما شىعارادى (جاسايدى). بۇل رەتتە ۇيىم قىزمەتىنە تىيىم سالۋ (ونى توقتاتا تۇرۋ) تۋرالى اكت سوت شەشىمى شىعارىلعانعا دەيىن قولدانىلادى;

2) اكىمشىلىك قۇقىق بۇزۋشىلىق تۋرالى حاتتاما;

3) اكىمشىلىك قۇقىق بۇزۋشىلىق تۋرالى ءىس بويىنشا ءىس جۇرگىزۋدى توقتاتۋ تۋرالى قاۋلى;

4) اكىمشىلىك قۇقىق بۇزۋشىلىق تۋرالى ءىس بويىنشا قاۋلى شىعارادى.

2. مەملەكەتتىك ەڭبەك ينسپەكتورىنىڭ اكتىلەرى جۇمىس بەرۋشىلەر مەن لاۋازىمدى ادامداردىڭ قازاقستان رەسپۋبليكاسى ەڭبەك زاڭناماسىنىڭ تالاپتارىن بۇزۋشىلىقتارىنا ىقپال ەتۋدىڭ قۇقىقتىق شارالارى بولىپ تابىلادى. اكتىلەر ەكى دانا ەتىپ جاسالادى، ونىڭ بىرەۋى قولى قويعىزىلىپ، جۇمىس بەرۋشىگە تاپسىرىلادى.

3. لاۋازىمدى ادامدار، جەكە جانە زاڭدى تۇلعالار مەملەكەتتىك ەڭبەك ينسپەكتورىنىڭ اكتىلەرىن ورىنداۋعا مىندەتتى.

4. مەملەكەتتىك ەڭبەك ينسپەكتورى اكتىلەرىنىڭ نىسانىن ەڭبەك جونىندەگى ۋاكىلەتتى مەملەكەتتىك ورگان بەكىتەدى.

      ەسكەرتۋ. 333-باپقا وزگەرتۋ ەنگىزىلدى - قر 2009.07.17. N 188-IV (قولدانىسقا ەنگىزىلۋ ءتارتىبىن 2-باپتان قاراڭىز) زاڭىمەن.
334-باپ. قازاقستان رەسپۋبليكاسى ەڭبەك زاڭناماسىنىڭ ساقتالۋىن تەكسەرۋ، ولاردىڭ تۇرلەرى، نىساندارى مەن مەرزىمدەرى

      ەسكەرتۋ. 334-باپ الىپ تاستالدى - قر 2009.07.17. N 188-IV (قولدانىسقا ەنگىزىلۋ ءتارتىبىن 2-باپتان قاراڭىز) زاڭىمەن.

335-باپ. مەملەكەتتىك باقىلاۋدى جۇزەگە اسىراتىن مەملەكەتتىك ەڭبەك ينسپەكتورىنىڭ شەشىمدەرىنە، ارەكەتتەرىنە (ارەكەتسىزدىكتەرىنە) شاعىمدانۋ ءتارتىبى

1. مەملەكەتتىك باقىلاۋدى جۇزەگە اسىرۋ كەزىندە جۇمىس بەرۋشىنىڭ قۇقىقتارى مەن زاڭدى مۇددەلەرى بۇزىلعان جاعدايدا، جۇمىس بەرۋشى مەملەكەتتىك ەڭبەك ينسپەكتورىنىڭ ارەكەتتەرىنە (ارەكەتسىزدىگىنە) قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن ەڭبەك

جونىندەگى ۋاكىلەتتى مەملەكەتتىك ورگانعا، جوعارى تۇرعان مەملەكەتتىك ينسپەكتورعا جانە (نەمەسە) سوتقا شاعىمدانۋعا قۇقىلى.

2. قازاقستان رەسپۋبليكاسىنىڭ باس مەملەكەتتىك ەڭبەك ينسپەكتورى نەمەسە وبلىستىڭ، رەسپۋبليكالىق ماڭىزى بار قالانىڭ، استانانىڭ باس مەملەكەتتىك ەڭبەك ينسپەكتورى تومەن تۇرعان مەملەكەتتىك ەڭبەك ينسپەكتورىنىڭ ارەكەتتەرىنە (ارەكەتسىزدىگىنە) نەمەسە اكتىلەرىنە جەكە جانە (نەمەسە) زاڭدى تۇلعالاردىڭ ارىزى (شاعىمى) بويىنشا شەشىم شىققانعا دەيىن ونىڭ اكتىلەرىنىڭ ورىندالۋىن توقتاتا تۇرۋعا، كۇشىن جويۋعا نە ولاردى كەرى قايتارۋعا قۇقىلى.

      ەسكەرتۋ. 335-باپقا وزگەرىس ەنگىزىلدى - قر 13.06.2013 № 102-V (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭدارىمەن.
336-باپ. مەملەكەتتىك ەڭبەك ينسپەكتسياسىنىڭ باسقا مەملەكەتتىك ورگاندارمەن جانە ۇيىمدارمەن ءوزارا ءىس-قيمىل جاساسۋى

1. مەملەكەتتىك ەڭبەك ينسپەكتسياسى ءوز قىزمەتىن باسقا مەملەكەتتىك قاداعالاۋ جانە باقىلاۋ ورگاندارىمەن، قىزمەتكەرلەردىڭ وكىلدەرىمەن، قوعامدىق بىرلەستىكتەرمەن، باسقا دا ۇيىمدارمەن ءوزارا ءىس-قيمىل جاساسا وتىرىپ جۇزەگە اسىرادى.

2. مەملەكەتتىك ورگاندار مەملەكەتتىك ەڭبەك ينسپەكتورىنا قازاقستان رەسپۋبليكاسى ەڭبەك زاڭناماسىنىڭ ورىندالۋىن باقىلاۋدى جۇزەگە اسىرۋ جونىندەگى مىندەتتەرىن اتقارۋىنا جاردەمدەسۋگە مىندەتتى.

337-باپ. مەملەكەتتىك ەڭبەك ينسپەكتورىنىڭ مەملەكەتتىك باقىلاۋدى جۇزەگە اسىرۋ كەزىندەگى جاۋاپكەرشىلىگى

مەملەكەتتىك ەڭبەك ينسپەكتورى مەملەكەتتىك باقىلاۋدى جۇزەگە اسىرۋ كەزىندە ءوز قىزمەتتىك مىندەتتەرىن ورىنداماعان نەمەسە تيىسىنشە ورىنداماعان، سونداي-اق وزگە دە زاڭعا قايشى ارەكەتتەر (ارەكەتسىزدىكتەر) جاساعان جاعدايدا قازاقستان رەسپۋبليكاسىنىڭ زاڭدارىنا سايكەس جاۋاپتى بولادى.

39-تاراۋ. ەڭبەك قاۋىپسىزدىگى جانە ەڭبەكتى قورعاۋ جونىندەگى
ىشكى باقىلاۋ

338-باپ. ەڭبەك قاۋىپسىزدىگى جانە ەڭبەكتى قورعاۋ جونىندەگى ىشكى باقىلاۋ

1. ىشكى باقىلاۋ ەڭبەكتى قورعاۋدى باسقارۋ جۇيەسىن قۇرۋدى جانە ەنگىزۋدى، ەڭبەك جاعدايلارىنىڭ جاي-كۇيىن قاداعالاۋدى ۇيىمداستىرۋدى، وندىرىستىك باقىلاۋدىڭ دەرەكتەرىنە جەدەل تالداۋ جۇرگىزۋدى، تاۋەكەلدەردى باعالاۋدى جانە ەڭبەك قاۋىپسىزدىگى جانە ەڭبەكتى قورعاۋ جونىندەگى انىقتالعان سايكەسسىزدىكتەردى جويۋ جونىندە شارالار قابىلداۋدى قامتيدى.

2. جۇمىس بەرۋشى جۇمىس ورىندارىندا ەڭبەك قاۋىپسىزدىگى جانە ەڭبەكتى قورعاۋ جونىندەگى بەلگىلەنگەن تالاپتاردى ساقتاۋ جانە انىقتالعان بۇزۋشىلىقتاردى جويۋ بويىنشا جەدەل شارالار قابىلداۋ ماقساتىندا ەڭبەك قاۋىپسىزدىگى جانە ەڭبەكتى قورعاۋ جونىندەگى ىشكى باقىلاۋدى جۇزەگە اسىرادى.

      ەسكەرتۋ. 338-باپقا وزگەرىس ەنگىزىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
339-باپ. ەڭبەك قاۋىپسىزدىگى جانە ەڭبەكتى قورعاۋ جونىندەگى ىشكى باقىلاۋدى جۇزەگە اسىرۋ تەتىگى

1. قىزمەتكەرلەرىنىڭ سانى ەلۋدەن اساتىن وندىرىستىك قىزمەتتى جۇزەگە اسىراتىن ۇيىمداردا ەڭبەك قاۋىپسىزدىگى مەن ەڭبەكتى قورعاۋ تالاپتارىن ساقتاۋ ءۇشىن ىشكى باقىلاۋدى جۇزەگە اسىرۋ ماقساتىندا جۇمىس بەرۋشى ۇيىمنىڭ تىكەلەي ءبىرىنشى باسشىسىنا نەمەسە ول ۋاكىلەتتىك بەرگەن ادامعا باعىناتىن ەڭبەك قاۋىپسىزدىگى جانە ەڭبەكتى قورعاۋ قىزمەتىن قۇرادى.

      2. ۇيىمداعى ەڭبەك قاۋىپسىزدىگى مەن ەڭبەكتى قورعاۋ قىزمەتى تۋرالى ۇلگى ەرەجەنى ەڭبەك جونىندەگى ۋاكىلەتتى مەملەكەتتىك ورگان ازىرلەيدى.

      3. قىزمەتكەرلەرىنىڭ سانى ەلۋگە جەتپەيتىن جۇمىس بەرۋشى قىزمەت ەرەكشەلىگىن ەسكەرە وتىرىپ، ەڭبەك قاۋىپسىزدىگى مەن ەڭبەكتى قورعاۋ جونىندەگى مامان لاۋازىمىن ەنگىزەدى نە ەڭبەك قاۋىپسىزدىگى مەن ەڭبەكتى قورعاۋدى قامتاماسىز ەتۋ جونىندەگى مىندەتتى باسقا مامانعا جۇكتەيدى.

      4. ەڭبەك قاۋىپسىزدىگى مەن ەڭبەكتى قورعاۋ قىزمەتى نەمەسە وسى باپتىڭ 3-تارماعىندا كورسەتىلگەن مامان:

      1) وندىرىستىك، تۇرمىستىق جانە باسقا دا ءۇي-جايلارعا كەدەرگىسىز كىرۋگە جانە قاراۋعا;

      2) قاۋىپسىز جانە سالاۋاتتى ەڭبەك جاعدايلارىن جاساۋ، ۇيىمداردىڭ قۇرىلىمدىق بولىمشەلەرىندە وندىرىستىك جاراقاتتانۋ مەن كاسىپتىك اۋرۋلاردى بولدىرماۋ جونىندەگى الدىن الۋ ءىس-شارالارىنىڭ ازىرلەنۋىن جانە ورىندالۋىن باقىلاۋدى جۇزەگە اسىرۋعا;

      3) ۇيىمنىڭ قۇرىلىمدىق بولىمشەلەرىنىڭ قىزمەتكەرلەرىنە انىقتالعان ەڭبەك قاۋىپسىزدىگى مەن ەڭبەكتى قورعاۋ تالاپتارىن بۇزۋشىلىقتاردى جويۋ جونىندە شارا قولدانۋ تۋرالى ورىندالۋى مىندەتتى نۇسقاۋلار بەرۋگە قۇقىلى.

      5. ەڭبەك قاۋىپسىزدىگى مەن ەڭبەكتى قورعاۋ قىزمەتى نەمەسە وسى باپتىڭ 3-تارماعىندا كورسەتىلگەن مامان:

      1) اي سايىن ۇيىمداردا وندىرىستىك جاراقاتتانۋ مەن كاسىپتىك اۋرۋلاردىڭ جاي-كۇيى مەن سەبەپتەرىن تالداۋدى جۇرگىزۋگە جانە ولاردىڭ الدىن-الۋ ءىس-شارالارىن ازىرلەۋگە;

      2) ەڭبەك قاۋىپسىزدىگى مەن ەڭبەكتى قورعاۋ ماسەلەلەرى بويىنشا ۇيىمنىڭ قىزمەتكەرلەرىن وقىتۋدى، ولاردىڭ بىلىمدەرىن تەكسەرۋدى ۇيىمداستىرۋعا;

      3) ۇيىمداردا وندىرىستەگى جازاتايىم وقيعالاردى زەرتتەپ تەكسەرۋ ءتارتىبىنىڭ ساقتالۋىن قامتاماسىز ەتۋگە مىندەتتى.

      ەسكەرتۋ. 339-باپ جاڭا رەداكتسيادا - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.
339-1-باپ. ۇيىمدارداعى ەڭبەك قاۋىپسىزدىگى مەن ەڭبەكتى قورعاۋ جونىندەگى كوميتەت (كوميسسيا)

      1. جۇمىس بەرۋشىنىڭ جانە (نەمەسە) قىزمەتكەردىڭ نە ولاردىڭ وكىلدەرىنىڭ باستاماسى بويىنشا ەڭبەك قاۋىپسىزدىگى جانە ەڭبەكتى قورعاۋ جونىندەگى كوميتەت (كوميسسيا) قۇرىلادى. ونىڭ قۇرامىنا جۇمىس بەرۋشىنىڭ وكىلدەرى، كاسىپوداق ۇيىمىنىڭ وكىلدەرى نەمەسە قىزمەتكەرلەردىڭ ۋاكىلەتتى وكىلدەرى تەڭ قۇقىلى نەگىزدە كىرەدى.

      2. ەڭبەك قاۋىپسىزدىگى جانە ەڭبەكتى قورعاۋ جونىندەگى كوميتەت (كوميسسيا) جۇمىس بەرۋشى مەن قىزمەتكەرلەردىڭ ەڭبەكتى قورعاۋ تالاپتارىن قامتاماسىز ەتۋ، وندىرىستىك جاراقاتتانۋ مەن كاسىپتىك اۋرۋلاردىڭ الدىن الۋ جونىندەگى بىرلەسكەن ءىس-قيمىلىن ۇيىمداستىرادى، سونداي-اق جۇمىس ورىندارىنداعى ەڭبەك جاعدايلارى مەن ەڭبەكتىڭ قورعالۋىنا تەكسەرۋ وتكىزۋدى جانە قىزمەتكەرلەردى كورسەتىلگەن تەكسەرۋلەردىڭ ناتيجەلەرى تۋرالى حاباردار ەتۋدى، ۇجىمدىق شارتتىڭ (كەلىسىمنىڭ) ەڭبەكتى قورعاۋ تۋرالى بولىمىنە ۇسىنىستار جيناۋدى ۇيىمداستىرادى.

      ەسكەرتۋ. 39-تاراۋ 339-1-باپپەن تولىقتىرىلدى - قر 2012.02.17 № 566-IV (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.

40-تاراۋ. قازاقستان رەسپۋبليكاسى ەڭبەك زاڭناماسىنىڭ
ساقتالۋىن قوعامدىق باقىلاۋ

340-باپ. ۇيىمدا ەڭبەك زاڭناماسىنىڭ ساقتالۋىن قوعامدىق باقىلاۋ

1. ۇيىمدا ەڭبەك قاۋىپسىزدىگى جانە ەڭبەكتى قورعاۋ سالاسىنداعى قوعامدىق باقىلاۋدى ۇيىمنىڭ كاسىپوداق كوميتەتى، ال كاسىپوداق بولماعان كەزدە قىزمەتكەرلەردىڭ جالپى جينالىسى (كونفەرەنتسياسى) سايلايتىن ەڭبەكتى قورعاۋ جونىندەگى قوعامدىق ينسپەكتور جۇزەگە اسىرادى.

2. قىزمەتكەرلەردىڭ رەسپۋبليكالىق، سالالىق، وڭىرلىك بىرلەستىكتەرى ۇيىمداردا ەڭبەك زاڭناماسىنىڭ ساقتالۋىن قوعامدىق باقىلاۋدى مۇنداي قۇقىق كەلىسىمدەردە جانە ۇجىمدىق شارتتاردا بەكىتىلگەن جاعدايدا جۇزەگە اسىرادى.

3. جۇمىس بەرۋشىلەر انىقتالعان بۇزۋشىلىقتاردى جويۋ تۋرالى تالاپتى العان كۇننەن باستاپ بەس جۇمىس كۇنى ىشىندە ەڭبەكتى قورعاۋ جونىندەگى قوعامدىق ينسپەكتورعا وسى تالاپتى قاراۋ ناتيجەلەرى جانە قولدانىلعان شارالار تۋرالى حابارلاۋعا مىندەتتى.

ەڭبەكتى قورعاۋ جونىندەگى قوعامدىق ينسپەكتور وسى كودەكستىڭ 341-بابىندا كوزدەلگەن وكىلەتتىكتەردى جۇزەگە اسىرۋ كەزىندە ەڭبەك قاۋىپسىزدىگى جانە ەڭبەكتى قورعاۋ قىزمەتىمەن (ەڭبەك قاۋىپسىزدىگى جانە ەڭبەكتى قورعاۋ جونىندەگى مامانمەن), مەملەكەتتىك ەڭبەك ينسپەكتسياسىمەن ءوزارا ءىس-قيمىل جاسايدى.

      ەسكەرتۋ. 340-باپقا وزگەرىس ەنگىزىلدى - قر 27.06.2014 N 212-V زاڭىمەن (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi).
341-باپ. ەڭبەكتى قورعاۋ جونىندەگى قوعامدىق ينسپەكتورلاردىڭ قۇقىقتارى

ەڭبەكتى قورعاۋ جونىندەگى قوعامدىق ينسپەكتوردىڭ:

1) جۇمىس بەرۋشىلەردىڭ ەڭبەك قاۋىپسىزدىگى جانە ەڭبەكتى قورعاۋ جونىندەگى نورماتيۆتىك قۇقىقتىق اكتىلەردى، جۇمىس بەرۋشىنىڭ ۇيىمدارداعى جۇمىس ورىندارىندا قالىپتى ەڭبەك جاعدايلارى مەن قاۋىپسىزدىك تەحنيكاسىن جاساۋ جونىندەگى كەلىسىمدەردى، ۇجىمدىق شارتتاردى ساقتاۋىن قوعامدىق باقىلاۋ ارقىلى جۇمىس بەرۋشىلەر الدىندا قىزمەتكەرلەردىڭ ەڭبەكتى قورعاۋ قۇقىقتارىنىڭ قورعالۋىن جۇزەگە اسىرۋعا;

2) وندىرىستەگى جازاتايىم وقيعالاردى تەرگەپ-تەكسەرۋگە جانە مەملەكەتتىك ەڭبەك ينسپەكتورلارى جۇرگىزەتىن ەڭبەك قاۋىپسىزدىگى جانە ەڭبەكتى قورعاۋدىڭ جاي-كۇيىن كەشەندى تەكسەرۋلەرگە قاتىسۋعا;

2-1) قۇپيالىلىق رەجيمىن، قىزمەتتىك، كوممەرتسيالىق نەمەسە زاڭمەن قورعالاتىن وزگە دە قۇپيانىڭ ساقتالۋىن ەسكەرە وتىرىپ، قىزمەتكەرلەردىڭ جۇمىس ورىندارىنا كiرۋگە;

3) جۇمىس بەرۋشىلەردەن جانە ۇيىمداردىڭ وزگە دە لاۋازىمدى ادامدارىنان ءوز فۋنكتسيالارىن اتقارۋ ءۇشىن قاجەتتى، ونىڭ ىشىندە جازباشا تۇردە اقپارات پەن تۇسىنىكتەمەلەر الۋعا;

4) جۇمىس بەرۋشىلەردىڭ كەلىسىمدەردە، ۇجىمدىق شارتتاردا ەڭبەكتى قورعاۋ بولىگىندە كوزدەلگەن مىندەتتەمەلەردى ورىنداۋىن تەكسەرۋلەردى جۇزەگە اسىرۋعا جانە تەكسەرۋ قورىتىندىلارى بويىنشا لاۋازىمدى ادامداردىڭ اتىنا انىقتالعان بۇزۋشىلىقتاردى جويۋ تۋرالى ۇسىنىستار ەنگىزۋگە;

5) وندىرىستىك وبەكتىلەر مەن ءوندىرىس قۇرالدارىن سىناقتان وتكىزۋ جانە پايدالانۋعا قابىلداۋ جونىندەگى كوميسسيالاردىڭ جۇمىسىنا قاتىسۋعا;

6) ەڭبەكتى قورعاۋ تۋرالى نورماتيۆتىك قۇقىقتىق اكتىلەردى ازىرلەۋگە قاتىسۋعا، ولارعا ءوز ۇسىنىستارىن ەنگىزۋگە;

7) قازاقستان رەسپۋبليكاسىنىڭ ەڭبەك قاۋىپسىزدىگى جانە ەڭبەكتى قورعاۋ تۋرالى زاڭناماسىنىڭ، ەڭبەكتى قورعاۋ بولىگىندە كەلىسىمدەر مەن ۇجىمدىق شارتتار ەرەجەلەرىنىڭ بۇزىلۋىنا، وندىرىستەگى جازاتايىم وقيعالار مەن كاسىپتىك اۋرۋلاردى جاسىرۋعا كىنالى جۇمىس بەرۋشىلەردى جانە ۇيىمداردىڭ وزگە دە لاۋازىمدى ادامدارىن جاۋاپقا تارتۋ تۋرالى تالاپتارمەن ءتيىستى مەملەكەتتىك ورگاندارعا جۇگىنۋگە;

8) ەڭبەك جاعدايلارىنىڭ وزگەرۋىنە، قازاقستان رەسپۋبليكاسىنىڭ ەڭبەك قاۋىپسىزدىگى جانە ەڭبەكتى قورعاۋ جونىندەگى زاڭناماسىنىڭ بۇزىلۋىنا، كەلىسىمدەردە جانە ۇجىمدىق شارتتاردا، سونداي-اق ەڭبەك شارتتارىندا كوزدەلگەن مىندەتتەمەلەردىڭ ەڭبەك قاۋىپسىزدىگى جانە ەڭبەكتى قورعاۋ بولىگىندە ورىندالماۋىنا بايلانىستى ەڭبەك داۋلارىن قاراۋعا قاتىسۋعا;

9) قىزمەتكەرلەردىڭ ەڭبەك مىندەتتەرىن ورىنداۋعا بايلانىستى جاراقات الۋى نەمەسە دەنساۋلىعىنىڭ وزگە دە زاقىمدانۋى سالدارىنان كەلتىرىلگەن زياندى وتەتۋ قۇقىقتارىن قورعاۋ ءۇشىن ءارى قىزمەتكەرلەردىڭ ەڭبەك قاۋىپسىزدىگى جانە ەڭبەكتى قورعاۋ قۇقىقتارىنا قىسىم جاسالعان باسقا دا جاعدايلاردا قىزمەتكەردىڭ ءوتىنىشى بويىنشا تالاپ قويىپ سوتتارعا جۇگىنۋگە قۇقىعى بار.

      ەسكەرتۋ. 341-باپقا وزگەرىس ەنگىزىلدى - قر 27.06.2014 N 212-V زاڭىمەن (العاشقى رەسمي جاريالانعان كۇنىنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi).