كوروناۆيرۋس: قاي ەل قانشا وتەماقى تولەيدى؟

496

اقش ۇكىمەتى ءۇش اپتاداعى كوروناۆيرۋس زاردابىن وتەپ، ەل ەكونوميكاسىن قولداۋ ءۇشىن ەرەسەكتەرگە – 1000, كىشكەنتاي بالالارعا – 500, ال وتباسىندا ءتورت جانى بار ۇيلەرگە 3000 دوللاردان  ۇلەستىرۋدى قولعا الدى. اق ءۇي بۇل ماقساتتا 500 ملرد دوللار جۇمساۋعا ءازىر وتىر. ەگەر ىندەت ءۇش اپتادا توقتاماسا، الداعى ءۇش اپتا ءۇشىن اقش ازاماتتارى تاعى دا وسىنشاما قارجى الادى.

جاڭا زەلانديا بۇدان دا اسىپ ءتۇستى. پرەزيدەنت دجاسيندا ادەرن ءاربىر سالىق تولەۋشىگە ءبىر جىلعا 7020 جاڭا زەلانديا دوللارىنان تولەۋگە پارمەن ەتتى. بۇل – 1 ملن 772 مىڭ 269 تەڭگە دەگەن ءسوز.

ۋكراينا ۇكىمەتى ىندەت ۋاقىتىندا 65 جاسقا دەيىنگى زەينەتكەرلەردى قارجىلاي قولداۋدى قولعا الدى. زەينەتاقىسى 5000 گريۆەنگە (79 899 تەڭگە) جەتپەيتىن 10 ميلليوننان استام زەينەتكەر، 4000-نان استام مۇگەدەك پەن الەۋمەتتىك زەينەتاقىعا كۇنى قاراپ وتىرعان توپقا اي سايىن قوسىمشا 1000 گريۆەن (15 979 تەڭگە) تولەمەك.

 رەسەي استاناسى ماسكەۋ مەرى سەرگەي سوبينيان  كارانتين ءتارتىبىن تولىق ساقتاعان زەينەتكەرلەرگە 26 ناۋرىزدان 14 ءساۋىر ارالىعىندا 4000 رۋبلدەن (22 756 تەڭگە) تولەيتىنىن حابارلادى. پرەمەر-مينيستر ميحايل ميشۋستين باسقا ايماقتىڭ گۋبەرناتورلارىنا  ماسكەۋ مەرىنىڭ ءىسىن ۇلگى ەتۋگە شاقىردى.

  قازاقستان ۇكىمەتى ەلدە توتەنشە جاعداي جاريالاۋعا بايلانىستى كىرىس كوزىنەن ايىرىلىپ قالعان تۇرعىندارعا ايىنا ەڭ تومەنگى ايلىق جالاقى كولەمىندە (42 500 تەڭگە) تولەمەكشى. مۇنداي كومەكتى 1,5 ميلليون تۇرعىن الۋى مۇمكىن.

پىكىرلەر