الماتىداعى ورتالىق مادەنيەت جانە دەمالىس ساياباعى (بۇرىنعى گوركي اتىنداعى ساياباق) 1 مامىر، سەنبىدە دەزينفەكتسيالاۋ جۇمىستارى جۇرگەندىكتەن جابىق بولادى، دەپ حابارلايدى "ادىرنا" ۇلتتىق پورتالى.
«2021 جىلدىڭ 1 مامىرىندا الماتى قالاسىنىڭ ورتالىق مادەنيەت جانە دەمالىس ساياباعى سانيتارلىق-دەزينفەكتسيالىق تازالاۋ ءۇشىن جابىق بولادى»، -دەپ حابارلادى اكىمشىلىك حابارلاماسىندا.سونىمەن قاتار، 1 جانە 2 مامىردا قوعامدىق كولىكتەر ورتالىق مادەنيەت جانە دەمالىس ساياباعىنا قاراي جۇرمەيدى.
"1 جانە 2 مامىردا تروللەيبۋس جەلىسى مەن كابەلدىك جەلىدە جۇرگىزىلىپ جاتقان جوندەۋ جۇمىستارىنا بايلانىستى گوگول كوشەسى بويىمەن باتىس جانە شىعىس باعىتتا - كالداياكوۆا كوشەسىنەن پكيو ايالداماسىنا دەيىن تروللەيبۋس جانە اۆتوبۋس مارشرۋتتارىنا وزگەرىس ەنەدى", دەپ قالالىق موبيلدىلىك كەڭسەسىنىڭ حابارلاماسىندا ايتىلعان.
"ادىرنا" ۇلتتىق پورتالى
(فوتو اشىق Zagranitsa.com)
ۇقساس جاڭالىقتار
