ەلورداداعى №1 اۆتوبۋس پاركى كارانتينگە جابىلدى. بۇل تۋرالى قالا اكىمدىگىنىڭ رەسمي سايتى حابارلادى.
مونيتورينگ بارىسىندا №1 اۆتوبۋس پاركىنىڭ قىزمەتكەرى كوروناۆيرۋس جۇقتىرعان اداممەن بايلانىستا بولعانى انىقتالدى. قىزمەتكەرلەر مەن جولاۋشىلاردىڭ قاۋىپسىزدىگىن قامتاماسىز ەتۋ ءۇشىن اۆتوپارك كارانتينگە جابىلدى. اۆتوپارك پەن اۆتوبۋستار دەزينفەكتسيادان ءوتتى. قىزمەتكەرمەن جاقىن قارىم-قاتىناستا بولعانداردىڭ ءبىر بولىگى ستاتسيونارعا جاتقىزىلسا، ال قالعاندارى ءۇي كارانتينىندە.
2020 جىلدىڭ 27 ناۋرىزىنان باستاپ ەلوردادا جولاۋشىلارعا اۆتوبۋستىڭ الدىڭعى ەسىگى ارقىلى كىرۋگە تىيىم سالىندى. جۇرگىزۋشىلەر وتىراتىن جەر ارنايى لەنتامەن قورشالدى. قولما-قول اقشا تولەۋگە بولمايدى. قولما-قول اقشاسىز تولەمدەر عانا قابىلدانادى. (بۇگىنگى تاڭدا قولما-قول اقشاسىز تولەم ۇلەسى 98% -دى قۇرايدى).
26 ناۋرىزدان باستاپ اۆتوبۋستار كەشكى ساعات 19.00-گە دەيىن عانا جۇرەدى. 28 ناۋرىزدان باستاپ كارانتيندىك ايماقتا ورنالاسقان بارلىق قالا ماڭىنا قاتىنايتىن اۆتوبۋستاردىڭ قوزعالىسى ۋاقىتشا توقتاتىلدى. ولار قوسشى، تايتوبە، جىبەك جولى، تالاپكەر، قوياندى، قىزىلسۋات، ى.التىنسارين، "نۇرلى" ساياجاي كەنتتەرى (№ 301, 302, 303, 304, 306, 307, 313, 314, 319, 320, 321, 322, 326).
قر پرەزيدەنتى جانىنداعى توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيانىڭ شەشىمىنە سايكەس، 28 ناۋرىز ساعات 00.00-دەن باستاپ، بىرقاتار قوسىمشا قاتاڭ شارالار بەكىتىلگەن: 1. ازىق-تۇلىك، ءدارى-دارمەك ساتىپ الۋدى جانە جۇمىسقا بارۋدى قوسپاعاندا، ازاماتتاردىڭ تۇرعىن ۇيدەن شىعۋىن شەكتەۋ; 2. حالىق كوپ جينالاتىن ورىنداردى جابۋ (ساياباقتار، سكۆەرلەر، جاياۋ جۇرەتىن كوشەلەر، جاعالاۋلار، ويىن الاڭدارى جانە ت. ب.); 3. قوعامدىق كولىك جۇمىسىن كەزەڭ-كەزەڭمەن شەكتەۋ; 4. كوشەلەردە جانە باسقا دا قوعامدىق ورىنداردا ءۇش ادامنان ارتىق توپتاسىپ جينالۋعا تىيىم سالۋ (وتباسى مۇشەلەرىنەن باسقا); 5. كامەلەتتىك جاسقا تولماعانداردىڭ ۇلكەندەرسىز سىرتتا جۇرۋىنە تىيىم سالۋ.
